2007/2/28 (水曜日)
財政預算案公佈， 和自己關係不太大， 不過另外重要的， 是得知獎學金那邊延期沒有問題， 總之未來半年的生活費和學費不需要擔心， 與及 Doctor course 只要自己升到上去的話就可以去到2010年也不用擔心。 雖然是減了金額， 不過做一些 parttime 的話應該都沒有問題吧。
下午去一去荃灣買了本書 "Systems Thinking"， 很久沒有買這類書了， 不過開始用 Internet 之後的確少了看這些書， 不過也要重新培養讀書的習慣， 充實一下也好嘛。
之後上了中學時期的恩師徐sir 的家中， BBQ， 有點奇怪這種高樓之中何來 BBQ 場地， 結果原來不是炭爐而是用金屬板燒， 幾新鮮的做法。 本來七位同學來， 結果有成三個人放飛機， 老實講幾過份囉， 唔黎就早些講唔好等我地買多野食嘛， 聽Pさん講三個人也是少少抱恙在身， 哦， 真係諗唔明。 是但了， 徐sir 突然提到他可能在八九年後退休， 又提到當日我們讀中四時讀幼稚園的女兒已經將快中四.... おいおいおい， 真的這麼歲月不撓人？ 我都仲係讀緊書咋喎。 點都好， 今日的主題“計劃”， 也要再認真想一想。
2007/2/27 (火曜日)
繼續飲食團， 直至下午都係無所事事（大獲）， 夜晚約了幾位中學同學食飯， 最初話去稻香， 早了點點行過去， 發現內部裝修...... 食乜?? 原來早已經改了地點， 不過可能佢地冇我電話吧？ 想通知都唔得。 都好。 入到去坐底， 吹水吹水， 差不多人齊但Pくん都係沒有來， 電話直頭冇電。 有些可惜， 冇計。 今日有四位老師在場少不免會大談教育經， 另外其實亦談婚論嫁， 講講自己幾時結婚等。 唔， 套用Oくん所說“十劃未有一撇都唔止， 就連筆都未揸”， 也是的...
二次會， 到了許留山， 好耐冇食過了！ 自己都算係一個甘党， 當然喜歡在這裏食了。 又食又拎的一日。
2007/2/26 (月曜日)
吵吵鬧鬧的一日。 家中一些問題， 唔覺意之下對住老豆發了些悔氣， 結果即刻撻着， 完全的扯到冇雷公咁遠， 最唔明點解家兄會被拖落水。 又一次確認自己對這個老豆係完全沒有辦法可言。 說真的， 十多年前有留學念頭不多不少也會這個老豆有關。 唉， 老豆冇得揀。 自己的諗法理論上有得控制， 不過有些問題真係虧老媽子忍得到。
下午約了兩個從日本回來過新年的朋友（之前也在這日記出現不少次的Eさん、Aさん）， 去了旺角食飯。 會合她們之前去了旺電買支有趣的 PDA 筆， 真的很好玩， 之前俾人玩， 而家明白了可以玩番人。 會合了她們之後周圍走， 看看書咁， 之後去了朗豪坊， 大家抱着唔食日式唔食中式的原則下去了魚米家...... 又話唔食中式的？ 是但了， 反正幾好食。 一路食一路吹水， 講了很多東西但都唔係太記得了， 最有印象係一些冇事搵都唔搵自己， 一有事就突然熟落的朋友， 哈哈， 這種人很多年前已經遇了不少， 通常在大大獲的 virus 爆發後會突然出現。
之後去了以前成日去， 一間叫加勒比海的樓上咖啡室繼續吹水， 最初還好， 不過在裏面的位置， 有兩張大檯， 人多起上來就嘈， 變得好像在茶樓咁， 所以之後都傾得唔係太耐走了。
2007/2/25 (日曜日)
朝早無無聊聊的等出門口， 其實應該開始寫寫 program 做番 research 的東西了， 不過還是提不起勁去做。
