2006/9/30 (土曜日)
又一次發揮路痴的本能， 今日見時間早了點點， 於是便試試由另一個火車站走去體育館。 在一個叫做三軒茶屋的車站下車， 行行行， 哎呀， 結果遲大到， 真係唔係幾好意思， 上次都好似遲到添。 anyway 今日終於有得打羽毛球喇。 三個人打， 都幾甘架。 多些人輪住黎打應該會舒服好多吧？ 唔。 平時始終都係懶， 不過有一班人做運動的話總算可以的起心肝一齊玩， 雖然之後散左...
真係散散地， 不過不斷的繼續京都篇（？）， 哈哈， 也就是るろうに剣心喇。 不過真係唔太滿意， 有乜理由左之助可以打敗宗次郎... 唔， game 就係咁架喇。
2006/9/29 (金曜日)
笹瀬の日
很久沒有研究室 meeting 了， 看長谷川的英文 present 實在搞笑， 再看 Sann Maw 的 slide 又笑唔出， 雖然自己的 presentation skill 唔可以話好好， 不過望住佢地的 slide.... 唔。
那位新來的中國留學生真係唔知好嬲定好笑， 真係超典型中國人， 引用陶傑常常說的"小農DNA"就最合適， 無端端以中國領導人的口氣講左句"Hong Kong is a un-separable part of China"， 雖然政治上是鐵一般的事實， 不過在這個人面前， 好像自己被歸化為佢地同類， 真係多謝夾盛惠。 接着佢問到 research topic 的時候， 我忍唔住問佢“我唔可以代你揀乜野菜好食架喎”， 佢好似唔明， 接連再問“做乜 toipc 有利搵工？”， 真係... 有番咁上下年紀， 問問題唔該俾少少 sense 先問.... 在下唯有祝你好運， 也祝中國好運....
2006/9/28 (木曜日)
復活喇！
Internet， 終於都有得用喇。 朝早 NTT 條友遲到， 搞到我等左鬼死咁耐， 早少少打個電話黎都得嘛， 不過總之有 Internet 用就唔理咁多喇。 上到黎， 在電話線駁左舊野（大概係一類 close loop 的 signal detector 之類）， 再去 building 的唔知邊度整左陣， 整個過程都好像唔過十分鐘， 佢在部 notebook 整下整下， 用得喇。 稍稍望望， 50Mbps? 唔， 自己再試試之下， 大約 25Mbps up/down link， 不過這些結果得難作準喇， 是但， 最緊要 uplink 快左。 今次的 router 沒有 NAT function， 唯有自己出去買番個 router， set 番少少野， server 總算也復活了！ 好好好！ 回復正常人喇！
之後回 lab 做少少功課， 沒有太多特別事做， 唔， 之後回家繼續 update 部電腦... 一段時間沒有 update 總有點不安的。
2006/9/27 (水曜日)
戦利品
カラオケレボリューション J-POP ベスト Vol 1
カラオケレボリューション デュエット用マイク
晨咁早番小學。 數番轉頭原來已經第六堂了。 雖然到而家都未記得學生的名字， 不過也算是互相習慣了吧？ 其中教二年班的一堂， 更加付出了我的第一次... 第一次講故仔俾小朋友聽。 不過用英文， 唔知佢地點諗呢？
Anyway 之後回到 lab 發夢， 太眼訓了。 就連上網都沒有心機... 是但了。
買了今日的戦利品， 回到家才發現個 mic 係 2P 用的。 失策。 算了， 音痴訓練計劃繼續延遲...
2006/9/26 (火曜日)
Madu 生日， 唔知係唔係斯里蘭卡的習慣， 佢在今日買了一些蛋糕請大家食， 哈， 多謝， 同埋恭喜！
之後重開 research， 開始找新題目， 做做 survey 喇， 之前偶然看到 grid computing/networking 之類， 唔太清楚裏的的 concept， 好好， study 下先。
落雨， 有時真係覺得幾煩...
