2006/10/31 (火曜日)
萬聖節， 唔關自己事， 加上其實都唔係剩下幾多 HP， 所以決定死去， 十二點幾才起身（喂喂， 前幾日先講完短眠...）。
點都好， 咁遲起身都懶得番 lab, 也好， 留在家中做自己東西， 首先整番好個 internal LAN， 之前硬係有個奇怪問題， 昨晚訓之前突然諗起個 firewall， 今次試一試， yeah! Bingo! 雖然未詳細試好， 不過遲些再慢慢來喇。
明日最後一日教小學（起碼今個學年來說）， 應承了其中一班的老師帶些香港的相去給小朋友看， 於是約略揀了幾張以前的相， 印印印， 好。
之後回家， 未有太多特別事做， 休息一下。
2006/10/30 (月曜日)
戦利品:
魔界戦記ディスガイア 2 キャラクターコレクション
魔界戦記ディスガイア 2 アレンジサウンドトラック
半死亡的狀態回 lab， 頭就沒有痛了， 不過咳咳咳， 唔知的話以為我肺勞都似？ 不過也是繼續看書喇。
另外今日做了一個“師奶”， 買餸格價... 事關屋企最近那間舖頭， 買飽雞肉都貴到飛起， 有病， 去超級市場買仲平， 結果行多幾步的肉店， 平平平！ 那間舖頭又平得誇張， 仲平過超市做特價...
今日買的 CD， 主要是為了那首「罪な薔薇」， 歌詞都幾有趣。 幾貼近ディスガイア的風格。
2006/10/29 (日曜日)
完成了 魔界戦記ディスガイア2 ， 應該是 normal ending 吧？ 好像還有幾個 ending， 慢慢先玩， 簡單地說故事雖然不錯， 也很有趣， 但個人比較喜歡上一集的故事， 深度也高些， 不過今集的人物設定比較合自己口味呢！
之後“病發”， 倒下， 死掉。 反正放假， 沒有關係吧？
2006/10/28 (土曜日)
打波， 不過得兩個人， 體力消耗也比起平時快， 不過也還好喇。 打羽毛球是兩個人的實力不是相差太遠的話通常就最好玩（其它 sports 都係）， 隔離場四個師奶， 體力上看得出不算很好， 但技術很不錯呢， 有點點相形見拙的感覺... まぁ、我們自己開心也就沒有問題喇。
之後沒有特別節目， 陪了個 friend 去東大的 Italian Tomato 溫書， 呀， 她在十二月考日本語能力試喇， 其實唔係好知陪佢好定唔陪佢好， 話就話算係可以幫下佢溫書， 不過結果吹水多咁？ 呀， 另外要多謝佢送的蛋糕呢！
之後去了渋谷會合エルシー， 哈， 佢話難得我出東京所以食飯喎! 有趣。 搬左屋之後的確少了很多時間去東京呢， 除了約左 friend 之外都沒有甚麼機會去， 例如買 game， 係就係去秋葉原買會平些， 不過車錢都蝕埋， 另外其它乜都可以在屋企附近買咁濟， 就係朋友就多數要出去 join 喇。 anyway 依然地兩個人在渋谷找東西食， 偶然見到“小肥羊”， エルシー在香港時也沒有去過， 本來決定這裏， 不過要等成個鐘， 唯有放棄， 她介紹另一間しゃぶしゃぶ（日式火鍋）， 幾抵食， 不過也是醉翁之意喇。 難得兩個香港人， 吹水吹水， 不錯不錯。
不過話時話， 其實昨日起已經有少少感冒， 打波時也沒有大礙， 不過之後開始見頭痛， 火鍋時情況也未至於很嚴重， 但坐火車時開始痛， 痛痛痛.... 回家也是痛， 不過沒太大問題， 好， 打機 <-- 無藥可救...
