2007/12/31 (月曜日)
大晦日
一年的最後一日。 唔。 不過也沒有太大特別， 也是放鬆的在家休息。
今年一月一日寫下的目標“充實”， 有睇開這個 blog 的人大概也估到自己實現了幾多喇。。。 唔。 今年簡單地說可以分為修士時期和博士時期兩段時間。
Master 大約七個多月的時間， 長期也在壓力下渡過。 不過話雖如此， 除了 deadline 之外都未見自己盡力過。 這方面真的想改改喇。 Anyway 這段時間其實不知不覺都學到不少東西， 所以也算過得去啦？
過完暑假之後就到博士課程。 本來要做的東西也差不多， 不過莫明其妙的做了 GCOE 的 RA, 多了很多無謂工作要做。 例如幾日前的 winter camp...
另外一個變化， 可以算是積極地識多了些朋友， 包括 mixi 和廣東話班吧？ mixi 以 SNS 來說感覺上也算信得過。 約過幾個在 mixi 識的朋友出來， 現在也有 keep 聯絡。 另外廣東話班也寫了一些人。 雖然到現在都說不上很熟落， 不過傾多些計也未嘗不是一件壞事。
當然， 最重要的還有一路都熟落的一些朋友啦。 唔係很多個人， 不過在沒有家人在身邊的情況下， 這些朋友就顯得特別重要。 下年或多或少都要有些變化（例如有些人可能離開日本等等）， 希望黎緊一年都可以開開心心咁過啦。
2007/12/30 (日曜日)
繼續休息。 總算出了去買少少野。 其它時間都係在家中睇 news 等。
話時話香港那邊總算公佈了2017年“可以”普選行政長官。 唔。 雖然也有點保留， 不過如果是真的話都可以等下？ 雖然唔知點解 2012 年唔得。 唔， 微妙…
2007/12/28 (金曜日)
戦利品：
DVD ながされて藍蘭島 その六 初回限定版
ながされて藍蘭島 海龍神社放送局 ＤＪし〜でぃ 第１巻
開始休息。 本來真的想整日留在家中， 不過點都要買野食.. 沒有辦法之下出了去。 不過反正都係出去， 就去了書局行行， 買唔到想買的書， 沒有辦法， 番屋企上 Amazon 訂。 今年就諗住用黎過年用。 哈哈， 過年走黎睇這些高難度的書， 剛剛好？
之後基本上也是 GA 的時間...
2007/12/27 (木曜日)
ウィンターキャンプ その二
Winter camp 的第二日。
一早起身， 七點都未夠吧？ 就拎了部相機出去影相。 富士山， 剛剛好吧？ 不錯的景色。 天氣也有點點涼快（四度左右吧）， 加上周圍也沒有人， 很舒服。 不過很快也要準備一下今日。
先吃了早餐， 之後就開始 presentation， 自己的在朝早第二個， anyway 照平常的 present, 沒有任何大問題喇。 之後津田先生問了少少問題， 也算答得到， 之後笹瀬先生的反應也算是正面， 應該也沒有大問題喇。
後來另外的人也陸續 present 完， 下午食飯時和笹瀬先生一起坐， 自然聽他講了不少大江南北。 之後大西先生的 lecture 和 workshop 等等安排又用了一個多小時， 大概決定了自己會去 Gent 的 workshop， 唔。 三月嘛， 有不少手續東西要做， 唔。 到時先算了。
回程， 比去時快， 一個半鐘左右便回到矢上了。 今年要做的東西也總算完結， 可以放鬆了。
2007/12/26 (水曜日)
ウィンターキャンプ その一
開始 winter camp 的第一日。 一早集合之前首先去到矢上キャンパス拎少少東西， 之後就去到集合地點。 不算太遲的關係， 可以揀位坐。
大約兩個鐘頭的車程吧？ 去到富士附近的 camp site， 由於天氣很好的關係， 可以很清楚的望見富士山， 加上積雪的關係， 這樣看富士山特別靚。 不過靚唔靚都好， 黎到就係先去 meeting room 和午飯...
