2007/8/31 (金曜日)
下午， 沒有甚麼特別的在研究室看書。 不過因為約了朋友的關係早了點點走。
雖然話係朋友， 不過其實係第一次見面。 一男一女， 在渋谷會合之後， 先到一間 Cafe 吹吹水， 講東講西。 話時話， 這個嬲字組合， 其實係兩個香港人加一個日本人喇。
之後去了一個自己發夢也不怎樣會想到的地方－－廣東話班， 不過正確些說是一些興趣小組多些。 叫做有一個香港人， 跟住一班人柴娃娃的講下飛機電鐵點心等。 不過都幾有趣。
一個半小時過得很快， 和那個教興趣班的香港人吹吹水， 原來他是多年前的文部省奨学生， 某個程度也會自己有些共通點， 他提到他之後可能沒有時間教廣東話， 問我有冇興趣頂上。 基本上是半義務性質， 不過看來幾有趣，可以諗下。
之後幾個人去有楽町食廣東菜， 很久沒有食過， 加上這裏的廚師老板都係香港人， 可以食到香港的味道 :) 很不錯， 個老板有過癮。 野食雖然唔係平， 不過好食就得喇。
一口氣認識了唔少朋友， 算是不錯的一日喇。
2007/8/30 (木曜日)
見工
冇番學， 因為下晝有份 part time 見。 整理好個人， 下午出發。
早了少少去到目的地， 在附近搵飯食， 發現這裏冇乜好食（青山一丁目）， 但無意中見到 SCEI 的總舵。 冇乜關係喇。 不過冇選擇都要食野， 去了一間地底舖食拉麵， 質素普通， 但好貴... 早之去吉野家算。
之後去到公司， 填好份 form， 個 staff 同自己傾傾計， 照佢講的話我的日本語應該可以勝任， 不過禮貌上還有些要注意的地方。 唔唔。 即場學到些東西喇。
本來今日只係 register， 未有實際工作。 不過晚上就收到佢電話， 有人臨時甩底， 所以下個星期可以補上。 好野， 突然有些收入。 呢期的積蓄有點見底的跡象， 可以說是及時雨。
一不離二， 小學校那邊的 part-time 終於都有聲氣了。 今年會教四年班和五年班， 突然跳升三個 level， 唔知好唔好教。 盡力啦。 半個月後開始。 呼。 庫房總算充實番少少。
2007/8/29 (水曜日)
天氣陰陰沉沉的， 老實講唔太鍾意這種天氣。 不過冇咁熱也就算了。 近來熱到鬼咁， 落下雨其實都好。
回 lab， 也是繼續 study， 雖然齋看書其實都真係幾悶架。 其它時間不斷的吹水和 email， 而當中印巴（印尼同學同巴基斯坦同學）合演一套鬧劇。 話說部常用 printer 今日有件 parts 要換(感光ユニット)， 朝早憤青都問過， 不過冇 parts 換都冇辦法。 而到下午， 印巴又對部 printer 上下其手， 自己睇書， 初時都冇理佢地咁多， 之後佢地越玩越興起， 搵埋另一個同學在隔離房找了個 toner 同感光ユニット， 到這一刻都冇理太多， 跟住見佢地幾分鐘都搞唔掂， 走過去看看， 巴斯光年係咁拎住個黑色 toner 想放入去， 部 printer 唔郁根本唔關個 toner 事， 而印尼人就之前一路的搖個 toner， 搖到 d 炭粉跌哂出黎。 唉， 真係高智能。 而關事那個感光ユニット， 望黎望去都唔同形狀， 一望之下， 喂！ 唔同 model 架， 冇病嘛！ 這種人真的麻煩得想死。 呢 d 咪叫做野打爛野囉。 唉。
