2007/9/30 (日曜日)
隱敝青年。 整日留在家中打機。
完成了ゼノサーガ Episode II， 比起第一集沒有了驚喜， 故事整體其實都不錯的。 不過迷團始終還留在 Episode III。 今集的尾聲， 沒想到是由 Jr 隻身赴戰。 很期待 Episode III... 就假的。 Episode III 已經到手了， 今晚亦開始了玩。 比起第二集人物 design 好左（好多）， load 碟時間也短了， 戰鬥 system 也清楚很多， 應該有 10dB improvement?
2007/9/29 (土曜日)
戦利品:
ゼノサーガ Episode III ツァラトゥストラはかく語りき
香港朋友日。 先是下午約了一個從香港來旅行的朋友， 雖然加加埋埋都係見過三四次左右， 不過意外地熟落的一位朋友喇。 沒有做甚麼特別東西， 只不過是到了新宿食餐午飯咁大把。 最初擔心沒有太多東西講， 不過擔心黎都係多餘的。
之後有點時間， 在新宿西口那邊行行。 很少可在這裏行喇。 最初來到日本那半年就多些。 後來真的沒有太多機會來。 之後搬了來横浜之後就更加少機會.... 上去唔同的舖頭看。 才發現真的細得有點可憐。 唔。 奇怪， 以前成日去的 Sofmap 分店摺左好耐， 但到而家都冇人接租...
之後行去渋谷(又係渋谷)， 也是香港朋友。 本來今日打算去睇煙花， 不過天氣不太好的關係決定去食飯算。 細果諗去邊度食飯都諗左好耐。 整鬼。 最後決定去食しゃぶしゃぶ， 反正都係志在吹水， 其實食乜真係冇乜所謂。 講了不少東西， 但提到最近特訓中的短眠， 滿場一致的當我係怪物。 哈哈。 其實我都有同感架。 不過我這個人就係鍾意挑戰一些常人（至少， 大多數人？）以外的東西嘛。 所以繼續 training...
2007/9/28 (金曜日)
学位授与式
朝早起身， 換套戰衣， 迫車， 目的地三田キャンパス， 諗番轉頭上個禮拜五也是一模一樣的情景。 不同的， 上次係入学式， 今次係授与式（畢業禮）， 兩件事連續發生點諗都有些怪。
點都好， 早了少少到達。 有些時間就去了西館那邊行行企企。
之後入場。 沒有太多驚喜。 都係塾長訓話和祝賀等等說話。 之後唔同系的學生去了唔同的會場。 自己留守大本營。 然後逐個人派“学位記”， 這樣就正式取得了修士的資格了。 恭喜自己， 也恭喜一些同期的人。 更要多謝笹瀬先生這兩年的時間。
之後在 campus 係咁影相。 由於都唔算多人所以都唔算影得太多。 一班人嘻嘻哈哈的影完就算。
之後先行和 Madu 到渋谷食飯。 再回 campus， 回復正常的生活。 看看 paper 咁。 不過過冇幾耐又要再出去渋谷， 去那個廣東話班。 下堂開始接手黎教， 真係唔咁肯定應唔應付得到。 盡力而為啦。 由於現任教師 L 最後一堂， 所以去了 farewell party， 飲飲食食的一晚。 還好吧。
有興趣可以看看今日的相
2007/9/27 (木曜日)
昨日去了 GCOE Interview 的關係， 今日補番去教小學。 水曜日的話有兩個印孟人， 今日的話有一個英國人， 之前在 campus 都會撞口撞面， 不過沒有想過他也有來教小學咁解。 Anyway 繼續教繼續教， 都算順順利利吧？ 由於不算是低年班的關係冇歌仔唱... 也好吧？ 教完走人時， 無端端一大班學生在大叫， 看看乜野事， 突然見到有條蛇爬樹... 哦？ 在日本好像第一次見...
之後回校， 繼續做自己野， 傍晚時收到通知， GCOE 的 RA 獲得取錄， 本來點都冇所謂， 不過之後就出事。 首先每個禮拜要上 lecture， 還有就是下個禮拜就要交 poster... 有冇快些呀？ 撞鬼...
沒有辦法， 俾些心機吧？ 始終我這個人要人逼先會進步...
