2008/6/30 (月曜日)
鬼咁遲先番到學校， 真係搏炒... 咦？ 呢度冇炒人？ 是但啦。 自己都其實唔太好過嘛。 番到去學校其實又唔係話好忙， 個 network 依然地唔穩定， 所以太多 interruption (搵嘢嚟賴)。 之後例牌的 GCOE lecture， 本身都冇乜問題， 最慘係 PK 做 MC， 拖到鬼咁長， 唔該你控制下時間啦！ 浪費時間！～
不過今日都有一個好消息喇。 申請的 KLL funding 批咗。 有些錢可以用， 雖然限定某些用途， 不過都好好喇。 例如可以買電腦喇。 而家部機過嚟日本時買， 三年左右， 其實都唔係太大問題， 不過有得換就趁早嘛。 前提係買的東西係同研究有關， 事實上屋企機一路都有 manage research 的 source code 同埋 run simulation 咁。 所以都冇大問題喇。
呀， 今日 Peter birthday， 唯有遠遠的同佢講聲生日快樂喇！
2008/6/29 (日曜日)
尋日買咗隻新 game， 留喺屋企打機， 本來諗住打足全日的。 落雨嘛， 想同朋友出街結果都 cancel 咗， 冇計。 但係下晝又突然收到朋友 P ちゃん個電話
今日我坐飛機番嚟， 行李好重， 可唔可以幫我拎番屋企？
反正都係横浜一帶， 冇所謂啦。 朋友叫到冇理由托手掙嘛。 Anyway 下晝都係打機。
夜晚十一點去了 YCAT 接個朋友， 都一段時間冇見喇。 點都好， 照拎行李番去。 一路的吹水。 其實有些問題想問的， 不過都係冇乜機會問。 冇辦法。 去到佢屋企放得行李， 基本上已經要趕終電番屋企喇。 於是搭十一號車， 結果有少少行錯路， 這時真係感謝手提電話有 GPS， 總之都趕到終電番屋企喇。
2008/6/28 (土曜日)
戦利品：
ドラゴンボールＺ スパーキング！ ネオ
羽毛球日。 上個禮拜提過的 C くん， 今日先至係最後一日（不過佢聽日就飛番屋企喇）， 今日可能有少少唔小心， 扭傷咗少少咁， 不過C くん又突然走嚟單挑... 最後一日嘛， 所以就照上。 用盡 120% power， 好爽， 而事後好痛！ 應該冇大問題掛？ 自問回復力都唔太差...
去東大食嘢時突然收到 Eさん電話 call 食飯。 也好， 反正本來都係番屋企一個人食。 先去了下北沢， 飲杯嘢。 自己最初都冇為意， 不過今日更加確信一件事， 就係我自己真係對二手煙好敏感！ 坐在吸煙區附近， 鼻辛苦就唔在講， 過了一段時間對眼都好辛苦， 不停標淚水。 呢個症狀都唔係今日先開始， 不過通常都係夜晚同人去食飯先出事。 所以會諗可能係疲勞所致。 不過今日就更加確信喇。
講到去邊呢... そうそう。 跟住同Eさん去了一間お好み焼き屋， 舖頭本身就冇乜特別， 不過睇呢度嘅人整お好み焼き時那純熟的手勢， 有點覺得好似睇緊表演咁， 好得！ 另外就當然係吹水喇。 唔， 內容就唔多講喇， 秘密嘢。 只希望問題可以盡快解決啦。
2008/6/27 (金曜日)
西落合小学校， 第三日喇。 都係未慣對住咁大班人， 同埋對住一班唔知英文程度去到邊的人可以點做， 有時學校的 staff 話自己教的英文太淺， 咁特登整深少少啦， 又話太難， 好難控制。 不過， 今日原來已經係最後一日喇， 自己也是放了學幾個鐘頭之後先發現呢件事。
乜都唔知的情況下， 在多摩センター附近行咗陣， 然後就直接去到青山（唔關青山醫院事）的老麥， 買咗少少嘢之後就搵個位坐底， 打開部 notebook。 真係幾好， 每個月三百幾円就可以用呢度的 wireless LAN， 有時在奇奇怪怪的地方一個人反而可以集中到精神做嘢。 做得七七八八之後 check 下 mail， 冇乜特別。 見有些時間就望埋個 junk mail box(迷惑メール)， 始終 junk mail filter 有時都會 filter 錯。 結果發現了映像協会的 Mさん的 mail
内容は、基本的な英語文法が今までの学習内容と異なるとの事です。一般的な英会話では通用するかもしれませんが、小学校で教えるには適さないとの指摘がありました。
申し訳ありませんが、協会として、このように学校から指摘されると、講師を変更しなければなりません。
其實真係唔太明。 如果係直接話我教錯 grammar 我都冇嘢好講， “同一般內容有出入”究竟係乜嘢意思， 真係講得唔清唔楚， anyway 結論嚟講就係炒魷魚喇， 完全意外的一件事， 直至今日下晝上完堂時都仲傾緊下堂可以點教， 點知原來尋日已經俾人篤換講師。 唔。 以付出的時間（坐車， 準備， 上堂， report）嚟講其實這份 parttime 結果都唔係太高人工， 所以冇得做都唔係乜嘢大不了的事。 不過俾人炒的理由唔太明白， 始終心裏面都唔太好過。 （點解呢封 mail 會走咗去「迷惑」メール， 某程度也可以了解）
anyway 廣東話班。 在這裏可以好好 enjoy 喇。 見到這裏的學生， 那些煩腦就完全蒸發喇！ 小学校的事冇所謂喇。 もうどうでもいいよ， 本身真係有些 down， 不過呢， あれよね， 呢個人生每次有負的東東， 總會在短時間內有正的東東自然走嚟。 所以期待一下也不錯嘛。
話時話， 很偶然的， 今日廣東話班討論的題目正正係“發洩大會”， 偶然間搵人鬧下都唔錯嘛？ 結果最想發洩的可能係自己呢？ 不過在這日記都發洩夠喇， 所以保持平衡好些。 有趣的係 Aちゃん完全諗唔到搵邊個鬧， 最後變咗鬧美國政府打伊拉克搞到燃油高企而致去旅行貴， 哈哈， 某程度上都可以想像得到佢係呢類唔會怨人嘅人喇....