尋日 Peter 仔 send 了個係咁轉的公仔過黎睇， 很有趣。 看看內文就會知道個公仔可以被睇成順時針或逆時針轉， 自己最初看由順時針， 之後逆時針， 後來又變黎變去， 好有趣。 這天花了不少時間找箇中的迷團。 出動埋 graphic editor 逐格睇， 睇睇睇， 終於都找到喇。 可以先看看以下兩個 frame (Frame 23, Frame 30)， 花些時間看， 問下自己邊隻係左腳邊隻係右腳。 之後唔明我想講乜的話就看看 Frame 30 的兩張圖(Frame 30 A, Frame 30 B)， 就知我講乜（畫功比較差， 唔好介意）。 很有趣的東西， 謝謝 Peter 仔分享。
2007/8/28 (火曜日)
戦利品:
少年ガンガンパワード No 8
ネギパ！ 2
終於起到身喇。 不過昨日看書（正確地說是看 notebook）看到很夜， 所以精神狀態得差。 不過眼訓就幾時都係架喇， 前幾日未免訓得太多了。
去到學校， 交了所有牙醫收據去国際センター同総合センター， 原來都幾厚， 係咁一張張貼去其它紙上， 估不到。 不過這些剪剪貼貼可以 claim 番之前上繳牙醫的費用， 死人都貼。 話時話交之前影印， jam 紙， 咁當然要打開部機清理啦， 這些濕碎事年中做唔少（至少由以前科大年代到香港打公仔年代）， 手辦眼見， 但憤青走過來話 "be aware cut your finger"喎。 唔， 雖然佢都係出至一片好心， 不過未免太小看我喇。 anyway 還是謝謝關心了。
夜晚幫一個想買訂婚介指的朋友在横浜駅附近看看， 其中"Join Us(商場)"全面休息， 到了"The Diamond"看， 平時在這裏九成都係食野， 印象中都有一兩間首飾舖喇。 今次有目的地看， 發現原來有成至少五六間（！）， 嚇親。 問問少少資料， 先知道訂婚介指貴過結婚介指咁鬼多的， 唔， 真係缺乏常識添。 無端端上左一堂。
今日的パワード， 附送まち的 poster， 感動。 另外でんでん大根的番外篇， 又係笑到想死... 意外地式神原來也有善長料理的（而且係用自己的身體.........）。
2007/8/27 (月曜日)
番學校， 嘩。 鬼咁嘈。 外面係咁鑽牆， 冇 100dB 都有 90， 而在這種聲浪之下， 我竟然在帶住 headphone 的情況下聽到斜對面的印尼同學的 earphone 漏聲。 唔係呀嘛？ 咁搞法我都幾擔心佢對耳， 當然， 同時地也覺得佢幾擾人。 而這位仁兄最擾人的， 除了他的 earphone 以外， 就是他任何事也插咀的性格。 四個字： 關你鬼事！ 難得咁討厭....
下午和一個同學食飯， 這位同學也畢業了。 之後睇怕都冇太多機會見到佢了。 唔。 就趁這個時間見多幾面吧？
沒有太多 output 的一日。
2007/8/25 (土曜日)
總之就係熱， 沒有辦法， 繼續留在家中打機。 最近又玩番隻一年前的 game -- るろうに剣心， 京都篇始終也是最喜歡的部份， 雖然隻 game 整體有不少不滿的地方， 不過係咁斬時都幾開心。
連續幾日困在家中開冷氣， 真係不健康得要命...
2007/8/24 (金曜日)
和昨日一樣訓到鬼咁夜先起身， 於是又偷懶。 實驗證明除了在 deadline effect 的情況之下， 否則在家裏的 output 幾乎是零...
