2007/1/31 (水曜日)
一朝早回到學校， 勁眼訓， 不過今日四年生的畢業論文発表， 點都要支持下。 不過一來冇位坐， 二來真係幾悶。 不過當見到幾個 professor challenge 班學生時有時真係幾擔心佢地。 尤其其中一個好似離哂題....
雖然下午也有 presentation， 不過始終都去唔到咁多了。 結果在 lab 做番自己野。 夜晚的慰勞宴， 聽番笹瀬先生講全員總算合格。 替他們鬆口氣吧？
題外話， 番去那時和其中一個冇兩句的 lab mate 番去， 佢只係坐一個站， 但同一個方向， 加埋等車時間， 真係唔知有乜好同佢講。 結果真係超唔知想點。 唔......
2007/1/30 (火曜日)
很早起身， 打算去入国管理局 update 個 visa, 點知坐火車去時， 出站之後即刻行錯路。 沒有單車行得鬼咁慢， 結果坐火車仲慢過自己踩單車過去。 唔， 結果遲左上去， 有排等， 算數。 遲些再上黎。
會合一個最近識的朋友， 佢話想行中華街喎。 話時話自己都係第二次黎。 之前夜晚黎， 很多舖頭也開始收舖， 找了間香港飯店食炒飯， 今次算係早， 不過朋友很快要去做兼職， 沒有辦法， 行了一會就入了一間飯店， 而食的， 叉燒飯！ 上次番香港時竟然唔記得食， 今次有運行！ 似樣少少的叉燒真係好少機會食到了（雖然下個月番香港時應該可以食到唔食）。 食完之後傾左好耐， 這位日本朋友來香港 exchange 了幾個月， 識不少廣東話， 有趣。
之後再上入国管理局， 等左成個鐘頭之後交份 form 等通知... 真係唔知為乜。 是但， 程序始終要跟足。 之後三點左右， 天氣又鬼咁好， 於是決定行番去， 才五公里左右之嘛。 不過一路行一路行街一路又處理雜務， 結果三個鐘頭先番到屋企。 其中最特別的是在海邊時那群亂舞的海鷗！ 很壯觀呢！ 幸好有帶相機， 幫佢地影左唔少相。 另外行過電器店， 多手玩玩那幾部 Vista， 咦？ 係喎。 後來才諗起唔記得玩到佢 BSOD 先走添。 不過真係唔知有乜好用囉。
2007/1/29 (月曜日)
又一個禮拜的開始， 今個禮拜研究室很多人也會很忙， 而自己也想在回香港前盡量準備多些東西， 好讓在香港的一個月也能有些 output， 始終過完新年頭幾日之後好多朋友都要番番工， 自己也要好好利用時間嘛。 所以也就開始看 paper， 另外同場加映幫朋友裝 Gentoo， update 完基本 packages 之後， 唔係太整得掂個 ATI driver.... 自己一路都用 Nvidia 和 Intel， 完全沒有問題， 唔怪得人地話 ATI support 唔好啦。
看 paper 的進度還是一般， 而四點幾時先輩I君給了他那份 master thesis 自己， 話想我幫佢係咁易 check 下英文， 之前佢幫我 check 過唔少日本語嘛， 所以幫番佢自然義不容辭， 本來想回家慢慢 check， 不過後來才發覺自己聽日唔番學， 唯有快快手手完成。 唔， 真係幾“係咁易”， 唯有之後先再慢慢睇啦。
話時話偶然在超級市場看見一個食譜的 website ， 可以由材料， 卡路里等等去找食譜， 似乎幾方便呢， 望了幾望， 好像也是四人分量呢。 唔... 自己調節也就 OK 喇， 始終自己整黎整去都係那幾味， 有機會換下款式也不錯。
2007/1/28 (日曜日)
Fanisia Party
第二次參加 Fanisia的聚會， 依然係新宿.... 唔， 對於住横浜的自己來說雖然是遠少少， 不過一個月一次， 而且有機會識多些不同的朋友又何樂而不為呢？
大概準時到達， 不過好像唔太見有人集合， 去附近行行， 不過行了陣就發現沒有東西好行了， 附近就是歌舞伎町， 有乜舖頭好行先得架？ 沒有辦法，走番去集合地點， 哦！ 閧始有些人集合了， 吹吹水， 打個招呼， 雖然好懷疑自己可唔可以記得咁多人名， 唔理咁多喇。 話咁快就出發去那間沖縄料理屋， 地下二階， 即時與世隔絕（唔， 平時都唔係太多電話喇， 都沒有甚麼分別）， 最初坐埋位時成檯男仕， 唔係掛？ 雖然來這裏的目的唔係為左識女仔（係唔係架？）， 不過剩得一班男仔都好悶架嘛。 Anyway 之後終於有些女仔坐黎呢張檯喇（事先編好位）, 有日本人亦有香港人（還有一個唔記得係乜野人）， 有趣的組合。
一路的食沖縄料理， 大部份也很啱胃口， 不過比較有趣的是竟然有不少料理內含“午餐肉”， 在香港普通過唔普通的食物， 在這裏特別覺得好食。 真係奇怪。 途中這間料理屋的老細出黎高歌一番， 沖縄的歌， 好似第一次聽？ 雖然完全聽唔明， 那個 melody 實在不錯， 在 party 唱尤其合適。
識了幾個朋友， 交換 contact， 不過當中有些人可能很快就離開日本， 人聚人散...
