2008/7/31 (木曜日)
朝早返學校做咗少少嘢。 不過真係唔多， 因為下晝就要搬 server， 最初好多人幫手搬搬抬抬， 不過其實跟本唔駛咁多人喇。 唔。
那堆 server 搬咗去五樓的 server room， 本身的房就涼爽咗好多， 亦都靜咗好多， 雖然唔太關自己事。 不過雖然都預咗， network 即 down... 唔知係自己 lab 的 system admin 問題定係外部問題喇。 用 wireless 都冇話唔得嘅....
買 monitor! MDT242WG! 想買好耐喇， 24寸 Full HD， 而且用 VA panel， 仲要 support N 個 input， 冇得彈！ 而家雖然得部 PS2 玩， 不過遲早應該會有 PS3， 再遲早或者會有 Wii? (おいおい)。 第一個感覺... 唔， 好重... 拎 14.5kg 番屋企。 雖然可以送貨， 不過心急想用嘛！ 冇計。
改咗少少 xorg setting 之後出到 Full HD， 不過顏色有啲問題， 唔， reboot 之後就靚仔哂喇！ 試下駁 PS2 的 S-Video， 唔， 不錯， 不過都係同 capture card 差唔多 level， 之後買番條 D terminal 駁先（今日本來想買， 不過好似撞正有新 game 出鬼咁多人排隊...算， 反正唔急住玩）
2008/7/30 (水曜日)
瞓過龍添。 七點時明明走落床， 好理性咁熄咗個鬧鐘， 跟住唔知做乜鬼走番上床再瞓過.... 結果遲咗唔少出門口。
都冇辦法。 返到學校繼續整個 simulation program 的細節嘢， code 尋日改好， 今日主要係執番好啲 parameters， 唔， 好似有少少問題添。 金精火眼都睇唔到， 冇計。
夜晚約略咁睇下眼鏡。 唔。 都唔平。 不過又唔係話唔抵... 唔...
夜晚打咗返屋企， 唔， 大致上都成定局喇。
2008/7/29 (火曜日)
戦利品:
魔界戦記ディスガイア 3
番學校做嘢。 唔。 叫做寫好今日要寫那部份 code， 不過未有時間 test， 唔知 work 唔 work 呢。 中途真係太眼瞓， 又或者係逃避現實？ 瞓咗一陣， 但竟然因為行雷要驚醒。 行雷本身冇乜好驚， 不過驚的係今朝好鬼好太陽， 完全冇諗過帶遮呢個問題！ Lab 裏面有把臨時買嘅， 不過大風小小都應該會唔掂嗰種。 唔理得咁多， 不過冇幾耐之後突然又好好天， 而且都只不過係落咗幾滴雨咁....
唔理咁多。 去了新宿的 NS ビル， 諗住預備下個禮拜花火大会， 不過都知到遲喇， 問咗三間舖， 一間 full booking， 一間睇唔到煙花， 一間話一位要 13000円（！！！）， 俾得萬三的話我去 Yahoo Auction bid 張飛番嚟好過啦！ Short short 哋。 Anyway 今日基本上係白費心機。 諗下嗰日點樣霸個好位好過喇。
返到横浜時買了今日的戰利品。 中古品， 不過奇在裏面未開的（！）， lucky！ 平成半有多！ 不過都係得個睇字， 因為係 PS3 的 game， 冇機... 過多一個月左右應該會買喇...
夜晚打咗電話俾家姐問屋企的問題。 唔。 地方方面似乎都唔駛擔心喇。 短期嚟講應該都冇問題掛？ 問題之後會點演變就真係冇人知喇。 年尾返香港時， 睇怕都唔會風平浪靜喇。
打電話之前其實同其中一個朋友傾過下屋企嘅嘢。 「らしくない(唔似你喎)」... 唔， 的確嚟講， 咁切身的問題唔多唔少都有啲失控喇。
2008/7/28 (月曜日)
朝早到下晝去了日吉キャンパス幫手做考試監督輔助， 行行企企。 頭一個 session 都仲好些， 第二個 session 完全 open book open notes， 都唔知有乜好 check， 除非有人出傾計啫， 但那個可以坐二百幾人的 lecture hall 先得六十人， 坐得咁開點出貓？
下午本來想留在 lab 做嘢， 難得大部份人去咗合宿嘛（今年主要因為冇錢所以唔去）， 不過最煩麻的巴斯光年嚟咗， 即刻唔想留喺嗰度...
