2006/8/31 (木曜日)
公司裏面也是無聊的過， 哎呀， 真係十萬個後悔， 這裏的人都沒有甚麼計劃， 或者說對我要做的東西沒有甚麼計劃。 算了， 唔鬼理咁多。
夜晚和三個在這裏住的香港朋友食飯， 去了附近的牛角， 唔算豪食， 都係志在吹吹水， 不過其中一個香港朋友都係今日先識， 完全比我想像中オヤジ， 或者麻甩佬（好耐冇用過呢個 term 喇）， 雖然係幾搞笑， 不過真係同我想像中差好遠囉。 是但了。 朋友識多過都冇壞。
2006/8/30 (水曜日)
無聊的過， GUI 方面大概都算完成， 以沒有寫過 MFC 的我而言都不算太差吧？ 是鬼但喇。 呢個 program 睇怕都唔會完成得到。 一來時間都冇太多剩， 二來佢又黎改野， 喂喂喂， 玩呀？ 改完隨即問我要整幾耐， 乜野趕唔切云云， 真係冇你咁好氣， 總之剩下一個星期盡力做就算， 你係咁改 spec 我真係唔理得你咁多， 唉， 最初講到份 specification 幾咁重要， 原來你都係冇睇過。
夜晚繼續執屋， 搵到幾個紙箱可以用， 都幾好， 唔太大個， 裝書都唔會太重。 就這樣整體來說搬兩三轉應該 OK 吧？
少少題外話， 夜晚在家時做了一個 test， 關於工作能力方面， 可惜只有日本語， anyway 個 result 都幾得意。 即管照寫出黎， 詳細 report （日本語）的 comment 都值得睇下， 哈， 結論來說， 作為一個現代的 business man, below mean...
| Core skill | Score | Average |
|---|---|---|
| Personal vision 決策力 | 7/10 | 6.2 |
| Personal stragegy 決策力 | 7/10 | 5.5 |
| Leadership | 5/10 | 6.2 |
| Management | 2/10 | 5.3 |
| Information collection | 4/10 | 6.4 |
| PC usage skill | 9/10 | 6.0 |
| Presentation skill | 4/10 | 6.2 |
| Adaption to different culture | 8/10 | 3.8 |
| Time management | 1/10 | 5.3 |
| Mental management | 5/10 | 6.4 |
| Personality type | Score | Average |
|---|---|---|
| 指導性 | 12/20 | 9.0 |
| 寬容性 | 10/20 | 12.1 |
| 倫理性 | 14/20 | 10.2 |
| 活動性 | 9/20 | 8.0 |
| 協調性 | 8/20 | 11.1 |
對於上述結果都算係認同， 哈， 不過 management 同 time management 能力真係幾低呢， 另外寬容性和協調性偏低... 哈哈， 也是不能否定的呢。 而結論我年收應該有 451萬円， 即係29萬港幣左右， 即係月薪24k 左右啦。 唔， 原來如此。 唔唔。
2006/8/29 (火曜日)
一朝早“人材開發部”， 即係人事部那邊的山下さん打了個電話來， 咦？ 莫非炒我魷魚？ 唉呀， 原來只係填 form claim 車費， 空歡喜一場， 不過去到他那裏閒話幾句， 佢“道聽途說”我工作情況， 好像幾辛苦喎， 好像幾努力喎， 都唔知聽邊個講定自己幻想喇。 辛苦還可以， 無聊同唔會理先係一個問題。 唔。
