2008/9/30 (火曜日)
約咗一個廣東話學生 private lesson， 冇返學校。 諗深一層約嘅時間唔遲唔早， 朝早做唔到啲乜， 下晝上完堂又可以準備返屋企， 應該約早啲喇。
Anyway 去咗渋谷嘅一間幾常去嘅 Cafe， 本來諗住兩個鐘嘅 private lesson， 講下講下， 講咗好多其它嘢。 結果好似坐咗成四個幾五個鐘？ 唔。 廣東話就盡可能咁教， 雖然冇乜 focus， 行到邊講到邊咁啦。
有趣嘅係， 呢個學生其實係一個漫畫家， 雖然佢死都唔肯講自己畫邊本漫畫， 不過除咗漫畫之外， game scenario， novel 之類都有寫吓咁， 話唔定自己都睇過佢作品都唔定？ 唔。 Anyway 一路咁傾， 發現唔少興趣都一樣， 漫畫嘅然係職業就自然好清楚， 另外打機之類都好 match， 雖然玩嘅種類唔太一樣... 講開嚟， 第一次有機會講咁多呢類嘢都唔定？ 身邊始終都唔係咁多識呢類話題嘅人。
冇時間返學有少少內咎， 不過傾咗咁多得意嘢都 OK 啦！
2008/9/29 (月曜日)
返 lab 做咗陣嘢， 跟住失驚無神諗起：
係喎， 好耐之前同朋友 K くん提過 renew 廣東話班個 homepage 㗎喎。
一路都冇諗起， 唔知點解今日突然記得， 即刻郁手， 呢個 blog 用開 pebble ， 起碼唔駛重新學過嘛， 所以就直接用番， setup 個 blog 先至用咗廿分鐘， set 埋 virtual domain 都唔係用太多時間， 不過就有唔少 content 嘢要 copy 返過去先得。 有個 blog 點都叫似樣啲嘛。 不過都要睇下K くん有乜意見。
Anyway 無聊可以睇下個 homepage 。 (自己最鍾意係個大富翁 background)
另外今日又開始番 GCOE 嘅 lecture， 一開始津田先生話下年可能會減人數， 好呀好呀， 最好減咗我出嚟啦。 俾心機唔做嘢（？）先得。 另外上呢堂 lecture， 一大堆睇唔清楚嘅統計， 真係睇唔明， 雖然我知個講者好俾心機講... 算喇， 都預咗。
2008/9/27 (土曜日)
仍然唔算太精神（又或者只係懶）， 留喺屋企慢慢休息。
玩完トラスティーベル， 故事嚟講唔算太長， 亦都冇乜分歧點， 一路係咁玩落去可以打爆機， 冇乜難度。 不過故事自己幾滿意， 最中心的“夢與現實”，諗下諗下有時都唔知自己生活緊嘅“現實”究竟係唔係真係真實...
2008/9/26 (金曜日)
返 Lab. 鼻水係咁流， 冇計， 買咗盒傷風藥食， 而同時又係咁咳， 真係唔知可以點集中精神...
唔理咁多喇。 今日冇廣東話班， 取而代之去咗渋谷嘅 Outback 食晚飯。 今晚嘛， Hちゃん同埋Aちゃん係歐洲返咗嚟， 而另外Yくん帶咗一位新朋友嚟， 好熱鬧嘅一晚。 而當 Y さん講到旅行時嘅嘢， 完全停唔到落嚟， 幾有趣...
2008/9/25 (木曜日)
留咗喺屋企休息。 不斷咁包雲呑， 包咗成桶， 好大鑊...
上個禮拜 interview 嗰份 part time 叫做冇問題， 而家等公司那邊送 details 過嚟。 唔， 錢嘅問題叫做解決咗少少， 不過另一個問題就係之後要更加好好咁利用時間先得。
留喺屋企， 不斷咁打機...
