2006/11/30 (木曜日)
箱根の旅
最近雖然開始能夠早起， 不過遲睡得很， 通常兩點幾訓， 但唔過三點半都訓唔着， 今日都唔例外， 而且因為要五點半左右起身的關係， 結果睡了唔夠兩個鐘...
Anyway 都要起身， 快快手手的準備， 出發！ 差不多兩個小時的車程， 總算到達約定的場所“星之王子博物館”， 早到了點點， 館內只見到些員工在準備開門， 一路食西北風一路等， 等了一會終於見到 E さん和她弟弟， 還有初次見面的Dさん。 まあ。入館。 星之王子這套作品可以說沒有看過（好像唔知幾時在電視播過？）， 不過入到館內了解一下這套作品的背景後， 約略都算明白了少少。 由作者的經歴產生的這套作品， 開始有點點興趣。
Anyway 前往下一站， 本來打算坐巴士去車站， 不過坐過頭， 完全是失策。 不過非常的好彩的在這荒山野嶺竟然有的士， 呀， 好在好在。 在車站附近食個 lunch 先算。 食飽飽坐 cable car 上山， 幾有 feel， 之後的吊車， 和了同車的外國人（雖然自己也是外國人）吹了點點水， 吊車一路上的時候也是大霧非常， 有點失望， 不過去到某一位突然柳暗花明， 眼下大涌谷的境色簡直是絕境， 下面的岩石一路的噴煙， 這種環境也算是第一次親眼見...
去了品嘗這個黒タマゴ（黑雞蛋）， 聽聞食了可以延壽七年， 信不信由你， 之後經山路去湖邊的碼頭， 上海賊船（不過最初當在臨時候船室係賊船， 賊船果然狡猾）， 飽覽湖邊的風景， 這個標高七百多米的湖， 實在難得一見。
去到最後一站的関所資料館， 有點失望， 沒有甚麼東西好看。 五點左右， 天都黑哂， 舖頭也收哂.... 駛唔駛咁早呀？？？ 是但了。
去埋小田原那邊食晚飯， 也算是完成了今日的行程， 一路的吹水一路的遊山玩水的確是一大享受。 不過有少少擔心悶親Eさん的細佬... 希望冇啦。
不過再點點題外話， 雖然只睡了兩個鐘唔夠， 不過到現在（深夜近兩點)依然鬼打咁精神， 乜事？ 莫非廻光反照？ anyway 希望今日可以早點訓着啦。
2006/11/29 (水曜日)
戦利品
ながされて藍蘭島 1,2
今日比昨日更加邪門， 竟然個鬧鐘未響之前就鬼打咁精神起身， 完全唔明。 是但， 回校， 叫做做 research, 不過朝早又突然分心， 走去玩 web analyzer， 少少試行錯誤之後 OK 了， 這樣一來就可以簡單些分析自己的 website 了（雖然都沒有甚麼 traffic 好睇）， 不過純粹興趣本位， 沒有甚麼問題喇。
另外終於 update 了 Notebook 的 Kernel 去 2.6.18-r3， 之前未 set 好 i915 driver 所以有點問題， 沒有辦法。 哈哈。 這樣 troubleshoot 問題， 最近覺得越來越有趣， 總之和 Windows 沒有關的東西大部份也很 enjoyable 的。
夜晚準備一下明日的行程， 買了本書看看， 之後去舊書店買今日的漫畫， 哈， 算是完成了（大部份）朋友的 webpage 嘛， 獎勵一下自己也好， 這個ながされて藍蘭島， 大概是說男主角遇海難飄流到一個孤島， 島上基本上與世隔絕， 有獨自的文化（如咒術， 動物寫字等？）， 而因為多年前的事件所有男性死光， 只有女性的一個孤島， 而飄流（？）到這個孤島的主人公就成了島上唯一一個男性... 超好笑的一套漫畫， 而且畫功也非常不錯， 尤其係那些動物畫得很搞笑。 哎呀呀， 又多一套漫畫要追喇， 不過這套漫畫好像出得很慢... 不打緊了。
2006/11/28 (火曜日)
出奇地高効率（或者是平時太低）， 首先朝早擺脱了昨日擺脱不了的引力， 啊啊。 奇蹟出現？？ 之後既然早起身， 也早回學校， 難得狀態不錯就努力 research 的東西， 雖然實質的東西不是做到得多， 不過也開始檢討一下現在的 simulation program， 偶然看到一個 Quagga 的 routing module, 可能會有很太幫助。 要點時間 study 一下。
晚上也算 plan 好了後日去玩的草案， yeah! 之後見咁順利， 一口氣完成埋朋友的 homepage project， 雖然簡單， 不過自己專登試用 python 去 generate 那些 pages， 百多行的小 script， 雖然唔係難寫， 都在這百多行裏面用上了 template, XML DOM, CSV parsing 等小 technique， 最方便的基本上 library 都有哂 function, 雖然還是比較喜歡 java 的 syntax, 不過簡單的 program 的確用 python 會幾方便。
2006/11/27 (月曜日)
完全抵抗不了萬有引力... 呀， 不對， 那是張床獨有的吸力， 鬧鐘是定了八點半， 不過完全地敗給了引力......