2007/1/27 (土曜日)
おつかれさま
羽毛球日。 今日有點點打唔出水準的感覺。 不過也無大問題啦。 中途和兩個勁人打， 很好的練習。
之後去了東大的 Italian Tomato 坐左好耐， 吹水吹水吹水， 話題竟然地都幾天南地北的。 哈哈。 雖然講完之後唔太記得了。
之後想番屋企時， 突然收到友人的 email 話去食飯， 係喎， 剛剛考完試喎！ 辛苦了！ 於是三個人在渋谷（始終都係呢度）食， 首先去了 Outback， 唔知點解好多人生日， 聽生日歌都聽左幾次， 跟住仲有個離奇的蜘蛛俠出現， 完全唔明發生乜事。 三個人講了不少東西， 今日究竟加加埋埋講左幾多東西呢？ 另外在 Outback 講完未夠， 去Starbucks 繼續講， 講左真係好多野， 講到十二點時突然發覺尾班車都黎緊， 即刻閃人趕去車站......
オーラでネ… 究竟真的有那種“氣”， 還是一種先入觀呢？
2007/1/26 (金曜日)
一半是自己的 research, 另一半是幫一個 lab mate 裝 Gentoo， 個 graphical installer 真係唔太知想點， 結果都係用番最簡單(?)的 command line 裝， 很快便完了大部份的 process， reboot， Kernel Panic! 簡單來說就係 mount 唔到個 file system， 兩個可能性， 一係個 Kernel 認唔到 file system， 一係 hardware 上問題， boot 番去 Live CD (好慢) ， 後來先見番係個 SATA driver， compile 番之後就如常運作。 不過到這個階段先算係裝好一半....
夜晚， 總算平靜。
2007/1/25 (木曜日)
睡覺前做一些伸展運動的確有助提高不少睡質素， 所以朝早可以精神地起身。
下午， 很久沒有開過的研究室 meeting， 主要是讓 B4 的學生練習一下下週的畢業論文練習， 因為太悶加上太肚餓的關係， 早途走左去 canteen 食飯， 有點點罪惡感添。 唔， 算了， 反正自己由頭到腳都係一個“罪人”， ヽ(´▽｀)/へへっ
Lab 裏面有人想裝 Linux 去行 ns-2 (network simulator)， 當然義不容辭。 即刻幫手 download 個 ISO 幫手裝...... 不過有排裝。 明日再戰。
2007/1/24 (水曜日)
有點點悠悠閒閒的。 之前看了 NHK 有關 Google 的節目之後， 心郁郁有點想玩玩 adsense， 不過唔知寫乜好， 算了。 諗下， 繼續 update 這個 blog， 有甚麼 content 值得寫的話就 copy 去第二度， 始終唔想這裏有廣告的存在嘛。
夜晚行街街， 近來另一樣心郁郁的就是一個 Mitsubishi 的 LCD Monitor ， 最平才四萬円左右（2600 HKD 左右）， 20寸， 最重要的是 1680x1050 的 resolution， 哈， 相信將會是最近 To buy list 一件 top item... 不過最快都等到從香港番黎先算喇。
2007/1/23 (火曜日)
難得地沒有和周公糾纏的一日。 一起身， 快快手手的洗了昨日忘記了洗的衫（其實都唔係唔記得， 不過夜得濟唔想開着洗衣機嘈到隔離）， 跟住， 踩單車去也！ 真開心。 天氣涼涼地， 唔驚踩到成身汗， 朝早空氣又好.... 就假的， 馬路邊， 不過都唔算太多車， 還可以喇。 一路經過桜木町、関内等地， 一直殺到元町的入国管理局， 其實只係為左拎張 form， 很重要喇。 唔快手處理好俾人踢出日本都唔知乜事。 之後冇咁蠢， 經番ＭＭ２１番去， 那裏就真係空氣清新風景優美喇。 不過自己懶， 其實應該找多些時間到這邊散步喇。
回到學校， 唔知係因為早起身定係一早用了不少體力還是自己懶， 好眼訓， 完全集中唔到看書看 paper... 冇計。 頂硬上。
2007/1/22 (月曜日)
戦利品:
魔法先生 ネギま 17
正常的工作天。 沒有東西可以報告....
