2008/8/31 (日曜日)
起咗身之後都係繼續魔界戦記， 升 level 升到停唔到手。 不過「追試」的部份都唔知要幾多 level 先得， 唔理得咁多喇。 Go go go!!
好耐冇見過的 E さん， 最大分別當然係佢今次已經結咗婚返嚟啦。 唔， 睇咗啲相， 雖然冇婚宴亦冇婚紗， 不過睇相時， 一啲都唔覺得嗰啲嘢重要囉。 望到那種笑容之後都會戥佢地開心喇。
而另外地亦都係天南地北乜都講得一餐， 但諗番起原來佢喺東京嘅時間唔係好多， 都會覺得時間真係過得好快...
2008/8/30 (土曜日)
一朝早起身， 第二件事當然係刷牙(第一件事？ 梗係 check email 啦)， 一開燈， 個燈膽突然好光， 之後就魂歸天國... 噢。 安息吧。 雖然換燈膽好小事， 不過就總之要煩嘅嘢就冇辦法。
下晝理所當然繼續魔界戦記， 之後雖然約咗人， 不過都係照玩。 唔， 係咁升 level， 呢隻game 的確係史上最凶， 係咁升 level， 最初個故事由 level 1 升到 level 80 左右啩？ 不過 story 完咗之後先至係戲玉。 直到今日都仲係升到 level 200 左右， 距離最後的 level 9999 都唔知玩到幾時， 大鑊。
Anyway 之後約咗人， 唔出門口都真係會遲到。 不過唔出門口由至可， 一出門口即刻開始落雨， 仲要一落落到落狗屎咁。 自己係唔係真係甘大影響力呀？？ 撞鬼你咩！ 仲誇張嘅係去到車站之前差唔多停雨（總之唔擔遮都得）.... 係唔係路呀？
唔你， anyway 會合咗兩個朋友， 一齊去睇周杰倫套戲。 最初完全冇睇過介紹， 冇任何 background information， 套戲最初真係唔知佢想點， 不過之後突然的轉變， 的確幾吸引， 估唔到囉。 Ending， 唔， 一般啦。 唔知點解我反而想睇 bad ending 多啲...
之後去咗間台灣舖食嘢。 都幾好食， 食咗唔係好多嘢， 唔夠飽咁添...
2008/8/29 (金曜日)
繼續番學校寫 program, simulation 仲有最大問題的 analysis part 未寫好， 不過最麻煩嘅都寫咗唔少喇， 應該都冇問題啩？ 唔， >唔敢寫包單...
夜晚的廣東話班， 突然嚟咗一位五十歳到尾的阿叔， 有啲唔慣， 不過講唔慣的話佢應該更加唔慣喇， 而家個廣東話 class 可以話越嚟 越 optimize for 而家特定幾個人， 新人嚟嘅話唔慣都唔出奇喇。 唔。 唔。 不過如果多一個人嚟的話銀包會多少少現金， 又冇話唔歡迎嘅 ....
果然自己呼風喚雨嘅能力唔係簡單， 上堂之前仲有太陽， 一上完堂就行雷落大雨。 冇計， 飯始終都要食。 去了就近嘅餐廳， 京都料>理， 唔， 茶飯， 一般啦， 我覺得大戶屋嘅定食好食啲囉。 之後唔夠飽仲要去 M 記補飛...
走時依然落大雨， 自己用開的東横線仲要因為行雷停駛， 大劑... 唯有搭去品川再返屋企。
話時話嚟緊有幾個禮拜見唔到 H ちゃん.... 唔， 希望佢玩得開心啲啦
2008/8/28 (木曜日)
遲咗起身， 即刻要係咁做唔少家務， 堆咗啲衫都未洗嘛。 另外喺等嘅時間就當然係打機啦...
之後約咗班廣東話學生去飲奶茶， 那間港式 cafe 就快執笠喇， 真係有啲可惜。嚟到呢度話題好自然就係講香港的東東啦。 唔知店長幾時會再東山再起呢？ 另外唔夠飽， 再去了附近的ファミレス食。 呀， 聽日啲嘢都未準備好添...
