2007/10/31 (水曜日)
戦利品:
ながされて藍蘭島 ＤＶＤ 4
朝早番小學， 講到上個星期六的 party， 那兩個人（另外兩個英語教師）因為大雨冇去到， 其實都無可厚非， 不過最低限度都打個電話去通知啦。 真係咁大個人都冇些責任感。
下午回到去繼續寫 poster， 其實跟本唔駛用咁多時間。 不過自己硬係要玩 scribus 等東東， 長遠來說其實係好事喇。
晚上， 收到了之前禮拜日interview 的結果， 唔。 無事 pass 左， 人工的確幾和味， 所以下個學期開始 part-time 之後就唔需要太擔心＄＄的問題喇。
2007/10/30 (火曜日)
朝早， 隔了幾個禮拜的 meeting， 有時， 唔， 應該話時時都幾悶。 不過強制参加所以都冇辦法了。 完左 meeting 之後繼續諗個 COE poster， 在研究室裏面找了一份以前的 poster 黎參考。 唔， 應該都唔難， 純粹揀幾張 slide 出黎用咁解。
夜晚， 死亡。
2007/10/29 (月曜日)
戦利品:
コミデジ vol 10
名探偵コナン 59
魔法先生ネギま！ 20
ギャラクシーエンジェル ちとせ召しませ
遲起身， 完全唔係路。 要每日定時訓其實就唔難， 不過在沒有太大壓力之下要準時起身真係有點難度， 短眠的道路， 似乎比想像中難行。
番學校已經唔早， 點都好， 要準備下個禮拜的 poster， 工具其實很多東西可以用， 不過要用就用 pro 少少， 揀了這個 Scribus， 一個專做 DTP (Desktop Publishing) 的工具。 純粹找個機會學多一個 tools， 方便日後做唔同的東西咁解。 方便的地方， 大概係可以真接用 EPS/PDF 等等 format 吧？
上 COE lecture， 眼訓到想死咁濟。 唔.....
2007/10/28 (日曜日)
戦利品:
ギャラクシーエンジェルII「無限回廊の鍵」ヒロインエンディングコレクション ANGEL MUSEUM
朝早起身， 繼續 GAII， 三侯爵， 幕後黑手... 還有最後ロゼル的決擇。 Anyway 故事也總算明白了。 雖然還有很多想不通的地方。
中途去了見另一份小學英語教師的工作， 新宿四谷， 好少可去那邊。 不過去之前就係搵唔到份申請書的 copy， 去了大學搵都係搵唔到， 奇怪， 不過也沒有所謂了。 Anyway 去醫肚， 悠悠閒閒的吃， 食完望望個鐘， 應該都有唔少時間吧？
死！ 就快夠鐘！
剛剛好趕到， 好彩， 遲到的話九成唔請。 Interview， 好似本身係有 group interview， 但因為自己係最後一個 candidate， 結果就一條友， 仲要係一對四。 不過算係答得不錯吧？ 那些問題....
夜晚完了 GAII 之後聽今日的戰利品， 完全係限定品， 仲要係唔全諗唔明的東東， 十二首歌分了十二隻 CD 裝， 剩係 rip 都有排 rip， 不過每一首也是絶品， 之前雜誌送的 CD 有這十二首歌的 short version， 今次聽哂全部， 感動！ 當中 "kiss on the cheek"、"せつなさを越えて"、"we wish..."尤其鍾意！
唔。 得 1G 的 audio player， 又要諗下 delete 邊首歌了。
2007/10/27 (土曜日)
之前應承左個小學生的家長去今日的 Halloween party... 起身， 一望， 横風横雨。 即時去意大減。 不過應承左就係應承左， 而且這種機會唔常見， 所以冒住雨都要去喇。
去到， 其實已經遲到了， 冇計, 跟住和小朋友玩遊戲， 和平時在小學校玩的差唔多。 都係 Bingo 和 color basket 等等， 而 Halloween 也當然有 treat and trick， 手裏面的糖俾班餓鬼搶劫一空。 嘩。 你班友。
之後散場後， 小朋友的家長留自己食午飯， 本身要準備去郵局 interview， 本來想走， 後來和小朋友爸爸傾計傾耐左。 點解咁好傾呢？ 因為大家都係學術界。 收到他的卡片。
東京大学 教授
真係諗都諗唔到。 雖然自己都在大學， 每日都見埋見埋唔少教授， 不過今日就真係想像之外... 點都好， 結果就傾左好耐好耐。 主要也是關於留學生和小朋友的教育問題喇。 都幾認真的話題。
始終都要走， 因為便服的關係， 點都走番去屋企換番件衫， 怱怱忙忙的冒着大雨走去郵局， 本來少有的想坐的士， 不過就係見唔到吉車， 等得黎都去到喇。
Anyway 去到郵局， 填少少資料， 聽埋說明會， 之後就開始 interview， 問的問題也很 general 喇， 應該冇問題掛？
問題就出在走人的時候， 比起之前仲要大雨！ 點走呀！ 不過反正都正番屋企， 冒雨衝番去。 可能横浜近海的關係？ 風特別大， 真係懷疑把遮有乜用...
