2008/2/29 (金曜日)
夜晚有廣東話班， 一朝早就係咁準備。 之後就要繼續趕份 paper， 中途笹瀬先生提到叫我快手些做 research， 如果唔係隨時畢唔到業。 唔。 呀， 真係要加油了。
夜晚的廣東話班完左之後， 和其中幾個學生去了原宿食飯。 一共六個人， 有三個係今日先識。 去那間餐廳， 唔記得左叫乜名， 不過個裝修真係幾特別。 傾計吹水， 其中一個好快會搬去横浜那邊（正確些說鋼島一帶？）， 有機會搵下佢飲杯野都好喎。
2008/2/28 (木曜日)
今個假期， 結果都係冇乜點做過野， 同埋好多野始終要個人在日本先做得到。 點都好， 今日都係要番學校處理唔少野。
Passport copy 之外一定就要， 跟住就即刻處理 COE 等麻煩野。 有得出外本來係好， 不過真係過於趕急的行程， 又要買保險等等， 真係幾煩。 不過快快手手處理好有著數。
夜晚再睇睇張 sound card， 都係唔得。 唔， 真係唔係好明。 冇辦法。 應該都係不良品喇。
2008/2/27 (水曜日)
戦利品：
らき☆すた キャラクターソング Vol 9 背景コンビ
らき☆すた キャラクターソング Vol 12 黒井ななこ、成実ゆい
ながされて藍蘭島 DVD 其の八
ギャラクシーエンジェル画集 ANGELS II ~KANAN's works~
早機， 早早起身。 其實真係早得濟。 不過點都去， 換衫準備出發。 臨出發時已老豆有傷風為理由叫佢留在屋企休息。 唔， 自己都覺得幾衰。 不過講真佢一齊黎的話我覺得我會忍唔到鬧交都唔定， 而且佢傷風都係事實... 唔知有冇做錯喇。 不過肯定老豆唔老黎囉。
晨早的紅巴。 其實自己幾憎紅巴。 司機亂咁黎。 今次咁， 明明十六座位， 唔知點解可以上成廿幾人。 迫到鬼咁， 同埋唔知點解好多賓賓.... 唔理得咁多喇， 上到車就算。
總算去到機場， check in 時個 staff 話架機好 full， 問我介唔介意轉坐國泰， 如果轉坐的話有 200USD補償， 當然應承啦。 咁大隻蛤姆喎。 不過未知情況下， 和老媽子用了那張 offered 的餐劵食少少野。 半個鐘頭番去， 結果原機去日本。 連個位都變左， 正當頭上面有個 question mark 時個 staff 就話俾我聽 upgrade 左去 business class! 哦。 雖然 200USD 冇左， 不過都未坐過 business class， 坐下都唔錯。 很闊的位， 真係幾享受。 隔離坐的係一個嫁左去日本的中年女人啦。 都幾好傾， 三個幾鐘頭都唔算太長。
回到日本， 坐火車坐多兩個鐘先到横浜。 番去執下野， 等埋之前送左去修理的 mon， 時間剛剛好， 可以出去買埋今日的戰利品。 哈哈。 在香港咁多人冇機會買嘛！ 另外買左張 Sound Blaster Audigy 2 ZS， 唔， 唔， 識得郁， 不過好多 noise 囉。 不良品？ 唔， 遲些搵第二部機試試先。
今次番香港影左好少相， 真係唔知影乜好嘛
2008/2/26 (火曜日)
話時話今次番黎都未飲過荼， 今日走之前最後一日便和老豆老媽子去了飲荼， 另外其實也想試下老豆口風， 睇下佢對問題會點處理。 雖然是意料之內， 不過對於他的態度， 的確很難接受。 本身佢自己性格亦然， 唔， 點講呢， “有諗過盡責， 但沒有能力也沒有行動”？ 唔 .... 呢個問題， 睇黎都唔會解決住。
之後去買少少野之後， 番屋企休息， 陪下老媽子和肥狗。 執埋野聽日出發。
2008/2/25 (月曜日)
放工時間， 約了一個住得最近的中學同學飲野， 今次番黎唔算太多時間（或者話， 閒情？）， 差點冇時間約佢。 唔。 難得可以講下 IT 話題的朋友。 亦都講下最近元朗郊區的“黑蚊蚊”， 有趣， 佢地似乎寧寧舍舍容易俾狗吠咁。 係唔係真就唔知喇。