話時話， 乜納豆食得㗎咩？ Aちゃん仲介紹納豆的十數種食法出嚟， 呢方面真係完全理解唔到.... 食べ物なのかよ
2008/8/27 (水曜日)
雖然個人係返咗學校， 不過差唔多成日都喺度吹水。 首先係 lab 裏面的 M 君， 講咗成日電腦嘢， 喺呢個 lab 或者冇乜其它人有興趣>聽佢講呢方面的話題掛？
之後夜晚約咗 P ちゃん去食お寿司， 返工的話題最近都好少聽喇。 都有幾多怨言呢。 唔。 始終收得人工就好多意料之外的壓力會預到>㗎喇。 希望佢俾心機啦
2008/8/26 (火曜日)
好勤力咁喺學校寫 program， 唔知邊個穴俾人打通咗呢？ 難得冇 deadline 的情況下咁勤力... 可能之前講 deadline 真係太辛苦有少少 rebound?
ディスガイア 故事方面終於完咗喇。 唔錯的故事。 同埋中間的對白差唔多全部都好得。 故事最中心的主軸應該係“信任“啩？ 不錯不錯
2008/8/25 (月曜日)
悶侮省(文部省的 Disgaea 3 說法)派了人嚟視察 GCOE 的研究業績， 被叫了去 K2 campus 到做紙板公仔。 冇計， 由横浜駅出發， 唔覺意上咗湘南新宿線， 一去就去咗大崎， 要搭返轉頭， 先去了品川， 再回頭車返， 真係攞命。 嚟日本咁耐都係試過一兩次， 今 日真係失策...
雖然遲到， 不過悶侮省的人都仲未嚟到， 結果等咗成兩個鐘頭， 其間那位泰國 team member 問咗條 IQ 題， 叫做可以打發下時間。 不過到而家都未解到個問題。 anyway 兩個鐘過咗之後， 自己要做的就係用咗兩分鐘簡單介紹一下自己... 就為咗呢兩分鐘冇咗全日喇...
另外 S くん提到 IEEE student branch 嚟緊的活動。 大鑊！ 完全冇咗呢件事！！
夜晚去咗睇牙醫。 舊年和今日都係搵一位 I先生（先生是日本語的說法， 可以用 Dr I 嚟理解）， 今次的 I先生變咗個女人， 完全諗唔明， 雖然之前都唔係未見過佢... Anyway 今日就補牙同埋預約拔智慧齒， 上年的惡夢又返嚟喇...
2008/8/23 (土曜日)
買っちゃった！！ PS3!! 諗住買好耐㗎喇。 不過真係到今日先買到...
こんなことがあるかと（じいや風）、之前已經買咗「魔界戦記ディスガイア３」， 加上之前換的 monitor 同埋再之前的 speaker， 好似一次過 100 level up 咁（おいおい）
而當然地， 今日的人生就在這部新入手的 PS3 裏面渡過...
2008/8/22 (金曜日)
休息咗一日， 係時候返學校喇。 不過話時話， 憤青原來不知不覺間已經返咗大陸老家， 雖然一直都唔熟， 不過佢臨走時都諗過打聲招呼嘛， 唔， 都冇辦法喇。
因為續租約， 今個月一直手頭都好緊， 今日終於都“出咗糧”， 可以出去食餐好嘅（認真嚟講呢個月又唔係真係特別慳）， 但係因為下晝有後輩嘅 presentation 練習， 所以趕頭趕命咁返去， 但發現傻咗， presentation 跟本未開始， 全部人傻下傻下咁。 後來先知原來笹瀬>先生都喺自己間房等， 要 present 嘅人以為笹瀬先生唔知去咗邊， 結果咁就冇咗一個鐘頭... 為乜呢？？
夜晚廣東話班， 借了港台的 podcast 嚟做教材， 反應唔錯。 唔。 而且自己嘅準備可以減唔少， 一石二鳥（唔係為咗偷懶喇！ 真係唔差嘛反應）。 (!)另外今日見返好耐冇見的 Hちゃん， 左眼嗰邊好似仲腫腫哋咁。 冇大問題掛？
2008/8/20 (水曜日)
論文的 Final check， sync 好哂 SVN 之後就拎部 notebook 去了東工大， 話時話都係第一次嚟，而且更加冇諗過原來由日吉去， 搭一>程車就到。 東工大好似有三個 campuses， anyway 就近呢個， 比起想像中大喇。 話時話點解會特登走嚟呢度呢， 因為之前上富士山時識到 一位新朋友 Pくん， 英國人， check grammar 嚟講應該就最適合人選喇 。 結果呢， 發現自己錯咗唔少 article (a, the 等等)， 唔， 似 乎有機會都要由基本的 grammar 執下自己的問題。
之後借了東工大個 network submit 份論文， 成身鬆哂！ 叫做搞掂一個大問題喇。 之後就同 Pくん去了渋谷食粥， 吹咗唔少水。當中佢 講咗一句話幾值得自己諗下
“我發現你份人都幾偏低自己㗎喎”
唔， 真係諗你唔到。 不過有時可能無意識咁過度謙虛？ 可能因為顯得冇自信都唔定呢。 唔。 多啲留意下呢方面先得...
