2009/2/28 (土曜日)
好耐冇去嘅 badminton， 自己應該係冇遲到， 不過唔知點解其它人好早就到咗囉。 冇所謂喇。 好耐冇打， 加上連場激戰， 有少少體力透支。 人老咗係咁㗎喇。
之後慣例嘅イタトマ， 食咗個加底意粉， 另外自己帶咗鑵曲奇做手信（其實唔係我買， 我家姐買）， 好多人都話好好食， 不過始終太大鑵食唔哂囉。 結果尋日又係咁， 今日又食咗好多塊。 好食嘅嘢食得太多都唔得掂㗎嘛。
散場之後返屋企休息， 不斷咁打機... 隻 TOW2 都仲有排可以玩。 最大問題係太多 character 要升 level， 不過其實都係やりこみ， 所以都係咁打㗎喇。 而且話就話儲 level， 比起以前好多 game 嚟講算係唔駛咁多時間升 level 㗎喇。
2009/2/27 (金曜日)
繼續同份 paper 死過。 不過都仲係 simulation 階段。 唔， 唔， 睇怕 deadline effect 都差唔多嚟料喇啩？
夜晚廣東話班， 唔， 好耐冇上堂喇。 感觸良多， 不過都係擺埋一邊， 專心上堂。 今日有一位新學生（不過唔知之後會唔會嚟囉）， 學咗兩年嚟講都算幾好咁， 唔， 如果佢 regular keep 住嚟上堂嘅話都係一件好事喇。
2009/2/26 (木曜日)
戦利品：
ＫＣＭ 限定版 魔法先生ネギま！ ２５
返到學校， 今日去 interview 一份 part time， 不過得嗰十分鐘， 其實都真係唔知佢可以問啲乜嘢， anyway 先去準備一吓。 結果去到就係吹吓水， 講吓工作時間， 真係一啲幾表面嘅問題， 照咁睇應該都冇問題喇， 遲啲會收到通知。
之後去食飯， 撞到朋友 O さん， 結果就同埋 Madu 三個人傾咗兩個幾鐘計， 撞鬼... 係咁講咗一啲 GCOE， 學校， 日本嘅問題， 真係幾多， 不過有啲問題係佢哋唔太識日本語， 所以我都唔係太明佢哋感受喇。 唔。
之後寫 program， 唔， 進度只可以話係一般， 真係唔太集中到精神。 點算好呢？
2009/2/25 (水曜日)
返學校， 做完手術嘅笹瀬先生返咗學校， 佢話體力都仲未回復得哂， 不過睇落冇問題就應該可以放心啩？ 之後仲識得講笑， 講吓慶應病院啲護士幾靚等等。 哈哈。
做嘢， 唔係太有心機咁。 唔， 幾大鑊， 下晝食 lunch 仲要吹水吹咗好耐...
返屋企係咁打機。 おいおい。做嘢喇！
2009/2/24 (火曜日)
朝早起身， 做咗少少雜務之後， 唔知點解已經九點幾囉。 返學去。
返到學校都冇乜人嚟， 呢個時候理論上係最可以集中精神做嘢喇， 自己就係咁執咗啲 code 佢， 同埋順手就做少少雜務咁（真係幾鬼多雜務要做）
夜晚又約咗朋友 P ちゃん， 同佢去買少少嘢， 順手去埋食飯咁囉。 去到ジョイナス嘅銀座ライオン， 成日都見嘅一間舖頭。 老實講味道一般啦， 但係點都唔講得上好食囉。 而且真係隔成條街都聞到煙味， 朋友竟然話聞唔到， 我都真係幾勁囉。
返到屋企， 用尋日喺學校部機拆出嚟嘅 CD-ROM 幫部舊 notebook 做 recovery， 準備拎去賣。 keep 咗咁耐冇病冇通都算係咁喇。
2009/2/23 (月曜日)
回復正常嘅日子， 正確啲講應該話要玩嘅都差唔多玩哂。 要認真做嘢， 尤其係 parttime 同埋個 research，返學校一口氣清理咗幾樣雜務佢先。 跟住就搞掂埋份 parttime 嘅 documentation。
下晝做 research 嘅嘢， 改改 programming 嘅 code， 要做 simulation 嘛， 之前有啲嘢做開， 唔好浪費， 應該都用得返。
夜晚約咗兩日前先識嘅吉川先生食飯， 去到渋谷嘅一間新開嘅打邊爐。 早咗幾分鐘去到， 一入到去第一件事望到係間舖頭好靚， 第二件事即刻跌返去谷底， 就係煙未都幾勁。 唔， 冇計， 坐低等咗一陣， 好快吉川先生同埋三位朋友就到咗。 另外一位就比較遲， anyway 六個人食呢間打邊爐， 一人一個鍋， 調味料自己撈， 幾得意， 但係其實我自己同人食飯， 一向都係志在吹水喇， 今日都唔例外。 但係真係有啲壓力，一個人對住五個大學教授級嘅人（唔， 正確嚟講係準教授等）， 不過擔心都係多餘喇， 五個人都好 friendly， 都冇特別問題。 最唔明嘅， 係唔知點解會 mix 咗好多日本語， 英語， 廣東話， 全部炒埋一碟， 諗諗吓， 有啲似頭先拎返嚟嗰碟調味料...
走時同埋其中一位 M 先生一齊， 都係慶大嘅關係， 講咗好多嘢， 或者嚟緊嘅學期會有一啲新嘢都唔出奇...
