2009/1/31 (土曜日)
羽毛球日。 本來今日其實有 B4 嘅學生嘅 presentation， 不過， 唔， 聽唔聽都係咁， 無謂浪費自己時間喇。 有時間去打吓波仲好吖嘛。 不過今日可能冇食飯， 所以真係完全冇力打波囉。
Anyway 去吹水， 唔知點解講到鍾意邊類型女仔嘅問題， 唔， 唔， 要答其實限定咗一個答案喇， 不過反正講都唔明， 如果以有名人嚟講就係眞鍋かをり， 又或者係水樹奈々喇， 尤其最近成日都聽奈々ちゃん嘅歌同埋睇佢個 blog 囉。
之後去咗同朋友 P ちゃん食飯， 都真係唔知係點解會同呢個人可以傾到五個鍾頭計囉。 點講好呢， 好多時同冇戀愛感覺嘅異性都可以傾好耐計， 而且好多時都唔知點解會傾到幾深入嘅問題（但又唔係話識咗好耐㗎喎）。 真係奇怪。 有戀愛感覺嘅話， 真係好多時唔知由邊到講起好， 無限嘅 dead air， 可能真係太在意講錯嘢同埋有少少收埋自己喇。 唔。 呢方面真係要檢討一吓自己先得。
2009/1/30 (金曜日)
朝早返到去學校聽呢個修士論文同埋中間報告， 其實真係悶到飛起。 不過都要出席嘅。 Anyway 都係拎部 notebook 去做自己嘢， 所以都冇乜特別。 唔。 但係個 Keiomobile 就硬係 connect 唔到， 鬼咩？ 對面研究棟幾十個 cell 對過嚟， 剩係 NKGW 都四五六個， 咁 interfere 法 connect 到就有鬼。
完咗之後返返 lab， 做少少嘢之後無無聊聊咁過， 唔。 又夠鐘去廣東話班。 不過， 自己果然厲害， 又落雨。
廣東話班今日剩得三個人， 冇計， 聽吓歌吹吓水咁， 今日準備嘅教材都冇用到。 冇所謂喇， 下次先慢慢用。 有機會練吓會話都唔錯嘛
見少人所以去咗食粥， 等咗陣先有位， 個店員都算幾醒， 整碟餃子 service， 哈哈。 呢間嘢最鍾意嘅始終都係碟炒豆苗， 其它嘢就冇乜特別啦。 不過最唔開心嘅係， 走嗰陣時發現把遮唔見鬼咗！！！ 嗰把遮係當時去京都時落大雨買㗎嘛！ 真係... 好唔開心囉。
唔開心都冇計， 見有時間再去飲杯嘢， 個店員最初都冇留意， 不過原來散發出嚟嘅オーラ都幾嚇人.... 雖然望落都幾 cute... 好驚... 最初我仲要同佢講“唔係凍朱古力係熱朱古力喎？”，， まあ、いいか。
2009/1/29 (木曜日)
最後一日去日吉幫手， 不過今日都真係流流長喇。 尤其最後一節， 90分鐘嘅考試， 二十分鐘就 check 哂學生証， 平時就等一陣開始收早走啲人嘅試卷， 不過呢當個 professor 唔俾人走， 交白卷唔得， 係唔係都要寫啲嘢喎。 結果好長時間乜嘢都做唔到。
夜晚， 一個好耐都疑問算係解開咗（一半）， 不過呢， 呢個世界有時有啲嘢唔知好過知。 疑問依然係有， 我都希望係一個技術上嘅問題囉。 Anyway 要多謝 A ちゃん喇。
2009/1/28 (水曜日)
赤口
繼續去日吉キャンパス做 parttime， 過程都總算順利。 Anyway 真係唔做啲 part time 唔得， 下晝又收到個 email, 話下年又減 scholarship， 唔， 呢個時勢都唔係唔明嘅， 自己係既得利益者， 當利益有損就緊係唔開心㗎喇。 不過點解唔可以減吓個人數呢？ 有時啲嘢貴精不貴多嘛。 Scholarship 減咗， 自然吸引力低咗， 最後 quality 整體應該都會低啲。 唔....
