2006/3/31 (金曜日)
昨日某程度被擊沉， 今日繼續做好些個跟底， 唔， 下個禮拜再交過功課吧？ 好好。
不過去到一半唔知點解突然想整好少少個 blog， 哈， 都係改 CSS 罷了， function 上的東西太煩唔想整。 所以話 CSS 的設計真是一流， 改少少東西就可以有很不錯的效果。
另外也看到少少關於 SSI server side include 的東西， 是這個了！ 其實搵左好耐， 以前一直有聽到 SSI 這三個英文字母， 但總覺得是 security 的東西（SSI 是甚麼？ 簡單地說是一種簡單的 preprocessor， 用來做少少 dynamic website 的效果）， 呀， 以我來說可算是一個敗筆喇。 得閒試試先。 （初步試了試， 失敗， 應該是 setting 問題吧？）
2006/3/30 (木曜日)
叫做準備好個 presentation， 悠悠閒閒的過了個早上（都唔知點解時間過得咁快）, 食埋個下午飯， 執頭執尾， 和 Madu，笹瀬先生吹左陣水， 過了不久便和先生傾傾個 research...
未至於全滅， 不過得到的就是△.... 問題出於對整個研究背景的解釋唔夠， 結果就算有甚麼提案也沒辦法有效地表達， 簡單地說就是連笹瀬先生都唔明我想講乜喇。 唔， 就用這幾天重新整理一下先。
2006/3/29 (水曜日)
大学院卒業式
尋日好夜先訓， 結果今朝順理成章地遲起身... 整鬼。
今日回到學校， 繼續作文。 個題目自問都算沒有大問題， 雖然還有不少細節的東西要考慮。 唔， 明日和笹瀬先生討論一下先。 好，作文...
畢業禮， 也就是說（基本上）那些將畢業的人最後一日回校喇（當然沒有人阻止他們之後回來）， 雖然不算很熟絡， 不過也不捨得喇。 恭喜， 再見， 祝前程似錦。 夜晚的 farewell party， 希望不是和他們食的最後一餐啦。
Pebble 2.0 and Java 1.5
這個 blog 其大致來說也滿足了我的要求， 除了貼圖好像比較麻煩之外... 不過看這裏的 help 又好像見到有 button 可以幫手做， 雖然唔知點解搵極都搵唔到， 真奇。
而這個 blog software 最近去到了 2.0.0-M2(?)， 幾想 upgrade 去睇下好唔好， 不過因為新的 code 用 Java 1.5 (or Java 5.0)， Tomcat config 又要改， 最麻煩係 Gentoo 到現在都仍然 hard masked testing 1.5.0... 要試都的確需要些勇氣... 還是等一等， 看看幾時有 feature list 先算。
2006/3/28 (火曜日)
Fresh Day
早早回到學校， 呀， meeting， 繼續聽 B3 的春假報告。 其實都要幾多時間。 沒有辦法啦。
Meeting 完左之後， 今日 suppose 會重新編排座位， 很期待呢！ 心裏有最壞的準備。 問問磯原さん， 佢話喎， 坐在現在位置的照舊， 當場失望。 唉， 沒有辦法， 出去食個 lunch 回回氣, 回來時突然被問到"可以轉位喇。 你轉唔轉？"， 死人都轉啦。 新的座位其實只是在隔離， 不過如果根據 inverse square law， 新的座位比舊座位遠了約三倍， 那麼古龍水濃度應該下降九倍... 雖然沒有這麼理想喇（始終研究室也是密閉空間）， 但已經還得神落。 經過檢討之後， 決定將今日命名為 Fresh Day...
2006/3/27 (月曜日)
繼續努力的一日。 雖然不算很高效率， 不過總算前進中。
不過下午突然一個恐佈襲擊... 巴斯光年的古龍水一直都困擾着坐在隔鄰的我， 聞到陣味瞬時失去戰意。 而今日唔知搞乜鬼那個濃度超乎了平常的境界， 平時最多也是難以集中精神， 今日竟然即時頭暈， 氧氣不足... （原因不明， 推斷是因為自動閉氣系統的過度運作導致正常的氧氣供應不足）。 忍左陣， 都係頂唔順， 決定到圖書館繼續寫 paper... 快快手手拎部 notebook 過去， 都可以掙到個半鐘吧？
回到去， 那陣味已經充滿整個研究室...... 雖然濃度相對下降... 不過還是兩個字: 惡頂！
點都好， 今日回去早早的食飯， 唔知點解突然多左好多時間...