Excel 2007
超低 B。 學乜人計數？
超低 B。 學乜人計數？ 全球呃最多錢的 Microsoft Office 的最新 version 2007， 裏面其中一個最為人知的 component Excel 2007， 連計條乘數都計錯。 =850*77.1， 大家隨便找部計數機都會知係等於 65535， Excel 竟然話你知係 100000! 用老翻的人沒有甚麼好講， 用正版的人俾幾千銀買你套 software， 咁簡單的數都計錯， 叫人點有信心用你其它 software 先？（雖然我老早唔用 Windows）。
深入少少講， 這個 65535， 即係十六進數的 0xFFFF， 亦是 16-bit 最大可以表示的整數(unsigned integer)， 因為電腦是用二進制， 這個 65535 自然有它的特別意義。 看了一些 website 的 comments， 這很可能是因為佢要顧及 16-bit 的兼容性。 不過， 你要顧的話， 真係唔該你 check 真些。 不過多謝這個 bug， 否則這個 blog 也是繼續講自己打機同研究的 infinite loop 喇...
有點想把銀行的存款轉去 65535， 睇下會唔會突然變成 100000?
2007/9/26 (水曜日)
戦利品:
ながされて藍蘭島 DVD 其之参
ながされて藍蘭島 ドラマCD Vol. 3 隠し芸して、行人！？
今日 Madu 生日。 恭喜哂。
一朝早回到學校， Global COE RA 的面試， 其實唔太知為乜。 老細 order 叫到咁就當然要到啦。 如果冇獎學金的話每個月有十幾萬分， 不過有獎學金的話就一個仙都冇... 不過都有機會出 conference 等， 都可以喇。 Interview 有四個 professor， 問了 standard questions (自己的 background， research 同 GCOE 的關係)之後就開始傾閒計。 問下係唔係減獎學金（其中一個 Professr 聽到減一萬之後即刻話“非道い”<-- 為了傳神的關係原字採用。 看看漢字的應該估到喇）， 之後又問下自己夠唔夠錢洗等... 短短十分鐘就咁完了。
之後集中（？）看書。 終於硬哨本 Optical WDM Network 去到自己想看那 part -- Light Tree， 之前那些唔睇的話可能唔太明， 於是硬啃... 唔， 作為 research topic 應該幾好。 可以再 deep 些去看...
アニメながされて藍蘭島今晚大結局。 有點點意外， 但都好滿意最後的安排（不過有點擔心みさき... :)）， 要講不滿的話就係まち出場時間太短... 唔， まち總是相對其它主角獨立喇， 咁諗都合理掛？ 唔。
2007/9/25 (火曜日)
返學校， 尋晚結果顧住打機冇寫到份 Global COE RA 申請表， 今朝番學校寫。 另外學期都快開始了。 今日好像係新入生的 guidance， 結果今學期入學的兩位新學生來了 lab 這裏。 打個招呼。 至少未來兩年會和他們共處了。 其中一個之前都見過幾次， 得一句評語可以講：二手煙好臭！！ 就算當時唔係吸緊但都係臭。 總之煙產就係臭。 Period。
夜晚突然的買了些東西番屋企清掃一下。 尤其係個冷氣， 積埋積埋都唔好垃圾。 之係煮食的地方， 又唔係好耐冇清理， 不過油污清完好快又黎番。 結果係咁清理....
2007/9/24 (月曜日)
紅日。 留在家打機。 Episode II 一路的玩玩玩， 最爽係シオン在 Vector 搶機那一 part， 另外ゾハル前面的那一幕真的很震撼... 這隻 game 的故事其實真係寫得幾好（掛？ 未玩到最後都唔敢肯定）， 不過唔係嘻嘻哈哈玩完那種囉。
玩到夜晚， 偷看了一下攻略 website， 咦？ 差不多尾聲了？ 才玩了兩日咋！ 唔好咁啦。 雖然訓少左覺多了些時間， 但都唔駛快成咁嘛？
哈哈， 一連幾日講打機添。 聽唔明的人（應該除了自己的全部人吧？）對不起了。
2007/9/23 (日曜日)
也是整日的ゼノサーガ， Episode I 完了。 很好的故事， 因為一早預定有續集的關係還有很多迷團未解開。 不過 KOS－MOS (人造人？)比起想像中人性化的一面也描寫得很不錯。 不過玩到尾聲， 都差不多冇用過那 AWGS (機械人)， 可能自己一向不算鍾意機械人吧？ 唔想用亦都懶得用。
開始第二集， 雖然有第一集的 data， 但升了的 level 不能過檔， 練了的 skill 也冇哂。 都算了， 反正 battle system 轉左。 不過問題就係個 battle system， 真係冇左個爽快感。 簡單地說就係要係咁儲係咁儲 boost， 跟住一口氣放出黎狂打， 但儲的過程很多時就被敵人狂打... 講真唔太鍾意。 另外隔了三年出的 Episode II, graphic 的質素係高左好多， 不過設計就真係唔得了。 主角來說換了便服除了眼鏡， 算係幾好啦。 不過 KOS-MOS 真係... 而 MOMO 就更加慘烈... 得個講字。 有興趣的話自己 search， Namco website 應該有。 男性陣沒有太大轉變， 係 Jr 換左件衫， 還可以啦。
咦？ 整日就是打機....