有點點習慣寫 MFC， 不過成個 library 咁鬼大， 自然有很多東西唔識喇。 一路寫一路找， 搵搵下唔太明嘗試問唯一一個“可以依靠” 的 staff， 佢隨即走黎我部電腦， 開 IE 去 yahoo， 望見佢個 search string 真係想笑， 最後都係搵唔到， 唉， 自己再搵， 最後都總算 OK 啦， 求人不如求己果然是對的， 問題係自己一個人寫 code 的話我黎 internship 做乜？
收到澄清先生的新居禮物， 多謝哂！ 另外也去了買窗簾， 3000 個大洋， 還可以啦。
晚上開始執屋， 不過自己又衰， 唔捨得掉些垃圾。 算了， 拎多幾個紙箱等 Madu 一次過車 :)
2006/8/28 (月曜日)
開始寫 MFC， 有點坐針椅的感覺。 沒想到身為 Linux 人的我竟然因為 internship 寫 Windows application。 哈， 誇張了少少， 之前好像都講過， 都係 GUI application， 所以當係玩下都可以。 而且點都好過漫無目的地寫 specification 嘛。 時間相對也過得快了少少呢。
繼續諗搬屋的東西.... 唔。
2006/8/27 (日曜日)
去了附近的二手店睇傢俬， 其中一間大係夠大， 不過很多東西都買唔落手。 有些椅都勉強可以喇。
順手黎過單車之旅， 很少可在一些不太熟識的地方周圍走， 沒有地圖也沒有計劃， 雖然周圍有路牌但也不過是一個大概的位置， 亂咁行， 意外地感覺不錯。
2006/8/26 (土曜日)
朝早拖住個 gip 去横浜， 始終要慢慢搬些東西過去喇。 今次只是拖了些冬天衫和漫畫等。 一般重啦。 不過都還可以接受。 去到， 有點熱， 去食個午飯， 煤氣也搞好。 噢， 真快手。 於是呆了一陣去行街， 睇睇傢俬... 又一日。 咦？ 話時話要開始做番 research 的東西喎， 死喇。
2006/8/25 (金曜日)
繼續寫 program， 為左用 regex 用了不知幾多時間 compile 個 boost ， 最後都係失敗， 唯有用些最簡單的方法做好佢。
夜晚本來打算去搬傢俬， 不過又唔知 Madu 趕唔趕得切黎， 唔， 首先和澄清先生於本厚木遊了一陣， 其實都係消磨時間， 等呀等， 結果等唔到咁多， 唯有放棄（後來得悉那些傢俬原來俾左人了）， 會到成城那邊食飯， 很久沒有見過的リカ， 聽了件唔知驚好定笑好的事， 就是リカ的個人資料竟然很離奇的洩出， 原因係一個在電話公司裏面做 part-time 的人。 哎唷？
2006/8/24 (木曜日)
朝早坐火車時突然閃出一個概念： 唔好做喇。 呢個 internship 真係無聊得過份， 唔， 坐言起行開始打信。 不過同時地都有幾多顧慮， 尤其係學校方面。 以前遲工最多都係影響當時間公司， 正所謂拍拍囉友， 不過今次中途“辭工”的話影響的包括了學校， 諗諗諗， 也順口問問澄清先生。 唔， 都過了一半喇。 挨埋佢算啦。
挨還挨， 不過無聊就係無聊， 還好今日開始寫得 program 喇， 雖然 Windows 的 program 真係無乜心機， 不過 GUI 的 program 以往沒有點寫過（除了 web）， 勉強都算係一個機會...
2006/8/23 (水曜日)
繼續寫 spec， 真係唔知佢想點， 無聊得很。 完全係浪費時間。 下午照改了個 spec， 改完佢先黎改呢改路， 喂！ 係你就早講啦。 浪費時間。 有病架！ ~)('&%$#"!
