2006/12/31 (日曜日)
大晦日 お疲れさまです
就這樣迎接了一年的最後一日了。 不過關於今日就沒有甚麼好寫的了， 老老套套的總結一下這一年吧？
來日本的第二年， 一月時還有些 course 要上， 不過都基本上埋尾喇。 Anyway 提早少少放假， 一月尾回了香港四個星期。 相隔還不夠一年吧？ 某程度的文化衝擊... 最記得的應該是在機鐵上那個大大聲講電話的師奶， 那時都十一時左右， 車上的人坐完飛機大都盡顯疲態， 有的閉目養神， 有的細細私語， 就唯獨那個師奶... 呀， 回到香港的感覺突然充實起來。 不過再見到家人， 再見到久別的朋友的感覺， 那些師奶所帶來的負面感覺， 實在不算甚麼。 可能身上的始終都有點小農 DNA 吧？ 始終農暦年還是重要的。 不是特別要做甚麼， 只是和家人說說無聊話， 和朋友燒野食等...
回到日本時要開始死戰份 paper， 三月時 apply 了研究会， 所以要死份 paper 出黎喇， 而家諗番真係有點踩鋼線的感覺， 雖然腦裏面係有 idea， 都相信會 work， 不過寫個 simulation 用了不少時間，而且一路的有 bug， 望住自己的 scheme 比以前更差， 真係嚇餐飽。 加上開始木月小学校的英語教師的 part-time， 忙上加忙， 這時唯有倚靠傳說中的 deadline effect， 到尾二那天吧？ 總算 simulate 到個似樣的 result， 跟住快快手手執好個結果， 叫做整好份 paper， 而用完 deadline effect 之後的 side effect， 簡直慘不忍睹， 用了幾個禮拜才叫有點回復。
不過講番木月小学校的 part time， 最初諗住自己對住班“仔”唔知會點， 不過比起想像中好玩， 可能是本身不用負責太多東西， 而且目的也只是讓小朋友和外國人說說英語， 沒有壓力下基本上自己都係玩埋一份， 玩得太投入， 結果到十一月最後一堂時， 真係非常唔捨得班小朋友呢。
番番四五月， 除了忙份 paper， 另一件事就是開始和一些朋友打羽毛球， 運動不足的我來說， 來得正好。 這個羽毛球 group， 叫做有三個 core members? 另外有些朋友來來去去的， 不過都不錯， 除了打波之外就是識下些新朋友， 至少有樣共同興趣嘛。 這件也是今年之內幾重要的事喇。
一路忙 course work 一路死戰 research， 話唔辛苦就假喇。 不過 course work 完得七七八八時， 飛了去北海道出席自己首個研究会， 非常貴重的經驗。 加上有機會在北海道四圍行， 到富良野看看薰衣草， 開始明白笹瀬先生所說的“動力”， 非常不錯， 要說美中不足的話， 就是浪漫的薰衣草田中同行的是 Madu， 作為朋友同行沒有甚麼問題， 不過這些地方兩個麻甩佬.... 是但了。
而八月完了合宿之後， 開始 internship， 那裏的人大部份都很好， 不過工作方面真的不滿， 內容方面所做的東西完全唔係自己想做的， 最大問題係想問野時成日都沒有時間， 結果很多時間都發傻， 雖然最後都叫完到個 program （+ 無數的 bug）， 但四個星期真的為了甚麼呢？ 總括來說算是一次體驗日本企業的機會...
九月， 遷都去横浜(??)， 來到一個完全是自己的空間， 比較靜， 但無可否認， 很舒服， 自己的性格吧？ 就算幾享受和朋友一起的時間， 但自己一個人的時間還是絕對需要的， anyway 住在横浜， 雖然說是離開了首都東京， 不過現在住的比起之前更加城市喇， 行十幾分鐘， 一般要買的東西應有盡有， 而住所雖然距離車站有段距離， 但也正因如此， 非常的寧靜， 租金又平， 實在沒有任何不滿。 Anyway 另一件事就是隨着搬屋和幾個会館的香港人朋友熟落了（唔搬都唔熟）， 加上另一個“新認識的”香港朋友， 組成了一個間中四圍遊的廣東話團， 始終在日本說廣東話的機會近乎零嘛。
十月新學期， 已經沒有 course work， 純做 research， 不過基本上都係沒有太好的計劃， 算是向 IEEE WCNC 投稿， 也幸運地 accept 左， 不過望番些 comment， 就明白自己所付出的努力實在少得可憐， 事實上望番日記， 除了某幾天不斷的 deadline effect 之外， 很多時就是無無聊聊的過。 年尾的 presentation 寫 progress report 時實在唔知有甚麼好寫。 結果得個吹字....
