2005/11/30 (水曜日)
朝早的日本語課， 真係撞鬼， 成班人都遲到， 差少少就 one-to-one...
下午望着那個 Matlab 的 program， 首先唔係太明個 function， 跟住昨日聽了個同學仔的 idea， 聽起上來好像幾合理， 於是試試試， 但一來自己想試用 multi-dimension 寫， 但總覺得有一大堆問題... anyway 最後去了問真田先生， 明了個 function 之後不消一會就完成個 program... 整鬼。
之後回去時， 又整鬼， 好好地坐底時無端端由上面跌左個公事包落黎... 撞到個頭撞到副眼鏡， 都未搞清發生乜事， 就見到那公事包的物主走黎問有冇事， 好在只是稍微撞到， 眼鏡也沒有甚麼問題， 坐在隔離的小朋友好像都沒有問題， 萬事 OK 啦。 不過諗番轉頭個公事包跌落黎那時好像大聲的嘩了一聲， 唔....
2005/11/29 (火曜日)
好耐冇 mid-term 喇， 今日朝早番去做定張貓紙， 唔， 雖然 open book, 不過本書成七年前， 仲要和今日考的內容冇關係... 點都好， test 始終要 test， 死就死， 結果六大條作文題。 唉， 雖然要寫一篇睇得明的日本語應該沒有問題， 不過始終要唔少時間， 加上平時冇幾可寫字， 結果很辛苦的不斷寫字， 冇錯係不斷寫字， 因為基本上所有東要都係資料性的東西， 從今朝張貓紙搬番出黎... 係咁寫係咁寫。 唉， 應該都炒。
之後做 Matlab 都唔係太順利， given 左一個 function， 唔係太明， 講乜呢.... 唔。 整鬼。
2005/11/28 (月曜日)
靜到連蚊飛過都聽得到咁濟。 因為笹瀬先生出 trip 去了美國的關係， 大部份人自動消失， 很靜的一天， 靜得很想訓， 不過聽日中間テスト， 即係 mid-term! 嘩， 好掛住呢個名詞呀！ 很久沒有聽過了。 不過掛住還掛住， 要溫書真係唔知點， 尤其係 mid-term 的這科學過乜都唔係太知。 死緊。
下午突然被捉了去看 Matlab 功課， 嘩， 真快手。 唔， 唔， erfc， 很久沒有見過喇。
2005/11/27 (日曜日)
無風無浪的一日。 哈哈， 最近好像靜了少少呢。 唔， 可能是臨近日本語能力試験？ 不少同學好像都在備戰狀態。 唔， 很悠閒♪♪♪
タマ姉のことが好きなのに、好きになるのは怖い。冗談冗談で自分の気持ちを誤魔化すなんで、結局お互いのことを傷つけるだけ。自分を飾らないで、素直になろう。
なんとなくこれで一旦終わりになるね。お疲れさま。
2005/11/26 (土曜日)
半昏迷。 不用多說。 晚上準備去買貓糧的時候見到個朋友， 結果無端端一路食西北風一路傾左半個鐘....
素敵な何かを見付けたか。めでたしめでたし。でも自分で全ての責任を取るなんでなんとしても納得できないね。
2005/11/25 (金曜日)
戦利品目:
ギャラクシーエンジェル II & I デュエット CD 3 ナノナノ・プディング and ヴァニラ・H
トゥハート2 キャラクターソングズ
TV アニメーション トゥハート2 OP ED
トゥハート2 デスクトップアクセサリー
有時都覺得自己幾麻煩。 第一， 坐車成日都訓過龍， 通常過一兩個站都算。 今日過左幾多個站呢？ 好在唔係急行， 唔係去左中華街都唔知乜事。 不過第二麻煩的是有時都幾優柔不断， 坐過頭， 諗住横掂都係先去横浜買今日的戦利品， 繼續向同一個方向進發， 諗下諗下， 都係放學後先去吧？ 結果就浪費了不少時間。 哈哈， 不過也就很偶然的， 竟然在回程的火車裏撞到一個 lab mate， 咁多班火車， 火車咁多人咁多卡， 咁都撞到， 雖然未至於天文學確率， 但點都唔過 1% 吧？
繼續昨日的 holiday mood， 今日正正式式沒有堂上， 當然地用了不少時間 warm up 先至叫做可以進入作戰狀態， 哈哈， 真慘。 現在還可以以未有頭緒去掩飾， 之後呢？
放學（正確來說沒有放學可言， 都冇上堂）， 也終於走去横浜去買今日的戰利品， 由於是 CD 的關係有獎抽， 之前次次也是貼紙， 就連拎都懶去拎， 今次， 咦？ 今次抽中的 memo pad, 還有人生ゲーム? ラッキー! やた! えへへ (このみ口調)
之後一整晚的聽 CD， 間中這樣也不錯。 基本上所有的歌都沒有甚麼地方可以挑剔。 Good!
