2006/6/29 (木曜日)
戦利品:
スクールランブル 13
朝早， 中川先生的課照舊地遊魂， 算了， 之後搞掂埋份 report 就完呢個 course， 不過個 report 有排死。
下午的 OS course cancel， 出去駅附近吃飯， 中途見到白須さん, 一起去食， 結果介紹了一間意粉店（因為上樓， 所以一路都冇為意）， 講下南講下北， 不過最大的話題離不開巴斯光年， 哈哈， Madu 就慘了， 很可能十日間和他一起 internship.... 唔， 換轉係我不如唔做 internship 算了。
之後過於眼訓， 早了點回去。
2006/6/28 (水曜日)
晨咁早起身， 好耐未試過六點半喇。 真係， 以前幾日來說六點半左右訓就試過， 早成咁起身真係...
為乜？ 今朝獻出了第一次.... 來日本以來的第一次 parttime， 而且是在小學教英文！ 真係估自己唔到會有咁嘅一日。 諗番轉頭， 之前和些日本朋友傾過佢地幾時學英文的問題， 一般來說以乎是初上中學時的 "This is a pen"開始呢。 今日在學校附近會合了另一個一齊做 parttime 的朋友， 走去小學（明明直線只是數十米的距離， 卻要一個大圈先去得到）， 被編了去教一二年級（！）， 教的內容非常簡單， 不過是數字和一些招呼用語等。 唱下歌（！）， 周圍走咁， 諗番起以前小學的日子， 好像是坐定定聽書的呢， 印象有點模糊， 唔知各位小學時又係點的呢？ 不過點都好， 一年級的兩班小朋友， 比起二年班的乖好多呢， 哈哈， 有活力也不錯喇。 另外上課之後和小朋友一起吃午飯， 今日嘛， 不單是在日本， 而且在人生廿多年以來都算是一個非常新鮮的體驗。
下午返研究室， 之前的被倦還未散去， 除了做左中川先生的功課之外可以說沒有做甚麼， 五點左右笹瀬先生突然好閒的走了來講紅酒， 唔， 完全不在我的範籌， 不過佢又越講越開心喎， 哈， 可能改完我地篇論文， course 又教完吧？ 結果講到走人， 坐了先生的順風車去車站...
呀呀， 昨日的 Wine party 的相
2006/6/27 (火曜日)
整日的笹瀬の日， 就連 lunch 也和先生一起食。 上午上堂， 四個學生 present 基本上唔太知講乜， 跟住午飯前 upload 左篇論文， 下午研究室 meeting， 開頭講 2ch 同 P2P 的 tutorial 幾搞笑。 之後的約嫌悶了少少......
break 之後有一個笹瀬先生在 conference 認識的 post doc， 來自法國， 現在好像在產經省 (AIST?)做 research... 無厘頭的被委任（？）帶她遊矢上キャンパス， 圖書館， 我都唔太識路架咋， 地庫我都未去過。 哈。
夜晚繼續笹瀬， wine party， 自己唔飲得沒有辦法， 不過吹吹水食食野都唔錯。 當中荒川さん突然指着我部相機說“哦， 有部好野呢”， 跟住望望佢部機， 一樣係 F30， yeah! 英雄所見略同！ 係得 Madu 先唔識貨！
2006/6/26 (月曜日)
論文期限前最後一天。 搞掂份論文給笹瀬先生， 跟住就完全沒有作戰能力。 死人一個。
夜晚收到笹瀬先生的 OK， 呀～～～ 搞掂喇。 明日 upload 埋就告一段落， 稍稍在山中研開一個 party， 吃點點東西， 回去休息。
2006/6/24 (土曜日)
新世界「ノイエ」。あの「ヴァル・ファスク」の戦いから四年間。人々は再び扉を開け、ノイエに辿り着いた。エデンの技術レベルに敵わないが、独自な技術「魔法」を持ち、エデンと違っている生活を送っている人々。
ABSOLUTE、あの全ての宇宙を繋がる存在。あそこに悪魔が復活し、時空の女神の力を利用し、銀河を統治しようとする。そして12人のエンジェルがその野望を滅ぼす、平和が再び来るだろう。
その中に、リコ... 何かあっても僕が君を守ってみせます。
2006/6/23 (金曜日)
戦利品:
ギャラクシーエンジェル II 絶対領域の扉
ギャラクシーエンジェル 3rd 1 ゲーマーズ限定版