唔，今年就大概是這樣吧？ 不足的地方實在太多了， 一路都對自己太過寛鬆吧？ 反省...... Anyway 對這一年來在自己身邊， 或是遠在香港支持自己的親人友人師長， 說聲多謝， 雖然這個懶人或多或少背叛了不少人的期望， 出年， 任性說句， 還請大家多多提點了。 お疲れさまでした
2006/12/29 (金曜日)
很理所當然地整日的打機，放假嘛， 又得自己啦。 故事才剛剛開始， 不過和平時 Aquaplus 的 game 幾大分別 平時的ギャルゲー點會男多個女先得架， 不過故事好像不錯....
夜晚約了澄清先生， 應承了幫佢拎野番香港， 也沒有所謂了， 反正今次番去都沒有太多東西要拎， 出到去海老名都八點幾， 舖頭都過左 opening hour， 冇計， 食野， 年尾或是海老名的關係呢？ 小貓三幾隻， 完全唔明。 總之食飯吹水， 今人個人傻傻地， 自己都唔知發生乜事， 奇怪， 又冇飲酒丫？
2006/12/28 (木曜日)
戦利品:
うたわれるもの 散りゆく者への子守唄
開始放假， 但比平時更早出門口， 因為有朋自遠方來， 這位朋友Cさん， 中四開始認識， 曾經非常的熟落， 後來因為一點不明的原因冷戰個一段時間， 不過亦在不明的原因下無事... 唔， 可能是我的問題？ 好像在我的不同年代時都總會發生這種事。 唔， 是但了。 總之朝早出去池袋， 酒店， 個 lobby 在三樓， 冇理， 反正知道房 number， 直上。 條友， 好像未起身似的。
Anyway 今日做的不過是到淺草散步， 沒有甚麼特別 plan （反正佢都冇 plan 過喇）。 散散步吹吹水， 幾有趣的， Cさん讀緊 law， 提到普通法 (Common Law)和大陸法 (Civil Law)等， 普通法雖然日日聽， 不過原來自己一無所知， 幾有趣， 雖然講到尾都係一種遊戲規則， 不過分別之大完全不能三言兩語的說明， 但當做一種常識來看看（wikipedia 程度左右）也不錯。
四點幾解散之後， 難得出了這個 area， 於是去アキバ行下， 買 game， 順手搵下有冇ながされて藍蘭島的 goods， 唔， 未至於兩手空空， 不過完全比想像中花時間喇。
話時話今日夜晚也到了西口的 Pepper lunch， 哦？ 見到好耐冇見的武田さん， 而且那個時間舖頭都沒有太多人呢...
2006/12/27 (水曜日)
戦利品:
Eternal Love 2007 / 新谷良子
ギャラクシーエンジェる〜ん挿入歌 「スペース・マスカレイド」
ギャラクシーエンジェル II 〜絶対領域の扉〜
學校， 番埋今日， 要做的事大部份都 ok 了， 機票（二月那張）都拎左， 今日番學主要都係處理一下手尾， print 番幾份 paper 左這兩個禮拜慢慢睇。 跟住吹吹水咁， 再番 lab 已經係下年月中的事了。
今日買的 CD, 不錯， 其中幾鍾意的:
「最後の10分だったら 楽しく9分ユメを語ろうよ
ちょっとだけサヨナラ
遊ぼうね 続きがある
あるから あるから」(サヨナラ1分ユメ9分)
話時話今日突然有興緻看看怎樣 embed Flash video（類似 youtube 之類）， 最初諗住要甚麼 tools, 點知比想像中簡單。 下次慢慢寫。 大約的流程只不過是將原本的 video 轉做 FLV format， 接着將某個 Flash 的 link 指去那個 flv， 跟住 upload， 禮成。 點解有 youtube 唔用嘛， 第一 quality 沒有限制， 雖然點都唔會 upload DVD quality... 另外就係始終 content 放在這些 youtube 的地方， 很多只係想俾識的人看的東西， 好容易被唔會甚麼人 search 到。 所以還是自己 host 係就好 （所以這個 blog 也是自己 host） 喇。
昨日發生的地震， 最初以為和自己無關， 不過首先聽到新聞話香港都有感受到， 另外最切身的問題， 就是日本和台灣之間的一些 backbone cable 斷了， 大大影響了亞洲之間的轉送速度， 唔怪得， 今日下午去 Peter 個 message board 時都 jam 左.... 可以做的就只有等....
