2008/3/31 (月曜日)
工作日。仍然在找尋二次計画的 model/solver， 商用的 software 係有， 不過， 可以的話都想以 free software 的力量解決...
研究至多了一個台灣人， 今日初來報到， 幫下佢手處理 document 野， 介紹一下研究室的人咁。 唔。 日本語雖然係識， 不過好似講得一般咁？ 唔算很多東西講的一個人....
2008/3/29 (土曜日)
戦利品:
らき☆すた おきらくBOX 泉こなた編
らき☆すた おきらくBOX 柊かがみ編
らき☆すた ≪イラストコレクション≫スクールカレンダー2008-2009 らっきー☆の法則
羽毛球日。 今日朋友唔算太多， 不過中途體育館的 staff 走黎問我地有冇興趣和隔離場的三個女仔打， 因為佢地之後好似要比賽。 也好喎！ 成日對住同一批人都唔會有好大進步。 三個人都係初中， 見到我地幾個年齡隨時 double 的人， 唔多唔少都好似有點怕醜？ 不過落到場就完全冇手軟喇。 自己也盡全力打， 有勝有負啦。 對手技術很不錯， 雖然 power 差點， 加上好合拍， 所以唔係容易應付， anyway 很好玩的一日。
之後買了今日的戰利品， 很滿足時也很肉痛。 呀， 好在有 wine， 唔係那兩盒おきらくBOX 都用唔着... 而かがみ編最尾的漫畫， 食緊飯的話一定噴！ 哈哈。
2008/3/28 (金曜日)
學位授与式
學位授与式， 自己因為早半年畢業的關係， 今次冇我份。 不過同期拎獎學金的同學大部份也在今日畢業喇。 而今日基本上係同比較熟落的 Aさん一齊。 Aさん今次阿爸同家姐都有黎（唔， 自己嘛， 等 PhD 畢業先叫屋企人黎喇）， 好熱鬧， 加上Aさん性格關係， 周街都係朋友， 厲害！
九點幾 join 了Aさん之後便走過去日吉 campus， 已經好多人喇。 同九月畢業時完全唔同。 個 hall 又夠大， 於是拉大隊入去， 畢業禮的程序基本上也是一樣喇。 安西先生的訓話果然同期待一樣咁長。 中途真係唔知打左幾多個咸露， 象徵式的頒左幾張畢業証書咁啦。 之後唱埋校歌就完左上半部。
因人數眾多， 之後就分批去唔同地方頒証書。 自己坐了在一個 Professor 隔離， marketing 的人， 吹左幾句水， 突然問到電話公司的大量資料可以點應用落去 marketing， 唔， 幾有趣， 不過 marketing 始終唔係自己那科。
總算完成整個畢業禮， 之後先至見到另一些朋友， 好耐冇咁齊人喇。 影下相， 問下近況講下再見咁啦。 畢業之後有幾個人都唔會留在日本， 所以都唔知有冇機會見喇。
食飯， 和Aさん的屋企人加一個Aさん的南京朋友， 算係幾 make sense 的一個人喇， 對北京的對抗意識唔知點解好勁（雖然都唔係唔明）， 幾有趣的一個人。
下晝做左少少野之後， 又要去廣東話班。 平平安安的一日。
呀， 不過講開廣東話班， 本來有人搵自己教一個一對一的 intensive course， 不過今日竟然收到通知話學生要學的原來係普通話， 結果這個 course 就完全化水喇。 撞鬼， 好在都唔係準備左好多野...
