2008/5/31 (土曜日)
唔知點解， 不過係隔咗一個禯拜冇打波， 今日完全唔係狀態。 可能太眼瞓掛？ 之後去到 Cafe 時都已經係一半同周公傾計。
話時話今日 Karen's birthday.. 不過打電話打唔通... anyway おめでとう
2008/5/30 (金曜日)
比較輕鬆的一日。 做自己的 research， 下晝走出去食 lunch， 一間近近地的意粉舖。 環境算是不錯， 不過味到就認真一般...
廣東話班。 Hちゃん帶咗一個香港朋友嚟， 有點似林峯， 不過呢個唔係仲要問題， 重要的係心情好鬼複雜。 乜？ 冇... まあまあ。いいじゃないか
晚餐時， 失敗， 講地點時講得唔清唔楚， 搞到Pちゃん去錯地方。 Sorry!! 另外呢， 唔， 真係不能自抜喇(!)。
晚上睇廣東話班同學借俾自己的 DVD. 點知擺隻碟入個 drive 時張 label 飛埋出嚟.... orz
2008/5/29 (木曜日)
本來正正常常的 research day， 點知多口， 笹瀬先生俾多兩份文自己睇， 一份講 web 2.0， 另一份 iATA， 唔...
約咗幾個後輩去渋谷食飯， 三男一女的配搭， 結果冇乜所謂的下走了去食燒肉， 兩個鐘頭任食， 環境就麻麻地喇， 不過有嘢就食咁解。 成晚用廣東話傾計， 好似都冇乜咁嘅機會（其它人唔係中途講日文就係中途講英文）， 另外又食又拎， 朋友的手信， 多謝哂!!
今日新收到的兩份 paper， reject 了一份， 一字記之曰：爽！
2008/5/28 (水曜日)
捐血日
Book 咗捐血， 朝早去都唔多人。 成份捐血今次都不過係第二次， 捐血時間比較長， 竟然喺俾支針插住嘅情況下釣魚， 冇計， 實在太舒服喇。
回到學校， 見到 lab mate A さん幫笹瀬先生 review， 好奇一看， 係佢以前的同事。 粗略的看看內容， 呀， 未看來容， 已經覺得呢篇論文可以 reject， 再問問內容， 真的幾嚇人的。
之後平平靜靜的看自己篇 review 論文。 老實講很多東西都唔太明， 不過整體的文脈也算 OK， 老實講， 微妙....
2008/5/27 (火曜日)
昨日的馬拉松雖然係辛苦， 不過夜晚的三個小時也算令這一日值回票價。 唔， 正確些說是今早的三個小時？ 唔。 不過一個小失敗， 感覺上也很可惜喇（真係唔太知那句可以點解， 搵機會搵人解碼？）
瞓咗三個鐘之後又一日的開始。 突然好像忙了少少， 有 paper 要做 review， 也有 tutorial， 咦？ 平時好似都一般得閒㗎喎。 奇怪。 不過我這個人就係唔有嘢做都會永遠懶懶閒喇。
下午的 tutorial， 自己的做完， 之後又到 PK， 又係鬼咁長， 都唔知佢想點。 用人咁多時間， 唔可以簡潔少少㗎咩？ 知唔知自己立場㗎？
又多一份 paper 要 review， 自己收到那份， 唔， 水準好似唔錯（未有時間詳細睇）， 望望 Madu 收到那份， 嘩！ 慘不忍睹！ 剩係個 abstract 都唔知寫乜。 原來這個世界真的可以有咁差的 paper... 可能內容好勁都唔定， 不過個包裝就真係冇嘢好講。
2008/5/26 (月曜日)
馬拉松的一日。 一朝早都冇乜問題， 番到學校執下今日要 present 的東東， send 出去之後就唔理咁多， 就連練都冇練。
下午睇下份 review paper， EPC/sensor network， 雖然望起嚟幾得意， 不過都唔太算自己個 area， 都好難俾到些 insightful 的 comment 架喇。
之後 GCOE， 今次自己有份 present， 所以都唔算太眼瞓， 但之後的 P3 meeting， 之前已經飲定杯咖啡落肚（雖然明知只係心理藥）， 入到去， 聽完山中先生幾句話之後輪到 PK present， 個幾兩個鐘， 佢把聲講真聽到都周身唔舒服。。。 兩個鐘呀！ 叫我去落操場跑兩個鐘可能都仲有些得着。 聽這個PK講一陣都嫌嘥時間。 唉， 這個 COE 真係。
不過有趣的係走的時候和 Madu 提到在這悶到飛起的兩個鐘頭點樣苦中作樂， Madu 就好似喺度畫畫， 真係有興趣睇下佢畫乜。 而自己就用部 PDA 偷影各人的神情， 用 PDA 基本上冇人發現嘛。 結果影到其中兩個 professor 的情形， 相信睇完之後都可以想像到那兩個鐘頭幾悶....