2007/9/21 (金曜日)
入学式
晨咁早出發番大學， 不過今日去三田キャンパス， 因為是入学式， 仲要加件老西， 都有點熱。 早了點點去到， 本來諗住等埋 Madu， 不過時閶關係都係入了去等。 坐底時無所時時， 但突然走了一班女高音出黎唱校歌（冇錯， 慶應係有校歌的）。
Anyway 入学式開始。 其實大概都知係乜事喇。 一大班大粒的人走出黎報告和勉勵一番， 跟住齊齊唱校歌咁。 中間提到獨立思考等等課題， 雖然陳腔濫調， 不過一值得一再反思。
完場， 覺得好肚餓， 於是去了 Cafe 食野， 消磨一下時間。 之後無所事事的帶 Madu 遊三田キャンパス， 之後自己走了去圖書館潛水。 今日特登帶了 notebook 過黎， 本來諗住唔同 campus 未必有 wireless 可以用， 不過一場黎到就試下。 咦？ 又用得喎。
潛完水後去了広東語サークル， 過兩個禮拜之後接手這裏（！）， 應該冇問題掛？ 夜晚飯去了食飯團（！）， 真係第一次晚餐咁樣食法.....
2007/9/20 (木曜日)
戦利品:
ゼノサーガ Episode II Jenseits von Gut und Bose 善悪の彼岸
平靜的一日。 夜晚忍唔到手去了買戰利品， 不過 Episode I 都未玩完.... 老實講， EP II 的 graphic 真係幾 shock， 原本 EP I 都好地地......
2007/9/19 (水曜日)
很久沒有去的木月小學校， 晨咁早起身。 其實都慣了。 最近挑戰短眠， 不過今次唔可以遲到， 昨日都提早左訓覺。
今年的十個禮拜， 担任的是兩班四年班和一班五年班， 和上年的一二年班有幾大分別。 但點都好， 比起中學大學的人來說依然可以用天真無邪四個字黎形容的。 不過， 一些較頑劣的學生的破壞力就 level up 了喇。 但有趣的是， 教的東西竟然沒有太大分別， 都係簡單的打招呼和一些簡單的單字， 所以也算是很輕鬆喇。
今日第一日接觸這班學生， 感覺算是不錯。 不過自己真係唔似一個外國人， 一入去這班學生就即刻覺得“點解走左個日本人出黎？”， 加上和那裏的教師用日本語講野， 過左一陣先叫有人信我唔係日本人.... まあどうでもいいや。
之後和他們食完飯之後， 自己也就回學校繼續做自己野。 不過眼訓到真的想死... 不過整體時間多了也就沒有所謂喇。 一日始終時間都係唔夠用。
2007/9/18 (火曜日)
朝早早起身， 失敗。 唔， 果然要縮短睡眠時間絕對唔係易事。
沒有甚麼特別事發生。 夜晚早點點走去剪頭髮， 舖頭新裝修過， 整體効果也不錯喇。 又將頭髮剪得（相對）短短的。 幾好。
2007/9/17 (月曜日)
敬老之日。 總之就係放假啦。
和朋友 H 君和他同事 A 君出去， 到了中華街和 MM21 一帶。 做了一個很錯的決定： 踩單車過去。 因為放假的關係街上多人多車到想死。 而且行 MM21 基本上回程都係行過去， 結果架車只係一個負累...
點都好， 到了中華街會合， 先找個地方醫肚。 中華街基本上係一個中華民族搶大和民族錢的地方喇。 乜都貴到飛起。 搵了好耐先搵到個平少少的地方...