2008/6/26 (木曜日)
本身打算留在屋企做番論文修正等東東， 結果懶懶閒的， 買下嘢， 睇下 Youtube， 停唔到， 大鑊.... 偶然間在 Youtube 找到一些自己未睇過的 Dragon Ball Z 的 video 喇。 同我咁上下年紀的人， 相信好多都睇過呢套作品喇。 意外地女性都有唔少 fans 咁。 呢個係自己唔太諗得明的。
Anyway, 今日， やばい ....
2008/6/25 (水曜日)
下晝照常番 lab， 整理一下論文誌的資料等等， 忙忙忙。
夜晚應廣東話班的幾個學生約， 去了早稲田附近的「太公望」食飯， 第一次去， 正確些說， 早稲田一帶都係第二第三次嚟？ Anyway 等齊人， 出發。 講番這間舖頭， 其實係 Hちゃん的ゼミ先生成日都會嚟的一間舖頭， 所以Hちゃん自己也是這裏的常客。 入到去， 完全唔覺得自己在日本， 正接些講的話， 好鬼亂... 比起香港很多舖頭仲要亂， 見到個老板， 香港人， 日文勁差（不過好似住咗喺度十幾廿年）。 最初諗住扮唔識廣東話， 點知秒殺... 之前好似Hちゃん提過廣東話班的事喇。 冇計， 之不過冇諗過咁快俾人識穿... 再講番呢個老細， 接客態度同間舖頭一樣， 完全想像唔到係日本的舖頭囉。 不過呢度似乎都只係做熟客生意咁， 所以個個人都唔 care 喇， care 的只係嘢食好唔好食喇。
食乜呢？ 諗咗陣， 個老細突然話“不如你地諗吓 budget 然後等我幫你地諗好過啦”， 結果就照佢講， 唔知食乜， 所以都幾期待。
結果嘢食都冇令人失望喇。 最特別應該都係最初的豆腐麵？ 喺香港都未食過喇。 另外要準備甜品， 個老板莫名其妙的叫了Hちゃん幫手整（？）， 照其它廣東話班學生所講， 有點似“親子”？ 幾有趣。 Anyway 最後整出嚟的渣咋， 唔， 點解喺香港時從來都未覺得過渣咋可以咁好味的（まあ、いろいろ）。
偶然放鬆下都幾好喇（唔？ 好似唔係偶然... orz ）
2008/6/24 (火曜日)
上晝留在屋企寫小學的 lesson plan 同埋論文的回答文。 都唔係少嘢。 回答文就暫時只係個初稿， 不過都幾係嘢。 小學校方面就一路都唔肯寫， 一寫， 噢， 原來又唔係用太多時間咋喎。 都係個懶字啦。
去到學校附近食埋個飯就去了研究室 meeting， 唔， 幾悶... 有點想死的感覺。 冇計啦。 講嚟講去都係那個話題， 唔記得咗的話可能都仲好啲， 講咁多次同一樣嘢唔悶死就冇 鬼。
Anyway 今日的主菜也就是同笹瀬先生傾份論文的問題喇。 內容冇點深入講， 主要都係講番一般可以點改份文。 唔， 都唔少嘢喇。 笹瀬先生叫自己七月中交文， simulation 做唔哂都唔緊要喎， 講係咁講， 呢半個月應該都幾擺命...
2008/6/23 (月曜日)
戦利品:
ギャラクシーエンジェル 3rd 5 初回限定版
番學校做嘢， 不過例排 COE 的關係， 做嘢的時間有限， 冇計啦。 做得幾多得幾多， 聽日要同笹瀬先生傾份 journal paper， 唔俾啲心機都唔得。
今日的 GCOE lecture 就真係比平時多嘢做少少， 因為 RA 要輪住 host 個 lecture， 今日輪到自己（同埋另外兩個人）， 唔想做雜務， 唔想寫 report， 於是揀咗做今日的 MC， 反正做 MC 的話就可以好好控制時間， 唔駛驚佢 overrun， 結果四個人 present 每人廿二分鐘， 啱啱好， 覺得自己原來都幾勁的。
講開嚟好耐冇買戰利品了， 差唔多每次都去那間舖頭轉咗 point card， 啲 point 儲埋儲埋都唔多用（呢度唔係 cash back， 有 point 可以換景品）， 每999円有一 point， 儲埋有成三百幾 points， 單純咁計就已經係三十幾萬（！！！）， 嘩， 搞乜鬼用咁多錢？ 三年嚟計每個月有一萬円用咗嚟交稅.... anyway 見到那張 receipt 時個人真係有少少嚇親...