2005/11/24 (木曜日)
還算平淡的一日。 今個星期完了個 presentation， 同時地因為三田祭的關係很多課堂也休講， 簡單地說是完全的 holiday mood， 都唔明宝木先生點解咁唔通氣今日走黎上堂（順帶一提今日上堂的人數好像一半都唔夠）， 唔， 另外在研究室也是大半時間發呆。
「心がるから痛みや喜びを知ることができるじゃない。痛みや喜びを知って、心ガ生まれるんですね。いくつもの出会いが心になる。もしかしたら、心はこの世界の表面を伝う、さざなみののようなもの。心は身体の中にあるのではなく、外にいるのかもしれませんね。」だって。四人でラブラブ? 好きだからね。 珊瑚、瑠璃、イルファ
2005/11/23 (水曜日)
夜晚可以說是昨日所說義工活動的續編。 不過今日只是一班人飲飲食食。 這種飲飲食食嘛， 其實來到這裏半年也試過不少次， 不過今日比較特別， 第一就是很多人也是初次出現（包括我在內）， 彼此認識了的時間平均可能不過一小時。 第二就是今次得我一個留學生， 其它全部都是日本人。 唔， 以前這類聚會多數也是留學生一起， 又或是左加一個巴斯光年右加一個唔知乜人等。 今次嘛， 唔， 日本語能力還是又限。 始終要聽他們之間的對話真的幾難， 不過他們和我傾時都算有就住我黎講， 對話也總算成立吧？ 整體黎講不錯的一晚， 也認識了幾個朋友（雖然很多人去不過很多連說話的機會都沒有呢）。
2005/11/22 (火曜日)
三田祭
唔， 今日和 Mandu 去了看三田祭（其實都幾悲， 早知禮拜日去）， 上個月的矢上祭沒有去， 不過我們學校來說三田祭始終比較大型喇。 呀， 這種學園祭， 看得多日本漫畫的人都應該大約聽過， 中學也好高中也好大學也好， 每年大約秋天的時候的一種大型活動。 不少學會也好部活也好， 開下小食店喫茶店， 當然大學所舉辦的一般惢較大型， 然而要是兩大私立大學-- 慶應和早稲田， 就更加誇張。 這種學園祭， 唔參加始終有點覺得少了點東西。
簡單地說就真的很熱鬧喇， 可能前兩日來會更加多人？ 見到最多的應該是食店， 有 dance performance， musical, Animate CG show，占卜，アニメ研究会... 真的很不錯。
而其中一個不太起眼的反而駐足了很久， 是一個關於義工的活動喇。 始終現時在這裏的生活圈只限於研究室， 会館， 別科同學， 幾個香港人， 之外真的沒有甚麼。 義工嘛， 暫時聽到的會是在渋谷掃街（？）， 不過這裏除了介紹義工活動之外也介紹了一些古來的日本文化， 例如躾(しつけ)， 志(こころざし)， 勿体ない(もったいない)， 有點唔講唔知的感覺。 某程度都是幾吸引的說話， 不過實際如何還是要參與之後才可以有 comment 呢。
何をしたい、何をなりたい。長瀬だろうが、十波だろうが、ホントにそんなに関係があるの。由真は由真のままでいい。でもホントにびっくりした。まったく知らない一面があるなんで。僕にできることがあるの。
2005/11/21 (月曜日)
今日本身因為三田祭而放假， 但因為研究室的 meeting 所以都係番學。 本身諗住趁坐火車時拎部 notebook prepare 一下自己的 presentation, 不過唔覺意見到個巴記朋友（唔係巴斯光年）， 結果都唔係幾好意思拎部 notebook 出黎做自己野。
點都好， 食完飯開會， B4 present 完之後稍稍休息就到我， 唔， 少少都叫做有 prepare 過啦。 自覺都算比起上次順利點點， 哈， 雖然研究內容方面都幾空泛（有點覺得自己在呃飯食， 如果係打工的話）， 不過關於 OMNet++ 方面都總算可以引起笹瀬先生和一些同學的興趣， 黎緊的時間要好好鑽研 OMNet++ 喇， 不過始終唔係容易呢。
話時話昨日看天氣報告， 唔講真係唔知原來近來夜晚的溫度已經降到十度以下， 不過依舊地 T-shirt 加件風褸， 但... 自己對溫度真係遲鈍成咁？