2008/3/27 (木曜日)
下午， 研究室 meeting， 也是新 B4 的輪講發表， 悶足一個下晝。 就算帶左部電腦去都係冇乜作為。
不過夜晚， 現 M2 的歡送會。 今年畢業的幾個 M2， 差不多都是自己認識最長時間的幾個喇。 雖然其中也有些冇乜幾句， 但同時最熟落的反而都在這裏。 過埋呢個月就好難見到佢地喇。
講番歡送會， 今次有點特別， 在渋谷的一間延不錯的舖頭食。 那間舖頭， 料理也好服務也好環境也好， 都可以俾幾高分。 Anyway 今日整體的氣氛也很不錯喇。 希望之後也有機會和幾個朋友聯絡啦。
題外話， 今日憤青也有出現。 真係唔係好明呢年幾做過些乜， 但好肯定佢幾乎未黎過渋谷， 人多， 都唔係第一日嘅事啦。 火車多人亦是日本司空見慣的事， 都唔明佢大驚少怪些甚麼。 在和另一個印尼同學傾之後的去向， 對於憤青的諗法， 除了“擔心”之外， 冇其它形容詞。 佢有冇查過呢邊就業相關的資料的呢？？
2008/3/26 (水曜日)
戦利品:
ながされて藍蘭島 DVD 9 初回限定版
らき☆すた キャラクターソング 日下部みさお
尋日唔見左部 Samsung DAP， 應該都搵唔番架喇， 不過即管報失啦。 上網填份 form 留了個 record， 睇下有冇奇蹟。 現時就唯有用部 PDA 頂住先。
夜晚， 又去買戰利品。 唔， 前幾日先買左， 今日又買。 不過呢隻 DVD 終於都最後喇， 而且係最鍾意的まち， 冇唔買的理由嘛... 話時話アニメ的 DVD 也是第一次買齊全套。 出血程度絕對不下於行人.... 而みさお（終於）都出キャラソン喇。 聽完有少少同情佢囉（不過都好搞笑）。
2008/3/25 (火曜日)
朝早走去入国管理局。 也總算搞番掂個 Visa 喇。 今次都算幾快， 加加埋埋都係兩個禮拜之內。
番 lab， 平平常常的。 夜晚行左陣街， 部 Samsumg 突然冇電， 咁就換左用部 PDA 黎聽歌， 部 Samsumg 本身一直都夾在外套上。 點知， 番到屋企， 唔？ 唔見左？？ 呀... 即刻沿路番去搵， 都係搵唔到， 正式 Certified... 呀， 買左先個幾月就冇左， 真係...
2008/3/24 (月曜日)
戦利品:
ながされて藍蘭島 12 初回特装版 & 通常版
スクールランブル 20
由比利時回來， 先得一日休息， 又要回復正常工作。
外遊嘛， 基本上都係要買手信。 真係， 冇乜時間玩都要買手信， 真係唔係太明白。 不過都唔好咁孤寒喇， 買就買啦。 最重的， 都係笹瀬先生的白酒.... 而最難拎的ワッフル都只係解體左少少， 算係咁喇。
等了五個月的戰利品。 依然有趣。 今次まち只得一個小節出場， 不過都很鍾意！ 一式二式三式的反應也很過癮（對住行人的鼻血時）。 另外宇宙人和でんでん大根那兩篇也很不錯。
2008/3/23 (日曜日)
移動日＋休息日
小睡了一陣之後， 發現自己仍然在飛機上面， 隔離有西先生。 唔。 好眼訓， 但係又訓唔着。 冇計啦。 又拎左個 remote 出黎玩數獨， 那裏所謂的最高難度(extreme)， 大概都係半個鐘之內可以解決的問題喇。 所以玩幾舖就可以消磨一些時間。 唔， 但坐在附近的大槻先生不斷的看 paper 類物體... 果然厲害， 佩服。
食埋個早餐冇幾耐， 終於也回到成田機場。 いやぁ、長かった.... 落機， 行左一陣再坐無人架駛先去到入國管， 而家入國管分三條隊， 一條日本人， 一條遊客， 最後一條再入國， 即係我條隊。 或者正確些說， 那裏鬼影都冇隻... つまり
全機得我一個再入國
雖然又要指模又要影相， 不過夠快的話我都冇乜所謂喇。 結果一馬當先出境（雖然其它人都好快）。 拎埋行李之後， 各自坐車番歸， 我就和S君一起坐巴士去 YCAT (Yokohama City Air Terminal)， 話時話都係第一次坐...