2008/6/22 (日曜日)
引きこもり。都要睇下之前 conditional accept 的論文有啲乜嘢要改， 過兩日要同笹瀬先生傾。
另外尋日提過朋友的問題， 本來佢都好次下定決心的了， 不過又突然嚟一個莫明奇妙的 email， 沒有辦法， 心裏其實真係想鬧人， 不過始終都係厚道少少。 唔， 有點攰的感覺。 另外聯絡了屋企那邊， 到今日都冇乜嘢大問題， 也打了電話同阿哥家姐傾之後的對策。 唔。 大概也沒有問題吧？？
2008/6/21 (土曜日)
陰陰濕濕的天氣。 不過都總算正常活動喇。
先去了打羽毛球， 今日其中一個 member Cくん可能係最後一日嚟都唔定。 之前一個禮拜好似都提過吓佢， 一個打波幾好的馬來西亞人（起碼應該好過我）， 精通廣東話， 而且幾有趣的一個人。 不過就係幾口臭， 點講呢， 唔會話好鍾意同呢個人做朋友， 不過又唔會憎佢囉。 點都好， 羽毛球部照正常活動。 今日打波好激烈， 完全比平時 overburn(?)， 之後食好都嘢都補唔番。
夜晚約了兩個香港朋友， 其實大家都有預感今日主要係聽其中一日的苦腦喇。 唔， 詳細情形始終係私隱問題唔方便寫太多， 感想嘛， 簡單地說就係呢個朋友太多怨恨了？ 把自己壓到抖唔到氣， 所以點都搵唔到出路？ 作為朋友其實都已經聽咗唔少次佢呢種怨言， 不過好多時都盡量幫佢搵最好的出路， 今次， 算係比起平時強硬少少吧？ 如果唔係佢未必可以睇到真正的問題所在...
2008/6/20 (金曜日)
Hちゃん、誕生日おめでとう！
今日的而且確比平常不平凡呢。
首先朝早， 一心諗住在今日做一些事， 結果揀了去捐血（不過本來都會去捐㗎喇， 遲定早問題）， 想在今日留個 record 嘛。 去了横浜東口的捐血站， 第一次去， 因為新開的關係， 感覺很新鮮。 也是成份捐血， 個位坐正風口位， 幾涼爽， 不過捐捐吓發現出事， 因為體溫下降的關係啲血流唔出部機到， 結果毛氈加暖袋， 啲血先流得出... 同埋啲血流唔出時， 就好似飲紙包時最後幾滴咁， 部機好似想咄啲血出嚟咁， 有少少痛， 不過加咗暖袋之後就冇事喇。
跟住照平常咁番研究室。 冇乜特別。 照樣做嘢， 難得的平靜嘛。 不過都覺得屋企做嘢効率高啲咁。 後來都變咗準備廣東話班的東東喇。
廣東話班略略改下教法， 唔， 平時叫學生照讀例文好似真係幾悶， 今次試下叫佢地即時作文， 効果好似幾好， 不過就用咗唔少時間喇。 結果之前準備的東東都冇時間用。
上完堂同包括壽星女的幾個人去食飯。 始終星期五難搵位， 結果都係去咗附近的餐廳食， 試咗一間望上去幾貴的中餐廳， 一般啦， 幾好食， 不過點心真係貴得濟。 一大班人一齊食一齊 share， 唔算食得好飽， 不過都算係幾滿足的一餐喇。 中途俾人叫唱廣東話生日歌（仲要係舊版“恭祝你福壽興天齊”那個 version）， 唔... 超恥ずかしいけど、Hちゃんのためならやっちゃお！
之後下場去了間 coffee shop， 唔， 難得的機會， 發咗傻唔記得問些重要問題添。 唔緊要， 下次嚟過。 なんとか自信が湧いてきてるから。
番到屋企， 發現一件對自己幾值得恭喜的事。 就係論文誌「条件付き採録」咗喇！ 簡單些講要 PhD 畢業要出到兩篇論文誌， 而家其中一篇加番些修正就應該冇問題。 當然唔係一朝一夕可以修改好， 不過 concept 上過到關， 可以望到自己第一個 milestone 的完成喇。 寫多一篇就 clear PhD 的基本條件， 咁， 應該都畢到業喇。
今日的確很值得慶祝的一日喇。ねぇ？
2008/6/19 (木曜日)
連續第二日留在家中工作。 唔番學校的情況之下悠閒的時間多咗， 而同時可以不受外間影響的時間也多咗， 整體嚟講叫做多咗時間吧？ 尋日顧住玩 Firefox， 今日都總算可以俾心機做嘢喇。
不過夏天都嚟喇。 係時候買番個一直都冇買的風扇了。 反正屋企細， 買咗個タワー式的（唔識中文點講）， 總之慳位啦。 不過點講都好， 就係唔慣屋企又多件嘢....