繼續和先生討論份論文， 差不多 OK 了吧？ 雖然自問份論文被先生的紅筆左劃又劃， 不算寫得很好， 不過有趣的是先生講左句“呀， 改留學生的論文真的舒服得多”， 我就說了句“下？ 但我份論文被先生改了不少不少錯處喎 ”， 跟住先生那句精警“起碼改得到呀嘛”， 心裏笑了出來， 真係估唔到佢會突然咁講。
另外北海道的機票等也預被好了， 幾個禮拜後就會身處北海道... good。 不過去之前還有排忙呢
之後去了アキバ， 等了不知多少個月的 GAII 也終於到手了。
2006/6/22 (木曜日)
中川先生的課， 和往常一樣繼續對份 paper， 還有數日而已， 還好大部份也 OK 了， 超ギリギリ（唔記得中文點寫... “蚊水”？）
今日笹瀬先生不在， 也沒有必要留得太夜喇。 早些回去整理好個 graph 聽日再和先生討論。
2006/6/21 (水曜日)
回校主要處理份論文。 Format 上還有不少細節要處理， 不過應該都沒有問題吧？ 點都好， format 沒有笹瀬先生都還可以， 不過內容上一些 miss 就非笹瀬先生不可。 真係差不多埋門一腳呢。
今日的偶然還真多， 下午食飯時馬來朋友 join 埋一齊， 雖然和他唔同科， 不過在日本極少數的廣東話人， 不錯、と言いたいですが、唉呀， 巴斯光年在佢後面， 結果局住同佢食飯（雖然那時已經食完）， 理智上自己似乎還不成熟， 不過實際上倒想問下看這個 blog 的人（相信大部份也是我在香港的朋友吧？）有幾多個認識印巴籍的朋友呢？
另外夜晚諗住早點食飯早點休息， 誰知準備煮餸時見到二中二韓， 其中兩個人都認識， 無端端 join 左佢地食飯， 吹吹水。 能有這種閒情也不錯喇。
好， 休息。
2006/6/20 (火曜日)
昨晚接近通頂， 五點左右諗住訓啦， 整鬼無端端地震， 唔理咁多， 訓....
朝早的笹瀬先生的課半聽半做自己的 program， 漸漸找到那隻臭蟲的足跡... 下午研究室 meeting 時終於找到那隻死人 bug 喇。 一切順利。 好好， 早點回去搞掂個 simulation 同埋篇論文。 今晚睇黎都要通頂喇。
2006/6/18 (日曜日)
繼續找 simulation bug， bug 嘛， 除了 implementation bug 之外還有 design flaw， 心想完成的東西但完全得不到想要的結果。 奇怪。
還有一個禮拜多些的 deadline， 應該沒有問題， 不過還是不要太淡定好。
2006/6/17 (土曜日)
昨晚其實除了寫論文之外就是找一個 simulation bug， 大 network 確寫在昨晚畫好（死咁濟）， 不過 routing table 的 setting 好像有些問題。 朝早諗通左， 好好好。
下午去了打羽毛球， 有點點疲倦， 不在狀態， 不過純粹做做運動也沒有所謂喇。
回到去繼續處理個 network 的東西， 另外就是休息。 沒有足夠精神的話的確會有不少 mistake 呢， 始終今次人手寫的東西實在太多了。
2006/6/16 (金曜日)
戦利品:
名探偵コナン 54
沒有回學校， 留在宿舍寫論文（和休息）， 好衰唔衰忍唔住手買了名探偵コナン最近一期。 唔。
凌晨， 除了 simulation 也總算寫好喇。 Send 了給笹瀬先生， 沒想到才三四頁紙會咁難的。 不過自己懶都係一個原因喇， 今次的確是一個幾好的經驗呢... おい、まだ終わってないぞ。
2006/6/15 (木曜日)
朝早中川先生的課， 很高效率的寫自己的論文。 Simulation 雖說是完成了大半， 不過現時那個不過是一個小規模的 test network, 所以之後還是放大去一個大（100個 nodes 左右？）的 network 才可以交功課。 不過論文就沒有問題可以開始寫了。 不大問題掛？
不過好衰唔衰， 有少少染上睇波的習慣添。 明明望着個電視眼訓得要死， 不過又想睇過。 唔。