2006/12/26 (火曜日)
反常的横風横雨， 但應承了朋友買那個恐佈的.... 二度失礼しました... 那個創意十足的公仔， 本來諗住踩單車去買， 不過沒有辦法， 行去 MM21 買， 越行就越大雨， 真係... 之後在 Toysrus 那個賣恐... コホン， 那個賣公仔的 corner， 完全見唔到， 左望右望都唔見， 問問個 staff， 原來放了在入口， 最後一個， 嘩？ 是但了， 朋友所托， 照買。 不過夜晚聽番， 那個... 那個公仔的價錢竟然升了三倍！ 原價九千円， 升到二萬七？？ 兩個咁既公仔可以買到部 PS3....????? わけわからないよ!!! anyway 横風横雨拎住這個被咀咒... sorry, 被炒高的公仔回學校， 結果 boxing day 濕身...... 超がつく気持ち悪いよ。
回到學校， 昨日叫做做完今年內要處理的東西， 而且成身濕濕周身唔聚財， 看了幾篇 article 之後幾乎死掉。 唔。 不打緊了。
2006/12/25 (月曜日)
結果這個周末也是沒有改過編論文， 今朝番學校先改， 昨日都叫做望左兩眼喇， 改甚麼大概都 ok， 於是回到去改改改， 好在有 Madu 幫手睇， 始終當局者迷， 很多時甚麼東西不清楚， 還是旁人比較清楚， 之後過埋笹瀬先生那關， 總算放下心頭大石喇。 剩下的只是些雜務， 機票也算沒有問題， 呼， 還好可以在冬假之前處理好。
之後看看書， 差不多又一日， 不過夜晚 Madu 突然問到 Integration 的問題， 嘩！ Integration by part... 真係唔記得咁多喇。 上 web 搵番條 equation 出黎， 跟住試下 solve， 哈， 計錯數， 話時話或者應該找些數計下保持頭腦靈活？ 自從大學之後沒有怎樣計數， 諗番轉頭個腦好像有點點退化似的....
2006/12/24 (日曜日)
直到下午都係昏迷， 唔理咁多， 俾我訓多兩個鐘。
夜晚到一個叫做 Fanisia 的組織搞的 party， 首先去了買禮物， 一千円左右本來都唔知買甚麼， 行下行下見到個小型的燙斗， 剛巧就是一千円多少少， 幾得意之餘又實用（？）， 於是就買下喇！ 講番個 party， 裏面識的本來只有一個人， 不過和周圍的人吹下吹下， 叫做識多幾個人， 不錯， 話時話這裏有不同國藉的人， 有日本人， 香港人， 台灣人， 中國人， 馬來西亞人等等，まあ、雖然集中的是亞洲人， 沒有相干喇。 交換禮物時微形燙斗換了個巨型枕頭， 哎？ 奇怪。 不過都唔錯喇。 下次的 Fanisia 的活動都不妨再參加呢。
回到去， 努力寫年賀状。 其實都只係寫幾張咁大把， 因為知道地址的人着實不多， 這個年代， 信， 好耐冇寫， 聖誕咭， 中學以來都冇寫過， E-card 都有 send 過下喇， 不過 E-card 有時同唔 send 差唔多... 都係冇乜誠意， 不如唔 send 好過（或者只係自己懶）， 不過今年重新寫寫， 哈， 有點點入鄉隨俗之餘， 都希望收到的人開心嘛！
2006/12/23 (土曜日)
連踩兩日， 死亡。 不過應承了朋友幫他找東西， 結果去了 MM21 的 Toysrus， 結果那隻眼大大的恐佈公仔... 失礼しました... 很有「特色」的公仔還未有貨， 沒有辦法， 再走去東口的郵局拎野， 之後漫無目的的周圍走， 玩自然迷路， 結果唔經唔覺走左去東海道.... 喂喂喂.... 真係對自己的方向感感到萬分敬畏！
夜晚， 做過些甚麼呢？ 發緊夢....
2006/12/22 (金曜日)
尋日玩左成日， 傻下傻下的回到學校， 妄想份論文沒有問題啦， 點知笹瀬先生左批右改（其實都係主要兩大個問題喇）， 簡單地說就係唔得喇。 沒有辦法， 唯有改好佢， 不過依然地有不同的雜務要處理， 首先是大掃除， 每年年尾都會做喇。 抹下抬， 丢掉一大堆垃圾咁啦。 之後還有機票和保險等， 話時話個保險入唔入都沒有問題， 不過傻下傻下入左， 浪費金錢... 是但了。
距離年尾還有幾日， 今日開了個 wine party， 一般來說自己唔多飲酒， 不過 wine 的話就小嘗兩滴啦（就真係兩滴咁大把）。 另外就是吹水和吃東西...