2009/1/26 (月曜日)
繼續考試監督補助嘅工作， 已經做到熟哂囉。 不過都係手辦眼見嘢， 都冇乜特別嘢好講。
之後返番去矢上キャンパス， 冇計， 夜晚有 meeting， 今次嘅 GCOE meeting 算係冇之前咁長， 不過無論點講都好都係好眼瞓囉。 有啲想死嘅感覺... 好在山中先生講嘢都幾得意， 唔係一定瞓著。
都幾平常嘅一日。 平常... 咦？ 今日年初一， 差啲唔記得， 恭喜發財利是來... 但係冇人聽到。 唔緊要， 過幾日返香港先算。
2009/1/25 (日曜日)
打邊爐＠Ｙ宅
今日去其中一個廣東話學生嘅屋企打邊爐， 本來有七個人， 但係有兩個人放飛機， 冇辦法啦， 剩得五個人。 不過其實嗰兩個人都未見過， 唔緊要啦。 Anyway 首先喺渋谷買咗啲嘢食先， 醬爆丸同埋貢丸真係唔係到到都有得買嘛。
去到中野， H 君遲到， 冇計啦， 不過到 H 君嚟講另外三個人都係第一第二次見， 而另一個朋友 I さん就更加三個人都第一次見。 五個人， 兩個香港人， 三個日本人， 幾有趣嘅 combination。
自己煮嘢食都幫唔到乜嘢手（應該話， 剩係切嘢冇嘢好幫）， 結果就幫有 set wireless LAN， 執豆咁執啦。 簡單。 好快就有得食， 兩個鍋， 有辣有唔辣， 兩個都好好食， 仲有貢丸有爆醬， 完全係港式打邊爐囉。 Anyway 全部人好悠閒咁食。 星期日嘛， 悠悠閒閒， 吹吓水玩吓貓咪幾好。
話咁快就完咗一日， 跟住去咗渋谷飲嘢， 但係中途突然覺得好眼瞓， 唔掂， 死得.....
2009/1/24 (土曜日)
試験監督補助， 冇計啦， 要搵錢買機票嘛。 結果一朝早就開始做， 做到下晝收工。 收工後返屋企 set notebook。
大部份嘢都 set 好哂喇。 可能之前 set 過好多次啦， 今次隨咗最初 ethernet 有少少問題之外， 完全係好順利囉。 一路 set 一路 set 都完全冇問題， 自己都諗唔明點解。 Anyway 搞得掂就冇問題啦。
2009/1/23 (金曜日)
係咁 set 部機 set 到五點幾先嚟瞓， 結果一瞓就瞓到十二點先起身.... orz..
返 lab， 跟本都唔係做 research 嘢， 印吓廣東話嘅 notes， update 吓 Opensocial 啲嘢， 跟住都差唔多夠鐘去廣東話班。
今日嘅廣東話班又係喺交流コーナー。 人數都算係啱啱好啦。 不過繼續語尾， 果然係好難說明囉。
去ファミレス食嘢， 隔離兩個女人係咁煲煙。 整鬼妳哋嚟食飯定飯煙㗎！ 臭到死。 另外都係不斷咁吹水。 之前同 A ちゃん講過少少嘢， 唔， anyway 今日冇提到， 太多人嘛。
繼續 x200 setup， 大部嘢都 OK 喇， 跟住係啲細部嘢咁囉。
2009/1/22 (木曜日)
繼續 development 嘢， requirement 大概都搞掂喇啩？ 總之做咗成日嘢啦（雖然其實都係悠悠閒閒）
返到屋企， 見到張字條話有貨送嚟， 哦！ x200 嘛！ 跟住即刻上網叫佢聽朝送嚟， 點知冇幾耐就即刻有人㩒鐘！ わいわい！ 嚟到喇！ 真係快手囉。 終於有新 notebook 喇！
第一件事要做嘅當然係 install Gentoo 啦， 不過個 LiveCD 嘅 network 唔係好 work... 撞鬼。 冇辦法。 用 Ubuntu copy 咗啲 installation files 先算。 個 base 快快手手裝咗先算。 唔理咁多！
結果裝到五點幾.....
