2005/12/31 (土曜日)
大晦日
戦利品目:
トゥハート 2 -colorful note- 1
コミデジ 1
テイルズオブジアビス はじめての預言(スコア)
就這樣 2005 年也到了最後一日了。 訓到唔知幾點先起身， 起身去新宿行下。 唔， 主要是想買那本預言書（個名真係好型， 其實係攻略本）， 也順手周圍行下啦。 年尾總有點點新年氣氛， 周圍也有些日本新年傳統的飾物。 還有狗（狗年喇， 呢度狗年都黎得早過人）。 還不差的氣氛呢。
夜晚很樸實的過這個大晦日， 哈， 看紅白歌合戰， 一般啦， 反而另一堆東西吸引了我的注意力， 就是一些反基督教和離教者的網頁， 其中兩個:
審判基督教
離教者之家
當然地對入面不少的文章都很贊同， 基督徒看的話極需要理智的人指引， 否則這些網頁除了無端端淪為魔鬼的網頁以外（當然， 只在基督徒眼中）別無下場。 清楚我的人大概都知道我對基督教的立場， 今日看多了這些分析， 唔， 很確實的加深了自己的立場。 確益良多， 詳細容後再說。
2005/12/30 (金曜日)
下午難得有個機會去附近的一間 pizza 店吃 lunch， 唔， 可能是因為任食的關係水準也好不了去那裏， 算啦， 吹吹水好過。
偶然間聽到 Bump of Chicken 的カルマ， 亦即是テイルズオブジアビス的主題歌， 唔， 有點閒情走去 TSUTAYA 看看， 咦， 又有得租喎， 哈， harddisk 的容量又少了點點。
最犯賤的東西莫過於和基督徒辯論宗教問題， 跟本是另一種唔同的生物， 唔同次元的東西有乜好溝通？
2005/12/29 (木曜日)
很悠閒的一日， 本來有點點想做功課， 呀， 最後也是沒有心機。 趁下午去食飯時順手到火車站附近閒逛， 真是完全沒有目的。 這樣也不錯。 完全的沒有壓力沒有目的沒有掛慮。
偶然看到平井堅的歌バカ的 CD 出租， 哦？ 幾高效率喎， 當中的 Pop star 之前聽都覺得很喜歡， 當然就租了來聽（和 rip）喇。 真的很不錯。
2005/12/28 (水曜日)
朝早起身繼續TOA ， 一路一路的步向最後， 呀， 爆機。
總括來說是一隻不錯的 game， "Tales of" 這系列來說， 唔， 不能說是最好的一集但也絕對是高水準之作（最喜歡還是 Tales of Symphonia 與及很早前的 Tales of Phantasia）， 這集的男主角ルーク， 最初頗不喜歡， 但後來隨着故事發展也和種種轉變也漸漸投入這個角色。 另外每個同伴， 每個敵人（尤其係六神將）和故事中的不同人物的故事着墨也頗適當， 誰對誰錯其實也變得很難說清楚... 而主軸的預言（スコア）， 某個程度來說也是一個值得反思的問題。
總算完了， 不過很多 sub-event 未玩， 慢慢繼續。
夜晚去到超級市場時偶然發現了些東西， 唔， 哦。
2005/12/27 (火曜日)
真正假期的開始， 晨咁早依舊的被叫了起身。 不過亦都好快再訓過.... 無憂無慮的下午兩點再起身。 第一日假期， 繼續 TOA...