2008/5/25 (日曜日)
真真正正的死亡。 完全冇命。 奇蹟地起了身接咗個郵包， 再死過...
夜晚用 deadline effect 死好聽日個 GCOE presentation， 意外地唔係太長。 唔。 其實成日話 deadline effect， 好多時都係一早諗好， 之後一口氣寫的。 到 deadline 那日先嚟諗就真係會太遲喇（不過諗嘢的靈感很多時也是 deadline 前先到）
2008/5/24 (土曜日)
羽毛球... 呀， 唔係唔係， 今日很少可的沒有去打波， 取而代之的係去了英語活動 parttime （正確嚟講係国際教育映像協会）所舉辦的懇親会， 仲早過平時出門口。 坐車坐車坐車， 不過都係照慣例早了去到目的地（點知火車會唔會遲到㗎）
入到去， 其實周圍 d 人都唔太識。 冇辦法， 呆呆坐坐， 後來同隔離那個中國人傾咗幾句， default 話題吧？ 後來得知佢四川出身， 自然就問到佢家人的情況。 可幸的家人也好像沒有事。
之後開場式， 其中一個お偉いさん提到四川地震同埋緬甸風災， 當時企在身邊的就正正係四川人同埋緬甸人， 話就話佢地屋企人都冇事， 不過安心又可能太早。 另外一個人提到世界上有三種國家， 一種係政治國家， 一種係經濟國家， 最後一種係職人國家， 對自己來說幾新鮮的說法， 有點參考價值。
之後飲飲食食， 見番一個以前祖師ヶ谷的朋友， 很有趣的一個人。 以前住同一層同一個 block， 所以共用一個㕑房， 時不時都會見面。 搬咗出嚟之後都冇見過喇。 吹咗唔少水。 另外安排了一些民族表演， 幾個表演幾有趣， 不過其中印尼人那個表演， 幾個人的 comment 都係“好長... ”， 我就剩係覺得音樂好鬼大聲...
散場前在同幾個人吹吹水， 還不錯的。 之後去了新宿行咗陣， 好耐冇嚟過行喇， 尤其當自己地頭的横浜的舖頭類型同呢度咁鬼似， 都冇乜嚟呢度行街嘅理由。 今日嚟， 其實係因為約了朋友 E さん喇。
會合了 Eさん之後， 去了0101的一間お寿司食べ放題， 每個人四千， 任食嚟講算唔太貴吧？ 而且都幾好食。 而當然最重要嘅其實都係吹水喇。 講咗好多秘密嘢添， 最後仲要去 Starbucks 講， 雖然話牛唔飲水， 不過一講就好像黃河缺堤咁.... まあまあ
2008/5/23 (金曜日)
禮拜五算係幾平靜的一日。 就連 Madu 也蛇王冇番學。 笹瀬先生也始終出差未番， 真係靜到有鬼咁。 不過仲好啦。 雖然做嘢唔算得係好有効率， 點都好過平時少少。
夜晚廣東話班。 最近心境有若干變化， 有點點期待亦變得有少少緊張。 唔明就算啦， 希望這個謎底有一日可以解開。 另外今日有一位新同學， 似乎之前也學到一定程度， 教落也沒有問題掛？ 問題係唔知佢會唔會覺得呢個班淺得濟喇。
之後下半堂小組討論， 除了最近來的新朋友J 君之外， 好耐冇嚟的 J君（又係J君... 唔好介意）也來了玩。 人多起上來， 小組討論時兩邊走， 結果亦都講到興起， 講過時半個鐘...
食飯時講起麻雀， 完全係自己最弱那一環。 真係唔知由邊到搭咀好。 好在那些用語的字都仲認得寫， 未至於完全被打入冷宮...