2005/11/20 (日曜日)
まなかがどうして一生懸命他の人のためにお世話するのかどうやら分かった。でもそれがやっぱり自分に一番大切の人のためじゃないか。嘘なんか吐いてないじゃない。他の人のために頑張ったことがきっと他の人に伝えるよ。
お互い追いかける、なにかあっても、きっとまた出会って、覚える。だから優季、待ってるよ。
2005/11/18 (金曜日)
好好， 不用上堂， 點都好去了 lab， 始終係星期五， 悠悠閒的過這一天。 哈哈。 仲要早走添， 有點過份。 不過實在是太眼訓了。
唔， 回到去主要也是放鬆一下自己， 打打機， 與及準備一下下星期的 presentation... 好好， おやすみ
2005/11/17 (木曜日)
ポムの誕生日パーティー
戦利品目:
トゥハート 2 オリジナルサウンドトラック
很早回到去， 之前冇買定早餐， 特地回學校試試這裏的肉まん， 雖然算是不錯但始終水準有限...
朝早買了的咖啡， 呀， 忘記了飲的情況下走左去上堂， 結果成堂都係同周公扯大纜...
今日番到 lab， 巴斯光年真係有點問題， 開䁔氣開到三十度， 佢似乎真係當了這裏是巴基斯坦？ 現在日本的日間溫度大約係十五度左右吧？ 首先室內外的溫差如此激烈的話唔病就有鬼， 其次這種做法十萬個不乎合環保的原則， 講真着多件衫的話十五度根本唔應該係問題吧？ 再唔係開到廿一度左右都已經有多啦？ 唉。
下午的課早了點點完， 哈， 我亦早了走人， 首先是特地走去横浜那邊行行， 講真由學校去那裏都只不過係十多分鐘， 不過一直都懶得過去， 今日趁機過去走走， 去到那裏， 首先火車站已經夠複雜了， 感覺上比起新宿還要複雜呢？ 之後出到去， 完全有點大鄉里的感覺， 哈哈， 話哂都叫東京住， 反而被這裏嚇親添。 不過始終横浜曾經是一個重要的港口嘛， 發達也是理所堂然的。 點都好， 今日目的其實是サウンドトラック， 重要的是要找到ケーマーズ， 不過地型實在太複雜了， 加上記憶模糊， 找了都很久， 最後還是出絕招... 上網看地圖， 哈哈， 還好幅地圖雖然細但都仲睇得到。
之後是ポム的誕生日パーティー， 在渋谷一間餐廳食東西， 這間餐廳的裝修很特別， 有點點異國 feel 啦。 食物也很不錯， 價錢也平得有點點難以置信。 十個人都唔駛萬五埋單， 兌番港幣都係每人一百元多點點， 真係很不錯的介紹呢。 之後去埋カラオケ， 其實係為左搵個地方食蛋糕... 這次誕生日パーティー， 除了識左幾個新朋友之外， 奇就奇在無端端有個很奇怪的傳聞.. 點解無端端燒到我那裏的？ 唔太明， どうしてだろ。 最奇係唔只一個人講， 換句說話即係在佢地之間傳了一段時間了？ 噢？
2005/11/16 (水曜日)
一朝早上的日本語課， 其實沒有特別新的東西學（唔， 講左幾多次呢？）， 也是上去吹吹水咁啦， 今日講到 TRON （東京大學開發的 OS/CPU 等等等的一個大 project）， 延伸講到 Linux/Windows 的東東， 哈， 開正。 不過都幾意外， 這裏的同學都係理工學研， 對這些東西有認識應該說是理所當然吧？ 意外的是日本語先生都對這些東西略有研究呢。 聽他說最初用 Internet 時是 28.8k 的年代， 可以想像到用了電腦至少十年， 對關於 IT 等認識絕對不少呢。 多些機會講講這些東西也是一件好事吧？
下午睡魔依然唔放過我， 一路周太公一路看 paper， 有點像火星文字， 總之就係唔太明啦。
怖い、いまの関係を壊すのは。一体どうすればいいのか。中途半端の優しさはむしろこのみに傷をつける。うん…
2005/11/15 (火曜日)