2006/10/27 (金曜日)
木月ふれあいフェスティバル
晨咁早起身， 仲早過平時番小學， 嘩， 對眼完全好似吊住兩隻大笨象咁， 撞鬼， 不過幾眼訓都要出門口喇。 鬼叫自己應承左幫手搞 festival 喇， 甚麼 festival? 就係我教緊那間小學的 festival 喇， 用番香港的語言來說就係 open day 喇。 自己負責當中的一個 English corner 喇。
回到學校， 首先見到タシャー以外的另外兩個在這裏教的先生， 一個印度人一個孟加拉（？）人， 唔， 點解身邊咁多東南亞人的？ 雖然沒有甚麼問題， 稍稍閒聊之後就去了體育館， 簡單而隆重（？）的開幕禮之後便去到自己負責的地方， 其實要做的也不是太多， 協助一下小朋友的英文發音就 ok, 反正不是上堂， 也不會要求得太多。
這次的 festival 分前後兩個 sections， 下半場我可以周圍走， 又幾好玩喎， 有手語的 corner， 有演奏， 有試坐輪椅， 最有趣的應該是試坐輪椅喇， 真的比想像中困難， 一個只有一寸多的“梯級”也要九牛二虎之力， 一個很好的體驗呢。
之後食完飯， 幫 Madu 處理好 scholarship 的廷長後， 人係番左 lab， 不過只是那個完全沒有靈魂的身軀喇。 超發夢...
2006/10/26 (木曜日)
晨咁早 meeting， 而且今日鬼咁長的 meeting, 真係唔知點算好， 眼訓程度當然的五粒星... 大部份的 presentation 也和平時差不多， 不過新留學生二人的 presentation 就比較出乎意料－－ 那位印尼的學生的 presentation 無論 visual 方面或是更重要的內容方面也做得非常之好（用 powerpoint 用得比這個 lab 的任何一個人都應該要好）， 反之“中國同胞”完全發揮“我國”的本能－－ copy and paste， 離哂大譜， 之前佢完全沒有頭緒就叫佢看看 Communication Magazine 看看最近有甚麼 topic 做緊， 今次看看佢的 present， 一看就知是 copy and paste (例如在一句句子中間的突然 endline character)， 而且佢知唔知自己講緊乜都成一個疑問... 唉。 當然很多中國留學生也表現得很好， 不過這位仁兄真的超乎想像...
就這樣挨了一整天， 不過這天也不是沒有收獲， Notebook 的 beryl (3D Desktop) 也總算 set 到喇！ 突然覺得自己好鬼型呀。
2006/10/25 (水曜日)
唔經唔覺今日已經係尾二一日去教小學了（下年還有冇機會就另作別論）， 老實講到而家都唔記得幾個多名， 不過難得小朋友和自己熟落嘛（理論上有點言語不通）， 都唔知在這裏講左幾多次， 不過到而家都唔係太相信自己和小朋友相處到這個地步。 乜野地步？ 哈, 自滿的講， 下午給食（也就是小學校的午飯喇）時小朋友爭住要我同佢地坐， 哈哈， 自己都好開心呢。
回到研究室， 繼續處理埋 extend scholarship 的少少鎖碎事。 接着看書...
