2006/5/31 (水曜日)
寫寫寫明日的論講， 唔， 仲有篇論文都要寫， 忙到飛起， 不過還是發揮唔到 deadline effect， 唔， 最近好像沒有甚麼動力似的。
夜晚聽收音機， 說到達芬奇密碼， 當中不錯的一段說話（陶傑）， 引述如下：「其實香港的天主教基督教， 有幾多個係內行的， 我都覺得好懷疑。 因為香港教會那些人， 好多腦筋都好閉塞。 如果你同佢講基督教或者天主教， 佢只係接受一個 mindset, 就叫做教條， 如果你話我唔係教徒， 我將耶教當係一個文化黎探討， 對放很多教徒， 佢係完全沒有這樣的心理準備， 一講就話“原教旨，聖經唔係咁講， 聖經係咁講”， 這是他自小接受灌輸的教條， 而唔接受人把耶教當係一種文化去欣賞， 或者係研究， 耶教除了是一個宗教， 還是一個文化， 一個道德價值體系...」， 狹獈的宗教觀， 完全認同。
2006/5/30 (火曜日)
朝早投了搞去 PIMRC 的人， 全部收到回覆， 全軍盡沒。 不過有趣的是， 之前各人唔肯定巴斯光年成功與否， 都唔太希望有機會和他同行去歐洲的 conference， 竟然地因為落選而開心， 不太正常的反應， 最後知道巴斯光年也落選時， 正常的失望反應又走番出黎...
超忙， 唔得閒。 整鬼， 衰乜野 symbol undefined...???
2006/5/29 (月曜日)
富士通研究所見学
晨咁早起身， 因為今日課外授業＠Fujitsu， 六點半起身， 好耐沒有試過喇。 不過早還早， 早左成個鐘頭， 唔， 還是番去 campus 印好份 report 先。
落車時正好見到山中先生， 於是尾隨他走到去集合地點， 哈哈， 人齊， 首先聽 briefing, 跟住睇左兩個 lab， 一個基本上係 EE lab， 另一個基本上係 data centre， 突然有點懷念的感覺...
之後番 lab， 繼續做輪講的東西， 昨晚才發現自己一路看的是 proceedings， 撞鬼喇。 重新來過。
2006/5/28 (日曜日)
戦利品目:
サモンナイトエクステーゼ 夜明けの翼 白夜 featuring エイナ
スクールランブル 5,6
トゥハート2 colorful note 2
下午打算去アキバ之前， 突然有人找食 lunch， 哦， 会館裏面有大食會， 不錯， 就去食餐飽啦。 食食食...
之後去アキバ， 拎住部新相機影下相， 不過主要其實都係找 CD， 找找找， 最後二手的都唔係平， 索性去ゲーマーズ一次過買...
不過今日沒有即時看這個 colorful note， 搞掂之後的輪講先算。
2006/5/26 (金曜日)
戦利品目:
Fujifilm Finepix F30
不斷的想 data structure 應該點搞， 唔， 順手其實也在想個 algorithm 實際點樣 implement 喇。 唔， 也不容易呢， 不過也不能拖太耐喇。 快手。
早了一日到手的 F30， 近期難得一件的期待度， 加上自己是從五年前的機種 upgrade， 拎起手的感覺都不同些。 比起想像中細點點。 重量和大路的機沒太大出入吧？ 出了去試試夜景， 和期待差不多吧？ 掂掂！ 不過有唔少一向都唔識的 settings， 慢慢試下先。 不過話時話， 呢部機唔係用 mass storage, 而是 Picture Transfer Protocol PTP ， 哦， 第一次聽。 又學多樣野喇。 雖然方面過相去其它非 PC 的 device， 不過好像沒有其它特別好處呢？ 唔。 是但了。
2006/5/25 (木曜日)
問了中川先生關於考試的安排， 唔， 試總算唔駛考， 不過十二頁紙的 report， 真係唔知點死俾佢添。 呀。
總算搞掂個 module 喇， 整鬼佢呀， 好好， 快快手手。
期待， 相機...