夜晚， 不斷的 chatting， 連食飯沖涼都沒有時間。 哈哈， 有點 out of control， 不過傾得開心也沒有甚麼所謂了。
2007/1/21 (日曜日)
尋日玩得太開心， 休息。
晚上看了 NHK 一個關於 google 的特集， 內容講了人怎樣利用 google 幫助宣傳自己公司， 怎樣利用 ad-sense 月入 7000 美金等， 還有 google 裏面有甚麼人之類。 雖然沒有甚麼 technical aspect 可言， 不過也算是突然再發現自己的生活原來和 google 已經不可分離這個現實....
2007/1/20 (土曜日)
最高の一日!!! まあ、最悪のことも遭ったけど。 果然自己的運氣永遠都是這麼極端的。
朝早坐火車時， 去到菊名駅時突然緊急停車， 雖然看不到甚麼事但聽番係有人跌了落路軌。 擾攘了幾分鐘吧？ 後來只係見到個擔架上面沒有人， 即係沒有大問題吧？ 還好還好。
之後打羽毛球。 唔知係太耐冇打， 定係怨氣發洩， 定係上身... 乜都好， 用了 140% 的 power 打波， 一字記之曰爽! スッキリ!! 哈， 希望沒有嚇親對手啦。
之後為了等朋友去了球場附近的 M 記， 四個人叫了少少東西吃， 很快也就吃完， 吹吹下水， 因為太多人的關係被裏面的 staff 請我地離開， 呀， 好日都唔幫襯佢， 一幫襯就出事... 沒有辦法， 去了車站到等， 一路的食西北風， 最慘係最後先諗番起原來可以去附近的留學生會館慢慢坐... 雖則自己唔太覺得凍， 不過有點累到其它人都要食西北風的感覺添。
之後到了渋谷， 距離約定的時間還遠， 於是又搵個地方坐底， 搵黎搵去都唔知道度好， 結果今年之內第二次去 M 記， 仲要係同一日（上年去 M 記的次數加埋唔知有冇十次）， 最壞的情況是禁煙區冇位， 到了二樓的鴉片房（！）， 直到離開了一段時間時都仲覺得有些煙味.... 覺得自己好臭呀！
Anyway 之後會合了朋友加新朋友Yさん， 一行四人， 四個香港人， 背景各有不同， 但有出奇的共通點。 超有趣！ 例如通過“庖丁解牛”相認（？）應該都係經典了。 之後Yさん突然確認大師姐的存在等等， 短短個半小時的鍋料理， 突然認識了一個像是認識了多年的朋友一樣。 真的算幾特別的一次。 同場加映亂哂龍搭錯線， 由最初的“パチンコ遇上忠犬ハチ公(八千歌遇上義犬八公)”， “MSN 與 SMS”等， 唔， 酒不醉人人自醉？？ 自己則有時清醒過頭， 唔覺意篤爆太多這些搭錯線 channel， 不過 L 君都講得對， 有時這種反應太快都幾令人反感喇。 不過好笑得濟真係控制唔到.... ヽ(´▽｀)/へへっ
去影貼紙相， 真係唔知幾耐冇影過喇。 起碼在 2006 年沒有印象影過.... 之後去 Outback 繼續二次会， 哎唷？ 個 waitress 竟然記得我地一行人（雖然和上次的 combination 唔同左一個人）， 仲記得我地之前坐邊張檯（！）， 上次黎都應該一個月前喇。 除了個服字大概也想不到其它可以用的字詞......
話時話點點題外話。 那個 space bar 的下篏.... 還有雖然影唔清楚但M,N兩個制的爪痕.... 自己都覺得自己可怕。 咦， 話時話個 keyboard 都幾污糟架喎。 係時候洗下佢喇 (=￣□￣=)!!
