2007/5/31 (木曜日)
遲起身。 這星期真係完全在無聊中渡過。
下午出了去食飯行街， 去 Tokyu Hands 樓上的 Cafe 食左個豪 lunch， 之後落去下面的健康用品行時突然見到一個“姿勢矯正 belt”（諗唔到中文點譯好， 是鬼但）， 其實近來一直覺得有點未老先衰的感覺， 成日坐着對住部電腦， 頸緊膊痛得幾厲害， 於是也應該從基本的姿勢着手了。 於是回到家即刻買了（網上買差成千幾円架）， 這少少的投資可望有不錯的回報呢。
另外一件健康產品都幾有趣的， “ピンホールアイマスク（針孔眼罩）”？ 就正如其名一個眼罩開了五個孔， 帶上它就算沒有眼鏡都可以看到遠的東西喇。 幾過癮。 傳聞有改善視力的効果？ 唔， 半信半疑， 不過又唔係貴， 做下 survey 先
2007/5/30 (水曜日)
朝早出門口， 目的係去睇「名探偵コナン 紺碧の棺」。 其實都上左畫成個幾月了， 好像去到下個月頭就完， 所以今早就走了去睇。 本來諗住平日的上午應該好少人， 點知去到見到一大班師奶！ 呀， 後來先知原來星期三係所謂的 Lady's Day， 睇戲有得平所以一大班人走了去睇。 不過都算好彩， 因為上畫已久的關係名探偵コナン沒有太多人睇。 自己隨口的揀了 G 行， 前面竟然一個人也沒有， 後面加埋也是十多個人吧？ 唔理後面的話有點獨霸戲院的感覺， 一字記之曰爽。 動畫方面比起之前又進步了， 但推理方面今集好像簡單過頭？ 唔， 不過睇コナン的 movie 其實都係抱着睇動作片的心態去睇喇。 另外今集的主題也似乎在「相棒」方面着墨多些。 有點點新鮮感喇。 而片尾曲也很不錯呢。 遲少少去租番隻 single 先。
不過講開コナン的歌， 前幾日擔當了不少コナン的主題曲的 zard 的主音坂井泉水因意外辭世， 有幾首歌我都幾喜歡喇。 唔， 真可惜。
之後去一間在家附近的小餐廳吃飯， 家庭式經營， 和正常的餐廳不同， 氣氛也不錯， 不過左右兩檯也是上午買完餸來食個 lunch 的師奶， 今日果然係 Lady's Day.... 開始明白之前朋友話擔心成為師奶後的生活......
很遲來的一個話題， 關於中大情色版， 最初在朋友的 forum 看了少少， 覺得沒有大不了之後沒有理會， 誰知在香港好像越鬧越大， 電視還有特備節目「全民開講」談及這件事。 真的幾好笑。 先申報利益， 由於聽了陶傑的光明頂很久， 思想其實被他影響了不少。 不過討論中把聖經拖了下水（因為舊約裏也有亂倫的論述）， 自己即時心裏涼了一涼（哈哈）， 不過也不無道理， 我睇唔出為何大衛像， 聖經和中大學生報為何可以以不同的標準去處理。 這個社會的道德標準在那裏實在不能理解， 或者說既挑戰不了孔儒耶教的古老權威， 也容不下與生俱來的原始慾望。 不但容不下， 講下都要喊打喊殺。 真係大驚小怪。 這又禁那又禁， 究竟那些自以為在道德高處的人眼看大學生沒有足夠的視野去判斷是非黑白， 抑或只是一群井底之蛙以為自是？ さあ。
2007/5/29 (火曜日)
繼續沒有學校番的第二天。 在家的確沒有甚麼効率可言。 朝早起身， 悠悠閒的食早餐， 之後去了 MM21 的ダイゾー買撍建物。 其實冇必要去到 MM21， 不過這些就是一種閒情喇（註：仲有 tutorial 和論文誌未做）。 MM21 算係自己最喜愛的地方呢。 地方又夠大， 簡單地說是一種空間感（自己都唔明自己寫乜）， 或者這樣說吧， 就是身在都市也能感受到的寬闊？ 唔， 很難形容。 總之在香港很難找到的感覺喇。
之後再回到西口附近食午飯，買些東西後回去。 下午舖頭的人也顯得悠閒。 平時的對話只有幾多錢要唔要膠袋， 趕收舖掛？ 今日去到說了些無無聊的東西， 幾新鮮。
回到去， 處理一下雜務， 又試唔知點解用左全日？？？ 莫明奇妙...
