2008/4/29 (火曜日)
昭和の日。留了在家中打機和休息。 好耐都冇認認真真（？）打機喇。
昨日收到「一般人」的 email 話今日 server maintenance 中止（請參考昨日的 blog）， 但中途收到 M 君的 testing request， 似乎 M 君一個人在努力喇。 唔。 同佢唔同世界的人真係好難可以同佢溝通喇（某程度來說自己可以話同佢同一個世界？）， 話唔埋自己以前都係咁樣？ 經過做嘢的洗禮人可能變得圓滑咗都唔定， 見人見智喇。
2008/4/28 (月曜日)
番學校， 下午是 GCOE 的 lecture， 朝早做了少少嘢， 又去了去幫手睇 network 的東東。 今年負責管 network 的 M 君， 才能上的確很不錯， 不過講真對人關係真係幾麻麻， 對住一般人（networking 之類唔熟的人）怒罵， 自己當時在 server 前睇 setting， 夾了在中間， 真係有點嚇親， 周圍的氣氛也完全疆哂。 唯有以 network 上的問題分散 M 君的注意， 老實講， M 君和我也未找到問題的原因， 一般人就更加難明發生乜嘢事啦。 唔。 有點擔心他們之後的關係添。
之後 GCOE lecture， 唔記得帶 notebook， 拎部 PDA 出嚟係咁玩數獨。 唔。 幾無聊的。 其它 RA present， topic 完全同自己冇關， 所以聽完都係哂氣喇。 中途更加係瞓着咗。
晚上和了很多不同的人吹水。 其中和廣東話班幹事講的， 都幾有趣。 之前雖然也是打算以朋友的身份去傾計， 不過也是點到即止， 很少可傾得深入。 今次所講的東西， 唔， 涉及太多私隱， 所以都係唔講太多喇。 不過也意外地佢會同我講這麼多東西...
2008/4/26 (土曜日)
羽毛球日， B君帶咗一個新朋友嚟， 以前好似都打過， 不過最近冇乜點打喎。 唔緊要啦， 自己都係咁啦。 而且事實上都打得幾好添。 最近的羽毛球也真的越嚟越多唔同的人打， 感覺很好。
之後去到 Cafe， B君的另一位朋友嚟左， 一個叫 Jackie 的日本人（！！）， 有英文名的日本人好似都係第一次見。 而且一口流利廣東話（！！！）， 厲害。
夜晚收到廣東話班的一個消息， 有機會會停止。 唔， 原因基本上係人數減少喇， 最近 Yさん好似話唔讀（這個Yさん前睇後睇同自己都唔太夾， 意料中事喇）， 不過如果真係停， 感覺真係有點可惜。 不過未太快下定論喇。 睇下情況先算。
2008/4/25 (金曜日)
研究室， 一半時間去了幫手睇 network 的問題， 一半時間做自己的 research， 但其實兩頭唔到岸。
夜晚廣東話班， 今次沒有人幫手。 照平時的教 grammar 和答問題。 答問題時被問到“和”同“與”的分別， 還有“又”同“再”的唔同。 唔， 兩個問題都真係唔知點答好。 “和與”自己看來可以共通， 但“再又”就點都有分別， 但總之就係答唔到個問題。 唔， 呢班人真係唔可以睇少。
夜晚拉大隊去附近的 family restaurant 食飯， 幹事さん走左， 結果一個男仔對七個女仔／人（！！）， 唔。 對於一個長期生活在和尚寺的人嚟說真係少有喇。 不過廣東話班對咗咁耐其實都好熟的一班人喇（當中有幾個人例外？）所以也沒有甚麼特別。 正確些說， 是廣東話班的延續？？ まあかわいい子がいるから別にいいよ。いやむしろ歓迎するよ。
2008/4/24 (木曜日)
朝早番學校， 一年一度的 Health check. 基本上正常。 身高跌番去 173 （上年寫 174架）， 體重偏低， 不過也是自己這十年內的起伏之內喇。 視力， 也是和上年一樣。 唔。 基本上冇乜轉變喇。