朝早基本上發呆， 哈哈， 不過都總算和笹瀬先生討論了 research 的東東， 老實講幾大壓力， 總是想準備充足下和他傾這個問題， 不過幾時叫做充足實在是沒有一個明確的界線， 結果係成日都過得一日又一日， 點都好， 今次傾完之後， 修正一下 research 的範圍， 其它東西也總算沒有問題， 都係那句， 希望盡快找到 topic... 哈， research 就係咁， 自問自答， 找一個沒有人問過的問題， 同時地為這個問題找答案...
去到下午的堂都係發呆（其實成個課室都唔知邊個聽緊書）， 最慘係， 下課時突然聽到下個星期休講， 再下個星期中間 Test， 死喇， 究竟呢堂一直學過乜呢， 唔知點溫書添。
之後三點有位太田先生走黎開 talk， 講到關係日本同美國之間一個用 10Gbps 的 4K（HDTV 4 倍）video transmission， 唔， 始終冇實物睇很難明白。 呀， 不打緊了， 之後有個小型 party， 又係飲酒， 雖然我冇飲， 都聞到很勁的酒味。 不過， 老實講， 有點悶添。
2005/11/14 (月曜日)
朝早去了圖書館看看報紙， 剛巧見到馬來西亞的朋友仔， 結果傾計傾了整個早上。
下午上堂， 好耐冇見的 NP Completeness， 嘩， 雖然真係好耐冇見不過真係唔係咁想見到佢。 結果演習（堂上的小 quiz）完全唔明地交了出去。
之後下午看 research paper 時， NP Completeness 又無端端又出現， 真係撞鬼， 平時都唔多見佢架？ 唔緊要， 一路看一路看一路看。
之後六時， 研究室說明會 （for B3）， 齊齊去聽笹瀬先生的說明， 當然我們本身都好熟識喇， 反而之後聽“F 君”的非正式 presentation， 主要都係講講研究室的活動， 每次也好像飲到爛醉， 一時要人擡佢番去， 一時無端端深夜打電話給笹瀬先生， 一時不醒人事等等等... 有趣。
呀， 不過由於遲得濟番去， 趕唔切睇コナン添。
2005/11/13 (日曜日)
十點起身， 最難得係十點前已經有意識了！ 不錯不錯， 繼續治療身理時鐘。
今日會館舉辦甚麼祖師谷藝術節， 唔， 自然不適合我這些理系的人架喇， 不過下午其實有各國的人整野食賣， 其中香港朋友也整左檔煎釀三寶， 也加了布甸等東西， 在香港普通過唔普通的東西在這裏身價突然跳升， 哈， 邊個有興趣的話在東京開番檔這些舖頭都應該可以發過豬頭。 講番今日， 發生了一段小插曲， 話說有兩個大陸留學生走了來和其中一個“股東”厚面皮的要了份煎釀三寶， 另一個股東即刻面都黑埋， 哈， 之前好像有點牙齒印？ 加上又真係幾冇禮貌所以都可以理解喇。 難為另一個股東都有點左右做人難的感覺。 請朋友食點東西雖然很小事， 不過就像行路唔覺意踩貓尾一樣， 一樣嚇你一跳。
今日都很香港， 嘻， 去了拜訪澄清先生， 其實係把那部唔用的 notebook "借"俾佢喇， 不過去佢到玩其實都幾開心喇。 始終在日本裏面和我識得最耐的都非佢莫屬喇， 而且又有香港的手信， 又有人下廚， 唔感動都唔得啦？
2005/11/12 (土曜日)
戦利品目:
トゥハート 2 初回限定版
還是老樣子的訓到一點先叫起身， 不過也算是進步了點吧？ 沒有在食完東西後在訓過， 還特地走了去新宿行街， 哈， 也是時候添少少衣服和買些東西給自己了， 一路行一路行， 行左冇幾耐就天黑了。 噢。
好好控制一下自己的生活節奏還是最重要呢。
2005/11/11 (金曜日)
朝早沒有走堂， 去到課室， 見到大約一半的人， 但見唔到那個 Professor (例遲)， 周圍和人傾下計， 突然傳出上個禮拜那個 Professor 提過休講， 但最離奇的是完全沒有人聽到他幾時休講， 有說今個禮拜， 有說三田祭， 唔， 算， 一場黎到等等， 繼續吹水， 再等， 都係冇人， 奇怪了， 真係休講？ 但再傾多陣， 正當在講開自己唔太鍾意上呢堂時就發現 Professor 入了來了， 冇計， 不過下兩個禮拜真係休講， yeah yeah yeah!