這隻 TOA 相信都過了70％掛？ 已經五十多小時了， 之前的 TOS 冇記錯大約五十個小時左右吧？ 今集明顯地長了呢。
2005/12/26 (月曜日)
博士論文発表公聴会
戦利品目:
ギャラクシーエンジェル II and I デュエット CD 4 カルーア・マジョラム and 蘭花・フランボワーズ
年賀状と他
唔，冬休み（在這裏冇人講聖誕， 我自己也不覺得）中需要番學校， 原因就正如今日的副題所說的博士論文発表公聴会， 即係 PhD thesis defense 喇。 十點開始， 總共三個人。 每個人 expect 兩個鐘(!!)， presentation slide 有成六十張， 計埋 appendix 不敢想像， 尤其最開始的宮澤さん， 真係非常佩服佢， 和他同年出世不過佢已經走得很前很前了， 由細到大不斷不斷的走， 總是想跑在其它人之前， 唔， 當跑前了少少的時候唔知點解又有其它人在老遠的前面跑緊... 唔， 有點老套， 可以做的唯有係繼續跑， 跑到死為止？
anyway 今日都總算體驗到程度的不同了， postgrad 通常約五年， 究竟可唔可以跑足全程都係未知數， 所以唔需要太深究住了。 夜晚本來去飲み会， 不過今日冇乜熟人去， 結果提早開始真真正正放假！ 哈， 當然要去買今日要買的東西啦（遲左幾日喇）。
放假當然是休息， 不過也要好好計劃一下如何好好的過這個假期。
2005/12/25 (日曜日)
朝早還是照老樣子的打機， 哈， 好像都去到中間後半了？ 加加埋埋都玩左四十個鐘喇， 隻 game 十日前買， 即係每日平均都玩左四個鐘... 哈哈。
下午 Lica 搞 party， 反正都算有時間就幫下手順手玩下。 原來會館裏面可以借到這麼大的 hall， 我都係而家先知。 是但啦。 不過入面有部好似好 pro 的音響， 可以亂舞， 幾過癮（雖然最後是係駁了幾條紅白線就算）， 一起駁線的那位仁兄是玩音樂的， 哈， 但絕不代表佢係玩音響， 看見佢整部音響的技巧連我都不如就知 （呵呵呵， 果然是 EE 底的）。
過了一段時間總算 set 好些東西， 接着就係等人。 良久一大班人殺到， 有點點不知是好， 哈哈， 好在都唔駛點幫手。 之後的 party 其實不算甚麼特別， 主要也是吹水食野。 有趣的反而是事後檢討， 包括 Lica 剩下四個人， Lica 作為搞手但好像受到些批評... 好像有點點不公道？ 唔， 不過對事物的觀感有時也會影響一個人的感受喇。 始終唔係當事人， 唯有盡可能的客觀啦...
2005/12/23 (金曜日)
天皇誕生日， 總之就係假期的開始。 好好， 係咁打機。
今集 TOA， 故事都好像不錯， 頗典型的， 兩個對立的國家加一個教會。 信徒也當然是接近被洗腦啦.... 詳細容後再說。
2005/12/22 (木曜日)
今年最後一日上堂。 也只有朝早的 network engineering， 唔， 沒有甚麼大不了， 今日唔夠時間俾我 present， 唔打緊， 明年再黎。
之前冇上兩堂ネットワーク最適化， 今日總要上去找西野先生，去問一問究竟 report 要做甚麼。 唔， 本來只是需要拎張紙咁大把， 結果因為佢知我係留學生就究然很有興趣， 問問點睇大陸點睇台灣， 還有畢業後打算等等等問題。 有點意想不到不過偶然這樣也不錯吧？ 練習一下日本語也好（和先生說話與及和朋友說話語氣頗不同）， 唯一一個投訴就係佢係一個煙鏟， 好在風向不是吹向我這邊， 哈， 望一望 office 裏面的的電腦， 黃色的... 哈哈。
下午也是準備一下資料， 準備一下悠長假期... good...
