2006/7/31 (月曜日)
戦利品:
Cause your love ~白い melody~ 佐藤裕美
進入假期， 是時候去找屋搬了。 專程走去横浜， 醫肚之後， 到了之前網上找到的一間不動産屋， 傾傾傾找找找找了很久， 一本相信有幾百頁的資料， 可能只有幾頁紙用得着。 之後去了一間月租六萬的單位， 似乎較合適用作 office， 雖然面積地點來說實在冇得彈... 算， 之後買完 CD 之後（好耐沒有買喇）， 再上另一間不動産屋看， 佢地就沒有俾一大堆資料， 不過揀出一個條件非常之好的單位， 唔， 點都好， 今日都已經夜了， 明日再看單位。
Cause your love ~白い melody~， 和以往一樣都有保証， 每次買 CD 基本上也是覺得不錯， 好聽等， 始終很難具體形容， 而另外的Violeta 也有少少出乎意外...
2006/7/30 (日曜日)
笹瀬宅訪問
今日得到笹瀬先生的邀請到他的家作客。 話時話沒有甚麼機會到一家日本人的平房作客呢。 自己研究至的同學全部也是自己租屋。 まぁどうでもいいや。 除了自己之外其實今日笹瀬先生還邀請了另外三位留學生， 包括 Madu， Sann Maw， 心水清的也知道還有巴斯光年... 在這個研究室來說算是一個當然的組合吧？ 同期的留學生。 不過巴斯光年的妻女剛巧也在日本， 結果一行六人....
到一個不熟識的地方， 慣性到早到（半個鐘有多）， 而 Madu 算是幾準時（佢屋企應該係最近）， 早到少少吧？ 另外 Sann Maw 和巴斯光年都遲到， 一個話搭錯車， 一個沒有原因， 仲要遲半個鐘， 又沒有交待， 呢班人... 遲到的 Sann Maw 起碼有點歉意， 遲最多的巴斯光年卻一面理所當然。 惹人討厭也不是沒有理由的， 這個世界沒有無緣無故的愛， 也沒有無緣無故的恨。
算， 無謂被這種人影響心情。 反正今日的目的是笹瀬宅訪問， 其它東西沒關重要。 在了一會巴士就見到笹瀬先生， 行了一會終於也來到了， 不算很大的屋， 入到去首先在一間和室（Tatami... ）坐下， 因為環境關係突然正座起來， 後來發現時自己也嚇了一跳， 哈， 傾了一會便是午飯時間， 由於巴斯光年的關係， 午飯的咖喱， 菜菜菜... 呀， 我要豬肉我要牛肉肉肉肉肉肉肉肉肉肉肉肉肉.... !"#$%&'()， 冇計， 好在也幾好食， 好在另碟有些ほたて（帆立貝？）
而今日的主要目的， 其實是看看笹瀬先生所養的七歲大的 Coney -- 西施狗是也， 與及見識一下那套唔知幾多百萬的音響（雖然是以円計， 不過也夠嚇人）， Coney 嘛， 雖然和自己家中的肥狗份屬親戚（？）， 不過差不多整天沒有吠， 有點點怕人不過很快便可以一起玩。 有點想起家中的肥狗呢。 另外見識那套音響。 首先視覺上已被那笨重嚇了一跳， 之後播起莫札特的音樂， 的確有種難以形容的感覺， 明明只是一間小小的書房， 不過當喇叭響起時就像一個交響樂團放了在這裏， 音質之清實在難以形容。 不斷的聽的話相信自己的耳遲早也會變得不能接受其實 speaker， 不過還是想起恩師徐 sir 的一句至理明言: 分辨不出這些音質的人是最幸福的。 哈哈， 這些東西偶然體驗一下就好了。
之後悠悠閒的吹下水， 看看相... 話題當然離不開研究等東西， 不過總括來說算是相當滿足的一日喇。 有機會真的想再來呢。 有機會吧？
2006/7/28 (金曜日)
春学期最終日
昨晚訓得兩個鐘， 唔， 鬼叫自己懶咩。 點都好， 其實很多東西都未算完成， 不過總要去聽 presentation... 其實除了 professor 之外又有幾多人聽呢？ 而自己嘛， 就修修補補自己的功課和 presentation， 用了不算太多時間， 唔， 冇所謂喇。 結果都唔知有幾多時間只是坐在 lecture room 入面聽一些唔太明又唔關自己乜事的東西。 加上眼訓， 今日實在漫長都可以。 點都好， 尾二到自己 present， 其實精神狀態實在唔掂， 自己都覺得 present 得麻麻， 事但啦， 總算過骨... 跟住交埋功課， 今個學期總算劃上一個句號。
之後“打ち上げ”（中文應該大約譯做慶功宴？）， 雖然很眼訓不過玩餐飽先算喇！ 不過呢班友， 飲み会飲到爛醉， ワインパーティー又係飲到唔知點咁， “打ち上げ”也不例外... 自己完全唔飲啤酒所以實在跟唔到佢地顛喇。 是但。
一身的壓力總算可以放下了。 小休一會。
2006/7/27 (木曜日)
今日也沒有回校， 本來因為 notebook 留了在學校應該要番去， 不過後來因為懶， 算了， 明日再算。 今日留在會館理論上都有唔少東西要做... 結果 deadline 前的今日繼續打機...