番番 lab， 最近 M君整 network， 狀況幾唔隱定。 今日 DNS 出事， 自己部 notebook 有 wireless interface 直通學校 ITC， 但 wireless 始終慢， 反正只係 DNS 死左， 於是就 up 個 wireless interface， 用佢個 DNS， 其它 connection 用番 Ethernet， 唔。 順順利利喇。 唔錯唔錯。
2008/4/23 (水曜日)
本來今日放假。 不過之前應承左個台灣人去幫佢開戶口同電話， 唔， 冇所謂啦， 之前應承左就係架喇。 去到學校附近會合， 開電話之前首先要開戶口， 所以去銀行先。 本來一路都冇乜大問題， 填 form， 填填下發現要寫電話， 唔， 唔， 唔。 冇記錯好似係為咗開電話所以嚟開戶口的， 唔...... 唯有試下去開電話。
去到電話舖頭， 又係填 form， 不過中途發現完全對稱的問題：冇戶口（也沒有信用卡）開唔到電話。
Dead lock。
冇乜人知道解決辦法。 唔理， 去食飯先算。 之後再去銀行， 強行地用左我個電話登記先， 總算開到戶口， 而電話也隨即 OK。 唔。 咁就整左幾個鐘（開電話用了唔少時間）。
由於放假關係， 等佢拎左電話之後就走了。 咁就冇左半日。 番屋企休息下好過。
祝！！ 1000th 記事！！
由 static 到 blog
哇！ 由 2001-2005 的 static 日記 移到 pebble blog， 今日這個 pebble blog 終於都去到第一千個 entry 喇！ バチバチバチ！！ 一直都知道看這個 blog 的除了自己之外就只得幾個好朋友和一些唔覺意撞入黎的路人甲。 也當然喇。 內容就最近來說， 很多時也只不過係研究， 死亡日， 羽毛球日， 偶然的有些戰利品咁。 精彩的內容真係諗爆頭都諗唔到...
まあ、這個 blog 本身的目的都唔係 draw traffic， 如果唔係就貼廣告啦（曾經有段時間都貼過 adsense 黎睇下係乜）。
不知寫過幾多次， 這個日記的主要讀者其實只係自己喇， 有寫開日記的人或者會明白， 即使幾年前寫的東東， 今日再看的話， 當時的感受或多或少也可以 recall 出黎， “哈， 乜那時咁鍾意那個女仔架咩？”“哦？ FYP？ Ted Kok 問條問題好鬼深”等等， 睇完之後， 真的有衝動找找那個女仔， 問問佢近況如何。
曾經諗過唔少次， 將每日寫的習慣變做有特別事先寫， 不過寫左咁耐（七年都黎緊）， 而家先斷真係唔想。 相信冇乜重大變化也會繼續這個“研究 meeting 羽毛球 吹水 死亡”日記， 到下個目標（第 2000th 記事）， 自己的網上日記也會踏入十年喇（！！）
Anyway 有時間也想寫寫其它東東， 不過真係幾忙， 除左自己堅持的日記之外， 唯有盡力寫啦， 也請大家得閒就上黎坐坐喇。
2008/4/22 (火曜日)
研究室 meeting， 其中 K くん關於佢 research idea 的 presentation 幾有趣， 以前都唔覺架喎？ 另外研究室的 sys admin Mくんshow 左個 gOS 俾自己睇， 幾有趣喎。 不過 E17， 自己都係唔太諗住用...
之後睇左少少書， 夜晚約左幾個香港朋友開生日 party （其實食餐飯咁啦）， 不過因為種種原因， 點講個氣氛都唔覺得太好喇。 咁講啦， 每個人有自己的諗法， 自己也不太想也冇理由去改變一個人的看法， 但如果問到自己的意見的話作為朋友一定會俾。 但講完的意見結果都係改變唔到任何事， 老實講， 好攰囉。 唔知同自己性格有冇關係啦， 身邊有好些朋友不時搵自己吐苦水， 簡單些說是大約係
朋友：訴苦→我：樂觀些啦→ 朋友：試下啦 → (過一排) → 朋友：訴苦→我：....