2008/5/22 (木曜日)
朝早去了 MM21 睇戲。 哈哈。 笹瀬先生不在的一個星期大家都進入放鬆 mode， 雖然下個禮拜要做 COE presentation， 不過唔理咁多喇。 照去睇。 睇乜戲呢？ 就係一年一度的劇場版名探偵コナン -- 「戦慄の楽譜」， 不過已經上左晝成個月了， 自己算係慢咗唔知幾多拍去睇喇， 入到去坐底， 結果全場好似都係得十個人左右？ 仲好！
今次的劇場版的質素也一如以往的高， 而今次的主題為音樂， 自問這方面算係特別弱， 所以有很多東西都唔太明， 犯案的手法雖然都估到， 不過犯人就真係估唔到喇。 不過也因為音樂這個主題， 今集的背景音樂和插入曲也比平時豐富。 節奏整體來說也很不錯， 有緊湊得令人冇時間抖氣的部份， 也有慢慢讓人融入情境的地方。 要彈的， 唔.... 角色之間的時間分配出了問題？ 雖然今次的 key person 秋庭怜子的部份幾吸引， 但其它角色（包括犯人）的戲份真係少得可憐...
意外地投入的係打電話求救的一幕... 雖然自己知道音頻電話的原理， 但咁樣打電話都有可能㗎咩？ 完全佩服這裏的技術和創意的融合...
沒有令人失望的一套戲。 之後番 lab 開始寫 COE 的麻煩嘢... 好眼瞓（雖然這個就幾時都係）。
2008/5/21 (水曜日)
唔經唔覺那件事以來已經一年了。 和自己沒有直接關係， 不過到而家都記得那時的感受。 很難想像當事人的感受。 到今日大部份東西都已經 settle 了吧？ 每一個香港人今日也不斷在為四川的事擔心時， 還有誰記得他呢？ 特地在這裏獻上小小的慰問...
番學也延平靜的。 不過下午有 GCOE 的 special lecture， 唔知點解次次都燒正自己個 group， 咁鬼勤力仲乜呢？ 結果個 lecture 講的東東都唔知有乜特別， intelligent light control， 唔知有幾大實用價值， 反而開發下 clean energy source 可能仲實際？
2008/5/20 (火曜日)
回復番正常的狀態。 起身， 快快手手食完早餐執好個人出門口。 不過話時話朝早 check Pidgin log 時發現個朋友尋晚一路同自己 chat， 到今朝九點先 offline.... 冇問題吧？
如常的回研究室。 不過今日預咗早走， 所以一心諗住快快手手完成今日的 quota， 結果也算完成。 所以覺得開 OT 其實真係嘥時間。
咁早走去做乜呢？ 因為約咗兩個廣東話班的同學去食 tea， 在香港來說基本上係很落街就有得食的東西， 不過今次專程坐四百円車（來回八百円， 即係差唔多六十蚊？）去， 好耐冇飲過凍央， 而且之前又有朋友介紹間舖頭， 於是決定去試下。 會合了朋友之後行去那間舖頭（アイアイオー），很細間的舖頭。 坐底就即刻叫了杯凍央， 而 H ちゃん和 A ちゃん分別叫了杯凍檸荼同凍奶茶， 飲品到了， 三個人的動作都係開包糖漿倒入去杯嘢飲裏面.... (甘党ｘ３)。 之後和老板傾計， 呢個老板基本上係一個香港迷（好似佢老婆都係）， 同行的H ちゃん和 A ちゃん也是一樣 ，結果舖頭裏面就有三個香港迷加一個香港人， 幾有趣的配搭。 舖頭裏面有很多關於香港吃喝玩樂的雜誌同書， 結果傾咗好耐喇。 飲杯嘢飲咗三個鐘.... 真係老套講句：開心的時間真係過得好快。
話時話， 飲完杯凍央唔夠， 飲多杯阿華田， Ovaltine? 唔記得有冇串錯， 日本語基本上也是照樣轉做カタカナ喇。 不過一齊的 A ちゃん爆咗句「アカダ (A ka da)」， 用日本語音訓讀三個漢字， い〜や、かわいすぎるよ
今日は最高だったね！！ 超楽しかった！
2008/5/19 (月曜日)
一朝早起身， 竟然已經九點.... 撞鬼咁鬼遲起身都有。
冇辦法， 快快手手出門口。 都唔算遲平時好多番到學校。 做嘢做嘢。 不過都有好多其它打擾， 自己又集中唔到， 結果好快就到四點半， 要上 COE lecture。 又一日。
夜晚看了幾日前租的 Tales of Symphonia， 之前打機時都已經很鐘意這套作品， 番玩咗幾次。 今次再看 DVD， 也覺得很感動， 尤其第三集當コレット天使疾患進化到失聲時那一幕， 真的咸了出來。
另外， 很開心的兩分鐘...