番到去横浜駅， 發現那裏的萬年工程也有點接近尾聲的跡象！ 好像延不錯似的。 過多幾個禮拜應該都會完掛？
番到屋企， 放低行李之後，就即刻變左件死屍， 就連戰利品也懶得出去買了。
2008/3/22 (土曜日)
移動日
又係一早起身。 冇計， 架機鬼咁早。 五點幾要食早餐， 即係四點要起身。 未習慣時差可能反而容易起身？ 點都好， 五點半就坐的士去火車站。 鬼咁早， 買車飛的 counter 都未開， 好在頭班車之前都開左， 如果唔係都唔知點買飛。
上到車和大槻先生一齊坐， 傾左陣關於論文等東東。 唔。 有點壓力， 不過也要些壓力先推得郁自己喇。
坐三個幾鐘機， 又番到芬蘭的機場。 但唔同的係今次有鬼咁多時間轉機。 五個幾鐘頭。 不過實在太攰， 而且冇軍資金， 所以決定留在機場...
等左好耐終於上機。 今日基本上就咁冇左喇。 西先生坐在隔離， 很後生的 professor， 有點無聊， 教左佢玩数独....
2008/3/21 (金曜日)
Workshop＠ゲント大学 再び
仍然係未習慣時差， 仍然要晨咁早起身。 食完早餐之後， 大隊坐的士去比較遠的 campus 參觀。
看了兩個地方。 一個係 clean room， 做 semi-conductor 之類的東東啦。 幾年前問我的話我都可以介紹， 不過而家望完之後都係“哦〜〜”， 俾唔到其它反應。
不過另一個地方， 總之就係做 networking 的 research 喇。 幾特別， 亦特別有親切感。 尤其係當去到 server room 時， 感覺特別好。 唔。 點解呢？ 以前做野黎講， server room 係一個老細絶對唔會入黎打搞的地方？ 又或者自己的屋企本身就係 server room 的關係？ 哈哈。 唔知呢。 但見其它人實際做唔少東西， 感覺上自己還差很遠... 唔。 俾心機先得。
之後解放！ 可以去玩喇。 首先去了酒店附近遊下， 跟住就食 Waffle！ 好大件， 好好食， 不過都好貴！ 而且那裏的嬸嬸， 很有趣亦很落力的 sell 那個 Waffle 曲奇。 唔。 結果全部人落搭...
之後行了行大聖當， 純粹以建築的角度去看， 點解以前的人可以起到這種建築物的？？ 完全諗唔明。 但的確很狀觀。
之後出發去Bruges， 唔。 聽都未聽過。 不過好似好出名的， 自己見識少冇計啦。 那裏簡單的說， 係一個觀光城市喇。 周街都係賣手信（主要係朱古力）的舖頭。 幾特別， 看的教堂， “嘩好高好型”， 再望多幾間“哦〜〜”， 已經係多到唔識俾反應那隻。
話時話， 最大問題係呢幾日都落雨。 好似我次次都招風雨似的， 也就是所謂的“雨男”， 唔。 呢點我唔太否認。。。
最後的晚餐， 去了一間唔太起眼的餐廳食。 唔太起眼唔代表平， 位位三十， 當然唔係港幣。 其實都唔係太大件事喇， 不過自己冇帶太多現金囉。 都夠錢埋單掛？ 最後的晚餐， 真係唔夠飽， 不過個羊扒真係好好食囉。 咁都冇所謂喇！
之後再行下就番去喇， 時間真係短得可憐（物理上和心理上也是）， 聽朝晨咁早就要坐飛機走人喇....