2007/5/28 (月曜日)
666
一個無關同癢的宣佈， 本 blog 自從從 static page 轉為 Java based pebble 之後， 今個 post 已經係第 666 個喇。 第666 個對自己不是甚麼特別數字， 不過純粹一種對抗意識之下想紀念一下罷了。
唔， 因為麻疹的關係學校停課， 而笹瀬先生亦通知了我們不要到研究室。 結果留了在家中。 一個懶人， 沒有其它東西要講。 唔， 要找藉口的話就是等前日買的 LCD 送來喇。 但其實明知會在傍晚才送來， 都唔知急乜鬼。
七點幾吧？ 終於也送來了， 作為交接儀式的一環新舊兩個 monitor 拍埋影張靚相， 舊的 Samsung 17" 也終於退役了。 新的 IODATA， 多了五寸， 亦由舊有的 1400x1050 增加至 1680x1050， 向横發展了 280px， 看來好少， 不過這幾百 pixel 實在非常好用， 上網也好工作也好電視也好電影也好， 感覺好唔同。
由 CRT 去到 LCD， 阿水都知道薄左喇！ 不過又唔想把 monitor 放得太後， 結果 monitor 後面多了些空間， 可以放些無謂東西在那裏。 但有利亦有弊， 之前一個月買的フィギュア冇位擺... 謂有在檯上其它地方撍建吧？ 哈， 想起一個朋友以前的 blog entry 呢。
2007/5/27 (日曜日)
留在家中， 足不出戶， 大昏迷。
不過其實不是好受的一日， 雖然甚麼也不做好像很輕鬆， 不過腦一有時間就想太多的東西。 很難想像在遠方的朋友又有何感受。 透過電話聽到的聲音， 感受到的和感受不到的， 很複雜的心情。 這幾日一直也有想哭的感覺， 而今日真的哭了出來... 微乎其微也好， 今日也總要做點點東西...
2007/5/26 (土曜日)
之前應承了 Madu 去 Sri Lanka Festival， 因為心情問題有點點不想去， 不過應承了反悔的話就更加對自己鄙視， 因為那個人教識左自己要珍惜身邊的朋友嘛。
下午去到渋谷， 行行行去到代々木公園， 比起上次的 Thai Festival 規模細點點呢（當然了， 起碼自己在日本識的泰國人是斯里蘭卡人的幾倍）， 不過都幾有趣。 置身在一個充滿斯里蘭卡人的日本公園， 感覺很特別， 之前的 Thai Festival 雖然身邊一大堆泰國人， 不過面孔和日本人不大分別， 所以沒有太特別的感覺。
很不好意思的， 被 Madu 父子請了吃不少東西， 理由係我幫了 Madu 不少忙咁話， 唔， 小意思喇。 不過也不客氣了。 食食下野， 突然走左去原宿走走，因為突然有大事要做...orz 不過 Madu 原來沒有來過， 真係， 兩年喇， 竟然比起我去得這麼少地方。 去多些地方先得架嘛。
回家前到了新發現的 PC DEPOT 行行， 見到很想買的 22" LCD monitor (IODATA AD221XW)， 冇貨。 沒有辦法， 回家。 誰知再網上見到ヨドバシ和 Sofmap 都做特價， 而且計埋些 points 的話平成四五千円， 於是即刻買了， 應該後日送來吧？
另外由於麻疹在首都圈蔓延的關係， 大學直至下個星期五休校， 呀， 唔駛番學... 好在最近搵番個方法可以在家中 download IEEE paper， 應該沒有問題吧。
2007/5/25 (金曜日)
回復正常。 繼續在 lab 的 machine 裝番 Gnome 等東西， 而家就差個 printer 就完成了， 找了很久之後找到個 driver， 但又好似唔 work... 唔， 冷靜想想好像以前 set CUPS/PDF 時都遇過類似的問題。 冷靜想下先。
之後和一個很久沒有見的朋友去食夜粥， 呀， 夜晚去食粥咁解喇。 沒想到在渋谷會有這樣的一間粥店。 不過那位操普通話的女侍應真的不行喇。 竟然背向着客人落 order， 就算幾忙在這裏都係唔可以接受的一件事喇。 哈， 不過另一件事就是自己的失態， 見那個女侍應完全唔得閒招呼自己時就走了去倒水飲， 誰知一拉下， 啤酒？？？ 出事添。 好在只倒了少少， 沒有太大問題吧？ 唔， 失敗失敗。