2008/5/18 (日曜日)
上個禮拜借咗碟要還， 走去 MM21 還碟， 不過水樹奈々這集碟真的唔想還， 但屋企又冇位擺太多嘢， 冇計。
之後一個人去了中華街， 好耐冇食過似樣的中華料理喇（好似上兩個禮拜先食完）， 去到， 鬼死咁多人。 舖頭又貴， 搵咗好耐先搵到間食燒味的， 一樓係外賣叉燒拎走的， 二樓先係食嘢。 當時或者過了食飯時間掛？ 搵隻鬼影睇下都冇。 不過靜靜的一個人的空間， 很舒服。
之後打道回府， 但中途又走了去桜木町同埋関内一帶， 原來自己從來冇在這附近行過。 有間鬼咁大的 Bookoff， 仲有好多其它舖頭。 Bookoff 是横浜駅一帶缺少了的東東喇（唔係冇， 不過鬼咁細間）。
最近不少晚也是很 enjoyable 的， 今晚也不例外...
2008/5/17 (土曜日)
羽毛球日。 唔知點解硬係出門口之前悠悠閒閒， 但總會在冇乜時間剩的情況下要趕住出門口.... 唔。 要檢討下。
羽毛球， 除了自己的一 group 人之外， 有時都會同其它人一齊玩下。 例如應該住在附近的留學生， 例如成日都一個人嚟的阿叔， 而今日就同三個中學生打。 她們的技術很不錯， 而這邊就以氣力搭夠？ 技術 vs 氣力， 某程度都係一種幾好的練習....
番到屋企， 真係完全冇哂 energy， 死亡....
2008/5/16 (金曜日)
昨日夜晚一路同個廣東話學生傾計一路寫 notes， 結果四點幾先訓， 跟住七點起身， 都算係精神吧？ 意外地有効率， 不過感覺上有點點廻光反照咁， 始終到今時今日都仲未完全習慣短眠...
點都好， 上堂去也。 途中在火車站見到一個英語活動一齊 training 的馬來西亞人， 不過唔記得咗佢個名， 呀， 有點失禮添。 不過唔記得就係唔記得， 冇計啦。 Anyway 水就照吹， 下個禮拜有個懇親会， 到時一定要記得佢個名... .
去到教室之前又偶然見到其中一個學生， 有點奇怪， 今日早咗咁多， 照理冇乜人到， 但偏偏俾我見到佢喎。 某程度來說都係一種緣份？ う〜〜ん、今は多分違うと思ってるけどね。まあもっと時間をかけて決めるか… 不過咁啱佢想寫封信俾個香港朋友， 話哂都叫做廣東話教師， 就教下佢點寫啦。 不過似乎都唔係一件容易的事呢。
之後照平常的上堂。 上完堂用了一段時間傾這班的動向。 唔， 自己見這班學生原則上都好俾心機， 所以就算捱義氣都想教落去（當然以佢地想要我這個教師為前提啦）。 最後都總算有個結論， 都算冇問題掛？
之後就去了渋谷會合兩個香港朋友（正確些說係一個， 另一位今日先第一次見）。 星期五的渋谷想搵個位都難。 加上那位新朋友行動唔太方便， 想盡量找個近的地方。 提議了去就近的一間常去的意粉店， 不過今日俾人包咗場（！）， 失敗， 結果去了 KFC 食。 雖然都唔太緊要喇， 大家都係志在吹水多... 尤其係有三個香港人在場時這班學廣東話的人就顯得特別開心喇。
搭車時被問到覺得日本男仔好些定香港男仔好些， 真係唔知點答的一個問題...