2005/12/21 (水曜日)
笹瀬研大掃除
上完朝早的日本語課， 留了在研究室等開工， 今日年廿八... 唔係唔係， 年尾大掃除， 哈， 在香港從來都沒有這樣的習慣呢。 他們的諗法， 唔， 帶着點感謝的心情去清潔一下這個關照了自己一整年的研究室？ 雖然打掃這家東西任何大概也是麻煩的東西， 不過不知是一種習俗或是甚麼， 各人都很有密契的去清掃這個研究室呢。 唔， 要好好學習先得。 整左一輪都總算完成， 不錯。 不過之後只是稍稍做了些功課， 研究嘛， 留番遲少少先....
夜晚繼續幫朋友搵電話， 結果食白果。 冇計啦。 都算係盡了人事喇。
2005/12/20 (火曜日)
可以說是戰後的一日吧？ 作戰的不是我所以大概今日也和平時沒有太大分別， 帶着一點點 holiday mood 上堂和迎接冬休。 不過上完堂番到 lab 很意外的見到 M2 的千枝さん， 昨日才完成了 defense 今日就番黎整理事後的工作， 噢， 很勤力呢（其實一向都覺得佢好勤力， 起碼差唔多日日都見到佢）， 似乎我也要向她學習一下呢。
哈哈， 不過始終也是 holiday mood， 回到去便是打機。 不過真係激鬼死， 玩玩下竟然因為一個 bug 困了在地圖之中， 最蠢的是自己唔覺意 delete 左最近的 save... 搞到個幾鐘頭附諸東流... 噢...
2005/12/19 (月曜日)
修論発表
今日番學校， 主要都只係得個聽字， 係咁釣魚。 連續地聽十五個人發表畢業論文都咪話唔係野。 每個人大約四十分鐘吧？ 平時的 meeting 還可以插咀， 今次因為 Thesis defense 作為學生沒有理由出聲吧？ 唯有一路的坐。 不過看見自己 lab 的四個同學仔都算無驚無險的完成吧？ 唔。 還不錯。
之後稍稍休息， 之後， 唔， 也是慣常的飲み会， 唔， 年尾嘛， 都預左架喇， 不過位位 5000 就真係貴少少（今日 thesis defense 的唔收錢）， 唔， 不過也叫做歡迎新的四年生， 但間居酒屋就好像細左少少， 同埋分開哂黎坐, 不過總之嘈餐飽食餐飽飲餐飽就是了。 笹瀬先生坐在同一檯， 不過總之也是玩餐飽。 中間無端端講到二戰(あれ? おかしい)， 先生同フナビキ無端端激辯... R 哂頭， 有趣。 不錯的一晚... 不過沒有去下場 lu， 太眼訓。 回去吧？
無端端收到個 message， 沒有下文， 等等等， あああ、気になる
2005/12/18 (日曜日)
お誕生日おめでとう
戦利品目:
TOA
君のままで
好！ 出街。 今日點都唔可以只係留在會館的了。 首先陪個朋友幫佢個朋友買電話， 其實諗極都唔明。 身在香港買個日本電話為乜？ 為個相機的話就完全唔值， 為個型字的話就沒有說話好講， 唔。 結果今日沒有幫佢買， 一來因為打算去秋葉原睇， 二來就係去到秋葉原沒有貨.... めでたしめでたし...
冇錯， 第二站就係去了秋葉原， 今日鬼咁多人(沒有辦法啦)， 想食個 lunch 都唔知等幾耐， 算了， 行陣街先算， 目的一， 買 CD， 目的二， 買 game， 目的三， 幫人買 game， 目的四， 幫人睇電詁， 目的五， 滿足一下行街慾... 哈， 目的夠清淅吧。 結果算係達成了 3.5 個目的吧？ game 買左， 朋友的 game 買左街也行到唔想行。 但 CD， 雖然買到隻 CD， 不過不是心目中想買的 CD， 不過這隻 CD 也很想買很久的了， 見舊 CD 才 105 円， 唔買真係有點對唔住自己吧？ 不過點都好， 今日也算可以滿足吧？
夜晚突然被問及一個很尖銳的問題， 唔， 充滿疑點， まぁ、否定できないか... 其實唔太明發生緊乜事... ★ えっと、何とかなるでしょうか。確かにそう思ったけど、でも「ワカレタ」ということが全然知らなかったのよ。まぁ、でもどうして別れたなのか、どう考えてるなのかさっぱりね。ちょっと考えてさせてもらおう。
呀， 生日快樂呢。 :)
2005/12/17 (土曜日)
基本上大部份時間也是休息吧？ 唔， 下午突然被弄醒， 也沒有所謂啦， 反正訓得太多對身體唔好... (?)