晚上於 mixi 突然認識了一個日本人， 雖然說那個人好像是以横浜來 search， 不過傾下傾下， 西区? 再講下講下， 哎呀， 住得好近， 近得有點離譜。 另外 chat 都幾有趣， 佢本身識中国語， 整個過程基本上佢都係打中文， 但我自己又貪方便（？）打日本語... 何なんだろ。
2006/10/24 (火曜日)
繼續昨日的“利誘早起”, 都係要爭札一下， 不過都算係起到身。
處理埋 extend scholarship 的種種雜項， 嘩， 差唔多又一日。 另外那位中國同學， 問問佢後日的 present 準備成點， “What?”， 真係估你唔到， 始終算係後輩， 睇住佢死的話自己都唔好過， 但係， 可以醒目少少嘛？ 或者佢又識得 deadline effect， 明日突然爆炸吧？ 姑且睇下你點， 反正第一次 present 衰左都無傷大雅。
夜晚走時撞見 R 君和 A 君， 反正未買餸， 一齊去食個飯啦。 佢剛剛去完韓國 conference 番黎， 好像幾得意， 不過日本裏面也得多研究會開喇。 學笹瀬先生話齋， 努力投稿去 domestic conferernce 可能仲開心。 唔， 下次去邊好呢？
2006/10/23 (月曜日)
戦利品:
ギャラクシーエンジェル 3rd 2
ネギま!パーティー Book 神楽坂明日菜
魔法先生ネギま 16
哈， 自己好奇看看有些利誘會唔會容易些實行“短眠”， 結果今日算是成功喇。 不過以這樣的進度， 隨時今個禮拜就會完成ディスガイア， 唔， 唔諗太多喇。
會到研究室不斷處理 extend scholarship 的東東， 寫埋份 research proposal， 另外也麻煩了笹瀬先生幫手寫推薦書， 雖然都係抄抄貼貼的工夫...
夜晚快快手手買了今日的戦利品， 唔， 不過都係顧住打機。 哎。
2006/10/21 (土曜日)
戦利品:
魔界戦記ディスガイア 2 初回限定版
又係時候打波了， 一行五個 "regular"(?)， 可惜今日體育館太多人， 不太可以盡情的打。 但除了羽毛球玩了不少其它東西也算不錯。
之後去了東京大學的 Itanlian Tomato， 呀？ 東京大學還是第一次來呢， 雖然經過不少次， 但走入黎都仲係第一次， 果然人地飯香， 入到黎總覺得環境很不錯， 哈， 不過日吉キャンパス的銀杏樹都絕不輸蝕呢。 吹了一陣水， 有趣， 玩個占卜（？）， 看看自己應該係乜野性格， 詳細其實唔太記得， 但得出的結論話自己係比較任性的人？ 呀？ 有咁嘅事？ 唔， 以番工的角度來說的話應該沒有錯...
夜晚去了 Sofmap 買番張 network card 去駁 internal LAN， 同時亦都買左今日的戦利品, 好耐之前都想買喇， 有時話交完份論文買， 有時話呢樣有時話那樣， 今日終於都買喇！ 之前的ディスガイア的故事算係好吸引， 所以今次第二集都走唔甩喇。 期待（結果 internal LAN 未搞掂就開始打機... ）
2006/10/20 (金曜日)
日抖都比較平靜， 圖書館突然 send 了個 message 話本 Grid network 黎左， 借黎慢慢睇（其實對這個 topic 無乜認識， 不過就是有點興趣）。
不過下午一個泰國 friend 突然問起一年前那份 matlab 功課， 呀， 唔記得喇喎， 不過看看下自己都仲有 keep source code， anyway 幫佢睇睇， 睇下睇下睇左三個鐘， 都唔知佢份 code 錯乜（雖然事實上沒太大心機看）， 最後咁鬼夜， 一行三人去了食牛角燒肉。 到現在其實都未算好識得叫好野食...