2006/9/25 (月曜日)
平常的一日， 回校， 論文投稿， 發傻的 submit 左去另一個 conference， 哎呀， 好在發現得早。
夜晚租了コナン的劇場版「探偵たちのレクイエム」， 之前在戲院睇， 還有些地方唔明， 今次再睇， 都總算明哂。 當中キッド那段更加睇完又睇。 十週年的作品， 比當初期望雖然有少少距離， 不過整體也很滿足。 遲些有機會再說。
2006/9/24 (日曜日)
秦野たばこ祭り
下午約了很久沒有見的（？）Lica去秦野睇祭り， 最初其實沒有太大興趣， 不過成個暑假都冇乜玩過（咦？ 呢句說話好似講過好多次咁... 心理作用？）， 於是又玩番餐。 不過秦野始終太遠， 結果其它人都沒有來， 得兩個人， 是但了。 四點幾會合了 Lica， 周圍行， 初次來到的秦野， 很廣闊的地方呢， 偶然到這類地方轉換一下心情也不錯。 最初沒有甚麼特別， 一路說東講西一路行北走南（即係閒逛）， 延有節日的氣氛喇。 之後看完花車， 到了河邊等點火放煙花， 等等等， 見到那班人點火之後沒多久， 吊在河上那串“縄”開始燒着， 原來是煙花！ 很精彩， 加上近那裏， 臨場感一流。 真係要多謝 Lica 介紹
不過發覺遠離東京少少， 便發現那些人比較親切， 兩個不斷講廣東話的人， 竟然無端端有兩個阿伯搭訕， 有趣， 不過得佢地介紹這裏各種東西， 都真的幾有趣。 順帶一提， 連食店那個阿姐都講左好多有趣的東西給我們聽呢。
最後坐火車時發生一件意外， 正當我轉車時， 一出車門隔離那個人突然暈倒， 一看發現他嘔了些東西， 唔對路， 自己可以做的就是求救， 正着其它人按火車上的緊急通知時， 那個人突然起番身， 呆左呆， 佢話自己沒有事， 就正當大家以為沒有事的時候， 一調轉頭就聽到一些巨響， 那個人又再倒下， 情況比之前好像更嚴重， 這次有個女人很冷靜的打電話求救， 自己則做不到太多事， 等到車站的職員來到後也就走了， 知後唔知情況如何。 但願冇事啦。
2006/9/23 (土曜日)
久別的運動日。 今日預定了重開很久沒有打的羽毛球。 嘗試找另外兩個朋友一起玩， 其中一個去左唔知邊玩， 另一個本來話得， 不過今日搵得佢太遲喇， 都係下次先。 不過其實好彩， 因為去到先知原來今日紅日， 羽毛球沒有開， 險。 不過自己嘛， 之前已經和另外一個朋友約定了， 於是去了同一個體育館做 gym （真奇， gym 又有開喎）。 而另外認識了一個泰國來的朋友（唔， 唔知點解越識越多泰國人）。 今日由於是第一次去那地方， 於是叫做上了個 tutorial， 約略聽了那大堆器械的用法。 唔， 大致也沒有問題吧? 而那裏有部脂肪計， 於是試下玩。 結果: 脂肪率 14.1% (脂肪量 8.5kg)， BMI 20.2， 肥滿度 -8.0%， 簡單地說是偏瘦喇。 不過就沒有甚麼 diet 或 keep fit 的必要， 哈， 這方面可算是天賜的呢， 一直以來都沒有做過甚麼運動或是節食， 不過做運動的一個重要目的－－鍛鍊基本體力， 還是必須的呢。 所以還是要多些做運動喇。
之後去了附近的駒場會館吹水， 才知道那個泰國人原來也是華橋呢（要數到阿爺那代了）， 而且越看就越覺得佢面善... 呀！ 幾似鄭秀文架喎？ 不過好耐冇留意香港的娛樂新聞， 所謂似都算係一個模糊的印象喇。
anyway 之後去了渋谷的餐廳食食飯， 繼續吹水， 之後去了カラオケ， 哈， 再次確認自己係一個音痴... 不過總算很開心的一日。
