2007/4/30 (月曜日)
公眾假期。 算是早早起了身， 不過還是沒有太大動力做任何東西， 結果就是不斷的食不斷的看漫畫和不斷的訓。 午飯後訓到四點幾被一個很久沒有聯絡的朋友的電話整醒， 噢。 有點驚訝， 沒想到這個朋友會在這個時候聯絡自己嘛。
點都好， 遲了的 Aさん的生日晚餐， 加上Eさん一行三人到了新宿吃。 話時話真係唔記得對上一次幾時來過新宿。 兩年前的話差不多日日都會到的地方， 今日新宿的地位完全地被現住所横浜取代， 買東西也好無聊散步也好食飯也好。 不過唔單只新宿， 整條山手線上的車站， 除了渋谷之外差不多都沒有點去過。 既然是山手線也自然包括了アキバ， 成日都諗住搵日去行下， 不過真的沒有甚麼必要走出去。
呀， 離哂題。 講番Aさん的生日晚餐， 講開黎差不多遲了一個星期呢， 不過沒有辦法喇， 之前的天氣又唔知點咁。 新宿マルイ上面的一間俄國料理， 因為食得少所以感覺上也很新鮮。 加上這間餐廳完全禁煙（本身也是在禁煙スタイル找的喇）， 環境也很不錯， 價錢也不算太貴， 整體真的很滿意， 不過唔好諗住來這間餐廳食飽肚就得（真的食完都仲餓餓地）， 我會給九十分（唔， 幾求其的評分）。 講完餐廳， 也講講今日的話題， 最主要的應該是一位朋友的戀情喇！ 哈哈， しゃべ放題， 有點點意料之外（種種東西喇）。
另外又被問到這個 blog 究竟是寫俾邊個睇的。 其實時不時都會說的了。 這個 blog 的最主要的對象就只是未來的自己。 所以悶也好有趣也好， 每一日的東西也會給自己一個 record。 當然也有些較熟落的朋友看， 不過我又唔會專登寫得所有東西明明白白， 正如一位朋友曾經說“就讓我們睇下有幾了解你”， 這樣自己也覺得幾有趣呢。 真係唔明的話大可以留言問我， 當然答唔答和答幾多就睇下點先啦。 最後這個 blog 寫的東西， 雖然總會有所隱瞞和修飾， 不過所寫的東西也是99.9%實話， 所以也有作為一個朋友監察自己的作用呢（有點誇張？）。 計埋之前的日記， 再多兩個多月自己就總共寫了六年日記了（在所認識的朋友間應該係一個紀錄？）， 一向的 style 自己更加不想破壞喇。 Anyway 這個日記歡迎任何人也歡迎任何 comment 的， 作為自己網上的一個“家”嘛， 記得入屋除鞋就得了。
2007/4/29 (日曜日)
大昏迷。
直到夜晚先捨得執下個人出街食飯和買少少東西， ダメ人間。
Portage 的 xorg-x11 7.2 也終於 stable， 連帶的很多 package 也要 update 了.... 不斷的 compile...