食飽飽， 約略行了一陣中華街。 出發去山下公園和海邊。 都係影相和吹水喇。 偶然見到有人在街邊玩雜技， 唔算玩得好出色不過幽默感搭夠。 都算係咁。
途中A君自己一個番左去。 唔通悶親佢？ 問番先知原來H君同佢都唔算好熟。 原來如此。 相比之下我和H君的話題（以前大學時代的東西， 影相之類）的確會悶親佢喇。 不過沒有辦法喇， 真的唔算太夾。
之後到朋友家放低些東西後， 到了西口的吉野家， 佢話想試下日本的吉野家有乜唔同喎。 也好， 又平又抵食。 但唔知點解自己食得好論盡。 沙律醬都唧左出黎。 好在唔係同女仔食飯... 食飽飽， 去行ドンキホーテ， H 君要買少少電器用品喇。 這裏消磨時間真的一流.... 又一日。
2007/9/16 (日曜日)
沒有說話好說， 死亡， 三時間睡眠失敗。 果然唔係一件易事。 尤其係放假， 更加少左動力起身。
點都好， 起身就係咁ゼノサーガ， 可能好耐冇打 RPG 的關係， 完全甩唔到身。
2007/9/15 (土曜日)
死亡。 結果三時間睡眠大行動今日失敗， 起身時已經下午了。
今日主要也是打機。 ゼノサーガ， 一隻幾年前的 game， 不過意外地好玩， graphic 又不錯， 故事好像也不錯。 戰鬥系統就好像嘛嘛。
朋友推介的日劇ライフ， 今日大結局。 準時收看， 結局， 有點還未完結的感覺， 不過也很不錯。
2007/9/14 (金曜日)
三時間睡眠， 唔， 勉強都可以。 不過聽日繼唔繼續到就真係考起。
一位同期的留學生今日算係 last day 了（聽日上飛機）， 在這個 lab 裏面算幾好朋友。 之前和他吃了一餐當係送行， 不過今日都想正式講句さよなら。 可惜佢貴人事忙沒有太多時間在 lab， 直至自己要走都未見佢番黎....
夜晚再去広東語班， 那個阿 sir 就黎唔教， 半推半就的情況下算係接了個 job 黎做。 人工都其實冇乜， 不過俾個機會自己見多些識多些人咁啦。
2007/9/13 (木曜日)
戦利品
ゼノサーガ EPISODE I Der Wille zur Macht [力への意志]
再挑戰短眠， 今天也總算順利起到身了。 睡意也好像比起昨日少了很多。 第二日算是成功吧？ 番到學校， 看書的効率也不錯。 呀， 朝早去了買「ぼく、オタリーマン」， 很有趣的漫畫。
下午有個關於 Global CoE 的說明會， 那個 Professor 好像完全冇預有留學生會來似的（九月的說明會估都估到留學生會多）， 結果 presentation 完全唔知佢想講乜。 還好有另一位 Professor 坐陣， 也總算可以解到畫啦。 唔。 有些東西迫自己做野也好。 之後偶然見到學事課的一位 staff， 閒聊左幾句， 佢問我 “Alex 在那裏出世？”“香港囉”“咁而家屋企人都在那裏？”“係呀”“冇過黎日本咩？”“冇呀， 點解咁問？”“見你日文咁好仲諗住你屋企人應該都住在日本”。 哈哈。 這樣說其實很開心的一個誤解。 雖然到現在也是開口就被人知係外國人， 不過有人有這種誤解， 也有點飄飄然的感覺。
夜晚， 為了讓自己可以挨夜挨到四點， 做了件很久沒有做的事－－買 game！ 對上那隻聖剣伝説４都未玩完....