2008/5/15 (木曜日)
冇番學。 下午約了英語活動的小學校， 都幾遠， 去到橋本仲要轉京王線， 如果係以前仙川的話就幾近喇， 不過都冇所謂啦。 最緊要唔駛迫車。 朝早向橋本方向的話應該過咗新横浜就冇問題吧？
哎呀呀， 講埋一大堆冇人明的東東添。 Anyway 去到目的地附近的火車站（京王多摩センター）， 第一次來這裏， 好鬼靚！ 聽協會（英語活動的主辦協會）的梅村さん講， 這區近三十年先發展， 自己的感覺係這一區完全唔似日本其它去過的地方。
點講好呢， 成個地方就好似一個巨型主題公園？ 誇張咗少少都唔定， 不過出了車站冇幾耐就見到一堆 Hello Kitty， 最初都唔係好明， 後來知道原來這裏有個サンリオピューロランド(Sanrio Puroland)， 唔怪得。 哈哈。 真係大鄉里。 不過這區感覺上真的很舒服喇。 嚟渡假或者都唔錯。
之後去到小學校， 見了校長， 担任先生， volunteer 同埋幾個學生（純粹路過）， 傾了大概的做法， 應該沒有太大問題吧？ 話哂都叫做有經驗， 還有兩個禮拜左右開始。 準備一下吧？
傾完之後番去車站， 梅村さん找了自己去飲杯嘢， 傾下計咁。 梅村さん幾好傾的， 很好人， 不過一個問題係去到老麥時很理所當然的拎咗煙灰缸走去吸煙區。 唔。 冇辦法。 都仲忍到（掛？）。
2008/5/14 (水曜日)
落雨。 真係唔太想出街。 不過都要番學校， 冇計。 由於遲了少少出門口， 去到日吉時已經十點了， 於是順路（？）去了 Tsutaya 租碟， 最近半價嘛。 有些 DVD 真係想租好耐的了。 不過可惜的是今次租唔到らき☆すた， 不過租了 TOS， 也好。
番到學校， 有機會看看憤青份論文， 因為佢叫我幫佢睇英文嘛。 也冇所謂， 內容應該都唔太識的了， 即管看看那些英文。 唔？ 內容雖然真係唔識， 不過奇怪的地方未免太多了？ 或者正確些說， 一個門外漢都可以搵到咁多問題， 呢份 paper 真係有限公司？ 唔。 祝佢好運。
下午和Hちゃん傾咗唔少計， 還不錯的一日。 唔？ 唔係要做 research 㗎咩？ 唔。 唔緊要啦。 反正唔傾計的話九成會瞓着。 自己的集中力真係太差了。
タスポと強盗
５月１３日的読売新聞， 提到仙台那裏有一個十六歲的高中生， 因為買唔到煙走去偷， 偷左兩包， 被女店主發現時， 竟然就去撞個女店主... 事後因為涉嫌“強盗”被補。
點解買唔到呢？ 因為部份地方由五月一日開始實行要用一張叫 Taspo 的 IC card 先可以買煙， 而這張 Taspo 要成人（20歲以上）才可以申請。 算是防止未成年吸煙的一種動作吧？
對這張 Taspo 有幾大成効有點保留， 睇下點先啦。 東京神奈川這邊要七月一日先開始嘛。 不過這個高中生， 為咗煲煙， 真係不擇手段...
值得咩？
貼錢俾我我都唔會煲的煙， 偏偏有人為左佢以身試法。 或者是那煙癮逼使佢以身試法？ 點都好， 這種事始終發生在和自己不同的世界之中， 唔理得咁多。 只不過替那個店主可憐咁解...
2008/5/13 (火曜日)
戦利品
ラジオギャラクシーエンジェル りょーことゆーなとテーマソング さくらば最前線
ぼく、オタリーマン ３
朝早竟然不敵睡魔， 瞓多左成個鐘。 最近除了禮拜六日之外都比較少發生呢。 唔。 冇問題掛？ 番到學校做了少少嘢就已經差唔多時間食 lunch， 比平時早食喇。 點解？ 下晝研究室 meeting 嘛， 一點開始。 又想遲開十二點時那段 peak hour， 所以通常都會早些去食 lunch。
Anyway 食飽飽， 再做少少嘢時已經夠鐘 meeting， 今日比較長， いや、もうありえないっすよ。前後九個人 present， 加埋 overhead， 六點先完， 足足五個鐘， 冇計， 即刻番歸也。 話時話好在部 notebook 的電池夠頂五個鐘（中間有些休息喇）， 唔係悶死都似。 話時話中途休息時， 笹瀬先生話其中幾個投稿全滅， 這個不是重點。 全滅之中包括憤青的 paper， 看了 comment， 都幾 harsh 的， 憤青的一句 comment
個 reviewer 一定係針對中國人！
完全呆咗。 希望佢唔係太認真講啦。 不過好難講喇。
夜晚終於都買到隻 CD 喇。 出咗半個月有多， 今日先買到真係遲了少少。 得一首歌的 single （唔好話， 都要成1500円）， 不過首歌真的幾得意， 算係值回票價喇（そもそもデフォ買いだし）。 另外也順手的買了オタリーマン(Otaku + Salaryman 的縮寫)， 這本書一路看一路覺得個主角幾似自己...... 大鑊！ 點算....