午飯之後就開始 presentation， 自己的 presentation 在明早， 所以也只是觀戰罷了。 一大班人 present， 直到五點幾左右吧？ 今日的 presentation 也總算完成， 不過天都黑哂。 想去睇富士山都唔得。 沒有辦法之下和 Madu 周圍走走， 撞見笹瀬先生， 於是傾傾傾， 傾到食飯。 食飯， 正確些說是懇親会， 總之就很多刺身！ 幾好食。 同埋不斷的吹水， 甚麼話題也有講到， workshop 啦， 金融啦， 政治啦， 真係唔明點解會講到這些話題。 不過都幾有趣喇。
之後番房， 編了和 Madu 一間房， 還算好彩， 一個唔覺意編了同巴斯光年一間房的話估計我會露宿街頭。 不過成晚流流長， 就是睇電視和吹水。 太早要自己訓覺都係訓唔着喇。 結果好像兩點左右先訓...
2007/12/25 (火曜日)
今日依然地要番學。 唔。 其實都主要地係 holiday mood， 番到學校都係做番 presentation 的東東。 不過都算係一般順利喇。 果然到 deadline 時効率可以去到 120% (相反 deadline 以外的時間効率基本上只有 20% 左右)
晚上準備好明日 winter camp 的東東， 沒有特別事做， 早點休息吧？
2007/12/23 (日曜日)
總算可以休息一下。 尋日打完羽毛球， 由於好耐冇運動的關係， 全身筋肉痛。 留在家打下機， 休養一下。
之前剛剛買了的 up scan converter， 算是派上用場。 畫面的確是靚了。 不過計下條數， converter 5000円， 為 PS3 的 10% 左右， 唔買這個 converter 儲些錢買 PS3 的話個 upscan 効果應該會更加好。 唔。 唔理咁多住喇。 PS3 最快都係下年先算。
2007/12/22 (土曜日)
好耐沒有打羽毛球喇。 準備好， 出發！ 不過去到時， 全部人遲到... 體育館的おばさん見我無無聊聊的陪我打左幾球， 唔。 謝謝！
之後班友也算慢慢到達， 不過真的好耐冇打， 個身體就係有點追唔到個反應咁。 唔。 之後休息一下， 有人提議打 mini volley， 也好。 結果おじさん＋おばさん上陣， 三對三， 雖然不斷被おばさん話， 總算表現 OK 掛？ 掛？ 哈哈， 開心咪得囉！
收拾好之後過東大的 Italian Tomato 食野吹水， 尤其係 W さん的近況真的不太清楚， 好耐冇見喇。 三個月定半年呢？ 自己都唔知喇。
回家休息。 之後兩日放假， 開始 holiday mood， 不過還有 presentation 未做（deadline 先算喇）
2007/12/21 (金曜日)
本來想和笹瀬先生傾傾進度的問題。 不過自己又未準備好， 笹瀬先生又唔得閒， 結果冇左件事。 食飯前和一個後輩傾點樣重新整理好研究室的 IT environment， 由 Linux 講到 virtual machine 講到 Xeon， 越講越興起， 難得有人可以傾到這些話題， 真的不錯。 相信佢 IT skill 在我之上喇？ 有機會一齊整 server 等自己學下野都好。
下午研究室 meeting， 沒有太大特別， 今次得三個人， 比較短， 唔帶 notebook 做自己野都唔覺得時間過得好耐。 不過憤青的進度報告， 真係好似冇人聽得明。 佢自己其實又明唔明呢？ 真的很有興趣知道。
之後一年一度的大掃除， 本身自己不是強制參加（PhD 的特權）， 不過張枱始終也是自己的， 而且也算盡一份責任咁啦。 抹抹抹， 抹窗時發覺幾條友停哂手。。。 乜事？ 唔係好知， 但明明個窗就未抹好... 你班人蛇王都唔好咁過份喎。
叫做做好野之後， 準備一下廣東話班， 之後出發。 今年最後一堂了。 黎緊三個禮拜之後。 這個廣東話班也算是慣了。 雖然還要不少時間準備， anyway 都算 OK 吧？
和廣東話班的同學食完野之後， 和其中一個人行去渋谷， 他似乎想過香港長住所以學廣東話喇。 唔怪得咁熱心啦， 之後交換 Skype/mixi 等 contact， 有機會網上幫佢操下都得。
難得充實的一日！
2007/12/20 (木曜日)
今日是後輩的修士論文發表， 唔， 不過自己都遲了番學校， 加上自己都有野做， 所以都唔聽得咁多。 去到 PhD room， 做少少野咁。
午飯之後， 去 lab 浦一浦頭， 見到其中一個 M2 在準備午後的發表， 走去八卦下， 跟住就俾佢問到個唔太識答的問題。 唔。 應該都唔會點問的問題掛？ 雖然也走到好似啱的答案， 不過都係唔太肯定， 聽天由命。 之後也有去聽佢 present， 似乎也算順順利利喇。
之後夜晚和 Madu 應約到 R 君家開 party， 去到， 首先係玩下佢部 Mac， 見到佢有一個編曲的 program， 幾有趣的。 不過我和 Madu 最驚嚇的都應該係... 原來 R 君唱歌幾好聽的。 另外也親眼見到編曲的過程， 很有趣（夜晚也找到原來 Linux 也有類似的 program ， 有機會玩玩先）
之後食野， 簡單而又幾好味的一餐。 另外 R 君特製的荳奶加朱古力加 cream， 意外地幾好飲。 不錯不錯。
時間還早， 看看 A 君帶來看的電影。 唔， 唔， 唔。 完全唔明添。
謝謝 R 君的招待！
2007/12/19 (水曜日)
沒有太多的雜務， 總算可以專心的做 research， 不過要絕對專心做一件事， 對自己來說還是有一定的難度喇。 很多很細微的東西都可以令自己分心...