2007/5/24 (木曜日)
昨日的事還是未能開懷， 不過如果自己都一面愁容的話， 就不能替離去了的人盡一點綿力。 首先還是要放鬆自己。 回復平常的狀態才可。 再者， 之前在未知道這件事時錯失了一個幫助的機會， 如今我保證會盡力幫助他和他的家人。
回到自己的空間。 繼續在學校裝自己的 Gentoo, 解決了 Kernel 奇慢的問題（其實都唔係真正解決了問題， 只不過係避開了）。 可以裝一些 Desktop application 了。
唔， 不過始終整日也不在狀態.... 自己姑且如此， 更何況... 唔得唔得。 要振作才行。
2007/5/23 (水曜日)
早上， 突然的一個疑問的 mail， 一段平時看了只會「啊」一聲就算的新聞， 明顯地帶給自己極大的無力感和傷痛。 不斷的想安慰的說話， 卻發現就算說甚麼也改變不了最單純的現實。 有些事， 理性上是知得清清楚楚， 感性上卻沒有辦法明白。 希望的， 是自己可以做到些甚麼， 即使是微不足道的事...
2007/5/22 (火曜日)
笹瀬研ワインパーティー
唔， 突然間很多事發生的一日。 朝早到下午都沒有甚麼特別， 在研究室再挑戰 Gentoo 和 meeting 等等。 到了下午時發覺 AU (自己用開的携帯電話公司)出了夏天的新 model lineup， 唔， 即刻看看。 A 字頭（有 student discount）的有三部機， A5527SA, A5526K, 簡単ケータイA5528K， 那部 A5528K 可以不理， 不過另外兩部都幾吸引， 真好， 本來諗住 AU 接近放棄 CDMA 1X 的市場， 沒想到今季會有兩部幾滿意的機種。 好在之前忍左手沒有換機。 等多大約一個月就應該可以換電話吧？
之後 Wine Party， 唔， 對自己來說不過是飲飲食食會喇。 紅酒不論係一千円一支或是一万円一支對自己來說都沒有分別。 最後也只不過應酬的飲了3.14cc。 始終也是吹水開心喇。 話題包括了 M君出年應該會結婚， 這個其實之前就知道了。 不過其它人好像不太知。 但同時另一個留學生 S 君話佢又係咁打算... 吓？ 完全冇聽過， 就連佢有女朋友都未聽過... 跟住另外是一個將會去 Docomo 的同學的八卦野， 不斷的F君2.0 （因為 Docomo 近來的 2.0 廣告喇）， 「さて、そろそろ反撃してもいいですか？」的搞笑標語。 唔， 不過在這裏很難表達當時的氣氛喇。
不過最意外的， 是一路以來都係咁灌酒的H君突然遭到後輩B君的毆打 。 詳細的情形唔太清楚， 總之全場也嚇了一跳喇， 老實說能即時有反應的人真的唔多。 唔， B君可能真係飲得多些所以控制唔到自己， 不過H君的行為某程度來說也是自己攞黎喇。 事後的發展真的難以想像， 希望兩人唔好有隔夜仇就好。
講番些開心的東西， 今日的 Wine Party 有些沒有見一段時間的先輩來了。 真的幾難得的機會呢。 雖然唔係話難開好遠， 不過各有各忙都真係沒有太多機會可以見面喇。 不錯的一日。
2007/5/21 (月曜日)
昨日可能昏迷得太長時間， 整晚似乎也沒有完全訓着， 唔， 正確地說是整晚地發夢。 夢都幾奇怪， 最深刻的係唔知點解俾隻惡狗咬住唔放。 其它唔太記得， 但約略記得夢裏面的是一些香港的朋友。 唔， 總之發左好耐夢喇。
發完夢， 番學。 唔， 顧住玩個 DesktopBSD 都冇心機做野， 或者明日都係暫時唔理佢先得。 如果唔係唔駛做野。
2007/5/19 (土曜日)
訓醒已經係十一點！ 即時準備出去打羽毛球。 唔， 其實要快手的話都唔太難的。 自己平時每朝也悠悠閒的準備所以用唔少時間喇。