2007/4/28 (土曜日)
羽毛球， 今次來了多了兩位朋友， 識就識左好耐的了， 不過羽毛球今日都係第一次。 兩個人都話自己係玩玩下的 level， 不過打起上來又不錯嘛！ 六個人， 剛剛好三男三女的組合， 加上實力不算相差很遠， 覺得特別好玩。
本來陽光普照的一天， 走時落大雨， 真係撞鬼。 等了一會沒有太大耐性， 衝了去車站附近的好み焼きさん醫肚。 朋友Eさん也來了， 下午就來食這個好み焼き真的有點那個... 不過好食就得喇。
之後去了上倉頡課。 哈哈， 其實毫無準備的去教， 雖然話係捱義氣去教， 不過下次還是認真少少好。 之後去食飯， 渋谷裏的一間「すぱげってぃ」， 近來對這些用平仮名寫的外來語唔知點解特別有好感。 望上去也不錯喇。 食物也都不錯， 要彈的就係連非吸煙區都沒有分吧？ 不過也是吹水多過食飯喇。
2007/4/27 (金曜日)
回到學校時其中一個比較熟的朋友話同 Oracle 簽了約， 恭喜恭喜。 哈哈， 自己到而家都係唔明點解在這裏要一年前搵定工。 尤其係大公司， 唔。
之後做做下野那位新留學生來了找自己幫手。 唔， 大部份東西也應該沒有問題吧？ 不過佢自己之後又話要搬屋等等東西， 唔， 本身搬屋已經夠多麻煩野的了， 在加上申請入學時搬屋， 真係唔知點幫佢手好。 盡人事喇。 不過可能因為那些尼古丁， 不多不少都對這個人有抗拒感。
唔， 之前身體的小問題也變了微問題喇。 唔可以話完全健康， 不過起碼對生活沒有大影響吧？
2007/4/26 (木曜日)
晨咁早起左身， 都好， 早點番學校繼續個檢查。 不過結果交底貨之後就叫我等 result。 結果沒有辦法， 早早番 lab。
繼續諗自己個 program， 諗諗下卻走了去幫 Madu 手 prepare 份 paper 的圖表等。 當然這些知識之後都會對自己有用， 不過自己的東西都未處理好就幫人， 可能次序上有問題？ 不過性格如此喇。 對自己的東西一向都唔太上心。 這樣的話很難成功呢。 唔， 問題算係知道， 慢慢諗下點樣着手好過。
爆了的手指甲， 始終隱隱作痛。 唔， 早點休息好過。
2007/4/25 (水曜日)
健康診断 その一
狀態依然不堪的一日。 不過是指身體的狀態喇。 肚痛就好像沒有了。 不過身體檢查時， 驗尿結果發現“潛血”3+... 嘩！ 乜事？ 結果要抽時間去做詳細些的檢查， 唔， 應該沒有大問題吧？ 話時話三個星期之前都已經有唔正常的了。 真的非常後知後覺。 Anyway 明日盡早做埋個詳細檢查先。 下個禮拜 golden week 冇得做嘛。
所謂福無重至禍不單行， 夜晚整野食時發傻切到手指， 左手食指指甲一條紅線走了出來。 不過痛係痛， 好在係指甲， 以那個力度切到其它地方的話損傷唔只這個地步。 起碼現在都仲可以打到字先。 不緊要了， 這幾年來極端的好事和壞事也是一起來的， 既然壞事來了， 好事應該都不遠（沒有跟據）。
話時話， 講番今日的身體檢查， 身高比去年高了0.7cm， 現在身高為 174.3cm.... 當然這少少數值可以係誤差喇。 不過第日有人問起的話可以話自己有 174cm。 哈哈。 不過體重也比去年同期為重。 冇所謂了， BMI都仲細過 22， 依然係偏瘦喇。
2007/4/24 (火曜日)
番到去時已經食得午飯， 真是的。 不過因為 lab meeting 的關係早少少食罷了。 誰知最後 meeting 就只在 lab 裏面 present， 仲要得兩個人。 出奇。
基本上也是和個 simulation program 死過。 有些東西重新做過的話始終會遇上不少新的問題。 有待解決。
2007/4/23 (月曜日)
戦利品:
『ガンガンパワード』No.6
ギャラクシーエンジェル3rd 3巻 ゲーマーズ限定版
朝早又等郵包。 等到十點左右有點唔耐煩， 走去換衫的時候個門鐘就響...... 唔駛咁準時嘛？ 點都好， 一個寫住「要冷蔵」的紙皮箱， 裝着的是剛剛從 Yahoo auction 買的 8cell 電池。 即刻番 lab 叉電。 一般使用情況下應該都可以用到四五個鐘吧？ 好， 搵日得閒就可以拎部 notebook 去海邊悠悠閒閒的工作。 點解海邊？ 舒服嘛。 感覺應該很不錯。