約了一大班 インティメックス(音譯)的舊同事， 基本上是一班亂黨（？）， 始終那個工作環境加上那位 Crazy 小姐， 好奇怪有人依然可以留在那裏工作。 異常的多是非， 今日也當然不例外， 舊同事一聚頭就開始講， 有警察也有海關， 其中海關的比較好笑， 成間公司都係老翻（其實唔太明， 之前應該有 MSDN subscription， 算了）， 結果最近被海關掃走哂些電腦， 應該唔係太多機， 不過都應該有二十部左右吧？ 逐個 license 計應該都幾甘。 自己有點點隔岸觀火， 得啖笑， 不過如果當時自己在公司的話都幾大件事。 話時話計埋 secondment 去那間， 做過六間公司， 裏面有兩間係係咁用老翻， 其實都唔係話好大的數字。 點都好啦， 這間公司有很多不必要的是非， 而且不少也是以那位 Crazy 小姐有關， 當其中一位同事得悉她最近生了個仔時， 即時反應係「下？？？ 邊個架？」， 真係沒有說話可以講。
講番今日的拜年團， 我一路都覺得主人家的那位舊同事有點像真鍋かをり， 問問另一個朋友話話唔太似， 唔。 各人睇法唔同吧？ Anyway 第二次來這裏， 也覺得是很有 designer feel 的一間屋， 簡單的基調來幾件有特色的擺設， 令人很舒服的地方。 另外去了會所玩桌球， 一大班人都唔太識玩， 我依舊表演挑波， 但竟然係第一個入球的人， 真的自己都覺得意外。
之後再吹水後趕番入元朗和家人食飯， 慶祝父母的生日喇。 和往年不同的是今年多了不同的面孔， 也就是姐夫了。 佢竟然同老豆臭味相投， 鍾意食内臓.... ちょっと
之後和家姐姐夫三人去和個朋友打招呼（剛巧在附近食飯）， 突然家姐神神秘秘的帶了自己去一間竉物店， 指住一隻金毛尋回犬話幫緊佢改名...... 下？ 雖然我都明白金毛尋回犬對佢地夫婦的特別意義， 不過真的嚇呆。 希望佢可以好好照顧佢而不至於又要老媽子照顧就好了。
2007/2/24 (土曜日)
沒有特別東西好說， 留在家休息。
不過話時話， 朝早起身前發了個惡夢， 在夢中突然發現自己忘記了出席 International Conference， 整個夢中就係諗點樣補飛。 有趣的是那個場地唔知點解由現實的香港某酒店轉移到一個歐陸風的大學， 仲要有一班穿上歐式懷舊軍服的人， 奇奇怪怪下醒左。 都唔係好明， 不過莫非下意識中擔心個 conference？ 不過有人又話夢境同現實相反， 算了， 唔好諗太多了。
2007/2/23 (金曜日)
本來諗住留在家中好好休息， 結果被家姐叫了去佢屋企， 和老媽子一齊去， 屯門， 近近地就沒有所謂了。 食了很久沒有吃過的太興燒味！ 上次唔記得食燒味， 今次也可以說是乜仇都報了！ 加上那個特別的凍奶茶， 即刻發揮遊客本色－－拎相機影是也！ 真係越黎越覺得自己是遊客多於在這裏土生土長的人?!
去到家姐家中， 不斷的被勞役， 入了幾百張相之後仲要整電腦， 真係有點被騙的感覺。 雖然話兩姊弟唔計得咁多， 哎呀， 想訓晏覺添。
2007/2/22 (木曜日)
終於拎新的身分證喇！ 見過不少人過關用e道用得咁開心， 真的自己都想用埋一份， 下次離港時就可以試玩下了！ 今次張證的相也算係滿意了。 拎完證後在天水圍沒有甚麼東西做， 叫了文sir 出黎食 lunch， 傾的東西， 一如以往的嚴肅...
之後去深水涉， 換了 PDA 的保護貼， 才發現原來一直以來 PDA 的 touch screen 問題是源自舊那張保護貼， 導致寫野時成日飛左上去， 講開黎都兩三年的問題了......
之後的油尖旺遊， 沒有特別東西好看的情況下回了家...