準時到達， 五個人打波， 唔， 體育館今日很少人喇。 唔知點解呢。 不過話時話天氣都開始熱喇。 可能都有些關係？
2007/5/18 (金曜日)
Research 和繼續玩 DesktopBSD， 除了 Windows 以外的 Operating System 真的幾好玩。 玩了 Linux 差不多三年， 開始玩 BSD， 有很多相似的地方， 不過這個 DesktopBSD 真的幾簡單， 聞說 PC－BSD 都好像好好玩咁。 有機會試試... 唔， Vmware 的話都還可以試諗下吧？
2007/5/16 (水曜日)
新玩具 -- FreeBSD 是也。 再正確來說是 DesktopBSD， 顧名思義就是專 for Desktop 用的一個 version 了。 安裝比任何裝過的 OS 都要簡單。 最難的不過是揀 partition， 其它東西， 冇了吧？ 用上 KDE 的 Desktop， 好像幾簡單的（自己唔多用KDE）。 不過日本語的 support 仲未得， 其它東西有待考究。 呀， update 要不少時間呢。
就這樣玩了成日了。
2007/5/15 (火曜日)
戦利品:
月刊少年ガンガン 2007/6
涼宮ハルヒの憂鬱 3
朝早， presentation 的東西都準備得七七八八， 但又沒有太大心情做甚它野， 結果都係左看看右看看自己的 slide 之後， 飯都冇食就開始 meeting。 首先是笹瀬先生的 tutorial， 關於 CSMA/CA， 的確很容易明。 唔， concept 本身都不是太複雜， 不過也的確要佩服笹瀬先生的技巧。 相對的， 之後Zさん的， 真係聽唔明。 只係把一大堆 standard 拋出來， 完全記唔到。
之後六個留學生的 progress report， M1 的兩位距離上次的 presentation 不是很久， δ多極都有限吧？ 另外自己的 presentation 也算過得去吧？ 極多的“えっと”， anyway 過骨。 題外話， 那個巴斯光年， 一如以往的超超超時， 明明叫你做 progress report 你走去講 lecture 咁。 有病架咩！ 肚餓呀！
結果五點幾先去食 lunch。 食完， 都夠鐘番去喇。 呀， 做過些乜呢？
今期的ガンガン， 「みんなそろって」， 應該可以加入自己最喜歡的其中一話吧。 まち為了拯救自己的式神而接受やしろ的試煉， 和十二神的対決。除了第一行「目切りの行」外， 其餘「精神の行」x3「体力の行」， 及最後一行「技の行」的測試也對まち來說是很大的測試， 正如あやね所說「短気で堪え性が体力づくりなどのコツコツとした努力嫌い」（突然間心想好像話緊自己？）吧.。 尤其最後一行「技の行」的丑、寅， 不敵。 正要放棄和準備解除契約之時， まち的六式神突然出現加以阻止。 之前一直都沒有對白的六式神（極其量只有叫聲）對まち的仰慕之情在這作品之中算比較特別的一環吧？ 之後的協合合体「天龍鬼村正」， 嘩嘩嘩。 最初看唔覺得係藍蘭島裏面會出現的東西， 不過看到角（？）上面的那條絲帶， 突然又覺得幾可愛（？）。 點都好， 得到「天龍鬼村正」的幫助的まち完成試煉， 式神也平安無事... 「そうね。友達同士だものね」。 而另外， 擔心まち的あやね的ツンテレ也描寫得很細緻呢。
2007/5/14 (月曜日)
回到學校看看放置了的 Gentoo installation， 死左。 Emerge package 中途的事吧？ 呀， 個 installer 真係唔掂， 不過要寫 Gentoo 這種 highly configurable system 的 installer 也真的不易吧？ 始終有無數咁多個 configuration... 最後沒有辦法， 問番 lab 裏面的admin拎番隻 recovery CD 裝番個windows, 沒有辦法， 不過也不太想在這部機做太多無謂野喇。 Dual boot 都仲勉強可以...