2008/9/24 (水曜日)
朝早帶着少少傷風走去小學， 不過去到集中上堂時就真係好神奇咁集中精神， 都唔覺得自己係一個病人。 總之就好精神啦。 另外偶然見到小學生將來嘅志願， 真係幾得意， 亦都好直接。 可以係足球選手， 野球選手， 糖果舖店主等等， 大都直接同佢地平時嘅興趣有關喇。
返到學校就不斷咁寫 program， 但當個人一靜落嚟， 鼻水就不斷咁流出嚟。 唔， 大劑...
2008/9/23 (火曜日)
幾特別嘅一餐晚飯
一朝早準備返學校時， 去到平時嘅單車場時， 發現冇 staff 喺嗰度， 出事喇...
乜今日放假咩？？？
拎個手提出嚟望望， 咦？ 又真係放假喎。 點解咁都唔覺喇。 撞你毎鬼... 嘅然係咁都冇辦法。 去附近買啲嘢跟住返屋企啦， 又早得濟（話時話朝早打咗陣機先出門口）， 冇計，去一啲開咗嘅舖頭行吓啦。 周圍走周圍走， 跟住買咗啲濕碎嘢， 返屋企繼續打機...
打打吓機， 有電話， 一聽， 係一個朋友嘅朋友， 呢位朋友嘅朋友， 喺香港好多人都聽過嘅一個名嚟㗎， 平時都唔會諗住有機會接觸到 。 不過今次佢忙完過嚟日本玩， 咁啱那個朋友介紹我俾佢識， 咁難得有個機會就食餐飯啦。 朋友 E さん都有啲興趣所以一齊， 加埋四個人去咗食お寿司， 慢慢咁吹吓水。 話就話有名人， 不過真係冇乜架子， 幾 friendly， 佢都問咗唔少關於日本嘅生活喇， 結果講嘅嘢都冇 乜大事大非， 都係一堆家常便飯多。 但當係識多個朋友都唔錯喇。
2008/9/22 (月曜日)
Alex vs au shop
朝早遲咗起身， 唔太緊要喇。 執好個人之後去咗 au shop 問 spam mail 嘅嘢， 一位男性嘅 staff， 最初都仲冇乜問題， 逐個 filter setting check， 好似都冇問題， 咁其實個結論都簡單喇-- 就係個 mail filter 唔 work 囉。 去到呢個情形問咗句
係唔係 mail server有問題？
個 staff 好堅持咁話
mail server 冇問題呀！
自己話哂都係 IT 嗰行， 雖然而家叫做學術界... anyway 我唔知佢憑乜嘢可以咁武斷咁講囉。 就連打個電話去 support center 都未試 ， 講真真係說服唔到我囉。
結果改咗個唔關事嘅 setting 之後佢叫我睇吓情形， 中間自己其實都有少少發火（講咗個“你咁樣講完全唔成一個答案囉”咁大把）， 所以都唔想同佢拗落去。 就即管“睇下情形”之後準備夜晚再去
喺 lab 嘅幾個鐘頭又確實收到啲 spam mail， 於是放學之後再去， 今次換咗另一個 staff， 典型嘅一個店員， technical 深入啲都唔好諗住佢會識。 不過起碼呢個 staff 識得 service 囉。 唔識， 咪打去 technical support 幫手囉。 咁樣我完全明白喎。 真係好幫手， 改完 setting 之後慢慢試 PC send 唔 send 到 email 過嚟， try and error 咗成個鐘之後， 最後 support center 嗰邊幫自己 reset 咗個 filter setting 之後就成功 filter 到要 filter 嘅 mail 喇。
總之煩咗兩日嘅 mail 終於都冇哂， 總算成個人鬆哂， 見個 staff 咁俾心機幫自己手， 都好滿意喇。 仲想點吖。 最後順口問問 customer service 呢個 au side 嘅問題可唔可以退返啲 packet 費俾自己， 其實幾百円真係冇所謂， 不過總想求個證明喇。
上咗一堂幾好嘅堂， 總算控制到自己冇拍枱都算係咁喇。 隔嚟有兩個師奶拍哂抬咁， 真係戥個 staff 慘囉。 偷聽到少少， 佢話個電話 放咗喺褲袋， 迫壞咗， 就話個電話化學喎。 唔， 再望望佢身形... 唔... 電話迫爛都無可厚非喇...