年尾， 突然地有點興緻大掃除。 其實今日也不過是整理一下那些雜誌和信件等， 掃除， 咁細間房都冇乜好掃啦。 不過執完之後有點感覺上是把所有東西拎出黎然後放番入去的感覺。 唔。 都算執過少少東西喇。 順帶一提， 之前提過的 Green Walker (正體為崇教真光)， 本來今日約定清掃渋谷， 不過既然知道佢正體就當然地放飛機啦...
2005/12/16 (金曜日)
戦利品目:
ギャラクシーエンジェル II キャラクター 1-5
ギャラクシーエンジェル 人生ゲーム
トゥハート 2 のエッセンス
スクールランブル 11
朝早上堂， 好好， 今年最後的一堂馬鹿堂， 和上個禮拜一樣拎部 notebook 去自己做自己野， 免得自己也變做馬鹿...
難得的出了去食 lunch, 那間日高屋中華料理， 唔， 怎樣說始終也是日本料理呢， 不過幾好食又唔太貴(一碗麵一碗飯都不過 650 円)， 偶然間行遠少少也不錯。
放學後去新宿， 目的當然是一霍千金... 哈哈。 加上之前的抽獎劵， 今日都可謂滿載而歸（五大張 single!!）， 另外幫個 friend 搵 game， 無功而還， 自己也試試碰運氣看看找不找到飯島真理很久以前那張 single， 也無功而還。 又另外走去玩クレーンゲーム， 純粹交學費...
整晚也就當然是聽歌和看漫畫等... 不錯不錯。
2005/12/15 (木曜日)
戦利品目:
トゥハート 2 (1)
朝早的課也差不多到尾聲了 (其實很多課也差不多要完呢)， 不錯不錯， 不過在這課 suppose 要有多一個 presentation， 雖然不知道時間上是否許可。 而下午的課也差不多了， final 的 report 也出埋， 剩下的就是作文和一些簡單的問題... 唔。
晚上去了舊書店逛逛， 偶然， 哈。
1192 作ろうジンギスカン♪
794 坊さんジンギスカン♪
ひつじ、ひっつじ、ひっつじ肉♪
2005/12/14 (水曜日)
今朝只有日本語課…理論上， 上到去， 咦？ 休講？ 噢， 真是， 講真點都會番 lab 的情況下其實都不大問題， 但真係唔番到去都唔會知喎。
一路的 research 一路的和其中一個 labmate chat， 其實都覺得自己幾衰， 一路咁呻巴斯光年的種種不是， 哈， 自覺自己都幾八公， 不過原因都係大家都感到有點滋擾吧？ 唔， 強為自己講好說話的話， 或者可以說， 之前都和巴斯光年反映過問題， 咁佢而家唔聽所以呻幾句... 都不算太過吧？ 唔唔... 一応納得できるかな
2005/12/13 (火曜日)
朝早少有地再訓過。 不過話雖如此都不過是訓多一個鐘多些， 唔算太過份吧？ 反正朝早又冇堂。
很開心， 今日不用上那堂情報通信メディア， 可以專心(?)做 research 的東西。 不過今日個 lab 出奇地熱鬧， 唔係太明發生甚麼事...