2006/10/19 (木曜日)
さあ、3D Desktop を使おう
朝早， 因為等任天堂的禮物， 九點傻間間的等， 原本坐着的等下等下， 變了訓着的等下等下， 終於到了。 上年是任天堂的月暦， 今次相信是配合佢新機 Wii 吧？ 來了一個和佢 controller 一模一樣的 TV remote control, 又幾可愛架喎。
之前約略的試過裝 AIGLX 來達到 3D desktop effect， compiz 就唔太成功， 下午在研究室突然有興緻在部 notebook 試下個 beryl overlay， 咦？ 雖然明顯地有問題， 不過個 program 總算溫到喎。 Notebook 那邊遲下慢慢先算， 回家試試 desktop 得唔得， 一試， 咦！ 掂！ 一字記之曰型！ 點型法？ take 左個 screenshot ， 除了 3D Desktop 外， transparent effect 也很好玩， 視覺上非常的過癮。 另外實際的角度去睇， 因為這個 architecture 將 rendering 於了去 display card GPU， 所以理論上用少了 CPU resource (雖然唔覺）， 很好玩， 期待這堆東西的 development stable。
還有， 今日重新開始煮晚飯， 不過未控制到個爐的熱力等。 唔。
2006/10/18 (水曜日)
要番小學， 不過也不用太早起身， 住這裏真好。 不過話雖如此， 眼訓就係眼訓， 在火車上簡直有想死的感覺。 Anyway 好像剩下三日左右喇。 似乎完了之後要到出年才會再有機會教呢。 教小學， 當然自己不能控制到場面， 不過這裏的工作也基本上只是副助， 所以也沒有甚麼大問題， 而且很開心喇。 比起最初那些小朋友熱情了很多， 雖然有時會唔明佢地講乜， 不過在自己最近幾年的人生中， 唯有這裏“天真無邪”這四個字可以用得着喇。 平時覺得幾百厭的小朋友， 今日在電腦室整左張畫送俾我， 感覺非常之好。
下午繼續研究室的生活， 四點幾時本來諗住和其中一個朋友閒聊一下， 結果整下整下走左去玩自己冇乜點玩過的 cygwin 同 ns-2， 要 run ns-2 的 sample 就唔算太難， 不過點樣加自己的 protocol 就相信要整一段時間先得喇。
最近感覺到自己熱氣得很過份， 終於開了那包從香港帶來的“清○酷”， 唔... 唔太好飲....
2006/10/17 (火曜日)
食飯和食飯， 下午約了アリス俾書佢， 佢出門口之前打左個電話俾佢， 搞到佢好似趕頭趕命的， 仲要整傷了點點， 唔係幾好意思。 話時話呢幾日都真係勁多機會講廣東話。
下午係咁易做了些 research， 夜晚又去了會合澄清先生， 要謝謝佢替自己補祝生日喇。 不過與其話生日不如話吹水更加合適， 不過所吹的不是平時的無聊事， 而是討論一下去向， 家庭等事喇。 有些問題始終很難公開讓所有人知道， 所以偶然找到這種朋友去傾實在很不錯喇。
2006/10/16 (月曜日)
玩完一整日， 攰到完全唔想郁， 不過又要搞 extend scholarship 的東西， 都係要番學校。 回到去見到 Madu， 佢剛剛從越南番黎， 問問個 conference 搞成點。 大致上也好像沒有問題喇。 不過笹瀬先生好像有點病？ 水土不服吧？
之後除了 paper 之外就是看看關於 "short sleeper"的東西， 簡單地說就是以高質素代替長時間的睡眠喇。 當中涉及睡眠的一些研究， 聽起上來幾有趣的， 甚麼 rapid eye movement, non-rapid eye morement, 睡眠周期等等， 聽起上來很有趣， 對長期睡眠不足的自己來說可能試試另一個極端會有點轉機？ 哈哈， 廿六歲第一個搵自己較飛的動作。
2006/10/15 (日曜日)
誕生日
踏入二十六歲了， 來到日本沒有機會和香港那幾個“十月之星”一齊 BBQ 雖然有點可惜， 不過今日也充滿香港味的， 有三位在這裏的香港朋友替自己興祝， 實在非常感謝エルシーさん、エミーさん、楽さん。
玩乜呢？ MM21！ 有看這個 blog 的各位都發現我之前都提過唔少次MM21(みなとみらい21)， 之前做了點 survey（自己走左黎玩）， 不過這裏可以玩的地方實在唔少， 亦有不少地方時單車去唔到（室內， 山上）， 結果今日未能做一個稱職的導遊喇。
唔緊要， 由車站出發， 找了份 guide book， 食完飯後唔知點解很有興趣去外國人墓地（好奇心居多）， 有人話生日流流唔好大吉利是喇， 不過就係生日嘛！ 百無禁忌， 加上件紅衫邪一邪佢！ 哈哈， 不過這外國人墓地其實感覺真係可以 RIP...