2009/1/21 (水曜日)
一日嚟講都唔算太多特別嘢， 係咁做番 development 啲嘢， 都咪話唔少嘢， 開始覺得好眼瞓囉。
部 x40 開始準備退役， 用 grub boot 番個 recovery partition， 不過真係估唔到原來個 recovery 係唔會掂個 MBR， 結果原本 Linux 嘅 boot partition 佢就洗咗， 但係個 MBR 依然係 grub， 結果都係 boot 唔起部機.... orz...
呀， 今日係奈々さん嘅生日喎! おめでとう！
2009/1/20 (火曜日)
返學校處理雜務， 一到年尾（學年尾）就咁多呢啲 report 要交， 都唔明呢啲嘢點解唔搵個 database 裝起佢， 人人可以 query 咪方便囉。 搵嘢嚟做。
最近笹瀬先生身體狀況唔算太好， 但係依然搏哂命咁做嘢， 真係唔可以唔講個服字。 下個月好似會去做個小手術， 希望唔太大問題啦。
Anyway 笹瀬先生今日吹水時提到點樣“用人”嘅問題。 其實真係冇乜諗過， 雖然自己係懶， 不過講真對自己能力幾有自信㗎。 所以一般嚟講啲嘢都係自己做居多。 不過有時冇咁多時間做， 而下面嘅學生有時又冇乜 idea， 不妨搵佢哋幫吓手？
好， 繼續做嘢先。
2009/1/19 (月曜日)
朝早等人送嘢嚟， 等咗好耐， 先等到個火牛送嚟， 尋日嚟咗個 filter， 今日嚟火牛， 但係部主機就仲未見影。 等佢埋位呀！
返學校做嘢， 唔， 進展唔錯（part time 嘅）， 不過今日去得學校都唔係太多時間可以用。 算數， 集中起上嚟有時真係可以幾有効率， 雖然自己長期都處於唔集中嘅狀態。 點樣提升集中嘅時間應該係一個幾大嘅課題。 唔理咁多， 做！
夜晚去買個新腳架， 之前嗰個有啲鬆， 新嗰部相機放上去隻腳隨時縮番入去。 之前借腳架俾朋友時佢都有咁講過㗎喇。 不過一做實驗發現真係出事囉。
好眼瞓...
2009/1/18 (日曜日)
朝早一直都喺屋企等送貨， 結果嚟到嘅只係得一個細到唔細嘅 display filter， 仲要用鬼咁大個箱裝住， 真係唔明。
之後再休息一陣， 去渋谷 join 一班波友。 今日去一間韓国料理食， 要等位， 等埋遲到嗰三個人其實都唔算等咗好耐， 不過分開咗兩張枱， 冇辦法。 Anyway 嘢食比想像中好， 唔錯唔錯。
之後去 Cafe 坐， 剩得吸煙區， 真係幾辛苦， 不過可以吹吓水都唔錯嘅。
2009/1/17 (土曜日)
羽毛球日。 今日有幾個人冇到， 但係有幾位新朋友， 所以好鬼熱鬧囉。 成十個人， 加上一啲唔識嘅人用咗另外兩個場， 所以真係好迫。 不過其中一個人真係打得幾好。 唔， 自己嘅 ranking 一路跌緊。 唔緊要喇。 咁先過癮嘛。
之後因為東大今日センター試験， 所以入唔到， 冇辦法唯有去附近嘅 Cafe 坐吓。 都係吹水啫，
返屋企， 食完嘢， 好眼瞓， 瞓咗陣又起身做吓嘢， 睇陣電視， 死亡....