2006/9/22 (金曜日)
朝早繼續番小學， 今日只係教一班， 算係輕鬆， 其中一個小朋友， 父母是馬來人， 英文比起其它人好很多， 而又非常好學。 實在很難得呢。 而且這班小朋友實在很有趣喇。
接着回校 guidance， 都係 update 番張學生證， 講番少少細節等。 無風無浪的成為二年生。 Master 就這樣剩下一年。
到渋谷， 首先會合了阿樂， 之後就見到 Elsie 喇， 冇見佢足足一年半， 冇多冇少, 最初聽到佢沒有做領事館， 過了來繼續讀書真係有點唔敢相信。 點都好， 再見到佢， 竟然仲記得我，真係有點榮幸。 等埋 Amy， 一行四個香港人， 到了昨日 book 了的餐廳食野。 算係一間氣氛唔錯的餐廳。 講講在這裏的生活， 講講領事館的人和事， 不過真係小心唔好得罪女人， 其中一個領事館的 staff， 好似寸左少少， 不過到而家都被記得全名（仲要係中文名）， 咪話唔驚。 點都好， 今日有機會見番一個舊知都幾滿足。
2006/9/21 (木曜日)
沒有甚麼特別的一天， 繼續做 research （正確來說是遊魂）， 開開心心的過日晨。
夜晚本來約了一些香港的朋友食飯， 不過由於過遲先通知， 結果今日都係去唔成。 不過都算係搞手， 責任上都應該確保明日沒有問題， 於是特登出了渋谷訂位（最衰唔知那間餐廳的電話）。 好好， 期待明日。
終於打敗了宗次郎， 接着的志志雄， 簡單地說不值一提， 弱得可憐....
2006/9/20 (水曜日)
很久沒有到小學喇。 今日只係教一年班， 動物名嘛， 簡單的當然沒有問題， 但突然問到犀牛， 真係諗唔起... (後來才諗番起 rhino)， 唔， 其實真係要準備一下會比較好些呢。
想起家中 set 了一個 infinite loop 的鬧鐘， 由於今日早出門口所以應該係沒有停到的， 以前也試過不少次， 不過有 internet 的話 ssh 過去就沒有問題。 不過而家， 呀， 唯有親身回去， 還好不算太遠。 也好在現在住的地方應該都幾隔音吧？
回到研究室已經沒有太多時間做野， 上上網過過日晨， 之後和 Madu 去食ジンギスカン（烤羊肉）， 算是多謝他幫我搬屋喇。 不過我發現了自己的一個特殊能力， 就係就算望着地圖也可以當失路... 好在呢個世界有 GPS， 總算沒有走到去千葉才發現迷路（？）... 自從上次到北海道之後都沒有食的ジンギスカン， 一字記之曰正！ 冇得彈。
食飽後回“家”， 唔， 中文沒有得加 s 添， 先到東京的舊居， 有點點人面全非的感覺。 真奇， 不過目的不過是拎番架單車喇。 難得今日天氣好嘛， 不過發現架單車唔係好夠氣咁， 算了， 應該都沒有問題， 於是開始這個深夜 30km 的旅程， 東京那段路之前坐 Madu 車都行過兩次都算係沒有問題， 不過去到學校至新居那段路基本上也是迷路多。 今次拎了地圖（おいおい， 早就應該啦）， 雖然係沒有迷路， 不過經由新横浜的一段， 在地圖來看應該是最短的路， 不過原來係上山落山... 結果超辛苦和超爽接種而來， 現在想起其實都延過癮， 不過平地， 應該是有的...... 是但了， 今次的 30km 狂奔， 共用了2.5小時， 平均時速約 12km... 算係咁啦。 中途都幾多燈位， 加埋休息時間， 自己都覺得係一個紀錄。 沿途飽覽平時看不到的夜景， 尤其係過多摩川時的丸子橋， 夜景簡直是一絕， 平時坐火車是燈火通明根本沒有機會慢慢看。 可惜沒有帶相機....