Endless！ 永劫回帰咩？
唔。 有點失禮添。 不過每次都係同樣的展開的話， 唔知可以維持到幾時....
2008/4/21 (月曜日)
每個禮拜一也有 GCOE lecture， 基本上都冇乜時間可以做自己 的 research。 今日的 topic 嘛， 有兩個 topics， 好像幾有趣的， 不過結果都係冇心機聽。 眼訓嘛。 另外那個 PK （以前都提過， 唔係粗口那個 PK， 係 TLD 那個 PK）差唔多 lecture 完之前十五分鐘先入黎簽名， 好唔公平囉。 有乜理由個個人上足個半鐘 lecture， 你個 PK（都話唔係粗口咯）剩係上十五分鐘？
之後 P-3 meeting， 之前都 send 左 email， 個 PK 竟然話唔知， 本身都唔想理佢， 咁大個人俾少少責任啦。 Anyway 唔鬼講佢咁多， 講番個 meeting， 山中先生真係幾 ad-hoc 的， 事前都冇諗過要準備， 跟住突然叫自己 describe 之前 workshop， 又叫全部人講下 research 的進度等， 雖然都冇乜大問題喇。 另外有個新的 RA， 唔知泰國人定越南人， 總之一個字， 怪... 講的東東， 唔知係特登搞笑定真傻， 唔... 不過以唔係太熟黎睇， 我一定講唔出佢那些對白囉。 算。 唔理太多。
2008/4/19 (土曜日)
家姐姐夫最後一日在日本。 一早出去和他們去買少少東西咁。 去酒店時， 突然被差人， 唔， 雖然又頭到腳我都係一個良好市民（自稱）， 不過今日羽毛球日， 一支長長的羽毛球拍+一大個背包+迅歩前進的自己+歌舞伎町=可疑人物？ 唔。 唔。 好在當時冇個三腳架喺身， 唔係冇相機加腳架就更加可疑。
Anyway 真真正正良好市民（自稱）的我就當然同警察合作啦。 都係看看個袋裝乜， 又唔會少舊肉。 之後會合了肥豬之後， 陪他們去了西口和南口那邊買車飛和 HMV 等等， 不過都冇時間慢慢行喇。 一路順風喇。
之後羽毛球日。 搵左好多人一齊玩， 不過有點混亂咁。 有機會整個羽毛球大會也不錯？ 不過實力始終未夠平均咁喇。
番屋企 upgrade 左個 kernel， merge 番個 Alsa driver 入 kernel 裏面， set 埋個 saa7134-alsa， 張 TV-card 總算可以經 PCI bus 出聲喇。 不過個 tuner 都仲係好 noisy， 唔， 雖然都冇乜所謂喇。
2008/4/18 (金曜日)
尋日多口同先生講個下駄箱， 結果今朝一早就係咁 print label， 雖然都冇乜所謂喇。 快快手手搞掂之後， 普通的一日。
夜晚廣東話班， 將個半鐘頭分開一些問題時間加平時教的文法再加一些討論， 効果看來很不錯。 我自己單方面的教的話不見得有効嘛。 不錯。
之後 farewell 一個成日黎玩的香港人， 去了一間沖縄料理， 那碟墨魚麵食到成個咀都黑色， 下次一定唔食。 嘻嘻哈哈的送行， 最後由 K くん的“一路中風”完結（係我衰， 係我教發音唔好... 哈哈）。
話時話其中一個學生好似病左， 有點擔心。 希望冇事啦。
2008/4/17 (木曜日)
戦利品:
らき☆すた オープニングテーマ もってけ！セーラーふく
限定版 魔法先生ネギま！ ２２
一朝早番到學校 PK present， 完全浪費時間。 present 的話唔該睇下自己對住乜嘢人先啦。 唔係叫你 present 俾笹瀬先生聽呀！ 真係搞到成個 lab freeze 左兩個幾鐘。
另外 messenger list 裏面發現好幾個"(L)China"的符號， 自己用 Pidgin 的關係沒有顯示到幅圖， 不過 check 番先知道點解。 唔想在這裏寫， 不過只想講句
キモい！！ 呢個咁嘅國家（正確些說， 政府）有乜嘢好"(L)"？？
。。。 算， 唔理咁多， 反正自己本身都睇唔到， 實行 ignore。
夜晚和笹瀬先生提到個下駄箱的問題， 即時被叫了 print 番 d label 出黎， 唔， 都冇所謂， 總之可以解決問題的話做少少嘢當然冇所謂喇。
夜晚路經 supermarket 時， 突然有個女仔同自己揮手， 最初心諗緊係同我後面個同人甲揮手啦， 但一路行佢視線就跟住自己行...