講下笑喇。 話時話今日其實學校假期（創校紀念日）， 自自然然很少人回學校， 不過自己有點比其它人的進度落後， 所以點都要加多兩錢肉緊喇。 出奇地都有些其它人回到學校(也有唔知今日是假期的人)。
肚痛依然持續， 雖然唔太嚴重... 但究竟乜事呢？ 結果夜晚除了看漫畫之外就完全沒有心機做野。 （平時都係咁架啦。）
2007/4/22 (日曜日)
戦利品:
ながされて藍蘭島 第３巻初回限定版 すずフィギュア
本來今日約幾個朋友行山， 不過預計天氣唔隱定所以 cancel 了， 結果呢， 一路外面的天氣都很不錯， 但肚裏面的天氣就認真差了。 一個好彩的錯誤決定喇。
去一去書店買了本書， 幫朋友買的， 社會學的書， 當興趣的話有時都會睇下。 呀， 之前買落的醜陋的中國人都未睇完添。 另外諗住走去買藥食， 去到又見唔係太痛， 諗住算啦， 回到家坐定定又痛。 沒有辦法， 再去買過算了。 終於有機會試下這裏聞名而久的胃藥了。 來到日本兩年， 買過的藥真的數得出。 一支霜焼け軟膏， 一樽咳水， 還有今次的胃藥。 身體算是不過不失吧？ （當然之前也有其它病， 不過也都很快自然痊癒）。
ながされて藍蘭島的四個限定フィギュア也總算儲齊了。 話時話フィギュア的話是第一次用這麼多錢。 果然配得上用「幻」這個字。
2007/4/21 (土曜日)
羽毛球， 最初得兩個人， 幫手練習一下吧？ 之後另一個朋友來了， 再後來和兩個高手過招， 還好， 不過體力消耗了不少呢， 而且中間仲玩左下閃避球， 完全外行。
之後朋友有事做， 一個人去了食野， 但今日個肚 keep 住痛痛地， 唔知乜事， 一個人無無聊聊時就特別覺得痛。 呀， 本來都可以即刻番屋企， 不過之後約左一班很久沒有見的朋友， 應該沒有大礙吧？
渋谷的某餐廳。 十五個人， 一張長檯， 唔知可以點傾計， 沒有辦法了。 自己做搞手的話覺得四五個人係最好的， 上限也唔過八個人， 多起人上來， 總有些唔知點咁。 Anyway 集中和某幾個人吹水也還可以的， 食物還算不錯喇。 而埋單後竟然收到一張二千円紙幣！ 很有紀念價值， 收起佢先。
之後還有下場去 Karaoke， 不過身體還是有點不適， 決定回去， 回途中總算有機會和整晚沒有講過東西的新朋友吹吹水。
2007/4/20 (金曜日)
回 lab 繼續努力。 每當到順境的時候一定會有某些阻滯。 不過主要原因都係自己沒有在沒有阻滯時一鼓作氣喇。 甚麼阻滯？ 一是 Madu 剛剛從 Sri Lanka 回來。 走了一個月當然地有些鎖事要做， 自自然然自己也走了去幫手。 二來是新留學生的 master application form， 完全係一份日本語的 form， 一些計劃理念等都可以用英文寫， 不過基本資料反而要用日本語。 寫寫寫寫寫寫， 他的地址我替他寫了十次， 點解一個 application 入面要寫十次地址我而家都唔係好明。 呀。 是但了。 而最後的一個阻滯來自先生， 很久沒有過黎和我們吹水似的， 講了很多很多東西， 雖然都有新的東西， 不過有不少東西之前都聽過呢。 唔， 都慣了。
話時話， Madu 的 journal paper 被 accept 了。 很恭喜他， 望番自己， 起碼比他遲了半年的進度呢。 有點壓力添。 急起直追先得了。
2007/4/19 (木曜日)
朝早先去了入国管理局， 交 form 申請資格外活動許可， 唔多人， 等左幾分鐘就搞掂喇。
番到學校， 到平時差不多時間， 不過因為早起身的關係唔太夠精神， 在 lab 裏面傻下傻下。 呀， 基本上都係浪費左一日。
呀， 是了， Thunderbird 終於出了 2.0， 不過明顯地比起 Firefox 2.0 時的聲勢差好遠， 有睇開 tech news 的話通常都會知， 但比起 Firefox 那時又登報紙又乜又物， 不過點都好， 之前都已經用緊佢的 Release Candidate， 算係有不少改進， 但用起上來又很順暢， 不像某些 software "upgrade" 之後完全唔知可以點好， 例如 Microxxxt Winxxxs Vixxa， 發神經的 "upgrade".