算了， 番到屋企， 終於有機會開始 GAII 喇。 玩了頭幾章， 故事重點放了在一路都係配角的ココ上面， 不過這個起伏寫得很不錯， 最後經過提醒之後想通了的ココ， 真的除了型字諗唔到第二個形容詞！
2007/10/26 (金曜日)
移動去 PhD Room 的工作大致也做好了， 一個算是可以集中做野的地方。 來這裏的第一個工作， 唔... 畫 poster?
晚上第二堂的廣東話班。 算是順利了少少。 可能大家知我答到幾多問題所以就住黎問掛？ 唔知咁多了。
上完堂之後 E さん約食飯， 反正也在渋谷那一帶， 冇理由唔食嘛。 閒談閒談， 話時話後日 interview 英語講師， 佢之前都有些經驗喎？ 請教一下前輩先。 另外明日在香港， 好似會有點點恩惠給那個人。 雖然之前很多人提起也會落淚， 不過到到今日有幾多人記得呢？ 但有時遺忘也未必是一件壞事， 尤其係在這件事最痛的人。 原來， 已經五個月了。
2007/10/25 (木曜日)
算是平淡的一日， 買了些東西去新的枱頭， 新的工作空間， 就是需要一些似樣的東西嘛。
夜晚準備一下明日教廣東話的東東， setup 下新的 Compiz Fusion， 不過用慣左 Beryl 仲未知 Compiz Fusion 的特別好處。 反而有些 setting 好像怪怪地咁。
2007/10/24 (水曜日)
朝早番小学校， 算是平平常常的教英文啦。 除了留學生之外今年還有些家長 volunteer 一齊教， 其中一位今日突然邀請我地今個禮拜去佢屋企開 party， 也好， 反正禮拜六只不過要去 interview 郵局份 part-time。 上去看看也好。
回到學校， 整理一下新的 PhD room... 整體也比起本身的研究室靜， 那裏 suppose 是 no discussion 喇。 不過時不時總會聽到一些普通話的對話... 唉。
晚上食完飯之後， 突然睡魔急 call， 提早死亡....
2007/10/23 (火曜日)
依然是遲起身。 太遲番到學校其實都做唔到乜野。 唯有執下個 PhD room, setup 部新 notebook 等等。 這些濕濕碎碎野做下做下又一日。
晚上約了 H 君幫佢處理埋張機ジブリ等東西。 之後在 MM21 兩個麻甩佬吹左幾個鐘頭水， 唔， 在 MM21 有得揀的話點都唔想兩個麻甩佬喇。 雖然話吹水的話任何人都歡迎... 唔， 唔...
2007/10/22 (月曜日)
這幾日都真係應該透支了， 朝早很遲才起身。 而且 holiday mode 應該都仲未過， 因為...
出門口時企圖帶相機出街！！
真係.... 都話京都得三日唔夠架啦！ 估唔到自己會發傻發到這個地步.....
之後， 平常的一日， 番學， 上 COE lecture...
2007/10/21 (日曜日)
京都の旅
昨日一整日 workshop， 雖然人在京大， 不過心始終也已經在京都的各地飄來飄去...
起身， 今次費時諗去邊度食早餐， 就在酒店的 cafe 食。 600円咖啡任飲， 算係咁啦。 不過真係諗唔明...