2006/5/24 (水曜日)
七月北海道大学的研究会的 schedule 終於也出了， 唔， 21日的中午， 不錯喇。 有多點點時間準備。 至於同行的 Madu 就比較慘， 晨咁早就要 present。 Anyway 日期也確定了， 也就要決定行程， 難得去到北海道， 當然想留多一兩日喇， 分別就不過是事前抑或事後， 由於之後同窓会的關係， 都應該事前去玩吧？
未來看得太遠， 現實是要快手的着眼現在， 論文寫唔好的話都唔知點樣交代。 今日不斷的和 OMNet++ 死戰， 還好到最後也總算找到問題的根源了， 哦， 原來要 dynamic loading， 真係。 Programming 永遠的宿命， 就是會被一個細到不得了的問題卡住。 久久沒有寫 program 的我也不例外。
夜晚， 突然走了去八幡山的ヤマダ電気， 予約了 Finepix F30， 近期難得一件的絕大人氣機種（唔知香港那邊點呢？）， 話時話今朝早坐電車時整個車廂也是這部 F30 的廣告（主要也是エビちゃん的廸士尼遊喇）， 富士今次都幾駁命咁... 哈， 我都算係忠實 fans 喇。 好， 期待三日後。
呀， 晚上打電話回家時得悉姨丈過了身， 雖然不是經常探望姨丈， 不過細個時都對我們幾兄弟姊妹很不錯呢。 近年受到疾病困擾， 直至今個月... 希望姨丈早日安息。
2006/5/22 (月曜日)
沒有甚麼特別的一天， 不過近來的生理時鐘又亂左， 加上昨晚的スクールランブル， 三點幾先訓， 所以精神狀態略嫌不佳。
夜晚突然有興緻去找一隻以前玩過的 game 的 OPED， 出了去 TSUTAYA， 空手而回... 也難怪呢， 下星期去アキバ看看也好。
話時話今日無端端有 parttime 送上門， 在學校附近的小學教英文... 聽起來幾有趣， 不過究竟有冇能力應付一班唔知聽唔聽得明自己講野的細路， 還是一個疑團... 唔。
2006/5/21 (日曜日)
很好天氣的一天。 不過也應該好好休息了。 讓身心姑且停一下。 下午去了剪頭髮， 按摩時（在這裏剪頭髮包括小小的按摩服務， 坐得耐個人硬？？）那個人突然問我係唔係做乜運動黎... びっくり！ 又會知道的？ 厲害， 不過似乎也說明了我的肌肉似乎不懂得放鬆呢。 唔...
2006/5/20 (土曜日)
羽毛球時間， 本來想早少少去渋谷買番塊拍， 不過還是不夠時間， 不打緊喇， 体育館也有得借， 雖然不算是很好很好的貨色， 不過也不用要求那麼高了。 打打打， 才一個鐘就好像有點 overrun 呢？ 哈哈， 痛快痛快， 能找到朋友一起打也延不錯的。
之後去了附近吃お好み焼き， 朋友話好食喎， 咁就去食啦， 三個人叫了兩件來吃， 一件所謂激辛也不至於辣得去邊， 令一件魷魚， 非常掂！ 吃吃吃， 哎呀， 落雨.... 整鬼咯。
晚上偶然看到電視播 Da Vinci Code 的特輯， 本身對這套作品沒有甚麼認識， 也沒有甚麼興趣， 不過近日的話題作， 反正在電視做， 一看無妨。 唔， 原來如此， 講黎講去就係話耶穌有老婆的“歴史”被人一直收埋， 跟住 Da Vinci 又口痕痕的籍着不同的作品表現出來云云。 唔， 在我愚見， 首先耶穌本身的存在都已經係一個謎喇， 這個人的存在與否跟本不值一提， 當然當年羅馬教會承認並且利用這個神話去令自己的管治更順利這個行為是時至今日基督教如此横行的一個主因（事實上古時的政教合一與及民智未開確實造就了好幾個宗教到今日仍然盛行， 就如東方的彿教， 中東的伊斯蘭， 西方的基督教等）， 唔， 所謂的 Da Vinci code， 看起來就是小說上的小說， 在人為神話上面的一段野史般... 唔， 不過把這封閉宗教加鹽落藥也幾搞笑的。 有機會也應該看一看呢。
2006/5/19 (金曜日)
朝早， 正確來說都十二點的事了， 有校內的 Softball 比賽， 今日是笹瀬研對三木研， 之前雖然也有比賽過， 不過好像輸了呢？ 今日做啦啦隊(応援係)， 氣氛不算太緊張但也延新鮮的。 雖然最後輸了， 不過沒辦法啦， 對方的投手太厲害了。
繼續做 simulation, 希望下個禮拜可以完成啦。 雖然有點點 tedious， 不過也延好玩的。 比起從零開始做， 每做點點東西就有些成果可以看， 感覺也延不錯的。
2006/5/18 (木曜日)
努力寫 simulation， 進度一般， 總算明白點樣可以 complete 整個 scenario， 不過真的幾 tedious。
另外即席試了 OPNET， 好唔好用暫時都未知， 不過見佢個 library 詳細得有點可怕。 Cisco switch 都唔知有幾多個... 之後值得深入研究。
2006/5/17 (水曜日)
不用上堂其實幾爽的。 當然為了下個月尾的 deadline 點都要摶命的了， 今日重開 OMNet 的 simulation， 首先畫個 network scenario， 有點點 tedious， 唔， 今次的論文就算， 下次可能要考慮一下其它的 simulation tool， 例如 OPNET， 今日才知原來 academic version 係免費的。
今日遲點點走， 就變成了最後一個， 唔緊要啦， 走時見到其中一個同學， 一起走， 這個同學上個月和巴斯光年去高知， 深深明白我的無奈感的一個人。 撞鬼， 五點鐘起身祈禱， 真係唔明。
2006/5/16 (火曜日)
戦利品目：
アルトネリコ 世界の終わりで詩い続ける少女 設定資料集
笹瀬の日， 上堂之後 meeting， 今日的 meeting 比較短， 而較特別的是白須さん的 molecular communication， 沒有想過會突然出現一個這樣的 topic， 有趣。
之後不斷的重開 OMNet++...