結果留在家， 有點點時間是看書， 夜晚少少時間幫朋友寫 webpage 的 generator (朋友的 webpage 唔知用乜 host， 所以唯有用 static HTML)， 其餘大部份時間也傻下傻下。 哎呀。
2006/11/26 (日曜日)
本來諗住去鎌倉玩， 不過三人行的其中一個 Madu 身體不適（說起來可能係我傳染佢都唔定？？？）， 結果延期到下週。 唔， 也好， 反正今日天氣都麻麻地。 (佳代さん、ごめんなさい)
結果空了一日出來（平時都好得閒架啦）， 朝早少有的出去去食早餐， 話時話真的很少有呢， 以前在香港很多時也會去大家樂或者茶餐廳食， 平靚正嘛， 廿元左右， 蛋治加炒麵再加杯熱咖啡， 邊度搵？ 來到這裏， 同樣的早餐真係唔知邊度搵。 不過習慣了， 也沒有甚麼。 anyway 很悠閒， 也很奢侈的吃了一個900円(60HKD左右)的早餐（？）， 之後順道到附近的書店看書。 很難得的漫畫單行本也可以立ち読み(打書釘)， 結果用了不少時間... 哈， 食埋下午飯先算。 西口的一間丼屋， 地方雖少， 不過全面禁煙。 不錯。 一個平平的親子丼， 總之沒有二手煙的地方就已經值得滿足。
回去， 稍稍做了點伸展運動， 之後就死掉， 死左大約兩三個鐘吧？ 非常的熟睡。 効果一流。 好好， 看書。
2006/11/25 (土曜日)
戦利品:
TVアニメ「ギャラクシーエンジャる〜ん」キャラクターシングル Vol 1-5
TVアニメ「ギャラクシーエンジャる〜ん」宇宙で恋は☆るるんルーン
Wing of Destiny ~Angel harp arr.~
主要也是休息， 訓左咁多個鐘， 都算係好得七七八八喇呱， 少少咳， 不過見痰都變番白色， 清埋些痰應該就會好番。 哈哈， 唔理， 幾日冇食過好野， 去食扒！ 順手周圍行下， 買埋今日的戦利品， 回家處理一下雜務...