唔好嘢通常都一不離二。 好似今日咁個 headphone 突然壞咗。 唔， マイナススパイラル(minus spiral)ってやつ？ 不過都係自己睇法重要喇。 Headphone 壞咗， 咪當係機會換過一個好啲嘅 headphone 囉。 冇乜所謂。
2008/7/27 (日曜日)
基本上係休息。 下晝拎咗啲舊電腦嘅 parts 去 Sofmap 賣， 唔， 賣到幾千円都好過冇嘛。
之後唔理咁多， 番屋企睇書。
夜晚和家兄傾下屋企的近況。 唔。 下次番香港時似乎會係一個全新的環境喇。 點解？ まぁ、今はまだ何も言えないがね。言える時はちゃんとここで言うよ。
2008/7/26 (土曜日)
戦利品:
二人三脚 misono
今日本來羽毛球休息日（因為一路去開的體育館休息）， 但其中一位 H君今日都想打， 反正自己都想打， 所以就同咗佢去近新横浜的一個體育館。
不過今日真係唔太順利。 首先因為唔熟環境， 行錯路， 遲了去到體育館。 去到， 羽毛球 full 咗， 冇辦法之下先去了附近食嘢。 那間餐廳都算 OK （普通 ファミレス喇）， 不過個 soup bar 真係離哂譜， 擺明歧視左手人？
點都好， 食完就再去體育館排隊。 排隊時分別去了換衫， 換衫時筒羽毛球碌咗落地， 唔理佢住繼續換， 搞掂之後， 唔？ 筒波呢？ 去鬼咗邊？ 搵搵搵， 又唔喺 locker， 地下又冇， 唔？ 唔？？ 唔？？？ 冇咗？？ 新買㗎喎， 撞鬼喇... 雖然唔太貴， 但係就正正想試下呢筒波好唔好打嘛， 咁快唔見咗試條命咩？
之後都係搵唔到， 冇辦法之下同體育館買咗兩個波用住先。 終於都有得打， 不過鬼咁熱， 冇冷氣嘅情況下兩個人打， 雖然 H君未至於要用全力打（哈哈， 失禮哂）， 不過熱就係熱喇。 比起平時要唔少禮力？？
打完之後成身汗， 直接番屋企去也。 冇力做其它嘢...
2008/7/25 (金曜日)
學期尾， 開始一些 final presentation， 今日先是山中研的 I さん的博士論文發表。 唔， 幾長， 佢做咗嘅嘢大概都明白， 唔算太複雜。 當然 presentation 之後也有不同的 Professor 問問題， 不過都唔算太難的問題， 所以都算順利完成？ 唔， 自己遲些的博士論文都可以咁順利就好喇。 呀， 不過都要做好而家的東東先算。
而下午是 master 一二年的 presentation。 中間發表冇大問題， 修論方面就有點保留， 雖然最後好似都算過關喇， 有驚無險？ 尤其係憤青的 presentation 出了個好傻的 mistake， 其它嘛， 都好似冇乜大問題？
之後番到 lab， 憤青好似好擔心咁， 突然間好感慨的問咗句
你哋有冇睇過 Terminal 套戲?
？？！！
Terminal?? 雖然冇睇過套戲， 但都總算有聽過， 但關乜嘢事呢？ 好懷疑咁反問一句
你係唔係想講 Terminator?
まぁ。佢似乎真係太大壓力喇。
唔理咁多， 去廣東話班。 唔， 今日算係清理一下舊問題， 另外就係試下樣新嘢。 成日跟書教始終自己都覺得悶， 於是就上網搵咗些文做 listening， 同埋等佢地試下讀喇。 今日 demo， 純粹自己讀佢地聽， 用咗唔少時間。 下次要諗下點樣可以 smooth 些俾佢地讀喇。
呀， 多謝哂 Yさん的麥提莎。 好耐冇食過喇。
2008/7/24 (木曜日)
反省一下自己。 點解可以咁懶㗎呢？ 有時朋友有疑難， 差唔多都係瞓身幫手解決， 不過自己的 research 或者工作好多時都懶懶閒咁。 唔， 得出的結論似乎係:
一直以嚟的工作都只係為咗自己， 而唔係為咗其它人
咁樣講好似有少少自己讚自己， 不過好多時對其它人的事就更加上心。 自己嘛， 太容易滿足了， 有時有些戰利品， 可以出去玩下就滿足。 呢啲嘢跟本唔駛太努力就可以得到， 或者就係懶懶閒的原因啦。
但係而家嘅努力會唔會係為咗將來某人而有價值呢？
諗到呢一點， 再 image 下， 唔， 感覺上好似有些明白， 雖然都仲係好抽象好虛無。 不過， 似乎有點動力...