2008/3/20 (木曜日)
Workshop＠ゲント大学
都仲未習慣時差， 就要晨咁早起身喇。 不過有事做的情況之下通常都冇問題喇。 記憶中都冇乜訓過龍而遲到的經驗， 呢方面都覺得自己幾叻架。 點都好， 在酒店食完早餐之後， 拉大隊出發！
本來諗過可以坐的士的， 不過難得嚟到， 就體驗一下這裏的人的生活-- 坐電車也。 講真都幾煩， 買飛， 1.2euro， 冇散紙的情況下入左1.5euro， 最後車飛係買到喇， 不過冇得找！ おいおい！コラ！ 。。。 冇計。
其實大家都係唔識路， 估估下， 去到似樣的車站落車， 向大概的方向行， 應該冇問題掛？？ 首先去了間公司類物體， 三個大字， 寫住 "ING"。
... ...
まあまあ。 問下路， 調整一下方向， 最後也總算找到目的地喇。 上到去， 冇人。 山中先生就打了個電話俾 Gent Univ 那邊， 發現那班人原來搞錯左地方
...
まあまあ。是但啦。 之後佢地走黎會合， workshop 正式開始。 其實也不過是發表會喇。 自己也有二十分鐘發表， 另外最有趣的就係 coffee break 同 lunch break 那段時間喇。 可以吹下水嘛。 Workshop 期間， 好在S君部機插左 LAN 做 access point， 可以上網， 如果唔係悶都悶死。
Workshop 之後大隊一齊去了酒店附近的餐廳食野， 分左幾張枱， 每張枱四個人， 和了另一個S君同埋兩個 Gent 人一齊坐， 兩個都比較年輕， 話題都還可以喇。 講下飲講下食咁。 都算係唔錯。
聽日朝早又有 workshop， 早少少休息喇。
2008/3/19 (水曜日)
ベルギーへ
晨咁早起身， 出發去比利時。 話時話真係咁大個仔第一次衝出亞洲喇。 今次純粹係 workshop 加少少時間玩吧？ 點都好， 都會係一次新鮮的體驗
坐成田エクスプレス去到機場。 其它幾個人都已經到達， 唔。 之後就即刻去旅行社的 counter。 成團人得自己一個係外國人。 本來都冇乜問題， 但 counter 個 staff 突然問我本 passport 有冇問題。 之前都 check 過冇問題， 咁就冇問題啦。 排隊 check-in， 結果個 staff 又走黎話我個 passport 要 Visa， 諗左一陣大概都諗到發生乜事。 不過個 staff 再確認都係話
中国のパスポートの場合はビザが必要になります(中國護照的話需要簽證先可以入境)
... だから、中国人と一緒にするな！！ 無端端被當做大陸人看待真係奇怪， 不過又唔怪得咁多， 特區護照個 design 咁鬼衰（冇計， 不過顏色幾 OK 架）， 搞錯都冇辦法。 Anyway 誤會解決了， 順利出境！
機內和斉木先生一齊， 之前都冇乜講過野， 話題... 有限公司。 不過都唔係冇喇。 十個鐘頭不斷咁講的確幾難， 但間唔中講幾句都 OK 啦。 其它時間， 看看書， 玩下 sudoku, 訓下。 十個鐘頭機比起想像中快少少到站？ 哈哈。 我都想。 去到的， 不過係去到芬蘭的赫爾辛基， 預備轉機咁解。 不過來到這裏已經要 security check 同埋入境手續（大概係因為歐盟關係吧？）。 得兩條隊， 仲要鬼咁多人， 仲要其中一條隊中途唔見左個 staff， 好在自己冇排錯隊咋。 不過都趕得切轉機。
轉機， 那架飛機真係細得可憐。 左右兩排座各三個位， 每行合共六大個位， 而且架機感覺上好似隨時會在空中解體似的... anyway 最後都平安無事到達比利時。
之後坐了一個鐘頭左右火車， 去到比利時的 Gent， 亦係今次 workshop 的目的地。 坐了那架八人的士去到酒店， 放低野之後就出去行下。 第一次來到的異地， 感覺好唔同。 香港也好日本也好， 建築物感覺上大多好現代。 但來到這裏， 要找一個貼切的形容詞的話... "中世"？ 很有特色的一個地方。