2006/11/23 (木曜日)
放假， 好野。 約左一個最近識的朋友在附近吃飯， 話時話住得最近的朋友都應該係佢了， 大部份的朋友始終在東京多（不論東京裏幾偏都好）， 又例如平時打羽毛球， 自己通常都會走去東京， 沒有辦法嘛。 Anyway 今日 plan 下大後日去玩， 食完飯去看看書。
回到屋企， 早早休息， 呀， 撞鬼地眼訓， 唔怪之平時下午都睇書睇唔入腦啦。 唔。
2006/11/22 (水曜日)
番學校， 依然地被那個咳水搞到渾下渾下， 算了， 早少少回去， 反而夜晚更加集中到精神。 哎呀？ 咁為乜野要番 lab 呢？
明日放假， 可以好好休息一下。
一點點題外話， 今天收到笹瀬先生的外母他界的消息。 當然地難過， 但另外死亡， 雖然隔左幾層， 但依然感到難過和沉重， 甚至朋友的一隻狗的生死自己也很上心呢， 自己還後生， 不過人生一路的經過身邊， 或是身邊朋友的親友會逐漸離去， 面對這種沉重的心情， 感性上可以明白很多人會依賴宗教的心理... 唔， 不過這是另一回事喇。
2006/11/21 (火曜日)
唔， 最近的時間都好難控制， 因為乎近的八百屋和肉屋比較遲開， 但是又早收， 結果就遲去學校而又遲回家， 這樣的時間控制好像不太好， 改一改佢先。
簡單來說沒有做甚麼特別東西， 依然咳到半死咁。
2006/11/20 (月曜日)
頭痛算係沒有了， 不過咳得好厲害， 沒辦法了， 始終每次風邪的最後階段都係一路積落的痰所引起的咳， 只有盡量清走那些痰， 買了支咳水， 始終咳比頭痛更加唔好受， 因為太消耗體力喇。 不過話係咁講， 飲了點點咳水之後成個人都冇力咁， 溫下溫下， 完全集中唔到精神。。。 雖然平時都係咁。
夜晚研究室說明會， 小貓四隻， 唔， 最老套那句， 審慎樂觀。 不過中途無聊時聽到中國同學問左一句超爆笑的問題， 佢見到 presentation 中的日本語有用上漢字， 就問“點解日本語裏面唔全部用漢字？？”， 呆左一呆， 隔離的増田さん唔太明白問題的意思， 我只好反問一句“點解要全部用漢字？”， 以確定他的意思， 中國同學話喎 “咁我咪容易明白囉”。。。 哦。。。 そうっっっっですか。。。。 yeah!!! 大中国主義万歳! 中華思想、唯我獨尊！ あれれ、容我問一句“咁你點解黎這裏讀書... ”。。。 唔好意思， 我都唔想串你， 不過所謂“人必先自悔然係人悔之”， 反射動作我自己都停唔到... 撞鬼你， 佢唔用片假平假的話我學十幾年日本語為乜？
2006/11/19 (日曜日)
昨日的反動， 今日死掉一樣， 加上下雨， 就連出去買野都懶， 不過懶還懶， 點都要買糧草， 呀， 出就出...
其實之前的風邪一直未癒， 可能是昨日的疲倦過度， 結果番發， 頭痛， 訓覺前都係頂唔順， 終於開了那盒必理痛了。 咦？ 會唔會已經過了期呢？ 但又見唔到有効日期， 唔理咁多了。
2006/11/18 (土曜日)
羽毛球日。 今日唔知點解好多人， 亦都好多高手， 加上中途和了上次的台灣二人組一起打， 結果連自己都 heat up 左， 充滿力量。
不過， 充滿力量的反動， 全身腰酸背痛。 死掉一樣。
2006/11/17 (金曜日)
笹瀬先生、五十才の誕生日
笹瀬先生、いつもありがとう「たお」。 唔， 在日本無親無故， 笹瀬先生在學業上或是在私事上也幫了自己不少， 雖然未至於親如父子， 不過用番些比較儒家的想法， 一日為師終生為父， 起碼笹瀬先生在日本的地位不容置疑喇。
好， 入番正題， 下午研究室 meeting 之前， 齊齊影相， 哈， 唔關笹瀬先生的生日事喇， 純粹是畢業アルバム要影的東東， 接着 meeting， 看見有些 B4 危危乎咁， 有少少擔心， 另外， 木村さん好像成功做了點東西出來， 應該不用擔心了？ 唔， 大家也要俾多些心機喇。 自己嘛， 不斷的看書， 好像有點唔對路咁添， 不過還是看看書先。