晚上都總要乖乖做功課喇。 Internet backbone， 不算用太多時間， 另外笹瀬先生的功課， 不算太難但用了不少時間， anyway 搞埋明日份 presentation 今日得兩個鐘頭訓... 明日唔知點算。
2006/7/25 (火曜日)
最後一日的研究室 meeting， 雖然只是五個 B4 的 presentation, 不過也真的用了不少時間呢。 唔， 點都好， 今個學期的研究室 meeting， 總算完了， 老實講有很多時都幾悶， 不過悶還悶， 當自己需要 present 的時候起碼有好些聽眾在場， 到真的 present 的時候， 例如上個星期的北海道研究會， 當然總有些緊張， 不過比自己預期中順利， 相信這些 meeting 也立功不少吧？
話時話， 之前從北海道買回來的白い恋人， 算是一種“例牌”“必買”的手信， 帶回來也沒有甚麼驚喜， 不過擺低， 食個 lunch 之後， 兩盒白い恋人完全消失於大氣之中， 剩低個盒... 絕對不可以小看這班人...
之後本來想好好看看 Tunneling 的資料（交 report 用）， 笹瀬先生突然好好閒情的來吹了個幾鐘水... 哈哈， 睇怕都係靠 deadline effect...
2006/7/24 (月曜日)
完全放鬆的一日。 自己都唔知為乜番學校， 番學校做的事就只不過是係咁咦睇下份 paper 同埋吹水。 不過今日偶然的試試那個所謂的 Skype killer Gizmo ， 就咁睇落好像不錯， 不過 quality 就唔知， 同埋在 Gentoo 還未有 ebuild (Bugzilla 雖然有 ebuild 但用唔着）， 由得佢先。
夜晚回家時都幾黑仔， 非常唔覺意的踩斷了人地涼鞋的鞋帶， 哎呀呀， 又真係自己唔小心， 唯有陪錢了事... 哎， 無妄之災...