2006/3/25 (土曜日)
昨日聽了光明頂， 講到個閑字， 哈， 就閑俾你睇 （偷懶就偷懶啦）， 去了租コナン的 Secret File Vol 2， 今次沒有上次咁搵笨喇， 雖然得兩個故事， 但兩個也相對地好呢。
2006/3/24 (金曜日)
朝早做一些鎖事先， 首先去了新宿處理張 credit card， 點解去新宿呢？ 因為諗住那裏的外國人 center 可以處理埋資格外活動許可， 點知原來唔得。 反正都帶齊東西了， 便走了去品川的入國管...... 嘩， 多人到丫， 唔記得現在是三月尾， 等左一陣決定於棄了， 還是回 lab 好過。
夜晚去了渋谷買番個飯煲， 今次正正經經買番個普通飯煲了， 還好不算太貴喇。
2006/3/23 (木曜日)
繼承了昨日的傻事， 今朝執好床單等人換（這裏十日左右會換一次床單， 不需自己洗）， 晚上回到來， 咦？ 沒有換到？ 看看點解啦？ 哎呀， 原來明日才換...
今日去到日吉 campus， 哎唷？ 原來今日學部畢業禮， 見到男的着 suit， 女的着はかま(袴)， 幾有趣， 不過問我的話我還是喜歡畢業袍多些。 好在自己買左， 到時畢業拎出黎玩下都好。 哈哈。
2006/3/22 (水曜日)
完全的不在狀態。 真係有鬼。
下午食飯時和 Mandu 去郵便局處理一下他戶口的東西， 整下整下， 個 staff 問要唔要拎錢， Mandu 同我講 twenty thousand， 我就同個 staff 講 two 万.... 撞鬼。
夜晚煮飯時， 擺個煲入微波爐， 個爐無端端出 error， 沒有太為意繼續叮， 叮叮叮， 夠鐘喇， 拎出黎， 嘩， 見到一個燶了的飯餅， 個煲底熔左， 就這樣報銷... 結果今日只有餸可以食。 加上下午那個 KFC 完全唔飽肚， 唉， 唯有去買餅食...
算了， 講番轉頭， 近來見到 Fujifilm 的 F30 ， 非常有興趣， 表面來看完全可以讓我用幾年， 原本的 40i， 如無意外過兩個月可以退休？
2006/3/21 (火曜日)
放假， 結果也是沒有動力回 lab， 訓到下晝...
悠閒的， 去了租「コナン The Secret File No 1」， 入面有三集啦， 第一集有キッド， 有點期待， 點知原來係「まじっく快斗」的其中一集， 跟住亂來的加插コナン， まぁ、還可以啦， 另外兩個 files 幾得意， 雖然比較短...
夜晚嘗試做這個湯飯， 結果頗失敗， 死因其一係個煲太細， 另外火力控制也做得不好呢。 雖然最後煲野都仲食得... 還是炒東西比較沒有難度呢？
2006/3/20 (月曜日)
一整天回學校， 兩個鐘頭聽笹瀬先生向 B4 介紹研究室， 下午飯後 B4 presentation， 沒有甚麼心機聽， 和剛剛回來的 Mandu 研究搬屋的問題... 佢和父親都在日本， 可以用多少少錢租一個大單位， 可真算不錯。 一個人住感覺真的很不同。
哎呀， 明日放假， 番唔番 lab 好呢？
2006/3/19 (日曜日)
今日又好悠閒， 去了租這個「名探偵コナン 天国へのカウントダウン」看， コナン的劇場版大部份也非常震撼加誇張， 簡單些說 action 加懸疑吧？ 雖然之前看過， 但重覆看也覺得很有趣。
另外也租了倉木麻衣的 album， 也算不錯吧？ 慢慢聽。