剩下的時間都算平穩地過， 不過果然是星期五呢， 特別眼訓， 勉強留在研究室都沒有意思了。 回去休息。
2005/11/10 (木曜日)
又係休講， 哈， 總覺得入了大学院之後一直都唔係太需要上堂。 不過話雖如此， 卻有一大堆的 paper 去睇。 真係唔知點算。
不過今日都算好彩， 找到一篇和自己的 topic 近似的 paper， 應該可以有點進度吧？
隱蔵了很久而又突然出現的人， 附送一個很可能睇唔完的 web。 幾有心機呢， 講左咁耐到而家都未有心機去 update 自己個 web， 過左咁耐都仲係以前個樣。 反正都沒有甚麼東西， 不如重新黎過可能仲簡單？
2005/11/9 (水曜日)
尚算平實的一日吧？ 唔。 其實也不錯， 最喜歡的始終是悠悠閒又未至於頹廢的生活。
偶然發現 Wine-0.9 (Beta)， 唔， 雖然不太清楚 Wine 的歴史， 不過似乎已經有 12 年歴史呢。 嘩。 點都好， download 試試。 其實之前的 version 都冇話唔 work， 不過就係開唔到 GAEX（應該話開到但畫面有問題）， 今次再試， 嘩！ work 了， 非常感動。 稍稍 config 之後終算很順利的開到呢! 感謝 wine 的 developer~~~~!
2005/11/8 (火曜日)
老實講幾悠閒的一日， 首先是因為今日要上的堂休講， 另外笹瀬先生出了國， 完全在冇王管的狀態。 不過當然地也要做 research 的東西， 不過睡魔很強， 很難集中精神， 撞鬼。
早點休息了。 雖然只是少少唔舒服， 不過還是小心為上。
2005/11/7 (月曜日)
一朝早上 Digital Wireless Communication 的時候就和同學討論到抄功課的問題， 哈， 很懷念這個名詞呢， 很久沒有聽過了， 因為 Professor send 了個 mail 給我 labmates 話佢地份功課有點相似呢。 不過兩個 lab mates 一起去做份 assignment 可能是如有雷同實屬巧合喇(這份 assignment 正路來說變化不大)。 Lecture 開始時 Professor 就面燶燶的提到這個問題， 不過不是 labmates， 而是另外兩個人， 一個人照抄上年的 solutions， 聞說要向 Professor 解釋... 睇佢都死緊（講真， 抵死啦）。 另一個抄書的 solution， 呢個又係抵死， 抵死在抄都抄遠些啦， 在 reference book list 入面的一本書照抄， 真係當個 Professor 白痴咩。 這種人死有餘辜， 唔， 不過幾好奇的是， 究竟抄功課的是日本人還是外國人呢？ 回想起五年前大學時代（撞鬼， 咁耐歴史了）的那次"星點星"事件。 那時也很鄙視抄功課的那個人呢（也因為這件事從此和他劃清界線）， 幾慶幸多年後的今日的想法也沒有甚麼改變。