要開始處理續租約的問題喇。 唔。 主要都係俾錢解決嘅問題， 真係... 嚟緊呢個月有些 part time 出糧， 就正正喺呢個時間俾人打劫一筆， 真係冇運行。
2008/6/18 (水曜日)
先開始一些比較難明的話題。 今日對 Opensource 嚟講算係一個大日子。 一是 Firefox 3正式的 release 了！ パチパチ！！ 比起 Firefox 2 感覺上快咗好多， 而且 location bar 亦都 smart 咗好多！ 其它很多細節上都有變動。 anyway Firefox 3 應該可以算係史上最 perfect 的 browser 吧？ えっ？ 你用緊 Internet Explorer？ 唔好玩啦， 自虐都有個限度呀。
另外一件事就只同 *nix User 有關， 就係 Wine 1.0 經過十五年終於都出了！ Wine (Wine Is Not Emulator)是 *nix 上的 Windows API， 簡單些說就係可以在 Linux 上 run Windows application 喇。 雖然距離 perfect 仲有很遠路（而且都應該冇機會去到）， 不過某程度上也給了一些依頼 Windows application 的人一個轉去 Linux 的機會？ 例如我自己， 有一隻 mini game 同埋一些 desktop accessory 就要用 Wine 嚟 run 喇。 所以屋企冇 windows 基本上都完全唔係問題喇。 Office? 好似 MS Office 2003/XP 可以正常地 run... 自己就冇試過， 一來冇 license， 二來要嚟做乜？？ Openoffice 搞掂啦？
咦？ 好似寫緊日記？ 哈哈。 離哂題添。 不過今日就留了在屋企寫 code 同埋 update Firefox 3， 望住 Firefox 3 全世界有幾多人 download。 結果好似有超過八百萬人喺廿四小時之內 download 咗 Firefox3 喇！ 應該都會被健力士紀錄承認吧？ 自己都有份 download， 好開心！
Firefox Download Day 2008
最近的 Firefox 3 終於都出咗喇。 而 Firefox Download Day 係指直至 6/19 2am (日本時間）或者 1am (香港時間) download 可以幫 Firefox 成為“廿四小時之內最多人 download”的健力士紀錄！
可以由以下的 Link download (http://www.mozilla.com/en-US/firefox/?p=downloadday)
2008/6/17 (火曜日)
有時真係幾諷剌， 仲記得今年新年番香港時， 差唔多要過番日本時同老豆飲茶時， 好記得佢叫我喺日本好好俾心機讀書， 唔駛擔心屋企嘅嘢。 那時其實已經心諗屋企要擔心的就正正係老豆搞出嚟的蘇州屎， 結果也就正如尋日寫的日記所述， 問題終於也發生了。 可幸的是問題暫時也向一個好的方向發展， 而更重要的係阿媽沒有大礙。 而之後點， 到今日也未有答案。
Anyway 一日過去， 不過也比起想像中攰。 主要也是因為憤怒吧？ 自問算是一個不太容易發怒的人， 所以一旦嬲起上嚟， 對自己的反動都延大的。 結果今日也是沒有心機下完結。 在 lab 裏那個 F くん嘈到拆天咁， 決定早早番屋企休息。
2008/6/16 (月曜日)
尋日享受咗一整日之後， 返到屋企就收到阿哥的 message..
屋企發生了事， S 打傷了媽， 如今她在家姐家住， 你有時間可打給她。
完全令人擔心的一件事。 呀， S 是一個十四歲左右（？）的人， 因為某些事情的關係寄住在香港家中， 都兩年吧？ 增添了不少麻煩的一個人。
點都好， 那個 message 真係有點唔清楚， 於是唯有朝頭早嘗試打電話俾屋企問清楚件事。 打咗好耐電話先打得通俾家姐。 問番清楚， 大概係因為那件 S 問阿媽拎錢不果， 要脅要爆門去拎錢咁喎。 跟住當然嗌起交啦。 阿哥好似也講咗幾句。 之後阿哥去咗番工， 剩下兩個人喺屋企， 那時又嘈起上嚟， S 仲要用菜刀要脅阿媽拎錢， 仲要講咗好多不知所謂的說話， 好似“遲早搵人殺你全家”等等， 神經病。
不過那時真係幾驚險， 最後好似係姐夫的細妹同佢男朋友幫手解決呢件事。 感謝佢地... 而阿媽似乎也不過是擦損咗少少， 冇乜大礙。 而屋企方面也即刻同 S 做退學手續， 踢佢番大陸。 而阿媽第二日也番番屋企住喇， 因為傻狗唔慣新環境咁喎。
事件暫時也算是平息了吧？ 不過只是一時的解決， 還是之後仲有手尾跟都仲係未知之數。 其實呢件事都唔係冇諗過， 遲早都會發生， 關於老豆對 S 一連串的安排， 阿媽同我哋四兄弟姊妹都從來未覺得合理過， 只不過係老豆一意孤行的結果。 其實， 就連 S 本身也是一個受害者， 雖然我從來也冇諗過同情佢咁解。
自己身處日本， 好難插手很多事， 唯有盡量同家姐阿哥傾好佢。 辛苦哂。
結果今日就整日為呢件事煩， 乜都冇心機做。 研究也好， GCOE 也好(呢個就不嬲冇心機㗎喇)。 尋日玩得咁開心， 俾呢件事破壞哂 d mood。 不過聽到阿媽冇事， 事情也算暫時解決， 也可以放心吧。
2008/6/15 (日曜日)
誕生日パーティー＠中華街、ＭＭ２１
用了不少心血凖備的一日。 同 Hちゃん同Aちゃん慶祝生日。 要做的東東都做得七七八八， 剩下的就係今日點樣去 enjoy 呢一日喇。
前幾日買了的禮物， 因為太大件， 冇理由拎住周街走， 結果就收埋咗喺全日本最高的 building ランドマークタワー裏面（純粹因為就腳）。 之後就出發去中華街先行咗一小個圈。 準備差不多就去車站等。 唔， 等咗十分鐘左右？ 但好似等咗成個鐘咁...