夜晚四兄弟姐妹加姐夫一齊去了太子食飯。 話時話四兄弟姐妹一齊食飯好似都係第一次？ 以前有都會連埋老豆老媽子嘛。 今次其實一是叫做同我送行， 二是講講點樣處理屋企的事喇。 anyway 大家都算係有共識， 所以都唔算太大問題喇。 之後竟然突然間玩 IQ 題， 類似 black magic 之類啦。 大家姐出的題， 嘻嘻， 最快估到的係我， 阿哥跟住估到， 果然細家姐的轉數... 冇冇冇， 乜都冇講。 延特別的一晚。 唔。 但有冇悶親姐夫呢？？
2008/2/24 (日曜日)
終於都到中學最熟的一班同學喇。 前兩年番黎通常第一個都搵佢地。 不過今年搞手似乎有點要事做所以例年的行花市告消了。 乜事？ 賣個關子先。
首先同其中一個朋友Jさん食 lunch， 冇辦法佢之後有事做嘛。 不過兩個人傾計時， 話題可以意外的深入都唔定喎。 而今次也講了不少關於自己最近發生的問題， 似乎講下講下有點上心， 唔。 都係那句， poker face 真係唔易。
食完後也到約定的時間， 會合大隊也。 很久沒有見的朋友， 都冇乜點變啦！ 精精神神的。 一齊去買野食， 吹水。 一年冇見的朋友都係問下近況咁， 自己的近況嘛， 真係沒有太多好講。 哈哈。
去到Sくん， 悠悠閒閒的， 玩下 wii 咁。 話時話都真係第二次玩咋。 wii sports 一齊玩的話都幾有趣， 不過單打的話可能會悶到飛起都唔定.....
而今日叫齊人， 除了聚舊之外， 終於也等到好消息喇。 所謂“酒樓聯婚”喇！ 年尾 boxing day， 唔。 希望到時冇強制活動參加， 可以番到黎飲啦！ 恭喜哂！！
2008/2/23 (土曜日)
一大朝早走了出港島， 回復日本 mode， 因為在日本的香港朋友Rさん帶了兩個大學同學來玩。 兩個人都係第一次來香港， 行的地方都延 default 的。 集合了之後首先諗住去坐開頂巴士去坐纜車， 結果暫停... おいおい。 冇計， 坐了一架雙層巴去山頂， 四個人分別佔領了前排的四個位， 兩位遊客好像第一次坐雙層巴呢（日本冇的）， 見到佢地好興奮時， 自己都覺得好有趣。
上到山頂， 先去去臘像館， 門口的李小龍的確做得延不錯， 不過各位好似對裏面的其它人冇乜興趣， 所以就 skip 左喇。 咁上到山頂當然就出外面望落山啦（異常的 default 的香港景觀）， 自己都冇諗過我有這樣做遊客的一日... 天色麻麻， 不過都真係唔錯既。
之後坐山頂纜車落山， 落車後去了附近一間教堂， 正好有人行婚禮， 望了一望， 望左好耐都未等到佢地講 "I do"， 決定走人.... 坐叮叮去上環， 首先就去了西港城吃吃滿記， 始終甜品就一定要試下嘛。 好在都仲滿足喇。 之後行去摩囉街， 不過開始落雨。 唔知點好， 決定去灣仔坐船。
去之前決定買些蛋撻食， 上到叮叮時， 一開， 四個蛋糕？？ 點解會變左樣架？ 四個蛋糕同埋四個呆左嘅人。 結果落車再買過， 總算一嘗蛋撻的滋味（唔， 真係好耐冇食過）。 過左海之後， 佢地決定去旺角 shopping， 這個時候我都要撤退了。
去到屯門在轉車入到家姐屋企。 計埋 Lくん姐弟共五個人打邊爐。 閒話家常， 主要都係搵家姐黎做甜品， 左串右串， 緊係啦， 本身諗住燒野食， 而家冇得燒咪搵家姐做串燒囉（講笑）。
夜晚跟車番屋企。 原來錦上路之外仲有咁多路架？ 真係唔知。
2008/2/22 (金曜日)