下午也總算平安無事， 之後有點事找笹瀬先生商量， 細果主題講左五分鐘左右， 而其它東西就講左半個鐘... 都慣的了， 中間題到自己最近多數都在 PhD room 做野， 似乎笹瀬先生不太喜歡喇。 唔， 也的確要有點時間在 lab 出現喇， 唔。 唔。 唔。
2007/12/18 (火曜日)
朝早先去了渋谷和黎緊下個月廣東話班的関係者傾傾大約要教的內容， AIG嘛， 以前畢業第一份工就係佢（AIU）， 不過日本這裏就完全唔關係喇。 點都好， 傾左大約的內容之後就散隊....
下午 research， 看 paper， 也的確要幾多精神的... 尤其係個lab 唔知點解暖氣咁鬼猛... 好凍咩？ 就算係都唔駛開 24℃嘛！
晚上回家時買了一個 up scan converter (打機用)和一張 Linksys 的 PCI wireless card， up scan converter 基本上就唔駛 set， 駁好線 tune 好些顏色就 OK， wireless card 就要 set kernel option 再裝 program 等等， 之後都仲要係唔 work。 算， 應該差唔係好多， 遲些有時間先慢慢玩， 反正都唔急。
呀， 生日快樂呀！
2007/12/17 (月曜日)
一早去了郵局， 處理好幫朋友買的東東之後番學。 今日是之前份 report 的 deadline， 寫就寫好， 交也交了， 不過就是有其它種種雜務要處理， 真係煩， 咁搞法好難專心做野架喎。
點都好， 今日又要上 COE lecture， 兩個 guest speakers， 一個講 IC fabrication 一個講 optical disc， 本來都應該有興趣的題目， 不過佢地真係講得幾鬼悶， 結果轉左過去 Prof Chow 的 lecture...
夜晚總算可以 relax 下。 晚上有実写版的名探偵コナン， 正確些來說是工藤新一喇， 不過那個男主角， 横睇掂睇都只覺得係一個輕挑的死靚仔（！）， 總之唔似係頭腦派喇。 但兩個女主角就還好， 尤其係宮野志保的選角（或者說反粧？）真的做得不錯。 還有大奸角的ジン.....好.. 好老餅.... 故事就都過得去， 不過ジンの兄貴好像幾失威喇， 老左就真係差點(?)....
2007/12/16 (日曜日)
未寫好 report， 不過就約左朋友食飯， 唯有發揮一下 deadline effect 加無 network 作業－－ 拎部 notebook 出街...