好眼訓。 唔打咁多了。 早抖了。
2007/4/18 (水曜日)
Research， 算係開番個頭， 可以順利一些。 不過始終很多時都有唔同的外在誘惑令到自己無法集中。 Anyway 今日也總算完成了自己要做的東西， 算係交到功課喇。
夜晚和三個 Keio 的人吃飯， 特點在於三個人都識廣東話， 但只有自己是香港人。 另外三位呢？ 一個澳洲人， 一個馬來西亞人， 一個荷蘭人。 真係有趣。 點解呢？ 馬來西亞本人都唔少人寫廣東話， 澳洲人其實是香港出身的移民， 而荷蘭人的父母又係香港人囉。 哈哈， 講黎講去其實好點吹脹， 不過其實諗深一層， 雖然日本唔係大， 不過這麼偶然地在這個吉日... 呀， 係日吉（學校的所在地）相遇也是一種緣份喇。
2007/4/17 (火曜日)
回學校， 雖然 gdb 仲有好多 function 可以用， 不過用左最基本的東西先， 總算找到了條臭蟲。 可以繼續 simulation 的 setting 了（終於）
不過整個下午就在未食午飯的情況下 meeting， 好肚餓。 笹瀬先先的 tutorial 之前都聽過， 不過很多東西都唔記得就沒有所謂了。 反而另外兩個留學生 present 時那個長氣到鬼咁的巴斯光年加把口埋黎都唔止， 仲要走出去畫黑板。 撞鬼咩！ 肚餓呀。 早完早着嘛。 唔， 不過有位唔多出現的二年生的研究進度報告， 我自己望見都替他擔心， 聽埋笹瀬先生的 comment 真係唔知佢畢唔畢到業。
五點幾六點時， 終於可以去食 lunch， 而又偶然見到來食晚飯的朋友 R 君， 加埋一個新朋友 R 君， R 君雖然是日本人， 不過那些英文真的令我唔覺得佢係日本人喇。
落雨濕濕， 但又有機衫要洗。 部機真到寫日記這一刻都仲 "fing" 緊水。 希望聽日乾得到啦。
2007/4/16 (月曜日)
回學校繼續 debug， 整下整下連個 OMNet 都衰左， 從新來過。 看來要學一學 gdb 之類的 tools 了， 老是靠估始終唔係一個有効的方法。
算是平靜的夜晚。 難的地想早點休息， 因為， 個人實傻傻地咁， 下午時唔覺意倒瀉湯， 夜晚 send mail 時成篇 mail 打了入 subject line.... 呀。
2007/4/15 (日曜日)
戦利品:
月刊少年ガンガン 2007/5
涼宮ハルヒの憂鬱 2
大致也是留在家。 下午出了去賣張舊 display card， 聽日先去睇值幾多錢。 之後睇下電話買下書咁啦。 回家打機。
いや、カッコいいや、まちって。ますます惚れるかも。 そして、まちと式神たち…
2007/4/14 (土曜日)
戦利品:
ながされて藍蘭島 初回限定特装版 5
羽毛球， 得三個人， 好像前兩個禮拜都係咁？ 總之人少的情況下總會比較吃力。 加上今日比較悶熱咁， 真係唔講得笑。
之後本來想去東大的 Italian Tomato 食野， 不過被包場， 沒有說話好講。 去了車站附近的老麥， 究竟自己有幾耐沒有吃過這裏的套餐呢？ 唔緊要了。 稍稍吹水之後就到了東大裏面上堂教書， 哈哈， 有點引人誤會的說法， 只不過係朋友Eさん想學打中文， 所以叫做略略幫佢開個頭咁啦。 理論上都冇錯的， 的確係在東大的 campus 裏面教一個東大生嘛？ 哈哈， 考慮下遲些寫落 CV 先。
之後去食飯， 吹水... 都唔可以咁講， 講的東西除了八八卦卦的東西之外有不少唔可以用「吹水」兩個字形容的話題， 當然這些問題就唔可以在這裏說了。 不過首先的反應是呆了一呆， 因為實在太意想不到， 之後雖然很努力的分析， 不過始終力有不逮。 之後， 回想一下這件事， 算是朋友對自己的一種信賴吧？ 突然覺得肩膊有點重， 好像很久沒有這種感覺....