唔理咁多， 放工走了去新屋度位， 今日可算正正式式入主這單位喇！ 雖然乜傢俬都冇， 不過一個獨立自主的空間， good! 大概度好位之後， 番歸... 哎呀呀， 又冇左一日。
2006/8/22 (火曜日)
到而家都唔清唔楚自己要做甚麼。 下午開了個會， 講自己所做的東西。 做到而家其實也是憑自己僅有的理解去做， 真係唔算好的東西， 結果那個 staff 一路冷笑（或者唔係冷笑， 不過佢笑的聲音和表情很令人不舒服）， 大佬呀， 你講清講楚先算啦， 那幾張紙簡單得完全唔知係乜的 specification， 加上一份所謂的 function spec， 哦。 佢好強調“你寫個 spec 出黎要令人可以從份 spec 寫番個 program 出黎”， 講得真係好聽。 這就是待人以嚴律己以寛的活生生的例子。 不過感覺真係好差。
看看 2ch（日本的一帶 discussion group）， 勁多人鬧這間公司。 之前好像發生唔少事呢。 呀， 只怪自己做唔夠功課啦。
2006/8/21 (月曜日)
又要番工， 呀， 真係搵自己笨， 明明唔鍾意番工， 跟住又叉隻腳入黎， 撞正搬屋和下個月 submit paper， 真係撞鬼。 雖然番工時間唔算長， 但晨咁早起身， 真係想死架。 工作嘛， 今日依然寫緊份 spec， 真係唔太知佢要求些乜， 但佢又冇乜時間應酬我， 呀， 真係唔知點。
大概處理好水電煤喇。 最論盡係 internet， 而家又處理唔到住。 又有段真空期添， 希望唔好太長啦。
2006/8/19 (土曜日)
新しい契約
朝早起身， 出發到横浜！ 比起預定早了少少到達， 唔緊要， 出發去大家さん的公司， 就這樣仲介人エイブル的角色也就完了。 之後和大家さん那個 staff 一路吹水一路簽約， 剛巧佢地好像剛剛去完香港旅行， 又會邪成咁， 哈， 也好， 有話題。 講了很多東西， 不過最有印象就係好熱！ 好凍！ 好熱當然是最近香港的天氣啦。 而好凍就自然係香港的冷氣。 凍感之都這個名的確沒有改錯。 anyway 一大篇 contract 總算簽好。 之後再在學校那邊處理好細節就 ok。
之後行去横浜駅附近， 其實諗住熟識一下附近的環境。 好熱。 不過也還可以接受吧？ 行行行， 行錯左幾次路先行去自己屋企， 哈哈， 之後應該沒有問題掛？ 理論上今日還未入得去， 不過既然黎到了， 開門！ yeah! 但乜都冇的屋， 還是走人了。
横浜剛好搞緊開港150周年的慶祝， 好多人跳舞等， 呀， 勁， 這種天氣也頂得順。 我呢， 就在附近行行看看家具算了。
好好， 可以計劃搬屋的細節了！
2006/8/18 (金曜日)
一個星期終於涯過， 比想像中辛苦的 internship， 不過回歸到一些死寫爛寫的工作， 似乎不太適合自己呢。 不過既然開始了， 唯有頂硬上啦。
出外靠朋友真的冇錯， 搬屋的 document 靠 Madu 幫忙總算齊備， 明日可以去簽 contract。
星期五 mode， 好像好耐沒有試過了。 今日送行一個朋友， 其實這個朋友也不過是見過三幾次吧？ 不過難得一場相識嘛。 去了新宿食飯， 墨西哥餐廳， 食物 ok 啦， 不過沒有試那裏的 cocktail， 唔想醉。 因為應該有下場， 去了カラオケ， 哎呀， 唱歌一向都唔拿手， 算了， 一班人開心玩下喇。 結果就玩足全日。
2006/8/17 (木曜日)
繼續眼訓的工作， 不過基本上發傻， 唔， 一大份 spec 要寫， 不過一半因為自己發傻， 一半因為公司未俾 form 自己。 anyway 唔覺意浪費了時間添。 沒有辦法， 明日快手處理好佢。
下午 remote 處理保証人等東西， 不過又遇到個小問題， 哎呀， 剛巧不動産屋個 staff 放假， 聽日先算。