2007/9/12 (水曜日)
戦利品:
月刊少年ガンガン １０
コミデジ プラス ９
前兩日買了的那本「３時間熟睡法」， 昨晚即時實踐。 即刻就試下， 強制自己四點訓覺（不過中間真的有點無所事事）， 七點起身。 人係起到身， 不過睡意很強烈， 勉強食完早餐之後天旋地轉咁， 不過死都唔俾自己上番床， 結果再苦戰了一陣， 訓了在地下.... 咁又訓了一個鐘。
哈哈。 短眠的第一天， 失敗。 番學， 精神不算非常好， 不過平時都唔好得去邊的了， 所以都冇分別。 照番學睇書。 勉勉強強都可以喇。 精神就真係唔集中得去邊的了（都係那句， 平時都唔好得去邊）。 中間仲要因為 update package Beryl 失常， 唔。
今期的ガンガン， 主角少有的輪到とんかつ， 算不上很好笑的一話， 不過故事就真的不錯， 「男の子」之間的一種默契？ 真的很好。 另外 GAII 無限回廊の鍵スペシャルＣＤ， 十二首 Ending songs， 只係一分鐘多些的 version， 不過好像也不錯， 最意外的係フォルテ的也比預期中好。
好， 今晚再挑戰短眠。
2007/9/11 (火曜日)
學校， 沒有太特別。 看書， 看書。
晚上約了昨日提過的香港朋友 H くん， 和他的同事 A くん， 也不過是在横浜駅附近行行罷了。 那個A くん算係一個好奇的人吧？ 不過問的問題真係唔知點答好。 例如問點解女子高生條裙咁短（好短咩？）， 係唔係好多人在街邊找女仔拍 AV （大佬我唔係女仔鬼知咩。 キャバクラ的兜搭就成日見）。 真係唔知點同佢講好。 食飽飯， 去問問電話的東西， 走上去ヨドバシ相機那層， 一如所料 H くん基本上就像着了魔似的。 哈哈， 有趣。
2007/9/10 (月曜日)
平凡的一日。 不過就好耐冇番學校， 有點唔慣。 之前一路的睇書。 今日再睇番， 咦？ 之前睇到邊呢？ 真係完全唔記得。 算。
夜晚， 食食下飯時收到一個朋友的 email， 之前知到佢呢兩日會來日本工幹三個月。 而且在横浜這裏。 今次望望佢個 email， 咦？ 佢住那裏可以行過去喎。 即刻八八卦卦的走去， 順手俾個驚喜佢。 不過行到去， 摸門釘。 等一陣再去， 先去附近的書店買書(「３時間熟睡法」、「眞鍋かをりのココだけの話」)， 跟住都係未番。 番到屋企， 見到朋友 online， 吹左幾句水之後又踩架單車去佢屋企玩。 唔。 撞鬼， 大過我屋企。 哈哈。 沒有辦法。
吹吹水之後， 番屋企。 唔。 那本「３時間熟睡法」， 好像真係幾吸引的一本書。 試下都好。
2007/9/9 (日曜日)
昨日不能盡情的休息， 今日訓番夠本。 不過始終也訓唔足全日。 中間起身又唔想出街， 結果留了在家看一套朋友之前推薦的電視劇－－ライフ(Life)， 故事主題是在學校裏的欺凌事件， 講下個主角點樣被節磨， 點樣得到少數朋友支持， 而最後欺凌那方的收場。 非常典型的橋段喇。 不過那些演技又真的幾好， 尤其係那個大奸角（安西愛海）， 雖然點睇都係一個人， 不過每次出場都有比貞子更嚇人的感覺（註：我到現在都覺得午夜凶鈴係一套笑片）。 可能少睇電視劇吧？ 真的拍得不錯。
2007/9/8 (土曜日)
Farewell Dinner for Sann Maw
直到下午也是大昏迷。 很眼訓。 連續四日果然唔係野少。 不過晚上應承了一個就快回國的同學仔食餐晚飯。 傍晚又出門口。
一行三個人， 去了横浜駅附近食燒羊肉（ジンギスカン）， 上次食已經係家兄來那時的事了。 很掛住那羊肉的酥味。 今晚過得很簡單， 也很開心。 直到前排個胃還有事的同學， 今日也飲了兩杯啤酒（冇事掛？）， 對酒一向都冇興趣的我， 還是集中火力食羊肉。 完全係絕品。 哈哈。 很不錯。
今晚係咁易影左少少相... 很飽....