係唔係呢個原因， 仲需要啲時間嚟証明。 不過心裏好像明白些甚麼...
よし、頑張るぞ
2008/7/23 (水曜日)
究極浪費時間的一日。 個腦雖然不停咁轉， 但手就完全冇郁過。 唔， 點好呢， 仲有唔夠一個月就要交 author reply....
不過都唔係完全做唔到嘢喇， 諗到個方法點樣做 simulation， 而且應該唔會太難， 諗咗先做都唔係冇好處喇。
Anyway 大部份時間就係喺度睇らき☆すた....
2008/7/22 (火曜日)
戦利品:
ながされて藍蘭島 １３
スクールランブル ２１
朝早去了做試験監督補助的 parttime， 冇乜特別， 又係無無聊聊的， 派完卷點埋名之後睇下有幾多人用左手寫字， 唔， 今日嚟講二百個人得五個人， 唔算多， 似乎日本人真係比較少喇（不過食飯時就見唔少， 打波時都偶然會見到）， 講開用左手， らき☆すた裏面真係多得濟喇， 特別有親切感。
下午研究室 meeting， 那間房真係熱到出煙， 夏日炎炎正好眠， 真係眼瞓到鬼咁， 冇計， おやすみなさい....
等咗四個月的最近一期藍蘭島， 頭一部份「はじめまして？」みちる那 part 基本上搞笑多， 但對遠野さん時那一幕又意外地型（型咗一陣咁大把啦）， 不過之後的四話先係最有趣， あやね那一幕完全出乎意外， 而更喜歡的都係まち那一幕同埋那句對白：「．．．だから、私達のことをもっと見てほしいの。私達の思いを見逃さないでほしいの」， 感動したね、マジで。唔單止まち自己， 「私達」って...
2008/7/21 (月曜日)
三連休的最後一日， 結果都係留咗喺屋企“搞機”， 之前好似順順利利咁， 不過今日一放隻 DVD 入去時， 發現， 唔 work.... orz... 冇辦法之下繼續搵 solution， 似乎係那個 Marvell 的 controller 出事喇。 唔， 麻鬼煩咁， 去 set kernel 之後都係唔 work， 糾纏咗好耐之後， 都係唔得。 不過 kernel 都寫明呢個 legacy driver 的 support 都係有限公司喇。 反正都係， 不如搵個 IDE-SATA adaptor 搞掂佢， 反正呢個年代 IDE cable 完全阻住 case 內的空氣流通嘛 （懶就懶啦， 搵咁多理由...）
結果今日都係冇乜建設添。 夜晚仲要收到家兄的一個 message， 唔知下年（正確些說， 年底？）有冇得番“屋企”， 唔。 香港總有可以棲息的地方喇， 不過住了廿多年的地方， 即使破破舊舊， 你話冇感情就假喇。 但自己在外面唔知好多嘢， 針唔拮到肉就唔知痛喇。 唉， 呢個老豆又真係唔抵幫。
2008/7/20 (日曜日)
好鬼熱， 天氣又熱， 屋企部電腦又熱， 於是走咗去換電腦（<-- 唔成理由！！）
哈哈。 講笑喇， 電腦就想換好耐的了， 前幾日做好 survey， 都知道大概要買乜。 今日就出發去了ヨドバシ買了 motherboard 同埋 CPU， 買咗之後就即刻番屋企砌。 今次仲未買 case， 其它所有嘢都用番舊機的東東。 不過因為換 motherboard 的關係， 所有 cable 都要 detach 咁濟.... 用咗成粒鐘慢慢整。
插完線之後， 用舊 kernel boot 機， 奇蹟地冇 kernel panic， 有幾個 driver 要重新 compile (network 之外好似冇）， 其它問題... 暫時冇乜。 應該都有唔少細問題， 不過都總算順利喇。 Sound card 又 work， capture card 都冇問題， tune 幾個 parameters 就 OK 喇！
感想... 又快又靜。 隔咗先三年左右， 技術的發展真係唔可以睇小。
2008/7/19 (土曜日)
朝早早起身， 有時間慢慢處理一下雜務， 夜晚有同窓会， 諗緊番唔番嚟換衫好， 最後都係決定唔理咁多， 着定件恤衫（好彩唔駛着 suit 都得）， 拎住塊羽毛球拍就出街。 老實講， 幾怪相...
