2007/6/30 (土曜日)
700 個 entries 喇
繼續食藥繼續休息。 沒有東西好報告。
呀， 唔係唔係， 呢個 blog entry 剛剛去到七百個喇。 咁又點？ 冇乜野。 平均一日一個 entry 的話差不多生存了兩年喇這個 blog， 就係咁之嘛。
2007/6/29 (金曜日)
逃學。 唔， 昨日剥牙比起之前痛嘛。 而且可能精神狀態唔好， 食完之後個人唔太舒服。 結果整日休息。
中途去了買 mouse， 今次這隻大大隻， 幾好用。 不過都幾貴（三千円喇）， 啱手型的話貴少少都值得嘅。 不過諗起以前在香港用的， 好像二十元正？
2007/6/28 (木曜日)
智慧齒－－冇左第二隻喇
回學校， 繼續寫文。 還有不少東西要寫， 不過都係時間的問題， 點都好， 快些寫完佢先。 另一方面開始 resize 新 notebook 的 Windows partition， 個 harddisk 叫做夠大， 留番一半俾 Vista 吧？ 真係俾哂面架喇。 不過唔算太順利。 Resize 了 NTFS 後 boot 唔到機， 後來總算找到方法解決了。
另外今日要剥第二隻智慧齒。 上次剥左一隻到現在都回復了95%， 應該沒有大問題喇。 今次右上那隻智慧齒， 大致也沒大問題， 比起上次用多了少少時間吧？ 另外剥剥下隻牙崩左。 幾厲害， 點都好， 好肯定今次比上次痛。 不過到而家（十一點左右）都未需要食上痛藥， 唔太大問題掛？ 唔敢講。 下個星期又去， 不過唔係剥牙， 只不過係消毒和補牙等東東。
2007/6/27 (水曜日)
戦利品:
ながされて藍蘭島 恋してROCK`N´ROLL SHOWTIME 騒いじゃって ロック島
也算是平靜的一日。 近來最重要的都係快些寫份 Master thesis， 都唔少工作架。 畫圖都咪話唔煩， Latex 用落真係幾方便， 省卻了不少排版的麻煩， 可以幾專心（？）寫文。 當然自己絕對唔係一個專心的人喇。 很多時也會被不知名的東西拉走了。 結果今日下午也不算有很好的進度喇。
晚上和個朋友吹了好耐水， 關於搬屋的話題。 對於地點他幾堅持喇。 不過最近淡季所以也沒有甚麼好說的。 約略找了找， 現在也有少少是合適的喇。
ながされて藍蘭島的第二隻キャラクターソング， 還是最喜歡まち， 其它的歌也很不錯。 すず的好像有點退步（不過因為之前的都很好）， 最大進步應該係あやね吧？ 另外新加的梅梅、とんかつ、みこと， 各有特色。 とんかつ和之前的 sound track 有點類似喇。 整體依然是很滿意的一隻 CD。
2007/6/26 (火曜日)
朝早， 首先去了区役所處理国民健康保険的減免， 一年交四萬幾真係殺左我好過。 減免後一萬多些， 合理吧。
之後回 lab， 繼續 paper 等東西， 沒有太大問題。 有點空檔時就 boot 部 Vista 玩下。 不過真係冇乜好玩， Vista Business Edition 的話就連接龍都冇得玩。 最好玩的是試下一口氣開幾十個 Explorer Windows， 睇下佢點死。 結果整個 screen refresh 也有問題， Aero 死左喺度（佢話要轉去 basic mode 抖下先喎） ， 但又唔斷氣喎， 呢下真係要讚下佢。 很辛苦才找到辦法 kill 左個 explorer running process， 但之後 desktop 乜都冇， 當然地要強制從新 login。 沒有藍畫面真的有點遺憾。 同樣的實驗即時在過時過得很誇張的 Celeron 上面試。 當然不是一個 fair test， 但點都好， 一樣開幾十個 windows 在 Gnome 上面， 反應和預期中一樣慢， 之後一次過 close 那些 windows，過了一陣（十秒多些？）一切回復正常， Beryl 也沒有死。 不想再 comment 喇。
下午 Madu 突然很好學的問我 Windows 的歴史， 到於自己能對答如流， 真的有點羞愧， 竟然咁清楚這個 Windows...
2007/6/25 (月曜日)
充份的休息， 努力努力。
又講講憤青先得， 真係一個講唔完的話題。 這兩日聽講他經過十個月的 research 之後突然決定轉 topic， 由原本的 security 轉去 OFDM, 基本上三唔識七的兩個 topic， 自己的頭上突然出現的三個感歎號， 問佢原因喇， “自己一個做 security analysis 做唔掂”， 呀， 真係， 呢個能力問題一早都知， 但一個最基本的問題－－ 自己有冇興趣 －－ 完全不在考慮之列。 唔， 話哂都算係先輩， 即管給他少少意見， 剩下的睇佢做化了。
下午繼續 research 時， 突然新的 notebook 送到了。 好奇之下拎黎玩下。 玩玩， 全新的 Vista 加上 Core2Duo 加上 1G RAM， 唔， 感覺？ video:
Bloated
Cancel or allow
明冇？ 週末還是找些時間裝番 Linux 上去先。 真係唔得閒同佢慢慢玩。
2007/6/24 (日曜日)
也是大昏迷。 那些抗生素， 加上落雨， 整個人傻下傻下的（其實唔知關唔關抗生素事...）。 走上屋企的後門（屋企的後門在上層山坡那邊）買野飲， 結果個門閂左， 呀， 要走落山坡再上番正門， 黑仔。
2007/6/22 (金曜日)
朝早起身， 唔， 牙係有少少痛吧？ 不過也完全不用休息， 於是照樣番學。
繼續一些 tuning， 死喇， 都在這裏用了不少時間添。 個 simulation 還是做得不太好， 唔知點算。 雖然總會有辦法解決， 例如用一個禮拜實行 deadline effect， 又名修羅場モード， 不過那種感覺真係唔好受， 可免則免喇。
不過講開 deadline effect， lab 裏面有個幾好的朋友最近也身在其中吧？ 最慘係 program 要用的時間太長， 很多時也不能做到最完善， 有問題又要從新黎過， 很高難度似的。 結果今日沒有太多東西做， 便陪了他在 lab 吹吹水， 看看 program 等。 提及他父親的公司， 好像延有趣的， 最有趣的， 是他父親和他一個餅印？
Tags : diary