之後完了 meeting， 研究室的同學送了一支 1956 年製的白蘭地(本來想買紅酒， 不過那年好像不作， 貴到飛起兼缺貨... )和一個熊貓蛋糕， 嘻嘻哈哈的替笹瀬先生慶祝了這一天。 不過實際些呢， 還是俾心機寫論文喇。 哈哈， 幾時先推得郁這個懶鬼呢？
2006/11/16 (木曜日)
早過平時少少回到 lab， 算係盡力的看書， 不過要 update 個 research 仲要點時間。
夜晚是研究室的 introduction session， 噢， 又係時候迎接新的三年生了， 今日來了幾個女仔， 好呀， 今年得一千零一個女仔， 成個笹瀬研究室基本是一個和尚寺， 始終有些女仔中和下整個 lab 的麻甩氣氛會開心些... (事實上那班人講野又好行為又好， 好多時都毫無顧慮... )
夜晚， 是時候開始個 program 的準備， 唔， XML 冇問題吧？
2006/11/15 (水曜日)
回校， 看書， 進度算是 OK 吧？ 書， 有排睇， 還有， extend 現時的 research paper， 有排搞。
之前一直都聽過 python 這個 programming language， 幾出名的了， 已一個 interpret language 來說好像有不少的 features, 有點興趣， 最近要幫朋友整個 webpage， 咦， 不妨用黎實習好喎。 朋友個 webpage n 咁多個 product page， 逐個寫都幾麻煩， 又唔用得 server side， 咁不如用 script generate static HTML啦。 一個全新的 language， 玩下先。
還有， 這個 homepage 的 pebble, 剛剛 update 了去 2.0.0 正式版， 哈， 看起上來不太大分別吧？ 直到自己有閒情 update 這個 page 的 template/css 前也會係呢個樣的了。
2006/11/14 (火曜日)
很久沒有見過的笹瀬先生， 終於都從 Finland 番黎喇。 既然他回到來， 我也的起心干做番份 paper， 之前 set 好哂 SVN 的東西， 而家做起野上黎都好方便， 一來不用特登左 backup 右 backup， 而來自己幾部機做野時有 SVN 就方便 sync 黎 sync 去 （之前有諗過用 rsync server）， 好好。 做野。 首先還是把以前的 result 寫番去新的格式那裏， 唔， 睇怕要加唔少 content 先可以添。
夜晚回去前去去附近新開的舖頭睇下衫， 哦， 偶然找到一件不錯的外套。 幾好運！
2006/11/13 (月曜日)
回 lab， 沒有甚麼特別， 依舊的看看書和看看其它無謂 website， 都差不多是時候開始寫 journal paper 了， 雖然都唔知有幾多野可以加， 不過總之一路做一路諗喇。 要準備其實都準備得差唔多...
2006/11/12 (日曜日)
祖師谷芸術祭
很久沒有番去會館了， 對上一次應該是上次夜晚回去拎番架單車時吧？ 今次一年一度的 function， 基本的飲飲食食和唱歌跳舞吧？ 回到去， 沒多久就見到 Lica 的檔口， 今次賣湯丸和西米露， 唔， 好像唔算太賣得呢？ 據她所說之前的水餃就好快賣清， 哦。 是但了。
Anyway 整日的在會館走黎走去， 看看表演咁啦。 不過真係超奇怪， 竟然回到去即刻被人叫整電腦， 喂喂喂， 不過自己性格又真係好人過頭， 搭上搭上搭， 是但了， wireless LAN 的 program 完全唔知點解係咁 scan， 唔知， uninstall 再裝之後就算係 ok, 接着另一部， 不過呢部竟然係 Gentoo! 好玩好多， 因為 dual boot 的關係要處理個 boot loader (Grub)， 亦要改少少 setting 之類...