題外話， 唔知邊度走過嚟， 不過今日渋谷駅裏面突然出現咗一隻馬騮（！！！）， 冇親眼目擊真係有啲可惜...
2008/8/19 (火曜日)
今日其實唔係好想返學校， 因為論文寫就寫好， 如果俾笹瀬先生改的話唔知又會有幾>多嘢要加加減減， 不過始終笹瀬先生都係唔放心， 問 Madu 我搞掂份論文未， 即係話冇>得避啦。 唔。 都冇辦法， 照返學校。
返到學校， 除咗自己之外仲有 Z さん嘅論文都係未搞掂。 Z さん就係咁話我份文 urgent 啲， 搞到鬼咁大壓力。 都係， 聽日 deadline 嘛。
Anyway check 咗份文， 唔係太多嘢要改。 都好。 聽日搵個朋友執埋啲 grammar 就過骨喇。 到時過咗海就係神仙， 唔理得咁多喇。
話時話， check 文那時笹瀬先生時不時就提起 Z さん份文， 話“deadline 就係 deadline， 過咗條 line 就 dead”， 原來 Z さん份文已經過咗 deadline， 佢又不斷咁話唔係 太急， 唔怪得， 雖然話 KIST (韓國那邊的學會)好似比較鬆， 不過點都冇諗過原來佢已>經過咗 deadline 咁解...
2008/8/18 (月曜日)
老遠去咗埼玉県 interview 一份 parttime, 那份 parttime 係睇 server 等簡單工作喇。 interview 本身唔係難， 不過好多條問題要答， 有啲問題都好無聊， 例如已經到了放工時間， 你會選擇準時走人定做埋啲手尾等等問題。 仲有打字 test， 哎呀， 唔慣的 ローマ字入力， 結果打得好慢（用慣かな入力嘛）。
話時話， 論文呢？ 好似 deadline 嚟緊頭喎老細。
2008/8/16 (土曜日)
Paper 最後衝刺. 不過都唔係非常集中到精神。 今次 deadline effect 好似唔係太 work 咁...
另外今日朋友 Eさん 結婚大喜日子。 恭喜哂！ 雖然本人話今日只不過係畫隻龜咁喇。
2008/8/15 (金曜日)
撞鬼， 瞓到十一點先捨得起身。 都好， 睡眠過份充足...
下晝去捐血之前， 去咗ヨドバシ搵那個專登嚟買 iPhone 嘅 R 君， 唔， 雖然自己對 iPhone 有啲興趣， 不過都應該冇乜機會會買喇。 始終 Softbank 嘅 image 真係太差喇。
之後廣東話班， 唔， Hちゃん之前俾蟲咬親腫咗， 始終有啲擔心... 雖然佢話冇大件事...
2008/8/14 (木曜日)
尋日夜晚算係搞掂到個問題， 應該過到關掛？
落街食啲嘢， 唔知點解對腳 Auto mode 咁走咗去 Sofmap， 又唔知點解失驚無神買咗個 wireless AP， 依個時間冇 802.11n 嘅 router 平到笑。 買個番嚟擺下都好嘛。 結果 set 好咗之後夜晚就喺度玩。 Download 咗啲 PSP game demo version 玩。
咦？ 論文呢？
另外 subscribe 咗 Skype monthly service， 有個香港 number， 主要都係方便屋企人同埋香港嘅朋友 number 喇。 另外唔駛錢打電話番香港又唔駛俾錢， 都幾好喇。
失眠... 見到個太陽升起都未瞓得着。
2008/8/13 (水曜日)
整日都冇心機咁過。 大件事， 仲有一個禮拜 deadline， deadline effect 好似仲未嚟得切咁。 最近有唔少鎖碎事煩， 自己都有少少予想之外。 想專心做都難... 呀！ 好鬼煩！
2008/8/12 (火曜日)
戦利品:
魔法先生ネギま！ ２３ ＫＣＭ限定版
下晝先捨得起身， 做咗陣嘢， 天氣好鬼熱， 就算開住冷氣都係咁話， 呢個時候總係周圍搵理由唔做嘢， 剩得唔係好多時間喇....