有兩段片， 笑到差不多想死。 一個係"Zunephone"， 另一個"animator vs animation"， 覺得很好， 介紹俾大家。
2007/8/23 (木曜日)
起身已經差唔多十二點喇。 乘機蛇王... 哈。 這種生活未免太過份喇。
六點幾去睇牙醫， 沒有太多特別處理， 調整一下牙冠的部份， 清理牙石和洗洗牙， 完成。 可以暫時和牙醫講 bye bye 喇。 話時話， 去睇牙已經差不多係三個月前的事了... お疲れさまでした
2007/8/22 (水曜日)
戦利品:
藤代健イラスト集 藍蘭島絵巻
ながされて藍蘭島 11
少年ガンガン ９月号
ながされて藍蘭島 キャラクターイメージアルバム 聴いちゃって 島の音 其の弐
堀江由衣 恋する天気図
ながされて藍蘭島 ＤＶＤ 其の弐
魔法先生ネギま！ １
晨咁早回到學校， 一如所料， 冇人。 不過天氣咁鬼熱， 其實我都唔太想番學校， 理論上在屋企也可以做的工作（理論上。 實際上効率差了 10dB）。 跟住陸陸續續都有小貓三四隻， 自己總之繼續看書， 新的 research topic， 依然探索中...
今日的戦利品真的幾狀觀。 價錢也很狀觀， 重量也很狀觀... 不過今次限定自己要做完某些工作才買， 亦即是說這是對自己的一種推動力喇。 總之很開心。 首先是藍蘭島絵巻， 很多畫之前也看過， 不過重新編集而成的一集， 加上不少沒有看過的畫， 有絶對的收藏價值。 之後漫畫第十一期， 很好， まち連續兩期上封面（雖然不及主主角すず的每一期）， 除了まち和すず， 還有やしろ（基本上等於兩個まち??）， 還有封底的天龍鬼村正, 好像是為自己而設的一期！ 滿足度200%！ 跟住少年ガンガン， 哈， 也是藍蘭島， 很少可出現的奸角（？）， かみかみ団（！）， 成員 = 2， 基本上係お笑い系，也可以說是二打六， 不過在藍蘭島出現的奸角就真的很少可... 最後的からあげ也很有型（？）喇。
接着是堀江由衣的 single， 也是絶品， 總覺得做得声優的， 歌唱的能力通常不比流行歌手差（正確些說， 很多都唱得好過那些歌手， 當然 case by case）。 另外那首えいえんの丘暫時聽左幾次咁大把。 之後イメージアルバム也未開始聽。 明日再算。 一日消化唔到這麼多東西。
呀， 太開心的一日， 完全進入了自己的世界添。
2007/8/21 (火曜日)
笹瀬先生出了國， 加上四個學生齊齊出去， 去到 lab 比起平時更加少人。 唔知點解今日又冇人鑽牆， 可以好好的看書， 不過最大問題係... 本書留了在家中。 沒有辦法之下看第二本書， 但好眼訓...
下午食飯， 朋友吹了個大話， 見好似幾好玩的話就配合這個大話， 誰知另一個朋友信以為真， 而且好認真， 唔， 有少少玩大左添。 後來好在都叫解番畫。 唔， 有點唔好意思。 Anyway 應該都冇事掛？ 跟住在幫手申請 Internet 等東西。 好好
看書看書， 很眼訓添。
2007/8/20 (月曜日)
平凡的一日。 回學校， 看書， 處理好 Ph.D 的申請表， 繼續看書。 回家前， 去了書局行行， 也是看書。 今日很書， 書書， 申請書， 夜晚也是書。 唔？ 傻了？
題外話， 今日交申請書（又係書）時， 學事課那位 staff 好像未見過， 英文很不錯。 日文很不錯， 呀， 這個當然。 樣子很不錯， 呀， 這個純粹 bonus， 不太大關係。
大件事， 精神真的有點錯亂添。 可能天氣真係太熱了。
2007/8/19 (日曜日)
發傻， 上上網看看書行行街， 突然唔想煮飯， 在外面食了就算。 唔。 唔太知自己講乜， 亦唔太知今日做過甚麼特別東西。 X1400 的 driver 依然得個等字。 算了。 唔好對 ATi 有太大期望， 免得失望更大。
明日開始有單車場用喇。 終於可以正正當當的踩單車到車站附近了， 之前一係晨咁早起身用日租車位， 一係泊架單車去超級市場外面， 始終唔太好所以都係行路多...