回到家， 死掉....
2006/9/19 (火曜日)
戦利品
ギャラクシーエンジェル II and I デュエットアルバム・エンジェルコール
スクールランブル 14
トゥハート2 2
るろうに剣心 -明治剣客浪漫譚- 炎上!京都輪廻
正常的日子， 回 lab 處理一下雜務。 之前份 paper 算係沒有問題， 所以而家都總算輕鬆一下。 哎呀呀， 話哂都冇放過暑假咁濟， 休息一下都未為過份嘛。
也就是這個原因， 今日突然地買了以上的戰利品， 尤其係以 CD 和 game 來說， 真的很久沒有買了。 尤其係るろうに剣心， 以 game 來說其實有一大堆想玩的 game， 不過就是想玩這隻 game 先， 詳細遲些慢慢講。 anyway 一口氣由開始去到「天剣の宗次郎」， 完全唔夠打， さすが.... 似乎一開始揀上級是錯的呢。
名探偵コナン 55
探偵甲子園完結編， 理性上其實都諗到， 不過感性上還是覺得兇手應該是那些阿叔喇， 唔， 要做一個探偵的話還有一大段距離。
停車場襲撃， 根本唔知「エル」的意思（唔識德文）， 所以沒有辦法估下去...
新一的幼年編， 那些暗號完全解唔明， さすが黒羽盗一...
最後的ゴロ編， 哎呀， 今次沒有心機慢慢睇， 未諗到時已經先看了結果... 有點浪費添。
2006/9/18 (月曜日)
差不多整日留在家， 哈， 都係時候寫份 research paper 喇， 之前因為 deadline 延遲了所以幾乎沒有理佢， 不過明日總要回學校和笹瀬先生傾喇。 再唔處理好命都冇。
總算搞掂， 又去 Pepper lunch， 真的很吸引的一間食店。
2006/9/17 (日曜日)
戦利品:
名探偵コナン 54
一朝早終於有機會見到大家さん喇， 不過真的有點點失禮， 沒有想過是他親自上黎幫我整水喉， 唔知還以為是甚麼公司的人， 最後確認他名字才知原來真的是大家さん， 還沒有好好道謝添（可以租到這裏認真好彩嘛）。 唔。
本來打算番去會館踩番架單車番黎， 不過打風落雨， 沒有辦法還是擱置。 唔， 沒有單車出入始終要用不少時間呢， 雖然這裏行過去車站也不算太長時間。 點都好， 都要食飯， 最近成日都去車站附近的 Pepper lunch， 哈哈， 非常不錯的一間食店喇！
2006/9/16 (土曜日)
洗衣機終於都到手喇。 之前一次手洗， 頓時感到母親大人的偉大， 手洗這麼辛苦， 洗左幾十年... 洗衣機來到， 安裝， 哎呀？ 漏水？ 沒有辦法， 不太嚴重， 打電話找了大家さん（包租公）幫手， 唔， 應該明日會來？
夜晚約了一個在区役所識的人上納涼船玩， 第一次去， 基本上是繞着東京灣一兩個圈吧？ 這班人裏面都是繞着一點點和香港有關的話題似的。 Anyway 上船玩， 不過船上其實沒有甚麼特別， 總之就上去嘻嘻哈哈的過， 吹下水， 睇下人唱歌跳舞， 也不錯。 落左船後， 班人有點點 high （飲得太多？）， 老實講有點點唔知點咁， 不過沒有問題喇。 有機會再出黎玩也不錯。
2006/9/15 (金曜日)
朝早又一大堆雜務要處理。 尤其重要的是等 NTT 的電話， 事關 Internet 嘛， 處理好這些雜務之後到研究室。
不過去到研究室只係 check mail 同係咁易睇下 webpage 都已經差唔多用哂些時間了。 因為約了人的關係所以都沒有做過甚麼就走了。
約了人嘛， 兩個都一段時間沒有見的朋友。 去渋谷的一間餐廳食飯， 吹水， 總括來說也是談談近況等東西喇。 生活總算不錯。 之後再到甜品屋下場， 加上另一個朋友， 唔， 那個朋友好像很多流言蜚語， 哦。