2007/1/19 (金曜日)
研究室的一日。 話時話最近 delete 哂那些平時用了自己不少時間的 slashdot 呀， osnews 之類的 RSS feeds， 的而且確的集中了些少。 不過 mixi 依然係不斷的 check 住， 應該再哂脱些連 mixi 的 access 也中斷.... internal firewall block 左佢好些？
夜晚約了澄清先生， 因為之前從香港幫佢拎了點點東西回來。 不過唔知點解好像心情麻麻地咁。 有點點無名火起， 可能太疲倦的關係吧？ 是但了。 始終唔知甚麼原因的怨氣都冇理由讓其它人都感到不快嘛。 好好休息好好打機好好發洩一下就是了。 所以， 今晚就從新玩番以前玩過一次的 Tales of Symphonia， 算係自己在 "Tales of" 這個 series 入面最喜歡的一隻 game 呢。
2007/1/18 (木曜日)
和昨日一樣十二點先番到學校， 不過出奇地勤力看番些 paper。 話時話要預備出 journal paper， 雖然笹瀬先生話總之試 submit， 唔得都冇所謂， 不過自己還是未有太大的信心。 不過原地踏步都唔係辦法， 之前 submit international conference 時收到那些 comment， 老實講真係幾 harsh， 不過就係 harsh 先至有參考價值。 所以也是時候再努力了。
2007/1/17 (水曜日)
之前冬假加上香港的大假， 到現在還是懶懶閑， 十點幾起身， 執好個人之後都十一點， 回到學校十二點。 哈哈， 撞鬼。
又有新玩具玩， google toolbar 出了 version 3 beta， 玩左陣， 好像幾方便， 詳細玩完先寫番個 report， 不過呢個 toolbar 有 keep track login 的 information， 可以好方便地 access google 的各種 service， 其它東西用起上來都比之前方便。 遲些慢慢講。
2007/1/16 (火曜日)
回復到正常的生活了。 正常... 這個說法都未免有點奇怪， 這樣說的話香港的生活就不正常？ 在日本自己理所當然的是一個外國人， 但回到香港， 也不見得自己可以融入， 例如發現自己容忍不了那些人在巴士火車上講電話， 抵受不了那些出口成屍的響音， 還有望着天氣小姐報道各區空氣污染指數... 不過香港始終有很多不能代替的東西， 那些在日本很難才吃到的美食， 異常方便的交通網， 還有不可代替的朋友和家人。 anyway 這種兩頭唔到岸的心態， 可能再過幾年會慢慢淡化吧？
累積了一大堆雜務， 一次過清， 清完之後沒有太好心機做 lab 的東西， 還是早點休息吧？
2007/1/15 (月曜日)
回日本去
晨咁早四點幾就醒左。 沒有辦法， 架機鬼咁早。 老豆老媽子因為之後都要送舅父所以都來了送機。 唔， 本來諗住反正下個月又番黎都唔駛送黎送去喇。 不過反正順手也沒有大問題喇。
去到機場， check-in 之後食早餐， 老豆真係， 睇都唔睇清楚， 散叫幾個蛋治同幾包野飲， 百幾大洋。 算， 反正唔駛自己俾錢。 跟住傾左陣， 係時候上機喇。
在飛機上， 再發現那天的空氣實在污染得厲害， 尤其係飛機升上雲層上後那種黄黄的空氣完全消失， 一片藍天...