2008/5/12 (月曜日)
算是平靜的一日吧？ 大概也是一路的聽新租番嚟的歌一路的 research， 進度還是麻麻。 之前諗過的 scheme 或者有點問題， 暫時放低， 睇下其它東東先。 可能有些 approximation 可以試試。 唔。
之後也是 COE lecture， 四個人 present， 唔該個 MC control 吓些時間啦。 超時超咗成半個鐘， 肚餓㗎大佬！ 而且有某個學生不斷的係又問唔係又問再唔係就 comment， 聽那個唔明， 傍觀的人都唔知你想點。 一堆謎團......
2008/5/11 (日曜日)
有諗過整日都留在屋企死亡。 不過見天氣又唔太差， 決定出去行下， 順手租番隻碟睇同聽。
結果就走了去 MM21， 首先打算醫肚， 去到， 鬼咁多人， 仲要好多係一家大細的嚟。 唔， 大件事， 周圍都係一家大細走出嚟， 都唔知去邊度好。 最後去左一間自助的餐廳， 食物仲過得去， 不過那裏的煙味， 真係撞鬼。 臭到冇胃口。
之後去租碟， 租了兩隻音樂 CD (水樹奈々 The Museum、ネギま うたのＣＤ１)同埋一隻 DVD (名探偵コナン紺碧の棺)， 周圍走走之後番屋企， 慢慢睇慢慢聽。
名探偵コナン紺碧の棺其實舊年睇咗㗎喇。 今次算係租嚟 achieve 多些。 不過 rip 完隻 DVD， 5.7G， 唔知點好住， 放在 harddisk 先算。 另外水樹奈々的 CD (+DVD)， 完全在想像之上。 やばい。好きになった。でも何か彼女見たらもう誰かのことを…
2008/5/10 (土曜日)
羽毛球日。 不過朝早突然有興緻 rip DVD 去 PSP， 玩下玩下， 咦？ 又 OK 喎。 個 command 比想像中簡單。 最多都係試下 bitrate 咁。 不過 quality 都唔算可以滿足。 唔。 慢慢玩下。
結果顧住玩， 差些遲到。 點都好， 開波。 今日基本上也是 regular member 喇。 自己就完全不在狀態， 打波都冇力。 唔。 唔緊要喇。
之後照平常的去東大的イタトマ， 但不平常的是朋友Kちゃん帶了一件最要 item 嚟－－榴槤是也！ 好似係個客由泰國帶嚟的！ 好耐冇食！ 不過又唔想在室內打開， 於是走了去 Cafe 外面開光! 一句講哂－－好正！ 好耐冇食過喇。 跟住仲有其它種種手信， 多謝哂呀！
2008/5/9 (金曜日)
研究日。 不過朝早就喺度同 Madu 諗點樣用 KLL 的 research fund。 不過都未知有幾多錢可以買嘢。 點都好， 可以乘勢 upgrade 屋企部機。 唔？ Research fund 用喺屋企部機有冇問題？ 唔。 屋企部機除了私用之外， 都有不少時間用了在 research 方面嘛， 應該沒有問題吧？
夜晚， 廣東話班。 這一堂就沒有太大特別喇， 不過完了之後幹事就公佈了自己可能唔繼續這廣東話班， 而之後點打算都仲要諗。 自己的意願來說就是想繼續這班喇。 錢都其次， 不過見一部份人咁有心機學， 就始終想做自己做得到的東西。 點都好， 睇下班裏面的人點諗先決定。 唔係話冇得玩嘅。 不過變化就在所難免喇。
夜晚又去了ファミレス， 吹水其實都真係幾開心的。 不過那裏次次都係得吸煙區有位， 每次個鼻同對眼都好唔舒服。