2006/9/14 (木曜日)
平靜的一日， 地址等東西也引陸陸續續的轉好了。 繼續 research 和雜務， 不過可惜 research 進度依然麻麻。
話時話都未回復正常的生活， 就係未自己在這裏煮飯喇， 地方比較細， 實在唔知邊度煮... 所以呢幾日夜晚都係在外面搞掂， 不過咁落去破產都似。
2006/9/13 (水曜日)
朝早回 lab， 只係見到昨日所說的大陸人， 其實見咁多大陸學生， 佢都算係我最意識到佢係大陸人， 外觀上， 髮型， 鼻毛, 衣着... 談吐上， 一問我中文名後整句“振哥”！！！！！！！！ おいおいおいおいおいおいおいおい， 哥前哥後三分險呀， 仲要用普通話叫， 真係唔好亂黎。 要點時間適應這個人呢。
食飯， 上網， research， 總算正常的生活.... 夜晚依然的執屋， 總算似番個人住的地方喇。
話時話突然得知 Peter 轉工， 哈， 唔記得佢做第幾份喇， 不過超越我那四份工了？ 點都好， 希望新環境工作順利啦。
2006/9/12 (火曜日)
朝早先去郵局轉地址， 都幾多野要做， OK 之後番學， 過番正常的生活喇。 沒有 internet 的屋企， 學校就係一個最方便上網的地方喇。 今日黎左兩個新的留學生， 唔唔， 留學生的勢力越黎越勁喇（？！）， 一個印尼人， 另一個大陸人， 印尼人唔太覺得係印尼人， 可能認識唔夠吧？ 唯一希望佢唔係伊斯蘭教徒（實在唔知點相處）， 另一個大陸人， 由頭頂到腳趾尾都寫住大陸人， 大陸留學生見唔少， 但好似佢咁典型的都係第一個。 稍稍傾了一陣， 哦。 遲些有機會再講。
得知 WCNC 延期， 嘩， 有救喇！ 真係諗住趕唔切， 而家有多兩個禮拜可以用。 好好， 努力。
夜晚繼續買櫃砌櫃執野。
2006/9/11 (月曜日)
横浜、新生活
繼續昨日的故仔， 其實都冇乜特別， 不過是坐頭班火車直衝横浜（不過拖住約 20kg 的行李）， 去到車站坐的士番自己屋企， 唔駛跳錶， 不過都650円（約45港元）喇， 回到新居， 鬧鐘未響， safe! 未入伙就搵個鬧鐘嘈住人就大獲喇。
之後做少少雜項便回東京準備 check out， 要執的東西也 pack 好， 係咁易清掃一下， 之後搵 staff check 房， 沒有問題， 之後便周圍找找人告別喇， 雖然耐唔耐都應該會番這裏... 哈。
搬剩下的東西去新居， 失策， 紙袋中途穿底， 哎呀， 死喇。 好彩有尼龍縄， 頂到幾下， 不過去到都係大問題， 沒有辦法， 捧住番去， 都幾肉酸， 是鬼但喇。 去到新屋， 正式搬入黎喇！ 唔， 第一件事就係去区役所處理各種手續喇。 煩係煩些不過都要做喇。 這裏處理好之後都沒有時間回學校， 算， 明日再算。
夜晚再添少少東西， 處理那一大堆的東西， 其實不少東西都唔知有冇機會用， 自己習慣又衰， 結果真係唔知點好， 算， 有幾多執幾多喇。
2006/9/10 (日曜日)
理論上最後一日住在東京喇。 其實都係執野， 搬少少野過去新屋， 順手整理一下間房， 執執下都係時候番去喇， 搵朋友食飯， 今次兩個住在會館的香港朋友年紀都比較大， 所以佢地都有唔少共通話題， 或者說沒有代溝？ 哈哈。 點都好， 食完飯吹吹水之後繼續執埋剩下的東西， 執執執， 越執越多？ 死咯。 同時想起新屋那邊個鬧鐘好像 set 了晨咁早響（因為之前 internship 的關係）。 所以零晨四五點出門口....