夜晚和科大同學們上去朗豪酒店的中菜廳食飯。 都係第一次去， 出席的共有五位， 包括食飯搵佢揀舖冇衰（除左有時貴左些之外）的Cくん， 成日話「落雨濕濕唔出得唔得」的Fくん（今次夠哂俾面）， 睡魔（唔駛說明喇掛？）， 還有總會寧寧舍舍一個女仔出現的Aさん， 幾個人的接點應該係 EE/CS 同埋 PG Hall 2 吧？ 咁計落的話都識左差唔多八年幾九年了。 性格分別都應該幾大的一班人？
食飯， 好在唔係好似之前咁係咁講陳x希， 如果唔係可能反枱走人？ 哈哈。 講的都係做野多， 始終除左我大家都做緊野嘛， 另一個共通話題.... grant/loan， 唔。 剛剛先申請左延期還錢... 其它人都開始還清了。 真開心。
2008/2/21 (木曜日)
夜晚出左銅鑼灣和一個朋友食飯， 去到那裏時， 平時人來人往的銅鑼灣， 今日一望全部人都企左喺度。 各人注視的， 是位於各個位置的大電視， 或正確些說， 是大電視裏面的陳x希。 喂。 好悶呀。 可唔可以有其它話題架？
算了， 番番正題， 和朋友會合之前四周圍走走， 看看有乜餐廳， 結果睇中左一間泰國菜， 會合朋友之後就一齊過去， 未去到就見到一個有趣的嬸嬸找客， 呀， 我而家咪就去緊囉？ 不過佢講野的語氣又真係幾好笑。
和這個朋友也不過是閒話家常， 講講近況等， 自然不過也理所當然的， 不過收埋了三年的謎團， 到了今日也依然是一個謎， 沒有答案.... うわ。気になるよぉ
2008/2/20 (水曜日)
在家姐屋企留了一晚， 朝早起身吃點東西， 家姐整的， 唔。 唔。 唔？？？ 好似呢世仔都未食過佢煮的東西。 結左婚果然唔同些？ 不過我諗我的手勢都未必差過佢？ 嘻嘻。 走之前， 望住一歲多的金毛津津有味的食野， 望真些， 食緊便便... recycle???
坐西鐵落車之後轉小巴， 剛剛有小巴來， 家姐很快的上了車， 相距一米的情況下， 本身一班排緊巴士的人走了過來插隊， 不敵這班師奶， 上到車發現冇位， 家姐又俾左錢喎， 擾嚷一輪後小巴司機俾番錢家姐， 等另一班車。 再次覺得， 香港人真的好厲害....
夜晚約了一班 Mpeon 舊同事， 尖沙咀的小肥羊。 最初和 Aくん傾計時都幾多話題， 之後另外兩個同事黎左， 講左少少近況之後， 話題就走了去最近陳x希的身上， 好似有好多內幕似的， 不過完全 tune 唔好個 channel... 唔知點算.... Anyway 幾好食的一餐。
2008/2/19 (火曜日)
下午去了家姐屋企， 要做的主要是報告一下屋企的情況吧。 應該沒有太大問題。
另外兩個目的， 其一係和那兩隻巨狗玩， 其二係用姐夫部機聽音樂。 聽的音樂很多， 不過都是較舊的歌， 亦有蔡琴的歌。 真係用這種機聽這種音樂才感受到那種實在感...
今日也玩得很夜， 決定留宿。
2008/2/18 (月曜日)
最初來日本時識的兩個朋友Aさん同Jさん， Jさん很早就回了香港工作， 而Aさん最近也讀完 MBA 準備在日本工作。 而今日難得三人都在香港， 一起吃 lunch， 大家也沒有太大變化喇。 看起上來， 依然很年青嘛。
之後其實已經冇特別事做， Jさん番了公司做野， 而自己就同Aさん行左陣， 這 double A 其實已經變左兩個遊客喇。 番黎香港， 總有少少追唔切個變化的感覺。 Anyway 坐船過尖沙咀， 行行海邊時， 突然有個好冇禮貌的北京猿人... sorry 北京人叫我幫佢影相， 老馮呀？ 香港雖然是自己的屋企， 不過就真係太多這些自遊行了。 成街普通話， 搞到街都唔想出。
算了。 之後和Aさん的朋友Eくん一齊飲左杯野， 之後自己走了去旺角。 途中見到銀行走入去拎錢啦， 突然有人拍我膊頭。
Pくん夫婦！ 喂！ 前兩日先撞過咋喎。 上次係 SFAA 都仲可以理解。 今次係彌敦道某銀行喎！ 唔好咁邪得唔得呀！
好驚。 不過世事要有這樣的巧合也沒有辦法， 還好撞的係Pくん而唔係乜仇人....