2007/2/21 (水曜日)
意外地充實的一日。 有一個自己才見過一次但沒有講過任何說話的日本人來了香港， 但應另一個朋友約一齊出了去陪他。 一朝早出了尖沙咀， 早了點點到， 都係時候去銀行兌番些港元， 兌了七千左右， 心想有點點奇怪， 十萬円冇理由咁多， 不過趕時間， 唔諗太多（當然冇咁着數， 後來才發現自己給了十一萬）， 總之先會合那兩位朋友， 一行三人去飲茶去也， 去了附近的稻香， 對這位仁兄來說飲茶的所有東西都係好食得， 真係簡單。 之後食食食， 另外兩位女士來到， 狂叫點心， 食到唔想食... 雖然稻香應該較貴， 不過埋單又唔係太覺， 麻木了， 定抑或拎住幾張金牛就不得而之了。
第二站去到黄大仙， 真係自己都未試過新年黎， 完全的感受到甚麼叫煙霧漓漫， 真係要佩番個 N95 加眼罩先得， 很困難的走了入去， 朋友求了一支簽， 去找解簽時， 最初找了一個所謂識日本語的人解， 真係擺明吹水亂講， 就連當俾人呃聽聽的心情都沒有， 之後找另一個師奶， 雖然不諳日本語， 反正有咁多個 bilingual 一齊， 自己譯番好過。 結果嘛， 似乎有些事要從頭黎過， 不過會有貴人相助， 應該都沒有問題咁話喎。
由黄大仙出發到九龍寨城公園， 還是第一次來， 真係有時都唔知係邊個帶邊個遊香港， 唔緊要， 很悠閒的行這個公園， 比想像 中不錯， 一如平時是香港一個造出來的景點， 不過看看一些僅有遺留下來的東西也別有一番風味。
食過糖水之後過海， 坐叮叮， 好耐冇坐過喇， 話時話上個月番黎時都冇過黎港島.... 由灣仔去到上環， 完全有重遊舊地的感覺， 一路的行過以前番工時時常會到的地方， 也包括公司樓下， 其實有少少想上去找以前老細。 哈， 想想罷了。 去完摩囉街， 再去文武廟... 又黎？ 不過今日既然做導遊就不打緊了。 話時話在摩囉街見到的日本刀， 真的有點想買下。
一行人於廟街打冷糖水直落， 結果自己也有些新鮮感， 或者自己真係越來越日本人化？ 唔係自己講自己， 不過之前個朋友都係咁講的話就真係要注意一下自己的言行舉止了。
2007/2/20 (火曜日)
本來想約個朋友出黎， 一齊和一個從日本來的朋友聚聚， 不過後來沒有收到 contact， 結果冇左件事。 2nd choice 的找另一個朋友 BBQ， 結果天氣又唔太好咁， 又冇左件事。 結果無所事事的一日。 算了。 赤口嘛。
2007/2/19 (月曜日)
年初二， 沒有甚麼地方要去拜年， 反而約了一個從日本來的朋友Eさん（不是平時常常在這日記出現的香港人Eさん）， 在 mixi 識的一個朋友， 其實今次也只是第一次見。 不過在mixi認識的人感覺通常比較信得過。 Anyway 出了尖沙咀會合這位朋友。 大阪人， 最初還心諗溝唔溝通得到， 不過竟然沒有大問題， 奇怪了， 那麼點解平時成日聽唔明笹瀬先生講乜的呢？ 點都好， 這位朋友其實來了香港很多次， 起碼佢去機場的次數一定多過我。 尖沙咀， 其實都唔知帶佢行乜， 佢乜地方都去過哂。 哈， 不過也沒有大問題了。 總之吹吹水， 周圍感受一下過年的氣氛。 去了一間茶餐廳食少少東西時， 這個朋友形容自己係一個“廣東話很好的日本人”， 因為吃東西時的小動作？ 哈哈哈。 有趣。 如果係的話， 應該係一個日本語有語障的日本人？ 之後甚至走了去 Pacific Coffee update 佢個 mixi 日記... いいか
夜晚趕番屋企食盤菜， 是家姐和姐夫買來的， 這東西還是一年食一兩次好了， 超肥。 另外也看了擺酒當晚拍的 DVD， 自己那時究竟在做甚麼呢.....？ 是但了。
2007/2/18 (日曜日)
旧正月、明けましておめでとう
新年快樂， 祝各位身體健康， 心想事成， 萬事勝意。
不過自己都幾衰， 硬係唔鍾意講恭喜發財或是横財就手等說話， 唔想太講錢嘛。 當然唔係扮清高的視錢財如糞土， 不過只是希望在這個少有可以慶祝的節日裏面提一提其它更重要的價值而已。 所以利是當然照可也。 嘻嘻， 有些朋友結了婚， 是時候了！
不過昨日玩得太夜了， 今日基本上也是休息， 照家裏的習慣初一吃齋， 其實有甚麼意思， 我也沒有深究了。
另外， 今日是Eさん的生日， お誕生日おめでとうございます!