終於兩個人都出現喇。 同今日的天氣一樣的心情， 今日應該可以好好的 enjoy 喇。 準時嚟到， 即刻出發。 由石川町“入境”去中華街， 一個完全唔同的空間， 感覺上， 有些覺得係同佢地去咗旅行咁？ （とにかくシアワセ！）
行咗陣去了一間飲茶點心食べ放題， 之前預約咗， 直上三樓。 兩個鐘頭飲飲食食天南地北， 雖然個 waiter drop 咗唔少單， 不過嘢食都算係幾好食， 所以都 OK 啦。 講咗唔少奇奇怪怪的嘢， 亦都有不少意外的東東。 Anyway 食埋甜品之後大滿足， 好飽！！
之後周街行下， 中華街佔了一大部份係餐廳， 而另外一部份茶葉同埋調味料等？ 而今次兩個人似乎主要都想搵茶葉（這時心裏突然叫咗句ラッキー！）， 行咗幾間舖頭揀茶葉， 最後也去了最初一間舖頭買。 之後再走走媽祖廟同埋關帝廟之後， 中華行也行得七七八八， 於是決定“出境”去 MM21 一帶。
差不多五點左右吧？ 過咗下晝那段太陽最猛那段時間， 行山下公園一帶， 非常舒服。 當然啦， 這個地方平時有時間都會過嚟， 但今日唔同嘛， 有幾可會用這個 slow motion 在這裏三個人散步先得架？
行行下去到赤レンガ， 入咗去一陣出了去二樓的 balcony， 望向コスモワールド那邊， 剛剛開始日落， 整個天空都變了紅色， 加上地上的ランドマークタワー、クイーンズタワー、観覧車等等。 基本上三個人都望到呆咗咁。 連相都唔記得影...
差不多時間， 約略行了行コスモワールド之後就上了去餐廳那裏。 今次亦都有預約， 所以很 smooth， 同埋坐到個窗口位。 窗口位正正望到コスモワールド那裏的観覧車同埋過山車， 佢地兩個似乎也很滿意這裏喇！ 自己都覺得之前所準備的值回票價， 比起所有玩的食的同埋睇的， 可以令佢地享受這一日， 算是最大的成就吧？ だってあの笑顔見るだけで幸せじゃん？
講番間餐廳， 由於之前飲茶時食咗唔少， 一碟沙律一碟意粉加一個 pizza， 已經好飽下， 但心裏其實就有點急， 急那個靜靜雞預備的生日蛋糕， 之前同餐廳講叫那個蛋糕時會 arrange 做Hちゃん同Aちゃん的生日蛋糕。 問佢地要要甜品， 之後本來都諗住叫一個 share 嚟食， 就在這時個 waiter 就前後拎咗兩個 cheese cake 出嚟， 仲要一大班 staff 唱生日歌（以前去 Outback 都成日遇到）， 雖然係自己安排， 但自己都完全嚇咗一跳， 可想而知Hちゃん同Aちゃん會有乜反應？ 這裏真係要多謝間餐廳的安排喇！
之後十一點左右， 去了ランドマークタワー， 很靜， 在帶佢地去了 locker 那裏， 開鎖， 今日的最後一個 surprise， 亦就係生日唔少得的禮物喇。 其中一份禮物係之前朋友 Eさん所提議的， 另一份係前三日先諗到的一套茶壼茶杯， 見佢地今日去中華街買茶葉時已經大叫ラッキー的了！ 最後的一個 surprise， 也算係交足功課吧？
今日整日也非常滿意， だって最後まで終わりたくないよ... 今日都影咗些相， 不過因為非公開關係， 有興趣可以問我。
但， 番到屋企時開着部腦時就收到一個 message， 有點令人擔心。 詳細未知就聽日先算。
2008/6/14 (土曜日)
行例的羽毛球日。 有時都會諗， 會唔會太多人嚟呢？ 不過今日就收到一個消息話其中一個 C 君好快就會番祖家（馬來西亞？）。 唔， 呢個人簡單講就係口臭（言語上同埋食煙）， 不過整體都沒有惡意， 而且都幾玩得， 所以佢走都有些可惜喇。
之後去完東大的イタトマ之後就去了 K ちゃん的屋企開“陰公 party”(泰式冬陰公喇！)， 數埋數埋六七個人嚟， 幾逼， 不過嘢食好好食， 冇得彈， 那些 sauce 真係唔知點整出嚟... 咁鬼好味都有嘅（不過好辣）。
結果今日玩得幾夜添。 聽日重要日子， 哎呀呀， 整定唔夠瞓添...