2008/2/17 (日曜日)
約了中學同學打羽毛球， 回到香港真的沒有太多機會喇， 佢地又唔係個個禮拜打。 不過冇得用自己塊拍感覺真的差少少的。 點都好， 都算係有 keep 住打， 都唔算打得太差喇。
之後去燒野食。 但之前又去了一個朋友的新居。 唔， 都係咁高咁大， 佢已經買樓了， 心情真的有點點複雜。 不過信自己揀這條路就最重要喇。 點都好， 希望遲早有機會在這新居利是啦。
番番去燒野食。 天色有點暗， 不過最後好在都冇落雨。 燒野食嘛， 在日本完全係冇可能囉。 唔係佢地冇燒野食， 不過跟本就兩回事， 港式 BBQ 那種完全一腳踢的做法， 燒得好可以炫耀下， 燒燶左成班朋友也有講有笑， 這氣氛真的幾特別架。 日式的， 簡單地說就是少了那種投入感吧？
2008/2/16 (土曜日)
每年番香港也例必會去的 J-cafe, 想當年自己在一個沒有日本語的環境下想學日本語都真係唔知點埋手好。 這個 J-cafe 實在幫了自己不少。
今次的話題係關於食物， 雖然話自己一個人住就成日要自己煮飯， 不過始終也是「男料理」， 真係唔識講喇。 蒸魚就走去同你去骨， 完全暴露了自己的料理 level， 不過算啦。 重點都唔係呢度。
之後其它人走哂， 同「店長」和「大姐N」再傾左幾句先走人。 呢兩個人就真係最開始 J-cafe 時已經識的了， 尤其係「大姐N」真的幫了自己不少。 同工作無關的東西都幫了自己不少， 真的很感激。
走了之後， 行行銅鑼灣灣仔， 依然地找 sound card， 順手找找 memory， 結果而家賣的 sound card 只有 Creative 的 X-Fi, 最大問題係冇 Open-source Linux driver， 麻麻煩煩的。 另外突然有點想幫部 notebook 加 RAM， 不過都好似幾貴（部 notebook 用 DDR RAM...）
最後唔想兩手空空番去， 買左個袋俾自己 ヽ(´▽｀)/へへっ
2008/2/14 (木曜日)
戦利品:
ピポサルレーサー
下午阿姨過了元朗食飯。 本來諗住去飲茶， 不過人多到鬼咁， 又唔覺得那一間茶樓係值得排隊等囉。 於是就就手手的過了隔離的餐廳食。 一間看起上來延高級的泰國料理， 不過就好似鬼影都唔多隻。 有點點冒險精神的走了入去， 服務延好的， 回來香港之後一直都未慣番這邊的服務 level， 突然咁好服務真係有點唔慣添... (想點呀！)。 食物都算係唔錯， 不過在兩個泰國人面前， 呢樣唔夠正宗嗰樣唔夠正宗， 哈哈。 沒有辦法喇。
食完嘢之後， 出去 SFAA 交延遲還 Grant/loan 的 form， 同一時刻竟然見到 Pくん夫婦， 有冇咁啱呀！ 呢個世界都延細的。
之後去了新高登行行， 企圖找張 sound card， 不過搵機都係張 Live value， 完全搵唔到， 有都俾人拎左掛？ 咁住好就手的執左個電子溫度計， 純粹滿足一下購買欲....
2008/2/13 (水曜日)
每年必去的徐 sir 宅拜年團。 不過話雖如此， 印象中真的每年也有出現的就好似得我同 P くん， 不過時間關係， 大家又要番工， 所以都沒有辦法啦。 仲有下年P くん應該唔喺香港， 唔知拜年團可以點喇。 今年的 member 就係我地兩個加埋 A くん和 C くん一行四人喇。
拜年團也不過閒話家常， 講下大家的近況， 也講下點點人情世故咁。 比較熟我的人都可能聽過， 自己的人生某程度被徐 sir 影響唔少呢。 不是去模彷他或是怎樣， 不過和他傾計時往往會誘發自己去問自己一些問題， 從而去想自己應該怎樣。 到今日認識徐 sir 應該都有十二年了， 依然地過了一個有益的下午。
之後去了深水涉， 一來要去處理一下 grant/loan 的東東， 二來就係行下黄金， 好鬼多人囉！ 點解香港咁多人架！
2008/2/12 (火曜日)
每年初六幾乎也會為兩親的生日食飯， 今年也不例外。 不過今年不同的是出現了無數的地雷， 唔知放了在那裏。 為免踩地雷， 四兄弟姐妹也事先夾了口供， 知道乜野講得乜野唔講得。 步步驚心...
