2007/7/31 (火曜日)
很久沒有在沒有壓力的情況下起身了。 還有少少手尾要執， 不過也不是太大問題， 總之可以順利畢業吧？
雖然自己是過了骨， 不過同時也有一些人壯烈犠牲， 兩三個星期後在黎過。 老實講俾着我真係唔知可以做到些甚麼。 原本沒有問題的人跟本不用犠牲， 換句說話說今次犠牲的， 能力上至少也算不上高， 自己可以做的又有限公司， 唯有祝佢地好運喇。
2007/7/30 (月曜日)
決戰： Alex vs Professor x 6
小睡個多小時， 六點幾眼光光， 着起套戰衣， 出發去每日也會到的校舍， 迎接這一個 master's thesis defense。
先做少少準備工作， 之後到戰場。 結果呢， 今朝才做起的 presentation 都沒有太多時間練習。 今日的 run down， 朝早五個 master's thesis defense， 下午主要是再発表和中間報告。 而朝早五個 defenses 裏面自己排頭位， 唔， 一方面慶幸早完早着， 另一方面自己第一個上刑場咁。 唔理咁多喇， 行頭就行頭， 反正不會敗家（開始語無倫次）。 大約廿五分鐘的過程， 主要也只是 professor Y 和 professor O 發問， 另外四個也好像未訓醒（？）， 而最可怕的第七個 Professor 始終也是笹瀬先生， 不過由於是自己的 supervisor 關係基本上不會發問， 甚至有機會幫拖。 Anyway 沒有甚麼出錯， 雖然答問題的表現不算非常之好... 總之， 過了廿五分鐘， 問， 答， 問， 答， 問， 問， 答， 嘩！ 完成了！
之後那些壓力就像被刺穿的氣球一樣， 一陣就冇哂了！ 哈哈， 剩下四個人的 defense， 自己可以做旁觀者了！ 自己 lab 的四個人也沒有大問題， 但另一個 lab 的女仔， 真係慘， 佢完全唔知道 deadline 和 requirement 咁， 甚至今日的 rundown 也是我講俾佢聽佢先知道， 真係好想知佢個 supervisor 究竟在做甚麼， 或是他們之間的 communication 出了甚麼問題。 結果慘不忍睹....
很快笹瀬先生就講了暫定的 result 了， 自己 lab 四個人也暫定 A grade， 不過正想開心時， 笹瀬先生給了自己一個條件： 投稿去論文誌。 呀呀， 仲諗住可以側側膊添。 不過反正份修士論文都完成了， 也沒有太多工夫要做喇。 不過今日點都搵周公慶祝下先， 剩下的工作下回分解。
講完自己， 今日也是不少人的生死關頭。 其中一個 M2 再発表， 過關， 恭喜恭喜。 另外憤青（近來都冇乜野喇， 不過叫開改唔到口）就慘， 得到的評價就是“冇做過 research”， 要在這三個禮拜之內再 present 進度喎。 俾着我的話我諗我會想死。 一個幾絕望的狀態， 唔， 幫得到的話都會幫， 不過真係幾高難度。
好， 休息。 おやすみなさい
2007/7/29 (日曜日)
距離決戰， 剩下一千零一日。 和昨日一樣， 下午處於半昏迷狀態。 不過真的訓得太多了， 傍晚有點頭痛， 出去散散步， 走去平時唔多去的横浜駅東口， 逛逛書店， 無無聊聊的（註：份 presentation 還未完成）， 食飯也沒有甚麼胃口， 呀， 終於也輪到我感到壓力喇。 真係估唔到。 因為份論文的 comment 有些都幾 harsh 的關係， 明日唔可以100% 安心。 唔， 也擔心不了這麼多了。 何とかなるからさ。
夜晚寫 presentation， 寫得七七八八， 也差不多四點喇。 雖然應該都訓唔着， 即管上床訓覺。 結果， 咦？ 有訓得着喎。
2007/7/28 (土曜日)
距離決戰還有兩日。 剩下的兩件工作， 其一答哂那些 comments， 其二處理好份 presentation, 今日先完成其一。
話雖如此， 工作也是留到晚出才做。 下午真的沒有那個動力。 所以下午基本上也是維持在昏迷狀態....