雖然因為不用上堂而多了時間， 不過最後選擇早些回去(早些：早了三十分鐘)， 唔知點解今日做事非常快手， 很快便完成所有雜務（順帶一提今日炒的茄子完敗）， 晚上突然很空閒... 訓又唔太訓得着... 噢。
2005/12/12 (月曜日)
早來的聖誕晚餐
下午的ネットワーク最適化， 莫名奇妙的， 去到個課室只見另一個 Professor 教ニューラルネットワーク， 咦？ 咁我個課室在那裏呢？ 完全唔知發生乜事， 去 notice board 又唔見有乜特別， 唔， 沒有辦法唯有“走堂”。
下午早了點點走（話雖如此不過都已經入黑了）， 原因嘛， 就係約了之前別科生的朋友食飯， Early Christmas 喎， 也因為如此今早也去了無良印品買禮物， 唔， いいや。 原本約定了在代々木， 結果都係走左去渋谷， 也好， 反正方便嘛。 都冇乜所謂啦。 上到去那間 Cafe， 只係得兩個人到左。 唔， 整鬼。 吹吹水吹吹水都總算人齊喇。 結果一共八人， 兩個 made in HK 六個 made in Thailand... 其實諗番轉頭我好像和泰國都有點奇怪的緣份。 老媽子也是泰國華橋， 另外在這裏也認識不少泰國人呢。 唔。 點都好， 結果這個情況之下很多完全唔明的外泰文不斷的飛出來， 仕方ないか， 唯有飛番些廣東話出來抗衡(?)啦， 真係異常奇怪的一檯， 八個人五種語言（日本語， 泰文， 廣東話， 英文， 普通話）， 搞笑。
開開心心的又一日， 回去後重新 rip 些 CD， 之前 rip 左做 MP3， 唔， ID3v2 的 Unicode 好像有點問題呢？ 反正都係由 MP3 轉用 OGG 也是一個不錯的選擇。
2005/12/11 (日曜日)
唔理咁多， 大大大昏迷。 訓死都係咁話。
晚上突然聽到一個法國人和一個日本人講中文， 的確有點驚， 不過都幾有趣。
很久沒有打過電話番屋企， 主要也是和兄長傾喇， 近來屋企也不算太大變化， 肥狗也好像精神過以前。 唔， 不錯不錯， 元気でなにより
2005/12/10 (土曜日)
番學校聽中期發表， 其實關自己事的東西不太多， 不過下個學期就輪到自己的關係所以當係預習吧？ 不過老實講自己雖然個人係到左， 個心其實都唔知遊左去邊， 基本上就在自己做自己事咁。 哈， 唔緊要啦， 其它人都好像係咁， 最奇的係見到ミャンマー人， 佢好似完全唔識日本語架喎， 黎到都唔識聽啦？ 呢個都唔係重點， 最奇係佢平時都唔多出現架啦？ 唔， 可以介定係世界十大不思議事件的候補。
之後約了澄清先生。 今日和平時很不同呢， 平時都幾孤寒的她今日突然很闊綽， 哈， 原來係出左 bonus， 真快手， 番左工先兩個月就有得出， 真開心。 不過佢開心時我開心， 有人請食飯時又有禮物收（唔， 某程度是ノートパソコン的回禮吧？）。 不過走去クレーンゲーム時反而更加過癮呢。 佢就收獲豐富啦， 雖然我都有兩"隻"鎖匙扣做安慰獎。 不過見今日玩得咁開心就冇乜所謂啦。
2005/12/9 (金曜日)
朝早最無聊的堂異常充實， 獲益良多， 原因只不過係因為拎左部 notebook 去上堂。 下刪三百字。
下午 research 的進度.. 一般啦， 還過得去。 唔唔唔。 究竟點樣 link 那些 library 的？ 噢。
今日唔知發乜神經， 個 ICQ 鬼咁多 random message， 有不少於 20 個奇奇怪怪的 random search， 真係唔明， 我又冇特別改過個 setting 丫？ 唔通係 ICQ 個 server 發神經？ 唔。 有鬼。
2005/12/8 (木曜日)
又係很靜的一日， 朝早上課其實也不太專心， 因為之前學過嘛， 之後一路都係在上網找資料寫日記， 近乎完全沒有聽書...