題外話。 今日的戦利品， 終於來了！ 雖然好像用了不少錢， 不過真係千金難買心頭好。
2007/4/13 (金曜日)
戦利品:
聖剣伝説 4
整日都企圖在 debug， 搵極都搵唔到條臭蟲， 唔... 沒有辦法， 回家再慢慢搵。
近來非常之有消費意欲， 很想買 PSP， 不過其實諗深一層 PSP 都沒有邊隻特別 game 係好想玩， 而且用正途去玩 PS1 的話又要買埋 PS3， 所以都係唔買住。 反正 PS2 都仲有大把 game 玩， 平時坐車的時都唔係認真多。 有多時間的話看多些或者仲好。 不過在家的話玩玩都不為過喇。 妨且近來都少了買 game 呢。 見隻 game 又平， 自己又想玩嘛。 好好。
而除了 game 之外， 近來亦想換電話， 又想換 mon 喎 （おいおい）， 電話比較有逼切性些， 因為電池都好像唔太得咁。 Monitor 唔可以話大， 而且仲係大牛龜， 所以都係認真考慮下。 或者等有 part time 做之後買份禮物給自己吧？
另外看到一篇文章The Programmer's Bill of Rights， 提到 programmer 應有的六項基本權利， 兩個 mon， 高速 PC， 自己揀的 mouse 和 keyboard, 舒服的椅， 高速 Internet， 及最後寧靜的環境.... 完全冇錯！ 不過出錢那班人就真係大部份都幾食古不化， 花錢在些無謂地方也不會想想這些問題的了。
2007/4/11 (水曜日)
戦利品:
コミックCDコレクション ながされて藍蘭島 Vol 1
朝早等了份郵包之後先番 lab， 寫 program， 唔係話太難寫， 不過一口氣寫寫寫， 但又突然發神經 over written 左（本來想 commit， 不過唔覺意 update）， 呀.... 沒有辦法， 明日再寫過， 約左人早走。
約了的朋友係早初來日本時就認識的了， 現在於 KBS (Keio Business School) 讀緊， 近來好像有不少煩腦呢， 於是做了一個 listener， 一個人始終也會對自己的問題緊張些少的了， 平時這位朋友對其它人的分析相信是客觀準確的， 不過自己的問題往往難以理解呢。 盡力幫下佢手吧。
2007/4/10 (火曜日)
戦利品:
うたわれるもの 散りゆく者への子守唄 オリジナルサウンドトラック
回學校首先就係 meeting， 不算太長， 不過後先生所說的話其實都係聽得一半， 中間仲要有少少時間差點去了遊魂。 不過其中一個重點係要多點 discussion， 咁又係， 只前所謂 discuss 其實都係吹水居多。 有多些朋輩之間的切磋應該都會係一種推動力（掛）。
回到 lab， 又開始吹水（喂喂）， 研究一下唔同公司的 staff 的平均年齡， 以六十五歲退休的話四十左右應該幾合理， 但幾間大IT公司的 staff 的平均年齡大約係33左右， 啊！ 幾有趣喎。
另外去 doctor 的話研究室會有一部 notebook 可以買給自己。 Budget 都算係幾多， 唔知點好， 個 budget 去到這個地步反而唔太多選擇， 唔， IBM 可能也不錯吧？ 不過一諗到佢係Lenovo心裏真的不太舒服（手上那部是 IBM 所製的貨尾）。 唔....
2007/4/9 (月曜日)
大致上如常工作。 不過今日有一位將會在九月加入笹瀬研的留學生來了（來自不丹）， 幾乎是 default 的情況下被叫了去迎接（其實有點誇張， 不過從車站帶番學校）， 唔， 初次見面也算是客客氣氣， 實際上的性格還未清楚， 不過這半年應該有不少機會要幫佢都唔定。 但來到矢上 campus 時佢見到禁煙 campus 之後面色變了一變， 唔， 沒有說話好說。 Anyway 把人交了給先生之後， 處理一下自己的東西， 一個小時左右後再幫佢處理少少東西， 完畢。
夜晚走之前幫手處理一下研究室的 homepage， 唔， 老實講新的 webmaster 實在靠唔住， 唔知佢地想點， page 又唔 update。 另外之前的 HTML code 實在慘不忍睹。 有機會的話搶個 task 黎做都好。
Thunderbird 2.0 RC1
唔知近來有幾多人用 mail client 呢? 好像大部份人都用了 web client, 不過可能係慣性吧? 自己始終係 local client 的支持者. 最近出了 Thunderbird 2.0 RC1, 即時 download 了來玩玩, 幾好用.
Interface 出入不太大, 不過明顯的比之前在細微的地方處下了不少功夫. New mail notification 除左話俾你聽有幾多新 mail 之外還有 summary, 做得不錯.