福無雙至禍不單行， 夜晚打爛杯... 乜事呀？
2006/7/23 (日曜日)
前晚從北海道回來時其實發生了一件意外，那時左一袋右一袋的情況下， 一不小心把眼鏡碰跌， 下面沒有框的位置稍稍的崩左， 雖然沒有即時問題， 不過還是換一副新的好。
結果昨晚就稍稍 survey 一下， 今日出去外面配番副新鏡。 昨日找到的那間れんず屋， 雖然不算是最平， 不過見佢個 website 幾過癮， 就上你當啦（？）， 不過最傻的一件事係沒有 check 清楚營業時間， 結果第一間去到的舖頭， 沒有開門（！）， 死死地氣上網 check， 但電話上網始終麻麻煩煩的， 找來找去也沒有詳細地圖， 好在總算找到個地址， 於是便由曙橋行去神保町， 唔算太遠的路程， 不過途中經過一個對中國政府來說一個百講不厭的地方－－靖国神社。 一場經過便入去看看啦， 裏面的確放了不少關於戰爭的東西， 至於詳結的資料就沒有時間看了， 比較特別的都應該是遊就館吧？ 一入到去就係戢 機， 高射炮， 充滿戰爭的氣味呢。 但最敏感關於甲級戰犯的東西就沒有看到呢， 有點點可惜。 不過下次先搵日慢慢睇。
行了很久總算找到要找的店舖， 但很快的便被 redirect 去另一間舖, 因為沒有想要的東西。 找找找， 找到另一間舖頭了， 整了一大輪， 沒有問題， 服務一流， 雖然貴了少少， 不過也值得呢。 anyway 過左半個鐘便處理好， OK, 回去休息。
2006/7/22 (土曜日)
同窓会
昨日從北海道回來， 透支了一個星期的精神， 今日當然要還喇。 不過晚上的同窓会又唔去唔得， 沒有辦法。
到了火車站先會合了 Madu 和他父親， 老實講他父親比我想像中“細份”， 不過也沒相干喇。 之後去日吉的教職員餐廳， 真係沒有太多機會來。 飲飲食食吹水， 不過後來唔知點解演變成飲み会， 唔。 呢班人真係冇得救。 哈哈。
2006/7/21 (金曜日)
北海道大学、新千歳空港、東京
北海道最後一日。 也是自己 present 的一日， 由於 lunch time 之後 present， 所以在酒店有點點悠閒的食早餐， 早餐， 繼續吹水。
正式 present， 緊張， 以前所謂的 present 也是對着校內的人， 今次正式面向一大班高自己唔知幾多 level 的人， 用 RPG 的說法， 就是 level 2 的小朋友突然走去打 last boss， 不過， 其實這些高 level 的人就其實是自己的朋友喇。 兩日前提過的中里先生， 就 present 後問了我一些問題， 之後 session break 之後專門找了我說了不少意見， 自己的確沒有想過， 另外一位大阪大学的戸出先生， 也問了不少有趣的問題。 在用之前的比喻， 應該可以說是和一班高 level 的人打怪獸（？）， 自己的 level 自然地提高？ 有趣。
接着， 完了！ 完了！ 在北海道大学走幾個圈後， 到了札幌車站食這個スープカレー（湯咖喱）， 很好味！ 吃飽飽， 出發去機場。
在機場買手信， 當中去到一間紅酒店， 無端端又同個 staff 傾左好耐， 還好這個 staff 英文也沒有問題， 也未至於悶親 Madu.... 再走幾個圈， 今次的北海道之旅也正式的完了... 感想， 遲些再寫。
2006/7/20 (木曜日)
北海道大学、中央卸売場外市場、サッポロビール園
朝早晨咁早去到北海道大学， Madu 的 present 都還好， 不過其它的實在眼訓得要命， 半發夢。
之後因為 package 關係， 去了遠少少的中央卸売場外市場， 海鮮丼， 幾新鮮的刺身， 不錯不錯， 唔怪得一碗飯賣2000円， 接着一路的和笹瀬先生吹水， 唔， 不過望着 Madu 完成 presentation 加上走黎 relax 的笹瀬先生， 唔， 唔， 唔， 唔理咁多， 我又 relax...
接着會合了萬代先生（笹瀬先生的學生）， 去這個サッポロ工場， 唔， 啤酒就真的沒有太大興趣， 不過一些舊的東西每次看都覺得幾有趣。 有點點紀念品賣， 之後去到サッポロビール園再一次食ジンギスカン， 而笹瀬先生突然一句「ジンギスカン是蒙古大帝」， 哦！ 成吉思汗！ 真係聽個名聽左咁耐而家先知。 有趣有趣。 來到北海道的第二餐ジンギスカン， 而且是笹瀬先生請客， yeah! 當中的話題不少， 除了研究之外還有各地間的分別， 先生以前東西等等。
夜晚到了酒店的溫泉， 很熱！ 很正！ 雖然唔係太大， 不過慢慢浸....
睡前， 和笹瀬先生， Madu 傾傾傾傾左唔知幾耐...