2008/6/13 (金曜日)
朝早番小學教英文， 搞錯咗出門口時間， 結果早咗成半個鐘去到... 冇所謂喇。 當係散吓步都好。 而今次第二次嚟呢間學校， 也開始習慣呢度嘅環境同埋學生， 叫做上咗手啦。 唔錯唔錯。
之後再慢慢行下多摩センター， 很悠閒的一個地方。 空氣又好（只要見唔到人㷛煙的話）， 悠閒程度同 MM21 有得 fight， 一個有山一個有海， 很舒服。
之後時間半天吊， 費時番學校， 直接去了渋谷的一間麥當勞， 開着部 notebook 就上網， 不過下次都應該揀另一間麥記， 始終煙味太重。 開着部 notebook 之後就不斷做嘢， 効率都算唔錯喇。
廣東話班， 今次試下用部 notebook 播咗個無間道 trailer， 睇下啲學生 pick up 到幾多， 唔， 唔太容易呢。 Trailer 就個個人都覺得幾得意， 不過有個問題就係片段之間完全唔連接。 而另一個小問題就係 notebook 的 speaker 唔太好， 不過都算係小問題喇。 整體嚟講評價都算係唔錯， 下次可以再搵其它 video.... 之後照慣例的去食晚飯， 每次也很 enjoy 禮拜五這個 moment 喇 ＼(≧ω≦)／
2008/6/12 (木曜日)
純粹為咗 print 幾張紙， 首先番咗矢上， 食埋個飯之後又要去 K2。 今日係笹瀬研的三個人 present， Madu 那個都仲可以， Z さん那個已經不斷俾周公叫捉棋， 最後 PK 的 present 真係辛苦， 唔覺意瞓着的話聽住佢把聲隨時發惡夢， 唔瞓的話又悶到飛起。 呀， 講開 PK， 雖然今日都叫做自動自覺嚟， 不過遲到成個鐘， 究竟有冇責任感㗎？
三個人 present 咗五個鐘， 撞鬼。 之後番番横浜， 終於揀到另一份禮物喇。 大部份嘢都準備好了。 最後差些 survey 吧？ 望望天氣報告， 唔， 好似都應該會好天？ 希望冇問題吧！
岩手か。何かあったかな。お楽しみに！
呀， そうそう， お誕生日おめでとう！
2008/6/11 (水曜日)
學都冇得番， 正確些係要去位於川崎的 K2 Campus 開會。 同尋日下晝一樣都係 RA present 加∞ discussion。 朝早三個人 present， 下晝得我一個。
尋日提到 PK 無故缺席， 老實講在私的話我都唔想見到佢。 不過個個人都要出席我唔知佢有乜特權可以缺席囉。 除了我和 Madu 之外， 似乎山中先生也對呢個 PK 好不滿咁。 後來 Madu 打去， 佢又話唔知今日有 meeting， 但又話自己正嚟緊。 おいおい、矛盾じゃねぇの？ 跟據 Madu 的轉述， 佢好似係啱啱訓醒...
後來 present 完之後即刻走人。 番番去横浜那邊揀禮物同埋做些事前功夫。 唔， 結果其實有一半係自己去行商場？ 偶然見到一些幾有趣的東西， 不錯不錯。 而要做的事， 呀， 有少少未做好添。 大件事...
好眼瞓， 聽朝又要 meeting， 好早（一點）就瞓...
2008/6/10 (火曜日)
一朝早番到學校上 special lecture， 這位 invited Professor 主要也是講關於 ad hoc network， 幾表面的東東， 但亦因為咁所以都算係聽得明佢講乜喇。
然後下午就開始同佢開 GCOE meeting， 基本上也是 presentation 喇。 有兩個人（都係天野研）所講的都冇人明， 完全處於死亡狀態。 尤其係那個泰國學生， 好難得有人啲英文咁鬼難聽（對呢個人真係冇乜好感）。 真係唔知點解要有呢個 meeting...
meeting 完咗之後， 見到個 PK 公然冇出席， 同 Madu 一樣火都嚟埋。 我自己就一向都好火㗎喇， 不過 Madu 都咁火就真係比較少見。 三十幾歲人做到咁的話真係幾差勁....
夜晚去買禮物， 準備過幾日之後的大日子。 唔。 只係揀咗一份， 唔... 第二份真係唔知揀乜好添。
2008/6/9 (月曜日)
突然間忙起嚟的一個禮拜。 有啲唔想番學添。 哎呀呀， 唔好偷懶先得㗎嘛！
爭扎完一輪之後先番到學校， 點知個 network down down 地。 似乎係研究室的 M 君的好事喇。 論 setting 等知識的話相信佢係這個 lab 入面最好的一個， 不過好多時都先 destroy 原本 work 但唔太順的東東， 然後再起番新的 infra， 咁真係幾大獲， 完全的踩綱線， 過得到都仲好， 過唔到的話又唔少 downtime， 唔止一次的了。 之前個 mail server 都係咁。 唔係好知佢的 priority。 而且對佢的 setting 都有唔少疑問... 算了， 唔理太多， 要幫手時先算， 自己都有一大堆嘢未搞掂。
寫了一陣 code， 進度都算係 OK 啦。 不過中途冇 internet 用停咗一停。 去到四點又要上 GCOE lecture， 真係上唔上都係咁， 自己帶部 notebook 在 lecture 寫日記， 都好過傻更更唔知做乜喇。
而尋日提到的 A さん， 睇嚟佢問題真係比起想像中大呢。 好多嘢都未清楚， 所以都冇太多嘢可以講住， 不過幾個朋友之中隱約都有一個共識吧？
2008/6/8 (日曜日)
朝早起身處理好些雜務之後， 出咗去見 E さん， 唔。 目的嘛， 唔， 幸せのお裾分けをもらうこと？ 或者可以話， 去面對自己的一堆問題？ 唔。 難しい...