又另外這兩晚連續地看了草なぎ剛和広末涼子主演的「愛と死をみつめて」， 老實講有點悶， 有點老套， 不過這些往往就最感人， 唔， 看來最套的還是自己呢？
2006/3/17 (金曜日)
今日回 lab， 本來諗住沒有人的， 誰知很多人在 lab， 好像是因為關於下個星期的 B3 論講？ まあ、いいけど。 見到磯原さん， 諗起昨日張成績表， 順口問問佢又考成點， 呀， 都係 B， 佢仲話好幾個識的人都係得 B， 似乎係這個宝木先生手緊呢。 唔， 不打緊了。 反正又唔係肥。
由於好多人（聽覺）， 又熱（觸覺）（班人開暖氣... 我自己一個的話開係會開， 不過係開窗）， 巴斯光年又早番（嗅覺）， 結果無法集中精神添。
題外話， 下午過了日吉 campus 食飯， 飯後回矢上 campus 的時候見到一對母女(?)， 那女孩剛剛高校畢業， 而且好像很有機會來這裏就讀呢， 而見到她們的時候好像是不知怎樣去矢上 campus 吧？ 剛巧我又回去就和了她們同行了， 講講學校的東西等等， 當那女孩見到個 campus 的時候「わ、お城みたい」（嘩， 好像城堡！）， 心裏笑了出來， 原來我一直在お城裏面工作... 不過點都好， 希望這個女孩能順利考入這個お城喇。
2006/3/16 (木曜日)
終於可以擺脱到睡魔， 朝早出門口喇， 不用上學的日子， 要起身番 lab 的確需要莫大的推動力......
回到學校， 和予想一樣最早回到去， 都正常喇， 這種日子沒有幾多人會早番學校的， 再正確的說平時那班人也不會太早回學校， 點都好， 繼續 program， 已經 behind 原先的所定的進度不少了， 唯有努力吧。 和笹瀬先生傾計， 傾一下關於現在的狀況， 不知為何最後總係問我會唔會上 doctor， 可以的話當然想了， 結果能力又是否足夠就係另一個問題喇。
夜晚落雨， 呀呀呀， 麻麻煩煩的， 又唔想買傘（已經唔知有幾多把了）， 冒雨回去， 點知一路行雨就越下越大， 嘩嘩...
終於收到了上個學期的成績單， 即刻打開望望... 咦？ 七科入面有一個 B， 其它 A， 咁似之前別科那張成績表的？ 梗係沒有 perfect， 雖然我也沒有對這個成績有太大要求， 而有 B 其實唔算太出奇， 不過唔開心的是這個 B 竟然出然在 network security 上面... 自問這科都算幾俾心機做， 仲搵埋磯原さん幫手對日本語。 其它不太認真的科目反而過骨... 真係唔明。 （題外話， 自問自己對 network security 這方面的意識亦算非常高...）
另外很久沒有買過正正經經的一本書， 今日買了這本「C++実践プログラミング」(Practical C++ Programming)， 好像是第一本買的日本語 technical 書？ 雖然看過不少 technical 書， 但基本上都是從 lab 或圖書館借的... 不過好書絕對有買的價值喇。 動物園系列（阿 cap 語）某程度也算質素的保證呢。
2006/3/15 (水曜日)
唔， 換好衣服， 出門口前去買咖啡的時候見到認識的人正在學日本語， 本來只是打個招呼， 但就因為一個招呼無端端傾左個幾鐘頭... 傾得咁上下都已經 lunch hour， 番學校都哂氣了。 就這樣這個幾鐘頭學了少少越南語（轉頭唔記得左了）， 下午在房間寫 program （正確來說是寫 comment）...