夜晚， 努力工作。
2007/7/27 (金曜日)
一早回到學校， 聽了一陣 B4 的論講， 之後 break 時諗諗下都係番去做好自己的論文好過。 雖然唔太對得住 B4 的後輩， 不過生死關頭， 唔好意思喇。
食完飯收到中川先生關於論文的 comment， 好玄， 話篇論文短（雖然的確係）， 完全冇在內容方面有任何着墨， 真係唔知點答佢好。 不過這個論文其實就係考試喇。 考試時就算被問到些奇怪問題點都要嘔些東西出來喇。 唔。 真係唔知點應佢好。
點都好， 答左另外兩位 Professor 的問題先算。
2007/7/26 (木曜日)
前日交了論文， 今日番學校就懶懶閒， 準備一下之後 defense 的問題。 下午， 始終這段時間也不應該得閒吧？ 這時笹瀬先生就把另外兩位教授（大槻先生、山中先生）對於論文的問題拎了過來， 當然就要即時處理。 唔。
而另外也幫一下朋友看看論文， 他的英文老實講真係唔太好， 不過一路看一路看， 突然發覺很順暢， 一問之下果然不出所料， 當中不少也是抄書.... おいおいおい。
Defense 前幾日， 還要繼續努力。 雖然笹瀬先生一路都說沒有大問題， 不過始終都有點壓力.... 幾日就撑落去啦！
2007/7/25 (水曜日)
戦利品
ながされて藍蘭島 その壱 初回限定版
真係晨咁早， 六點要起身， 食點點東西就出去， 結果早了少少到， 也好， 早早陪朋友到醫院， 驗血驗尿驗呼吸， 很快就完成， 之後見醫生（題外話， 這個醫生我完全唔覺得似醫生）， 看看報告， 驗 13CO2的含量， 正常的話應該在2.5以下， 驗出的結果在 50 左右， 嘩。 那隻ピロリ菌（唔知中文係乜， 總之會引致胃潰瘍）好似好勁。 結果要加藥， 過三個禮拜又要再驗...
點都好， 食點東要後番學校， 笹瀬先生沒有回校， 不過論文也交了， 加上太眼訓， 結果整日就懶懶閒的渡過了。
泥足的第一步， 買了藍蘭島的 DVD， アニメ的 DVD 其實一向都貴到飛起， 今次係第一次買... 唔， 完全不能自拔... まあ、いいじゃん
2007/7/24 (火曜日)
朝早再做埋些手尾， 下午 meeting 過後玩勞作。 剪剪貼貼， 這種工作真的很久沒有做過了。 做得七七八八之後趕住去牙醫， 留了些手尾要 Madu 幫自己做， 真係唔好意思。
今次也終於可以補牙了， 因為杜牙根的關係先注入一些不明物體， 之後特一段時間， 確認沒有問題的話就可以封好吧？ 下個禮拜仲要再去....
明日又要去醫院， 不過係陪朋友去， 晨咁早要起身。 早些訓覺（加上前兩日都接近通頂）
2007/7/23 (月曜日)
回校， 朝早突然話有 meeting， 完全冇心理準備， 就這樣冇左個朝頭早。
下午不斷寫文加料， 直到夜晚也是， 發揮 deadline effect， 寫寫寫， 夜晚小休， 之後晨咁早起身再寫寫寫。 唔， 差不多吧？
2007/7/21 (土曜日)
很久沒有打的羽毛球。 今日打完之後體育館放暑假。 如果唔換場地的話就要一個月之後先有得打。 不過點都好， 因為耐冇打的關係特別覺得不錯。 之後照常去東大食東西吹水， 唔， 要計劃一下暑假的安排吧？
之後到渋谷會合一個差不多三個月沒有見的朋友， 吹吹水談談近況， 這三個月裏面發生不少事， 東奔西跑， 各有各忙， 過多少少時間相信大家也可以有一個小休吧？ 遲些找些時間再慢慢詳談。
2007/7/19 (木曜日)
又醫院二連發。 首先陪同學仔去睇上次照胃的結果。 胃就沒有大問題， 繼續食藥就得。 但突然間又發現個肝功能麻麻地。 唔， 小心駛得萬年船。 希望沒有大問題吧。 不過下個禮拜又要陪他去。 唔， 做好人做得太過份吧？ 現在始終都係生死存亡的關頭（雖然大部份東西也做好）。
另外是自己去睇牙醫。 昨日飛脱的（？）藥（？）， 始終唔太放心， 回家時順路去了診所看看。 結果再被塞那些藥（？）， 總算得個安心。
等了很久的電話也終於出了， 不過一開始價格還是高企， 看看情形先。 現在的電話的電池越來越差。 不過都仲捱得（掛？）
2007/7/18 (水曜日)
戦利品:
名探偵コナン 57
魔法先生ネギま! 19
スクールランブル 17
下午笹瀬先生和兩個 lab mates 出發去北海道。 這三日都唔會番。 換句話說， 研究室在這個禮拜也會進入放假狀態喇。 不過自己仲要在論文上修修補補， 應該都要唔少時間。
夜晚， 一口氣買了三本漫畫。一路看一路食零食， 食食下口裏面有些白色的東西走了出來， 即場傻左。 又唔係咬石頭， 冇咁誇張吧？ 睇清楚， 係昨日整牙時的“臨時修補”的東東， 唔知叫乜， 有點石膏狀（但又有點藥味， 邊個知道係乜的話唔該單聲）， 總之冇乜大問題吧？ 明日看情形再算。
最近附近的 7-11 封書， 冇得立ち読み（中文好似叫打書釘？）， 反而回復番買單行本時的一種期待感和樂趣。 尤其係コナン， 今期差不多整期也是 FBI+コナン vs 組織， 有兩點設定的確幾出人意表， 不錯。 自己幾期待怪盗キッド vs 組織， 不過設定上可能幾困難呢？ 唔....