繼續 program， 夜晚準備明日 presentation 的東西。 唔， 過了明日之後算係可以鬆一口氣吧？
2007/5/13 (日曜日)
平靜的一日。 一路在家中寫 code。 唔，下午出了去食飯之外喇。 有點點想回學校做野， 不過都係算數了。
母親節， 打電話回家， 但唔知點解香港那邊聽唔到自己把聲咁。 唔， Skype 的問題？ Sound card？ 不過 echo service 又冇事喎。
2007/5/12 (土曜日)
タイフェス
在慶應裏認識而又比較熟的人之中， 不知為何有不少泰國人， 自己只到過泰國... 唔... 兩次吧？ 不過和這裏的人都幾有緣的。 至少， 自己生命中最重要的女人也是在泰國土生土長喇（唔好諗得太遠， 那個人正是小弟老媽子）。 而今日有一個"Thai Festival"， 於是就相約一些朋友一起去吧... 雖然最後一起集合的只有一個人。
唔緊要喇， 去到代々木公園， 話時話很少到這裏呢？ 唔， 去到那裏， 沒有其它說話好講， 總之就係好多人！ 呀， 點死好。 總之就係食！ 最記得那個炒飯（唔記得叫乜名喇）真的很好吃！ 另外飲品也不錯。 而且當中也和另外一些朋友合流， 算是不錯的一日喇！ 不過真的很多人。 食飽飽之後也就回程喇。
夜晚睇電視， 其中一個節目真的無聊到極點， 但真的很好笑。 例如有人問如果放了屁之後點樣可以最快地令臭味從自己 pet pet 消失， 竟然也找了五位學者來研究。 不過另外一個真的很有趣。 詳細自己看會更加有趣。 試一試在 google earth 找找日本銀行， 從上空望望那是甚麼樣子。 相信一定很嚇人！ （位於東京駅和三越前駅中間， 真的找不着的話可以試下 35°41'10.00"N 139°46'17.76"E）
2007/5/11 (金曜日)
奇跡真真正正的發生了！ 竟然可以一連五日的早起身(所謂早也不過時七點左右鬧鐘響之前)！ 不過始終也是很不習慣， 今日雖然都未至於很不集中， 不過也是腳步浮浮喇。 唔， 沒有問題掛？
寫 code 寫 code... 估唔到自己最多的 input 始終也是在那部 11.3 寸的 notebook 之上。 Desktop 嘛， 哈哈， 經昨日一役之後再嘗試 install Gentoo， 不過都未敢樂觀。
另外繼續和那個不認識的人討論自己的 code， 雖然期待他有些 input 給自己， 不過自己最低限度也要準備一個較完整的 code 才可以吧？ 唔， 不是容易的事喇。 始終有不少東西要改。
2007/5/10 (木曜日)
朝早， 依然可以早起身！ 真的很奇跡喇。 點都好， 朝早先過了入国管理局拎番張“part time 証”， 可以搵 part time 喇。 不過話雖如此， 最近一段時間睇怕都係專心些做番 research 的東西比較好， 始終這個學期就要畢業了嘛。
回學校， 一來寫自己的 code， 二來和昨日那個人不斷的討論 code 裏面的問題， 唔， 其實些 code 自己最近大執都唔知可以點同佢 collaborate, 盡力吧？
而三來， 真的有點撞鬼， 諗住試下 dual boot Gentoo， 點知partition 時那個 "Recommended Layout"， 一按， 再按 "Yes"， 整個 Windows partition 冇左！ 哈！ Gentoo 這個 installer 真的有點醒過頭吧？ 太過了解我的心意了。 呀， 醒過頭喇。
2007/5/9 (水曜日)
繼續早起身（！）， 回學校繼續 program。 不過算係懶懶閒的一日吧？ 下午食飯和一個朋友講了很久搬屋的東西。 唔， 這方面自己算是先輩喇！
之前有個人 send 左個 mail 給自己， 問關於自己的 simulation 等等東西， 雖然自己的 code 不是做得非常好， 不過也算是給了那個人看喇。 唔知幫唔幫到佢呢（和幫唔幫到自己）。 那個人的 research 和自己有幾分相似， 但又有點不同。 希望在某些地方可以合作做點點東西吧。
2007/5/8 (火曜日)
又奇蹟地早起身。 希望可以持續下去喇， 雖然不敢樂觀。 番學校繼續自己的 simulation program， 有地方要大執， 看來都要唔少時間。 唔， 準備好些先。
下午例行的研究室 meeting， 竟然比預期中早完。 呀， 反而有點唔知點算好咁添。 是但了。 回到 lab， 再做少少野就早早番去了。