晚上有 Music Station (大型 Live 直播)， 無非都係 Madu 想睇大塚愛， 結果在 lab 那部電視看， 心諗都開始左一半啦， 可能出左場都唔定， 不過一開着部電視就見到大塚愛， timing 超絕！ 話時話大塚愛的歌都真係幾好聽。 不過近來比較喜歡的或者是絢香的三日月， 不過好似就出左場了。 唔， 是但， 還有好無端端的， 一路睇電視一路玩 Google Earth， 看看各位的實家在那裏， 有趣。
2006/12/21 (木曜日)
年尾， 十二月在日本的舊暦來說叫做「師走」， 聽了一個解釋是因為年尾諸事煩忙， 尤其寺社的法師等忙於奔命準備新的一年。 所以就叫做師走喇。 估勿論這個說法的對錯， 不過年尾的時間的確比起平時忙， 昨日就除了準備 presentation 之外， 還有要修改份論文 submit final version， 而今朝就要把那些修改打番好入 Micro$oft Worst, 那些格式都要執餐飽。 用了不少時間總算搞掂， 剩下的就是讓笹瀬先生 final check 吧？ 跟住其它的各手續， 都咪話唔煩。
今日另外也是 presentation 的日子， 昨日才買的那對鞋， 真係唔係咁舒服咋， 不過新鞋就是這樣的了， 找機會着到佢舊啦。 朝早的 presentation 由其它 Master year 1 打頭陣， 因為做論文的 revision 所以沒有出現， 下午去到， 等了一個鐘左右吧？ 四個留學生， 全部要用日本語（中川先生的忽發「奇」想）又自己打頭陣， 雖然沒有甚麼準備， 不過短短幾分鐘也沒有太大問題， 反正只是 progress report， 整個 presentation 的結論就係自暴其短， 等 Professor 冇乜好插。 之後聽巴斯光年的 presentation, 完全唔知講乜， Madu 的也 OK， 可能之前聽過， 另外 Sann Maw 的都係聽唔明。 唔， 他的英文完本都唔係易聽架喇。
完了 presentation， 和笹瀬先生傾埋些手尾， 趕去渋谷會合朋友， 提早了少少的カラオケ大会兼忘年会， 雖然是一個超級音痴， 不過今日就盡情唱喇。 竟然地唱了三個鐘頭， 完全比想像中長， 接着去附近的 Outback， 本來諗住好貴， 咦？ 完全抵食夾大件喎。 有點點意外... 唔。 暫時幾個禮拜冇得再見都唔定， 唔。 是但了， 2007 年再出黎玩喇。
2006/12/20 (水曜日)
好忙！
忙於奔命， 只怪自己一路都懶懶閒啦。 一早番到去， check 完 mail 本來就開始做野， 誰知周さん突然走黎傾了一大堆香港酒店等東西， 用了不少時間， 叫做傾好後， 笹瀬先生又來了和自己傾 conference registration 的事， 呢個就唔做唔得， 不過話時話， 好耐冇寫個英文信喇。 一個唔覺意可能係中學以來？ Email 就寫得多， 日本語的書信也會間中寫下， 不過英文信， 唔， 地址放在那裏， Dear sir 開頭時結尾係 sincerely 定 faithfully... 真係唔記得，加上其它種種 document, 和那張 180,000yen 的支票， 無端端壓力上升三倍， 雖然很多煩鎖野， 不過要鬧的話都係鬧自己懶啦。 早又唔做... 抵自己死。 冇得怨其它人。 另外也要執論文的 final version, 要給笹瀬先生 check, 不過 upload format 限定要 Micro$oft Worst， 又執一餐， 時間又緊逼... 最後一兩個鐘盡顯自己 deadline effect 之能事。
不過另一件事真係谷鬼氣， 明日要做 presentation， 雖然短短五分鐘， 不過都要時間準備嘛， 但講下講下， 原來這個 presentation 本身並不是必要的， 只不過是中川先生心血來潮想聽下留学生的日本語， 於上個学期隨口講講的東西而已， 聽了這句說話的笹瀬先生就一直都叫我們準備， 我們當然就做野啦。 我都沒太大問題， 另外幾個基本上唔可以用日本語表達自己的留学生自然勞師動眾， 翻譯練習乜都做齊， 我自己都花了不少時間幫佢地。 都唔緊要， 但今日竟然聽到話中川研裏面那個留学生竟然唔知明日要 present， 簡單地說就係中川先生唔記得左， 又或者冇放過在心上。 こらこらこら， 又係你， 加埋上個學期的12頁紙的 report， 新仇舊恨.... 唉... 但唔過佢那關又畢唔到業， 唯有忍... 今日銘記於心的一個單字: ちゃらんぽらん
呀， 還有之前搬屋時掉左對舊 boot， 本來諗住番香港先買， 但聽日要用.... .... 唯有去買啦。 不過都幾好彩， 意外地搵到對（好像）唔太差的東西， 才 4000 円， 點都好， 頂住先。 冇時間慢慢揀喇。
2006/12/18 (月曜日)
晨咁早， 修士論文發表， 九點前就番到去， 細細間房， 太逼喇。 結論係關自己事的 session 就聽下啦， 結果過左第一個 session 之後就回 lab 了。