點都好， 傍晚去了買戰利品同埋剪頭髮， 夜晚繼續努力...
2008/8/11 (月曜日)
戦利品:
名探偵コナン 62
小説 ながされて藍蘭島 ３ ときをこえて
理論上放緊暑假， 學校 close 咗， 今個禮拜都基本上留喺屋企做嘢。 但事實上要趕埋份論文， 遲咗唔少， 仲有十日左右就 deadline， 唔， deadline effect 仲未出現...
下晝去買嘢食， 順手買咗今日嘅戰利品。 唔， 蛇王一陣， 繼續努力。
2008/8/9 (土曜日)
整日留喺屋企。 出面又熱， 而且之前一直累積的疲勞似乎一次過嚟， 冇計啦。 呢個禮拜玩得太多喇。
朋友 E さん仲有一個禮拜就大喜日子喇。 真係恭喜哂！ 不過照佢講， 好似一切同平時一樣咁過... 唔。 まあいいか
2008/8/8 (金曜日)
朝早拎咗之前一路用開嘅 22" 番 lab， 駁駁駁， set 唔到去 full resolution， 奇怪。 另外 lab 裏面除咗自己就得憤青一個人。 不斷的 wow wow， 個 mon 係大少少， 都唔駛咁大驚小怪嘛？ 尤其係當個 driver set 唔到啱 resolution 時就更加唔想理佢太多。
不過就喺呢個時間， 突然間一刹那好勁的地震。 好快就停咗。 停咗之後憤青問駛唔駛離開個 building， 心諗應該冇事， 而且留喺 lab 裏面反而安全， 於是就留喺 lab 喇。 之後都冇再震， 後來睇番先知震央喺東京， 4.5級， 同 3級左右時感覺好唔同， 好難想像 7級時會幾大鑊...
Anyway driver 出事， 用了 open source 的 radeonhd driver， 毫無問題咁 set 到去 1680x1050， 不過 3D 就暫時用唔到。 唔， 等下先算。 比起 3D high resolution 緊要啲嘛。
夜晚廣東話班， 得兩個人， 呀， 紀錄？ 今次仲要 book 咗間大房， 蝕錢添。 不過冇所謂喇。 横掂傾得開心嘛。 慣例的直落晚飯， 都唔錯喇。
2008/8/7 (木曜日)
神宮外苑花火大会
稍為回復一下工作 mode， 繼續 debug 個 program， 唔， 冇乜時間剩喇。 唔知搞唔搞得掂添， 不過唔得都要死掂佢㗎喇。 哎呀呀。
下晝約了 Hちゃん、 Aちゃん同埋 Kくん三個人去神宮外苑花火大会， 不過中途收到Hちゃん的通知， 話前兩日喺富士山俾蟲叮親， 搞到腫咗， 嚟唔到。 哎呀呀， 好可惜， 不過比起花火大会， 更加擔心 Hちゃん的情況... 唔， 乜都做唔到嘅情況有啲無奈...
Anyway 會合了Aちゃん同埋 Kくん， 向絵畫館出發。 不過發現唔知點入， 好多人， 而軟式球場嗰度有即日飛賣， 唔， 好過冇啦， 1500円雖然有啲貴， 不過費時諗太多喇。
坐低， 買咗少少嘢食， 跟住就等開始， 天色一路咁暗， 差唔多時間時有啲歌手表演， 不過睇唔到聽唔到， 算。 七點半， 開始於煙花。 開始覺得呢個位置幾好， 好近～～ 雖然比起神宮球場或者競技場仲有一段距離， 不過都算係滿足喇。
整整一個鐘頭的煙花， 唔， 散場... 咦？ 各自番屋企喇？ 去食個晚飯都好嘛...？ 噢...