2006/7/19 (水曜日)
赤レンガ、時計台、テレビ塔、パーティー@北海道大学
由於要換酒店的關係， 首先 check out， 跟住論論盡盡的把行李放在車站附近的 locker， 食個早餐之後出發去赤レンガ。
再次到這個赤レンガ， 舊政府官廳， 現在基本上是一個博物館， 很多關於前蘇聯的瓜葛， 如果有時間的話真的想逐個字睇。 不過今次的行程真的有點點趕， 沒有辦法， 不過在這種歴史的資料裏面， 除了對不同東西的感慨之外， 似乎腦裏面忘記了今次來的目的。 哈哈， Multicast 嘛， 遲些再算喇。
之後去了時計台， 雖然唔知點解， 不過這個時計台正正時札幌的標志（雖然唔知道歴史因由）， 唔， 有點難理解的話想像一下香港的大笨鐘吧？ 而這個時計台也是一個小博物館， 不過沒有入去喇。
走過隔離的テレビ塔（電視塔）， 似乎是這個城市少有的一個可以瞻望札幌市的地方（另外相信是 JRタワー）， 日光日白沒有上去， 不過去了三樓的紀念品店， 雖然不算太高不過風景也算係咁。
check-in 新酒店， 23 樓， 哈哈， 在日本似乎第一次住在這麼高的地方呢。 小休， 出發做正經事。
到達北海道大學， 首先報到， 跟住稍稍去了 presentation 的會場刺探軍情（？）， 沒多久今日的 presentation 也全部完了， 出到去便會合了剛抵步笹瀬先生， 行行行， 去到北海道大學的一個 Faculty restaurant， 很多唔同的 Professor 或是公司的 director， 有點壓力， 據笹瀬先生說是由於一般學生要自己掏銀包， 而我們也好彩的有 research grant support， anyway 沒有甚麼學生， 都唔知好定唔好，但竟然地自己可以和他們吹水吹吹吹， 吹到沒有食太多東西， 哎呀。
二次会， 唔， 正常只有 professor 或是大粒的人會去， 不過基本上被笹瀬先生拉埋去， 一台人， 雖然相對地年輕， 不過 level 實在高自己太多了， 其它不說， 不過比較特別的是兩個早稲田的教授， 一位中里先生， 一位矢守先生， 中里先生嘛， 要講到兩年前找教授認投的時候， 包括笹瀬先生總共有五個人寫了“內諾書”給我， 而其中中里先生是其中一位， 當時好像把他放了在第三位。 今日再會， 他應該都唔記得我喇， 不過若略的和他傾了幾句， 希望後日手下留情。 而另一位矢守先生， 望上去也許比我們年齡大少少的女性吧？ 不過二次会時完全唔知， 還以為她是 master course 或是 doctor course 的學生， 夜晚聽番先知原來已經係助教!! 真係唔知。 點都好， 有機會認識一些有名的人也確實不錯。
休息， 明日 Madu present
2006/7/18 (火曜日)
富良野、すすきの
對於香港人來說富良野可算是一個非常出名的地方吧？ 似乎是因為ラベンダー（薰衣草？）， 這個富良野位於北海道的正中央， 坐火車前前後後差不多三個鐘， 首先經由滝川， 轉車去到富良野， 好遠。 而且因為點點失敗的遲出門口， 去到食完午餐已經最後一班觀光巴士去ファーム富田， 唔緊要， 總算有個機會見識一下傳說中的ラベンダー畑（薰衣草田）， 非常的靚， 唯一可以彈的， 應該是同行的不是美女？ 哈哈。 Madu 唔好意思喇。 不過真心一定係呢句。 anyway 不少人來到參觀， 最多的當然是日本人， 而接着的， 似乎是香港人呢？ 當然也有些大陸人， 不過意外地少， 似乎那些「成金」集中去東京？ 點都好。 雖然只夠時間去ファーム富田， 不過也算值得坐幾個鐘火車喇。 不過有點可惜的係沒有太多時間去旭川。