直到前面也是同昨日一樣的對白， 哈哈。 人懶就係咁。 Anyway 也是早早去到， 六本木嘛， 因為唔熟地頭所以習慣也是早到的。 早了去到， 便去了一間快餐店坐底慢慢寫 report 慢慢等。 周圍前前後後坐左唔少人， 唔知點解大部份也是打扮得略為誇張的姐姐仔... 果然係... 六本木...。。。
點都好， 朱古力又飲完， 也差不多時候去會合朋友。 一個朋友準時， 另一個唔知自己去左邊（唔識路咪認囉， 我本身都唔識）， 另一個因為大遲到三個人先去了店裏面等。 唔， 好像氣氛有少少奇怪的， 可能店裏的人硬係想我地點野食啦。
點都好， 人齊， 開飯。 這間舖頭， 簡單地說就係巴西燒烤喇。 也是有個人叉住一大舊肉走黎你面前切俾你。 那個巴西哥哥仔都好態度， 很滿意。 不過奇怪的其中一個朋友對食物等等有不少怨言... 我就真係唔覺得有乜唔妥。
Anyway 都係吹水日。 主要也是關於 A さん的前路問題。 之前每次見面時都會有講到咁濟， 所以我地幾個也算幾詳盡喇。 對於佢想法其實真的不敢認同， 不過意見歸意見， 始終唔可以加太多自己的立場或者想法入去， 唔。 唔容易喇。
不過之後 A さん的爆弾発言：「我同你（L君）假結婚我咪可以拎 visa 留喺日本囉！」， L君當場傻左。 哈哈。 我就當然係乘機撥行把大葵扇啦！ 有趣有趣。
昨日和今日都不錯的一餐， 唔， 可以想到的就係兩間餐廳的老細／大㕑（？）也是鍾意和客傾計的人？ 服務態度好， 真的對自己很重要喇！
2007/12/15 (土曜日)
未寫好 report， 不過就約左朋友食飯， 唯有發揮一下 deadline effect 加無 network 作業－－ 拎部 notebook 出街， 在火車， 在渋谷的 RankingRanqueen 外面拎住部 notebook 係咁打， 唔知的話可能以為我打緊機都唔定？ 好多時都會唔望住個 mon 打字， 跟住四圍望， 應該， 周圍都會覺得自己係怪人喇？
まあ點都好。 唔理得周圍咁多。 自己叫做做到 d 野出黎就得。 跟住差不多夠鐘會合 d 朋友， 去到約定的地點後， 才發現朋友架火車延誤， 冇辦法之下唯有等等等。
之後兩位朋友加四個新面孔， 完全的香港澳門同樂日。 呢四個男仔都係遲自己一兩屆拎文科省的後輩喇。 香港味十足（？）
之後一班人去到車站附近的羊肉／火鍋店， 間舖頭都延有趣的， 很少可這類舖頭係買食券， 不過後來就發現， 除了店長之外就只有一個 staff， 沒有太多人招呼， 野食都係擺哂出面自己慢慢拎。 反而這樣有種親切感。 店長也很好人， 得閒就走吹下水咁， 感覺好好。 而這邊四男兩女的港澳組合， 應該都幾大聲的， 不過店長話熱鬧好喎！ 的確幾贊成。 今日原則上係任食唔嬲不過限時間， 不過一路店長都話夠鐘要我地走人， 不過最後係因為要收舖喇！ 非常不錯的一間舖頭， 絕對值得再黎！
講番今日新認識的朋友， 基本上都細自己七年， 所謂七年一個代溝， 真係錯唔哂！ 有些廣東話唔知點解唔通的.... 還有各人的性格也很有趣， 可能後生吧？ 估唔到到自己望住一班大學生時會覺得佢地係細路仔... 呀， 老了。
2007/12/14 (金曜日)
下午突然加插的特別講義， 兩個台灣人， 講的是 cognitive radio， 本身沒有甚麼興趣的 topic， 不過由於今次要做 hosting， 點都要記得今日發生過乜事， 所以打醒十二分精神聽。 意外地又幾有趣喎。 算係咁啦， 比起星期一那個唔知望住邊度講 copyright 的 Professor 好得多。
夜晚， 早來的 Christmas Dinner， 其實就係一個吹水會喇。 十幾個人裏面佔了一半係泰國人， 跟據以往的經驗， 這樣通常整晚都係聽唔明佢地講乜， 佢地有佢地自己講。 換句話來說就係 balance 唔好喇。 後來也真的由佢地自己講， 自己就和其它人傾計， 倒也不錯。
天氣好像有點轉涼了？
2007/12/13 (木曜日)
下午和 Mac user朋友 R 君食飯時， 突然好奇問佢有冇用最新的 Leopard， 完全意料之外的佢突然火都黎嘛， 覺得我好像撩交嗌。 當場覺得奇怪， 當時的情緒有點高漲， 所以有很多內容都唔記得了。 不過簡單地說， 就是我和一些其它 Linux user 有時就像一些 fundamentalist 般的講 Linux 幾好幾好， 同時把其它 user 踩到很低咁。
唔， 首先澄清一點， 立場上， 我所踩的應該只是 Windows， Mac 講真有錢的話都想買部玩（不過有錢都買左 PS 3 先）， 所以都冇理由踩 Mac。 至於 user， 如果係 hardcore Windows/Mac user， 有時我都會同佢 fight 過。 不過一般黎講佢用乜 OS 唔關我事， 總之你個 Windows 有乜頭暈身熱唔好煩我就得。
不過立場歸立場， 始終有時在這些東西上的發言似乎有不少時間踩過界， 所以都會得罪唔少人喇， 而似乎今次 R 君也是因為我的發言而起火似的。
習慣上自己也是澄清自己的立場喇。 不過都好像冇用， 加埋兩個和事佬都係咁話。 後來冷靜一下， 也想到自己的言論真係過位都唔定， 後來 send 了個 message 俾 R 君道歉， 事件也算是平息了。 一個很貴重的教訓...