唔..... ？？
應該冇搞錯， 的確係同自己揮手。 但， 邊位？ 一問之下， 哦！ 原來係自己一路去開的 Salon 的 staff， 真係唔認得添。 哈哈， 傻傻的都唔知點反應， 打了幾句招呼就走人了。 不過都要佩服下這裏的人。 自己係那些要見好多次先記到樣的那類人， 而 salon 的人， 雖然話職業需要， 但一日望住咁多個人， 而每個客都係一兩個月先黎一次， 自問真係記唔到咁多。
今日的戦利品， もってけ！セーラーふく， 越聽越精神的一隻 CD， 雖然問我的話我鍾意「桜陵祭」的 OPED 多些囉。 另外ネギま， 之前幾期唔知點解睇到有點冇心機， 不過今期又搞笑番， 很期待下一期添。
2008/4/16 (水曜日)
下午在 lab， 平平靜靜的過。 還不錯嘛。
之後去了六本木會合家姐姐夫， 去了一去朝日電視台， 看看六本木的夜景， 再行去東京鐵塔看看， 沒有逗留太耐， 家姐姐夫行左成日都好攰， 於是番番去新宿， 去了西口那邊， 先食左間地鷄， 不錯不錯， 又平又抵食， 之後去了街邊的一檔推車仔食拉麵加おでん， 很有風味， 自己一個很少可會咁食喇嘛。
2008/4/15 (火曜日)
尋晚顧住陪家姐姐夫玩（加埋自己的 Tsutaya 遊）， 唔記得要做 presentation， 結果一早整整整， 還好今次只係 workshop report， 沒有太大問題， 順手洗埋啲衫佢。
下午的研究室 meeting， 有新學生的自我介紹， 另外是F君M君和自己的 presentation， 新學生的 presentation 就幾有趣， 不過 F 君那些， 唔係話悶， 不過唔該準備好些得唔得？
Meeting 之後笹瀬先生突然叫了自己和Aさん去買嘢， 冇乜幾可。 開車去了車站的電器舖， 心諗其實行路都冇問題， 不過間中坐下車都好喇。 買了些東東之後回巢。
之後的時間， 主要也是和笹瀬先生吹下水， 還有俾左 GCOE 部 notebook M くん， 反正都唔多用（亦都唔想多部機管）。
番到屋企發現洗咗的衫唔記得左晾， 撞鬼。 焗左喺部洗衣機成個下晝添。 好眼訓....
2008/4/14 (月曜日)
前兩日買了的 Cowon U5， 今朝就係咁等。 等左一段時間終於都送到嚟喇。 由於日本版唔 support vorbis， 於是一黎就 upgrade 去韓國版的 firmware 2.15， 第一次失敗， display 冇字睇， 之後再試， 失敗， 再試， 嘩， 總算成功了。 只得英文同韓文 menu， 不過 display tag 冇問題就冇所謂喇。
下午 GCOE lecture. 兩個 presentations + GCOE introduction. 好眼訓....
之後在横浜會合家姐姐夫。 再自己的花園周圍走。 由東行去西再行去東， 去了 Book-off 也去了西口食晚飯。 之後當然唔少得 MM21， 夜景當然不在話下， 咁啱在赤レンガ那裏有花展， 啱哂佢地兩個啦。 不過都真係幾靚， 最衰冇帶相機。
之後佢走咗之後， 自己去了 Tsutaya 看 CD/DVD 打發時間。 唔， 有機會的話租番之前冇睇的動畫先得。
2008/4/13 (日曜日)
戦利品:
名探偵コナン 61
本來可以休息的一日。 不過今日家姐同姐夫今日嚟日本玩。 因為假期的關係都可以去成田接佢地喇。 不過去到成田都係唔想走出閘囉。 浪費車錢嘛。 去之前買咗本コナン， 出發....