2007/8/18 (土曜日)
大部份時間也是休息看書。 外面鬼咁熱都冇心機出去。 留在家替那部新 notebook 做些 setup 等東西（自己差點唔記得左呢部 notebook）。 ATi 的 driver 似乎短期之內都用唔到 AIGLX， XGL 又好像好耐冇 maintain， 睇黎暫時都係唔用 Beryl 好些。
2007/8/17 (金曜日)
沒有太多時間做自己野。 整天也是看其它人 presentation， 先是兩個 M1 的 International conference 的練習， 接着是憤青的再発表練習， 內容都勉強可以， 但就和笹瀬先生執佢 grammar 執左半個鐘。 唔。 未敢睇好。
點都好， 下午食完飯後等了一等就是憤青的再発表， 幫手準備一下雜務， 途中有另一個憤青（姑且叫佢憤青二）無端端走了入來， 聲都唔聲， 好似自己屋企一樣， 雖然他是憤青的朋友喇， 入房之前都講聲乜野事啦。
之後四個 Professors 裏面來了三個（話時話， 這四個 Professors 正好是 "Sony"）， 等了等， 唔理開波。 Presentation 比起練習時好少少吧（基本上係背稿）， 答問題時， 問佢食左飯未佢就答聽日可能會落雨， 完全捉唔住個問題的重心， 雖然最後Professor 也算是放過他了（見他起碼有做東西）， 不過那種表現我就一定肥佢。 而同場的憤青二， 唔知佢黎做乜， 你話支持朋友咩？ 我又唔覺喎， 整個 presentation 就在玩筆睇自己的東西， 仲要中途電話響玩破壞， 可能有心靠害？
自己方面交了份 thesis， 要做的東西也做完了。 之後走時， 剛巧和憤青二同一部 lift， 裏面大概六七人吧？ 那位憤青二吃東西的聲音... 真的礙耳。 真係... 之後在車站， 見到憤青和憤青二準備去打羽毛球， 看來他真的有解放的感覺喇， 即管看看他之後會點。 不過看着憤青一二的組合， 就算自己幾鍾意打羽毛球也不會 join， 坐火車時都專登企遠些。
2007/8/16 (木曜日)
放完“暑假”番番學校， 一早就見到明日要再発表的憤青和另一個同學， 八八卦卦的去看他的 presentation slide， 嘩， 內容自己就不太明的了， 始終和他做的東西不同， 但是那些英文真係可以用“屎”黎形容， 這個形容詞我諗我真係很少很少會用， 始終唔好聽， 不過那一刻我真的找不到可以代替的形容詞。 除了英文， 那些 fonts 一大一細， equation 排位又離哂譜， 真係要命... 除了幫他執執之外， 就只好為他祈禱（雖然唔知點祈.... そうだね、冥福でも祈ってあげようか）。 呀， 題外話， 憤青的電腦裝了一個特別礙眼的 Powerpoint -- 簡體中文（！！）， 大佬呀， 唔好在學校的電腦裝老翻啦唔該。
還有忙自己的東西， 手續上的東西， 還有笹瀬先生的吹水時間（！）， 一日， 其實真係沒有幾多時間...
夜晚， 去了牙醫那裏。 今日那齒冠終於完成了， 由於保險只包括最平那類， 那隻齒冠銀色的， 真的不好看。 不過在最入面那隻大牙， 都沒有人會看到的吧？ 左邊， 總算完成了， 下個禮拜到右邊。 唔知要幾耐...