點解添咖啡那裏會係吸煙區來的！！ 怒！！
好鬼臭。 沒有辦法了。
今日的行程大約是照之前偶然在電視看過的節目安排， 自己也沒有想太多。 唔， 首先是朝早的金閣寺。 去到那裏， 未入門口就覺得好有氣勢。 入到去， 座寺係金色架！ 好鬼型呀！ 果然京都真係唔同些， 連和尚都 high 過人！！ 哈哈。 講笑， 不過真的很靚。
之後向反方向的清水寺出發。 清水寺和金閣寺， 加埋銀閣寺應該是必到的地方吧？ 不過今次行程緊密， 去唔到銀閣寺。 點都好， 清水寺的三重塔， 大舞台， 成就院， 地主神社， 羽音の滝， 還有從高處望下的京都市等等， 全部都好狀觀。 這個時候真的感謝數碼相機的發明， 如果唔係買菲林的錢都應該可以成餐勁的！
點點題外話， 最初到清水寺時幫左兩位和自己差不多年紀的人影相， 最初都冇為意， 跟住唔知點解去到邊都見到這兩個人， 直到最後找巴士時都仲見到佢地。 唔... まあどうでもいいや
肚餓， 去了一個叫“花見小路”的地方， 大約在京都市的中心吧？ 一些很舊式的建築， 風味十足， 可惜沒有錢的情況下只去了一間焼きそば食午飯。 不過也不錯， 因為跑馬的關係舖頭很熱鬧， 入到去同個店主傾左好多野， 隔離個大叔也介紹唔少景點給自己。 有趣。
食飽飽， 出到去祇園一帶睇下有冇機會見到舞妓， 不過緣慳一面。 沒有辦法下， 突然諗起京都二条城， 即刻出發， 可惜， 去到時已經五點， 閂埋閘。 呀... 大阪城都可以入去睇下丫， 點解二条城唔得架。
沒有辦法之下番番四条河原町一帶， 就在鴨川和先斗町一帶周圍走周圍影相。 夜晚的京都也的確很迷人， 暗暗的， 舊舊的街道， 一股歴史的味道， 雖然自問不是對歴史很有興趣的人， 不過在這種文化氣息之中， 感覺， 很好。
最後體力也差不多去盡了， 於是便到車站吃晚飯和回程。 記得新幹線隔離好似坐左個靚女， 不過唔夠兩分鐘周公已經坐了在自己面前了....
完全唔夠時間的三日！ 下次一定要找時間再來！
這三日的相， 大阪， 京大， 京都。
2007/10/20 (土曜日)
IEEE Student Branches Leadership Training Workshop
Workshop， 是今次來京都的主要理由（不過唔係目的）， 由 IEEE 主辦， 真好， 有車費也有酒店， 果然大學會係唔同些 (IEEE 叫做識電腦的人都會約略在某地方聽過， 例如 wireless card 的 IEEE 802.11, Firewire IEEE 1394 等 standard 都應該很出名
不過那些東西都冇乜所謂啦！
早早起身， 由酒店行去京都大学， 大約一個鐘頭路程， 點解唔坐巴士呢？ 因為想行下京都嘛！ 咁難得黎到， 上去架巴士真係有點浪費的感覺喇！
京都大学給自己的感覺， 唔。 有點似東京大学添。 哈哈。 或者都係差唔多年代起的啦（其實慶大都有點似， 不過同時有少少較西式的風格）， 不錯的校舍， 周圍也很靜。
找了一陣才找到的3号館， 入到去冇幾耐就開始活動， 今日做過些甚麼呢？
- 17間大學 student branches 的活動報告。 唔知點解自己個名出現在慶大的 student branch 的 vice chairman 裏面... 是但了。
- 午飯。 好難吃
- Student branch counselor 一些說明， 很長...
- 寫 program， 寫五子棋的 algorithm， 分了六組， 每組分別地去 implement 那個 algorithm 跟住比賽。 結果六組的 program 都比起 random 更蠢， 冇辦法， 時間又短， 又唔夠電腦用， 加上 deal with 佢個 settings 都用了唔少時間。
- 晚飯。 吹水吹水。 有機會和不少人交流， 其中兩個泰國留学生， 感覺特別親切些。
大概是這樣吧？ 都幾攰， 唔係講少。 不過之後經過京大的計時台時...
好靚.....
都唔記自己攰喇。 影相影相。
之後原路行番去， 去到酒店附近的四条河原町， 很多人， 絶對不比東京或者横浜少人。 話時話， 好多外國人（雖然自己都係）。
不過明日就是戲肉的京都觀光！ 早少少休息先得！
2007/10/19 (金曜日)
出發！ 京都， 大阪
朝早， 快快手手食早餐， 確定沒有帶漏野， 出發！
坐 JR 直接去到新横浜駅， 入站， 早了少少， 發現忘記了買手信給一個今晚會見的朋友。 於是趁火車未黎買左盒蛋糕。
出發！ 新幹線話時話第一次坐。 內陸機的話其實差唔多價錢， 不過京都的話都係新幹線方便些。 反正可以 claim 車費， 唔理咁多了。 入到去， 窗口位， 不錯不錯。 一路的風景也不錯。
兩個小時的車程， 到達京都站......