2009/1/16 (金曜日)
返 lab 準備吓廣東話班嘅嘢， 同埋做吓少少 research 嘢啦。 要交 report 嘛。 不過寫內容唔緊要， 之後要慢慢執 format， 執 format 都真係唔緊要， 好正常， 不過係嘅話唔該唔好用 MS Word 啦！ 幾乎百份之九十九到頭嚟個 format 會一糃糊塗囉。 都唔緊要， 有個 lab mate 話用 word save 好個 file， 去到笹瀬先生嗰度開唔到， 哈哈， 咪就係成日遇到嘅 Word 之間嘅 compatibility 問題囉。 好用唔用， 自己攞嚟衰。
唉， 都總算搞掂啲嘢。 攰都攰死。 跟住聽 L 君嘅 presentation， 老實講， 唔係好掂， 咁落去真係自殺式襲撃。 唔， final 之前幫佢睇吓啦。
之後廣東話班， 繼續上個禮拜嘅語氣助詞， 一字記之曰難！ 自己都真係唔知點教， 一片混亂， 唔， 唔， 再認真諗吓可以點樣改善啦。
之後吹水， 吹咗好耐， 出咗句名句：「我諗我大丈夫嘅」， 唔， 唔， 唔。 其實喺呢個日記我都成日打類似嘅半日半廣嘅嘢㗎啦， 有時同 E さん傾計時都係咁講。 不過佢哋唔知點解可以笑到肚痛囉。 まぁ、いっか。
2009/1/15 (木曜日)
平平靜靜咁返 lab 做嘢。 今日都真係算做天下太平嘅。 做少少嘢咁。 反而有少少擔心 Madu 太， 唔知有冇事...
之後去咗渋谷， 同 E さん吹吓水先， 好似係理所當然咁， 不過其實之後都冇乜機會喇。 三月都仲有少少時間可以咁吹水， 不過之後唔飛去福岡都幾難。 唔， 不過未去過嗰邊， 有機會都想去吓嘅。
之後再會合埋 R 君同埋 A さん， 四個香港人吹水。 佢哋兩個就好多股票嘢講喇， 我同 E さん都冇掂所以都一頭霧水。 E さん點諗我唔知， 不過自己其實試過轉幾次話題㗎， 都係唔成功。 唔...
Anyway 間餐廳嘅帆立貝簡直係絶品， 冇得彈。 不過冇 drink bar， 轉戰去第二個地方飲嘢， 周圍都好多人， 最後只有去番 Mark City 嘅一間 coffee shop， 講吓東講吓西咁啦。 可能因為耐冇見嘅關係， 有幾樣嘢一聽都覺得好震撼， 例如 A さん嘅退學說... 之前仲講咗咁多入唔入學， 入學之後諸般事情之下退唔退學， 最後今次又好似決定退學。 中間好多細節嘢我都唔同意㗎喇， 不過既然佢咁決定我都冇嘢好講， 好頭好尾囉（個頭都唔多好㗎喇）
2009/1/14 (水曜日)
好難得， 平時就算早起身都唔會特別早返到學校， 不過今日竟然做到第一個返學嘅人， 少有少有。 返到學校， 其實有少少魂不附體， 不過都係咁寫 code， 完全入咗寫 code mode， 都好， 好過傻更更望住個 monitor。
下晝同 R 君同埋佢一個馬來朋友（唔記得咗叫乜嘢名添）食飯， 第一次見面嘅朋友， 互相了解吓咁啦。 不斷咁吹水。
食完飯飯氣攻心， 已經去到完全做唔到嘢嘅地步， 算， 休息吓先。 反正之前份 report 都算係寫好咗。 不過係啲 code 想盡快搞掂佢。 進度都算係咁啦。 之後做埋啲 database 嘢， 應該會好啲啩？
夜晚返到屋企， 抖咗陣之後繼續寫 code， 突然間咁勤力都有嘅... 都係好事嚟嘅。