夜晚那裏的 staff 搞左個歡迎會， 呀， 真客氣， 我點講都不過是四個禮拜貨仔。 去了食燒肉（不是燒味， 是鐵板燒）， 吹水， 比想像中不錯。 不過最大問題係， 好眼訓呀！
2006/8/16 (水曜日)
第三日。 依然係好眼訓。 不過沒有辦法了。 繼續理解自己的工作， 時間一路的過， 突然取回兩年前工作的感覺： 無聊， 上 web， 睇 slashdot， 睇新聞... 喂喂喂... 不過沒有辦法， tools 佢又未俾我， 哈哈。 不過臨放工突然想起 M 記好像 release 了免費的 Visual Studio， 找一找之下， 哦， VS Express， 用都未用過， 不過與其發傻不如裝個 tool 玩玩啦， 呀， 裝裝下， 夠鐘放工。 哈， 聽日再算。
拜託了 Madu 幫忙搞保証人等東東， 哈， 之後搬屋又要搵他幫手， 搵日要請佢食番餐勁呢。
終戦六十一年－－ 靖国神社與獨裁政府
每年這個時間也敏敏感感的。 六十一周年， 小泉首相選擇於正日參拜神社。 理由算是有趣：“反正鄰國都係嘈架啦， 我覺得今日係合適的一日”， 的確， 無論任何時間去， 新聞也只是影着中共外相李肇星說參拜是傷害兩個人民感情云云， 了無新意。 最後的結論也是“日本應該正視歴史現實”等等一點也不新的新聞材料。
誰是誰非在今日跟本沒有一個很客觀的標準， 將來也似乎不會有定論。 身在中國的話不時聽到為某件歴史事件定性， 其實可笑得很， 定性？ 就憑中國政府？ 這種定性說穿了不過是一種政治工具。 這個專制政權， 說甚麼也沒有公信力。 南京大屠殺死傷者眾， 這件事大有証據支持， 但在戰爭當中， 敵國平民死傷是理所當然， 用現今太平盛世的“標準”去看未免是一種另類的偏激。
有人說過戰爭沒有正義和邪惡， 只有戰勝和戰敗， 這句說話一點也不假。 日本由百多年的黑船事件開始被西歐烈強欺凌， 經歴開國， 維新， 軍國政府， 戰爭， 戰敗。 簡單地說是對西歐的一種反抗， 當時世界的殖民統治不斷的擴張， 而日本就於這短時間形成一種抗歐的勢力， 可惜是這膨脹來得太快， 導致一種迷走， 甚至暴走。 軍人當權， 資源缺乏的島國政府， 在戰時自然需要更多資源， 剛巧鄰近國家腐敗不堪， 弱肉強食的戰時， 日本發動侵略以自保， 為的其實也是生存。 侵略， 用今日的看法， 當然受到萬人所非， 我自己也不例外。 戰敗的日本， 順理成章的歸於邪惡的一邊。
比起侵略更加可恥的， 是自殘。 國共內戰， 為的不是向外擴張， 而是權力（當然向外擴張也是一種佔領慾）。 同一個民族互相殘殺， 所謂共同抗戰也不過是互抽後腿。 為求勝利不惜假借外敵日本之力， 這種陳腐的當權者， 無疑是招致中國千萬死傷者的元兇， 日本既是另一元兇， 同時也是中國當權者的幫兇。
東条英機等人對敵人殘忍， 戰敗後成為甲級戰犯， 靖国神社到今日成為永不完結的外交問題。 毛澤東等人對自己民族殘忍， 其肖象卻高掛於北京受人尊崇， 專制政府依然是專制政府。 其實毫不出奇， 這就是戰爭和權力所衍生的現象， 日本軍國主義， 戰敗後受萬人唾棄， 主因是戰敗， 其殘酷行為為這個敗者的包袱加重。 中國幸運戰勝， 卻為其不當行為正當化， 導致戰後的腐敗， 說文化大革命是由這種腐敗醖釀出來也不為過。
上述的價值觀， 我自己也不能理解， 說到底戰爭下歪曲的價值觀確實不是我這種在和平世代出生的人所理解。 結論來說， 還是不可再讓戰爭發生。 諷刺的， 是參拜靖国的小泉明言不會讓戰爭發生（當然口裏說的和實際可能是兩回事）， 而多次批評日本的中國卻以統一之名張牙舞爪製造不安。
2006/8/15 (火曜日)
第二天 internship， 朝早小雨下撞見澄清先生， 哈， 都算係偶然吧？ 不過同一間公司也不出奇喇。 咦？ 好像之前沒有提過？ 最初認識這間 Anritsu 也是因為澄清先生在這裏工作喇， 要不然相信也不會揀在這裏做 internship...