之後再去不同的景點， 包括イギリス館、港の見える丘公園、山下公園、赤レンガ、開港記念会館等等， 全部感覺也很好， 要找句批評的說話， 就只不過係唔夠時間慢慢看喇， 沒有時間， 同一個景點也不能留得太耐， 另外也有很多景點沒有去喇。
Anyway 食飯， 在横浜駅附近的和食屋， 出奇的餐卓放了在閣仔， 企起身都會撞頭那種， 你可以話佢特別也可以話佢撍建？ 哈哈， 還好食物質素搭夠， 在這裏不斷的吹水， 大家都有點興奮， 講野都幾大聲（汗）。
之後大家都話唔夠飽， 食下場， 諗住睇夜景於是走番去MM21那邊， 隨手揀了間餐廳， 都幾好食， 楽さん話我壽星腳頭好， 哈哈， 係都唔定？ anyway 之後再出去行下， 都係那句， 時間唔太夠， 因為要趕尾班車， 今日也唯有到此為止。
Anyway 再一次多謝三位， 也多謝記得我生日而有心 send 個 message 過來的朋友仔... ありがとうございました
呀， 特別鳴謝一位叫「シュウクン」的人， 今日一行四個人， 在來日本之前接點甚少， 甚至沒有， 但竟然這位シュウクン可以成為一個百講不厭的共通話題。 所以唔多謝佢都唔得。
生日願望， 或者說是二十六歲目標... 貪心了點點的， 有兩個。 呢個當然係秘密喇。
今日的相， 也放了入 MM21 裏面喇
2006/10/14 (土曜日)
廿五歳的最後一日， 玩盡佢。 首先下午去了學校稍稍參加一下矢上祭， 本來打算早少少去， 不過都係不敵睡魔， 下晝先出到去， 本來諗住矢上唔係太大應該冇乜野睇， 但又比想像中有趣， 最主要是自衛隊走了來擺檔， 那些展品平時真係比較少機會看， 之後仲着了日軍的迷彩衣影左張相， 自己都覺得自己幾型... (笑)， 哈， 應該唔會有些愛國份仔砲轟我吧（都好難講， lab 裏面最近來的睇落就係這種人）。
之前提過的那個識了廿多年的朋友， honey moon 終於都來到東京喇（之前都在北海道）， 今日做了一個超級大火數的電燈膽， 不過同時也算係地膽嘛， 唔理喇。 電燈膽就電燈膽， 加上很久沒有見過嘛。 anyway 在新宿一帶陪佢地 shopping， 又見佢地好豪咁買野喎， 厲害， 這種動作都唔係我這個貧學生可以學得到架喇。
迷信， 宗教， 科學
好耐冇講過呢個玩火的話題。 適逢今日所謂雙黑色星期五， 晚上聽收音機也是講到這個話題， 不妨也講講小弟的感想。 今次無意講特定一個宗教， 大路少少的講。
先從迷信說起， 迷信的最基本大部份來自恐懼， 尤其是對未知的東西的死懼， 最簡單的就是以前人對大自然的各種現象沒有辦法解釋， 對火恐懼， 對雷驚怕， 於是產生各種的敬拜。
當人類把這些各種自然崇拜組織和編排之後， 宗教的雛形就開始形成， “神”的概念也開始形象化。 同時人類自有文明開始， 大自然弱肉強食不再是唯一的遊戲規則， 擁有文明的人類建立不少的價值觀。 社會秩序不斷演化。 這種價值觀形成各種哲學， 而當神和這些價值觀再加上人對生死的恐懼和種種的無知， 大大小小的宗教也就形成， 而這些宗教透過種種“收購合併分裂消失”， 形成今日的各宗教。
愛因斯担曾經畫了一個圓圈， 說圈裏面的是已知， 圈外面的是未知， 科學， 簡單來說就是圓圈內的全部， 科學不斷的發達， 這個圈就不斷的擴大， 而這個圈擴大的同時， 不小時候也會觸及到宗教上所說的東西， 有時更會抵觸， 結果宗教人仕不小時候要用總總的方法去保護自己的宗教， 通常先是否定科學， 當沒有辦法否定時便用自己的說法去融合科學等。
以頭先圓圈的說法， 不禁要問一個問題： 究竟那個圓可以擴大到甚麼地步？ 又或是用以畫圓的那張紙究竟有幾大？ 宗教很多時也包括一個概念， 也就是神。 神這個字線性地想就相等於數學的無限。 你不要問無限等於甚麼數值， 無限就是大於任何一個數字的概念， 神也是大於任何“已知”的概念（先別說很多宗教喜歡將神人格化）。 基於人始終也有解釋不到的東西， 宗教在現代還有存在空間。
結論來說， 人因無知而恐懼， 因死懼而迷信， 迷信加上價值觀變成宗教， 當宗教遇上科學時不知道的東西開始減少， 形成對宗教的衝擊。 但人明白科學的同時， 道德價值始終不少建於宗教之上， 感情上很多時也會抗拒科學...