2008/9/21 (日曜日)
繼續打機， 不錯的一隻 game， 通常買嘅 game 都唔錯喇， 唔知係眼光好定要求得， 是鬼但， 總之滿足到自己就 OK 喇。
spam mail 依然係咁嚟， set 得到嘅 filter 都 set 咗， 都冇用， 係咁都唔係辦法， 遲少少走去 au shop 問吓先得。 不過今日落雨濕濕， 熄咗個電話算喇。
2008/9/20 (土曜日)
打羽毛球， 之前隔咗個暑假， 好耐冇見過嘅 O ちゃん喺泰國返咗嚟， 唔， 始終有佢喺度個氣氛好唔同喇。 另外未去到体育館之前見到 C くん， 吹咗陣水， 發現大家原來都唔太鍾意嗰個新咖坡人， 講嘅話題唔啱 channel 喇。 唔 ，明白明白！
夜晚突然咁嚟咗好多個 spam mail 去手提電話到， 唔知點解， 上網 set filter 又唔 work， 諗唔通， 唔， 後來真係煩過頭， 熄鬼咗個電話， 專心打機...
2008/9/19 (金曜日)
Part time interview， 去到公司附近， 時間仲早， 去一去附近嘅 Starbucks 飲咗杯嘢。 中途有個女人隻狗過嚟， 勁大隻！ 不過好 cute! 真係估佢唔到， 差唔多人人行過都會望佢幾眼咁。
Anyway 之後開始 interview， 一開波就 sign 咗一份守秘義務， parttime 嘅內容完全 confidential 所以呢度都寫唔到太多嘢喇。 不過同個老細幾啱 channel， 機會應該都唔錯？
之後去咗一間ファミレス發傻。 本來帶咗部 notebook 出嚟用， 點知唔記得咗叉電， 結果純粹係重三磅嘅負擔， 真係唔知做乜好， 發傻....
之後広東語班， 有一個新人， 結果今日加埋有成八個人（！！）， 好耐冇試過喇。 呢個新人後來問返， 原來同自己一樣大， 詳細嘅嘢唔係好知， 不過 anyway 幾好傾嘅一個人...
2008/9/18 (木曜日)
戦利品:
トラスティベル 〜ショパンの夢〜 ルプリーズ
冇乜特別， 專心咁喺學校寫 program， 唔， 專心起上嚟都算係有效率㗎， 不過除咗 deadline 外唔知幾時專心到囉...
夜晚忍唔住手買咗隻啱啱出嘅 game， 內容係以蕭邦臨終時所發嘅一個夢做背景， 世界觀幾得意咁， 玩完再 post 感想...
2008/9/17 (水曜日)
一朝早又去小學教英文， 今日同一位媽咪傾到唔同班有唔同嘅問題， 同樣係一年班， 一組有兩個去過吓外國嘅小朋友， 自自然然佢地啲英文都會特別好啲喇， 咁有啲令其它小朋友冇自信咁囉， 一組同二組嘅反應又真係幾唔同...
下晝用咗唔少時間喺 lab 吹水， 唔同嘅人對笹瀬先生都會唔同嘅睇法喇， 唔。 呢類話題唔太想講， 但偏偏又係切身嘅問題， 冇辦法喇。
近來有好多濕碎嘅 mistake， 好似一朝早記錯日子走咗去掉垃圾， 夜晚又唔覺意買咗鑵毒嘢飲（唔係毒奶， 不過係間毒品公司嘅產品）， 夜晚煲飯時又唔記得開制喎... 搞乜鬼...