2008/5/8 (木曜日)
研究日。 不斷的寫番些 notes， upgrade 左個 Tiddlywiki去最新的 version， 真係配服呢個作者出神入化的 Javascript 能力。 而且感覺上新 version 的 Javascript 好似快左咁？ 錯覺？
夜晚， 久久沒有去 Pepper Lunch， 食番餐似樣的。 之後食完見眼瞓， 小睡一陣， 之後又要預備聽日廣東話班。 唔， 都真係幾忙。
2008/5/7 (水曜日)
朝早用了不少時間填 form。 真係唔知點解咁多 form 要填， KLL (Keio Leading Laboratory)的研究費就理所當然要填， 錢嚟㗎喎！ 而且都唔係用太多時間。 跟住 GCOE 的訪問研究員， 其實都唔知為乜要填， 睇黎係為左個“名份”吧？ 本身填都冇乜所謂， 不過那張 form 用左死人 M$ Word format， 冇辦法之下 remote 去Madu 部機填 form， 跟住裏面的 spacing， 每打一個字， 成張 form 同你走哂位， 真係唔知點同你死過... 一路打一路走位， 真係想殺人。 整左成個朝早。
夜晚， 神秘的地震， 最初以為自己在震， 不過就係覺得有些唔自然， 望望衣櫃時， 唔， 啲衫郁架喎。 真係地震。 之後震完之後同幾個朋友傾， 好似震得幾勁咁。 唔， 都唔知係唔係應該感謝自己的遲鈍？？
2008/5/6 (火曜日)
下晝出去買少少嘢， 行下街。 出門口時咁啱見到包租公。 吹下水， 估唔到一些 technical 的問題也可以傾到。
之後行幾行， 都沒有乜特別， 横浜一帶日日都係咁行， 都行到冇乜特別喇， 完全變咗自己的花園（？）....
唔， 本來今日去鎌倉玩， 不過可惜其中一個朋友不適， 沒有辦法， 不過真係好想去， 天氣又好喎。
2008/5/4 (日曜日)
好耐冇去睇戲， 約咗一個好耐冇見朋友去睇「相棒」， 本身是電視的連續劇， 經過六個 seasons 之後電影化， 幾有趣。 這套戲的兩個主角， 比較喜歡的是年長的杉下右京（水谷豐）， 那種頭腦實在很令人欣賞， 而警視庁的其它人對右京又妒又欣賞的態度， 出人意表的凶手等等元素， 也另這套戲更加有睇頭。
點都好， 買了前売券， 諗住早早去霸位， 但去到戲院就叫半個鐘頭之前黎排隊。 就去下便的老麥吹吹水， 差唔多時間再去排隊， 就發現已經由七樓戲院排排排排到去五樓 Big Cam 外面， 駛唔駛更多人呀？ 冇計， 照排。 自己反而冇乜所謂， 不過望住周圍一家大細老幼一大班人， 有些好似排得幾辛苦咁。 戲院的安排或者可以做得好些？
睇完套戲， 很不錯， 右京意外地肉緊（當然情況有關， 但和電視版的印象幾唔同）， anyway 找地方同個朋友傾劇情和吹下水， 去一間台灣舖， 好多人， 冇辦法改去一間粥舖， 好耐冇嚟喇， 不過幾好食， 食完都未講夠， 去 Star Bucks 繼續講講講， 自己咁鬼多口水， 都幾意外。
最意外的係呢個朋友竟然識得我廣東話班的其中一個學生。 這個學生之前都聽過一些謠言， 自己就冇乜上心， 這個學生就真係私底下沒有任何交往， 大不了係上完堂一大班人去食飯咁， 始終自己都覺得同佢唔啱 frequency 啩？ 不過竟然在今日聽到這個人的流言蜚語， 真係空穴來風。 唔...