回到札幌， 晚飯嘛， 去了這個すすきの（類似新宿的歌舞伎町，香港的砵蘭街）， 很多夜店（最有印象的是一間叫 Sexy club 的舖頭）， 不過當然沒有入， 找找找， 終於找到想食的ジンギスカン（烤羊肉）， 不算太起眼的小舖， 入到去， 那個老闆娘非常好招呼， 而且也很好傾， 講講羊肉， 講講北海道， 話時話這種經驗在東京倒未試過呢。 或者去旅行的 mood 令自己健談些？ 唔。 不過這個ジンギスカン， 非常的美味。 一流！
再次步行到酒店， 話咁快又一日。
2006/7/17 (月曜日)
札幌、小樽
Ready.... Go! 朝早在火車站會合 Madu， 出發位於東京的羽田機場（成田機場實際位於千葉）， 成世人第一次的內陸機， 一個鐘頭左右就到達新千歳機場。 咦？ 到了？ 噢噢噢！ 北海道！ 之後再由機場坐四十分鐘火車左右到達札幌車站。
點都好， 醫肚先講， 第一件事就係試試札幌拉麵， 叫了一個極濃醬油拉麵， 果然唔同些， 那種味道實在不是我能夠形容， 麵就一般吧？ 不過湯始終也是最重要的一部份！
之後到酒店 check in， 由於 research trip 理論上是後日開始， 所以這兩天的酒店要由自己銀包出， 房間， 比想像中好吧？ 這個價錢也不用太高要求喇。 稍稍休息， 出發去一個距離四十分鐘左右的小樽。
去車站之前， 諗住稍稍行下札幌市， 所以由酒店行去車站， 途中意外地經過赤レンガ（舊政府官廳）， 跟住落大雨， 整鬼地雙腳濕濕的坐火車去小樽。
去到小樽， 一個靜靜的小鎮， 當中又有些幾得意的屋， 落微微雨。 這個小樽， 最出名的應該是那條小樽運河， 而這個小鎮也是因為這條運河而成為一個商業城鎮， 地方， 很大， 慢慢走， 不過由於去到時已經有點夜， 所以去得的地方唔算太多。 點都好， 在這裏吃了一個若鶏定食（炸子雞定食）， 非常的油， 非常的好食。 之後再周圍走走， 正正八點時去到一個叫做「小樽オルゴール堂」， 外面有一個鐘， 踏正， 報時， 除了聲音之外還會噴蒸氣， 非常有趣。
之後回到札幌結束今日的行程。 第一印象是一個井井有條的城市， 另外一個幾意外的， 就是火車站裏面的中文告示是用正體中文而不是簡到唔知點的簡體中文， 唔知邊位咁有見地呢？
2006/7/15 (土曜日)
忙了一大輪， 今日又正好 Freddy 初到東京， 聚聚舊之餘也讓自己休息一下， 下午趕到去新宿， 時間出奇地準， 不過， 好熱呀。 但沒多久下雨... 唔理喇。 首先去幾日前食過的中村屋食個午飯， 吹吹水， 咦？ 佢地手上那本旅遊書都有介紹呢間餐廳喎。 搞笑。
之後停雨！ !"#$%&()， 是但， 因為想幫佢地買ジブリ美術館（宮崎峻博物館？）的入場劵， 周圍的找 Lawson， 找不着， 再找也不是辦法， 先過去原宿先。
原宿嘛， 自己也很少來呢， 不過酷熱指數也極度之高！ 撞鬼。 行了一些舖頭， 自己沒有買野， 不過那間舖頭的東西都幾抵的。 沒有想過， 遲下有機會過黎睇下都好。 anyway 今日主要也是在附近周圍走吧？
回去新宿， Cherry 要幫朋友買手袋， 去了小田急樓下的 "NBS"（真係唔鬼記得點串）， 那些手袋香港買一個一千港元左右吧？ 這裏好似話比在香港平幾百元。 咦， 可以係一門生意喎。 平咁多？
之後去西口食鐵版牛扒（自己成日都食， 沒想到旅遊書都有講）， 有點樣衰的搵唔到東口那間在那裏, 還好佢地都沒有所謂。 食完飯再周圍走走， 完了這天。 很不錯的一天， 聚舊旅行探險（？）三合一， 唔好意思的係做了一整天電燈膽。
2006/7/14 (金曜日)
尋日做了一個非常大的決定： 唔做之前搵落那份 paper， 改以另一份 IEICE 的 paper 代替， 唉， 自己亂黎， 見份 paper 多圖就用， 結果份 paper 難到完全睇唔明。 沒月辦法， 臨時臨急的， 找了另一份 paper 代替。 還好。