之後出發去食飯。 係咁易睇左幾間， 。。。 好貴。 成20 euro， 三千円都黎緊頭呀老細。 想問食麥當勞得唔得？ 最後入左一間相對冇咁貴的餐廳， 自己叫左一個意粉， 10euro左右吧？ 唔算太貴吧， 而且好大碟， 同埋都算幾好食。 第一餐算係咁啦。 不過話時話， 今日(3/19)應該係人生中最長的一日吧？ 有成32個鐘頭。 前前後後成左五餐飯.... 食完野之後真係頂唔順， 即刻沖涼訓覺， 準備聽日的 workshop... おやすみなさい
2008/3/18 (火曜日)
番學， 聽日要去比利時 workshop 的關係， 今日主要也是準備一下咁， 冇乜特別。 做 research 的東東也兩頭唔到岸喇。
另外為了消磨交通的時間， 專登去了書局找書看。 唔。 買了一本關於“音”的書。 應該好快看完？
聽日就出發去比利時了。 雖然唔太想去， 但今次總算第一次踏出亞洲， 出去見識下都好。
2008/3/17 (月曜日)
晨咁早， 研究室 meeting， 好像好耐之前的事了？（最近都幾忙， 好多野都好似過左好耐咁）。 meeting 之後完全集中唔到精神....
Upgrade 左部 PSP 去 CFW 3.90M33， 即刻試下將手頭上的 Star Ocean 2 同埋 Memories Off 2nd 抄過去。 結果 Star Ocean 2 成功無事！ 但 Memories off 2nd 就失敗了。 原因可能同 multi-track 有關吧？ 不過遲些先算了。
2008/3/16 (日曜日)
連續幾日都早起身， 今日也終於頂唔住， 起左身一陣再訓過....
下午去了 Sofmap， 一來去退番之前唔 work 張 sound card， 另外賣左些唔用的東西佢。 退左張 card 之後， 見有些軍資金多左出黎， 又突然見到 4G RAM 特價， 諗都冇諗就買左了。 （不過番到去剩係見到唔夠 3G... 點解呢？）
買左 PSP 咁耐， 都未試過將 PS1 的 game 抄落去 memory stick， 一來之前買了 4G memory stick， 二來剛剛想諗起可以用 wine + popstation 去做。 唔。 實驗中....
2008/3/15 (土曜日)
今日的羽毛球日， 朋友O君帶左兩個人黎， 分別係馬來西亞人同埋一個日本人。 那個馬來西亞人打得好鬼勁， 單打一定輸， 不過同佢打雙打的話， 自己做 partner 也俾佢的假動作呃埋， 唔。 默契欠奉喇。
點解唔夠默契我都唔知， 不過肯定的係私底下唔好做到好好朋友。 點解？ 因為佢地都煲煙囉。 冇嘢講喇掛？
2008/3/14 (金曜日)
繼續同 quadratic programming 死戰， 可以做的係試下點樣用 commercial 的 cplex， 將問題的大小減低 problem size, 也試下將限制降低睇下會點....
夜晚廣東話班。 半堂好似以前咁講下 grammar， 另外半堂分組討論， 唔， 似乎學生比較喜歡這樣的做法， 而且自己也教得輕鬆左喇。 不錯不錯。 下次也繼續這樣的做法先。
2008/3/13 (木曜日)
因為要 solve quadratic programming， 整日就在找有冇 open source 的 alternative， 因為個 license 要成三十萬円， 真係唔太值囉。 而可行的辦法， 或者係用 octave 裏面的 QP? 咁就用左成日 survey....
2008/3/12 (水曜日)
做緊的 research， 之前都搞唔清楚原來係 quadratic programming, open source 的 GLPK 也終於去到限界。 雖然佢好似有打算 implement， 不過唔知幾時的事了。 另外商用的 AMPL/CPLEX, 最多得 300 variables... ｶﾞ━━(=￣□￣=)━━ﾝ!! 唔夠用呀！ 真係唔知點算。 竟然衰在這種地方....