好大！！ 有點像鄉下佬出城， 但實際是由關東那邊黎， 奇怪。 不過真的很靚的一個站。 Anyway 先到酒店放低重到鬼咁的行李， 然後掌握一下這邊的地形之後， 出發！ 大阪！
由京都去大阪坐多半個鐘頭左右電車， 很快便到達梅田（大阪）， 沒有甚麼計劃， 手頭上就只有朋友給自己的一個極簡易地圖：
- 一大個圓形
- 圓形中間一條直線
- 直線上面寫了「心さい橋」「なんば」「大阪＝梅田」「京橋」等東東。
- 以上
冇錯， 這個就是大阪的環狀線地圖和御堂筋線。 點解會有張這樣的圖， 因為朋友問我想睇甚麼時， 我只答了一句
「グリコ」（固力果， 大阪的一大特色招牌）
去到なんば， 最初見到的廣告， 竟然係「糖朝」， 冇錯， 就係尖沙咀那邊很出名的甜品舖。 ヾ(￣o￣);ｵｲｵｲ
唔理咁多， 肚餓， 去找大阪的特色美食－－たこ焼き（燒八爪魚丸）， 隨便找了一間舖頭。 一咬落口...
這就是たこ焼き嗎？？？
很感動！ 不過同時懷疑自己以後仲食唔食得落便利店買到那些...
之後在心齋橋一帶行， 由那グリコ開始， 見到太多大阪出名的東東， 以前只會在電視看到的東西， 今日親眼見到， 很感動。
跟住突然想起大阪城， 雖然唔知位置， 不過手提電話的 GPS 就在這種時候發揮它的作用！ 㩒幾個制， 唔唔， 向東北行約一個鐘頭。 明白。 一個鐘頭的路程望望大阪的街頭， 和関東那邊的確幾唔同。 到達之後... 嘩！ 好感動！ 點解以前的人可以起到這樣的城堡的！ ， 唔好意思， 實在找不到形容詞去形容， 遲些睇相吧？
之後去了約在大阪和京都之間的茨木市去見一個 mixi 友， 唔， 這位 mixi 友今日遇到些不快事呢， 這樣的情況下也來和我食飯， 真的很感動！ 多謝哂！ 遲些仲要搵佢帶我遊大阪呢！ 下次再見。
今日大概是這樣吧？ 不過差不多全程落雨。 話時話。
- 去年北海道－－雨
- 今年h番香港時的横浜－－雨
- 今年在東京近郊和朋友賞花時－－雨
- 今次大阪－－雨
自己果然是貴人呢。
...
這種貴人做唔做都算。 Anyway 明日到京都大学！
2007/10/18 (木曜日)
戦利品：
ギャラクシーエンジェルＩＩ 無限回廊の鍵 デラックスパック
ギャラクシーエンジェル ３ｒｄ （４）
ギャラクシーエンジェルＩＩ 天使たちの羽休め １
大約由暑假開始吧？ 整個研究棟因為加裝防地震的東東， 每日都不斷的工程工程。 到今日也算好少少吧？ 開始拆外面的圍架， 工程也應該到尾聲吧？ 改變了的， 是外面多了個巨型鐵架， 講真， 都幾肉酸。 有點點令人想起箍牙的情況....
講番 research， 唔， 連日來沒有太大進展， 再看看 example， 咦？ 發現0岩用的東西！ 好好！
今日買了不少戰利品， 不過要準備明日京都大阪之裏， 沒有時間看／玩... 以自己來說很少有？
Ready.... GO!!
2007/10/17 (水曜日)
約了一個朋友， 整 questionnaire， 有點點回到以前工作時對住那些讀 business 的人傾 requirement 的感覺。 呀， 這位同學的確係讀 business 的。
一個文系一個理系， 大家望到的重點一定不同。 Technical 方面唔理得內容係 ABCD 定係甲乙丙丁， 最緊要係個 logic flow， specification 等等。 而 business 的諗到乜就講， 很大的空間，做唔做到絕對係另一個問題， 呢個 tool 做唔到就搵另一個 tool， 自己在 technical 那邊通常唔會諗太多彈性東西， 唯有慢慢解釋。 今次純粹和朋友一齊找 solution， 唔係自己 implement， 所以得就得， 唔得就照直講。 唔駛從 programmer 的角度諗。
最後都係要個朋友仔就個 tool 的限制去做， 唔， 理所當然喇。 至於自己做到的， 係幫佢 host 個 survey application。 今次找了兩個， 一個只係 JSP， database 都唔駛 set, 不過好 basic。 另一個 LAMP (Linux Apache MySQL PHP)， Linux Apache 一向都喺度， emerge 好個 PHP， 之後做少少 setting， 唔深究裏面的東西的話都唔係太難 get the stuff run。
講番自己， 還是和 linear programming 死戰。 總算諗通些東西。 也是時候快快手手做好個 testing 佢。 唔係 research 就繼續沒有進展。
2007/10/16 (火曜日)
朝早起身， 望望個鐘， 哦， 十一點... 呀...! 十一點？？ 訓過龍添。 即刻用最高的速度換衫出門口。
回到學校， 見到從斯里蘭卡結婚回來的 M 君， 看上來和平時沒有太大分別喇。 不過最近 lab 裏面的留學生， 數數手指， 七個入面有三個結婚...