就快 in 份 parttime 喇， 俾多少少時間望下個 API 先
Workrave
係時候休息一下喇！
最近為咗等自己知道自己有幾多時間做嘢， download 咗一個叫做 Workrave 嘅 program: http://workrave.sourceforge.net/， concept 上幾簡單， 呢個 program set 咗三個 timer, 一個 micro-break, 一個 rest， 一個 day limit。 呢三個又係乜嘢呢？
- Micro-break：每隔一段短時間停一停手， 俾自己一個好短時間嘅 break
- Rest： 比較 micro-break 長嘅一段時間， 主要係等自己可以去個洗手間， 沖杯咖啡， 同埋做少少運動咁 （有埋 image 教你點做）
- Day limit: 唔駛講， 一到 day limit 基本上係時間收工喇！
呢個 program 嘅主要目己係防止或者協助 RSI (Repetitive Strain Injury， 重複使力傷害)， 即係係咁打字或者郁 mouse 都會引起嘅問題喇。 簡中俾啲時間自己休息一下， 拉一筋咁， 有意識咁去做的話， 只要時間 set 得好嘅話應該會對避免損傷有幫助？
不過自己平時反而就係休息太多喇， 結果用呢個 program 好似有點點相反 purpose: 提醒自己未夠鐘唔好休息？ 哈哈。 咁都幾有趣嘛。 點用法就隨個人喜好喇！
2008/9/16 (火曜日)
一朝早起身前發咗個怪夢， 夢見一個自己幾在意嘅人帶咗自己去佢屋企， 唔記得點解喇， 不過去到佢屋企時佢竟然開始食煙！ 唔好呀！！！ 跟住醒咗.... 呢個夢究竟乜嘢意思呢？？
平靜嘅一日。 返到學校， 冇乜人， 笹瀬先生已經返咗 lab， 不過好多其它人冇返。 好靜， 可以幾專心做嘢。
Download 咗之前用過嘅一個 program Workrave ， 好簡單嘅一個 program， 另紙介紹。 不過對自己嘅好處嚟講， 與其係定時定候休息， 其實有少少倒番轉頭， 係等自己意識一下時間呢樣嘢， 知道自己用咗幾多時間做嘢， 集中咗一陣寫個 function， 原來先用咗十幾分鐘， 咁快想抖？ 換轉之前一定去咗雲遊， 不過有個 program 之後， 唔， 努力到個 program 提自己休息先算啦！
2008/9/15 (月曜日)
放假， 留咗喺屋企打魔界戦記... 玩到咁上下唔覺意㩒咗個 "quit without save"嗰個 menu， 呀.... 成朝喺度做緊乜鬼....
休息一陣， 學咗少少關於 OpenSocial 嘅東東， 始終坐喺部電腦前面嘅 part time 比較啱自己喇。 俾心機試下先得。
2008/9/14 (日曜日)
明明星期日， 不過實在冇錢 orz.... 所以去咗試下做一份低技術 part time(始終時間彈性夠大係唯一嘅好處)
一早起身， 出發去金沢... 在一間金屬廠， 主要就係幫一間電子公司（好鬼出名嗰間呢， 四個英文字母）嘅 digital camera 做打磨， 就係放個瞉入部機， 做完面做底， 一個 process 四個人， 出入／底面啱啱四個 combinations， 於是就不斷重複同一個動作.... 錢原來真係幾難搵。
整個過程唔駛用腦但係又要集中， 不過都有空檔諗下無聊嘢喇， 最諗唔明係今日其中一個同事究竟係男仔定女仔嚟呢？ 外表中性， 把聲點聽都係女聲， 但其它嘢又係男仔喎... 結果收工時都冇一個確實嘅答案.....