羽毛球， 近一個月新 join 的 C くん， 毫無疑問技術肯定係 member 之間最好， 不過亦都好多嘢講， 或者應該話， 好煩。 冇人叫佢教， 但佢自己無端端就好似教練咁。 知道自己有乜不足唔係唔好， 不過有時口水多過茶， "enjoy"的時間肯定少咗。 總之就係唔夾啦。
去完イタトマ之後， 出發去日吉的同窓会。 都係聚下以前研究室的 members 喇。 不過話係咁話， 其實都係得幾個係比較熟的 member， 另外好多都係冇兩句嘅人喇。
同窓会每年也有新 member 參加， 佢地嘅自我介紹唔係唔好， 不過中途突然加插， 完全冇人聽佢地講嘢， 唔知有乜意思喇。
2008/7/18 (金曜日)
番到學校， 都係唔太集中到精神做嘢。 最近心郁郁想買電腦， 結果就不斷 survey 喇。 話唔定過兩日就突然會走去買都唔定。
今日的廣東話班冇咗其中最活躍的三個人， 唔， 結果整日的在講發音的問題同埋做咗少少 discussion， 哈哈。 ヤバい。やる気ないことがバレバレ。。 不過發音都好重要嘛， 趁少人逐個糾正也好。
之後三個人去了渋谷的粥店， 等咗一陣就入得。 除咗呢間粥店以外東京邊度有粥食呢？ 而且都幾平幾好食。 算係咁啦。 問題係呢度唔坐得耐， 之後同咗其中一個學生去了附近的 cafe 食少少嘢， 基本上都係佢想問問題喇， 佢有問題當然唔介意答啦。 不過少起人上嚟真係感覺好唔同...
題外話， Kくん完全係 Good job! Perfect arrangement!
2008/7/17 (木曜日)
朝早去了小学校， 本身 default schedule 應該係禮拜三， 不過今次偶然調咗去禮拜四， 結果見到另一個負責高年班的留學生。 美國人， 幾 nice， 加埋另一個お父さん volunteer 同埋お母さん volunteer 傾咗唔少嘢。 都幾好。
不過最開心都係上堂喇。 包括自己在內， 識我的人如果看到我在班上的表現都應該會覺得意外掛？ 或者對住小学生時， 平時那種自我保護意識完全地 turn off？ 總之嚟講就係玩到顛咗， 尤其係六七八歲的小學生， 真係有啲不可思議... 自己真係咁鍾意小朋友㗎咩？ 定係嗰班小朋友令自己鍾意佢地？ 唔知喇。
下晝去了研究至消磨一下時間， 之後好快就去渋谷會合 E さん， 今日應該係佢結婚之前最後一次見佢喇！ 吹咗陣水， 雖然之後都應該有唔少嘢忙， 不過似乎都算係冇特別煩腦咁， 可以安心喇！
夜少少再會合埋 R 君同埋 Aさん， 今日的主要目的嘛。 去了一間氣氛環境唔錯的餐廳， 名義上係為 E さん慶祝嘛， 當然想去個好少少的地方。 不過結果好似唔太好咁添。 勢估唔到會因為“唔夠飽”為理由而好似趕住走咁。 環境氣氛同埋食物味道完全無視！ 唔。 老實講有少少失望， 好似浪費咗之前準備的時間咁。 如果係咁一早揀間ファミレス好過啦（而之後亦都去咗ファミレス再食...）。 算了， 反正呢個 combination 一向都係主力吹水㗎喇。 而且今日都算揀到間好餐廳， 下次約佢去食(≧ω≦)／
2008/7/16 (水曜日)
朝早改番好份 paper 啲手尾， send 咗俾笹瀬先生改。 番到學校基本上就係 outline 埋另外一個 reviewer 的 comment， 有些新的 code 要加上去， 先整理一下。
下晝食飯時撞見朋友 R 君， 結果好鬼悠閒的講咗成個鐘嘢。 話題由 iPhone 對煮餸， 真係乜都講餐飽， 意外的係佢對我捐血一事有好大化應。 唔， 其實自己真係唔覺得係乜嘢一回事喇， 自我滿足又好， 幫人又好， 興趣又好， 做到咪做囉。 叫我捐錢講真就難好多喇。
下晝無聊咗一陣， 終於等到笹瀬先生得閒傾。 結果傾咗成兩個鐘頭（！）， 今次剩係傾 reviewer A 的問題， 有好多嘢要執喇， 包括回答文的寫法， 內容等等。 當然笹瀬先生也不忘講下歴史啦。 兩個鐘頭， 算快喇掛？
Anyway 今日唔理咁多喇， 放低工作先算。
2008/7/15 (火曜日)
朝頭早在横浜駅附近幫 Madu 同佢太太開銀行 account， 不過比想像中唔順利。 Madu 個 account 好 smooth 搞掂， 不過佢太太那個就因為唔同問題（住所， 在日居留期間， 印鑑等）， 結果幾間銀行都開唔到 account， 結果白做咗一輪添。
之後食完飯後 lab meeting， B4 的 hot topic presentation， 自己聽得最留心的應該都係個 Powerpoint slide 接近草稿狀態的 S 君喇。 最近的 presentation 好興用 Powerpoint 玩到天花龍鳳， 但結果做 present 的主角－－發表者的角色卻被喧賓奪主， 冇乜好 presentation。 尤其日本好似尤其興這類 presentation style， 唔怪得之自己咁眼瞓....