三個多小時之後回到成田， 跟住坐火車， 兩個幾鐘.... 整鬼。 不過好在有電話用， 不斷的 send message， 都冇咁悶。
回到去後實在過疲倦喇。 夜晚去了食個咖喱飯， 處理一堆雜務後也是時候休息了。
2007/1/14 (日曜日)
回日本前最後一日。 也是朋友的生日， 所以今日還是選擇和朋友一起過。 下午去到大圍， 踏單車到大尾碌， 在 google earth 約略看看， 約二十公里的距離， 不算太遠， 而且很多直路， 自己一個人的話隨時一個鐘左右可以到站。 不過唔係賽車， 同一班朋友一齊慢慢踩遊山玩水也不錯。
一半男一半女的組合， 很自然也會行下停下咁， 途中的科學園和海濱公園也很不錯。 當然， 以前也來過這裏不少次， 不過這個 combination 還是第一次。 看看各人的踩單車時的神態， 都幾得意的， 之前諗住踩得唔好的反而踩得唔錯， 相反也有... 失礼... 一路行一路影相， 一路吹水， 吹下吹下就到站了。
總站那間泰國餐廳， 自己實在非常推薦， 不過聽番佢地講元朗好像有間不相伯仲的餐廳， 也是很好食似的。 不過唔知幾時有機會食喇。 呀差點唔記得， 生日快樂呀！
散了之後到大埔， 會合家姐收了她的禮物， 大大件褸。 不過也不錯（因為內裏可以分拆上市）， 顏色也不錯。 真係凍時都係一個唔錯的選擇。 不過唯一的問題係， 這件褸為明日的行李帶來奇怪的負荷...... anyway 多謝了。
2007/1/13 (土曜日)
家姐結婚晚宴
今次番香港都係為左今日， 由於結婚同擺酒分開兩日， 今日其實都唔算太忙。 anyway 直至下午都一直休息下先。
起身， 整裝待發， 不過出事， 老豆問阿哥借的恤衫同呔， 撞到應一應， 自己的裝備全部放了在日本， 想換都唔得， 叫老豆換佢一定唔聽， 沒有辦法之下唯有出去買條新呔頂住先。 沒有所謂啦， 反正之前都諗住買， 不過冇諗到在這個情況咁解之嘛。
五時恭候， 要做的就只係負責迎賓和吹水等， 還有自己的興趣關係， 一半走了去做攝影師。 今日的來賓之中， 佔了一大部份是六七十歲我老豆的親朋戚友， 另外男家的親戚唔算太多， 最後朋友同事佔了不少。 尤其老豆那些親戚， 一來唔識， 二來言語不通， 好在有位“秋伯”坐陣， 唔， 最開心的是云云唔識的人當中， 有一位很久沒有見的幼稚園小學同學。 點解呢？ 因為家姐同自己同一間村校， 佢個好姊妹（伴娘）的弟弟是我從幼稚園就開始認識， 中學之後就很少聯絡。 可惜今日頗忙， 蛇王去了傾下近況之後又俾人拉去影相迎賓等， 沒有辦法。 另外， 今次第一次見的姻世伯姻伯母和姐夫細妹（唔知點叫）， 上次都沒有出現， 今次好好打個招呼， 遲些有機會再慢慢傾。
開席， 自己去飲過幾次， 坐主家席都係第一次， 除了食之外還要去敬酒等等， 走黎走去， 覺得自己完全融入唔到這種起哄動作添， 結果跟在後面拎住部相機係咁影， 仲開心。
忙忙忙的， 很快就夠鐘散場， 留到最後才可以走。 沒有所謂喇。 今日不斷的影相， 頗開心！ 雖然和這個家姐經常嘈交， 不過也當然希望佢可以白頭偕老。
有時間可以看看今晚的相
2007/1/12 (金曜日)
昨日舅父來了， 今日自然地強制被送去飲茶， 雖然樂於陪他， 不過最大問題還是語言， 媽子用上潮州語加泰語， 老豆用潮州語， 自己？ 唔該翻譯丫。
之後休息一下， 但下午無端端老豆發細路仔脾氣， 即時起番張 firewall -- 隔開那些火， 其實真係小事到唔想理。 明日唔好出事就得。
夜晚一家人和姐夫食飯， yeah， 潮州野， 蠔餅！ 吹水， 雖然唔齊人同埋多了些 "noise"， 不過都算不錯的一餐。
明日， 有排忙。
2007/1/11 (木曜日)
很久沒有到的旺角， 夜晚約左人食飯， 之前有時間就去玩玩啦， 很懷念的龍鬚， 到旺角電腦中心附近那間舖頭.... 咦？ 冇左？ 撞鬼。 沒有辦法， 周圍找， 話時話很久沒有見那些問卷小姐， 好煩呀！ 完全習慣唔到這班人。 anyway 跟住找到一檔賣龍鬚， 一食之下， 完全唔掂囉。
之後回合阿輝， 講講打機動畫等， 涼宮ハルヒ(すずみやはるひ)， 好似令阿輝中左毒喎， 不過聽佢用中文講“涼宮春日”， 真係諗左一段時間先知佢講乜囉。 行行行， 得個睇字， 之後會合埋 Cap 到 Freddy 後去土瓜灣一間叫鬍鬚安的火鍋店， 不錯不錯。