結果去到機場， 等左成個鐘， 班快速エアポート成田都走埋， 先至等到佢地電話。 冇計， 唯有出閘（咁就冇左3000円）， 人海茫茫的找兩個人， 都用了唔少時間。 那隻肥豬的頭髮， 剪到我都唔認得！ 真係嚇親.... 更有趣的， 係佢地的裝束， 唔， 好像是去泰國的裝備吧？ 日本這裏雖然唔係太凍， 十度前後吧？ 不過見到佢地着得薄過我， 都真係唔知講乜好喇。
坐京成線去新宿。 個幾鐘頭車， 肥豬就不斷的問問題， 每個問題都有位入去窒咁濟， 窒到我都覺得有攰添。 轉車之後冇幾耐就去到酒店。 Check-in 之後就在附近行下， 食飯去也。 見到佢地的裝束， 都係覺得佢地好型囉。
今期的コナン裏面的キッド， 唔， 比想像中失敗喇。 有點不滿。 不過キッド始終也是這本漫畫的 guest， 沒有辦法？ 唔， 複雜。
2008/4/12 (土曜日)
羽毛球日。 除了一路打開的 members 之外， 仲有兩個法國人。唔算太勁， 不過都有番咁上下水平。 其中一個仲要叫 Alex.... 不過好似一齊打開的 member 之前同佢地打過， 只不過我唔喺現場喇。
打完之後， 去埋例行的イタトマ食嘢番去。 踏火車時拎左部 PSP 出黎玩， 即刻吸左一班仔過嚟睇， 唔， 好大壓力。 結果熄機算了.....
2008/4/11 (金曜日)
下午食完飯走左出去買隻 wireless LAN 手指。 反正屋企有部機冇用， Linux 那邉的 wireless router 又未有辦法做住， 不如俾 2000 円出黎玩住先。 另外也想買個新 case， SOLO white， 大約 12000円， 都唔平架。
夜晚廣東話班。 人數唔係太多變了一個 QA 時間。 另外一個自己也是第一次見的香港人來了做 guest， 結果今日唔駛點教就完左一堂， 哈哈。 之後去了一間 Family restaurant， 好大陣煙味....
2008/4/10 (木曜日)
番到學校冇幾耐， 新 system admin 突然話想整理下 network 線， 反正剛剛番到學校未有 mood 做嘢， 幫下佢手， 其實不過係整走冇用的線喇。 其中一條線都真係經典， cross cable + adapter + cross cable ， 仲乜唔用一條 straight?? 真係想知之前駁線 d 人諗乜.... 另外一路整， 笹瀬先生今日好像得得閒似的， 過了來吹唔少水。 另外想整理的應該都係 d switches 喇。 諗下與其俾錢買 switch， 不如用些舊機起番個 Linux router？ ipcop 好像幾似樣的。
另外用了少少時間 survey 一下audio format， 一有人問到一些自己有興趣的問題， 就用了唔少時間 search， 呢個壞習慣真係要改下先得。
2008/4/9 (水曜日)
沒有甚麼特別的研究日。 唔， 沒有太大進展， 唯有向其它方向睇睇。
剪頭髮， 幫自己洗頭髮的那個人竟然記得自己兩個幾月講的東東， 我自己就連佢個樣都唔太記得， 哈哈， 真係有點失禮添。
剪完頭髮去了 Sofmap 行行， 見到 Intel E8400 有貨， 唔多唔少都有想買的衝動， 不過呢個月真係幾窮， 儲番些錢先講。 另外其實 Q9450 都好吸引， 不過應該冇需要喇。
2008/4/8 (火曜日)
落超大雨。 完全地唔想出街， 不過今日又有 meeting， 而且好多嘢都未做好， 唔出都唔得啦。 冇計。
Lunch time. 新學期好鬼多人， 心諗你班人之後都走堂㗎啦， 唔好阻住個地球轉，飯就人人都要食， 不過唔好擺哂 d 袋霸位啦， 自己千辛萬苦先搵到位， 隔離張枱就到食完都未見人影....