Meeting 之後即刻番屋企， 本來想早早番屋企寫 slide， 結果去了ヨドバシ睇電腦嘢， 應該下個月頭會執部機喇。
番到屋企時收到廣東話班 K 君的 SOS， 佢份 report 個 Word file corrupt 咗喎， 跟住問我 Windows 應該會 save 喺邊度， 真係俾佢考起， Word 的 tmp file 放喺邊， 四年前問我或者仲記得（係喎， 自己用 Linux 差唔多四年喇）， 而家真係唔知。 跟住用咗個好簡單的方法救佢個 file: 用 Openoffice 開個 corrupt 咗嘅 Word file， 哦！ 冇問題開到， 跟住 save in Doc format， 之後原封不動 send 番俾 K 君， 結果佢都成功開到個 file 喇！ 之前都聽過有咁嘅 case， 估唔到真係 work... 呢個 Microsoft Office 真係點解可以賣成幾萬円㗎... Anyway K 君好鬼感動， 好似話係用咗兩個禮拜寫嘅 report 嚟喎。
2008/7/14 (月曜日)
朝早很早番到學校， 冇人， 出奇地集中精神寫回答文。 不過呢個狀態， 好快就因為有同研究室的人番到 lab， 即時開始遊魂。 點解會咁呢？ 唔通入自動波唔鍾意人睇到自己努力？ 唔， 應該冇關係....
Anyway 今日算係可以慶祝的一日喇。 因為今個學期最後一堂 GCOE lecture 喇。 最後一堂都仍然係眼瞓到隻鬼咁。 唔， 大鑊... 算啦。 反正都係聽唔明， 一開波整堆 chemical symbol 出嚟， 雖然話自己理系啫， 講真自己對日本史或者哲學宗教等文系的興趣遠比對化學的興趣高喇（順帶一提對 Biology 的興趣更低... ）
下午時做過乜都唔太記得了， 只記得中途突然同 Madu 講起 Java 裏面 String concatenation， 用 StringBuffer vs "+" 的分別。 雖然預期到個結果， 不過其實都比想像中差別大。
又係題外話， 今日出了 Linux 2.6.26， 不過對自己特別有用的變更點暫時都冇乜， 所以都係由佢算喇。 唔鬼咁快 update 住， 等 stable package 出咗先算。 自己部機整下整下都唔少 unstable package 喇....
2008/7/13 (日曜日)
大昏迷。 唔知係唔係有人落咗自己降頭， 完全冇心機做任何嘢， “週末”是給自己一個很大的藉口， 整日就咁浪費。
最近屋企都仲算風平浪靜， 希望唔係暴風雨前夕。 不過好有機會下次番香港時會有大轉變都唔定。 而另外也收到一個唔太好的消息， 一喜一憂， 喜的冇咗， 憂的永遠留低。 今年似乎我家的運勢認真差喇。 不過好多時都係睇自己點面對， 所以都應該唔駛擔心喇。
唔， 有時自己比起想像中悲觀咁添。 真係要搵啲嘢改變一下先得。
2008/7/12 (土曜日)
本來羽毛球日， 不過其中Kちゃん同埋H君缺席， 雖然都有幾個人去， 不過老實講好熱， 加上唔太想對住那個Cくん， 所以今日決定蛇王。
蛇王之下， 下晝去了ヨドバシ， 差不多係時候 upgrade 部電腦嘛。 而家呢部用咗三年， 其實除咗熱些之外都冇乜不滿， 不過嚟緊應該會多些 simulation 要做， 所以換部快些的都好合理喇。 買幾件 parts 就應該 OK， 都唔駛點大執掛？ OS 都唔駛重新裝(極其量都係重新 compile 個 kernel)
結果都幾無無聊聊的一日 orz...