2007/7/17 (火曜日)
戦利品:
少年ガンガン ８月号
早點點起身， 寫審少少 presentation 的東西， 結果因為笹瀬先生有其它野做所以唔駛 present 都得。 仲好， 反正準備得麻麻。 夜晚又去杜牙根， 今次醫生就話牙根都杜得七七八八。 下次就可以補喇喎。 唔， 跟住仲有右邊， 睇黎還有排見這個醫生。
藍蘭島， 依然非常過癮。 すず和あやね的口角， 最後通常也是あやね的自滅。 而通常事端也是まち。 期待下個月的單行本。
2007/7/14 (土曜日)
同窓会
台風逼近， 不過個風好像還在鹿児島那邊。 横浜這裏， 比起前幾日大雨吧？ 一向都唔太鍾意落雨。 雖然天氣會比較涼少少， 唔... 所以還是喜歡冬天多些。
講番正題， 夜晚同窓会， 有些不認識的面孔， 也有些冇見一段時間的同學。 很多人， 多人到唔夠野食， 撞鬼。 聽番先知預了六十個人的食物， 但來了好像八十人以上。 結果同窓会之後依然好肚餓。唔， 沒有辦法， anyway 太多人但地方太小， 感覺麻麻。 去到中途主持叫些新四年生介紹自己， 幾個人輪流拎住個咪， 但冇人聽。 真係唔係好明。
2007/7/13 (金曜日)
順利的黑色星期五。 論文， 給了笹瀬先生看。 依然地有不少細眉細眼的問題， 不過用 programming 的說法就是 "2 error(s), 24 warning(s)"， 真正是問題的東西唔太多， 執好些細部份就沒有問題吧？ 之後準備 presentation， 希望可以順順利利畢業吧。
2007/7/12 (木曜日)
和昨日一樣早起身陪個朋友去睇醫生。 今次去到車站時， 架架的士都俾人 call 左， 等左一段時間都等唔到車。 有點急起上來， 就在那時有個中年女士走了過來問我們去邊， 奇怪， 完全唔識的人， 不過也話俾佢聽我地想去醫院， 然後那個女士就話“我屋企都在那裏附近， 我架車就泊在那裏， 不如車埋你地？”， 下？？？ 唔， 唔， 唔， 這種事絕對不會在香港發生， 在大陸或者都有可能（車你去賣豬仔）， 在日本我真的是第一次遇見， 有點猶疑， 不過想盡快和個朋友去醫院， 於是恭敬不如從命， 很快就到了醫院。 而朋友照胃鏡之後發現是十二指腸潰瘍， 食藥就應該沒有問題那種 （話時話， 第一次見那種機器）
講番今次的奇事， 就係非常的感激。 三唔識七而且兩個外國人的組合（至少朋友不折不扣是一個東南亞樣）， 也得到這位女士的主動幫助， 真的很難得。 在這裏的經驗， 遇到甚麼問題時主動問人的話多數都會得到很禮貌的對待， 不過今次純粹被動， 點講都覺得好難得。 以前有人話在東京這種城市地方人際關係很冷淡， 本來一直都同意， 直到今日找到一個驚喜的例外（嚴格地說那裏是横浜而不是東京）， 很想再講多聲多謝。
好， 講番自己。 論文雖然遲了， 但也都到尾聲了。 要寫的東西也寫好， 不過還未給笹瀬先生 check 的話距離完成都有一段距離。 好， 努力。 呀， 還有夜晚又去整牙， 結論係上次杜牙根那裏還未完成， 痛左一大輪之後， 下個禮拜再去過...... 呀， 開始有點唔耐煩。
2007/7/11 (水曜日)
晨咁早陪個同學去醫院，大部份時間也是在等。 終於等到見醫生， 係咁易問左幾條問題就叫聽日在黎過， 排時間照胃鏡喎， 乜唔係尋日安排左架？ 真係唔太明白。 結果只係驗血之後就俾錢走人。 埋單成三千幾円， 真係唔明。 明日仲要繼續... 奇怪。
是但， 不過由於過早起身的關係， 真的想找個地方午睡， 沒有辦法之下只得在自己位那裏係咁易同周公交待一下， 又要開工。