返到屋企， 散哂！！
2008/9/13 (土曜日)
羽毛球， 竟然見番好耐冇見的 C くん！ 以為佢返咗馬來西亞唔會再見到佢啦， 點知突然間出現。 有趣有趣， 佢最大問題係食煙喇， 其它嘢其實都幾啱。
唔， 冇錢， 早啲返屋企算喇。
2008/9/12 (金曜日)
成日喺大學做埋啲無聊嘢， 嘗試 upgrade Xorg， 結果失敗， 仲要搞到兩頭唔到岸， 上不到天下不掂地， 成日就喺學校掙扎喇。
尋日提到嗰位有名人真係打咗電話嚟， 一嚟就問今晚食飯得唔得， 唔。 今晚要上堂喇， 冇辦法， 不過佢留到 23 號， 應該都仲有機會啩？
廣東話班， 本來諗住 worst case 可能得一個人， 結果竟然嚟咗四個人， 其中兩位係新學生。 新學生嘛， 好多時嚟一次之後就唔見影， 不過今次其中一個幾有機會以後都見到佢喇。 睇嚟都會幾開心？ 有少少期待...
2008/9/11 (木曜日)
好耐冇去嘅木月小， 繼續教英文， 其中 volunteer 那位媽媽提到 “Alex 你不如考慮一下教小學？”， 佢見我同啲小朋友玩得好埋咁嘛， 講真都係一個唔錯嘅選擇嚟㗎！ 不過真係教起上嚟嘅話個責任真係幾大， 講真， 我都唔覺得自己可以擔起呢個責任....
Anyway 返 Lab... programming,... 一部份人去咗 conference， 幾靜... 轉心嘛... 一般啦。
下晝， 一個啱啱喺香港忙完嘅有名人（乜人就自己諗下啦， hint:上個禮拜有乜忙？）經一位朋友（我上次幫手傳譯那位老細）拎咗我 contact， 可能會搵自己食飯... 唔， 呢個有名人以前喺街到見過， 不過就冇諗過有機會同佢食飯喇。
2008/9/10 (水曜日)
見 part time
最近真係冇錢， 開始行最後一條路： part-time， 之前做嘅 part-time， 多數都係以興趣為主， 教英文教廣東話同埋去 exhibition 做傳譯等， 全部都係可以 enjoy 個過程， 不過最近想搵呢類 part time 都唔見多， 加上時間又唔夠彈性， 於是諗， 不如試下做日工啦？ 每日做完就算， 簡單工作， 不過人工唔高， 時間上應該容易就嘛？
上網 apply 咗其中一間公司， 就近就有間營業所嘛， 唔駛煩。
夜晚就走咗上去做登錄， 冇乜特別嘢要寫， 係咁易問咗幾句， 唔， 睇下情況啦。 可能今個禮拜就開工都唔定。
2008/9/9 (火曜日)
冇咗一隻牙之後...
尋晚基本上都係冇食嘢， 除咗食咗兩包啫喱之外咁。 另外因為瞓得唔好， 起身都完全唔夠精神。 成個人完全唔係狀態。
冇計， 好在牙已經唔係太痛， 吞口水時有少少痛咁囉。 唔理喇。 有嘢就食， 少少痛都係咁話， 唔通唔食嘢咩， 冇可能㗎嘛。
之後都唔係狀態， 但都要開始做啲嘢， 同埋試下 apply 一啲 part time， 再唔做的話就乾塘喇。 開講有話好天斬埋落雨柴， 而家其實已經陰天喇， 再唔斬嘅話真係隨時要搵武富士（財務公司）...
夜晚又去咗牙醫度， 純粹消一消毒同埋問一問尋日嘅情況， 成個過程三分鐘都唔過， 最後埋單仲要係 120 円（啱啱買到一鑵咖啡！）
結果今日就無所事事咁過咗， 望住幾日後的 deadline， 真係唔知趕唔趕得切....
2008/9/8 (月曜日)
Alex vs 女牙醫 （被㩒住嚟打）
日抖留在屋企魔界戦記， 出街又做唔到幾多嘢， 返 lab 又可能見到巴斯光年， 諗起都冇乜心機添。 不過都係藉口多喇， 懶就懶 ....