2007/9/7 (金曜日)
東京ギフトショー その四
Gift Show 最後一日。 不過撞正打風。 朝早去到 JR 時已經發現冇機會上車， 因為多摩川水浸... 下？ 唔係呀嘛？ 咁勁？ 雖然係大雨但都冇諗到到呢個地步。 等落去都唔係辦法， 好在東横線照常行駛， 即刻轉軚， 不過諗唔明點解都係多摩川 JR 有事而東横線冇事... 算， 唔理咁多了。
總算準時到達。 最後一日加上打風， 會場裏面行黎行去的都係藍牌人居多（藍牌亦即係出展商）， 唔， 可以悠悠閒閒的和老細吹水。 也有些時間可以周圍行下。
今日的 Gift Show 四點完場， 不過到差不多十二點時有很多中港台的店舖已經開始賣野喇（註：大會規則係唔准賣野的， 不過隻眼開隻眼閉）， 尤其係對面的大陸檔， 完全就係那種執笠大平賣的情況， 成個 Gift Show 一時間感覺得 cheap 咁， 不過你話我崇日都要講句， 日本人那邊的攤位直到四點都不動如山， 證明佢地幾守規鉅， 不過講番香港的台灣的攤位也不是個個賣野喇。 不過很多去到一點就準備執野咁囉。 大陸那邊真係很過份， 過了一兩個鐘頭把貨清得七七八八時就開始拆架。 搵個搥仔係咁搞， 垃圾飛哂出黎， 完全唔理其它仲開緊檔的人。 超冇品! 火都黎埋， 老細突然講句“估唔到你比我緊加唔妥中國人”， 呀.... 哈哈。
話時話四日都未點講呢個老細。 講真撞着這個老細真的很好彩， 他和我有不少共通點， 包括唔妥中國人， 唔妥煙民， 唔鍾意飲酒， EE 出身， 還有唔知點解識 Ted Kok， 價值觀也很相似。 所以這幾天也很舒服。 有點覺得， 自己過三十年之後可能會變得和他幾相似， 不過嘛， 我就對開廠完全冇興趣喇。
去到四點， Gift Show 也就結束。 火速的執野， 唔快唔得， 因為會場熄燈熄冷氣（駛唔駛咁快呀）， 唔執快些會中暑死亡.... 好在得幾張卡和 poster 要執， 很快就搞掂。
之後有時間， 就和這個老細再去附近吃吃東西， 慢慢吹下水。 這次的合作很不錯喇。 下次唔知仲有冇機會...
回家。 死亡....
Gift Show 的少少相， 有我負責的攤位和那些大陸蝗蟲搗亂的痕跡....
2007/9/6 (木曜日)
東京ギフトショー その三
和昨日差不多， 不過下午時有個客真係好大好大機會似的。 自己雖然只不過負責傳譯， 不過看到這麼大的機會也感到很興奮。 這個 exhibition 之後可能也會幫他們做一樣書信的往來喇。 希望順利啦。
中間有點點時間老細叫我周圍行下。 行了到隔離的大陸檔看看。 有甚麼呢？ 有人賣水壼， 有人賣垃圾袋， 有人賣廚具， 有人賣刀， 亦有人賣一百円三塊的㩏枱布。 咦？ 乜今次唔係 Gift Show 黎架咩？ 點解咁多這類一百円店先會出現的東西？ 完全諗唔明呢班人。 加上那些簡陋的佈置， 開始明白點解他們處於一個角落的位置（但其實在我們對面喇）。 呀， 差點唔記得， 還有人賣 Cogo。 乜野係 Cogo？ 唔， 彩色的膠積木， 可以堆砌一個人仔， 車仔， 船仔甚至城堡大廈， 呢， 咪好似 Lego 咁樣囉...... 真係要寫個服字俾佢。
企得多， 開始腳痛添。
2007/9/5 (水曜日)
東京ギフトショー その二
第二日的 part time 工作。 總算慣了環境， 不過要早起身始終都係一個問題， 唔， 唔理咁多。
昨日一開波就有客， 今日就好等了很久才叫有魚上釣， 哈哈， 可能係想得太多了， 不過這個老細想的東西都幾 positive 似的， 客唔駛多， 最緊要係有 potential， 咁又係， 可能我想得太多吧？
總算平靜的一日。 有兩三個有 potential 的客。 而工作方面也上手， 報價時也不需要下下問老細喇。
2007/9/4 (火曜日)
東京ギフトショー その一