2008/8/6 (水曜日)
富士登山 その後
唔駛講都知， 尋日落山之後， 今日基本上係休息日。 叫我郁都幾難。
不過話雖如此， 一個大學朋友喺香港嚟， 約食飯， 冇唔出的理由喇。 去咗新宿那間お寿司食べ放題， 基本上都係不斷的吹水喇。 傾下以前大學嘅嘢， 講下3533515（？？）， 講下近況咁。 偶然咁樣嘅一日都唔錯。
2008/8/5 (火曜日)
富士登山 その二
零晨三點， 本來預定三點半左右起身， 不過已經有人周圍行嚟行去， 跟本就唔駛瞓。 隔離幾個人亦都開始起身吹水， 唔， 早起身冇人阻你， 不過未夠時間可唔可靜少少呢？ 雖然自己起咗身啫， 其它仲有人瞓緊㗎嘛。
算了， 之後整理一下裝備之後同 Hちゃん同埋 K君食早餐， 不過自己都係 Calorie Mate 連發， 呢個時候突然想飲杯咖啡添。 哈哈。
因為落雨嘅關係所以冇得睇ご来光（日出）， 而且遲咗少少出發， 上唔上到山頂都成問題， 一切就睇進度點囉。 好就好在天氣之後一路都唔太差。 上山當然地辛苦， 不過純粹係體力上的問題喇。 望向山頂， 有時多霊雲有時冇雲， 那個山頂約隱約現， anyway 總有動力繼續向上爬喇。
用咗好多時間去到八合目， 休息咗一陣， 食咗碗おでん去埋個洗手間， 先發現唔見哂人， 即刻就出門口， 好彩見到 Hちゃん仲喺度， 不過 K君就唔見咗。 唔... もしかしてチャンス？ 不過呢個時候都係集中上山， 一路上一路上， 經過九合目， 之後的路都唔算太難行， 當然問題就係體力喇。 Anyway 有目標上山， 總算撑得住。
上上上。 終於上到山頂喇＼(≧ω≦)／！！！！
不過都仲未去到最高峰， Anyway 去到火口， 好壯觀！ 跟住圍住個火口行一個圈， 中途經過剣ヶ峰， 嗰度就正正式式係富士山最高峰！ 標高 3776m， おおおおっ、ついに日本の頂点に立った…！ 非常之有滿足感！
之後去埋郵局寄 postcard， 任務正式結束。 由於時間關係， 要急急落山。 那條路， 有啲唔正常， 長到鬼咁！ 唔， 點解可以咁長㗎， 而且落山時對腳嘅負荷比起上山仲要大， 一路一路咁落， 差少少落到山時仲要落雨兼行雷， 結果用咗唔少時間先落到山。
坐巴士番去時出奇地瞓唔着， 隔離的 Hちゃん好似有啲攰所以都由佢休息喇。
番到駒場時去了 Kくん的房間參觀， 冇諗到佢識彈結他。 呀。 話時話自己屋企部電子琴好耐冇彈過添 orz....
今次亦係由於種種問題唔可以 public 相， 放咗啲相去 picasa， 有興趣嘅話可以問我。 識得嘅人基本上都冇問題喇。
2008/8/4 (月曜日)
富士登山 その一
朝着日本的最高峰－－富士山進發。 好早就起咗身， 執好個人， 檢查一下裝備， 冇乜大問題掛？ 好好。 出發！
去到渋谷會合咗 H ちゃん先。 一路吹水一路出發去駒場国際交流会館， 去到時遲了少少咁大把啦。 不過都冇乜問題。 話時話這間会館都係嚟過一兩次， 而H ちゃん更加係第一次嚟， 所以就周圍參觀一下。 唔， 都延唔錯， 而自己亦有少少諗番起以前喺祖師谷時的生活。
坐巴士出發， 巴士除了停一個站（談合坂）之外就基本上係直上富士山的五合目。 去到五合目時有少少陰天， 正確啲講係落咗車之後開始落雨 orz... 去咗一間休息所等咗陣， 總算係可以出發的天氣。 好好， 影張靚相之後出發！ 今日目標係上到七合目的トモエ館， 出發！
由五合目到六合目， 爬咗基本上唔夠100m， 跟住在上七合目時就有少少辛苦喇。 自己應該冇乜問題， 見H ちゃん好似有少少辛苦， 所以全程就同佢一齊喇（唔唔）， 一路行亦都一路同唔同嘅人傾下計咁。 幾好。
行咗好耐終於都去到トモエ館， 唔。 路唔算太難行， 不過好鬼多怪蟲， 而且周不時又落下雨咁， 所以都有少少攰喇。 但一路上嚟一路的景色都好好（當然除咗落雨同大霧時）， 所以都好啦。