2006/9/9 (土曜日)
搬屋日。 今日又拜托了 Madu 幫手， 朝早去佢屋企附近會合， 之後番會館， 中途係咁塞車， 真係有點點唔耐煩， 因為下晝仲要等傢俬， 不過都沒有辦法， 要怪就怪自己遲了少少出門口啦。 之後一路搬， 都差唔多清哂喇掛？ 今次比起上一之多了不少東西， 不過也勉強上到車。 直衝去橫浜， 有點點疲倦， 而且也有點點迷路（本神奈川地圖借了俾人）， 最後也總算平安到達， 謝謝 Madu 喇， 下次真係要請佢食番餐好的！
另外檯和椅都送了來， 自己砌， 都還好唔算太難， 不過要點力水就是了， 幾滿意， 從 Internet 買， 沒有詳細試過， 都擔心唔知好唔好駛， 結果也不錯喇。 之後當然地駁番部電腦， 好！ 沒有問題， 只要等番 Internet 就可以過番正常的生活喇。
有個舊同事黎左東京玩， 夜晚緊要同佢食番餐飯喇。 去了新宿的廻転寿司屋， 之前都黎過幾次喇， 雖然唔算多選擇不過整體也不錯。 閒話家常， 講講往事， 之後直衝歌舞伎町， 哈， 只不過四圍走走喇。 不過有趣的是之前一個人在這裏周圍走基本上完全被 ignore， 和這個朋友一起時就很多人走黎兜生意， 原因嘛， 自己想像喇。
2006/9/8 (金曜日)
脱！ Internship
最後一日的 internship， 總算挨到今日喇。 真係... 朝早繼續寫個 presentation, 沒有太大問題， 下午食飯時才發覺飯堂係咁鬼死貴。 爛鬼定食都要五百幾， 有點被搶的感覺。
下午和那兩個同事做了做 presentation 的 rehersal 之後（其實唔明點解要 rehersal， 例牌的東西之嘛）。 問問其中一人那些 code 點樣， “你俾 d code 我我都係'哦， 係呀， 哦'之嘛， 俾我都冇用”.... 咁寫那些 code 為乜？ 一肚氣... 再之後準備去那個連負責的同事都唔知在那裏的 conference room， present 最初諗住都係負責的同事和小貓三四隻， 結果有成十幾廿人， 真係唔明， 那班人裏面大部份都沒有甚麼關係嘛？ 三點幾開始的 presentation， 用了一個鐘頭有多， 包括自己的 present， QA, 還有他們對我的感想。 最多聽到的是“雖然我和你的接點唔多／沒有”， 唔， 不過當中的意見很多也很值得聽喇。 放下之前的怨氣， 虛心一點的聽聽吧？ 都最後一日喇。
執執手尾， 稍稍吹水， 夠鐘閃人。 先去人事那邊處理手尾和再吹少少水， 之後去本厚木一帶遊蕩， 因為約左佢地飲み会， 最後一日點都想好好睇睇喇。 遊遊下見到澄清先生， 哦， 佢又係食野， 雖然唔同地點喇。 飲み会整體也不錯， 不過煙橙比較多喇。 唔， 最後佢地送了個蛋糕俾我， 謝謝喇。
回到會館， 望住個蛋糕， 一個人食唔哂， 叫多個朋友幫手食， 順手吹吹水， 都就黎走喇嘛。
2006/9/7 (木曜日)
尋日炒車， 手又痛腳又痛， 唉， 尾二一日照番工。 上午繼續修修補補個 program， 總算有件行得的東西， 雖然冇時間 test 冇時間慢慢玩， 唔理得咁多喇。 郁得都偷笑喇（包括我自己和那個 program）。 之後下午理論上不斷要做 presentation 的準備， 不過結果都係寫左個 outline 就算那隻。