2007/2/17 (土曜日)
昨晚回來後和朋友傾左好耐， 好似四點幾先訓？ 不過這種出奇的精神也不過是咖啡因所誘發， 所以今朝晨咁早被叫去飲茶時真的很勉強才起身。
飲完茶和老豆阿哥去了花市運吉和搬花， 一朝早都唔算太多人， 乾貨那邊沒有幾多間舖頭有開門添。 好耐沒有聽過講價的聲音， 哈， 果然香港是不同的。 有人話這種講價是中國人溝通的文化之一， 係嘛？ 不過在這個社會的確是不可或缺的一環。
下午和一位朋友在元朗食點東西吹吹水， 不過可惜就係今晚唔可以一齊行花市喇。 很多謝喇！ 又食又拎， 唔係幾好意思添。
買少少東西後回去團年飯， 整個新年之中最重要的都可以話係這餐飯了。 家姐嫁了出去， 五個人的一餐飯。 很難想像以前有過大大少少的爭吵呢（我家的爭吵程度都幾嚴重， 好像大多數也和老豆有關）， 平平靜靜的說說笑， 可說是一種幸福呢。
之後出了去見一見一個月沒有見的朋友， 差不多年年也會和他們去行花市呢。 不過話就話行花市， 不過其實都係入去逼下之後出番黎食糖水， 食食下糖水時， 踏入丁亥年， 恭喜發財！ 利是來！
2007/2/16 (金曜日)
香港帰り
基本上一整日冇左。 朝早都仲叫可以做下雜務， 不過都做唔得太多。 都係幫人買下野， 確認一下行李咁。 之後出發去機場， 兩個鐘頭車程， 有點早了少少去到機場添。
Check in 之後， send 了個 email 給同是今日回去的朋友， send 完之後朋友即時出現。 於是有點像遊魂的在機場周圍走。 雖然同一日， 不過佢地航空公司唔同， 早了少少走了， 結果又係一條友周圍走， 食下飯咁。
上機前的 security check， 真係非常唔好受。 日本的海關已經 check 過一次， 登機前又 check， 其實都唔係太大問題， check 咪 check 囉， 不過那幾個黑女人， 日本語又唔識多句， 講野又粗魯， 感覺有點覺得自己被人當犯咁問， 喂， 海關的話都沒有說話好講， 我話哂都係你地 client 黎架。 乜野態度呀！
算， 這些人不理也罷。 上機， 窗口邊的二人位， 最初坐了個肥師奶在側邊， 心諗大獲了！ 五個鐘呀！ 沒有辦法.... 不過不久後有位姐姐仔走黎同個肥師奶講話前面有空位， 即刻甩難! 險！ 而且隔離沒有人當場舒服好多！ 不錯不錯。
五個小時的行程， 加埋之前坐火車的兩個鐘， 看完了本小說， 哎呀， 比想像中快添, 幾有趣， 這篇 GA II 小說是 game 篇的前傳， 平和的生活， 當中的小故事也頗吸引。
到達家中， 不用說太多話， ただいま
2007/2/15 (木曜日)
番到研究室， 除了 Madu 之外一個人都冇。 仲乜事呢？ 不過自己今日番去都係好好整理一下番到香港要做的東西， 其餘時間都係悠悠閒的。
現在識的人當中差不多個個都會用 webmail， 我自己也不例外， 用緊的 gmail， mail box 有差唔多3GB， 而且其它種種 service 玩極都玩唔完， 應該要找些時間慢慢介紹一下呢。 其它的 webmail 我沒有怎樣用過（很多年前第一個 mail address 係未被 Micro$oft 收購前的 hotmail）， 不過只是見到結尾個無無聊聊的 banner 就唔想用。 好似以前曾經見過有一人封求職信， 整篇正正經經的， 但後尾加了句“想 download ringtone... xxxx 小星星”之類的 message， 真係同幾個同事笑左出黎， 之後個 HR 就 delete 左封 mail 了。 而今日收到一封也幾搞笑， 那位朋友用 hotmail 的， 那句 message “Don't just search. Find. Check out the new MSN Search!”...... 咁。 咁， 咁你想我 search 定係 find?