處理好 internship 的手尾， 繼續寫 presentation 的東西， 雖然其實不太多東西要寫， 不過唔知點解用左好多時間， 是但了。
今日一個同班七年的同學結婚， 當然不是在日本， 所以人就到唔到喇， 打個電話番去， 放成個月假， 真好， 唔， 做唔到 d 乜， 在這裏祝福佢婚姻美滿喇。
冇去飲， 不過就去左打ち上げ（慶功宴？）， 幾個 master 的同學叫做過了一大關， 雖然結果還未出， 不過也值得幫佢地慶祝喇。 加上新的幾位三年生， 很熱鬧的一日。 不錯不錯。 不過被一杯的レモンサワー撃沈， 真係.... 唔飲得就唔好飲啦。 番到屋企， 衫都冇換就死了。
呀， 唔記得講添。 生日快樂呀！
５００
就是五百個 entries 喇
恭喜恭喜！ 這個 blog 終於去到五百個 entry 喇。 當中占了九成幾係日記， 加上點點其它雜記咁啦。 五百個 entries， 大約每日寫一篇的話已經一年多了， 最初偶然找到 pebble 這個 Java-based 的 blog， 又唔駛 set database 等麻煩野， 於是就由原來的 static HTML 轉了過來， 話時話， 計埋以前的 static HTML, online 日記已經寫了五年多， 佔了人生的五分一喇。 諗番轉頭都覺得自己幾有恆心（雖然不少 entry， 就像昨日那個， 無無聊聊的）， 不過很偶然的望望自己寫過些甚麼， 都幾有趣。
望番轉頭， 有時自己都唔明自己寫乜， 畢竟有些東西隱悔過頭了。 哈哈， 這裏寫的都係實話喇， 當然地有少少隱暪啦（據某都市傳說， 這個 webpage 存在着某個「裏日記」)， 主要的讀者當然是我自己， 不過亦知有幾個朋友定期會看， 亦知道有些人會無端端經 google 等撞了入來， 雖然不是甚麼文藝作品， 不過有機會還請大家上來坐坐， 留個 comment (雖然 comment 要 approval 先會出現， 只要唔係 spam 都應該會 approve 喇)。
2006/12/17 (日曜日)
戦利品:
スクールランブル 15
哎呀， 有點想 copy and paste 尋日的日記添， 今日基本上做的東西和昨日沒有分別， 基本上是蛇王 mode...
不過蛇王都有個限度喇。 應承了朋友做的 webpage 也要交貨， 有些東西雖然可以 compromise， 不過有幾樣基本的東西應承要做就點都要今日起貨。 發揮一下 deadline effect （好耐冇用， 不過這幾天應該要連用了）
話時話， 諗下自己點解咁抗拒早早起貨... 諗到的原因同以前番工似乎有點關係， 以前做 web programming 的時候， 曾經試過早早起貨給個老細看， 不過那些 marketing 友總係左改右改， 最初交 version A， 跟住 version B, version C.... 直至改到 version x 時， 唔知點解總會番番 version A... 這種情況發生過不少次， 慢慢地變得傾向 deadline 之前交貨， 免得無謂的工作， 形成了今日的性格... 乜話？ 搵黎講？ 哈哈， 或者係啦。 自己始終性格太極端喇。 冇興趣的話踢三踢先郁一郁...
まぁ、いいじゃない ヽ(´▽｀)/へへっ
2006/12/16 (土曜日)
大昏迷， 去到十二點先起身， 再在張床上面碌幾碌已經兩點幾喇。 昨日搞乜鬼整到咁眼訓呢？
執執個人， 落街行行， 週末横浜駅一帶鬼咁多人， 也好， 可以訓練一下左穿右插的技巧（？？？）， anyway 買些東西， 找埋機票的尾數， 又一日。
2006/12/14 (木曜日)
朝早回到 lab 未有特別動力， 不過發生了件趣事， 前幾日的憤青事件的續集？ 坐底無幾耐佢遞了張紙給我， 簡體字， 約略的望， 道歉信！！！ 由幾老實喎。 雖然唔咁肯定佢想為甚麼道歉， 不過難得佢有心自己都唔想做得太串喇。 哈， 將來會點就好難講。
anyway 中午時強制 lecture， 一個幾年前在這裏畢業的印尼人 Professor， 內容提到 Satellite communication 的 Genetic Algorithm 的 optimization, 簡單地說， 唔明， 不過看看 Genetic Algorithm 的 concept， 好似幾有趣。 不過點都好， 好眼訓， 一路釣魚時， 一路聽到 "... yaa .... yaa.... yaa... "， 那個 Professor 的口頭禪都真係幾奇怪， 笑足全日。
好彩之後不用招呼佢， 不過也是浪費了不少時間在尋日提過那個 website, 哎呀....
2006/12/13 (水曜日)
朝早發現屋企個 server 好似 down 左， 真奇， software 點諗都唔似有問題， 剩下的就係 hardware 了， 唔， 奇怪。 唔理咁多了， 要開始做功課， 不過 Madu 條友仔又 send 左個幾好玩的 website 過黎, 用了不少時間玩。 之前都玩過類似的東西， 不過難度太低， 今次這個有點點難度....