晚上看了點點表演之後被叫了去幫手， 初時已為少少東西就沒有甚麼所謂， 不過點知無端端變左折帳逢， 嘩， 幾重架， 六個人... 唔？ 我都不在這裏住了， 其實這些東西應該由今日開檔那班人做嘛? 是但了， 反正都在這裏呃了少少野食 :)
晚上和 Amy, 阿樂去食野吹水， 吹吹吹， 呀， 那間牛角食堂又唔錯喎， 平平地， 而且都幾好食。
晚上又係 mixi， 發現原來 JT (Japan Tobacco)有幾多關連產品， 包括差不多每日都食的山崎飽和 Japan Beverage， 決定唔食。
2006/11/11 (土曜日)
昨晚偶然在 Mixi 寫了少少關於香港的禁煙和自己少少的感想， Mixi 上的朋友的反應大都非常正面呢！ 真的很開心， 現在諗番轉頭， 過來日本曾經一樣最擔心的事， 二手煙其實算是頭位架， 不過很好彩笹瀬先生不吸煙， 而研究室亦唔太多人吸煙， 餐廳， 依然是一個問題， anyway 對日本人關於禁煙， 嫌煙的立場多了點點理解呢。
健健康康打波去， 今日完全不在狀態， 雙打時輸成十分都夠膽死... anyway 之後照常的去吹吹水， 回家。 話時話今日叫埋一個之前見過一次咁大把的香港人。 上次見時都沒有太認真傾添。
又另外今日 PS3 開始出售， 不過沒有興趣買住， 最快都過多半年睇下乜情況先算。
2006/11/10 (金曜日)
和昨日一樣遲回到 lab， 真係整鬼。 回到去本來一心睇書， 結果都係遊左去唔知邊度， 唉， 點解自己的集中力可以低成咁的。
另外朋友所飬的狗最近年紀大， 而且身體似乎不太健康， 朋友亦考慮讓牠“安樂”的離去， 真的非常矛盾的問題。 始終睇住佢辛苦， 的確會心力交悴的呢。 或者， 盡可能找不同的辦法輔助牠？
講番些好笑的東西， 明日 PS3 推出， 但收到消息話明白會同時出 patch... 喂喂喂， 雖然都知道時間倉粹， 不過都唔係咁抵死嘛？ 點都好， 既然 PS3 有意 support Linux 的話我都會支持喇， 當有閒錢時....
2006/11/9 (木曜日)
下午才回到 lab， 進度還是一般， 反而都係諗點樣 import 自己的 project， 雖然說這些東西對日後的工作很有幫助， 不過未免用了多了點點時間？
夜晚用了不少時間睇 Firefox 的 extension， 好多 extension 都未玩過， 裏面收埋唔少有用的東西架。
2006/11/8 (水曜日)
還是戰勝不了睡魔。 比平時遲了成個幾鐘起身， 是但了， 回到 lab， 竟然只得一個人。 喂喂， 雖然笹瀬先生不在， 都唔駛閃得咁乾淨呀？ 不過都唔好得把口話人， 自己雖然人是回到 lab， 做關於 research 的東西只是最尾的一兩個鐘頭。
咁較竟做乜呢？ 一路的在和個 SVN server 死戰， 之前 set 左叫做 OK 但因為亂咁 import， 重新黎過， 不過就同個 authentication 玩左好耐... 話時話如果 standalone 在 local harddisk 用的話應該可以好方便， 所以不妨試試。 關於 SVN 知識還是不太夠， 遲些如果有機會再講。 anyway 今日也總算知道發生乜事喇。 慢慢玩。
講開 server， 而家自己部機 set 了的 server:
- Apache + Tomcat (Web + J2EE)
- vsftpd (FTP, closed)
- openssh (SSH)
- nylon (SOCKS5 server, currently down)
- cupsd (print server for producing PDF, internal only)
- courier-imapd, postfix (IMAP, SMTP server, internal use)
- SVN server (internal use)
咦， 原來都唔係想像中咁多， 不過只係 SSH 和 Tomcat 都已經可以好多野玩喇。
2006/11/7 (火曜日)
晨咁早（都十點幾喇）番到 lab， 一個人都冇， 呢班懶鬼， 笹瀬先生一唔番 lab 就個個都閃（註：呢班懶鬼包括我在內）。之後第一個回來的是很久沒有見的 Madu， 剛剛從 Sri Lanka 探完外婆回來， 番番學笹瀬先生又出了國， 哈， 不緊要喇。 結果上午吹水都唔知吹左幾耐添。
下午依舊的半發傻狀態， 死症。 不過總算開始明白 SVN 的 setting， 為了之後更加有効管理自己的 document， 這種投資算是值得吧？
2006/11/6 (月曜日)
放完三日假， 其實都唔知發生個乜事。 今日照常回 lab， 發了一會傻， 今日看看關於 SVN 的東西， 始終有時三部機做野， 加埋支 USB memory， 現在 d file 亂哂龍... 係時候整理一下了。
夜晚鬼咁多家務， 加上之前應承了個朋友寫 homepage， 沒有時間打機， 但反而快快手手完成那些東西， 哎唷？ 時間尚早... 究竟平時打機用了幾多時間， 真的很耐人尋味...