結果呢， 也算是成功走出這個八陣圖吧？ 但食飯食到咁嘅氣氛， 自己真的有懷疑這餐飯究竟係為乜野而食的...
點都好， 唔只兩個人之間的事， 一定要小心些處理先得。
2008/2/11 (月曜日)
戦利品:
真 三国無双 portable
也是拜年日。 不過今日有時間， 首先到了荃灣走走， 買了隻 PSP 的三国無双玩玩， 之前在姐夫那裏玩到有點興趣咁啦（不過那隻係 PS3 的三国無双5）。 sister home -> Miss Lam. Mongkok/Peter
之後上了去大姐的家中， 講講家中近來發生的問題， 大家也有些共識， 這幾年真的不會易過， 尤其係家中的那個腫瘻， 唔知幾時會變成癌細胞... 另外唔知點解被叫了去房整衣櫃， 雖然日曜大工這回事周不時也會做...
之後會合新婚的 P 君同埋 S小姐。 一齊去了中文老師屋企拜年。 Yeah， 突然的多了利是錢。 不錯不錯。 上到去好熱鬧， 除了我們三人之外， 另外也有中文老師的教會朋友， 不太大的屋裏有很多人， 基本上就係一路咁食.... 好鬼多野食囉。
沒想到的， 是來到這裏陳冠希依然是一個話題。 教書的果然唔同些？！
2008/2/10 (日曜日)
直到下午也是留在家中傻下傻下。 之後下午由新界西走去港島東的大學同學 S 君和 C 小姐的屋企。 一來是 EE 同學的聚舊， 二來是拜年， 三來就是上去玩下個 BB 嘛。
呢個 BB 冇見一年， 但又唔覺得同上年有好大出入咁喎。 不過冇以前咁易喊咁， 而且同佢玩的時候也不需要太小心輕放喇。 幾有趣， 開始識得講少少野， 26個英文字母， 有些兩個音節的， 他就發出一些奇怪的音出來， 好攪笑！
2008/2/9 (土曜日)
在家姐屋企過夜， 不過家姐姐夫分別要番工同行山， 所以朝早就自己一個留在家姐家中， 開了機打了一打， 吃點東西後出街街。
剛好有車直去深水涉， 好耐冇去過即管去去， 去到， 竟然成個黃金都冇開， 撞鬼， 沒有辦法行去旺角， 結果都係咁樣， 叫做想行下的商場都唔開。 唯有周圍走走。
剛好有朋友話約打邊爐， 於是直衝去元朗。 諗番轉頭今年番黎第一次見朋友呢。 平時多數都會行年宵， 今年冇行所以都未見過些朋友
買完野食， 一行四人上到其中一個朋友屋企， 發現佢細妹同男朋友都在， 四大電燈膽。 沒有所謂喇。 上到去預備， 不過可以做的東西唔多， 唯有負責陪隻狗玩。
食野， 份量剛剛好。 不錯的一餐， 朋友之中有個廚師可能都有點關係？ 哈哈。 食飽飽， 滿足， 食埋個糖水， 一流。 好耐沒有去 B 仔嘛。 呵呵。
2008/2/8 (金曜日)
一早老豆單挑大哥的一幕， 帶來不少不安的氣氛， 甚至最壞的提議也出動了， 各方面也應該要點時間冷靜。 要行到那一步的話， 自己絕對不會好過。
下午姐夫的父母來了食飯， 表面太平的氣氛， 家姐不經意的說了一些無關重要的東西， 卻換來老媽子一句局外人無法明白的說話。 當時家姐都一頭霧水， 那是最壞的打算， 不過， 現在的情況去到幾壞， 真係未知之數。
煩都冇用， 今日陪了家姐姐夫去一個小學同學屋企坐， 小學畢業以來都冇黎過喇。 這個朋友一直的在玩 Xbox， 那隻 game 靚係好靚， 不過真的幾悶。 冇計。
之後去元朗買些東西， 被送了一對鞋， 謝謝， 吃點東西時傾了屋企現在的問題。 睇法大同小異喇。 不過也得看看這幾日的進展。
食完直接出發去家姐的新居， 今日主要的目的係打 PS3， 那個七山寸投影和中級喇叭， 打機和睇戲的感受真的唔同， 不過自己屋企就冇辦法做到了。 始終左右有鄰居， 開大聲少少都驚嘛。
今日就不斷的玩三国無双5， 很爽。 另一隻飛機 game， 很悶。
另外家姐養的兩隻狗， 很好玩， 但未免太過熱情了。 哈哈。 暫時就忘記家裏的煩事吧。
2008/2/6 (水曜日)
年三十。 尋晚從兄長那邊聽完的一些隱憂， 今朝從老豆那邊再一次聽見。 表面上是兄 vs 父， 不過事實上很複雜的一個問題， 真的甚麼事也有機會發生。 這個問題， 怎樣用最好的方法解決， 似乎是今次要煩的一大件事。
點都好， 下午出一出去處理一些基本需要， 之後會合了家姐＋姐夫， 行了一陣， 走了去運吉番屋企。 捷的士完全係一個高難度動作。 捷到仲要以最高速度上車。 anyway 總算買好了。 家姐和姐夫留了一陣也出發去姐夫實家那裏團年了。
之後加上大姐， 一行五人的團年飯， 算是和和平平的一餐。 問題沒有解決， 不過這些時候也總想要一個休息吧？
沉重的感覺去迎接子年...