下午的 security， 播了一套 NHK 關於 security 不同的技術， 當中提到Phil Zimmermann (PGP 的原作者）， 真係有點邪， 前幾日先突然搵番自己個 GPG secret key 等東西， 過幾日就見到 PGP， 不過講真， 好像從來都未見過人用 PGP/GPG 咁濟呢。 人對 security 的要求暫時都不過如此。 我？ 隨時 ready 架喇。
夜晚有人請食飯， 去了學校附近的一間料理屋， 當然主要目的其實也是吹水喇， 不錯， 唔駛錢食飯， 又唔駛自己煮。
夜晚繼續研究 mplayer/mencoder， 沒有進展...
2005/12/7 (水曜日)
オカルト?
沒有甚麼特別的一日， 很靜， 專心（？） research， 不過與其話做 research 倒不如話係 tutorial， 不斷繼續 OMNet++， 果然要苦戰呢。
放學後應約到了目黑， 就是之前提過關於義工的那個團體喇， 今日算是約了兩個人。 不過有點奇怪， 之前的那個「手かざし」怎樣看也有點像某些宗教的奇怪動作(有點像氣功般的， 把手張開對着人或物件就會有某些神秘的力量之類)， 百聞不如一見， 抱着好奇和結交朋友的心態（當初想做義工的其中一個目的也是為了識多些人喇）， 上了去他們所說的「道場」， 在一楝頗西式的 building 裏面有和式的たたみ， 加上各種的裝飾， 已經幾乎可以斷定這是一種異教了（若太早下定論說為邪教就有點偏激了）， 裏面有兩層， 其中一層就真的幾像一個道場， 裏面有一張奇怪的畫軸， 一個奇怪的㓮像。 還有些人穿着一種制服之類的東東。 總而言之就是奇怪啦。 在那たたみ上， 照着那人的指示（基本上是閉上眼一路的坐或是一路的訓）， 眼， 因為閉上了甚麼也看不見； 耳， 聽到些奇怪的日本語（有點類似諗經有點似咒語）， 身體， 有點硬直。 過了段頗長的時間之後也總算完了。 那人問我覺唔覺得身體有點熱.... 老實講， 手心的確出汗（一到冬天就經常係咁）， 但其它東西一概感受不到。 唔... 唔明。 之後稍為傾左陣計， 其中一人終於介紹了這個名為「崇教真光」的宗教團體， 一路看些照片， 心裏一路的想着“果然”， 只是做夢也沒有想到這類宗教團體會在三田祭出現（當時沒有提及關於宗教等東西）， 會這麼巧合的被我遇到， 只是那時沒有想到關於背後這個宗教團體。
晚上到了附近的一間咖喱烏冬。 很好吃。 其實如果撇除宗教的問題的話這樣的吹吹水也不錯。 但之後諗番有點出奇的是， 感覺上兩個人的態度就和以前不少嘗試叫我信基督教的人異常相似， 不同的只不過係他們沒有積極的叫我入教（或者係還未開始而已？）。 哈， 這樣說或者對我的那些基督教朋友有（和家人）有點失禮， 不過感覺就是如此， 總得忠於自己的感覺嘛。