由結論講起， 要多謝 E さん的時間喇。 這個充滿秘密的 discussion 竟然長達差唔多七個鐘頭， 夠時間飛番香港添...
而所有 discussion 當然都係秘密喇。 可以講的， 就只係其實有不少問題自己唔係唔知， 不過唔明點樣去處理。 情けないね。 經過今日， 算係更加掌握而家嘅問題所在， 相信對之後點樣面對問題會有幫助吧？
番屋企時分別收到兩個消息， 一個幾震憾， 朋友 A さん同大學炒大鑊， 自己真係冇諗過， 可以做的係盡量幫手分析個問題所在。 而另一個消息， 係 H ちゃん終於都同就職活動講 bye bye， 呢個真係值得恭喜喇， 一路睇住佢開始呢個 process， 完全係長期戰， 而且咁大壓力喎。 自己都完全鬆一口氣（？）
2008/6/7 (土曜日)
去打波之前約咗個朋友去睇相機， 唔。 相機嘛， 普通數碼機的話都算係清楚， 但單鐘機的話自己真係冇乜 idea 喇。 anyway 朋友都冇乜 idea， 純粹係因為公司(Sony)有員工價， 所以相趁呢個機會買部靚機囉。
不過朋友遲咗少少到， 結果走咗去食嘢先。 但食完嘢之後就到自己遲到.... 真係... anyway 去睇幾部機之後買少少嘢， 打波去也。
一個新朋友嚟咗打波， 雖然可以打幾球， 不過 level 始終高過自己好多， 加上佢帶嚟那埋黑波， 完全睇唔清楚， 佢話可以 train 對眼喎。 唔， 唔， そっか。
有時服咗自己， 打完波飲飲吓嘢， 竟然喺度釣魚， 仲要俾 K ちゃん話， 完全唔係狀態。
Anyway 之後趕下場去 Madu 屋企開 home party， 加上 R 君同埋 S 君， 一共五個人（計埋 Madu 太太）， 距離車站六分鐘的 Madu 宅， 唔知點解佢要揸車嚟載我地過去囉。
整晚吃咗唔少 Madu 嫂預備的 Sri Lankan 料理， 同埋不斷的吹水， 這幾個人很久沒有見面喇， 傾咗好多好多嘢。 最有趣的， 相信係原來 Madu 呢個名， 喺 Sri Lanka 原來解 "Honey"， 即係話全世界人原來都一直叫緊佢 "Honey", 超大 impact!! 日日見面都叫的名， 竟然等於 honey... 笑到肚痛....
很開心的一日。 見到不少朋友， 有好耐冇見的， 有新相識的， 也有日日見面的。 雖然眼瞓， 不過今日都延不錯喇。
2008/6/6 (金曜日)
開始另一份教小學的工作。 之前去都覺得遠， 今次再去， 8:34由横浜出發， 10:15先去到學校， 好在中途都有得坐底瞓下覺或者睇下書咁。 都未至於浪費時間喇。
去到學校， 同個 staff 確認今日教的東東之後， 開始六年班。 整體算係比較靜的一班喇。 順順利利的完成。 其中用了少少時間教佢地點用廣東話講自己個名， 幾得意， 全部小朋友甚至大朋友都應該唔識讀喇。 小朋友都幾受落， 算係唔錯。
之後照辦煮碗教五年班。 呢班就相對嘈些， 不過大致上都係咁教喇。 但要用超大聲講嘢囉。 唔.... 冇問題掛？？
之後同六年班食給食。 味道都唔錯， 起碼好過矢上的食堂。 今日第一次見呢班學生， 而且協會那邊唔希望自己用日本語同小朋友溝通， 於是盡量用英文。 結果有少少人嘗試用日文同自己傾， 自己就用英文答， 睇嚟佢地都有心試， 算係一個幾好的開始掛？
之後同個 staff 傾下計， 講下講下講咗差唔多成個鐘， 要準備下一堂 d 嘢， 都幾忙。 仲要寫 report， 都真係唔少嘢。 傾完之後去了多摩センター附近行下。 上次嚟都冇乜機會行， 今次係咁易行下， 感覺上都唔錯， 都有幾間有機會去睇的舖頭， 雖然， 都冇乜理由突登嚟呢度買嘢......
夜晚要去教廣東話， 返 lab 又唔係， 於是去了東大的 Italian Tomato (即係每個星期打羽毛球都去嗰度)， 入到 campus 時見到個女仔好熟口面， 佢望望我， 我望望佢， 唔... 最後冇理咁多。 坐底之後收到個澳門朋友的 email
你係唔係嚟咗東大？
... 撞鬼自己。 乜真係認人能力咁差？ 冇計。 唔理咁多， 在 cafe 開咗部 notebook 係咁寫 code， 覺得自己都幾勁， 在這類地方原來係最集中精神， 估自己唔到。 之後朋友Eさん嚟到， 傾咗些東南西北， 也傾了些關於佢修論的東東。 唔， 俾我真係唔知可以寫乜好。
之後一齊去廣東話班。 和平時差不多吧？ 不過就見Eさん一直寫 notes， 關於自己教的東東吧？ 之後也用了些時間做 discussion， 話咁快又完咗一堂， 落堂前都有一件事幾在意， 不過之後收到電話就冇乜問題喇！ 乜事？ 冇問題就唔好問太多喇！
晚飯， 唔， 雖然不是沒有地利， 不過表現欠佳？ あっちゃ。。。另外最想知的， 依然係一個謎...