2008/2/5 (火曜日)
香港へ
基本上乜都做唔到的移動日。 朝早起身執野， 真的唔係點用腦諗就係咁放野入個行李箱到。 九成放多野去那裏。 不過唔想諗太多嘛。
差不多時間， 出發。 可能出門口時慢了少少， 最後之係謹謹趕得切班 JR。 一路坐火車， 一段時間打機， 一段時間聽歌， 兩個鍾頭都算幾快過。 去到成田， 找地方吃些東西先算。
之後會合朋友 E さん， 今次一齊番去， 五個鐘叫有個伴。 再吃少少東西之後便即刻入閘， 一路的沒有甚麼問題， 最出奇的係最唔鍾意的 security check， 上機前竟然 skip 左唔駛做（當然普通機場的 checking 有做到）。 意料之外的事， 不過唔駛做就最好啦。
上到機， 坐了在窗邊的三座位， 自己坐中間， E さん窗口位， 而左手邊的係一個阿叔。 阿叔嘛， 兩年前番都係咁， 一路係咁睇報紙， 仲要行大大動作那種， 後面兩個細路， 有時有點點滋擾吧？ 不過 overall 都唔大問題。 反正自己一路傾計都唔會細聲㗎喇。
一路飛， 都不時看看仲有幾多時間到站。 傾傾傾， 傾了很多東西， 可以傾這麼多東西的人最近其實都唔太多。 五小時雖然不算短，不過好在有人一齊飛。 呀， 話時話飛機餐， 都唔算太差。 不過自己傻更更的唔見沙律上面的保鮮紙， 沙律醬唔知點解浮在上面.......
終於都到達， 機都未停定左面個阿叔已經拎電話出黎打。 真係失禮之極。 差一兩分鐘真係駛死咩？
順利的入境， 聞到一陣味， 唔係臭味， 但總之有陣味， “香港味”？ 唔理得太多了。 Anyway ただいま
回到家裏， 見到很久沒有見的家人。 總有一種舒服的感覺。
但， 雖然唔想寫， 好像家中有地雷... 晚上聽了兄長講了一些東西。 唔， 事件の予感…
2008/2/4 (月曜日)
戦利品:
らき☆すた キャラクターソング Vol 6 岩崎みなみ
らき☆すた キャラクターソング Vol 7 田村ひより
らき☆すた キャラクターソング Vol 8 パトリシア・マーティン
らき☆すた キャラクターソング Vol 10 胸ぺったんガールズ
らき☆すた キャラクターソング Vol 11 泉かなたと泉そうじろう
返港前一日。 沒有番學校喇。 悠悠閒閒的， 不過最重要的都係 pack 好個 mon 去 repair， timing 好在仲係保養期間同埋自己番香港， 所以沒有 mon 用 (正確些說是 22" LCD)的日子也不算太長， 唔好在剛剛年頭時丢左那些發泡膠， 搞到要自己慢慢用報紙塞落個盒到。 用了不少時間呢。 點都好， 拎番個 17" CRT 出黎， 完全唔慣添！ 一來有點“閃”的感覺， 二來細， 三來因為背後突左出去所以個 mon 好鬼近... 算， 都係過度。 反而應該感謝自己仲 keep 住個 mon 喇。
之後在横浜行左一陣， 幫朋友買少少野， 亦都買了戰利品， 不過咁多隻 single 就係冇 Vol 9 喇！ 差 Vol 9 就有景品換喇。 唔， 唯有番到黎先算。
今次來說， 最好聽的應該是みなみ的兩首歌吧？ 不過意外的かなた同埋そうじろう的三首歌的歌詞非常感人（そうじろう的唱功嘛， 御世辞でもなあ）。 而其它的基本上都係負責搞笑為主？ 大滿足！