題外話， 下午看一篇 Open Tech Press 關於 "オープンソースソフトウェアを利用した外国語学習"（利用 Open Source software 學習外國語， 英文原文）時看到些有趣的 software， 包括以前有用過的 FreeMind （整理大堆資料時非常有用）， 還有比較有趣的 Tiddywiki ， 非常方便的一個 Wiki， 基本上不用 install， 不用 database， 或者可以用來做自己 website 的 base 呢。 不過就好像比較慢了少少咁。
2006/6/14 (水曜日)
放了好幾日假（前幾天的 lecture cancel）， 正好去處理個 research， 執執 simulation parameter， 最初， 咦？ 個 result 仲差過以前的？ 冇理由. 再試， 加一兩個 user， 唔唔， 係喇係喇， 個 result 應該沒有錯了。
風平浪靜的一日， 回到去， 食完飯之後就訓着了， 好像好耐未試過這麼疲倦喇 （順帶一提， 昨日唔知點解訓唔着）。
Picasa
Google Earth 4 Beta
又係講講電腦的時間。 今日得知 Google Earth 突然出了 native Linux 版， 真係抵讚， 遲少少試試。 雖然 Google Earth 都應該幾出名， 不過約略介紹一下吧？ Google Earth 簡單地說是一個地球儀（？）， 可以放大也可以縮細， 某些地方 resolution 甚高， 我也找到了自己屋企和矢上キャンパス， 有這個 software 喜歡「桌上旅行」的人就可以盡情的玩了 （唔， 中文有冇這個 term 的呢？ 不過大概也估到意思吧）。 一部叫做近期的 PC（三五年都應該可以)都應該可以裝。 現在的 Google Earth 4 Beta 有 Linux Mac Windows 三款口味。
2006/6/13 (火曜日)
個 program 完了之後有點放鬆過頭。 今日回到 lab 係咁玩 Google 的兩個 tools Google Earth 和 Picasa , Picasa 是今日先玩， 個 Interface 很不錯， 詳細請參照以上兩條 link。
不過也繼續試 simulation program， 好像沒有大問題， 係時候做番最正經的東西... 寫 paper.
2006/6/12 (月曜日)
搞笑， Madu 無端端被安排和巴斯光年一起去 NEC Intern， 雖然未確定， 不過望望佢的反應都幾搞笑的。 放學走之前終於也完成了個 simulation， 明日慢慢試。
夜晚捧日本場。 開場一會日本先領前一球， 直到差不多完場澳洲竟然連追三球。 身在日本， 當然特別捧場， 也因為輸波特別失望。 唉。 早點休息。
2006/6/11 (日曜日)
突然諗到個唔錯的 implementation 方法， 不過一路 implement 一路都有個奇怪 segmentation fault 的問題要解決。 沒有睡覺的一天。 朝早總算解決了個問題。 哎呀， 自己低能， 唔記得 c++ 的 initialization 同 Java 唔同。
2006/6/8 (木曜日)
總算工作到朝早， 有點 bug， 不過應該唔太大問題掛？ 遲少少再整。
朝早偶然看到 google notebook ， 試了試， 嘩， 方便。 尤其係用於 copy webpage， 真係， 計埋那個 Google spreadsheet, 真係覺得 google 就黎會出 antivirus... 講開黎， M$ 也出了個 oneCare 的 service， 簡單來說就係一個 integrated 的 system solution， antivirus, firewall, spyware remove 等等等等， 才五十元美金一年， 抵！ 慢着， 如果唔係個 windows designed 得鬼咁多 bug 仲乜要這些 solutions? 真係， 就如 slashdot 的某 user 講， M$ 根本唔係為 customer 着想， 只是不斷想怎樣去搵多些錢...