2008/6/5 (木曜日)
決定放棄用 Python 寫 simulation， 用番自己熟手的 Java， 反正都係一堆 Text processing， 唔會太大分別。 不過又唔想齋寫個 program 最基本的東東， 於是決定用 ant 去 automate 堆 code。 結果整日都好鬼精神！
下午去木月小， 同埋另外三個唔識的人， 分別由印度， 法國同美國嚟。 去到之前都係一直講英文， 但之後開始同學方 discussion 時先發現佢地的日本語真係幾好， 唔怪之學校搵佢地而唔搵我其中一個 friend 啦。 今年大概也和前兩年一樣， 自己負責一二年班， いや、、、、 最初去木月小時都係負責一二年班， 超かわいい！ 睇嚟今年都會幾好玩！
夜晚剪頭髮去也！ 前前後後剪咗成個半鐘， 今次見夏天嚟緊剪短少少。 都唔錯嘛。
2008/6/4 (水曜日)
番學校開始寫 program， 唔， 開始咗唔係好多， 當中總有些奇奇怪怪的 interrupt， 例如憤青那份文的格式問題。 MS Word 的問題其實真係唔想太理， 不過見佢受傷得幾嚴重唔幫又好似太殘忍。 唔。 結果都係因為 Word 的一些奇怪 format 問題， 決定放棄。 愛莫能助嘛！
下午再做一些東東之後， 早番屋企。 等 speaker 嘛。 想買好耐的 speaker (Onkyo GXW-2.1， 前兩日在 Sofmap online 訂， 今日送到喇！ Anyway， 個 amplifier， 好巨型！ 結果放咗落檯底。 駁駁駁駁， 駁好個 speaker 之後 PS2 的 optical in 也很順利的出聲， 之後駁 PC 的 optical, 冇聲。 唔？ 但似乎係 setting 問題， 因為 PS2 analogue 入 PC 那些聲竟然走了去個 speaker (但其它 application 就冇聲出）， 唔理住駁住 analogue 先。 嘩。 好感動！ 低音尤其比起以前聽得清楚。 Noise 也少了。 之後改改 setting， 出到 optical， 簡直只可以用 perfect 嚟型容。 用咁多錢買呢個 speaker 都算值得， 也開始有少少明白點解笹瀬先生用咁多錢落音響方面....
2008/6/3 (火曜日)
遲番學校， 因為下午研究室 meeting 加 wine party， 今日都睇怕乜都做唔到。 所以特登叫埋 Madu 唔好咁早番學校， 等去日吉食完個 lunch 先都未遲。
個人真係幾鐘意食大戸屋的東東。 又平又抵食。 今日食咗那個炭燒豬肉丼(炭火焼き熟成豚ロース丼)， 冇得彈。 似乎這三年的食堂生活已經過了極限了。
下午的 meeting， B4 的 presentation 加埋Aさん的進捗報告， 完全死亡。 真係想死... 搵杯咖啡落肚都冇嘛。
點都好， 因為有 guest 嚟嘅關係， 個 meeting 提早完咗。 去到 lab 做少少嘢， 真係名副其實少少嘢喇， 跟住開始 wine party。
Wine party， 哈哈。 對自己來說真係一大堆唔知可以點處理的液體， 叫做飲咗少少咁大把啦。 不過最重要的係可以見番一些好耐冇見的人。 傾下計咁。 另外同其中兩個人搭訕， 問到年齡問題， 例行的叫佢地估， hint 就只有而家讀 D1（而且係 misleading hint 喇）， 結果佢地估廿四歲！！ 哈哈。 自己都仲噤擺嘛！ 另外也提到發音和談吐似日本人多過中國人， 唔。 唔似中國人就 day 1 都認為㗎喇（佢仲要話中國人講嘢時好似好惡）。 不過似日本人嘛.... 唔太多人咁講。 幾滿足喇。 佢仲要補多句問我有冇學樂器（耳仔好喎）， 哈哈哈。 俾人讚到曉飛添。 またまた、そんなにほめないでくれよ！
今年 wine party 順順利利完成， 沒有意外發生。 不錯喇。
2008/6/2 (月曜日)
起身番學。 本來一個禮拜的開始應該精精神神， 不過尋晚就係瞓唔着， 四點前都仲喺度睇文。 又 reject 咗一篇文（硬係啦， 鬼叫你寫 Windows CE 咩... 講笑， 因為那篇文基本上係既出的）。
研究室， COE， 周不時很多細眉細眼的滋擾， 很多很多， 自己就算在這裏也寫了不少， 和 Madu 亦講了很多， 雖然都係事實， 不過其實諗深一層， 可能某程度係為了保維護自己所編出的理由都唔定， 自己內在未夠盡力， 便找一些外在的因素掩飾， 係的話都真係幾差勁.... 唯有用行動反證這一點吧？