聽日飛喇。
2008/2/3 (日曜日)
戦利品:
時東あみ せんちめんたる じぇねれ〜しょん
起身時望望出面， 好像比起平時特別光的。 望真些， 噢。 落雪喇！ 上個禮拜雖然都有落， 不過一來上次趕時間， 二來今次落得比較大。 於是即刻食早餐和裝備好自己， 出發去 MM21 影相去也！
途中經過 Bookoff， 幫大佬買了隻綱の錬金術師テーマソング集， 自己也偶然見到スクラン第二期的主題曲。 一起買了。
始終也算係落大雪吧？ 出街的人始終唔多。 不過專登走到 MM21， 也算係值得喇。 MM21 一直都係自己最喜愛的地方之一， 而在雪下的 MM21， 沒有太多人， 有種莫明奇妙的寧靜感， 很舒服。 主要目的始終都係影相， 但這種點點涼意， 靜寂， 空間感， 舒服得令人唔記得本來的目的。 似乎我下次應該找個北海道的鄉下地方住？
之後夜晚去了前頭髮， 多人到鬼咁。 唔。 等左都一段時間， 不過其實都冇乜所謂喇。
2008/2/2 (土曜日)
戦利品:
らき☆すた キャラクターソング Vol 1 泉こなた
らき☆すた キャラクターソング Vol 2 柊かがみ
らき☆すた キャラクターソング Vol 3 柊つかさ
らき☆すた キャラクターソング Vol 4 高良みゆき
らき☆すた キャラクターソング Vol 5 小早川ゆたか
羽毛球日。 今日有位新朋友H君來打， 是上個禮拜在 fanisia party 識的喇。 這個人上個禮拜傾時都覺得幾投契， 今日終於都明白個原因喇！ 原來佢係左利き的！ 唔怪得喇！ 不過羽毛球的話自己其實算係右手（不過左手都打到兩下架）。
之後照慣例的去東大 Italian Tomato 食野。 誰知去到突然見到朋友Eさん， 俾佢估到自己會黎添。 哈哈， 多個人熱鬧些也好。
之後新朋友 H 君發現電話唔見左， 十居其九在体育館， 陪佢去体育館搵， 也好在搵到。 在日本唔見電話的話俾人偷的可能性唔太大喇， 偷左都用唔到（不過“軟銀行”除外）。 點都好， 搵得番就最好喇。 回去時， 一齊搭東横線， 傾了少少閒話， 發現共通點都幾多的。 有趣的一個朋友。
回到横浜， 買了今日的戰利品。 因為キャンペーン的關係， 買齊十隻 CD 的話有景品， 但個 staff 就搵極都搵唔到張印仔紙， 結果等左好耐， 不過個 staff なかなか可愛いから別にいいかね。野郎だったら許せないけど（こなた口調）
五隻 single 入面みゆき那隻算係最好聽吧？ 不過其它的歌詞也很有趣， 完全的らき☆すた風格。 另外喜歡的應該係かがみ的第二首歌吧？ 貴係貴左些， 不過... まあまあ、オタクだからしょうがない。
2008/2/1 (金曜日)
又係冇得食 lunch 的一日。 係咁監考。 唔。 沒有辦法啦， 起碼都要搵番張機票錢嘛。
夜晚廣東話班。 番香港之前最後一堂喇。 教了少少賀年用語，過幾日就真係會聽到唔想聽咁濟喇。 都好。 之後食晚飯， 分左兩張枱。 講了少少關於香港的話題， 發現， 大鑊了！ 點解這幾個日本人比我還清楚香港的？？ 今次番去要補下習先得。
之後去朋友 B さん那裏拎埋塊羽毛球拍。 真係唔係幾好意思， 大遲到。 食飯食耐左都冇計。