差不多十二點時， 收到憤青的 mail， attach 了他的 powerpoint file， 根據 mail 所說“sorry for sending you e-mail so later. because it took me much time to figure out what kind of modification is the best.”（這段字本身已經想死）， 再看看內文， 十八張 slides 得幾張我覺得係沒有東西好改（title page, table of contents, future plan)， 幾乎沒有一句 complete sentence 係 complete sentence。 有點疑問， 佢之前係唔係考過 TOEFL 之類（應該有， 因為這裏入學時應該需要）， 有考過的話就更加有興趣知道發生甚麼事... 算了。 約略幫佢改完就算。
2007/8/15 (水曜日)
話咁快一個星期的暑假就完了。 哈哈， 不過比起工作中的香港朋友， 總算有假放嘛。
不過今日需要晨咁早起身。 因為要陪個朋友去醫院檢查， 最初他的胃痛， 安排照胃鏡， 發現十二指腸潰瘍， ピロリ菌量超標， 期間不斷的食藥， 現在胃也不痛了吧？ 應該冇事喇掛？ 早早去到 check， 之後見醫生， 唔唔， test 的 result 顯示那些ピロリ菌也清了， 沒有大問題， 終於唔駛再去那間醫院喇。 正常人都唔想去醫院架啦。
之後食完早餐， 沒有特別事做， 去了朋友的宿舍發傻， 其實好眼訓， 見到佢張床真的想直接訓覺。 傻了一陣出去食 lunch， 即時想死... 那個太陽完全係比平時近了 30%， 而且平時吹埋來會舒服的風， 今日吹埋黎只覺得熱， 攞命... 很辛苦的去到商場， 那間大戸屋竟然壞冷氣（！）， 沒有辦法， 去第二間食...
之後也是休息。 太眼訓了。
2007/8/14 (火曜日)
昨日終於也買了些東東來清理一下屋企。 不過書枱還是老樣子的亂， 看起上來 before after 都係差唔多樣。 不過最主要也是洗掉了洗手盆去水那個部位， 嘩。 污漕得可怕。 哈哈， 唔理佢都還好， 一掂佢好像有點惡臭？ 真是的... 自己一個人住很多時這些東西也懶理....
之後， 看書， 休息。
2007/8/13 (月曜日)
戦利品:
ながされて藍蘭島 ドラマCD 疲れ果てて 行人
ギャラクシーエンジェル
約了一個新認識的朋友午飯。 由於新認識的關係基本上係一個自我紹介式的吹水。 這個朋友可以算係我第二個認識的廚師朋友吧（另一個是中學時期認識的朋友）， 他是一個很迷香港的日本人喇（基本上是自己的相反）， 和自己差不多年紀， 在2005年時到了香港兩年（剛剛那時我來了日本）， 而且還有香港身份證喇（！）， 真係幾有趣。
之後行了一陣散隊， 自己就去買戦利品， 然後去了区役所申請番張證明文年， 之後還有點時間， 去埋 MM21 幫個朋友看看傢俬， 不過也是沒有甚麼特別收獲。
2007/8/12 (日曜日)
沒有甚麼東西做， 再陪昨日的搬屋團去新横浜的 IKEA 看傢俬， 自己就當然沒有甚麼東西買了， 不過即管叫做打發下時間和看看有冇甚麼驚喜的， 另外的一個二男一女， 各有點東西想買， 哈哈， 自己真的是最無無謂謂的那個喇。
成班人遲到。 真係... 不過昨日搬完屋也算數了。 出發， 先在新横浜駅附近食飯兩味。 過一過那間 Big camera， 太細間喇， 乜都冇。 算。
到達 IKEA， 很多人， 人人人人人。 果然唔可以睇小假期。 IKEA 的 showroom， 以前在香港時也會去看， 甚麼也不買， 坐坐企企也是一種樂趣。 而朋友買野， 幫手加鹽加醋也幾開心。 而且這個 combination 也百年不逢一潤， 很新鮮的感覺。 不過， 都係那句。 好多人呀！
結果剛搬屋的 R 君買了些雜物， Yさん就買了張 working chair， 那張 chair 點望都同自己屋企那張一樣咁濟， 的確不錯。
沒有找到送貨， 四個人合力搬張 chair 番去， 最大獲都係新横浜駅那段路喇。 其餘也不是甚麼問題...