對不知的東西誠實的說句“不知道”， 對宗教裏面的價值觀擇善棄惡， 也就是小弟的信仰。
哎呀， 寫得支離破碎了點點... 不過有興趣的話不妨到商台的網站， 重溫10月13日的光明頂。 （雖然我都錄左個 stream， 不過版權問題... ）
2006/10/13 (金曜日)
所謂的雙黑色星期五， 本身都沒有為意， 看看 Peter 個 message board 才發覺， 不過其實黑乜呢？ 真係... 中國人又迷信， 日本人又迷信， 歐洲人都迷信， 人的文化沒有了迷信真係唔知會變成點樣。
點都好， 到自己黎講完全唔黑的一日， 晚上和久久未見的アリス食飯， 仲介紹多個朋友自己識， 諗極都諗唔到究竟有乜地方黑。 anyway 真的不錯， 一個來自京都那邊的新朋友， 到時有乜要問都可以問佢。
晚上聽收音機由雙黑色星期五講到迷信等問題， 自己又寫埋一份， 雖然頗為雜亂無章...
2006/10/12 (木曜日)
下晝繼續番沒有先生的研究室， 看看 paper， 大概下次也會去 congestion control 的問題， 不過還有一段時間要做 survey。
夜晚， 因為想準備一下熟習 MM21 周圍的環境， 又踩單車周圍走， 去了中華街那邊， 真的有點點感受到中國的氣氛， 之後泊了架單車去關帝廟（謝謝關二哥）， 去附近一間叫做香港飯店的東西食飯， 叫了一個炒飯， 咦？ 都可以喎， 比想像中似樣， 亦都唔算太貴。 算係不錯。 另外拎住個腳架在海邊影相， 有腳架果然唔同些的。 夜景就算爆光三秒都 ok(部相機最盡去到三秒喇)。 好玩。
今日 update 了MM21 的夜景
2006/10/11 (水曜日)
朝早早起， 唔需要教小學， 不過去了剪頭髮。 對上一次都兩個月喇。 山長水遠的回去以前住那裏附近的髮型屋。 哈哈， 剪開嘛。 其實都未至於太遠， 兩個月一次都沒有甚麼所謂。
下午蕩下蕩下才回到研究室， 不過真係唔知自己做過些甚麼。 首先幫部 notebook update 下 xorg-x11 那些東西， 不過個 SCIM 無端端唔 work， 乜事？ 哎呀呀， 結果沒有做過甚麼...
夜晚去ヨドバシカメラ諗住買埋一些未有的電器， 發現原來上網買唔駛運費， 諗住番去買啦， 哎呀， 夜晚佢個 website down 左。 照估計應該幾少見， 咁大間電器舖的 website down 左， 真係...