之後大概也沒有甚麼特別事發生， 一路的做一路的看看 website 咁。 夜晚， 聽到新聞話阿爾蓋達的幹部札卡維被炸死， 唔， 不太樂觀， 或者意味着另一個新人事新作風的恐佈份子， 新官上任即場整場大事... 不過點都好， 伊斯蘭教原教主義， 真的唔係容易理解。
2006/6/7 (水曜日)
戦利品:
Eternal Love ルーンエンジェル隊 ver
今日決定唔番學， 留在宿舍寫 code。 訓多一兩個鐘， 看看信箱， 咦？ CD 終於也寄黎喇！ 已經唔知第幾個 version (14 或以上？）。 不錯。
一整天的 program... 就有鬼了。 結果下午還是眼訓， 寫了一陣 program 就訓着左， 唔。 訓得咁多， 今晚誓神劈願通頂。 成功與否明日報告。
2006/6/6 (火曜日)
今日只有朝早是笹瀬の日， 下午因為笹瀬先生趕住飛所以不用 meeting。 可以俾多些時間 develop 個 simulation。
不過下午突然日吉キャンパス（隔了一段路的 campus）的一個 staff 叫了我過去找他， 本來電話也應該可以， 不過研究室太嘈， 算了， 行去當做運動。 不過問題在， 原來我唔知日吉キャンパス的学事課在那裏， 找了一輪也總算找到。 哦， 原來是小學教英文的東東， 唔， 傾了時間之後和那個 staff 閑談一會， 之後繼續 development...
一點點題外話， 晚上和 Peter 傾到 xanga 的一些 hacking (Ad Removal)， 幾有趣， 玩埋一份。 估唔到自己爛船都有三分釘， 哈哈。
2006/6/5 (月曜日)
一朝早回到去見到笹瀬先生幫我批閱的論文貼在門上， 幸好第一個回到去， 哈， 即時拎起。
一天的 programming， 順是順利吧。 好， 繼續努力。 （不過當中也幾不專心， 甚麼自殺式襲擊可以在天堂享有七十二個處女和見阿拉一面， 看完真的笑死）
2006/6/4 (日曜日)
六四十七周年
雖然說是六四， 不過在這裏都沒有人知道發生甚麼事的了。 如常的過。 不過為了訂限定版的 GA 3rd， 走了出去アキバ， 當然也順便在附近走走。 回程時買了專用的相機套， 也順手在ヤマダ電機的按摩椅坐了坐， 咦， 又真係幾舒服架喎。
夜晚， 㕑房裏的一大班中國人， 他們的一舉一動， 不太想形容， 不過反射的想起陶傑成日都講的“小農社會 DNA”， “人必先自悔然後人悔之”。 這種人的存在， 就像一缸清水中的一點點墨， 足以染黑整缸水... 慢着， 那缸水好像早以黑得令人敬而遠之...
2006/6/3 (土曜日)
可能昨日訓過龍， 今日有點腳部浮浮的感覺。 唔理喇， 照去打波， 有點點不出所料， 體力消耗得特別快。 不過今日幾熱鬧， 有幾個新認識的朋友， 倒還不錯的。
之後又去附近那間もんじゃこのみやき， 飲了少少サワー， 哎呀， 黎料添。 真係.... 整個人完全沒有體力， 作嘔在悶（大肚？？）， 坐火車隔站要落車休息， 死得的狀態...
幾經辛苦回到去， 休息了一會， 好番少少， 不過體力也好精神也好也完全不在狀態， 作了一個極不尋常的舉動... 出了附近的公園行行。 夜晚， 差不多沒有人， 偶然見到有人拖狗行過咁啦。 很靜， 幾舒服。 總算舒緩一下壓力喇。
2006/6/1 (木曜日)
頗失敗的一日。 完全的精神不足， 朝早和下午的課完全唔知發生乜事， 接着的輪講， 笹瀬先生話唔明， 哎呀， 失敗。
夜晚和 lab 那些人去 party， 主要是眼訓... 唔。