夜晚去咗睇牙醫， 剥智慧齒喇。 上年剥咗上面兩隻， 今次下面一隻， 另一隻最後大佬唔知幾時出嚟， 去到坐底時， 牙醫姐姐就話
咁今日就會同你剥智慧牙㗎喇
一時間未有心理準備...
えっ、今日剥呀?
定係你想遲啲剥？
可唔可以講吓隻牙嘅情況先？
有唔少部份入咗牙肉， 睇怕都唔可以就咁剥喇， 應該要鋸咗上面一部份， 之後再逐步拎出嚟
聽到呢度都覺得想死， 陸續有嚟...
因為下面有一條粗神經， 同埋因為要鋸開少少骨嘅關係， 睇下腫就冇得避㗎喇， 至少呢個禮拜食嘢同埋講嘢都會有問題， 至於幾時好番就因人而異喇， 有人超過一年都未好番...
其實佢係唔係想殺咗我？！ 聽到呢度真係有啲寒....
心口突然間出咗個勇字， 呢排唔駛點返學校都得， 好多時間都唔駛點見人， 所以呢個時間剥就點都係最好喇。 死就死！ 一點頭之下就正式開始....
過程應該都要唔少時間喇， 又要鋸喎。 麻醉咗之後都好仲痛㗎， 不過痛都係其次， 一堆唔知乜嘢（當時對眼矇住乜都唔知）喺個口到郁嚟郁去喎， 食多少少嘢都隨時嘔哂出嚟。 最奇怪嘅係點解呢位女牙醫可以咁大力㗎呢？
掙札一輪之後， 聽到一句
剝咗喇
えっ……？ 剝咗乜？ 助手拎開那塊矇住自己對眼的毛巾之後， 旁邊有一隻完好無缺的大牙， 唔？
今次總算唔駛鋸骨都可以剝到隻牙， 總算冇大問題喇。 咁今晚記住....
之後一大堆注意事項， 同上年一樣嘅內容所以都冇點集中聽， 反而腦裏面仍然懷疑係唔係今日真係搞掂咗， 但見到嗰隻牙又的確拎咗出嚟...
う……ん
まあ、いいか
結果返到屋企都係啫喱套餐， 麻醉過咗之後有啲痛， 加上個口裏面可以當膠水嘅口水， 好唔舒服， 早啲瞓.... 但都係瞓唔着， 起身， 兩點半... 平時呢個時間都未瞓喇。 呀， 唔理咁多， 食粒止痛藥當安眠藥喇。
2008/9/6 (土曜日)
戦利品:
らき☆すた 6 ゲーマーズ限定版
オフィシァルファンブック らき☆すた こなたの方程式
好耐冇打嘅羽毛球， 不過今日好鬼少人， 得會長， 新咖坡人同埋佢嘅一個朋友， 唔， 講真， 好無癮。 會長都冇乜問題， 不過嗰個新咖坡人真係好鬼煩， 冇錯佢係打得好好， 但係冇人有記憶搵過佢嚟做教練， 技術上就算有進步， 不過打波嘅樂趣一下冇哂。 下次仲係咁都要認真諗下... 唔單止打波， 之後食嘢方面又係咁， 吹水又係咁， 完全唔啱 channel， 唔， 好難夾的一個人。
真係好攰， 返屋企打機睇書好過....