夜晚雖然帶咗唔少糧草， 不過都係想食吓呢度嘅咖喱， 特別好食？ 又唔係， 不過咁難得上到山冇理由唔試下㗎嘛。 嗰塊扒的確幾好食（唔， 其實嗰時就真係醉翁之意喇）， 食完嘢， 吹咗陣水， 九點， Hちゃん同 K君都諗住瞓覺， 因為聽日應該晨咁早會去睇日出嘛。 冇計， 嘗試一下瞓。 但結果都係失敗， 一來度迫到鬼咁（每個人的空間大約係50cm乘170cm， 兩側都有人瞓）， 二來屋頂雨水滴滴嗒嗒， 三來最重要嘅係－－九點咋！ 點瞓呀！
瞓唔着都冇計。 落咗樓下同其它瞓唔着嘅人吹水， 其中一個英國人， 傾下傾下， 發現佢原來之前去香港 (Poly) 讀過兩個月， 當佢之道我香港嚟時好鬼興奮， 傾咗都唔少時間， 由大學到功夫都講餐飽。 哈哈。 厲害。
之後唔想瞓都要試下瞓喇。 唔係聽日唔駛行都似。 好好。 早抖。 聽日繼續。
2008/8/3 (日曜日)
今日本來想全日留喺屋企休息， 不過始終有啲嘢都係買定好， 唔駛聽日先嚟煩。 出出入入兩次， 唔。
要準備嘅都七七八八掛？ 最後都係冇買雨褸同埋帽， 應該冇問題掛？
好， 聽日出發上富士山！ 期待！
2008/8/2 (土曜日)
下晝去了買嘢。 後日登山的準備差唔多完全未做過。 今日一口氣去了唔同地方（都係横浜同埋 MM21)買嘢。 最煩的係太陽眼鏡。 Contact lens 加太陽眼鏡呢個 option 一開始就 out， 剩低的三個 options 係
- 普通太陽眼鏡 + nothing， 即係矇查查上山。 咁同自殺冇乜分別, out
- 有度數太陽眼鏡， 不過最快好似都要四日， 唔夠時間配， 所以又 out
- 普通眼鏡 + 掛上去的太陽眼鏡鏡片。 諗嚟諗去都係呢個 option 最好。
決定咗之後， 去睇下鏡片， 去了 Tokyu Hands 睇， 不過問題係原本戴開那副的鏡片太細， 唔可以外加， 於是決定買之前都睇中的 Fare Duo 2.0（個名鬼咁似 Core 2 Duo...）， 幾得意， 用磁石嚟 attach 前面那塊偏光鏡， 除咗副太陽鏡就係普通眼鏡， 唔錯。 不過要俾一筆錢始終都肉痛...
另外再買埋其它嘢。 番屋企... 休息。
話時話尋日唔記得講， 新買的那條 D terminal + 新 monitor + PS2， 好靚！ 點解以前可以容忍那個畫質咁耐的？ 雖然都仲係 SD， 不過都完全兩個世界喇！
2008/8/1 (金曜日)
冇 network 用的研究室。 本來試下用 wireless 但又時得時唔得， 奇奇怪怪咁（不過呢部 notebook 個 wireless 本身就係未 test 好）。 結果想做嘢都唔得， 因為做完冇得 commit 番個 result 番屋企。 唔。 都唔係完全做唔到嘢喇， test 下個 program 裏面嘅暗 bug 都可以嘅。
差唔多走人時 lab 的 network admin 突然話收到 ICS 嘅通知， 駁番個 network， 用得.... 呀， 早少少好喎。
夜晚廣東話班， 有一位新學生， 廣東話完全唔學過， 不過之前好似學過普通話咁。 唔。 咁應該都可以上到手啩？ 佢老公好似係香港人， 想學識廣東話嚟嚇佢一跳喎。 唔唔。 動機係點都好， 多個人就熱鬧啲嘛。
晚飯時同 K君同埋 Hちゃん傾下個禮拜上富士山嘅少少細節， 唔。 有唔少嘢要買， 不過應該搞得掂掛。 走時一齊去咗一陣 Donki， 那件雨褸真係唔想買， 反正本身有件登山用的外套， 防水嘛。 買番條褲應該就 OK。
呀， 話時話嚟了幾次廣東話班的香港人 S 君就快番香港了， 雖然唔係好熟好熟， 不過多謝哂佢嚟幫手喇。 另外一個新朋友 I 君， 東大的 M1， 講下講下， 佢竟然識得朋友 E さん， 唔， 都合理喇， 同一個專攻嘛。 世界果然好細...