有冇早 d 呀？
當然沒有女朋友的自己諗極都唔會明。 不過二字頭結婚， 我就一向都冇諗過。 講真， 到自己 Doctor 畢業（畢到的話）都已經會三字頭黎緊， 二字頭， 得那十六萬生活費， 食多少少都要諗過度過的生活， 結鬼咩？
唔。 自己唔明的東西也唔諗太多了。
之後本來打算繼續和 linear programming 死戰， 不過京都通的另一個 M 君突然出現， 當然要捉住佢盤問... 唔係， 捉住佢請教一下京都可以點行。 大約有兩日可以行， 當然要問清楚啦。 好， 有唔少有用 information， おおきに。
夜晚， 買了支牙垢染色劑， 即刻試用。 唔。 未至於整個口都係紅色， 不過唔少罅位都變了紅色， 尤其自己的牙唔係整齊， 跟住照刷， 要將個口變番唔係紅色， 都唔係一件易事。 幾有趣。 各位不妨可以買支試下。
2007/10/15 (月曜日)
お誕生日おめでとう
２７
就這樣在這個地球生存了二十七年了。 假設自己有八十一歲命的話人生就過了三分之一。
到今時今日還在學園中和教授學生打交道的自己來說， 相比周圍的朋友， 有的事業一片明朗的發展， 有的成家立室， 有的已經在擔心個仔升小學的事。
自己還是一個人在行一條和別人絶不相同的路。 自己在羡慕人， 但同時亦有不少人在羡慕自己。 一條與別不同的路， 正合自己的性格。
２７歲的第一天， 就在一些朋友和網上(mixi)的人的生日快樂之下開始。 尤其係香港的一些朋友， 短短的 message 帶給自己的一種 harmony， 還有幾日前收到朋友的一張聯署生日咭。 物理上的空間是一個人， 不過精神上還是嘻嘻哈哈的迎接了這個生日。
訓醒之後就開始新的一日。 唔， 很正常的一日。 回到學校做自己的 research， 也有些雜務要處理， 整下整下好快就四點半， 要上 GCOE 的講座。 今日提到著作權和倫理等問題， 是自己幾有興趣的一個 topic， 不過始終唔簡單。 於是半周公狀態。 但在大陸法和普通法下的著作權問題與各國之間看法的分別， 也是值得花點時間看看書的。
之後加時再戰， 有 GCOE 各個分野的說明簡介， 幾個 Professors 都好搞笑， 搞笑在佢半蝦碌的情況下的 presentation。 例如 Y 先生在 present 時， click 個 link 去另一幅圖， 神奇的 Powerpoint show 了張圖 0.2 秒之後彈番轉頭....
「咦？」
Y先生再試圖 click 條 link， 結果都係一樣， 0.2 秒。
「まあいいや（是鬼但了）」
可能大家都等放人掛？ 跟住主持那位 O 先生好像驚講少左乜咁， 不斷問有冇補充， 自己也一路的補充。 唔。。 唔。。 唔。。。。 第二日的話其實冇乜所謂。 不過， 在這裏重覆一次。
今日我生日。
約左個朋友在渋谷等， 遲大到。 就算寿司... 唔係唔係， 就算寿星遲到都唔係咁好嘛。 點解寿司？ 寿星去食寿司有乜咁出奇？
約了那位朋友 E， 是在日本最熟識的朋友之一， 昨日有點事沒有燒肉食， 咁日就同我這個寿星去食寿司。 渋谷的一間上樓舖頭， 唔多人， 不錯。 傾傾唔同的話題， 有笑有淚有貓有狗。 哈， 多謝呢餐晚餐！
謝謝所有記得自己生日的朋友， 也祝所有今日生日的人有一個難忘的生日吧？
ありがとうございました！！
2007/10/14 (日曜日)
今日都係鬥唔過睡魔。 自己距離短眠的生活， 還有一段長路要行。
起身， 食了點點東西， 之後執下個人上下網之後， 準備今晚的－－肉肉肉－－食べ放題， 任食唔嬲！ 換好衫， 連襪都着好時， 收到 mail， 一看...
「有點唔舒服， 不如改第二日？」
呀... 呀... ｶﾞ━━(=￣□￣=)━━ﾝ!!