晨咁早起身， 晨咁早出發去東京国際展示場（ビッグサイト、Big Site）， 成套武裝， 天氣， 很好太陽... 不過也還可以，反而朝早坐車時， 京浜線， 之前有位朋友話唔太鍾意這條線， 因為感覺上這條線的人的氣質比較差... 唔， 可能都有關係， 總之朝早坐車真係唔算太舒服。
點都好， 去到會場， 即時諗起こみパ， 唔， 唔太關係喇。 Anyway 入到去其實都早到， 不過唔知邊度走入去會場（Hall 3 的大閘沒有開）， 後來碰見一樣是 under 貿發局的 part time (x2)， 才三個人開始找， 發現原來經 Hall 2 入... 真係唔知。 跟住找到日本 TDC 的負責人， 因為入到去已經遲左， 即時被鬧了一餐。 雖然因為新來報到唔知定， 不過遲到就係遲到， 始終都係自己問題， 沒有辦法。
Anyway 去到負責的攤位。 那店主未到， 結果企了在那裏左望右望， 過了一陣一位五十多歲的男士來到， 哦？ 之前收到的資料應該係一男一女， 不過女的有事唔黎。 於是這四日就會替這位先生傳譯了。 今日和他傾了不少東西， 發現很好傾。 四日之後來個總結吧？ 先說說這裏的工作， 其實這個 Gift show 只是開放給業界的人， 沒有個人客， 所以人流不算多。 而且這個 Gift show 總共開了十個 hall， 自己的攤位就只是其中一個。 所以整體也算得閒。 講番自己看的舖頭， 所做的主要是一塊發聲的 chip， 放入例如生日卡之類的物體（以前所見的只是一個 buzzer 播純音樂）， 很簡單的東西， 而公司的目的就是吸引客人落單造這類 product。
朝早 set 好個 booth， 跟住就即刻有客， 盡力介紹， 好像幾成功的。 個客問了不少東西， 留下了 contact 等。 鍾生（老細）覺得算係開左個唔錯的頭。 也因為這個客自己即刻明白今次的目的要做到怎樣。 應該這四日都不大問題掛？ 好， 俾心機。
夜晚走時也是逼車， 真的唔太舒服。 唔， 冇計。
2007/9/3 (月曜日)
回學校處理少少鎖事， 不過 Madu 就比較論盡少少。 Visa 那方面有些東西交漏左， 結果要由矢上去三田再番横浜， 唔， 幫唔到佢太多添。
整體比較靜的一日。 也很眼訓。 唔， 早點休息， 明日開始一連四日去 exhibition， 話時話， 也是第一次以 staff 的身份出現在這種場合。
2007/9/2 (日曜日)
三溪園
近來識了不少新朋友。 不過一樣住在横浜的， 真係唔太多。 而今日就約了一個也是住在横浜的朋友出黎了。 這位朋友在横浜住了廿多年， 完全的ハマっ子。 點都好， 初次見面， 唔， 去醫肚先講。
食飽飽， 到東口坐巴士出發去三溪園。 乜係三溪園呢？ 簡單地說就係一個古建築的“博物公園”喇。 自己真的幾鍾意這類舊的文化遺産。 那些古老的建築不少也移築了在這裏。 它們也就被定為“指定文化財産”， 望着這些古舊的建築， 不其然諗點解過了咁多年都冇事的？ 就算話有修修補補， 可以挨到這個年代也真的佩服。 能夠保持這種舊有的東西應該是自己喜歡這裏的一大原因吧？
之後去了飲些東西， 吹水吹水。 這位朋友雖然今日才第一次見， 不過話題卻意外地多呢。 可能有某些共通點啦。 不過被佢唔止一次懷疑我係唔係香港人（？？！）， 哈哈， 呢方面可以寫包單喇。 也是很滿意的一日。
夜晚得知有個以前 EE 朋友會來這裏做三個月野， 而且好似在新横浜， 不錯不錯。 期待。
三溪園的相， 可惜得景沒有怎樣影人。
2007/9/1 (土曜日)
很久沒有打羽毛球了。 不過昨晚顧住看電視所以差點訓過龍。 衝衝忙忙的去到體育館， 遲了少少， 不過朋友更遲....
打了一陣， 休息時突然有位大叔走黎找我們打 mini volley， 每個星期也見有人打， 不過總覺得那個沙灘波似的物體唔太好玩。 不過玩下也毌妨。 玩玩下， 又幾好玩喎。 後來先知這位大叔係「東京ミニバレー協会会長」（！！！）， 結果突然上了一課 mini volley， 大叔話我地有潛質喎。 之後仲送左個 mini volley 俾我地。 哈哈。 有趣。
回家， 休息。 好眼訓。