食飽飽， 番去， 又一日。 聽日九成都係筋肉痛了。
2007/8/11 (土曜日)
幫人搬屋。 通常宿舍的居住期限也是兩年， 那些來了日本剛剛讀完 master 的人大概也是走的走搬的搬吧？ 今日幫的， 是一個馬來西亞來的朋友， 也是唯一一個能夠在矢上キャンパス和自己講廣東話的朋友。
新舊居距離不遠， 日吉二丁目到日吉三丁目， 平時行的話十分鐘左右吧？ 首先到他舊居， pack 得七七八八， 之後到不動産屋拎鎖匙和契約， 望住一個二個紙皮箱， 自己拎都得， 不過今日鬼咁熱， 不如 call 車吧？ 打左兩個電話， 不過都係太遲 call。 算， 搬就搬， 一行三個人， 一架手推車。 要諗的， 係點樣減少來回的次數， 因為實在太熱喇。 用點小智慧把手推車堆得有點超載的感覺， 哈， 朋友仔唔知點解大表驚訝， 不是甚麼大事喇。 後來才發覺， 這些小智慧他真的有點缺乏， 應該之後都會攞黎笑。 第一轉， 還好吧？ 偶然見到包租婆， 朋友仔和她打打招呼， 自己就在抖暑， 真係熱到飛起。
第二轉， 本來差點點點東西而拎唔哂， 不過就多了一個同學仔幫手， 結果第二轉總算搬完些東西。 想死。 之後幫朋友處理好一些入居的雜務後， 終於有飯食喇。 去了一間 family restaurant 食， 貪佢有 drink bar， 補充今日失去的水份嘛。 吹水吹水， 講左好耐先走人， 之後在看看 internet 等東西， 之後再算。
回到家， 死掉...
2007/8/10 (金曜日)
開始整理一下屋企。 不過都係開得個頭， 之後便和朋友出了渋谷， 唔， カラオケ， 很光猛的一間房。 冇乜所謂喇。 中途也是不斷的吹水， 偶然聽到首識唱的歌便拎起個咪唱咁解。 但中途突然被問起點樣證明圓周率大過三。 唔， 一開始諗到就係在圓形裏面畫個正方形， 跟住證邊長等等， 唔夠長再 extend， 唔， 方向正確不過冇心機慢慢證喇。
晚飯， 真係幾考人。 四個人裏面個有所好， 要找一個 HCF 真係唔容易。 最後千辛萬苦的決定了食燒肉， 以渋谷來說算係比較遠的地方。 不過偶然地得到一個好位置， 周圍冇人。 而且食物也算 OK， 運氣尚算不錯。 不過唱完歌走黎食燒肉， 真的有點那個。 anyway 食野也是其次， 主要也是吹水...
2007/8/9 (木曜日)
完全（？）冇顧慮訓， 不過竟然夢見研究室的人， 真係唔知意味着甚麼。 下午和個朋友吹吹水， 見佢話去買傢俬， 八八卦卦的一起去。 佢興緻勃勃的講買甚麼甚麼， 不過越聽越唔對路， 發現佢沒有度天花幾高， 向朋友買的床褥 size 又唔知， 真係乜都冇諗， 結論就係乜都唔買得。 不過對自己來說有機會去行行街， 行行新横浜駅， 也不錯。
夜晚又去牙醫， 不過只不過係拎個牙形， 下個禮拜應該真係補喇掛？
2007/8/8 (水曜日)
回學校， 處理雜務和 upload 份論文。 總算搞掂。 雖然仲未有 mail reply， 到時先算喇。