衝擊都的確幾大。 不過唔舒服就沒有辦法啦。 覆了個 mail 之後即時有點很空虛的感覺。 唔。 肉.... 肉....
沒有辦法下， 第一個對策係去便利店買些東西填肚先。 たこ焼き（章魚丸）六粒加一包雜豆。 又幾好食喎（因為肚餓乜都好食）。 之後便約了附近住的朋友夜晚食飯。 順手幫佢做些雜務。
突然的晚飯也沒有諗太多去邊度食。 於是就去了 MM21 的 Johnathan， 食食食， 食完之後就再行下 MM21 的 Tsutaya， 咦？ 幾時開了的？ 完全唔係幾覺添。 幾大間， 而且 Tsutaya 黎講呢間算係最近自己。 而且除了租碟賣碟之外這裏也有書賣， 真係可以在這裏行一整日都唔出奇（註：的確係誇張了）
Blog version updated
Pebble 2.0 -> Pebble 2.2
最近（都唔算最近的了）Gentoo 的 update system (Portage)加了 Tomcat 6.0+， 於是想轉去 Tomcat 6.0 好耐。 最初發現的時候有其它東西忙， 所以都唔得閒轉咁多。
最近好像個 website 有點問題（後來才發現唔關個 website 事）， 於是一口氣轉了個 Tomcat 去 6.0， 跟住反正都要 deploy 個 pebble， 於是索性 upgrade 去 2.2， 由 2.0 去 2.2， 諗都諗到機能上沒有太多轉變， 不過 incremental update 是我一向的做法嘛。
Pebble 應該是這部電腦裏面極少數唔可以自己 update 的東東（冇計）。 其它東西， 由library到整套 Office suite， 都係幾個 command 之內可以處理好的東東。 不過人手 update， 也有它的樂趣。
於是尋晚 update 個 pebble， 首先轉去 Tomcat 6， 沒有太大問題， 就連 JK (Apache 同 Tomcat 間的 linkage)都唔駛點 set， 好。 跟住 deploy 個 Pebble 2.2, 第一次， 唔得， 因為 user account (tomcat) 的關係 {user.home} 指了去 "/dev/null" (Tomcat 無家可歸嘛）。 改 config file， 沒有問題， 總算個 deploy 了個application， 跟住， 咦? 冇野睇？ 再看看 log file, "FourZeroFour"， 404? 奇怪。 望了一陣都唔知乜事， 於是再望望， 發現了 jsp 跟本沒有 compile， 唔知乜事之下改了個 config file 指去一個 empty directory， 之後 JSP 順利 compile， 然後改番去本身的 directory， 好。 見番自己個 blog， 不過就要改番個 Template 同 CSS file。 總算大功告成。 整個過程大約一個多小時？
和 Java web application 戰鬥都已經係自己的過去喇。 沒想到今日都仲會用得着這些 skill。
2007/10/13 (土曜日)
很久沒有去打羽毛球。 下個禮拜因為京都之行所以沒有機會去。 所以今個禮拜少人去都要打！ 老虎都要打！
雖然早了少少出門口， 不過兩位朋友仔稍遲， 其實都冇乜所謂喇， 反正我都相信自己沒有體力連打兩個鐘。
秋天果然是運動之秋（スポーツの秋）， 有點點涼意， 加上點點乾燥， 特別舒服。 總之唔係夏天就得喇！
最初三人打的羽毛球， 去到尾段時突然變了八個人的陶汰賽！ 我和另一個高手一齊， 哈哈。 無敵的組合。 不過也是玩玩下， 都唔駛話太認真喇。
之後三個人去了例牌的 Cafe 吹水。 講了不少閒話， 例如泰文也講了不少時間， 雖然發音應該都唔難學， 不過我絕對有信心我寫唔出那些文字。
回家前本來想去買些衫當換季， 不過睇黎睇去都冇乜特別合心水的。 唔。 冇計。
2007/10/12 (金曜日)
想寫那個 Linear Programming 的問題， 不過都係唔太熟個 GLPK (GNU Linear Programming Kit)， 結果都唔係太寫得出。 有點點睇高自己學新東西的能力添。
憤青突然問自己關於時間安排的東西， 唔。 老實說...