不過個人覺得最好用的是 Saved search 和 multiple label, 例如你個 boss 係 Peter Mak (都話例如咯!), 你 search 了之後再可以將這個 result save 左佢, 做到好似 folder 了個 message 一樣, 而不同處是這樣的 saved search 唔會從 inbox 那裏移走, 簡單地說有點像在 gmail 裏面加了個 mail filter 再加 label 吧? 另外一個 message 可以多過一個 label 也是一個幾方便的進步.
雖然有很多 function 在 gmail 或者其它 webmail 都有, 不過亦有不少地方始終是 webmail 暫時不能代替的. 例如 digitial signautre, encryption, 還有 browse 的速度等, 當然看 newsgroup/RSS feed 也是一把萬用刀喇. 有用開 Thunderbird 或是 Lookout/Lookout Express 的人都可以試下.
2007/4/8 (日曜日)
戦利品:
名探偵コナン 57
五點幾突然醒左， 最初諗係唔係因為昨日太早訓啦， 不過之後突然發覺個肚好痛（唔好再遲鈍d... ）， 好辛苦的走落床， 諗諗點算好， 好痛， 結論係太早就算睇醫生都未開門， 於是再訓過。 結果， 又冇乜事喎。 可能太早訓所導致的消化不良吧？
莫明奇妙的肚痛， 當冇件事了， 有好多未太 urgent 的雜務， 今日見得閒就一口氣清了不少， 家中有點地方企理了（少少）， 要做的backup做了（少少）， 不過偶然間處理好這些事情， 意外地心情大好。
2007/4/7 (土曜日)
打波！ 今日很多人都遅到， 沒錯， 的確很多人， 前前後後有九個人？ 好少可， 結果某程度吹水多過打波。 不過水就一向都係多多時間都唔夠吹的了， 所以之後自自然然又去了 cafe 再吹過。 有點點可惜係大家不太有興趣（或者時間）去Eさん提議的井の頭公園賞花團。 唔， 時間方面的確比較困難呢。
新朋友K君（B君的表弟）剛剛來到日本， 可說是人生路不熟吧？ Wさん帶了他去買定期劵等東西， 反正沒有事做就跟埋一齊去， 排那條隊都唔算太長， 不過唔知點解等左好耐先 OK。 唔， 冇乜所謂， 都係吹水之嘛。 之後番去休息。 沒有太多特別事做。
2007/4/6 (金曜日)
整天來說都算平靜。 朝早去了 guidance， 最主要不過是 update 番張學生證。 之後見到一個最初到日本時識的一個 Palestine 人， 吹水， 講了些無無謂謂的東西， 最有趣係他所說的關於他們的婚姻習俗。 到而家都唔太明， 不過男方會對所有識的人說會和女方做一個 engagement， 之後就即時成為夫婦， 但 marriage 反而係之後的事... 而 engagement 之前男女之間極其量可以的就是食餐飯咁， 亦即是和香港或日本或很多地方的自由戀愛有點出入吧？ 所以都係唔明， 不過都好像幾有趣咁。
之後都係平平靜靜的， 但有點驚的係唔知點解今日交水費時見到紅色... 好嚇人喇。 唔太清楚， 或者係昨日食的大福的紅豆？ 身體就沒有任何異樣。 應該沒有問題吧？ 觀察多一兩日先。
突然有興緻執番好個 album， 叫做排番好年份佢啦。 比想像中用多了少少時間， 完成之後就可以一次過 publish 喇。
2007/4/5 (木曜日)
昨日玩玩玩， 今日訓得晏少少， 下午番 lab meeting， 五個新B4的 presentation， 唔算太長， 只不過之後笹瀬先生的事後結語， 唔知點解可以去到一個小時（！）， 不過比較開心的係聽到佢話會俾廿五萬出黎替 PhD 學生買 notebook 喇。 之後約略望左幾望， 現在廿五萬的 notebook 應該識得飛... 遲些慢慢睇。
夜晚食了些大福， 很好吃， 但之後沒有胃口吃食飯， 結果餐正餐食左好耐， 仲要食食下碗飯凍左要拎入微波爐叮.... 真係第一次。
2007/4/4 (水曜日)
お花見(?)