偶然間想起， 原來窗門很少時間開， 究竟室內積聚了多少二氧化炭呢？
2006/3/14 (火曜日)
ホワイトデー
很難得的朝早起身精神爽利， 悠悠閒閒的食個早餐， 番學校， 不過不是理工學的矢上校舍， 而是文學商學的三田校舍， 點解呢？ 因為今日下午有個 seminar 在東京鐵塔隔離開， 而三田又在那裏附近， 這樣順手也可以回來探望一下別科的先生呢。 不過， 諗係咁諗， 但千辛萬苦才找到的別科 office， 竟然空無一人。 看來這班人是放大假了。 哎呀呀， 就這樣要背着那盒杏仁餅一整日了。 早知在国際センター時送俾竹中さん了。 話哂這個国際センター實在幫過我不少忙， 雖說這是他們的工作... 但沒有他們點可以咁順利在日本落腳呢？ 沒有帶多盒手信是有點失策了。
去到火車站， 匯合研究室的人。 之前笹瀬先生 email 說一是和他一起從矢上出發， 一是在這個神谷町會合， 既然朝早先來了三田， 也就走去神谷町喇。 之後匯合的， 噢， 竟然只得笹瀬先生一人， 其它人全部沒有出現， 大概是因為這個 seminar 是英文， 和不是所有人也和這個 seminar 所提的 topic 有關係吧？ 結果和先生兩個人等了十幾分鐘吧？ 沒有辦法， 於是行去會場。 途中望着東京鐵塔， 笹瀬先生就提到這個三百多米高的東京鐵塔大約在2010年就會被另一座六百米左右的新鐵塔取代， 哦？ 係？ 不過那段時間也正好開始全面數碼廣播， 時間上也吻合呢。
講演會， 唔， 大鑊， 有一半是釣魚的， 另一半唔太明， 剩係 get 到用一個簡單的 feedback algoritm 去找出一個接近 optimal 的 performance... 即係點？ question and answer session， 兩個人發問， 一個是大槻先生（笹瀬先生的學生， 現同在慶應任教）， 另一個是笹瀬先生... 噢， 沒有其它人了？ まぁ。 另外今日的講者之後兩日會到香港和澳門， 所以有點點無端端被捉住傾了兩句， 哈， 唔太習慣添。
2006/3/12 (日曜日)
很久沒有慢慢的行新宿了， 上次因為已經入黑和要做半桶水導遊， 所以都沒有時間好好的行， 今次總算可以好好的行了。
首先去了 Sofmap 賣左很久以前買的 Clie SJ-33， 最初沒有任何期望， 諗住兩千円都照賣， 擺低左部機， 行左陣， 沒有甚麼想買， 走番去睇下驗查成點， 跟住佢同我講七千... 下？ 即刻乜都唔諗就賣啦。 真係仲想點？ 咁舊的 model 都賣到這個價錢都算係咁。
之後在新宿繼續行， 一方面看自己的東西， 一方面買要買的東西， 再另一方面見到一個類似愛護動物協會的組織籌款， 見今日感覺上有點横財， 也就稍稍解囊了。 鬼叫那些狗咁得意（可惜冇帶相機）。
相簿也差不多完成了， 現在就只差最唔想做的打 caption， 當然唔會張張打， 不過都有排整了， 今次找了一些以前唔記得擺 web 的相， 還有小時候影的相呢。 雖然整理欠奉， 哈， 不過這樣亂看也是一個樂趣嘛。 http://www.opalex.net/photos/
2006/3/11 (土曜日)
因為部單車出了點點問題， 下午帶了部單車出去千歳烏山那間舖頭整， 小小零件壞了就要千五円， 都幾貴， 不過沒有辦法了， 這部單車一年來經歴風吹雨打兼封雪， 自問都算保養得不錯的了。
整車需時， 走了去車站附近那間鉄板燒， 吃那個燒牛肉， 簡直係一流。 雖然每次來差不多也是同一個 menu， 不過實在係太好味嘛， 很難唔食這個的。
2006/3/10 (金曜日)
努力工作， 雖然是這樣說， 但還是不能集中得很好呢。 還好唔多唔少都有些進展。
夜晚回到去， 見到同層的一個幾討厭的人（因為成日整到個廚房很污漕）的房外面一箱二箱， 嘩， 終於搬走喇！ 雖然這意味着有其它的人搬入黎， 不過起碼一個確定討厭的人搬走也是一件好事。
2006/3/9 (木曜日)
還是和睡魔鬥爭， 都係唔夠修為。 結果都係下午先至回到 lab。 回到 lab 繼續個 development， 進度... 呀。 另外去了搞個資格外活動許可書， 係時候開始找些外快喇（其實正確些是希望擴大一下現有的圈仔吧？）