夜晚， 係時候執行李了。 之前有些東西拎左番去， 今次都唔算太重吧？ 雖然都係拎得多野， 不過應該沒太大問題。
呀， 話時話學校的 International Center 有一位 staff 今日話會辭職， 做埋今個月， 亦即係沒有機會在學校見到佢了。 這位 staff 真係幫了自己不少忙， 之前那份小學校的兼職都係佢介紹的。 很可惜呢。 希望佢在新工作環境會過得更好吧！
2007/2/14 (水曜日)
回到學校， 臨場發揮 deadline effect， 組織番好黎緊一個月番香港會做些甚麼。 不過其實都沒有太大特別， 而且之後和笹瀬先生傾時都完全沒有提過裏面的內容。 講的， 主要也是究竟怎樣寫好份 journal paper （論本誌）等東西， 關於未來幾年要做的東西要行的路... 原本打算講未來一個月的東西， 結果講了未來人生的道路.... 都係， 短期目標（Master 畢業）其實都差不多了， 基本上寫好份修士論文就沒有問題。 但長期目標， 諗下諗下真係唔太清楚， 很多人都問過自己這個問題， 考慮種種現實之下一般都係答“上得到 doctor 的話就繼續讀囉， 之後都未諗呀， 三年流流長”之類的答案。 講真這條路來說應該沒有太問題的了。 就算有意外， 咪即刻搵工囉。 不過如果 doctor 條路的話， 怎樣行好這條路真的沒有好好的想， 所以（？）到現在一路都懶懶閒的讀 Master， 番香港這段時間， 都應該好好的想清楚條路怎樣走。
講完自己， 係時候講講朋友。 昨日提過的同學S君的 visa 問題喇。 真係唔知趕唔趕得切， 笹瀬先生都對這件事很... 咦？ 中文係乜？ 嘆息？ 失望？ anyway やれやれ的... 笹瀬先生早就長氣的叫這兩個人着緊些處理好 visa 的問題。 呢邊又等那邊又等， 結果等完去到中國領事館又話要 bank certificate（雖然香港入境事務處話唔駛）， 又要等， 真係唔知趕唔趕得切。 Visa 這東西自己責任喇。 S君又有點倚靠中國同學Z君， 表面看上去Z君的確幾可靠， 誰知連這位Z君今日先知自己都要申請先去到香港（早就同佢講過）， 更加唔駛講S君的 case 了， 手續的確係麻煩， 不過自己沒有處理好的話也冇話好說。 可以幫的都幫了， 唯有希望入境處那邊可以酌情處理...
2007/2/13 (火曜日)
いきなり誕生日パーティー
很忙。 一朝早去入国管理局更新個 visa， 去到個 counter 佢問自己順唔順手 update 個再入國許可， 反正順手就一次過啦。 不過當時心諗個 visa 係兩年， 所以就申請了多次再入國的 permit， 另外有一次再入國的 permit， 簡單地說就係六千円同三千円的分別了。 但誰知份 visa 到手時， 一年... 雖然都合理（因為唔知自己去唔去 doctor）， 不過睇怕自己最多都係出一次國吧？ 唔， 都俾左錢了， 唔理得咁多。
之後去埋區役所 update 個外國人登錄， 總算在番香港前處理好雜務了。 不過講時講， 一朝早踩架單車， 經過みなとみらい21 (MM21)， 心情也特別好些。 最初搬來這裏時沒有想太多 MM21， 可算是一個意外收獲。
回到學校， 除了例行的無無聊聊遊魂之外， 就係幫一個同學處理 visa 的問題， 時間預得太遲了， 真係有機會做唔切個 visa， 打了去香港入境處問， 可能要成四個星期， 到時蚊都訓... 加上下個禮拜放假（日本的中國領事館仲要放成個禮拜）， 真係唯有盡力做得幾多得幾多啦。
夜晚突發的出街食飯， 事因Eさん突然 call 人出黎食飯， 番香港前點都想食埋呢餐佢先。 當然地一口應承了。 不過相信佢都估唔到會被我們三個人反擊， 原因係Eさん就快生日， 但又應該沒有機會慶祝， 難得今日出左黎就直接慶祝了！ 加上Yさん所挑選的禮物， 有點替Eさん開心（不過之前佢地都幫自己慶祝生日了， 只不過那時未認識Yさん）。 雖然提早了少少， anyway 生日快樂！
2007/2/12 (月曜日)
在日本， 認識的人雖然最近多了， 不過有些人從最開始已經認識， 往往比較重要的。 而其中一位就是澄清先生... 話雖如此， 最近（其實都唔係最近了）佢唔係有事搵自己幫手都真係搵都唔搵自己一下， 今日也是（託運...）， 今日叫了自己出去（坐半個鐘頭左右吧）幫佢拎野番去， 食完個飯就話走， 真的幾不滿， 真係...... 或者要冷靜的思考一下對這個人的看法... 即使不斷的話俾自己聽朋友唔介意得咁多.... 唔， 都係要冷靜一下。
結果好快就番番去， 周圍行下， 番去， 呀， 發現唔見左個散紙包！ 真係幾黑仔！ 上一次唔見散紙包都十年前後的事了。 唔開心... 不過個散紙包都爛爛地， 算了。
買餸番去， 但煮都唔煮就訓左覺.....