既然知道這個宗教的名字， 晚上就嘗試找找關於這個教團的資料吧。 唔唔， 簡單地說是近幾十年的新興宗教， 可以說是神道教的其中一個分支， 現任教主也只不過是第三任， 信徒數大約是二十萬左右吧？ 同時也找到不少關於這個宗教的批判， 唔， 簡單的結論不言而喻吧？ 雖然暫時看不到對社會的害處， 不過和典型的宗教一樣 mind control 加上奇怪的儀式... 唔。
2005/12/6 (火曜日)
朝頭早沒有堂， 之前都睇死自己唔可以在朝早專心做 research 架喇， 點知真的被自己批中（自我暗示？）， 一朝早在研究如何做 SOCKS proxy （簡單地說是一種 tunnel， 一類穿過 firewall 的技巧）， 又整到喎， 之前在 lab 一直都沒有 ICQ 現在也總算可以了（其實到而家都唔明點解 ICQ 唔可以 tunnel over SSH...）。
下午那堂情報通信メディア特論， 悶到飛起， 好像沒有人聽書似的。 不過呢科最麻煩的係有考試， 唔知幾時考， 搞到都唔知買幾時的機票好。
之後也算乖乖的做 research 喇。 不過 OMNet++ 的 version 之間的 incompatibility 都幾煩... 唔。
晚上偶然有心和 Mplayer 死戰（其實因為 MythTV 太煩同太慢）， 突然搞掂了個畫面， 不過 audio 依然唔明發生甚麼事。 不過也好， 今個禮拜之內都應該可以 set 好吧？
2005/12/5 (月曜日)
上堂， 今日的 Digital Wireless Communication 講到 Forward Error Correcting， 真勁， 佢竟然想一堂裏面講哂我在 ELEC332 一整個 semester 學完的東西， 結果嘛好像沒有人明白佢講乜。 我也只是依稀記得以前學過的東西（大佬四年前喇）， 唔。 算。
上埋下午的堂後和兩個同學仔研究之前那個 Matlab program， 其實應該說是幫他們 debug 吧？ 唔。 不打緊吧？ 反正最近又不是忙到飛起... 偶然這樣也可以吧？ 其中一個馬來同學用 Mac 機寫 Matlab， 果然一個型字。 不過問題係那部 Mac 機重到難以認容， 好像重過我堂年部 P166 呢。 勁。
2005/12/4 (日曜日)
日本語能力試， 今年唔關我事， 不過有幾個朋友考呢。 唔唔， 頑張って、夢の中で応援するから...
不過整日都發了好些奇怪的夢... 很多都印象模糊了， 不過其中一個幾清淅的是唔知點解自己變了ジン(名探偵コナン裏面把工藤新一幼兒化的原兇)， 好像被追捕（的確在裏面見到目暮警部）， 跟住潛伏了在自己在香港的屋企... 找機會逃走... 完全唔明， 跟住就醒了。
之後又有另一個怪夢， 這次比較唔清楚， 不過見到自己在某個類似敵人的秘密基地， 坐升降機去到某層數， 冇錯， 係那些平時見唔到有層數但經某些認証後可以去到的秘密的層數。 入到去氣氛很脆異， 地板就充滿着一些妖氣似的， 入到其中一間類似課室的地方， 有幾個人， 自己在做自己的東西， 叫也沒有反應。 走過去同佢地談幾句後， 說了些東西之後就走了（唔， 好像是日本語， 記唔清楚）， 而之後也就醒了...