之後冇乜野做， 幫個朋友做修士論文的 data collection， 之後吹吹水， 再到 lab 做少少東西， 跟住圖書館， 放假前的準備也算做好哂。 打個電話給個朋友， 發現佢唔識裝部 tape printer， 我都唔識架。 沒有辦法， 上去看看， com port printer 都係第一次見。 咁懷舊的東西唔知點算， 後來 set 番 half-duplex 同 9600bps 先至 work， 有趣。 之後貼修論的 cover, capture video 等， 很少可做的東西。
明日， 可以超級大昏迷了。
2007/8/7 (火曜日)
笹瀬研夏合宿 Day 3
合宿的最後一日， 不過其實食完早餐就 bye bye 喇， 自己和 Madu 要趕住番學校拎 PhD 份 form， 食完早餐執少少野就閃。 兩條友坐架吉車一直踩到新宿， 再由新宿踩去大學。 拎完份 form 即刻走人（笹瀬先生已經在大學）。 PhD， 新的階段， 新的学籍番号， 還有新的房間（當然， share 用）。 慢慢先算。
之後去車站附近食 lunch， 很開心有人請食飯， 但在此時， 看一看銀包， 發現昨日㩒的一萬円唔見左（！）， 完全諗唔明， 應該唔會跌左， 唔， 唔， 可能放了在衫袋吧？ 唔會俾人偷吧？ 回到家， 也是找不着， 莫非真係有人偷？ 有人偷的話十居八九係同房的人。 唔通係佢？ 唔， 唔， 最後的一個可能性， 即管確認一下... 上網 check 個 account balance， 嘩！ 很神奇的， 那些錢原封不同的放了在戶口裏面！ 犯人原來就係自己的發傻！ 睇怕昨日㩒錢時， 拎了卡拎了收據但沒有拎錢！ 唔怪得好像覺得自己昨日沒有見過福澤諭吉啦。 真的幾配服自己的大意。 一生人裏面最型都應該係今次了。 Anyway 冇事就最好。
休息下， 寫埋篇文的手尾， 聽日 upload 埋就可以正式放鬆下喇
2007/8/6 (月曜日)
笹瀬研夏合宿 Day 2
合宿第二日。 自由活動。 早早去食早餐， 意外地唔駛點訓。 早餐， 老實講， 比起晚餐好得多。 有選擇也好食。 還有咖啡， 完全唔同 level。 之後食飽， 都仲未 plan 到怎樣玩好。 很求其的定了一個圈。
一行五人， 首先行去附近的桃源台坐吊車上大涌谷。 上年來的時候維修定乜， 這段路沒有吊車， 而那時反方向由大涌谷行落黎。 今次有吊車， 很不錯。 上到去大涌谷， 幾個人唔知幾解好想食那個黒タマゴ（黑蛋）， 既然一場上到黎就冇所謂喇。 本來想去黒タマゴ總部食， 不過行錯路， 差些行了上山。 結果都係費時。 落番去時見到一批遲來的同學。 難得嘛， 影番些相。 之後繼續旅程。 去了早雲山之後行落山， 途中的一間露天風呂， 好像很不錯似的， 而且價錢也不貴。 於是五個人走入去， 話時話露天風真係第一次， 感覺也不錯。 大熱天時（其實箱根也不算太熱）浸温泉， 真的有點奢侈的感覺， 哈哈。
之後去箱根町， 食點東西， 散散步之後坐海賊船番去桃源台。 回到旅館， 休息一下之後又温泉， 其實旅館本身的露天風也延不錯的。 不過要早去先得， 夜晚變左女湯想入去都唔得。 之後晚餐， 也是唔夠食， 不過好食過昨日喇。 飯後真係無無聊聊， 吹水電視， 之後去潛烏龜， 也不錯， 一直都沒有太多機會和 B4 的人吹水， 今日也算係第一次慢慢吹水。 題外話， 自己潛烏龜都幾厲害的， 只係輸左一舖...