夜晚繼續做 research 的東西， 一個殘廢的人結果做唔到太多東西。 結果 send mail 俾先生說下週再戰， 實在很唔好意思。
2006/9/6 (水曜日)
上午繼續改好 program code, 有少少問題， 不過下晝總算可以駁機試。
不過下午駁機之前發生了一件哭笑不得的事， 食完飯， 距離開工一兩分鐘吧？ 望了望個 program 有點東西唔明， 於是問負責那位仁兄， 佢話未夠鐘， 唔講， 呀.... 你又冇錯， 係差一分鐘先開工， 但係唔係串成咁呀？ 真係要命。 點都好， 下午開始駁機， 試好個 connection 冇太大問題， 唔。 program 的 logic 上有不少地方要修正， 唔。
夜晚回程時， 炒車， 撞鬼。 雖然都仲郁得， 不過鬼死咁痛。 唉呀呀， 不過都要繼續自己的 research, simulation 得出的結果有點出乎意外， 唉呀呀， 睇黎要作下故仔先得。
2006/9/5 (火曜日)
繼續番工， 到而家都係唔知佢想點， 算， 唔理咁多， 有野就做， 唔清唔楚的我都唔理得咁多。 哼。
之後澄清先生請食飯， 哈， 被佢話食野大聲添， 要檢討下。
嘩， 唔掂， research 那邊乜都未搞掂， 真係唔敢講連 Deadline effect 幫唔幫到自己....
2006/9/4 (月曜日)
今日拎了假， 唔駛番工！ 好好， 理論上沒有假喇， 不過搬屋大過天， 唔理得咁多喇。 處理好郵局之後， 先到世田谷（原本住那區）， 去到發現登錄証唔見左， 哎呀？ 奇， 不過世田谷那邊話唔需要証， 直接去横浜新居找找， 睇下搵唔搵到張証， 搵唔到， 算， 姑且行去横浜西區區役所， 結果沒有舊証做唔到野， 哎呀， 白行， 算。
最後一站去學校， 處理埋 scholarship 同屋約等等東西後， 上上 lab 和笹瀬先生傾下個進度， 再和其它人吹吹水， 好快就走喇， 去附近的 recycle shop 睇傢俬， 沒有甚麼買得落手， 沒有辦法了， 回家後上網買， 少少貴， 不過都算係值得喇。
2006/9/3 (日曜日)
先到新居， 今日送來的床褥， 兩點左右到吧？ 去到横浜時間已經唔太多， 不過順路去了買個櫃先， 結果那班送貨的人鬼咁早， 趕頭趕命的走去， 仲要拎住個櫃... 唔緊要， gogogo...
之後 settle 好， 會合 Madu， 去了佢屋企開車， 其實兩個人都唔太識路， 結果由佢屋企去會館沒大問題， 又會館去横浜都唔大問題， 途中迷路， 找警察叔叔， 非常詳細的解釋（仲有地圖附送）， 最大問題係由横浜回去 Madu 屋企， 唔記得印地圖， 好難行， 結果繞了一大個圈， 哈， 真係唔好意思喇。
2006/9/2 (土曜日)
終於可以稍作休息。 先到附近的ヤマダ電機買左個洗衣機， 18000 左右， 不算貴喇。 跟住去了秋葉原打算買檯買椅， 結果一半行街一半找以前見過那間舖頭， 找了很久也沒有結果， 沒有辦法， 再去去 recycle shop 找找...
2006/9/1 (金曜日)
依然無聊的過， 我都唔記得工作上發生過乜事（寫這篇日記已經事隔五日）， 不過記得放工後成大班同事整左個籃球大會， 雖然籃球本身沒有甚麼興趣， 不過其實都係玩， 工作方面真係完全沒有 value， 不過玩的話其實都好 friendly， 而且很久沒有玩的籃球， 竟然比想像中不錯。