話時話最近在日本的一個幾有趣的話題“石景山遊楽園”， 香港唔知有冇報道呢？ 簡單來說就是一個老翻廸士尼喇。 之前稍稍聽過， 今日有點閒情去看看在 youtube 的一段 video， 真的幾有趣。 就算唔識聽日本語也建議大家看到最後。 那隻放在門口類似米奇老鼠的物體其實係有對大耳仔的貓（！！）， 裏面還有各種老翻物體。 其中一個幾精彩的算是“麥德基”快餐（和一個朋友的姓名冇關， 掛）， 不過自己覺得最精彩係那四個留學生的 interview:
“那隻不是 Hello Kitty， 只不過係參考其它東西做出來的”
“侵害版權的話對於（中國）加入國際市場有礙 ”
“我不覺得有甚麼問題， 我自己也是中國人我明白他們的想法”
“他們只不過係想替小朋友實現夢想吧， 我覺得沒有問題 ”
哈哈哈！ 除了第二位學生之外， 那三條友真係咁都講得出。 原來小弟膚淺到這個地步。 這種說大話的技巧看來小弟也是學不懂的了， 呀， 又未必， 可能到中國住一兩年就可以？
呀， 另外 Gentoo 出了 2007.0 了， 唔， upgrade 的話對自己來說只是兩個 command 吧？ 哦。
2007/5/7 (月曜日)
就這樣就放完假了。 可能叫做充份休息吧？ 晨咁早起身晨咁早出門口， 有點唔慣。 不過似乎這樣的劾率比較好些呢？ 反正開始踏入繁忙的時期， 試下改改生活習慣先。
回到學校第一件事去拎之前的驗尿結果。 唔， 蛋白(-)， 潛血(-)， 糖(-)， 即係冇事啦。 虛驚一場， 不過冇事就得。 之後回到 lab， 努力。 進度一般吧？ 哈， 不過去到下午又自自然然的走去睇 hardware， 可能係有些 sofmap point 好想用左佢吧？ 今日睇的係現在冇乜人會理的 sound card， 其實真係唔可以睇少 sound card， 除了音質可以差別很大之外， 對電腦整的的表現也可以很大的喇。
結果今日回到屋企又黎搞機。 首先拆左個 front panel， 裝番個突然搵到的 case fan 在前面， 另外試下 alsa config 兩張 sound card 一齊用， 結果失敗， 冇太多心機睇 documentation。 算， 反正之前James 俾自己的 Sound Blaster Live也算不過不失（又反正自己個喇叭係平價貨， 加上開得太大聲驚嘈親人）。 自己的耳， 好在沒有笹瀬先生的十分之一......
2007/5/6 (日曜日)
一半時間在寫 code， 另一半時間走了落街。 又係去 Sofmap 睇 Core2， 那個衝動真的唔可以講笑。 兼職都未搵到就唔好諗太多了。 不過真係好想買（話時話前一排好想買的 PSP， 而家基本上都冇諗過）。
寫 code 之下的結果發現自己的提案比一路用開的還差， 雖然可以看到改善的餘地， 不過如果做埋那步都係唔得的話真係唔知點算好。 唔， 見步行步啦。
2007/5/5 (土曜日)
基本上大昏迷。 夜晚起身就看了四個鐘頭電視， 有點過份。 不過之後發揮了些微的 dead line effect， 加左一個很重要的 module 和 debug 一下， simulation 方面應該可以順順利利的 run 吧？ 明日詳細 test 下先。
2007/5/4 (金曜日)
應該要做正經野的一日。 下午唔知 short 左邊到， 突然心諗「去買 RAM 吧？」， 即刻執好個人衝落街。 最奇怪的是中途突然諗， 其實都沒有必要吧？ 加左 RAM 都不見得會快得去邊。 於是打消念頭。 但照樣的走了入舖頭， 望住塊底板， 突然諗「不如換粒 Core 2 Duo吧？」， 分期的話每個月也是五千左右x六個月， 見到兩塊 Intel 板， 一塊 RY 一塊 LT， 唔知詳細有乜分別， 唔...... 回去再望望。 結果買完野食就回家去也。 諗深好多層， 而家都係唔太夠錢用， 無謂浪費金錢， 不過始終有「搞機」的衝動， 諗起個風扇有點問題， 於是就砌左個風扇， 換番原裝那個。 好好的塗散熱膏， 加上之前 update 左 BIOS， 結果部機再靜了少少（真係少少）， 不過部機去到盡時的溫度稍為降了些， 結果也算是有些得着吧？
新 CPU， 還是留番搵左 part time 之後先算吧？
2007/5/3 (木曜日)
戦利品:
ながされて藍蘭島 があるずがいど
ながされて藍蘭島 ドラマCD 1
堀江由衣 Days
魔法先生ネギま 18
假期的第一天。 下午約了朋友， 有點時間， 去買今日的戦利品， 哦？ 突然發現一向去開那間舖頭可以用 iD card (eMoney)， 下次先算。 堀江由衣的 single， 也是アニメながされて藍蘭島的 OP/ED， 一流。 沒有其它形容詞要加。 另外「があるずがいど」， 很長， 有排看。 不過最尾的番外篇裏關於すずらん的短篇， 不錯， 最有趣的是からあげ自殺式的發言...