2008/7/11 (金曜日)
朝早番學校聽那個關於 KLL 的助成金說明會。 唔， 有筆錢自己 control， 感覺上不錯， 之前唔係太貴的東東的話唔少嘢都自己出錢， 而家就可以利用一下啲 funding 喇。
聽完說明會交埋 form 之後， 食飯， 再番研究室做少少嘢， 又要上 GCOE， 都唔知點解禮拜五都要上。 結果交咗張早退 form 早早走人（其實好多人靜靜雞走， 不過過唔到自己良心）。
廣東話班， 偶然的得四個人， 唔， 感覺上好鬼寂莫(!)Hちゃん唔喺度嘛(!)， 結果都冇教好多嘢， 趁少人改番好發音上的問題也好。
食飯時仲要掙得三個人， 雖然都傾得幾開心， 不過就係差些囉（唔好意思， 太現實的問題了）
2008/7/10 (木曜日)
留了在屋企做嘢， 除了夜晚出了一出去掉垃圾之外， 完全冇出過門口。
咁成日做乜呢？ 朝早其實都仲懶懶閒的， 不過下晝就的起心肝寫回答文。 晝那幅圖竟然比起想像中要多唔少時間。 似乎之前真係太過悠閒添？ 唔。 點都好， 做到幾多得幾多， 借用水樹奈々的“Try again”那句歌詞
試しに 努力でも してみたらイイね
やれない事は 飛ばして！
ひとつひとつなら クリアーできそう
もう一度 スランプを 抜け出すためには
やりたい事を 今すぐ！
考え過ぎずに 自分を開いて
最近尤其鍾意聽呢首歌， 總之唔好諗太多， 積極些去試就應該 OK 喇。 能力方面自己講真幾有自信， 俾多些心機的話就 perfect 喇～！
結果幾充實的一日。 不錯不錯。 (或者 deadline effect 開始發動？)
另外廣東話班的 K くん突然叫埋我八月去爬富士山， 附帶咗一句(!)H ちゃん都會去， 哈哈。 冇唔去的理由喇！
2008/7/9 (水曜日)
睡眠充足（六大個鐘頭！）， 不過依然眼瞓， 似乎瞓幾多同埋幾精神真係冇乜關係喇。 早知用三個鐘頭做下其它嘢好過。 Anyway 朝早去了教小學， 之前冇咗其中一份， 也算了， 反正係吃不到的葡萄， 而家教緊呢一間除咗人工唔高（正確嚟講係另一份高過頭）， 其它各方面都好不錯。 又唔駛點準備， 又可以講日本語， 小朋友（因為年紀細）又可愛些喎， 今日先第二日接觸佢地之嘛， 已經玩到（被玩到？）顛哂。
其中一個家長， 唔， 唔太明白呢。 好強調自己係 B 型 orz.... 好多嘢講， 簡單嚟講就係同自己啱啱相反喇。 俾隻蚊針到都可以講一大堆嘢， 我就真係學唔到喇， 佢話自己因為有香味所以蚊針喎， いやいや， 雖然冇太多根據， 不過就傾向嚟講， 蚊會以體溫高， 有體臭， CO2密度等去決定針的對象。 另外肥滿的人似乎都係比較容易被針... 望一望， 唔... 可以理解。 哈哈。 失礼しました... 當然這些東東都冇講出口喇， 唔係隨時有殺身之禍。
Anyway 教完小學番去 lab， 超眼訓..... 乜鬼事呢， 真係完全逃避現實咁添。 期待 deadline effect?
夜晚 set 返好個 awstats 喇。
2008/7/8 (火曜日)
一朝早起身， 可能又係瞓得唔好？ 落咗床之後唔知點解喺地下瞓多咗成個鐘... 完全浪費唔少時間添， 最大問題係咁瞓完之後好似仲衰過剛剛起身時咁....
去到日吉時突然落雨， 冇帶遮， 諗住避下雨再去啦， 點知唔停， 仲好似越落越大， 結果都係投降去買咗把遮， 總覺得好浪費。 自己已經有五六把遮放咗喺學校同屋企， 又買多把， 呀....
今日好彩的地方係唔駛 meeting， 多了些時間。 有少少時間專心做嘢㗎， 但跟住周公又走嚟叫捉棋， 冇計之下都要陪下佢。
Anyway 都算平靜的一日...