2008/5/3 (土曜日)
長假的第一日。 不過唔理三七廿一， 休息行先。 唔， 這個現象， 莫非老化？ 竟然以休息為 first priority， 又或者係近來冇乜好玩的東東吧？
夜晚去了會合 Madu 同埋佢老婆。 今次第一次見佢老婆喇。 一嚟佢第一個印象係我講嘢太快。 連 Madu 都搭把口嚟話係。 我講英文快咩？ 都係第一次俾人咁講。 不過都係諗都乜就講乜喇。 加上發音有少少唔同， 所以都可能唔係咁容易聽得明都唔定？
之後一齊去書局買本書， 去食飯。 又係那間食べ放題， 不過佢地第一次去， 我就純粹係去幫間餐廳做宣傳喇。 不過真係唔太差所以先帶佢地去喇。
基本上係 standard course， 食完飯就去 MM21， 夜景加上寧靜舒服的環境， 如果減咗我呢個電燈膽的話可能更好， 不過對佢地嚟講路牌始終係必須喇， 所以就一齊走去。 一路的行， 發現原來自己真係行得幾快的。 Madu 又係， 都唔識做嘅（或者係佢地的相處方法啦）， anyway 總算俾佢地睇到個不錯的景色， 希望佢地開心啦。
柏楊
前幾日看新聞， 發現作家柏楊先生去世。 他寫了不少文章， 而醜陋的中國人算是最有影響力吧？
很久以前， 中學時代吧？ 已經對中國人這個 topic 很有興趣， 作文時會寫寫， 和某些朋友也會講講。 而當時中文科有不少魯迅胡適， 講得興起時， 那位老師介紹了這本書給自己看。
不過當時唔知點解冇睇到這本書， 過了十年， 昨年番香港時偶然在香港的書店見到， 即時買了， 慢慢看， 當中寫了不少中國人的劣根性， 幾有趣， 自己也有中國人的 DNA， 自然也有裏面不少的缺點。
當中的核心算是“醬缸文化”吧？ 醬缸裏面的東西， 已經腐爛到冇得再欄， 任何東西被放入裏面也自然變壞。 那中國人有甚麼特性呢？ “髒亂， 吵， 窩裡鬥， 死不認錯， 記仇， 自傲自卑沒有自尊”等， 講也講不完的缺點。
當然這本書寫的東西也不是全部正確， 而且也不是句句啱聽。 呀， “啱聽”這個特性也就是中國人一個典型的性。 “唔啱聽”的完全 filter， “啱聽”的全部聽入腦。 在這種文化裏面， 缺點沒有人講， 優點就講盡， 加上奴隷文化， 在中國文化圈裏面不斷顯現各種不合理的事情。 舉一個貼身的例子， 香港的辦公室文化絕對可以用這本書的內容去解釋。
外國也有各種缺點。 日本也不是沒有辦公室政治， 還有上下關係等。 在日本住了三年， 要寫這裏的缺點也不是寫不出。 不過比起典型的中國文化這裏還算很可愛。
最擔心的， 就是自己出身的香港。 香港人本身的 DNA 本身也是中國人， 不過殖民時代時吸收了不少西方文化， 以致香港人有一種特殊的文化意識。 但隨着十一年前的回歸， 那種洗腦式的愛國教育和不斷增加的中國移民， 香港也越來越接近“真正的回歸”，從新投入醬缸的香港， 正正是自己最害怕見到的東西。
講番正題， 柏楊的人生， 自己認識不多， 認識的不過是他所寫的醜陋的中國人， 而且也不過是去年的事。 今時今日柏楊先生去世， 在中國文化圈或許會有少少熱潮吧？ 趁這個機會去認識這位故人， 或許會有一些新發現？
2008/5/2 (金曜日)
戦利品：
らき☆すたEDテーマ「エンディングテーマ集〜ある日のカラオケボックス〜」
らき☆すた 陵桜学園 桜藤祭 パーフェクトガイド
放假之前總是異常地專心， 加上一來今日 Madu 冇番學（佢番學就吹水多過食飯）， 二來唔駛理插手 system admin 的東東（大致上都 settle 喇啩？）， 三來今日廣東話班休息， 突然間覺得一日原來可以咁充實的（換句話說平時原來係幾咁懶）。 搞掂個 optimization code 之後， 距離一向番歸的時間還有整整一個小時。 做咁其它無無謂謂嘢。
買了今日的戰利品， 一隻 CD 和攻略本。 攻略本嘛， ギャルゲー鬼咁多分枝， 沒有辦法， 而且らき☆すた的書都係デフォ買い（掛？）， 而 CD 想買好耐， 不過忍手中。 而今日咁啱見到因為個 CD case 爆咗少少所以特價， 冇唔買的理由嘛？ 直到而家都係一路的聽緊。 呢隻 CD 幾不錯， 找機會再寫。
2008/5/1 (木曜日)
五月喇。 真係老套到死， 點解時間過得咁鬼快架？？
學校， 始終個 network 都未 setup 好， 硬係集中唔到精神。 最奇怪的是這個 network 跟本唔係自己所管的範圍喇， 都唔知點解自己要攞嚟煩... 似乎自己真係有些 system admin 的血流緊？ 。。。 不過點解都係自尋煩腦喇。 見個 network 唔安定就緊係覺得周身唔舒服咁。
番埋聽日學就 GW 喇。 放四日假。 雖然話而家 PhD course 可以自己控制假期， 不過基本上都係跟大隊番工， 跟大隊放假喇。 努力預備節目中。