2007/12/12 (水曜日)
今個學期最後一日去教木月小， 同上年比起上來因為班級完全唔同所以感受也有點不同。 小朋友相對地也知道再見的機會並不是冇喇（上年小朋友以為以後唔會再見咁）。 最初也擔心對住四五年班會冇咁順利， 不過最後也沒有問題， 算係對小朋友對學校對自己有交代了。
之後也是寫 report， 剩係呢份 report 都唔知浪費左幾多時間了。 雖然冇呢份 report 某程度也是浪費時間... 唉， 可以的話都想正面些看這件事。 不過都有限度嘛。
2007/12/10 (月曜日)
算是正常的一日。 回學校做野， 真係諗唔到有乜特別野好寫。 下午的 COE 堂， 又係講著作権， 最大問題係條友講得好悶...
呀， 唯一想講的係， 下午那個マグロ山掛け丼， 好難食....
2007/12/9 (日曜日)
下午起身， 完成了第一隻 PSP game -- TOW (テイルズ オブ ザ ワールド レディアント マイソロジー)， level 60， 叫做剛剛好吧？ Quest based 始終唔太慣， 不過也算做得不錯喇。
之後應澄清先生約到了新宿， 佢就黎生日嘛， 結果就陪左佢遊商場， 睇下有乜買。 先到了お寿司屋さん醫肚， 還不錯的， 雖然都唔係食好多野。 之後去到商場睇佢有乜買， 不過發現的卻是諗的東西相差唔少， 佢睇中的東西我大都覺得唔多掂， 相反亦然， 唔。 最後買了些異常實用的東西就算了。 老實講， 有點攰的感覺......
2007/12/8 (土曜日)
整日留在家中。 休息。 唔驚唔覺的忙起來。 起碼直到假期之前也要努力了。 但今日就即管休息一下。
收到一個香港朋友寄來的禮物。 打開， 嘩！ Vodafone 的電話呀！ 雖然唔係新款， 不過都應該幾貴。 到自己來說， 就係有機會可以申請 Softbank 的 White Plan， 唔。 有點值得教慮。 不過都係睇定 d 先。 多謝哂！
2007/12/7 (金曜日)
朝早也是去 H 君的 apartment， 再接收僅餘的物資， 之後正式同佢講聲 bye bye， 下年先再見了。
回到學校， 處理一下雜務之後， 也沒有太多心機做野， 反而做的係周圍撩交打， 點解呢？ 因為在 PhD room 的一個印度人一個孟加拉人， 永遠都係完全唔顧周圍的人感受係咁制造嘈音， 所以真係唔同佢地講唔得。 呢班人， 真係幾多問題。 民族性？
晚上教廣東話， 最基本的“係”的用法， 真係唔知點教好。 跟書教大家都係唔明。 Anyway 之後忘年會， 吹水吹水同埋吹水， 還不錯的。 有些自己都冇諗過的廣東話， 看來都幾好笑的。 有機會教下都好。
2007/12/6 (木曜日)
尋日因為 Techno Mall 的關係沒有去到小学校。 今日補番去。 第一堂兩班四年班夾埋一齊上， 去到體育館， 基本上就係上體育堂.... 跑跑跑， 又幾好玩的。 結果玩足一日特別肚餓。
之後照正常的做 research， 要開始寫那份離奇的 4 pages report， 真係唔明佢地諗乜。 呀。
晚上， 去了明日就番香港的 H 君的 apartment， 接收一些佢唔要的東西， 同埋慢慢吹水。 估唔到咁快又走了。 唔。
2007/12/5 (水曜日)
Keio Techno Mall
有點點遲了起身。 不過都冇所謂喇。 反正今日都唔係番 lab。 下午兩點起要負責 Techno Mall (基本上係慶應的理工学部的 showroom)的其中一個單位。 朝早也是慢呑呑的出門口。