不過唔理咁多， 昨晚才通頂， 今日點都訓左先講。 訓下， 醒下， 再訓過， 鬧鐘響， 訓多個鐘先... 整下整下， 朝早七點喇。 呀， 真係要死份功課喇， 做做做， 自己也不相信的效率， 三個鐘之內搞掂。
之後回到學校就輕鬆多了， 約略再看份功課， 沒有甚麼問題， 交得。 呼。 最麻煩的東西總算處理好了。
夜晚聯絡身在東京的 Freddy， 雖然唔知邊間房， 不過好在也駁到過去俾佢（好在佢用自己個名登記， 用 Cherry 個名的話唔知點搵佢）。 好好， 明日“去東京旅行”。
2006/7/13 (木曜日)
通頂， 訓多陣先算。
今日最後的一堂 OS class， 今個 sem 最後的一堂， 今個 Master course 最後的一課， 完了完了！ 當然還有很多 report 要交， 不過這些東西後話喇。 唔鬼理咁多！
唔知點解 deadline 特別多朋友找自己， 平時很少傾計的今日都突然有興緻找我。 真係有心喇。 不過自己有點點無力咁囉....
2006/7/12 (水曜日)
晨咁早起身教小學， 不過都開始慣了。 和小朋友相處， 比當初想像中順利。 今日偶然遇到一個將會在十月實習的大學生， 傾左幾句， 無端端“監堂”， 哈哈。
之後回到 lab， 沒有太大心機做中川先生份 report... 兩大份， 今日做唔完就死得喇。 呀呀呀。
夜晚約了同學仔食飯， 好耐沒有去過新宿喇。 中村屋， 又真係幾好食喎。 吹水吹水...
結果今晚通頂.....
2006/7/11 (火曜日)
學期尾的關係課堂有所調動， 早上中川先生的課， 最後一堂喇。 照慣例的無無聊聊， 最後兩分鐘提到考試， 整鬼你 open book， 玩野咩。 因為去北海道考唔到試， 取而代之的 report， 難到死。 整鬼。
之後研究室 meeting， 幾個 M1 的 tutorial， 我自己也有份， 提到 Web 2.0 的一些基礎， 執豆咁執， 講真幾簡單。 不過準備時看了些相關資料， 幾有趣的。 而今次和平時不同的是用日本語發表， 平時論文等東西都是用英文的嘛， 唔， 偶然也不錯。
2006/7/10 (月曜日)
世界盃終於都完了。 以前都唔係咁睇波， 可能今年比較無聊（加上點點逃避現實唔做功課）， 最後意大利以十二碼壓倒法國， 唔。
睇完波都五點半喇。 係時候訓... 比平時遲兩個鐘起身。 其實都唔知番唔番學校好， 今日又冇 lecture， 唔， 算了。 總之留在家都應該做唔到乜野。
結果， 回到學校， 有兩大段時間唔知做乜， 第一是笹瀬先生無端端走黎吹水， 講左幾十分鐘吧？ 另外是 Sann Mau， 看見他那段完全睇唔明的 code， 佢竟然想用黎做 tutorial， 真係估佢唔到。 忍唔住同佢講左個幾鐘， 呀， 死。 自己的 presentation 還未開始。
話時話， 勁搞笑的一個 Kill Bill video
2006/7/8 (土曜日)
羽毛球日。 啊！ 體育館終於開冷氣喇。 真係等左你好耐喇。 雖然唔及香港， 但最近的天氣之炎熱和潮濕的確令人很不舒服。 點都好， 今日偶然的和兩個唔認識的人打波， 很強！ 偶然這樣也不錯吧？
之後四個人有點點漫無目的的走了去渋谷， 看看舊書店， 看看衣服 真的沒有甚麼目的呢。
回去休息。
2006/7/7 (金曜日)
晨咁早起身的一日， 第二天去教小學。 上次遲到了少少， 不過今次就鬼咁早去到。 時間掌握還是難了少少呢。 唔緊要啦。
雖然有點難度（小朋友的日本語比起成人的難明）， 不過意外地和小朋友相處也延開心的。 今次第二次來， 叫做“熟落”了點點（當然九十個人名基本上沒有辦法記得）， 小朋友也變得延熱情的。 開始好玩。 呀呀， 今日的確是在玩呢， 無端端去了體育館做鯊魚...