唔理， 番到屋企， 即刻望望部腦， 哎呀， 好似部機過熱而 down 添， 拆個 CPU heatsink 出黎， 發現那些散熱膏神奇地甩哂， 沒有辦法， 即刻出去買番支散熱膏， 但禍不單行， 個 heatsink 離奇的解體， 唔， 頂硬上用住先。 總算 up 番部 server... 不過話時話， 見部機過熱時真係即刻想買部 Core 2 Duo， 反正買個似樣的 heatsink 要幾千円， 加上黎緊的 Linux kernel 2.6.20 會有 KVM (Kernel Virtual Machine)不過始終買過成套都幾貴， 都係再慢慢等佢跌價先。
結果整部機整左成晚。 十一點幾先有飯食.....
2006/12/12 (火曜日)
決定逃學。 爆睡， 結果十二點幾先起身， 嘻嘻。 Anyway 今日第一件事係要剪頭髮， 對上一次剛剛兩個月了。 之前一向都去開會館附近的髮廊， 同那裏的人算熟嘛。 不過都係太遠了， 而且横浜這裏這麼多， 於是去了附近的 Hair Rough， 雖然個名改得奇奇怪怪咁， 不過上次去到（雖然將近收檔）見個環境好像不錯咁。 Anyway 入到去， 寫一大堆資料後， 如常的洗頭， 剪頭髮， 之前在東京時負責剪的是女性的髮型師， 今次的是男性， 好處嘛， 應該是比較清楚點剪吧？ 不過做得髮型師應該都沒有問題喇， 反正自己又唔係要整個好鬼潮的髮型。 剪完之後都算係幾滿意喇。 服務也不錯， 下次也可以再來。
之後回家坐坐， 看看昨日所說的 uncyclopedia， 笑餐傻之後， 應澄清先生約去町田食東東。 目的是同佢慶祝生日喇。 話時話昨日都係慶祝生日， 乜十二月這麼多人生日的嗎？ 唔緊要了。 佢今日有幾聲咳， 雖然唔太嚴重喇。 但佢自己又唔識揀， 揀左間煙房的鉄板餐。 不過壽星沒有所謂也就算了， 或者佢錫住我銀包？ Anyway 也是吹水吹水， 食完之後周圍走走， 不過町田的舖頭鬼咁早就收檔， 八點半都未夠， 撞鬼。 今日佢都算幾滿意咁， 算係唔錯的一日喇。
2006/12/11 (月曜日)
一朝早去到 lab， 唔知點解大陸同學（以後稱他為憤青）異常的興奮， 是但， 本來諗住唔關自己事。 跟住無端端出面了一堆我都莫明奇妙的對答(註：基本的對答都係英文)
憤:"Alex 你知唔知 Keio 有幾多中國留學生"
我:"下？ 唔知喎" （心諗， 有幾多有乜關係？）
憤:（很驚訝）"你唔知？ 你沒有加入中國留學生會嗎？"
我: "冇喎"（心諗， 有乜好入？）
憤:（依然很驚訝）"為甚麼不加入！！ 你是中國人嘛"
我:凸(｀Д´メ)"點解要入？ 我又唔識講北京語"
憤: 香港係中國的一部份！！！！ (註：佢用英文講)
我:（冇佢咁好氣）バカバカしい（日本語， 佢當然聽唔明）。
憤:"你唔識講北京語， 我識講廣東語嘛"
我:（真係冇佢咁好氣， 冷笑一聲）"あれ， 我真係聽唔明你講乜喎"
哎， 話にならない， 其實識得不少的中國留學生， 但這種憤青真係異常惡搞， 之前識那些唔關自己事大可不理， 但今次那個叫做後輩， 唔理又唔得， 睇怕黎緊有排煩。 Anyway 今日佢地 presentation， 印尼學生的 presentation 雖然仍有不足， 但都算不錯， 但憤青的， 一望， 字體大小不一， 貼圖忽大忽小， 再望， 圖中標題欠奉， 再再望， 錯字連篇， 細讀， 想講乜呢？？？？ 笹瀬先生都算係好心機， 全部聽了之後， 反問番憤青幾條問題， 憤青的音量突然降至 30dB(註：頭先佢講香港係中國一部份時有80dB)， まぁ。 之後自己也要給少少 comment， 要說的笹瀬先生大部份也說了。 只好加句“present 前 double check 自己有冇 spelling, grammar mistake”... 哎， 頭痛......