下午上完堂之後去研究室的 meeting， 聽完某 labmates 的英文真的幾離譜， 巴斯光年那句 カタカナ English 真的沒有說錯。 不過休息後巴斯光年的 presentation 更離譜， 時間控制差得可以， 自己明明講三十分鐘， 結果超時三倍， 有多。 最初預定三十分鐘我都還可以集中精神， 之後已經發現佢講得太慢完全唔入肉， 拎左部 palm 出黎玩 (哈， 後面好像聽到句面白そう， 好像很好玩)。 跟住佢做 ns-2 demo 慢慢改 config file， 嘩， 60 分鐘時笹瀬先生自己走左留低我地班人... 哈， 雖然佢忙沒有辦法， 不過我們真的很可憐。 宮澤さん在那時做了一個很錯的決定， 笹瀬先生交左個波俾佢， 巴斯光年問了句 continue? 宮澤さん答了句 "Go ahead"， 呀， 感受到成班人的怨氣... 過多半個鐘， 都仲未講到 wireless， 慢得過份。 最後終於叫停， 三十分鐘變一百分鐘， 其實， 預左， 有前科嘛。
今日很早完成雜務， 好好享受夜晚 （嘻， 所以今日的日記可以打咁長）
2005/11/6 (日曜日)
可謂繼續的昏迷， 朝早醒過一下， 再訓， 下午起身已經兩點幾了， 唔得， 今日一定要出去剪頭髮， 某程度已經長過頭了。
落雨， 真煩， 唉， 鬼叫尋日唔出去剪咩， 去到髮型屋， 唔見平時幫我剪開那個人， 是但， 入到去， 等下， 發現原來那個人一直都在那裏， 因為髮型轉了所以認不出， 哈， 真是的。
剪完頭髮後， 唔， 唔， 唔， 有點無所事事添。
2005/11/4 (金曜日)
點點的傷風， 唔， 今日還是應該好好休息一下呢？ 很多很多的鼻水， 完全沒有辦法集中精神。 怎算...
哈， 講開黎今日終於果斷地走了朝早那堂了， 沒有甚麼特別事而走堂好像很少發生呢。 可想而知這一堂的無聊程度有幾高。
2005/11/2 (水曜日)
日本語課 cancel 了， 整日都在做研究的東西， 進度... 一般啦， 今日的笹瀬先生好像很悠閒的， 不斷的走入來傾計， 食飯也一起食， 很少可呢？
唔， 好像有點不舒服添， 天氣轉涼還是要注意一下， 現時唔會有人日日叫自己着多件衫嘛， 不過天氣涼了也沒有太大意識到呢。 唔。
2005/11/1 (火曜日)
簡單來說是一半睇 manual 一半睇樓的一日， 可能真係唔太頂得順現時的距離吧？ 實在幾遠， 每日唔見三個鐘都算， 迫車先係一個大問題。 見到有些幾吸引的單位， 唔， 之前買 notebook 元氣大傷， 呀， 早知就留番彈藥啦。 整鬼。
2005/10/31 (月曜日)
インテル ワイヤレス・ブロードバンド技術セミナー 2005 "ワイヤレス・ブロードバンドが創る未来"
今日理論上要上堂， 不過因為今日亦都是 Intel 的 Techincal seminar， 所以走堂， 哈哈， 不過都沒有辦法喇。 上午悠悠閒閒， 下午出去， 又渋谷行去會場， 都好近， 好在冇傻更更坐地鐡過去。
一點鐘左右開始， 為時差不多五個鐘的 seminar， 有英文亦都有日本語， 內容廣而不深， 整體感覺也算不錯， 不過當然五個鐘入面只有十分鐘 break 都唔係容易過。 唔， 點都好， 第一次參與這類 seminar， 不錯。
之後和兩個同學去食雪糕， 唔， 天氣開始涼， 有點那個， 不過吹吹水都不錯啦， 很少機會可以咁有閒情的和這裏的人吹水嘛。
夜晚光明頂講到中國的高等教育， 帶到香港的高等教育， 唔， 政治和教育能否獨立存在， 實在有點令人擔憂， 雖然所說的大概是關於政治文學經濟等敏感學術範圍， 但難保唔會波及 Engineering 等學科。 唔， 唯有放長雙眼睇。