去到有楽町， 上到去自己要負責的單位， 問番之前的情況 ，發覺都冇乜人黎睇。 唔。 都可以理解喇。 太 general 的話其實都唔知點講好。 而且其它地方有唔同的 demonstration， 更加好睇。 俾着我都會去喇。 結果其實係成班 RA 吹水。 有點點搵黎搞的感覺。
四點之後自己算是完成工作。 在會場係咁易走左個圈之後就番歸。 結果比起平時仲要早番到屋企添。 唔。 無無聊聊的打打機， 又一日。
2007/12/4 (火曜日)
平常的一日。 不過尋日突然大西先生話要交四頁 report， 真係唔知邊度嘔俾佢。 算啦。 盡力而為。 反正自己也想 summarize 之前的 Survey。 唯有係咁做俾佢啦。
之後很平靜的一日。 番到屋企係咁食野。 好像有點食過龍的感覺？
2007/12/3 (月曜日)
一整日的雜務。 首先係唔知點解要去的 winter camp， 雖然話聖誕節完全對自己冇關係， 不過年尾都總係想休息下嘛。 結果今日就要填 n 咁多張 form， 唔知為乜。
跟住入去笹瀬先生的 office， 本來之係想佢畫隻龜， 不過唔知點解佢叫我同 Madu 去同巴斯光年講， 佢好多日都冇上 GCOE lecture， 再唔上佢可能會被炒魷魚等等。 呢個巴斯光年真係除左麻煩之外諗唔到其它形容詞， 成三十歲人結埋婚生埋女啦。 少少責任感同常識都冇...
之後上完 lecture 之後傾後日 Techno Mall 的安排， 同屬 P3 的巴斯光年自動消失， 心諗其實冇佢仲易安排， 不過始終係集體作業， 唉。 估唔到 research 都要顧及這些麻煩“同事”。
之後因為 GCOE 的關係， 莫名其妙的多了一部新 notebook， 市值差不多廿萬。 不過講真， 真係唔太想要。 多一部機又要多些時間去 manage， 雖然總會有用（掛？）， 不過睇怕都係由得佢先。
夜晚， set 番好了個 internal mail server， 好好。
2007/12/2 (日曜日)
ヒキコモリ。 留在屋企 set 番些垃雜野， 與及不斷的打 PSP...
晚上突然的有興緻看棒球比賽， 日本對韓國。 最後日本以4－3擊敗韓國。 中途有點訓着的感覺， 不過最後勝出的一刻又的確幾興奮的！ 好野！
Server， 一切活動照舊了（掛？）， 而在用的是 64-bit 的 system!!
呼， 終於追番哂 d 未寫好的日記了。
2007/12/1 (土曜日)
突然的興緻， 繼尋晚搬左個 home folder 去新 drive 之後， 突然決定裝埋個 OS 去新 harddisk， 本來就咁 copy 就 OK， 不過又想轉去 64-bit system 的關係， 就咁裝過就算數~~~， 轉去 64-bit 其實在現時冇太多好處， 不過也沒有壞處嘛， 扮下 technical 都好。
由於裝第六七次 Gentoo 了， 異常的快手。 裝左大部份野之後， 打個 command 等佢慢慢 compile 之後出去食飯。 和就快番香港的 H 君和他朋友 A 君食飯， 很求其的 search 了間在車站附近的餐廳， 才二千幾円就有自助餐， 很抵食。 兩個鐘慢慢食， 食物也不錯， 飽到鬼咁。 吹水也吹到口乾， 口乾又有無限供應的飲品， 那杯 peach tea 也的確不錯呢！
夜晚， 繼續裝番些 program 同 set server， 也差不多完成了。 噢。 真係快！