2007/2/11 (日曜日)
幫朋友買了本書， 由於昨日出了去， 所以今日基本上留了在家等。 送貨那位哥哥仔話兩點後來， 沒有問題吧？ 一路打機一路的等。
四五點左右吧？ 有人㩒鐘， 從 intercom 望到的人怪怪的， 但因為等得太耐， 而且平時沒幾可有人會來， 很快的開了門。 結果係那個“芒門教”的傳教士（中文的正式名稱好像是耶穌基督末世教徒教會之類）， 出事了， 如果係打劫的話死左唔知幾多次。 呆了呆， 那兩個人用日本語介紹自己， 本來自己打算用另一些語言耍走佢地， 誰知一開口「What's the matter?」， 撞鬼， 望着兩個金髮青年拋英文， 真係有病。 之後都係唔理咁多， 閂門。 頭腦真係唔清醒喇。
終於等到本書之後， 出去食飯， 最近少了去 Pepper lunch， 不過今日又去食過喇！ 很好， 很喜歡西口這間舖頭呢。
2007/2/10 (土曜日)
羽毛球日。 最近開始多人打的羽毛球， 多數也是Bさん的朋友， 唔， 有少少矛盾添， 因為當中有不少人真係純 beginner， 但多人起上黎又會開心些。 まあいいか。 反正最大目的係玩多過其它東西， 身體可以郁下就沒有大問題了。
吹水吹到五點， 又係時候閃人， 不過距離下場還有些時間， 就和Yさん去了附近打發時間， 看了一本叫「誕生日大全」的書（應該冇記錯掛？）， 朋友看了看自己的生日， 其中有一欄是關於最有機會成為友人或戀人的生日日期， 自己和另一位朋友 Eさん的生日也在當中， 哈哈， 就算唔信這些東西， 不過這種小小的偶然性， 可算是人和人關係之中的一些調味品吧？
之後會合了另外 EAT三人(ヽ(´▽｀)/へへっ)， 出奇地沒有人遲到， 這種奇跡都真係好少發生。 感動。 去了一間叫温野菜的舖頭打邊爐。 之前想去過幾次不過次次都係滿座， 今次佢一開舖就打電話去 book， 所以總算有位喇。 因為限得九十分鐘， 有點趕頭趕命的感覺。 不過食物好食也就不成問題了。 坐的位置是舖頭裏面最入的地方， 算是不錯， 不過有件事很不舒服的， 就是每當叫菜的時候， 隔離檯幾個女仔（典型到唔典型的渋谷人）總係用些奇怪的眼光望過黎這邊， 用Eさん的說法， 就好像好奇怪點解呢檯用廣東話講野的人點解會識日本語（當然佢地分唔分得出係廣東話都成問題）， 真的幾厭惡....
唔理咁多， 感覺上未夠九十分鐘就被人趕走， 雖然話今日多人等， 不過感覺上都係麻麻地。 始終這個組合都係着重講多過食（我諗係掛？）... 之後到附近一間 Cafe 下場， 只是用了三百円就坐到收舖， 理所當然的繼續吹....
話時話黎緊2/14 ， まあ和自己沒有太大關係的節日， 不過有時到這些情況環境逼人， 被問到自己的コノミ（其實係問Tさん先的）， 當時依依哦哦的耍左兩套太極， 真係唔知點答， 不過之後番去時在火車諗番這個問題時， あの人どうしてるかなって， 不過始終也是過去的事， 再執着也沒有結果了。 でもコノミと言えば、ちょっと好きになった子を考えたら、共通点と言えば優等生ってやつがタイプかな? 遊ぶだけを知ってる子はあまり興味がないし。 とにかくちょっと知性な感じがする子と思うね。 哈哈， 又耍了套太極， 唔好問我寫乜。
そうそう、ありがとうね! まさか今日はチョコをもらえると思わなかった! (ていうか、来週バレンタインすら忘れた)。 超うれしいぞ。
2007/2/9 (金曜日)
戦利品
トゥハート2 -colorful note- Vol 3
涼宮ハルヒの憂鬱 1
再一次證明留在家是甚麼都做不到的。 過了下午才捨得起身。 之後仲要係不斷打機。
都要食飯， 順手買今日的戰利品， 關於涼宮ハルヒ， 之前叫有點點興趣， 不過都係沒有太大動力去買。 之後番香港時阿輝勁力推介， 哦？ 真係咁好睇？ 於是順手的買了番去睇.... 咦？ 唔係好明發生乜事添。 不過之前阿輝係睇動畫， 可能有點分別吧？ 有趣嗎？ 微妙.... 不過偶然看到之前那位張生所說的「眼鏡属性」...... 呀， 原來出自這裏。
2007/2/8 (木曜日)
工作天。 繼續準備一下回去時關於 research 的東西， 理所當然地有大半時間唔知自己做緊乜。 不過知道的是對着 Gentoo 加上 ATI driver， 完全唔明發生乜事， 裝唔到...... 投降， 始終都要做自己野， 唔可以用太多時間。 幫人都有個譜。 話時話憤青見到我裝時， 問我會唔會收那個朋友錢.... さすが
夜晚去前頭髮， 第二次去那間舖頭喇。 同個髮型師吹下水， 佢突然話上個禮拜落過雪.... 係？？？ 完全唔知喎。 好似話係上星期日的早上落了少少， 不過好快就變番做落雨。 整日基本上大昏迷， 完全唔知乜事.... 不過咁快融了都沒有辦法。
2007/2/7 (水曜日)
戦利品:
アイ ウィッシュ 伝えたい言葉 〜涙のおちる場所〜
絢香 三日月
今日還是老樣子。 下次應該考慮一下寫一個 generator 自動寫 blog 「今日沒有特別， 平常的一日」， 每日 update.... anyway 很少可的去了買 Jpop 的 CD。 不過之前覺得實在幾好聽， 而且去買二手的又唔太貴（貴過租少少吧？）。 不過搵的時間反而好像更長....