完全沒有安排喎！
真係奇怪。 都唔明佢點解咁問。 做野的時間和休息的時間亂哂龍。 平時在學校可以不斷的看 slashdot, kakaku.com ， 回到家時只要冇機打的話有時卻會看一些 tutorial， 也會看一些 programming 的東東。 有機打可以甚至逃學， 有 deadline 時在家中發揮 200% 的 deadline effect 也冇問題。 簡單地說，
真的亂哂龍的安排！
佢仲要覺得我係一個很有安排的人， 真係幾搞笑， 唔知佢由甚麼根據喇。 唔。
回家前買餸， 打開雪櫃才發現之前買落的東西還留在雪櫃.... 哎呀... 之後幾日都未必留在家中食野添。 要快快手手食左佢先得。
2007/10/11 (木曜日)
近來都算早起身， 不過還是未習慣， 所以有時都會幾眼訓。 不過時間多了， 自然地看書的時間也多了。 開始清了一路累積在枱面的書。 例如終於都看完那本“醜陋的中國人”， 一本中學時期已經知道的書， 但到今日才看得完。 看完的感想， 是的確發現（應該說再發現）中國人的陋習， 但也得再反思自己裏面的小農 DNA （借用陶傑語）。
另外基本上是整日的 research， 寫 linear programming 原來比想像中難。 Optimization 的知識很多都還了給 Professor， 呀， 似乎要借書或者買書重新學過。 不過點都自己試下寫個 sample scenario 先算。 如果唔係睇幾多書都冇用。
看完了“醜陋的中國人”， 看另一本比較輕鬆的書“眞鍋かをりのココだけの話”， 是在日本有“ブログ(blog)の女王”之稱的眞鍋かをり的 blog 集。 這位眞鍋かをり是少數自己喜歡的藝人， 也一路有看她寫的東西。 Update 唔算密， 不過以女藝人來說把自己的東西差不多全部寫上去， 意外的有親切感。 有時也想寫像她一樣的 blog（ちょっと自虐的？）， 唔， 學下野先。
2007/10/10 (水曜日)
朝早幫個朋友清 MSN virus， 不過其實真係唔太清楚， 所知的資料實在太少了。 沒有辦法。 唯有靠僅有的知識去應付啦。 不過清 virus 這些動作真係幾荒謬。 今日看 slashdot 時有個 comment 說得很好， “電腦係應該減輕你每日的工作， 而不是你每天為清病毒 reinstall 等等而費心的一部機器”， 雖然唔鍾意 Mac， 不過 Mac user 似乎就係 exactly 咁諗。 至於自己作為 Linux user，電腦除了時幫自己工作之外， 幫佢做 maintenance 也是一種樂趣。 和 Windows 兩者間的唔同， 係 Linux 你係舞部電腦， 而在 Windows 你係俾 virus, Trojan, 還有 Micro$oft 舞緊， 主動與被動的關係， 就係咁簡單。 有時真係覺得， Window$ users 都幾有被虐傾向....?
Anyway 下午去了和兩個 business school 的朋友食飯， 點知 plus alpha 多了一個人， 也好， 一行四人。 也是吹水吹水喇。 和唔同 field 的人吹水， 優點係有不少自己看不到的話題， 例如間藥房都可以大把野講， 真係幾厲害。
回 lab 做野， 做了一陣又約了朋友。 今日都延忙的。 約了附近住的香港朋友， 去了買機票， 跟住食飯， 之後又係吹水...傾左都幾個鐘吧？ 很久沒有聽關於工作等話題。 關於工作裏面的一些小人， 真係防不勝防。 唔。 一個幾值得深究的問題....
2007/10/9 (火曜日)
真的回復了正常生活了。 正常的校園生活。 結果今日開了成日會， 整日的研究室 meeting， 真的悶到人都顛。 好在可以自己帶電腦去做野。
之後處理一些京都之旅的準備。 去了另一個 lab， 還是第一次去。 傾了傾， 講開黎自己 lab 同呢個 lab 之間的 mail server 好像有點問題。 講下講下似係自己 lab 那邊有事， 於是找了我地個 "admin" 傾。 佢話之前有部機 down 左， 呀？ 你知道又唔理佢？ 忙喎。 唔。 之後佢都走去 server 房（註：亦即茶水間）， 跟住見佢係咁亂開亂啪電掣， 下？？ 完全唔明。 跟住佢個結論係其中一個站啪唔着， 我就真係唔信佢， 走埋去， 一啪， 得咗。 佢即時口啞啞。 呀， 這些 breaking switch， 細細個時就知道跳左掣之後要先啪去 OFF 先至 ON， 就連我阿媽都知。 真係..... 未詳細試兩個lab 之間通番未， 不過真係佩服呢個 admin.......
冇機打（暫時抑制自己唔俾自己閒日打機）， 很悠閒的做做之前一路沒有做的事（例如 update 這個 blog）
2007/10/8 (月曜日)
終於也完了ゼノサーガ了， 結局真的幾令人意外。 而且絕對不是一個 happy ending， 唔， 也不是吧？ 雖然人去的去死的死， 但好像沒有人留下遺憾， 從這個角度去看也算是 happy ending 了？ 就連幕後的黑幕， 雖然目的沒有被達成， 不過心中深處渴望的意外， 或許是解決永劫回歸的辦法？
要明白這隻 game 隨時要由第一集從新玩起。 不過咁玩法相信人都顛。 加上第二集真係冇話好講。 唔....