2008/7/7 (月曜日)
訓得唔係咁好， 結果好眼訓。 大件事， 一個禮拜一開始一日就咁之後仲得了？
下晝反正都集中唔到精神， 快快手手寫好上個禮拜個 GCOE report， 跟住俾另外兩個 RA 睇的時候， 其中一個一直都唔鍾意的 RA 話
個 GCOE report 佢地都唔點睇㗎喇， 求其寫幾兩三行就得
整鬼你。 自己唔寫就唔好咁多聲氣啦。 鬼唔知阿媽係女人咩？ 之前 send email 又唔見你拍手口寫， 寫完之後講埋啲無聊嘢。 ムカつく！
算， 無謂俾呢啲咁嘅人激。 但點都要上 GCOE lecture。 激眼瞓， 帶了部 notebook 去自己上網， 結果都係瞓着咗。 唔該唔好照 slide 讀得唔得....
夜晚搵椰奶沖芒果汁飲， 好鬼甜！ 唔， 最近天氣熱， 認真唔錯！
2008/7/6 (日曜日)
約咗個朋友 Tさん出去玩， 點知瞓過龍。 十一點幾先起身。 即刻用最高速執好個人， 出門口也。
去到車站， 時間啱啱好， 不過問題係， 今日去邊完全冇計劃過。 之前好似有點順口的講咗句“新横浜”， 但嗰度有乜嘢就真係冇諗過。 剩係記得有個拉麵博物館囉。 反正都未去過， 照去可也。
都算係冇嚟錯， 幾得意的一個地方。 那裏大概係昭和二三十年代， 即係五六十年代的氣氛， 很有趣。 入到嚟就冇理由唔食拉麵喇， 於是去咗入面其中一間舖頭， 食咗個叉燒拉麵。 幾普通， 但個湯真係一流。 貴咗少少， 不過都總算值得喇。 另外買紀念品那裏， 放了一些關於以前的給食同埋零食的書， 幾有趣， 有少少香港都有得賣， 某程度都係一種集體回憶喇？
之後又諗有乜好做。 諗下諗下， 決定去睇戲。 反正都好耐冇睇過喇。 雖然用電話 book 咗場， 但因為之前太悠閒的關係要趕頭趕命咁走去戲院。 剛剛趕得切開場（其實遲咗十幾分鐘， 不過鬼咁多廣告）。 長江七號， 老實講， 目的其實係睇日本語字幕多， 睇下佢有時點譯中文都幾有趣... 故事嘛， 之前都睇過一次， 所以都沒有太多東西好講。 不過就點睇都睇唔出個主角其實係女仔囉。
之後飲咗杯嘢之後去食飯， 麻婆豆腐。 超辣！！ 一路食一路流汗跟住一路飲水一路再流汗.... 點解辣成咁都有人飯㗎？？
2008/7/5 (土曜日)
羽毛球日。 先約咗個朋友去渋谷食少少嘢， 之後先去打波。 剩係記得， 好鬼熱呀！ 發生乜嘢事， 完全大汗搭細汗。 流的汗隨時有幾 litre....
之後慣例的去イタトマ， 今日少了 Bさん， 點知就有少少關於 Bさん的怨言。 唔... Bさん在自己來說就係一個有點距離的波友喇。 老實講好多時都唔知佢諗乜。 有時 IT 上有些共通的話題， 但其它話題就真係冇乜。 Anyway 壞話就真係少講為妙喇。
另外聽了 Eさん的意見去做一個嘗試， 五五波的心情， 跟住夜晚有 reply， OK 喎！ 時間未定， よし， 頑張ろう
2008/7/4 (金曜日)
朝早又去咗捐血。 上次去了東口的捐血站， 感覺一般啦。 不過都係慣咗西口的捐血站， 而且對自己嚟講都方便啲嘛。 順順利利。
之後番學校， 都冇太多時間做嘢， 要去準備 GCOE lecture， 呀， 明明禮拜五， 整乜鬼 GCOE lecture 先得㗎。 抖下都得嘛？ 仲要負責執頭執尾。 尾就真係冇時間同你慢慢玩， 要準備廣東話班嘛。
結果廣東話班差少少遲到（下個禮拜又係咁）， 冇計。 今堂教咗少少 grammar 後開始發音。 唔， “彩”同“取”的發音， 原來好多人都分唔到， 有少少意外。 另一樣意外的， 係似乎應該用些比較香港人的方法， “宗”字的發音講到口水都差唔多乾都講唔明， 最後彈咗句“咪同個中字一樣發音之嘛... ”就即刻明... 何だ．．． わかるじゃん
食飯， 今次得三個人食（おおっ）， 不錯嘛。 話題上始終唔少都同廣東話有關， 而另外就嚟放假（雖然自己冇呢個 concept）， 都有興趣想知佢地會有乜嘢做。 Anyway 有啲嘢講得興起， 想問的東東都唔記得問添 orz....