2008/9/5 (金曜日)
ギフトショー その四
戦利品:
ギャラクシーエンジェルII 天使の羽休め 2
Gift show 第四日， 最後一日。 好忙。 不過反而有滿足感。 呢幾日嘅客多數都係唔覺唔覺行到過嚟， 好偶然的遇到嘅客。 而今日就有一個客係專登走嚟， 一間做 OEM 的公司， 正正想搵我幫手呢間公司嘅 product， match 到正一正。 傾咗唔少嘢， 問到一啲電子嘢時， 開正老細嗰範， 呢單應該係四日嚟做大機會嘅一個客喇， 之後會點樣的確非常在意呢。
完場， 快快手手的執嘢， 今次同上年唔同的， 主要係唔駛見到大陸那班黄蟲， 上年真係頂佢地唔順。 今年慢慢執， 執完走人。
同老細去附近食啲嘢， 唔客氣咁叫了碟青口， 好得！ 跟住老細那碟炸蟹仔， 望落幾好食， 破禁食咗一隻， 唔， 唔， 普通啦， 不過果然係敏感， 好快就出事， 不過一小隻冇問題咁解喇。
2008/9/4 (木曜日)
ギフトショー その三
Gift show 第三日。 今日都終於比較忙喇。 多咗唔少客走嚟問嘢， 其中有啲都幾有 potential， 老實講幾多單生意做得成同我冇直接關係， 我都係收咁多人工， 不過見到有幾個有 potential 的客， 事實上都幾有滿足感喇。
返到屋企， 好攰， 冇幾多戰鬥力剩....
2008/9/3 (水曜日)
ギフトショー その二
第二日ギフトショー， 算係習慣番。 比起第一日嚟講算係忙咗少少， 不過 overall 都算係清閑喇。 下晝叫做多幾個客咁囉。 亦都開始同隔離左右多咗幾句， 算係唔錯。
不過最大問題係... 成日都企企到有啲攰喇！ 攰都唔緊要， 坐底咪可以休息囉。 不過一坐底啲人好似就會有興趣嚟八吓， 到時唔企唔得， 結果又坐又企， 不如一直企喺度算喇...
ギフトショー完咗之後直返屋企， 唔理咁多喇。
2008/9/2 (火曜日)
ギフトショー その一
上年都去過的 part time， gift show 是也。 主要是幫手做傳譯同埋幫手 sell 吓客咁。 幾輕鬆。 而且見返上年嗰個老細鍾生同佢太太， 今次應該都會幾順利喇， 始終難得夾吖嘛。 Anyway 一早去到東京ビックサイト(Tokyo Big Sight)， 嚟到呢度始終都係諗起コミケ....
Anyway 到咗之後第一件事就係搵咖咩。 好重要， 唔係會死人。 不過一直都鍾意飲嘅 Georgia Espresso 唔見影， 真係好失望囉。 唯有忍痛買咗鑵 Blue mountain 頂住先。 唔飲的話應該會中途死喺會場...
開始一日的 parttime， 今次有兩樣嘢同上年好唔同， 第一係今次鍾太都嚟咗， 多個人多分熱鬧， 都幾好傾嘅一個人， 而另外就係今次 TDC 嗰邊安排了無線 LAN 上網， 所以鍾生一面擺攤位之餘， 亦都要不斷的覆 email 等等， 都幾忙， 不過都有時間傾唔少嘢喇。
ギフトショー詳細搵個機會再講喇， 始終都係第一日。 Anyway 都好快咁完咗， 直接出去恵比寿會合兩個以前別科嘅朋友， 一個香港人一個泰國人， 以前唔同班又唔係成日見， 不過都間中一齊去食飯咁囉。 三個人去咗間韓國餐廳， 本身諗住應該會好辣， 叫定杯水坐陣， 不過， 唔？ 又唔係太辣喎， 去到好後先至飲完杯水， 果然係日本風 arranged 韓國料理喇。 有趣有趣。 不過主菜就當然係水啦， 吹水個水吖嘛， 好耐冇見嘅朋友， 有時擔心冇話題， 但係點知由近況到泰國政治都講得一餐， 乜自己咁健談㗎咩？？？
今次可惜朋友 A ちゃん返工返得夜冇機會一齊食飯喇， 冇計....
2008/9/1 (月曜日)
返到學校都已經遲到， 唔， 打機打得太夜？ 不過真係停唔到手嘛。
今日雖然名義上係返學， 不過實際都唔係做到好多嘢， 都係處理學校嘅雜務居多， 唔， 都冇辦法喇， 聽日開始連續四日會去 part time， 所以都唔理得咁多喇。
夜晚繼續打機， 冇乜特別， 不過聽日要返 part time， 早少少瞓喇。