研究室 meeting， 處理好一些年頭雜務， 也傾了今學期的 schedule， 唔， 很長的一個 meeting。
2008/4/7 (月曜日)
理論上新學期開始， 笹瀬先生也從 Las Vegas 回來了， 今日亦都重新開始 GCOE 的 lecture（和平時一樣， 好眼訓）， 一切也回到正常？ 還有研究室嚟多左一個新人。 唔。 よろしく！
話時話今日家姐生日喎， 生日快樂！！
2008/4/5 (土曜日)
羽毛球日。 今日有個阿叔， 技術很不錯， 加埋 C くん同埋 O くん， 越黎越多勁人在這裏打波， 自己相對變得弱左喇， 不過咁先有進步嘛！ 不錯不錯。
買左張新的 capture card， S-Video 沒有問題， 畫質不錯， 不過個 tuner 唔知點解 noise 好勁。 唔， 不過打到機其實就沒有太大問題喇， 反正近排都冇乜點睇電視。
2008/4/4 (金曜日)
整日的在研究室， 依然在找 software 做 simulation， 唔。 都係冇乜結果， 開始想找 sales 睇下商用的 solution.... 不過用開 Open source software， 唔多唔少都有些抗拒？
夜晚廣東話班。 去課室之前走去 附近的 AM/PM， 偶然的見到其中一個學生， 唔。 運氣還不錯嘛。 之後照平時的上堂， 上上下 d 學生突然話
好驚呀！
？？？？？
之後先知原來係地震， 當時企左喺度的自己就真係唔太覺， 不過問番佢地先知震係垂直的震， 唔， 好少見咁。 之後都冇問題， 照上堂。 呀， 話時話今日喇左一個新學生。 唔。 這個廣東話班的換血頻度都幾高的...
2008/4/3 (木曜日)
一朝早走了去区役所 update 番張登録証。 很早去到也很快完成。 之後番到學校都好早， 但台灣人比自己更早番到去。 佩服！ 雖然話住得近啫...
下午陪左佢去看看開電話的東西， 本來打算用我個名， 跟住等佢有登録証時轉番佢個名， 不過唔係唔得， 不過買電話的費用就冇得 discount， 唯有要佢等下啦。
2008/4/2 (水曜日)
朝早去了幫手睇新入生的 Placement test， 和之前考試監督補助沒有太大分別， 行行企企。 數下幾多人用左手寫字。 結果今次 9/235 個學生係左手的， 唔， 文系都唔少人架喎。 ...
之後平平靜靜的在 lab... 就好喇。 那個 PK (PK 唔係香港粗口那個意思， 一個 TLD)， 懶醒幫台灣人重裝 Windows， 都冇所謂， 裝到唔湯唔水， 連 printer driver 都唔識裝， 結果走黎煩我。 PK + Windows = 想打人。 有冇人黎俾我當沙包打？ 不過幫個台灣新生這一點本身就冇異議喇。 算。
2008/4/1 (火曜日)
都係工作日。 冇人番學。 一來笹瀬先生不在， 二來去哂搵工吧？ 都唔係唔明喇。 結果就剩得新來的台灣人。 唔算多野講的關係， 所以也叫做可以做自己野喇。
晚上約了幾個香港朋友去渋谷。 本來諗住去代々木公園看夜桜， 不過有點涼， 同埋大家主要都係想聚下喇， 所以都冇乜所謂。 不過有點點必然的， 主要話題也是 A さん的煩腦。 唔， 在這裏先講， 有些東西跟本冇必要煩， 只是自己想法問題喇。 尤其係煩自己控制範圍以外的東西或者係自己以前的決定， 跟本就係哂氣。 唔。 但晚上的氣氛又好難咁同佢講喇。 冇計。
不過講開 A さん， 佢突然其來的一句， 實在嚇到在場三個人呆左。 識左佢成兩年， 今日先知的一個秘密（？）... April fool... じゃなさそうね