之後食埋飯， 多得憤青， 好偶然的在網上找到一個極有趣的 Uncyclopedia （最初純粹想 search 下糞青）， 簡單地說是 wikipedia 的放任 biased 版， 內容不求正確但求幽默， 非常抵死。 哎呀呀， 不過望幾望， 冇哂時間。
夜晚友人L君生日， 加上Eさん一行三人去渋谷食飯， 早點點去了間舖頭改 booking 的東東， 那時都仲識路， 之後集齊人再行過去時， 哎呀， 行錯路， 真係幾失敗， 雖然中間穿過去就係， 不過中間經過很多的“無料案内”， 是甚麼東西自己想像。 失敗失敗， 不過好彩間餐廳的食物不錯加番少少分（吧？）， 之後不斷的吹水， 由洗頭水到第三次世界大戰((=￣□￣=;))ﾅ､ﾅﾝﾄ!!， 由男女關係到憤青中港台， 無所不談， 哈， 有趣。
哎呀呀， 連續打番四日的日記， 用了不少時間添， 還是休息吧（雖然明日逃學）
2006/12/10 (日曜日)
完全放任主義， 放假嘛， 遲些先起身， 不過前一段時間曾經有幾日出奇地準時起身， 可能真係廻光反照， anyway 換件衫悠悠閒閒的行街去也。 食飯， 得張一萬円， 走去“唱”錢時， 那個 staff， 之前都覺得佢粗枝大葉喇， 食親飯時佢就在廚房"ping ling ban lan", anyway 佢遠遠見到我拎住張一萬円就自動拿了堆一千円過黎同我換， 算幾醒目， 不過一數之下... 咦？ 一萬一千円？ 再數， 都係十一張， ヾ(￣o￣;)ｵｲｵｲ， anyway 入到去， 還番張一千円給另一個 staff， 呀， 特登避開店長， 我都真係好人得濟喇。
食飽飽去捐血， 其實夠期捐好耐喇， 不過上個月基本上係咁咳， 冇得好捐， 今次都差唔多收檔先去， anyway 換左張捐血咭（之前是大大張捐血手帳）， 等等等， 中間有段小插曲 ， 在等的時候， 有位中年女仕坐了我和另一位廿歲左右的女仕中間， 坐低後無端端問左句“哎呀， 你地係唔係 couple??”, エッ? 跟住我和那位小姐對望了一望， 傻笑， 跟住當然地澄清啦， 場面有點點奇怪， 好在沒多久那位年輕的女仕就被叫了入去捐血， 自己繼續睇書。 Anyway 捐左血， 感覺很好， 好耐冇捐喇。 基本上捐血係一種興趣， 一種滿足感和一種自豪感喇。 感覺真的很好。 坐下休息， 那位中年女仕還在， 稍稍的吹吹水， 講下點樣可以叫多些人捐血， 日本和香港人的捐血態度的異同等等等， 有趣。
之後諗住去剪埋頭髮， 不過舖頭都閂門喇。 算， 過兩日先算。
2006/12/9 (土曜日)
好耐冇打過羽毛球喇。 今日重開， 不過天氣麻麻， anyway 天氣同室內運動沒有關係， 三人行 +2 打波， 一同一齊的三個朋友， 加兩個在球場識的台灣人， 台灣人裏面男的那個幾勁架， 打起上來都幾有挑戰性， 唔錯。 不過可能今日落雨的關係， 成個體育館都好靜。 是但了。
之後去了渋谷的地下街行左陣， 主要係Kちゃん想買御歳暮（大約係年尾送禮的習慣喇）， 自己都想搵搵有甚麼禮物送給家姊做結婚禮物， anyway 在地下街試食了一輪， 兩個人都沒有收獲， 算， 收隊回家。
2006/12/8 (金曜日)
Lab, 沒有特別事發生， 靜靜的看看點攪份 paper， 不過進度一般。
放學後去買機票， 預備一月回港參加家姐的披露宴（即係擺酒）， 真係自己都唔信地出奇地快手， 不過冇帶錢亦冇帶 passport， 是但， 照訂。 連稅盛惠 37100 円， 和上年差不多吧？ 唔係太記得了。
晚上亦打了回去， 哈， 做細佬都真係... 唔到前一日都唔打電話番去... anyway 四兄弟姊妹入面第一個結婚， 真係估佢唔到。 anyway 都講句恭喜喇！
2006/12/7 (木曜日)
戦利品:
ながされて藍蘭島 ポストカードブック
ながされて藍蘭島 パーフェクトガイドブック
ギャラクシーエンジェる〜んED 「Happy Flight」
有點過山車的一日。 本來下午一直都平靜的寫 simulation， 笹瀬先生突然走了入來講左句 congratulation， 係？ 乜事？ 呀， 之前 submit 的 International conference 早了點點出 result， 自己份 paper accept 左， 當然地開心啦。 即刻 check email， 那篇長長的 mail 裏面， 除了結果之外也附有幾個 reviewers 的 comment， 那些評價有部份低得可憐， 有些又幾高， 雖然自己都知自己份 paper 唔係好得太邊， 不過那些 comment 有些都“吉”得幾入肉， 唔... 反省。 Anyway 份 paper accept 左， 出年的三月中的 WCNC， 再次回港.... 咁計法出年前的頭三個月就會番三次香港喇。
點都好， 算係一件值得的慶祝的事， 哈哈， 獎勵自己買了今日的戦利品（其實係唔係都會買）， yeah!