晚上回到家， 發現舅父到了家中作客， 不過當時已經夜深， 靜靜地， 靜靜地。 有趣的， 從泰國來的舅父也毫不覺得香港凍， 果然問題其實出在香港人本身？
2007/1/10 (水曜日)
很疲倦， 休息。 今次番黎香港， 大部份時間也是陪屋企人， 陪傻狗， 沒有太多特別事可以做。 上網， 慢到唔想用， 個地震真係黎得唔係時候。 個個朋友又要番工， 沒有太多出去玩的時間。
2007/1/9 (火曜日)
話時話， 今次回香港的一件重要事是回來做身分證， 於是今日飲完茶之後就去天水圍做證， 去到那個智能身分證中心， 哈， 成班阿伯阿婆， 都係， 呢期好似係三七年左右的人換證， 自己一個真係.... 算， 唔理咁多， 照換。 影相， 幾好 service 喎又真係， 可能數碼機的關係啦？ 我諗以前菲林機唔可以俾你左揀右揀掛？ 跟住都幾快手咁做埋些手尾， 走得。
回家休息一會，之後先和老媽子上家姐新居坐坐， 然後夜晚和一班中學同學食飯， 很久沒有見面， 的士佬比起以前更加好打。 哈， 可能好耐冇打過人？ 吹水吹水， 各人的近況略有不同， 不過一檯人之中唔係 IT 人就係教書， 結果話題也走了去這些東西... 奇怪。
很久沒有食糖水， 芒果涼粉， 正呀！
2007/1/7 (日曜日)
晨咁早去了飲茶， 雖然自己都想去， 不過未免早左少少。 是但。 普通過唔普通的一餐， 但當然， 太耐沒有食的話也會顯得好味。
之後有段大空檔時間， 周圍走， 原來元朗真的比想像中小， 一陣就行完。 沒有辦法之下， 去了大快活， 買左杯熱奶茶， 就坐底看 paper... 嘩， 證明真係沒有東西好做。
Anyway 到兩點， 呀， 一點時終於見番些舊朋友， 真好， 自己一話燒野食就即刻有人幫手預備， 朋友的威力果然非同凡響。 講開朋友， 相信今日鉤頭同學應該有一個與別不同的體驗， 深明朋友這兩個字點解.... 講番轉頭， 很久沒有見的還有白白和 Coco， 自己尤其鍾意白白， 有趣。 燒野食， 始終還是港式的比較開心。 日本的基本上是鐵板燒， 而且冇咁多肉（錢的問題）， 所以都係鍾意港式淡淡肉的 BBQ......
晚上較特別的是那個T字之謎， 四塊不同形狀的 puzzle 咁啦。 幾有趣， 好在最後都自力砌到個T字。 不錯不錯。
期待下星期再出黎玩。
2007/1/6 (土曜日)
回港去也
隔了九個多月， 又回香港了， 不過回港前得要回學校繼借本書先。 一早開始落微微雨， 好在的， 是昨日預報的大雨似乎不會發生。 Anyway 回到 lab， 竟然除了自己外有三個人到了， 一心諗住只會得自己添。
之後回去前去了幫朋友買少少東西， 少還少， 不過好鬼重， 雖然想轉拖 gip， 不過後尾都係算數。 出發去車站。 坐坐坐， 坐了兩個幾鐘頭， 去到機場 check in， 食個飯， 嘩。 已經沒有甚麼時間， 趕頭趕命的買埋些手信， 過關， 登機等等用了不少時間， 不過話時話， 今次班機可能佔了一半是香港人， 未出成田已經覺得自己回到了香港， 其中最記得的係有不少人自吹自擂， 個個人排隊， 那個人大大聲話自己可以埋去個 counter 大大聲就可以上機喎。 哈， 咁又唔過去, 企响到仲乜？
今次 Northwest 的班機， 和 United 一樣是美國公司， 沒有任何期望。 不過竟然比想像中好喎。 食物也不錯， 不過當然地空姐的質素... (no comment)。
花了十三個小時從自己屋企回到自己屋企， 感覺很不同， 一來裝修了， 二來， 始終有點很久不見的感覺... ただいま
2007/1/5 (金曜日)
明日就回香港， 老實講沒有甚麼特別感覺。 可能番去的時間太短吧？ 不過點都要準備一下。 落街買買東西， 食下野咁。
最麻煩的， 看看天氣予報， 明日正午時落大雨， 前前後後反而只落毛毛雨， 整鬼， 平時已經覺得落雨麻煩， 加上明日一揪二揪， 有點想死的感覺。 唉， 聽日先算。
2007/1/4 (木曜日)
終於都可以在正常的時間起身喇。 呢排放假放到傻左， 始終這些就是學生的專利， 不過其實自己覺得有時有少少東西迫自己生活規律好些的話有比較理想。 沒有辦法， 唯有自己自律。
今日繼續到家附近揀禮物給家姐， 找找找， 一路找一路肚餓， 沒有辦法， 醫肚， 再搵搵搵， 最後總算找到了， 自己都覺得唔錯。 雖然用左唔少腳骨力， 都算值得。