之後也要處理中川先生那份 report， 不過無比的眼訓... 結果沒有甚麼進度。 夜晚找了可能是矢上唯一一個識講廣東話的朋友食飯。 牛角（舖頭名）比想像中好味。
2006/7/6 (木曜日)
上堂， 中川先生的堂照慣例遊魂， 不斷的諗點樣 fix 個 tomcat， 昨日就算是 downgrade 番去 Tomcat 5.0 都係唔掂， 今日搵 solution... 下午的 OS 課， 咁啱講到 Web application 的 security 問題， 哈， 這些東西駕輕就熟喇， 做左兩年咯。
在 lab 也是眼訓加唔專心， 算了， 回家。 再從新裝 Tomcat， 慢慢 config， 整下整下總算搞掂。 Tomcat 5.5, Java 1.5 都沒有問題就裝 Pebble 2.0， 也就是現在見到的新 version 喇。 default 的 template... 唔， 遲少少再改個 design... 總算搞掂！ 繼續 blog...
2006/7/5 (水曜日)
沒有回校， 不過因為 Tomcat 的關係無端端忙左成日。 除了下午去剪頭髮之外基本上整日的被 Tomcat 玩弄。
今日 update 個 system 時發現 Tomcat 5.0.27 突然被 hard-masked， 即係 package manager 因特別理由而 officially 停用某個 package， 至於 hard-mask 的原因， 係 Gentoo 想人 update 去 Tomcat 5.5， 對我來說其實是一件好事， 因為現在用緊的 Pebble， 很快便會由 1.9 update 去 2.0， 雖然就 feature 來說不算有太多特別想要的東西... 不過總有點 upgrade 癮， 去馬啦！ 唔知點解 Tomcat 5.5 depends on 幾十個 packages... 完全唔明， 算， 照去， 裝完之後再 deploy Pebble-2.0-M3 的 war file， 哎呀？ 失敗， LogConfigurationException， 唔係好明， 改下 config 抄下 library, restart， 這個 step 重複幾次之後 Tomcat 再起不能， 喂喂？ 搞左好耐， 都係唔掂。 決定手動 unmask Tomcat 5.0.28， 暫時一切如常， 不過 Pebble 2.0 還是要等等喇。 下次 Tomcat 5.5 mark stable 先再試。
2006/7/4 (火曜日)
笹瀬先生的課今日也完了， 不過事實上其實只是準備下午的 presentation， 昨日出奇地快完成（因為好耐之前有些東西可以 reuse）， 今日口裏細細聲的練習。
結果 presentation 算是順利吧？ 當然不是完美， 不過也過了骨， 唔， 這個 presentation 左執執右執執就應該可以， 另外還有幾個 reports 要做...
唔理， 明日休息。
2006/7/3 (月曜日)
最後的一堂 Internet Backbone， 過埋呢兩個禮拜 lecture 就完了， 呢兩個禮拜死埋 d report 就可以安心去北海道喇（係先算）。
下午沒有太好心機做明日的 presentation.... 要靠 deadline effect 添。 今晚冇覺好訓...
2006/7/1 (土曜日)
消えたナノナノのために一体何ができるか。翼へ。リペアウェイブ。いや、マジ久しぶり泣いたね…なのだ。
偶然的講下波， 日本隊出左局， 剩下可以捧的球隊， 英格蘭吧？ 點解係英格蘭， 其實沒特別原因， 硬要說的話可以說是喜歡他們組織的攻擊吧？ 不太喜歡巴西那類崇尚個人風格的踢法（當然他們的組織也很強）， 哈， 下半場ルーニー（中文好似係朗尼？）被紅牌踢出場時首先是開心（睇呢條友唔順眼， 自己意氣用事）， 跟住替英格蘭擔心， 始終十人應戰， 結果力保不失去到十二碼， 到這關頭也沒有說話好說了。 除了ルーニー之外， 整隊也算是雖敗猶榮吧？