朝早玩了一下那部 tester， 唔好問詳細住， 我都唔知發生緊乜事。 anyway 要做的東西就係將一向人手要做 calibrate 的東西轉做用電腦 cal， 唔， 照做可也， 一大堆 GPIB， 聽都未聽過， 下午開了個會， 那個 staff 似乎都唔知安排甚麼工作給我似的， 四個星期真的唔多唔少， 結果之後一直在看 document... 超眼訓...
下午和澄清先生行去車站， 又唔遠喎。 不錯不錯。 就這樣完了一天喇， 很眼訓!!!!..Zz..z..z..zzz
2006/8/14 (月曜日)
Internship 開始
咁就放完“暑假”了， 雖然比起很多要工作的朋友來說始終是有勝於無， 不過我好歹都係一個學生嘛， 學生放暑假天經地義架嘛....
哈哈， 再講落去很可能會被人打... 朝早過錢去 agent， 悠悠閒一下， 出門口“番工”。 Internship 嘛， 勢利的看真的只是白做， 不過始終真真正正在一間日本公司工作的經驗， 唔多唔少都為自己帶來一些本錢嘛。 所以也不用計較這麼多了（雖然撞正搬屋有點麻煩）。
去到公司， 因為行錯路所以遲了少少， 不過沒太大問題喇。 首先去到的地方似模似樣的一間會客室， 有四個人做 internship， 山下さん約略講解了一些細節， 沒太大問題， 再聽他介紹一下公司歴史， 哦哦哦。 原來如此。 之後去到自己做野的 department， 十足十一個工場， 不過這樣的地方做野都應該會幾有 mood 喇。 細節， 明日才知。
夜晚看電視看到很夜。 哈哈， 很久沒有看這些熱血卡通喇。 偶然看看也不錯呢。
限定版 魔法先生ネギま! 15
話時話ネギま! 在不知不覺間已經十五期了， 比起赤松先生之前的ラブひな的十四期多， 照故事來說最低限度也可以寫多兩三期吧？ 講起赤松先生的作品， 自己只看過ネギま!， ラブひな和 AIがとまらない， 三部作品唔多唔少都有少少色気， 不過個人來說算是無傷大雅的東東？ 唔， 不過作品的搞笑， 世界觀， 無厘頭等東西全部也很不錯。 畫功也一路的進步。 故事大路黎講也就是愛情漫畫吧？ 不過主軸通常也有其它重要的東西， 例如之前ラブひな所描述主角浦島景太郎考入東大的過程， 今作ネギ的成長等等。
講番今期， 劇情也開始緊張起來， 魔法的秘密突然被公開!? 哈哈， 詳細唔講喇。 另外附送的 DVD， OVA 春的動畫也算做得不錯呢。 限定版雖然貴了少少， 不過也算值得喇。
2006/8/12 (土曜日)
下午去剪頭髮， 整鬼， 出門口先黎落雨， 由於約實時間， 沒有辦法， 照出。 結果那非同小可的雨勢弄至全身濕哂， 最離譜的是一到埗時兩勢即時銳減... 喂喂， 駛唔駛玩到咁盡呀？ 唉。
全身濕濕的去到 salon， 哎呀， 真的很不舒服， 不過沒有辦法喇。 照剪頭髮， 今次決定剪短佢， 一改這麼多年的髮型， 哈哈， 過這麼久才下定決心， 都真係要幾大勇氣架， 突然轉髮型的原因嘛， 其實沒有甚麼特別。 想轉很久的了， 現在暑假， 而又將快搬屋， anyway 算是新生活的開始， 所以便趁這個機會改變一下喇。 結果効果比自己想像中不錯， 頭髮短了， 點樣去 set 又是另一個學問了。
之後休息... 夜晚沖涼時整鬼的手㬹撞到毛巾架， 當場麻痺， 後來麻痺過後發覺很痛， 哎呀呀， 撞鬼。