夜晚， 真的頂唔順， 小睡了一會。 又起身， 唔， 這樣的話過多幾日就會死的了。
2007/7/10 (火曜日)
朝早的 meeting， 不算太長， 早早收工。 好好。
有個留學生最近叫胃痛， 聽落就係胃酸過多吧？ 點都好， 由於他不諳日本語， 於是請纓陪他去醫生， 今日沒有甚麼結論， 轉介了去間醫院， 明日再陪他去。
近來日本也開始悶熱， 雖然應該遠遠不及香港， 不過行多幾步的話都很有機會大汗搭細汗， 可以的話真的想在學校找個地方沖涼。 不過同時就發現有些同學， 連續兩日都着同一件衫， 哦？ 或者佢地有一個很強力的乾衣機吧？ 因為下雨的關係， 我的衫掛左成日都未乾， 有機會真想問下佢地用甚麼乾衣機....
2007/7/9 (月曜日)
繼續寫文。 本來打算上個星期完成， 不過都係趕唔切。
新 notebook 的 64-bit system setup 大約完成七成吧？ 聽聞最大問題的 Flash 好像都冇問題， mplayer 就未 set 唔知， Openoffice 亦未知。 真的幾有趣。 好有衝動將而家部機 migrate， 不過很大工程， 起碼都在過左 thesis 之後先算。
2007/7/8 (日曜日)
處理好些雜務， 上下網， 整下個吸塵機， 發現裏面的塵（其實還包括了不少頭髮， 橡筋等） kick 住左吸塵那個部份。 唔怪得總覺得個吸塵機唔夠力啦。
之後去剪頭髮， 夏天嘛， 一於剪短些。 題外話， 那隻薄荷味的洗頭水， 用落又幾爽喎。 偶然用下也不錯。
之後行下電腦舖， 發現 harddisk 特價， 想買個番去做 backup 好耐的了。 即時買了。 暫時新 harddisk 做 backup， 遲些把 system migrate 過去。 不過就諗， 不如裝 64-bit 上去玩下？ 唔， 點好呢。 用學校部機做下實驗先算。
2007/7/6 (金曜日)
都係寫 thesis， 不過同時開始裝 Gentoo 於新的 notebook。 始終望住部機， 裝了個完全沒有用的 Vista， 覺得非常浪費， 決定為這部機起死回新（註：完全一部新機， 時價約十八萬円， 或萬多港元）。 計埋今次應該係第五部 Gentoo 了， 其它的 distribution， 又或者 BSD 都試過下， 不過始終都係最習慣 Gentoo 的模式。 或者係自己懶得轉吧？ 今次決定試下 64-bit version， 兩年前裝部 desktop 時都猶疑過， 不過到今時今日應該好了不少吧？ 試下先算， 大不了再重新裝過。
牙， 依然的痛。 蛀牙比起剥智慧齒痛這麼多， 真的是預料之外。 都怪自己平日求其。 哈， 咁大個人先黎認真諗蛀牙的問題， 其實都有點醜吧？
2007/7/5 (木曜日)
回校， 寫 thesis， 還要寫多幾頁， 但這幾頁就永遠都沒完沒了， 越寫就越多資料要找， 唔。 努力努力。
又去牙醫， 諗住今日好小事啦。 點知牙醫睇下睇下， 覺得隻牙蛀得比想像中嚴重， 結果要杜牙根（應該冇記錯中文吧？ 總之係因為蛀得深， 所以要先把牙裏面的神經整走再補牙）， 今日先把神經除去， 觀察一下是否徹底清理好細菌才正式補。 沒完沒了， 下個禮拜又要去見牙醫。 今日已經是第四個星期了。 還有第五， 第六個星期黎緊。
沒有辦法， 要怪就怪自己沒有太注重對牙的健康。 這幾個星期就徹底反轉這個習慣吧！
2007/7/4 (水曜日)