夜晚幫個朋友試圖 debug 個 CSS， minimum-font problem， 最後發覺係一些 Firefox 的 limitation， 或者 Firefox 的 default settings 吧？ 唔講都唔知。 不過一場玩開， 突然對這個 blog 的 theme 做了兩項修改。 一， 很明顯就是 top banner 的 image， 雖然原本那個都不錯， 不過始終想用用自己的東西。 今次這個 image 是行去横浜駅途中的橋上影的。 那條河除左很多雀仔之外仲有魚遊， 所以有很多人（包括自己）冇事做都會企在橋邊觀鳥賞魚。 另外一個改變就係變闊些這個 page 的 content， 由原本的 800px 加去 900px， 反正多數的電腦自少都用 XGA 的了。 哈， 個 banner 真係幾滿意。
2007/1/3 (水曜日)
繼續 holiday mood， 下午先捨得起身。 整理一下， 唔， 出去車站附近， 企圖買家姐的結婚禮物喇。 不過街上多人到插針都唔入， 係喎， 今日仲係放緊假喎， 自己都沒有這方面的 concept 添。 上百貨公司又係， 行街又係， 點都好， 照行可也， 不過搵黎搵去都唔覺有乜好買， 見到些傳統的手㓮傳統公仔， 望望個價錢牌... 300,000??? 兩個月的生活費呀！ 點買呀？ 家姐唔認我做細佬都係咁話喇。 不過晚上上網找找， 似乎夫婦箸（夫妻筷子）會係一個 OK 的選擇， 物輕情意重嘛。 哈哈， 不過的確幾 meaningful 喇。 可以刻名添。 雖然， 我睇我家姐應該唔會煮飯......
很少可的寫寫 tutorial， 其實 tutorial 放在 blog 有點怪怪的。 遲少少放番出去應該會好些。
Tutorial: 自家 host Flash video
如何製作類似 youtube 的 flash video
在 web 上看 video 並不是甚麼新鮮的事。 不過由於種種 media format (Real Video, Quicktime, WMV 等等）需要不同的 plugin， 所以很多時在 client side 會引起不少麻煩。 最近 youtube 的火速掘起， 利用了絕大多數 client 都配備了的 flash plugin， 相信是其成功的最大原因。 不過始終在 youtube 上 host video 時， video clip 的擁有權和其過高的曝光度有時令人卻步（至少小弟是這樣想）。 自己擁有 web space (hosting 又好， 自家 server 也好， 公司 project 也好）的話， 可以試下自家製作 embed 了 flash video 的 homepage。
製作程序很簡單， 只要有點點 html 知識應該可以的了。 要做的， 簡單地說,
- 預備 FlowPlayer.swf
- 預備 flv file
- 修改 html file， 將 videoFile variable 指去製作好的 flv file
- Upload 去 web server
完成後的 sample(我家傻狗出浴)， 和以下的 instruction 有點點出入， 不過大同小異喇。
以下假設所有 files 在同一個 directory (foobar/)之內
第一個 step 很簡單， 執筆之時用了 flowplayer-1.11， download 個 zip file 之後， unzip， 抄 Flowplayer.swf 去 foobar/ 。 順帶一提， 這個 Flowplayer 其實還有不少 setting 可以用， 這裏只說最簡單的方法， 詳細請參考 Flowplayer 的 webpage。
FLV file 的製作， 小弟在 Linux 環境下用了 ffmpeg , 加以下 command ffmpeg -i sourceVideo.avi -s 320x240 -ar 44100 -r 12 outputVideo.flv Windows 的 user 理論上都可以用 ffmpeg， 不過相信 Riva FLV Encoder (freeware)會簡單少少， 詳細唔講， support 的 format 也不少， 應該唔會難用。 完成後抄 outputVideo.flv 去 foobar/
在任意的 HTML file 之內加插以下的 code
<object type="application/x-shockwave-flash" data="FlowPlayer.swf" width="320" height="263" id="FlowPlayer">