2006/8/11 (金曜日)
朝早因為要去區役所的關係所以不算訓得太晏， 一是拎番張證明文件之類的東西， 另外是處理一下保險的問題。 兩件事在下個星期之後都好難搞喇。 於是決定早些處理。 搞掂之後在附近逛了一陣， 突然食到一間很好吃的咖喱屋， 那隻辣粉實在非常不錯呢。
之後回到會館小休， 再出發去會合澄清先生， 唔， 實在好耐冇見過佢喇。 半年都黎緊咯。 閒話家常， 在本厚木附近走走， 唔， 下個星期起一連四週就會在這裏附近工作了。 唔知生活會點呢？
2006/8/10 (木曜日)
夏合宿 終わり
兩日三夜的夏合宿就這樣完了。 因為天氣關係行程不算是太精彩， 不過算是輕鬆一下啦， 朝早影埋張大合照之後走人。 原車回去， 不過白須さん揀的那條路都真的刁轉， 唔係太明， 是但啦。 今日天氣好轉了， 有陽光有海灘不過冇我地份。 呀。 沒有辦法。 途中回到平塚時到了湘南台， 簡單來說是山頂的電視塔喇。 身處高處的感覺很不錯， 個人來說非常喜歡呢。 一望無際的海和市鎮盡收眼底的感覺， 確實不錯。 之後一行人去了白須さん的家坐坐， 再之後各散東西。
之後過了火車站附近走走， 沒有甚麼特別事做， 唔， 回去吧？
2006/8/9 (水曜日)
伊豆夏合宿 第二日
由於台風接近， 海灘， 沒有辦法。 結果一班人決定去打保齡， 自己來說應該是第四次打吧？ 一班人幾條 lane， 分組比賽， 哈哈， 總覺得有點連累人？ 是但啦， 玩玩， 不過真係奇怪， 我和岡崎くん（B4 同學仔）第一舖同樣的 79 分， 在自己來說是正常的分數， 其它人大概都過一百分吧？ 哈哈， 奇就奇在第二舖我和岡崎くん也鬼上身， 九次裏面唔係 strike 就 spare， 分別由 79 分變到 142/143 分， 噢！ 雖然以 professional 黎講唔係高分， 不過以我黎講真係唔明發生乜事的奇蹟。 哈哈， 有鬼。
食完飯回去， 準備 BBQ， 不過這裏的 BBQ 和港式的完全唔同喇。 一大塊鐵版， 落油就煎。 雖然都非常不錯， 不過自己比較喜歡找支叉叉隻雞翼或者腸仔， 圍住個爐吹水， 哎呀， 好想番去香港燒野食添。 唔。
之後 party， 玩幾個 game， 有點點顛也沒有甚麼避忌（例如話先生地中海也 OK）， 還不錯喇。 之後 game 玩完， 又玩 UNO 又玩啤牌， 啤牌嘛， 除了一些未玩過的 game 之外， “掐棉胎”（唔好意思， 唔識寫）沒有人識玩！ 噢。 有趣。
呀， 忘記了說。 之後本來諗住回房休息， 誰知突然見到藤川（被隊酒對象 no 1）在自己間房。 似乎在逃難喇。 沒有所謂啦。 換轉我自己都唔想玩得太顛。 不過那班人似乎唔肯放過佢喇， 其中船曳更加意圖爬入黎（喂喂， 二樓黎架）， 最後露台的窗門因為鎖了的關係， 唯船曳唯有在外面擾嚷... 哈哈， 看着他都幾有趣的（因為落唔番去）。 後來拉埋窗簾， 自己都覺得幾絕， 不過沒有辦法喇。 後來冇左聲， 似乎爬番落去了？ 唔， 唔理咁多， 吹左陣水之後藤川也走了， 可以訓覺。
2006/8/8 (火曜日)
合宿その一 伊豆へ
今日開始合宿， 因為要早去坐車的關係， 晨咁早起身。 望望窗外， 大件事， 個風打到黎， 落雨。 喂喂喂， 之前幾日都仲鬼咁好天...