2008/3/11 (火曜日)
短眠實行了一段時間， 不過在番香港期間完全的習慣番長眠.... いやいやいや， 習慣番長時間睡眠， 咁落去唔得， 決定用些方法加強自己的意志。 唔。 於是便在自己的軍資金（戰利品用）上做手腳啦。 今朝， 都延有効的， 就這樣給了自己1000円 quota 買戰利品喇。 哈哈。
一早起身， 於是番學校試番好之前唔 work 那張 creative sound card， 搵以前部機較非， 哈哈。 証實張 card 真係有問題， 可以拎去退貨。 另外研究方面， 尋找 quadratic programming 的 solver， 搵左成日都唔太大頭緒。
另外部新機的速度有點追唔上的感覺。 點解呢？ 屋企部機 CPU 慢， 但好似都快過部新機好多喎。 於是決定由最簡單的 memory 着手。 睇下情況有冇改善先.... （都唔駛突然走去附近的電腦舖架？？）
2008/3/10 (月曜日)
番學校。 又要填申請表， 點解咁鬼多申請表要填架？ 跟住同些朋友吹水， 講到 Madu 的婚宴時， 巴斯光年插咀， 話巴基斯坦點點點印度乜乜乜， 插咀+ 講埋 d 唔關係的東東， 真係幾難搵到比佢更乞人憎的人。 黙れよ！
之後隔離的中川研個 network 突然 down 左， 好好奇的走去乜野事。 雖然實際幫唔到乜野手。 祝你好運。
2008/3/8 (土曜日)
羽毛球日。 今日來了一個新朋友， 泰國人來的， 簡單些說， 係一個重炮手。 好勁。 不過都好好玩。 但最大問題係， 六大個男丁， 超がつく虚しいっす
有點玩 nonogram 玩上癮添。 不過 25x25 都好難玩了。 乜？ nonogram 係乜？ 用你前面個箱查下咪知囉。
2008/3/7 (金曜日)
GCOE 活動成果發表會， 其實同 winter camp 有乜分別呢？ 真係唔太覺得囉。 成日都好眼訓。 不過自己既然係 RA 也就冇辦法喇。
不過就當係一個吹水的時間啦。 同研究室的 Z さん本來今年九月畢業， 不過好像有點危危乎。 另外那個巴斯光年， 依舊的發揮不負責任的本色， 下午唔見人。 自己就在 poster 發表會場走黎走去， 唔係好知自己做緊乜。 另外下午的 session， 竟然可以見到笹瀬先生整整兩個鐘的和兩個學生傾計， 點解可以咁多野傾的？
晚上的慶功宴(?), 主要的和個馬來西亞同學同埋兩個泰國同學傾左好多野。 都算不錯吧？ 知道一些以前唔太知道的地方習慣等東西， 也算係一種收獲喇。
2008/3/6 (木曜日)
一朝早有人黎換煤氣錶， 唔， 定期要換就冇辦去啦。 等左陣， 好快就搞掂。 冇大問題吧？
而另一樣要換的， 就係自己的 Visa 喇。 上年先續完今年又要續， 真係幾煩， 今次應該可以批兩年掛？ 好在唔駛去品川那個鬼咁遠的入管， 横浜那個， 又可以踩單車去又唔駛等咁耐， 沿途仲有 MM21 的景色睇。 好快就遞好哂 form 喇。
尋日 print 錯 poster， 今日再 print 過。 之後再去厚生棟貼埋就基本上 OK。 之後繼續番自己的 research。
2008/3/5 (水曜日)
戦利品:
らき☆すた 〜陵桜学園 桜藤祭〜 オープニングテーマ ハマってサボっておーまいがっ！
朝早去了書局行左陣， 找書看。 不過之前買的書都未清好， 都唔知為乜要買住.... 最近就算想看書， 也沒有那個精神。 唔。 老化了？？？ orz
繼續 research， 但亦有不少鎖碎野要做， 包括 print GCOE poster， print poster 最慘係望住部 printer 慢慢 print 半個鐘一張， 之後仲要發覺 print 錯 size， 仲要兩張！！ orz... 算。 聽日再算。