戦利品:
ながされて藍蘭島８巻・初回限定特装版
有得玩就會特別早起身。 七點幾鬧鐘都未響的情況下就起身， 不過又冇乜野做， 訓多陣。 之後見個天雖然有幾舊雲， 不過都算好天掛？ 臨出門口有些雜務， 郵差叔叔又上門， 唔， 擺抵哂全部野遲些先算。
遲到了十分鐘左右， 集合地點剛巧是日本女子大學附近， 入學式喎。 哈哈， 友人L君似乎幾有興趣？ 不過唔理了。 食少少東西之後， 出發.... 不過冇地圖。 今次的算係一個行山 course， 自己雖然都帶了地圖， 不過只不過好過帶日本全圖少少咁， 入面的細節當然睇唔到。 於是一行四個人就抱着船到橋頭自然直的心態走上山... 完全唔掂。 中途有趣的碰見一對年老夫婦加一隻好鬼惡的狗（日本來說很少狗有咁大聲吠喇）， 問路都問唔到乜， 那對夫婦又好想幫我地， 但最後都係沒有辦法， 整個過程面對那隻狗都幾有趣， 有趣的是那三個同行的朋友的反應... 哈哈。 總之之後亂打亂撞的去了一個小公園， 都叫做有櫻花樹， 影左張相算係有得交差喇。
不過最壞的情況， 落雨， 仲要係頗大雨。 乜事呀？ 沒有辦法的情況下冒雨走去車站。 乜花都唔駛賞， 去了就近的調布， 坐了在ジョンナザン坐好耐， 見冇乜雨又出去行左陣， 好快又坐底食飯。
食食下飯， 朋友Aさん突然收到一個對她來說幾大問題的消息， 唔， 詳細唔講得太多喇， 不過問題係她自己有最大的責任， 這件事沒有太多地方可以幫手了。
因為那件事的關係(?)大家的食飯 mood 好像一氣低下了， 反正都食飽就散了。 但時間還早之下和Eさん去渋谷飲野吹水， 也是自己幫唔到乜野手的問題， 不過這件事自己總可以做一個 listener 喇。 的確， 很難的問題。
別人的事就唔講得了， 自己嘛， Eさん突然指我係一個很執着規則的人（包括之前 A さん的事）， 都應該係喇。 始終在守規則， 或者重視規則的情況下是最舒服的， 所有事都合理。 反之很多事違規， 但個個人都做的話， 例如衝紅綠燈這種小事吧？ 其實真的不會有甚麼問題， 但假如有日警察叔叔捉你衝燈的話， 你唯有怨自己囉。 如果這個被捉的人在我面前話個警察叔叔不近人情的話， 唔好怪我落井下石。 Anyway 自己不是聖人也不是一個完全唔衝燈的人， 不過至少會為自己的行為感到不舒服... まあ， 自己應該是這種人吧？ 很久沒有想過這類問題了。
2007/4/3 (火曜日)
偷懶在家。 仍然是整理一下之前的 source code， 改就還未改甚麼， 不過最唔想始終係做左一大堆野之後先至話有問題嘛。
呀， 大件事。 Deadline coming (自己定的， 未必發揮到 deadline effect)
2007/4/2 (月曜日)
回 lab。 沒有太大特別， 主要也是組織一下之後要做的東西。 另外不少時間也不過是遊魂....
不過差不多走時和 lab 入面其中一個同學講到 part time 的問題， 佢之前去了一間 ERP 的公司做 internship， 一萬円一日， 做了十幾日就賺了差不多20萬， 開心死佢， 之後仲拎左張“passport”， 三年之內可以拎住這張 passport 入去呢間公司做野， 幾開心咁。 遲些有機會都去做下先。 聞說這份工年薪五百萬起薪， 即月薪四十萬左右， 亦即係大約三萬港元。 不過， 都係慢慢諗下先。 搵搵其它 part time 先算。
2007/4/1 (日曜日)
大昏迷。
看完了小說的第二個故事， 故事本身簡單到沒有得再簡單， 只不過係すず（女主角）在大雨之夜和あやね（也是女主角， 視すず為最大假想敵）中過了一晚的小品， 整個故事用六個字講完： 食飯沖涼訓覺。 不過平時很多時也是敵對的兩人， 卻過了很有人情味的一晚。 跟作者所說一樣， 藤代健先生的一個封面把兩個人這種亦敵亦友亦親的關係畫了出來， 唔怪得自己可以一口氣的看完啦。