<param name="allowScriptAccess" value="sameDomain" />
<param name="movie" value="FlowPlayer.swf" />
<param name="quality" value="high" />
<param name="scale" value="noScale" />
<param name="wmode" value="transparent" />
<param name="flashvars" value="config={videoFile: 'outputVideo.flv'}" />
</object>
當然唔同的 flv file， 最尾的 variable 所指的 file 也自然不同， height 和 width 也可以因自己需要調較。 完成後抄 html file 去 foobar/
最後 Upload， 唔駛我教吧？
有甚麼錯處或 comment 的話請多多提點。 Flowplayer 的 homepage 有更加詳細的用法， 而這裏只是點水一提。 有興趣可以自己慢慢看。
2007/1/2 (火曜日)
晨咁早起身， 整單車， 話說上年（其實即係上星期）諗住買點點東西時， 一起步聽到些怪響， 沒有太在意， 一路衝落山（其實只係小斜波）， 又聽到怪聲， 確認之下， 前呔爆左， 哎呀， 真係好少發生。 沒有辦法， 本來諗住推去ヨドバシカメラ（大型電器連鎖店）整， 不過尋日去問時那個 staff 的態度實在差， 一路問一路自己寫自己野， 這種態度在日本真的少見（在香港就不太出奇）， 嬲嬲地自己買架餐番去整， 反正那堆架餐唔太貴。 不過整單車嘛， 對上一次係幾時都已經完全唔記得了， 中學時吧？ 整整整， 咦？ 都幾順利的， 雖然未實際試車， 應該冇問題吧？
今日完了「うたわれるもの 〜散りゆく者への子守唄〜」（早っ）， 之前都約略提過和一路以來的 Aquaplus 的 game 不同， 不過沒想到個故事這麼悲慘， 戰亂， 虐殺， 還有主角的真正身分... 雖然當中亦有不少搞笑或是感人的地方， 但整體來的氣氛還是悲慘的， 臨 ending 時真的有點點想哭的感覺。 散りゆく者への子守唄， 意思大概是「給消散的人的搖籃曲」吧？ 讓死去的人安眠... 唔， 這個名改得真的非常不錯。 anyway 整體故事還是有趣的， 還有人物設定也不錯吧（除了主角的造型， 不過考慮到他真正身分的話也可以接受）。
2007/1/1 (月曜日)
明けましておめでとうございます!! イノシシ出末御注意
就這樣到 2007 了， 新的一年， 唔， 對自己來說除了記得寫日期時唔好寫錯 2006 之外， 一切還是未知之數， 順利的話今日畢業之後， 會否繼續讀 Doctor， 其它 research 等東西如何， 完全看自己的努力（唔， 今年會俾心機些架喇）。 另外人方面， 除了和一直和自己有聯系的人保持一個好的關係之外， 還有將會遇到甚麼的人， 緣來 緣去， 很多時也在自己控制外的東西， 也正正有這些東西生活就更加有趣嘛。
Anyway 今日お正月， 有點遲起身， 處理一下鎖碎事之後出街買點東西， 舖頭很多都沒有開門， 情況就像香港過農暦年喇， 不過過新年都要食飯， 想食的餐廳很多都沒有開門， 唯有買野番去自己煮...
之後去了附近的神社， 點點偱例式的上去行行， 傳統的意味比宗教的意味重喇。反正唔係基督教， 大概都沒有太大抗拒。 上年的經驗基本上沒有人， 今年搬左屋， 去到那時四五點左右吧？ 排長龍... 有點意料之外。 不過一場黎到。 等等等， 到自己的時候有點緊張， 腦裏只是記住參拝的程序， 忘記了許願...... 哎呀， ドジも限界あるぞ， 不過都沒有辦法， 反正自己都唔係咁神心（直頭冇）， 當手信的買了支破 魔矢回去， まぁ、そんな感じかな。
另外點點題外話， まじっく快斗最近重新開始， 哦？ 咁コナン暫停？ 兩套作品同時進行的可能性又比較低... 不過キッド的故事也很喜歡喇。
今年的目標， 用兩個字來說的話應該是“充實”吧？ 在日本的時間， 算是自己人生中一個最難得的機會也說不定（仲有幾十年過， 不過這個無疑是自己人生中一件大事）， 不過有不少時間卻是浪費了。 所以嘛， 今年每一方面都希望可以盡量充實。