2006/12/6 (水曜日)
平平靜靜的做 lab， 沒有甚麼特別。 之前做過的 simulation 重新做過， 需要不少時間， 希望長遠來說可以令自己的 simulation 更容易啦。
夜晚和朋友傾 webpage， 傾左成個幾鐘。 唔， 老實講希望可以 firm 少少裏面的 content 呢。
2006/12/5 (火曜日)
唔， 總算回復番少少正常的睡眠時間， 之前幾日真係撞鬼， 四點先訓得着。 而家好番少少。
anyway 今日番 lab， 冇乜人， 就連笹瀬先生都冇番， 唔？ 乜事呢？ 事但了， 幫 Madu 找 Firewall, 找到一個叫Comodo Personal Firewall， 免費之餘 function 亦都唔錯， 有興趣可以睇下， 另外這間 Comodo 亦有 Antivirus， 亦都係免費， 睇落唔錯， 哈， 不過其實都係同自己無緣， Linux 有 fully functional 的 iptables 等等等東西， 當然亦無擔心 virus 的必要。
Research， 沒有做太多， 都係要改良自己的 simulation program， 要這個月交 journal paper， 好像難了點點添... 哎呀。
夜晚和 Ryan 去學校附近的中華料理食飯， 這間飯店由店長到店員基本上都係中國人喇。 偶然來這裏食番一下正宗的中國料理... 有趣的係同一個 set dinner 入面， 大家對着裏面的飯湯小點評分時， 得出頗為相反的結論... 人的口味可以相距這麼遠的... 另外， 食食下突然有隻身長 2cm 的小強在中央行過.... ...... ..... 來到日本這麼久好像也是第一次... ... ... 中華料理的確與別不同... ... ...
回到去繼續幫 Madu 手， Firewall/DNS 等等東東， 唔， 自問這些東西玩左五六年喇。 易過食生菜， 嘻嘻。
2006/12/4 (月曜日)
一朝早番去聽 lecture， 真係撞鬼， 明明唔駛上堂架啦， 不過今日學校請左個台灣的 professor 來講 MIMO， 而笹瀬先生又 send 過幾次 mail 過黎叫我們去， 沒有辦法， 早早回校。
雖然 lecture 整體唔算太悶， 不過 MIMO 始終唔係自己那行， 加上很久沒有上個 lecture， 真係釣哂魚， 好在有帶 laptop， 可以消磨一下時間。
另外下午飯之後， 笹瀬先生又有點事做， 大槻先生又有 lecture， 結果這個台灣的 Professor 被“放置”在研究室， 總要招呼一下佢， 但始終有點唔係太自然， 唔。
2006/12/3 (日曜日)
戦利品:
ながされて藍蘭島 8-9
玩得太多了， 今日果然係太眼訓， 結果早餐同下午一起吃... anyway 今日沒有做太多特別事， 都係去附近行行街， 買埋今日的戦利品回家慢慢看...
2006/12/2 (土曜日)
鎌倉の旅
前日才去完箱根玩， 今日又去鎌倉喇！ 不過鎌倉今次已經是第二次了， 突然想去這個地方， 原因大概是之前踩單車突然諗起“呀， 其實鎌倉好鬼近”， 之前一次去被巴斯光年（咦？ 呢個人最近差不多被自己遺忘了）搞到冇乜癮， 今次一個嬲字， 出發去這個秋天（？）的鎌倉。
冇錯， 鎌倉真係好鬼近， 由横浜出發只不過係半個小時左右的車程。 今次的行程主要是遊寺廟喇。 雖然沒有宗教信仰， 不過這些有宗教色彩的地方的建築真的幾值得一看的。 尤其係這些寺或是神社一般歴史都比較長。 今日去的有円覺寺， 明月院， 與及鶴岡八幡宮， 基本上活動都係影相影相和影相。 講開影相， 見到好多好似好 pro 的人， 有男有女， 單鏡機當然不在話下， 那些鏡頭， 還有， 一個人拎兩部機， 自己部傻瓜機有點點相形見拙， 不過都有一班拎住部手提電話影的人喇。
Anyway 今日輕輕鬆鬆的鎌倉遊， 整體感覺很好， 很悠閒的。 另外有點偶然的， 在神社裏面偶然見到傳統的日本婚禮， 好莊嚴， 不過包括自己的一大班觀光客在外面講南說北， 好似唔係幾好咁添...
2006/12/1 (金曜日)
戦利品:
ながされて藍蘭島 3-7
前幾日的早起的反動， 今日去到成十點幾先起身， 不過也算難得地正正經經回 lab 做下 research 的東西。 不過真係幾眼訓， 不過也好， 起碼唔駛好似前幾日咁四點先訓得着。
好野， 一口氣買了五本漫畫， 慢慢睇， 超好笑， 實實在在會笑死。 不過這套漫畫好似畫得比較慢， 其它一般兩個多月一本的單行本， 這套ながされて藍蘭島好像要四個多月... 嘛， 慢工出細貨？
不過明日又去玩， 今日都還未看完那幾本書.....