LV 紅白藍手袋
偶然間看到朋友的 blog 提到 LV 新的“設計”用上了香港六七十年代的紅白藍袋， 事實上一直都對名牌袋等東西毫無興趣， 不過那篇 blog 的論述算是幾有趣所以自己也試試說說三道道四。
文章中提到以下的論述:
本港 "潮人" Martin LYY 對於 LV 是次設計感到莫名其妙的興奮 :"一向都認為 LV 的設計只會繼續用回其老舊的黑啡色調, 今次卻突然用上了香港人熟悉的 "紅白藍" 三色配合, 除了突顯其季節感覺(活潑, 開朗), 更是和香港文化的一種 cross over , 大大的加強了其品牌的地區感覺! 讓香港人感到一份額外的親切感!"
小弟也不自覺的莫名其妙， 恕小弟的 fashion sense 低， 一個印了 LV 的紅白藍， 有甚麼設計可言？ 正如任何再差的電子產品只要印上“Sony”四個英文字母一樣， 但 Sony 無論本身製品的質素如何及不上其它公司的產品， 也不會放棄自己的 style， 但 LV 這種 crossover， 沒有了作為歐洲品牌的尊嚴， 姑勿論那是一個如何結實刀槍不入的紅白藍， 那個只是沒有了性格的產物。
姑且想知道這個紅白藍 LV 可以吸引多少 OL 師奶使用， 因為可以同時看看人究竟對這兩個英文字母的盲目程度有幾高...
補充一句， 本身不是偏低紅白藍， 不過紅白藍那種代表了“量產， 價廉， 實用”的價值， 實在不太喜歡受到那兩個英文字母的踐踏...
2006/11/5 (日曜日)
繼續的升 level， 今日總算去到 level 400 幾左右， 挑戰了上一集的魔王（主角）， 無驚無險的戰勝了。 另外墮天使フロン也加入了， 哎呀呀， 弓的 level 偏低了添...
2006/11/4 (土曜日)
一如預期， 留在家中升 level， 上一集的ディスガイア也是一樣， 無止境的升 level， 有點點唔知為乜的感覺， 正常故事的最後 boss level 也不過 90 左右， 但其它 side story 的 boss 好像好多去到幾千 level..... 其實不斷儲 level 的動作唔知點解不知不覺用了幾個鐘頭....
2006/11/1 (水曜日)
暫時最後一日去教小學了， 好的一面去看就係不用再晨咁早起身， 不過難得和那班小朋友熟落些就完了， 真係有點唔捨得。 點都好， 最後的一日， 複習一下今年學過的少少英文， 不是太多， 照常的玩玩遊戲和唱下歌， 最後一日， 小朋友親手整左各種唔同的禮物給自己， 多得很， 很有趣， 裏面有不少的 message， 回去慢慢看。
之後「給食」前後不斷的和小朋友影相留念。 很開心也很寂莫的， 自己從他們那裏得到的， 或者比起之前上 lecture 的還要多？ 點都好， 點都要分別喇， 之後再和各教職員打個招呼寒喧一下， 或者之後有甚麼活動時可以再來玩玩吧？
回到研究室， 或者心情不錯吧？ 突然地比起平時高効率...