呀， 仲有， 生日快樂呀！
2009/1/13 (火曜日)
返學返學。 之前懶咗幾日係咁玩。 返學校做番啲 research 嘢， 集中集中。
不過去到下晝都見唔到 Madu， 有啲奇怪， 今日應該要上堂㗎？ 但係遲遲未見。 之後終於返嚟， 原來有件大事發生喺佢身上， 暫時都好多嘢未清楚， 所以都唔講得太多喇。
今個 sem 最後一堂 GCOE lecture， 真係唔係好明佢哋講乜添。 算啦， 反正佢哋都係求其咁搵人返嚟教， 後來有 course evaluation， 自己諗番都覺得寫得太盡。 唔緊要喇， 都係照事實寫。
夜晚寫 application， 唔， 原來有幾多嘢都幾好玩㗎喎。 不過仲要唔少時間寫添。
2009/1/11 (日曜日)
本來諗住留喺屋企做嘢， 不過係就係留喺屋企喇， 但係就不過係瞓覺， 同埋打機， 同埋聽番光明頂嘅 archieve。 係咁升 level， 升到悶悶哋就瞓， 結果就冇咗一日。 Anyway 魔界戦記終於都有天使兵用喇。 全體能力都唔錯， 凡用型嚟覺都算係幾好用。
2009/1/10 (土曜日)
好耐冇打過羽毛球喇。 今日仲要晨咁早就出門口， 去到渋谷諗住夠時間可以行過去啦， 點知行錯路， 好似差少少去咗池尻大橋嗰邊咁... 哈哈， 都係唔好亂行。 今日打波有位新 member， 幾 nice， 而且幾好波， 唔錯唔錯， 新一年， 一個唔錯嘅開始。
之後因為唔知部 Palm 去咗邊， 返一返學校睇有冇留低， 結果見到台灣同學一個人喺度努力... おいおいおい， 禮拜六呀， 唔駛咁搏命嘛？ 不過真係要寫個服字。 結果搵唔到嘅 Palm， 返到屋企喺自己個 bag 搵返出嚟.... orz...
之後休息吓先算。 搵番隻魔界戦記出嚟玩。 儲 level...
2009/1/9 (金曜日)
朝早返學校， 幫手接待一班韓國觀光團， 其實不過係 lab tour 裏面做一啲 introduction 喇。 佢哋分咗做 4 groups， 結果同一個 presentation 基本上要做四次。 都仲 OK 啦。 之後食飯， 呢班學生又幾鬼熱情㗎喎。 以前別科嘅年代時都已經識得一啲韓國人㗎喇， 不過最近嚟講身邊就真係冇乜韓國人。 同佢哋傾計都幾有趣喇。
之後做少少嘢之後就到 Z さん嘅 PhD defense， 唔。 其實上半部完全係瞓着咗囉， 之後就好少少， 瞓醒， 開始做自己嘢... orz， 咁係吖嘛， 佢嘅 present 都唔知聽過幾多次喇，做吓自己嘢都唔係好過份啫。 之但係個結果真係慘不忍睹， O先生嘅 comment 就一路係咁「分からない分からない分からない（唔明唔明唔明）」， 真係寫得咁唔清楚咩？ 連最後笹瀬先生都加咗句「修論レベルか卒論レベル (master 甚至 bachelor 論文 level)」。 哎呀呀， 唔知佢點算囉。
不過都唔理得咁多， 今日有廣東話班， 幾乎遲到。 今日 book 唔到房， 唯有去交流コーナー上堂。 另外好耐冇見嘅 M くん， 最近去咗美國做嘢， 今次返嚟日本放假， 特登浦一浦頭， 真係幾多謝佢。 佢啲廣東話， 雖然發音依然唔算好好， 不過溝通上唔成問題囉。 一年時間真係可以好唔同。