最近通常都係最早回到研究室的一個呢。 雖然也不見得好効率， 但總比遲起身好少少吧。 諗住今個星期完成份修士論文（的第一稿）， 目標係過四十五頁， 雖然唔係差好多， 不過都只係得個寫字， 都未詳細 check 過裏面的內容。
另外， 朝早當和 Madu 傾了些 Latex 的問題時， 有些東西唔知點整好， 剛巧笹瀬先生走了入來， 就順道問一問他， 點知佢就好開心咁講 Latex 是他以前做 research 時第一個開始用， 跟手找了當年的一些 handout 和書等等， 好像很開心似的。 之後仲少有的找了我們吃午飯。 食完飯繼續講很多當年點樣用打字機寫論文和手畫 graph 的各種技巧道具等。 唔， 今日笹瀬先生真的心情特別好似的。 結果過了很久才解放... 唔， 偶然這樣還好喇。 不過有點點趕時間寫論文， 像今日突然冇左兩個鐘， 真係唔太掂。 還好還未到 deadline effect 的狂奔期， 兩個鐘也不算太大件事喇。 這個故事教訓各位， 有問題， 自己找答案好喇。
2007/7/2 (月曜日)
笹瀬先生出了國一個星期， 今日回來， 自己今日比他早了少少到學校， 他一回到就只係見到自己。 Yeah! 扮勤力成功！
處理埋份 Master Thesis 的 Title， 繼續寫 thesis， 就在這種時候總有些麻煩。 今次來自那個巴斯光年， 本來這個人之我唔妥佢唔會直接理我， 不過那班日本的學生都理佢唔掂， 竟然搵我幫手， 哎呀呀， 尤其在這種時候先黎找麻煩， 仲要係想 dual boot Vista/XP， 這種問題鬼知道咩。 剷走個 Vista 的話就算係巴斯光年我都義不容辭嘅。 沒有太好的辦法之下只好叫佢整 recovery disc 之後慢慢試。 廿五萬円呀， 我真係唔同你搏命（雖然自己那部都差點 boot 唔到機）。
不過過程中我一路的說好慢呀好慢呀， 突然一句“剷走個 Vista 裝 Linux 啦”， 有趣的是這句說話竟然不是出至我的口， 是一個B4 的後輩， 嘩嘩！ 好感動！ 之前剛剛畢業的Iさん之外還以為笹瀬研沒有 Linux/Unix 人， 後繼有人喇！ 笹瀬研有希望喇。 這位後輩Mさん， 本來認識不太深， 之前最有印象就係被灌醉打人事件， 之後即日 send 了個 mail 向所以有致歉， 印象不太差的一個人。 知道佢係 Linux 人之後印象分直升 50%。 哈哈。
另外 Madu 也受自己影響下開始用 Latex 寫文， 好像前幾日做了些預備功夫的了， 一日之內發現 Latex 的好處。 唔， 自己也是後知後覺， 能夠有 positive 的影響也是一件好事喇。 八卦的印人就了過來， 見到即刻嚇了一驚， 哈， 也可以想像到， 這個人用 Office，尤其 Powerpoint 用得都好熟， 要佢反撲歸真不會是一件易事喇。
2007/7/1 (日曜日)
四周年喇
戦利品:
少年ガンガンパワード 8
涼宮ハルヒの憂鬱 4
人人都覺回歸十周年， 通常周年都係一些值得慶祝的事， 既然回歸沒有東西好慶祝， 那就唔想多些。
四周年， 乜野事？ 諗番四年前， 即2003年的7月1日， 五十萬人上街， 再接連2004年再一次五十萬， 結果弄得那個阿伯腳痛走人。 到今時今日都會為自己當年也置身其中感到驕傲。
有一些日本的朋友也關心近期香港的種種東西， 特別意譯了“福佳如終有你”做日文， 雖然真的好難譯， 不過咁精彩的東西總要與人分享一下。
另外有點時間， 看看香港電台的舊節目。 唔， 真的幾得閒咁喎。