玩完這隻 game， 短暫來說是可以從回正常的生活吧？
2007/10/7 (日曜日)
整日留在家中打機。 ゼノサーガ的故事去到尾聲， 謎團和各種因果也逐漸明白。 第二集真的幾失望， 不過第三集算係保番張飛。 故事， 的確唔係一玩就完全明白， 雖然不算多， 但唔多唔少都借用了尼采的思想， 永劫回歸， 真的不是一個容易明白的東西。
2007/10/6 (土曜日)
約了一位很久沒有見的朋友在新宿食飯， 唔。 正確些說係係 Coffee Shop 飲咖啡食三文治。 食乜都係其次， 最重要的還是吹水喇。 傾左都兩個幾鐘？ 真係太耐冇見掛？ 不過也謝謝佢專登拎番部 laptop 過黎... 也多謝早來的生日禮物。
沒有特別事做， 回家打機。
2007/10/5 (金曜日)
尋日偷懶的後果就係今朝要搏老命。 朝早首先要交 COE 張 poster， 雖然係以前 thesis 裏面抽出黎抄， 不過要準備圖等等東西都幾係野。 寫寫寫， 咁就寫左一個上晝。
下午準備教廣東話的東西， 第一堂， 唔知點入手好， 唯有準備一個溫習的特別堂等自己掌握一下他們的進度。 由於自己懶的關係沒有太多時間慢慢 summary。 呀， 話時話今朝買了本廣東話辭典， 真係發夢都冇諗過自己會買的書。 好大本。 揭下揭下都幾過癮。
準備不十分充足的狀態下去了上堂。 第一堂的關係也有點緊張， 結果班裏的情況比想像中差點點， 不過更大問題是自己的解畫能力也算不上很好。 唔。 糟。 算係失敗的一堂。 唔。 檢討。
之後和他們去食飯， 附近冇得食， 越走越遠， 去了差不多原宿那邊。 多係搵唔到地方食野。 冇計之下去了 family restaurant， 仲要係吸煙區... 唔。 好在附近的人都唔算吸得好勁。 都算係死唔去。
很疲倦的一日。
2007/10/4 (木曜日)
短眠的反動。 今日變了長眠... 一來係意志力唔夠的結果， 二來唔駛上堂， 三來笹瀬先生又不在， 四來尋晚顧住打機遲過四點訓。 總之就大失敗。
起身都十一點幾了， 番學校都冇乜時間做野。 決定蛇王...
2007/10/3 (水曜日)
教小學去也。 很平常， 沒有太大特別也沒有特別困難。 不過接觸小朋友真的幾開心， 雖然去到四五年班時有些完全唔想上堂的學生... 點樣可以接觸到他們也是一個難題....
學期頭， 也是處理雜務。 回到學校處理 course reg 等等鎖事。 本來到 Doctor course 都冇乜好 reg， 不過好衰唔衰入了 GCOE （俾笹瀬先生知道實鬧到我飛起）， 結果就要 reg 個 course 喇。 不過横掂點都要上 lecture， reg 埋都毌妨喇。
回到家， 依然顧住打機.... 呀， 冇得救。
2007/10/2 (火曜日)
明日笹瀬先生又飛， 睇怕過三日研究室都冇乜人喇。 但出張前的笹瀬先生有不少工作要處理， 結果自己局住要幫手。 由古至今最麻煩的工作始終都係聯絡， 加上一個奇怪口音的印尼人的聯絡。 佢都幾慘， 連續兩次笹瀬先生有急事搵佢佢都唔喺 lab... 印象分一定大減。
另外今日拎了 PhD 房的 access card， 在學校的另一個地方有自己的空間。 雖然笹瀬先生叫我們暫時都留在 lab 做野， 不過有時個 lab 真係會變成唔可以做野的地方。 到時便上那裏避難吧？
2007/10/1 (月曜日)
平常的一日。 從這個禮拜開始每個禮拜一都要去 COE 的講座， 唔係太知為乜。 每個禮拜也會請些唔同的人來講一些 topic， 唔。 和研究沒有太大直接關係， 不過聽下都好喇。 今日講的包括 RFID 和IT與環境問題。 RFID 就真係聽到厭， 不過環境問題方面比較有興趣聽...
諗住趕番屋企睇コナン， 不過今日冇做.... 呀... 咁趕為乜？