另外還有幾個夢的， 不過已經完全唔記得了， 好像... 唔， 還是記不清楚。 偶然這樣也不錯呢。
2005/12/3 (土曜日)
又回到發呆昏迷的一天。 不過昨日都真係幾疲倦。 唔緊要吧？
晚上收到其中一個同學的 email， 內容係佢份功課 professor accept 左， 話如果我們有乜唔識就望下佢的 source code 參考云云， 第一件事係此舉有點點好心做壞事喇？ 真係唔識都唔係咁吧？ 另外好笑的係， 望完佢的 source code 完全唔明佢寫乜， save 個 program 落黎 run 啦， run 左幾十分鐘都未有 result， 雖然話 Octave 好似慢過 Matlab， 都唔駛慢成咁呀？ 後來放棄了 run 個 program， 再望望佢的 source code， 真的... 難以忍受。 感覺或者係有潔癖的人碰見幾年沒有沖涼的人一樣... 人對自己的要求就係咁？ 呀， 佢一片好心但真係有點控制唔到自己添。
2005/12/2 (金曜日)
慶應テクノモール 2005 まもろう、築こう
一朝早走左去上堂， 果然後悔。 今日又唔係番 lab， 跟本唔應該浪費近三個小時（連乘車時間）去上那隻人狼的堂（人狼， 因為佢個名有個 Wolf 字咁解... 總之唔係好嘢）。
之後和中途碰見的 Mandu 合流（都唔明佢走黎 campus 做乜）出發去 Techno Mall， 中途先去渋谷的一間 curry house 食 lunch， 少少貴（1000円）不過幾好食。 繼續行， 去到有楽町， 行幾步就到了會場， 這個會場， 怎樣說呢， 類似會展的施設吧？ 大就好似沒有會展咁大， 不過都唔差得遠， 外觀雖然是靚不過未至於像會展一樣成為 landmark 吧？ 不過問題係在東京有不少類似的施設呢。 不過通通撇除後細心想想， 大學能夠在這些地方搞一個這類 Techno Mall， 都真係幾落本， 莫非這就是私立大學的威力？
上到七樓， 一上到去就見到ゆうこ， 佢似乎等緊笹瀬先生的 fax， 呀， 如果早早知道的話今朝就幫佢拎啦， 唔， 沒辦法啦。 すれ違うか， 之後入到去， 的確有點感覺像入到會展。 很多人， 根據同學所說不少是公司的人， 其次是大學的教授， 還有不少高校生， 大學生等等等。 今日其實遲了少少來， 主要去看了一些自己不認識的東西， 例如 Micro bubble （直徑大約1E-6 前後的水泡）, 幾有趣， 這種 bubble 很容易產生帶電性， 可用作淨化食水， 殺箘等功效， 而且過程中只用到 ozone 作為協助， 某程到來說應該很環保呢（雖然唔太清楚）， 再看其它各種各類的參展， 總算明白今次的主題“サステナブル（持続可能な）社会を支える技術”（不用解釋吧？）。 科技萬歲！
差不多完場時去了自己研究室的 booth 那裏吹吹水， 五點正式完場， 幫手執拾一下， 大約十五分鐘已經執得七七八八， 超高效率！ 之後很 default 的飲み会， 可惜ゆうこさん和ちえさん都走左... 不打緊了， 大飲大食， 食左四千円... 噢。 比平時食得多左好多呢(一個月的飲食費一般都在三萬左右， 即一日平均一千)。 不過好食就唔緊要啦。 反正又唔係日日食。 除了labmate 還有未來 labmate， 最有趣的フナビキ， 任何地方都可以訓到死一樣...
自己的酒量果然很淺呢， 只是飲了少少吧？ 坐火車時有點點不適， 還好出出去吸了些新鮮空氣之後就好多了。 唔 。 總括來說不錯的一日， 唔知下年會唔會輪到我走去 Techno Mall 出展呢...
2005/12/1 (木曜日)
也是正常不過的上課日， 今日要上兩堂， 叫做比起其它日子忙（星期一除外）， 上完堂跟住在整整個 Matlab program （其實都可以交貨架喇， 不過硬係想整靚些） 又夠鐘番屋企。 這種朝十晚六的生活都的確不錯。 不過如果可以搬去近些的地方就更加不錯喇。
晚上都幾搞笑， 和個 labmate chat， 講下講下將未出的 assignment 的題目講出， 佢異常的驚訝與及百思不得其解， 覺得我係一個 "Internet Magician"， 哈哈， 非常喜歡這個形容， 但其實就如一般的 magician 一樣這些只不過一些掩眼法罷了。 稍為認識 Internet 的人都做得到的 trick， 只不過係加上少少如何突破 access control 和少少 prediction 罷了， 在 hacking 來說這些應該只是非常低 level 的㓮蟲小技罷了。