晚上買了今日的戰利品－－らき☆すたPS2 的主題曲。 唔係好聽得明講乜， 學こなた所講「歌は魂で感じるもんだよ」。。。 都只有咁諗？ 不過唔知講乜都好， 但聽落覺得精神輕鬆就オk啦。
2008/3/4 (火曜日)
Research， 正以為自己做的東西方向很好的時候， 寫寫寫， program 一 run， 唔？ Error？ 諗諗諗， 終於明白個大問題所在－－自己唔係做緊一個 linear programming optimization！ 個 program 跟本 run 唔到！ 大鑊！ 唔知點算 --- orz --- ジ・エンド？
晚上唔理咁多住喇， 整番張 GCOE 的 poster， 聽日要 print 嘛。 結果都係用番之前 winter camp 用過的 poster， 懶到出汁。
2008/3/3 (月曜日)
正常的研究日。 不過冇太多進度， 自己又分心， 跟住朋友又走過黎吹水... 不過這個朋友都就黎畢業喇， 難的的好朋友， 可以的話都想傾多些嘛。
又係時候 renew 個 Visa， 填幾張 forms， 手都軟埋。 跟住發現唔齊 document， 呀， 麻麻煩煩的， 聽日番學校先算了。
2008/3/2 (日曜日)
晨咁早起身， 等郵包， 一個係朋友托訂的超限量版 game (老實講我真係出唔起那個價錢)， 另外係自己買的 4GB memory stick， 當然俾部 PSP 用啦。 可以放哂 d game 同埋 movie 入去嘛。
之後約了朋友Tさん去横浜駅食嘢， 主要係拎手信俾佢咁啦。 跟住不斷的吹水， 佢好似過幾個禮拜又去香港（佢往返香港的次數一定多過我）。 唔， 咁諗深一層， 係唔係有需要拎手信俾佢呢？ 唔緊要啦。
之後又， 冇錯， 係“又”買 sound card， Onkyo 的 SE-200PCI， 張 card 上面的 capacity 應該係我見過最密的了。 雖然已經唔太明白 capacitor 同埋音質的關係， 不過 Onkyo 這個牌子已經算係信心保證啦。 買番去裝， 因為張 card 新， Alsa (Linux 上的 sound driver)最近 version 先有， 唯有去update 去用 CVS version 啦。 終於都 work， 不過老實講， 音質覺得係好左少少， 不過又唔係想像之高， 原因嘛， 九成係個 speaker 喇。 遲些買番個好些的 speaker 先得！ audio 條路， 的確唔係易行....
2008/3/1 (土曜日)
羽毛球日。 五位男士， 唔。 なんか、虚しい…。 不過運動始終係主要目的喇。 冇乜所謂啦。 之後去到東大時朋友 K さん也加入了， 所以都冇所謂啦。
K さん最近諗緊搬屋， 所以就陪佢去地產搵屋去， 首先去了以前自己都幫襯過的エイブル， service 的確唔錯, 老實講朋友要求間屋的條件價格等的確幾困難， 不過都好好招呼。 聽日佢或者會去睇一間屋吧？ 之後去了另一間 agent， 唔記得叫乜名喇， 不過服務真係差天共地， 離哂譜， 語氣又麻麻， 唔， 有點諗起香港劉德華關於服務質素的廣告“有就有， 冇就冇架喇”嗰隻呢？
點都好， 跟住去K さん帶了去食泰國野， 食左碗麵， 幾好食， menu 上面寫住秘製醬汁， 問K さん究竟係乜佢又唔答住喎， 睇顏色再諗， 血？ 嘩。 在香港都冇食過豬紅等東東， 竟然都俾我估中！ 都覺得自己幾勁！ anyway 食落真係幾好食， 雖然一舊舊豬紅始終都係唔想食， 但融入 d 湯到又幾好味就真。