2006/5/15 (月曜日)
一路的裝 DesktopBSD， 一路的開始 plan OMNet 的 simulation， 看看下， 原來都唔少東西要處理， 最麻煩相信是 per-source multicast tree... 唔， 用些奇怪的方法吧？
晚上竟然地很勤力地看完了今日派的那份 journal paper， 雖然還有排寫， 不過都幾有趣， 也幾滿意。
2006/5/13 (土曜日)
終於可以大昏迷喇。 唔理咁多喇， 一路由得部電腦 update， 一路訓覺。
另外晚上看完 School Rumble 的小說「恋、知りそめし頃に」， 嘩。 原來自己都幾高效率... 最尾烏丸的話作結， 簡單的一句ありがとう， 不俗...
2006/5/12 (金曜日)
沒有太大特別的一天。 繼續睇 FEC 的東西， 相信下個禮拜也要繼續做 programming 的了。
不過偶然記得有樣東西叫 google desktop ， 由於一直都在 Linux 所以沒有特別留意。 突然發現自己在 lab 部 desktop 係 Windows 時就 download 玩玩。 幾有趣的 concept。 實用嘛... desktop search 其實都幾不錯的， 雖然這個 concept 應該已經很久的了。
2006/5/11 (木曜日)
一個星期之中這天算是最沒有效率的了。 朝早中川先生的那一課， 還未有教科書， 也奇怪他從不把 notes 放上網。 今日偶然看到其它人拎着一些上年的“教科書”來， 突然陰謀論一下。 原來如此， 那所謂的教科書就是那些 slides 的 printout， 放上網就沒有人買嘛... 唉。 其實一兩千円本身唔係一個問題， 一個學期十三十四堂， 今日沒有記錯都已經第五堂了， 到現在都沒有甚麼在手， 點上堂先得架？
至於下午的堂其實是自己幾有興趣的一堂。 名義上是 OS 實際上是 hacking 多些。 今日就玩 stack overflow， 極其簡單的原理！ 雖然個 quiz 還有些不明白的地方， 不過之後用了不少時間研究... 哈哈， 所以話這天沒有效率喇。
2006/5/10 (水曜日)
前幾日的 overdrive (又 overdrive?)， 今日實在需要訓多少少。 好， 訓多兩個鐘。
今日番學校， 雖然沒有 lecture， 不過有個 Matlab introductory session， 其實沒有太大期望， 主要想聽 Simulink 多少少， 不過時間關係絕大部份時間去了 Matlab 的基本 function， 唔， 沒有太大幫助吧？ 不過左邊有位“三貓”（其中一個同 lab 的留學生）， 右邊， 笹瀬先生... 下個星期的笹瀬の日， 應該有排講 Matlab...
2006/5/9 (火曜日)
ワインパーティー
馬拉松式的笹瀬の日， 昨日準備論講都已經死咁濟， 朝早上堂， 都唔算得上太專心， 下午比起平時長的 meeting， 加上自己也要發表， 有點多餘的壓力。 雖然份稿很樣衰的有兩個錯處（其中一個仲要錯 title）， 不過也算是順利完成。 嘩。 即場鬆哂。
晚上 wine party， wine 對我來說是 "Wine is not emulator"，酒嘛... 真係冇乜 idea。 不過今日的 wine party 很不錯， 輕輕鬆鬆的吹吹水， 加上有一些以前的 OB OG 和一些大人物， 總算不錯的一晚。
2006/5/8 (月曜日)
為了發揮 deadline effect， 基本上只是訓了一個鐘頭（雖然昨日日間基本上是訓覺）， 整天企都企唔太穩咁， 還好也沒有上堂訓着覺， 雖然在 lab 時也不算太過可以集中精神。
晚上， 今次唔想通頂， 早早食完飯， 用了三四個小時寫好份明日發表用的講稿（論講）， 嘩， deadline effect 果然厲害！ 自己都要寫個服字給自己。 但點樣可以將這股 deadline effect 的力量在平日發揮（五成都好）， 將會是一個重要的課題...