講笑講笑。 不過講番少少認真少少的問題。 研究室裏面有除了之前稍稍提過憤青， 還有另一個已經讀緊 PhD 的中國人學生Ｚ君。 最初識他時印象還不錯的， 起碼可以用彬彬有禮來形容， 不過近來聽他對事物的看法， 越來越動搖對他的好感。 而今日吃午飯時聽番 Madu 講， 由於最近搬屋季節（在日本這兩個月特別多人搬屋， 如果我唔預早搬的話也要在這段時間處理搬屋的東西）， 那位Z君也將快要從現在住的地方搬出去。 不過可能一點時間差或是其它問題， 中途他似乎需要找地方暫住。 結果他找了研究室入面幾位住 Keio 寮的同學， 想暫住他們隔鄰的空房（Keio 寮很多是二房一廳的形式， 兩個人共用）， 為時兩個月云云。 如果 Madu 所說屬實， 那真的對這個人太失望了。 一來很討厭這些不守規則的行為（你話我食古不化都好）， 二來最大問題的， 是這很有機會會帶給朋友麻煩， 萬一寮的負責人追究上來， 那個給房你住的同樣有大問題。 詳細真係唔敢肯定了， 我都希望係 Madu 中間有點誤會， 不過認真想想， 中國人特有的小農 DNA (陶傑語， 很貼切)， 再出奇的也有...... 況且前幾日都聽過那位Z君說過類似的東西， 應不會有錯， 掛？ 唔...
2007/2/6 (火曜日)
決定留在家裏。 本來還有點想在家裏看看 paper 的， 不過最後都係不敵自己惰性， 無所事事的一日， 打下機訓下覺咁。
呀， 將這個 blog 的名稱改了做生活報告.... 之前用 blog， 冇話錯， 不過唔太貼題。 反正絕大部份的 entry 也是生活上的鎖事， 改個標題的話感覺上更加貼切咁解。 就像今日， 無所事事的生活也報告一下....
2007/2/5 (月曜日)
番學校， 上個禮拜四年班的學生又完了 presentation， 幾位再 present 的 M1 也 present 過， 當然地研究室剩下小貓幾隻， 不過都係集中唔到精神。 好多鎖碎事煩。 不過之後聽番， 原來有兩個 M1 的學生好像衰左。 唔知之後會點。 唔， 不過擔心人之前都要擔心自己先。
一路都以為米差不多包包都一樣， 所以懶得就懶， 通常都只在屋企附近買。 今次突然有興緻在遠少少的超級市場買， 一食之下， 竟然飯都有甜味， 實在令人費解。 不過冇所謂喇。 好食就得啦！
2007/2/4 (日曜日)
連玩幾日， 今日都總要休息下了。 雖然不知和自己講過幾多次唔可以大昏迷， 不過到頭黎都係死了在張床上面。
夜晚和朋友 chat 左很久， 內容嘛， 涉及共同的朋友。 盡可能都想冷靜些分析一下， 不過現在想番其實當中都有不少個人情緒， 而且自己也容易犯下自己所批評的問題（例如太被先入觀所影響等）。 所以可能對一些朋友的評價不太正確呢。 唔。 修為不足。
2007/2/3 (土曜日)
羽毛球日。 今日比平時多人， 平時一般四五個人左右， 今日八個。 新 Member有最近才認識卻一見如故的Yさん， 也有之前見過兩次我卻以為只見過一次的Gくん， 很熱鬧。 雖然不斷有諗過叫多些人， 不過始終也要控制一下人數， 所以都就住就住咁叫（唔好意思喇）。 Anyway 人多始終都好玩些。 尤其係Gくん， 好肯定係沒有打開的， 但那些動作確實爆笑。 Anyway 主要以郁動身體為主， 玩夠兩個鐘佢...