Anyway 上堂， 帶咗一啲香港買嘅手信返嚟（一啲喺超級市場隨手買到嘅糖類）， 反應絕好。 估唔到囉。 另外亦都係街邊隨手買嘅座檯 calendar， 又係好好反應， 又係估唔到， 呢班人真係唔可以用常識去推測。
之後去食飯， 主要都係 Photo show 喇。 今次喺香港加加埋埋差唔多影咗成千張相， 周生周太結婚嗰日啲相對佢哋嚟講固然係新鮮， 另外當我做香港遊客時影嘅相， 亦都好受落， 不過其中一個 comment 係“正常香港人唔會影呢啲相”， 於是偽香港人嘅稱號就更加確定.... orz... まあいいや。
2009/1/8 (木曜日)
朝早約咗一個小學生嘅家長， 之前去香港幫佢拎咗少少嘢返嚟嘛。 順手咪吹吓水咁囉。
之後返學校， 做少少嘢之後， 要準備少少嘢。 另外比較煩嘅， 係之前 M 君 vs 巴斯光年， 以 server admin 嘅立場嚟講， 我實撑 M 君㗎喎， 不過巴斯光年就係咁嘈， 總之就煩啦。
下晝 T さん嘅博士論文發表， 唔， 入到去， 一陣間就瞓着喇， 而且仲係毫無反應嗰種。 好似冇流到口水... 是但啦。
2009/1/7 (水曜日)
朝早起身， 晨咁早準備好出門口， 不過要等個郵包， 等等等， 等到差唔多十二點郵差叔叔先肯現身， 結果成朝都真係唔知做乜（打咗陣機囉， 隻森羅神馬終於都出現喇）
之後返學校， 又係做咗啲鎖碎事先。 跟住， 唔， 繼續個 Opensocial， 有啲進展嘅。 都算係咁喇。
夜晚返到屋企， 睇番上年自己駛嘅錢， 真係差啲嘔血... 乜自己駛咗咁鬼多錢咩？ 有啲仲要係點計都唔明先死。 冇辦法， output 多， 自然要多番啲 input， 除咗 development 之外應該搵多份穩定少少嘅 part time 喇...
2009/1/6 (火曜日)
戦利品：
ギャラクシーエンジェルII「永劫回帰の刻」ヒロインエンディングコレクション ANGEL MUSEUMII
好耐冇返過學校喇。 計計埋埋都應該有成三個禮拜。 雖然話上個月中係去台灣 workshop， 不過基本上都係休息 mode 喇。 返返學校， 冇乜人， 清咗一大堆雜務之後， 就開始發傻。 跟住食完飯， 諗唔到自己可以做乜， 決定執枱.... 都幾鬼多垃圾㗎喎。
之後都係半悠閒狀態， 睇吓 parttime 啲嘢。 唔唔， 有啲地方唔知點做， 又唔知可以問邊個， 唯有盡量 try and error 啦。 比想像中多嘢要諗添。
夜晚買咗今日嘅戦利品， 比預定早咗一日買。 好貴... 真係要慳少少先得， 又或者做番啲 part time 補數啦。 講番呢套 CD， 簡單講就係一大盒 single， 唔， 係咁嘅話其實一隻 album 理論上都可以裝哂啦。 真係識賺錢， 但自己又要落畳喎。 冇計啦， 真係好想聽嘛。 GA I 嗰邊真係一堆新歌， 而 GA II 嗰邊原來就係各主角嘅テーマソング， 耳熟熟咁。 幾好幾好。
2009/1/5 (月曜日)
今日要去買番個袋， 平時用開嗰個有時真係細咗少少， 唔夠用， 尤其要放部相機嘅話就唔得掂。 之前都喺 Muji 睇中咗個㗎喇...