咦， 話時話最近都唔記得寫 research log 添， 後日在開始寫過。
2006/5/7 (日曜日)
朝早本來想去買早餐食， 見到一個香港朋友在 common room 吹水， 八卦走了入去， 才發覺正和他吹水的人原來也是香港人， 都住左成年喇， 現在才發覺... 真是的。 幾好， 認識多一個香港人， 一個年紀比較大的女子， 諗的東西也有點不同呢， 有趣有趣。
之後理論上要準備兩日後的 presentation, 但為了發揮 deadline effect 的最大威力， 決定先訓覺後通頂。 結果頂是通了， 但也只是看明了整份 paper， 果然 deadline effect 前了一日效果就差了一半以上呢....
2006/5/6 (土曜日)
約了人打羽毛球， 嘩， 很少可喇。 在日本沒有記錯只是打過一兩次， 上次回香港都好似打過一兩次吧？ 一個泰國的朋友， 加上兩個新認識的日本人， 剛好 level 也差不太多， 應該可以組隊定期打呢， 不錯不錯。
因為之後有下場， 先走了去附近的留學生會館吹水， 唔經唔覺已經差唔多時間了， 於是一群人走去渋谷， 嘩， 多人到呢， 始終也不太習慣多人的地方呢， 一顆人（基本上是慶應留学生団）走了去一間意大利餐廳， 超好食！ 而且也不算太貴， 每人都唔駛二千円。 吹水吹水吹水， 不錯的一晚。
回到去， 肌肉開始痛.... 黎料喇。
2006/5/5 (金曜日)
遲了四日寫的日記... まぁいいや
反正這天大部份也只是奉獻了給山中先生的 Internet Backbone， 整日就是望着那個有點 EE 氣味的 T-Switch， Write Enable Signal， 有點點像久別從逢的老朋友， 曾經在香港某大學聽過的名詞。
有點點受到笹瀬先生的影響？ 突然有興緻走了去租一隻 classic 的純音樂 CD, title 是 "Mozart Therapy Vol 1 -- for recharging your brain --", 莫札特療法... 好像香港也聽過有類似的 CD, 是但了。 一路聽一路望着那份 T-Switch， 咦？ 心理作用？ 又的確唔太眼訓喎， 而且一路聽一路做野， 理應唔會覺得 classic 悶呢。 心理作用也好， 莫札特效應也好， deadline effect 也好， 有效就得喇。 總算完成了山中先生的功課。
2006/5/4 (木曜日)
完成了アルトネリコ， 遊戲本身不算是非常好玩， 不過故事和當中的歌曲等東西幾新鮮， 整體也不錯， 若有第二集的話應該都走唔甩的了。
很疲倦。
夜晚聽收音機突然聽到一句幾有趣的說話： You can buy education but not intelligent; you can buy cosmetic but not beauty; you can buy sex but not love. 發人心省的一句話。
2006/5/3 (水曜日)
Golden week 的第一天。 番學... 哈哈， 雖然不太想說但這個假期沒有特別地方去。 雖然係咁不過其實都沒有甚麼特別幹勁做野。 點都好， 今日總算登錄了七月的研究会発表， 北海道... 不錯的目標， 這兩個月就是真正考驗的時期了。
第一次鎖門... 從來都未試過做最遲一個。
2006/5/2 (火曜日)
朝早失驚無神落大雨。 一出車站， 嘩。 唯有去買番把傘， 不過這種（接近）即棄傘， 加上這種雨勢， 除了個頭之外基本上都遮唔到甚麼。 成身濕哂。 最激氣的就是這實在只是過雲雨， 但又唔等得（因為 lecture）， 唉呀。
今日雖然沒有 meeting， 不過也是笹瀬先生の日， 朝早的 lecture， 加埋 lunch... 不過其實不太常和先生食 lunch， 偶然也不錯。
差不多是時候交功課了， 笹瀬先生那關暫時算是過了。 不過這兩個月之內就一定要預備好研究会的論文了。
2006/5/1 (月曜日)
夜晚通頂（好耐冇試過喇）， 發揮 deadline effect 的力量， 四個鐘頭總算搞掂大部份東西， 剩下小部份明日再算。
overdrive 下， 今日完全不在狀態。 在 lab 算係看了少少 paper， 不過另外就是和先生吹水等。 沒有甚麼作為。 哎呀， 個 abstract 仲未寫好添。