之後慣例的吹水。 依然地到了東大的 Cafe， 講的話題真係一些現在怎樣也想不起的鎖碎事。 而能夠談天說地講北道南時， 或者是一種幸福？
自己這幾日都很開心， 不過另外知道朋友養的一隻十七歲的班點狗昨日終於離開了。 以我所知係因為見牠太辛苦所以忍心讓牠安樂死。 這隻班點， 上年回香港時我也見過一次， 真的很乖巧。 前兩日得知牠將會離去， 真的覺得很可惜。 上次回香港時那位朋友都叫我上一上去望牠， 我還諗住黎緊今個月都會番香港所以沒有去到。 真係老套。 不過老套的東西往往也是一種定律.... 明白牠好像就會火化了。 希望佢可以安息了.... 安らかに寝てて
2007/2/2 (金曜日)
お疲れさま食事会
逃學， 走了去新宿玩。 本來打算去お台場， 不過似乎真係沒有認真計劃過， 結果反應麻麻。 沒有辦法之下就去了新宿， 諗住カラオケ+ 保齡， 點都好， 朝早沒有甚麼好做， 於是早了少少去到新宿， 一個人， 諗起之前食過一間很好食的鳥そば（雞肉蕎麦）， 當然就走去食喇。 實在不錯。
會合了其中三位朋友之後， 見大家都未食飯（哎呀， 自己走左去食添...）， 於是先去カラオケ醫肚先。 可能因為カラオケ太平， 大家點歌都點得好悠閒。 自己嘛， 都係同平時一樣冇幾首歌可以唱。 不過一路聽一路吹水， 突然響起一段很不錯的 melody， 是一首之前自己在街偶然聽過不少次， 一直想找但唔知歌名所以不了了之的一首歌， 今日終於知道叫做“明日への扉” (by I Wish)， 真的係一個驚喜... 遲些再去找這首歌先得。 結果一路的唱到晚飯時間， 保齡， 冇左件事。
晚飯去了新宿駅上面的一間韓國料理屋。 簡單一個字辣。 雖然比起新大久保那邊的韓國料理還不算太辣， 但習慣了日本料理的話這種刺激也不可以忽視的... 不過點都好， 食都係其次， 最緊要還是為今日的主角 -- Eさん和Rくん， 慶祝他們大學入試合格（雖然還有 interview）， おめでとう!
很辣也很好食（也幾貴）的韓國料理之後， 還早， 想去飲些東西， 會合一個和自己同期過黎的獎學生， 話時話都係兩年前見過佢一次咁大把。 據有力情報說他是一個極度的オタク， 唔， 講到オタク的話自己其實都算， 不過算是點到即止那種？ 是但了， 唔係重要問題。 最大問題係他的言行舉止， 自己今次也只是第一次私事見佢（上次上領事館算係官式的場合）， 其它幾位朋友（除了Eさん之外）也是第一次見， 完全被他的言行嚇到， 詳細不想太多批評了， 雖然都幾經典。 Anyway 一行人到了一個遠少少的ファミレス（中文係乜呢？ 總之係餐廳啦）， 不斷的吹水。 那位獎學生， 雖然最初的確很有問題， 不過吹水方面都幾得意喇。 始終吹水時多些不同的人的話話題也會豐富些嘛。
Anyway 考完試， 再玩足一日， お疲れさまでした
2007/2/1 (木曜日)
昨日太眼訓， 結果遲起身， 回到 lab 都下午了。 做少少野之後去食飯， 今日好多人都好似好忙咁， 於是一個人去食飯， 食食下見到山中先生， 於是佢走了過來， 即時腦裏面諗起昨日同F君沒有東西講的場面。 不過意外地有不少東西可以講。 唔, 自己腦的構造莫非比較年老 mode?? 是但了。
夜晚和一班朋友食飯， 其中超過一半的人係唔識的。 而且本身識的朋友遲到， 結果就突然和一班剛認識的人吹水了。 老實講有些唔知想點， 不過還是比起昨日F君多話題， 意外地不錯。 之後朋友來到， 其中一個很多時打羽毛球也會一齊， 另一個真係很久沒有見了！ 難得識得講廣東話的朋友嘛！ 不錯的一晚。