早走， 因為約了幾個一起來到慶應的國費留學生， 慶祝她們的入學成功， 今次煮飯仔， 又幾好食喎。 不過吹水時就發覺自己的英文真係唔太得喇， 撞鬼， 完全聽唔到佢地講乜添， 細細聲講， 因為這樣其實今日幾悶的。 不過最緊要還是一起慶祝喇。
2006/3/8 (水曜日)
超眼訓， 結果下午才回 lab， 回到 lab 狀態也是一般啦， 其中一個問題始終是 Java 的 syntax 太過根深蒂固了， 所以有時連 declare 個 array 都出事。 而且認真的 c++ programming 已經是很久以前的事了， 所以也未能說是非常順利。 還好始終 Java 和 c++ 有很多相似的地方， 也未至於唔知點處理。
夜晚， 因為昨晚沒有煮飯， 所以有很多食物剩下， 但今日唔食就過期， 所以一次過煮哂！ 勁！ 那些黑椒實在是太香了！ 雖然極簡單的一道菜不過也很滿足。 不過還是要找多些菜式去學呢。 好好。
2006/3/7 (火曜日)
一個同期得到獎學金的朋友成功入學的消息， 恭喜恭喜。
終於有機會和笹瀬先生傾傾關於研究的進度， 也比較明白關於研究會和國際會議等東西， 雖然現在的進度不算太好， 不過也叫做有個比較清淅的目標吧？ 好好， 今日繼續 programming， 個頭開得一般啦。 有點點 behind 原先 set 的 schedule? 努力努力。
有兩個朋友從香港來玩， 今日就充當一個唔夠班的導遊， 同佢地在新宿一帶行行， 其實都唔係太必要喇。 不過食食飯， 行行歌舞伎町咁啦， 講開餐飯， 去了東口那邊一間回転寿司， 實在很美味（題外話，同時間有人話佢要食即食米粉... 唔， Toro 很好食... 哈， 突然覺得自己好衰添）。 跟住冒險用了學生證幫佢地買左兩張廸士尼門劵, 應該冇問題吧？ 希望...
2006/3/6 (月曜日)
開始 programming， 望着下個月的 deadline， 究竟趕唔趕得切呢？ 有點點勉強， 但都要努力了。
夜晚約了很久沒有見的 Miller くん， 沒想到整得一手好菜， 厲害， 我就沒有太多時間去研究這些東西了， 唔， 這麼快就完了一年喇。 祝一帆風順。
2006/3/4 (土曜日)
澄清先生今日又要去脱智慧齒， 唔， 小心點喇。
周末， 有點點無所事事的感覺， 出了去散步。 首先把過多的漫畫稍為賣出， 嘩， 完全唔值錢。 算了， 拎左出去， 而且又一定唔會再看的了。 之後繼續散步， 專登走去一些未去過的地方， 感覺延不錯的， 反正又唔會咁易迷路也就算了。 哈哈。 不錯不錯。
2006/3/3 (金曜日)
朝早爭扎了一段時間， 最後發現在那個 flash memory 裏有那份差少少未看完的 paper， 所以決定唔番 lab 喇。 真是的， 懶都有過限度嘛。 不過又真的差少少， 也就算了。
看完 paper 的時間基本上用了在打機， 哎呀呀， 真的不健康的生活...
2006/3/2 (木曜日)
戦利品目:
ドラゴンボールZ3
出出入入， 一早去到火車站時， 發現唔見左張定期券， 唉呀，出事了， 好像放了落恤衫袋， 而更大問題就係昨日才洗完衫。 總之冇定期券都總要番番去了， 回到去， 果然在那件濕濕地的恤衫裏面找到張定期券， 有點點外傷吧？ 番番去車站， 又用得喎。 唔理咁多住喇。
一整天的做 research 的東西， 雖然不算太集中但總算 on progress， 唔， 下個星期點同笹瀬先生交待好呢？ 唔理喇， 煮到埋黎就食。
有個朋友想來讀書， 希望佢成功啦。
2006/3/1 (水曜日)
落雨， 真係有點抗拒出門口， 踏單車又係濕， 行路又係濕， 不過基於昨日偷了一日懶今日點都要出門口， 最後唯有行去啦。
遲係遲左些， 認真少少做左個 project plan， 希望自己可以生生性性咁做好個 research 啦。 不過今日就係得個 plan 字， 看 paper 的進度只算是普通。
用乜 plan? 用了一個叫做 ganttproject 的 tool， 以前番工時都用過下的了， 最初接觸 Gantt Chart 應該是 FYP 時吧？ 其實 tools 實在多得很， 但要點樣好好利用就睇人喇。