行行行， 買咗個袋之後就去食個飯， 食完飯突然諗住去試相機， 於是去咗 MM21 喇， 影境影人都覺得同以前差好遠， 估唔到可以有咁大分別囉。 買咗部相機之後應該可以多好多免費娛樂喇！ 可以周圍去影相♪
影相之外， 最重要嘅就係俾相人睇喇， 之前一路都用開 booh 嚟 generate web album， 不過最近 ruby 嗰啲 library update 咗之後個 booh 基本上係唔用得嘅狀態... 横掂都係， 轉用 Picasa， 不過唔係佢個 web album， 而係佢個 HTML export， 再加埋一個 Picasa 用嘅 LightBox template ， 効果都幾好。 可以用埋嚟 replace 之前 booh 嗰啲喇？
2009/1/4 (日曜日)
戦利品：
ながされて藍蘭島 14
約咗廣東話學生 E ちゃん出嚟， 主要係拎手信俾佢喇， 去到大家都好熟嘅 MM21， 不過一見到佢， 帶住個口罩， 好似病咗咁， 唔， 冇計啩？ 啱啱返過岩手嘅屋企， 嗰邊好似大風大雪咁。
Anyway 應該唔係太大問題啩？ 去到之前提過嘅一間餐廳， 總之就好好食！ 個 salad bar 真係食到你死都得。 冇得頂！ 另外就係吹水（好似呢三日都不停咁吹水咁）。
食完嘢之後再行咗一陣， E ちゃん見唔太舒服， 聽日又要返工， 勉強冇幸福， 佢返咗屋企先， 自己就再喺 MM21 行咗陣就返去喇。
返到屋企死咗喺度， 唔掂喇... 起身之後睇今日嘅戦利品， 唔， 依然係好有趣喇， 不過まち嘅出場次數未免太少， 所以有啲不滿。 至於すずらん嘅古仔， 仲未完所以好難下定論， 初段都幾 OK 喇。 今期比較多嘅， 應該係一大堆奇異生物喇？
2009/1/3 (土曜日)
約咗 K さん出嚟， 諗住去参拜（初詣）， 不過就完全冇諗過去邊度， 結果 K さん就提議去川崎大師， 其實都唔知係乜嘢地方， 總之諗到就去啦， 唔理太多。
不過去到先知出事， 鬼咁多人， 真係明白乜嘢叫做 "People Mountain People Sea"， 撞鬼， 駛唔駛呀？ 係咁排係咁排， 排排排排排， 行吓停吓， 最後去到神壇之前， 掉個銀仔入去， 許個願（正確嚟講係許咗兩個願）， 跟住出返嚟， 呀？ 咁就完咗？
之後食少少嘢， 再去川崎嗰邊食， 話時話川崎駅一帶真係第一次嚟， 今次只係搵間舖頭食吓嘢咁， 唔係太特別。 志在吹水嘛。 講吓香港嗰幾日發生嘅事去過嘅地方等等， 都唔錯喇。
返到屋企認真執吓屋。 其實真係到咗一個幾難執嘅地步， 買咗唔少嘢， 又唔捨得賣喎， 堆咗喺屋企， 唔， 點算好... 唉， 執到就執...
今日嘅相， 有部份係用新嘅 S6000fd 嚟影， 認真唔錯， 望遠一流！ 手感亦都好好！
2009/1/2 (金曜日)
五點幾瞓， 整到一點先起身... 大件事...
點都好， 要出街買嘢。 買咗尋日睇中嘅 Fujifilm FinePix S6000fd 同埋個 TV Tuner， 好耐都冇睇過電視喇嘛。 不過都未有時間玩件玩具， 就俾朋友 P ちゃん叫出去食飯
今次 P ちゃん同埋佢一個朋友一齊， 兩個人今日啱啱去完瘋狂購物， 見到都有啲驚， 不過吹水都好開心喇。
夜晚返到屋企， 不斷咁玩部新相機， 唔， 要少少時間玩熟佢添。
2009/1/1 (木曜日)
新嘅一年就咁就開始喇。 不過瞓到都幾晏。 唔， 冇所謂啦， 今日又冇約人。 上年（其實即係尋日）聽到一件唔算太開心嘅事， 有少少 down 咁啦。 唉。
算算算， 新年唔好咁多怨氣。 諗太多咪搞到自己煩？ 出吓街周圍走吓， 睇吓有冇福袋買都好， 結果食白果喇... orz... 但係見到部中古嘅Fujifilm FinePix S6000fd， 有啲想買添...
之後其實都唔記得咗做， 就係 send message 喇。 之後 chat， chat 到五點幾先瞓...