2006/10/10 (火曜日)
笹瀬先生和三個學生去了越南的 conference， 研究室也比較靜了呢。 平時最多計傾的 Madu 都去埋一份， 結果可以專心（？）少少做 research... 雖然進度都算係咁， 不過最近突然有閒情做番一些 system 的工作， 之前 set 番好 internal mail server， 今日整番個 logrotate, 不過也是時候幫個朋友寫 web...
晚上諗住去買剩下的電器， 哎呀呀， 始終都有點猶疑不決， 微波爐基本上叮到就 ok， 但 size 係一個問題， 要再回家度度位先...
2006/10/9 (月曜日)
日本公眾假期-- 体育の日， 於是應下節做做運動。 一個人來說， 最喜歡的應該都係踏單車吧？ 反正一路都想在横浜周圍走， 今日再合適不過， 有間 recycle shop， 之前也想去看看有沒有合適的傢俬可以買， 於是今日就由西区走去戸塚区， 睇地圖的話單程約 16km， 實際上大約踩了 36km 吧？ 即係幾遠？ 亦臘角到西貢的直線距離左右... 自己都覺得幾過癮， 順帶一提馬拉松應該係 42.195km， 即係短個馬拉松少少啦， 嘩， 點解那些人可以完成馬拉松的... anyway 踩單車係另一種樂趣喇。
也是沒有甚麼計劃的起步， 今次都算係有帶地圖， 唔唔， 途中上山落山， 比起上次由東京踩過黎時沒太大分別， 也是失驚無神有架貨車在後面那種， 所以大部份時間也是踩行人路， 一路踩一路踩， 用了差不多兩個鐘才到目的地。 雖然說中途有休息也有影相... 去到舖頭， 雖然是有想要的傢俬， 不過看看運費... 四千個大洋， 即係搵黎搞， 買張新的好過。 不過又冇理由空手而回， 於是執左個相機腳架。 方便之後周圍影相。
食個飯， 回程， 感覺上比來時舒服， 落斜吧？ 很爽的， 唔駛踩的情況下去到 45km/h， 拋離後面架巴士， 感覺很好。
話時話， 其實再踩遠少少就可以去到鎌倉了， 之前總覺得鎌倉遠得不可想像， 誰知， 又唔係太遠... 得間可以去鎌倉買把逆刃刀或者無限刃... 哈哈， 不過好貴。 由得佢。
夜晚拎住個新買的腳架在屋企附近影下相， 屋企附近一直上， 可以望到横浜駅周圍的景色， 確實不錯。
2006/10/8 (日曜日)
話時話尋日一個識了很久的朋友（幼稚園時？）結婚， 結果唔記得打個電話賀佢。 今日打， 首先個手提收得唔好， 跟住用 Gizmo， 哎呀？ 都有點問題， 真係唔太解得明。 anyway 最後出外面用手提打俾佢先好些。 剛巧佢又黎日本 honey moon， 之後都會有機會親身賀賀佢。
至於頭先電話個問題， 諗下諗下應該有些神秘的問題， check check check， 最後發現個 router 唔 support Skypeout， 換句說話來說之前怪錯左 Skype， 另外 Gizmo 詳細有冇問題唔敢講， 之後慢慢試， anyway 反正沒有甚麼需要， 索性 disconnect 個 router， 直駁部電腦去 Internet， set 番好 PPPoE， 咦？ connect 唔到， 奇， IP 都冇問題, 整左一輪， 哎呀， firewall... 真失敗。
下個星期一班朋友話去屋企附近的みなとみらい玩, 所以今晚去做做實地調查， 哈， 其實係自己去玩喇。 一路去一路影相， 途中突然見到有個外國人街頭玩雜技， 幾好睇， 唔單止雜技好睇， 而且佢講野都好有趣， 剛巧自己沒有一千円紙， 如果唔係都會俾參觀費...