之後和兩個朋友去 MM21， 其中一個朋友（日本人）就快出發去香港工作， 佢似乎打算長留香港喇。 哈哈。 和自己正正反對？ 不過這個朋友廣東話就唔太識， 但普通話好過我好多倍。 成日俾佢話， まあ、いいじゃん。別にここに北京語できなくても何も困ることがないし。むしろ分かりたくないから。 加上一個既不太識日本語更完全不明中国語的 Madu， 全程基本上也是用英語溝通喇。 Anyway MM21 真的幾時來也覺得很熟服，不過由於假期的關係所以多人到鬼咁。 反而夜晚去的那間越南料理， 唔太多人， 就連侍應都嚴重人手不足... 雖然係幾好食喇。 就這樣， 下次再見這位朋友應該是自己番香港時吧？
2007/5/2 (水曜日)
放假前最後一日， 照常和學校喇。 大部人其實都已經在一個休息 mode， 自己嘛， 都係那句， 懶得太誇張了， 所以點都要勤力些。
結果自己的東西的進度一般吧？ 唔可以話做得好快， 不過確確實實的做始終是最緊要的。 反而一個 lab 的朋友走來問自己關於 sensor network 的問題， 唔， 真係唔太識答， 但唔知點解因為這個問題可以用成三個幾鐘頭？ 不過偶然看看自己唔識的東西對之前的 research 或多或少都有些幫助吧？
結果很遲才回家， 沒有時間去買戢利品添。
2007/5/1 (火曜日)
回到學校顧住玩 PC BSD， 其實而家諗番轉頭在那部快到冇人有的 Celeron 330 上面行 VMware-server 真係搵自己笨。 不過只不過係試試個 installation 的話其實都冇乜所謂。 裝完之後“哦”一聲之後就沒有再理佢。
另外再玩玩 Google Desktop ， 最新的 Version 5， 剛剛裝好未有時間慢慢試， 不過可以肯定的係做得幾靚， 自己一路都冇用開， 不過作為一件玩具的話也有試試的價值喇。
點解冇咁多時間試這些東西？ 因為個 simulation 唔知點解唔 work 喇， 一整日都在諗個 bug 出在那裏， 唔， 可能一口氣的集中個 program 會順利好多， 現況很多時都係沒有一個明確的焦點以致進度很差....
另外又係電腦的東西。 部機買了兩年左右， 係時候 update 下個 BIOS， 今朝走了去看看 Intel website 時睇番自己塊版， 中間唔知出左幾多個 BIOS update， 其中一個係控制機裏面的風扇的速度的 update， 哦！ 很順利的裝好之後個風扇由原本 constant 3700RPM， 去到現在最低 2200RPM 左右， 成間屋即時靜得有點嚇人。 咦... 原來我生活在這個嘈音之下這麼久的了？ 雖然現在風扇點都有聲， 不過真的好了不少呢。 點解自己會這麼遲先留意到... 真失策。 算， 遲到好過冇到。
還有， 之前兩日磨了的菜刀， 因為出街食飯未有機會試， 今日一試， 利得有點嚇人。 切雞肉時有點覺得在切豆腐咁， 好驚， 諗起之前食指上了一條紅線， 拎住這把菜刀也得打醒十二分精神... 不過真的很方便喇！