番到横浜站一帶時目擊一樣幾意外的事。 街邊有個血淋淋的人瞓咗喺街上（！！）， 當時警察都嚟咗， 於是就純粹行過就算， 那個人都唔知死咗未添， 頭部被玻璃樽爆頭喇， 好可能係醉酒鬧事喇。 唔， 總之見到條“疑似鹹魚”始終都唔舒服....
2008/7/3 (木曜日)
朝早番學校 meet 一個 visiting professor， 聽左三個 presentations， 老實講， 幾悶， 不過見太少人所以去充撑下場面咁。 不過俾多些心機聽， 原來又幾有趣㗎喎。
Anyway 下晝想專心 research， network 也好似好番咁。 不過M君就突然話想換哂研究室的舊 network 線。 唔。 本身都冇乜問題， 不過難得自己充滿衝勁時先要幫手做這些雜務， 真係有些複雜。 當然研究室的 network 自己有份用， 而且亦都係少數有 knowledge 知道應該點 plan 個 network， 所以就冇辦法， 一定要幫手。 做就做啦。
結果做完之後就已經好鬼攰。 冇法。 番屋企。
話時話今日下晝食堂有個新 menu (雞肉 + 草菇+ 粟米旬+ 蒜頭+ 豉油)， 見好似幾簡單咁， 夜晚番屋企就即刻試下。 唔。 唔。 整出嚟的完全唔似樣， 都唔知係乜嚟， 不過又幾好食喎。 估自己唔到。
2008/7/2 (水曜日)
尋日都明知今日 lab 個 network down， 所以決定唔番學。 留在屋企整番好個 simulation 佢， 同埋順手盡備一下回答文。 唔。 不過始終冇份 hard copy 喺手， 硬係覺得唔太順的。 唔， 或者應該用 COE fund 買部 printer?? 唔。 唔， 唔， 有閒錢買下書好過。
傍晚， 約了 P ちゃん食飯， 始終都算住得近嘛。 本來諗住去佢屋企附近食， 結果因為種種原因去咗佢屋企食。 食意粉嘛， 哈哈。 呢個自己在行喇。 整熟啲意粉之後倒汁之嘛。 咦？ 睇下睇下， 又好似唔止喎。 雖然細細聲講佢煮嘢食的 skill 唔算高， 不過調味的 sense 幾好， 所以結果整出嚟的都算係幾好食。 唔， 調味方面自己都係一樣起兩樣只， 永遠唔會太複雜喇。 有機會都應該再研究下整嘢食。
食飯同埋睇電腦都係其次， 結果用咗唔知幾多時間吹水。 唔。 講下講下講到十一點九。 唔？ 好似七點半開始 meet 佢.... 唔？ 講乜鬼講咗咁耐嘅？ 自己最想問的問題就問唔到， 不過唔緊要喇。 有機會再問先
2008/7/1 (火曜日)
戦利品：
太陽ノ紅響曲 佐藤ひろ美
尋日獲批咗 KLL， 第一件事係去開 account， 去了車站附近的一間細銀行開。 之前同個台灣同學都嚟過一次， 結果今次開 account 的又係同一個 staff (都唔出奇喇， 嗰度睇怕都冇幾多個 staff)。 開完 account 之後順手在車站附近食埋嘢先番學校。
Lab meeting. 六個 B4， 之前幾個係咁講 OFDA 啲嘢， 真係悶到飛起。 聽完都唔明㗎啦。 搵嚟搞。 不過另外關於 security 同一個關於 Ad-hoc 的就都算係聽得明。
之後同M君同埋S君去睇個 Cisco router. 新鮮送到， 不過 NAT 那邉 set 咗好耐都 set 唔到， M君老實講識唔少嘢， 點講都應該多過我， 不過做嘢的辦去總覺得幾大問題... 結果聽日睇怕都唔駛用 network 喇。
新買的 CD. さすが佐藤ひろ美， 唔識形容， 又係一首應該聽唔厭的歌...