好在唔係太大雨， 照出發。 等了一會就遇集合了四人。 出發， 沿途休息一下， 一路行一路覺得個海灘無望， 算， 都沒有帶泳褲。
到達目的地， 今次的 camp site 比起上年高唔知幾多個 level， 環境非常不錯， 食物也很不錯， 還有浴室也高很多班。 另外最大喜訊係今次沒有巴斯光年， 所以就算留學生全部同住一室也沒有關係。 不過合宿， 真係到現在都唔明， 就係入到去就幾個鐘頭的研究室 meeting， 真係有點浪費時間。 唔， 自己又唔駛 present， 發夢， 反正唔夠訓。
夜晚完了 party 之後去大浴場， 環境也很不錯。 之後的 party， 其實那班人只是做和平時一模一樣的事： 係咁飲。 真係唔明呢班人。 我呢， 就和一班人玩 UNO， 包括山中先生父子， 山中先生的兒子還真有趣， 怕怕醜的， 不過玩左陣就沒有問題咁啦。 呼， 好彩， 今次唔駛同那班人飲（雖然平時都沒有飲）， 不錯。
第一日大概係咁啦。 明日可以一路的玩...
2006/8/7 (月曜日)
回校， 希望今日租屋方面可以有回覆， 結果還是未有回覆。 哈， 一個小插曲， 今次租屋， 保証人找了国際センター， 另外找了笹瀬先生做緊急聯絡人。 聯絡人方面笹瀬先生完全沒有問題， 不過原來他對保証人有點陰影， 之前好像有條友， 租又唔交學費又有問題， 跟住突然番左老家， 以致笹瀬先生一身蟻， 哎呀呀， 呢條友真係累家坊。 雖然最初我也沒有打算找笹瀬先生做保証人....
另外今晚和香港朋友食飯， 好耐冇同佢地食飯喇， 唔知點解今次食飯好似 farewell 咁， 但不過係我搬屋和另一個朋友去一去臺灣， 唔， 不過真係唔多機會見呢。
唔， 聽日開始夏宿。 伊豆...
2006/8/3 (木曜日)
偷懶。 哈哈， 其實主要也是等不動産屋的消息。 不過關於保証人方面好像有點點問題， 雖然學校方面應該 ok， 不過業主可能是第一次面對這個 case 吧？ 唔， 交給學校處理吧。
ところで、今日やっと GAII を完成したね。今回自分的にはカルーアの方が好きかな。 まあ全体的にはかなりいい作品だと思う。 とにかく終わりだ。
2006/8/2 (水曜日)
整日的偷懶。 哈哈， 短短的暑假， 就放蹤下自己吧？ 不過暑假嘛， 原則上是學生的權利（？）喇。 但到了大學院其實就沒有假期唔假期的分別了， 尤其係而家已經完了所有 course， 只剩下研究的情況下， 應該要全力做 research 喇。 唔， 不過這個暑假的情況有點微妙喇， 下個星期的合宿， 再下個星期開始 internship， 之後沒多久就要搬屋， 之後很快要寫國際會議的論文， 唔， 都唔知夠唔夠時間， 唔理咁多喇。 なんとかなる!
2006/8/1 (火曜日)
繼續搵屋。 朝早出發到横浜， 和番學差唔多時間啦。 開始搞清楚車站與各出口方向的關係。 準時到達不動産屋， 接着就出發睇樓。 今日的這個單位不用礼金、敷金， 加上附送昇降床（很好， 慳地方）和小雪櫃， 一定要彈的就是面向西面吧？ 日日看日落... 西邪。 不過也沒關係吧？ 稍稍諗下， 就決定租這裏了， 不過那邉想月中起租， 也沒有問題吧？ 兩頭住家， 兩邊俾租， 不過既然租這裏的初期費用不高， 結果來說也算是沒太大問題喇。 接着回去處理一連串手續， 等業主回覆， 希望沒有太大問題吧？ 這裏各方面也真的不錯呢。
番學校， 除了簽名之外還要問保証人等等東西， 哈， 搬屋嘛， 現在就開始要煩呢。 雖然叫做在 lab 坐左陣， 不過也只是吹吹水， 約略看看 paper...
期待新居。