Anyway 今日都叫影了些相， 有時間可以看看
2006/10/7 (土曜日)
羽毛球日。 今日加上最近“重遇”的香港朋友， 一行五個人。 話時話尋日天氣差得要命， 有點擔心唔知今日點樣， 誰知今日好天得過份， 有趣。 anyway 不錯的一日。 不過發生件小意外， 唔覺意， 個波打到 partner 頭上， 好在（好似）沒有大礙... 唉呀。
隨了羽毛球還有玩另一個 game， 唔知叫乜名， 大致就係將四個 disc 推去對面一個寫有分數的地方， 亦可以推走對手的 disc 令佢地冇分。 初步來說都唔太難玩， 哈， 不過未遇高手喇。
2006/10/6 (金曜日)
起身， 見到出面係咁落雨， 完全沒有動力添。 呀， 死懶鬼。 屋企入面雖然冇野食， 但見到外面落雨落到好似打風咁，
晚上始終都要食飯， 家裏沒有野食就唯有出去食， 唔， 都要快手些買番些架餐好讓自己可以整野食喇。 anyway 横風横雨的走出去， 食個飯行行街， 唔， 又一日添。 很多東西未做， 之前朋友個 website 都未寫。 雖然話唔急， 不過都唔好意思拖太耐...
2006/10/5 (木曜日)
依然訓過龍， 哈， 原因應該係唔駛上堂？
也算是平靜的一日。 近來開始玩 mixi （日本一個最大的 SNS）， 玩下玩下又幾得意咁， 遲些再介紹。
晚上和很久沒有見的朋友食飯， 雖然不是香港人但也總算可以講廣東話， 講下講下， 哈， 條友來了一年都好像沒有怎樣學過日本語的， 唔， 有點浪費呢。
2006/10/4 (水曜日)
唔太夠訓， 但今日要去小學上堂， 死都要死出去， 今日一年班都沒有甚麼問題， 二年班， 教動物的叫聲， 嘩... 真係唔識喎， 原來鴨叫係 "quack quack"， 羊係 "boo boo"... おいおいおい ... 結果今日就係咁扮牛扮夠扮貓叫....
突然發現早前 Nvidia 原來出了 Linux 的新 driver (9625)， 隨即 update 一下部機的 driver 和 xorg 去 7.1， 大致都順利， 除了個 display 的 refresh rate 的 auto detect 好像怪怪地， 要自己 set VertRefresh 去 75， 有點點唔明。 OK， 都差唔多係時候試試GL effect 喇。 搵日有時間慢慢玩。
另外， 晚上亦去了附近找書， 也算是“開發”一下附近的地方， 搬左黎差唔多一個月， 都未有太多時間（又或者落雨）在附近玩添。
2006/10/3 (火曜日)
比較靜的一日。 回校， 做 research， 不過突然想起很久很久以前想看的「醜陋的中國人」， 點解就唔講喇。 據知原來有日本語翻譯。 約略找找， amazon 雖然有， 不過都係去附近書店找找先算。
2006/10/2 (月曜日)
今日敵唔過睡魔， 訓到十點半先起身， 唔， 沒有 lecture 其實都沒有甚麼問題。 anyway 下午工作， 不過與其說是工作不如說是幫 Madu 整理佢份 paper， 老實講真係唔明佢鬼咁多 MS word 的問題... 有點問錯人的感覺。
夜晚下着微雨， 走了去學校附近的 recycle shop 看看有沒有合適的家具， 唔， 沒有太多添。
夜晚買左個手提的脂肪計， 其實一向都沒有驚過自己會過肥， 不過見700円便買來過過癮。 上次 14.1%， 今次16.3%， 好似話每日唔同時間量都有幾大變化。 不過買黎過下癮都唔錯。
2006/10/1 (日曜日)
大昏迷， 本來都諗過踩單車在附近走走， 不過... 落雨。
anyway 今日完成了るろうに剣心中四個主角的第一週， 剣心編和斎藤編都還可以（剣心編跟足原著， 斎藤編最尾殺左批警察出黎）， 但左之助篇和蒼紫篇就麻麻喇。 呢方面遲些再講。