對自己來說不算太新鮮的一日， 不過可以說是完全放鬆的一日。 算是不錯喇。
2007/8/5 (日曜日)
笹瀬研夏合宿 Day 1
合宿的第一日。 晨咁早要起身， 但昨日因為部新電話的關係搏老命試那些新 functions， 很夜才睡。 哈哈。 可能加上 PhD 合格的消息吧？ 很久沒有這種放鬆加開心的感覺喇。
去到新宿站集合， 早了少少， 一早見到同 lab 的 F 君。 買野食吹吹水， 等了一會其它人也陸續出現。 雖然自己算是最早到的一個， 不過奇蹟的一個人也沒有遲到。 點都好， 移動去在巴士。
幾個月之前也去過一次箱根， 不過一來 day trip， 二來那時坐火車， 三來那時四個香港人， 所以今次也算是一次不同的旅程（吧？）， 車上笹瀬先生一直和 S 君 discuss 他的那篇論文。 差不多講了兩個鐘頭。 話時話 S 君去到 camp site 也要拎部 notebook 出黎做野呢（雖然唔知佢對黎對去都係同一幅圖為乜）， 不過自己也不能幸免。 差不多到站時笹瀬先生也看完之前給他的論文， 而且今次是詳細的批改.... 五體投地。 不過冇 notebook， 完左個 camp 先算。
去到目的地的旅館， 即時見到“清水御一行”， 全部人包括憇瀬先生做了他的跟班。 哈哈。 是但了。 之後例行的 meeting， 見佢地練習国際会議時那些英文真係幾大件事， 雖然自己都係五十步喇。
之後未有飯食， 在房休息一下。 四個留學生一間房， Madu, S 君（Myanmar）和 F 君（印尼）， 其中F 君是第一次 join， 老實講對這個人印象麻麻， 成日聽歌鬼咁大聲， 仲要唱嘛一份， 而且也是自我中心的人喇。 在這兩日即管看看有沒有自己唔知的優點吧？
食飯， 只有一個 comment： 邊夠食架！ 雖然話白飯任裝... 算了， 因為他們也買了很多小食， 食完飯吹水吹水， 突然 S 君又被笹瀬先生捉了去傾論文， 真係熱心... 我還是比較鍾意よっちゃん喇（一種食物）。
之後去温泉， 很久沒有去喇。 因為比較夜， 得三個人去。 也好， 唔駛迫。 之後也是吹水和計劃明日的行程， 不過冇人有 idea （除了唔知點解好堅持黒タマゴ）... 我有幾個地方去過所以都冇乜 preference... 算。 明日再算。
2007/8/4 (土曜日)
おめでとう
起身， 做些雜務， 很在意個信箱， 不過也是沒有甚麼驚喜。 看看書， 之後門鐘響， 郵差叔叔送來的掛號信。 打開...
Congratulations!
PhD 的申請也正式批准了。 留學生活也就延長三年喇。 最開心也最唔開心的屋企人， 尤其是家母， 之前提過不少次“讀唔成咪番黎囉”， 相信她也很矛盾吧？ 雖然話科技發達， 不過始終也分隔兩地。 唔... 多些聯終屋企吧？
送了一件小禮物給自己－－新手提電話。 以前的電話電池始終都衰退了不少。 沒有辦法， 最近 au 又 announce 了新的減價計劃， 也是時候換新電話了。 望左好耐的電話， 今日即時去買。 很多 functions， 今日仲未有時間慢慢試。
約了三個朋友， 其中一個放飛機... 撞鬼佢。 算了， 去了渋谷吹水， 閒話家常， 當然都係讀書的話題居多， 不過這幾個香港朋友在近幾個月真係唔常見。 大家各有各忙吧？ 吹左四個鐘頭水， 時間， 很老套的， 真係過得很快。
真的很輕鬆的一日。 明日開始合宿， 之後就要開始新的一頁了。
2007/8/3 (金曜日)
給了份論文笹瀬先生看， 很快被打回頭。 唔， 不過也是格式上等等東西的修改喇。 大家都悠悠閒的， 有點時間吹吹水， 雖然內容也離不開研究， 不過偶然說說這些東西也不錯喇。 之後再改份文， 沒有太大問題吧？
夜晚本來諗住回收到信， 結果乜都冇。 明日再等等。
2007/8/2 (木曜日)
大致上也寫好份論文誌原稿（不過其實也是從修論抄抄貼貼）。 最近 Madu 開始玩 Ubuntu， 係就係幾易裝， 不過有很多東西都太自動， 有事的話都唔知邊度開始整好。 唔， 都係 Gentoo 方便些。
晚上又係整牙， 仲未整好， 唔實都唔太知點解仲有咁多野要整， 不過牙醫話點就點啦。 諗咁多都多餘。