2009/2/21 (土曜日)
E さんの披露宴
今日係朋友嘅大日子。 一早起咗身， 執好個人之後， 出發去到渋谷嘅セルリアンホテル。 話時話渋谷都可以話係成日嚟， 不過呢個hotel， 仲要係咁高嘅地方真係第一之嚟。
比起其它人應該係早咗少少嚟到喇， 因為要幫手 confirm 一吓部電腦嘛。 一開始就入到去會場， 睇睇個 setting， 試一試機， 冇問題喇， 不過題外話， 其中一個 staff 個樣有啲似短髮版嘅堀江由衣， 唔， 唔， まあいいや。
試完機即管落去下面睇吓見唔見到新娘佢哋。 見係見到喇， 不過滾水淥腳咁都唔得閒傾計。 剩係記得新娘嘅媽咪指住我講咗句“咪小王子嗰個囉”， 唔， 好耐之前去箱根啲相啩？
Anyway 吹唔到水都冇計， 上返去上面其中一間房， 都有啲人到咗， 不過唯一一個識得嘅人遲到， 都冇辦法， 但係見到領事館嘅劉小姐， 總算可以吹吓水， 跟住唔識我嘅人唔知點解認得我部相機囉， 原來係新娘嘅朋友， 知道我今日負責幫手影相嘛... 唔。
之後入席， 同一枱都係新娘嘅朋友同老師， 其中一位吉川先生， 就係自己教廣東話時用那本 textbook 嘅作者喇。 之前都知佢今日會嚟， 不過冇諗到嘅係 －－ 好後生呀。 有啲似我識得 GCOE 入面其中一個同學... 另外坐喺右手邊嘅係新娘嘅同學， 幾有趣嘅兩個人喇！
自己不斷咁負責影相， 另外有時間就當然係食嘢喇， 嘢食嘛， 簡單講句係西式嘅做法加上日式嘅材料， 一個難得一食嘅 fusion， 自己唔係食家唔識多講喇。 唔緊要， 自己睇相啦。
披露宴嘅流程， 同香港嘅有啲出入喇。 一開始新人進場， 跟住新郎新娘各自有位代表（mentor 格嘅人？）致辭， 之後朋友致辭， 祝酒等等， 比起香港那種場合應該係嚴肅少少， 不過都有興鬆嘅場合嘅。
“戲肉”應該係新娘換衫之後喇， 首先播咗兩個人成長嘅片段（同香港式嘅一樣， 不過放咗去中間）， 跟住係新娘俾父母嘅一段說話， 唔。 我諗新娘其實應該練習過唔少次喇， 不過去到正式嘅時候， 真係好難忍到唔喊， 自己隻手雖然㩒住冷冰冰嘅 mouse (幫手 advance 嗰幾張 slide 嘛)， 不過亦都感受到新娘嗰份謝意喇。 心裏其實剩係諗住“頂住呀”， 有啲時候差啲唔記得㩒 mouse 制。 頑張りましたね
食埋個 wedding cake， 總算完成咗個披露宴喇。 之後仲有二次会， 同埋 I くん仲有新識嘅 Z さん一齊去到二次会会場， 好早去到， 冇乜特別嘢做， 坐吓， 吹吓水。 之後另外兩位東大同學 K さん同埋 I さん都到咗， 啱啱坐埋一枱， 唔駛俾成大班 W 大同窗圍剿嘛（真係好鬼驚㗎， 全場得我一個 K 大學生）。 二次会就真係輕輕鬆鬆咁玩咗一餐， 其中有個關係新郎新娘嘅 quiz， 抽人嚟答， 其中一條問題， E さん奇怪嘅日本語， 抽中自己喇， 雖然我都係講埋一啲怪日本語， 不過真係估唔到囉， 估唔到就靠撞， 又俾我撞中喎！ 果然自己都係一個怪人... 哈哈。 結果有禮物收， 4GB USB memory！！ 唔？ 之前好似啱啱先突然收到咋喎。
繼續玩玩， 吹吹水， 又到散席嘅時候喇。 意悠未盡， 五個人去咗附近嘅 cafe 再坐吓。 吹吓水咁囉。 非常好嘅一日。
2009/2/20 (金曜日)
落雨濕濕， 完全失去去 lab 嘅意欲添。 反正都冇乜所謂就偷一日懶喇。 反正過咗聽日之後有排忙。 留喺屋企打機也。
之後夜晚出咗去剪頭髮， 先兩個月之嘛， 就長到唔知點咁， 不過唯獨係呢樣嘢要多謝老豆遺傳， 頭髮應該唔會有乜問題， 好多以前識嘅人， 髮線不斷咁向後， 同自己同齡喎！ 三十都未夠， 咁少頭髮， 真係有啲寂莫（失禮哂.... ）
不過今日真係幾浪費時間， 原因係打機， 升咗嘅 level， 因為 PSP hang 機而冇哂。 唔， 幾個鐘頭心血就咁冇咗... 乜 mood 都冇哂。
2009/2/19 (木曜日)
一朝早去咗朋友度， 幫手 P ちゃん搬屋喇。 佢都幾慘， 本身公司安排咗佢住嘅 apartment， 因為公司唔記得續約， 所以要搬去附近一個地方住三個禮拜， 跟住之後又要搬返去原本個地方嘅隔離屋， 簡單講句就係搵嚟搞。 不過樂觀啲睇， 可以當係執屋嘅。
去到會合個朋友， 之後坐車去佢屋企。 望一望， 好多嘢都執好箱， 不過亦都仲有好多嘢剩囉。 因為係搬去附近， 所以有啲嘢會用手拎， 而拎嘢就係今日要幫手做嘅嘢喇。
整日其實都係悠悠閒閒咁搬， 吹吓水， 呢個人都幾得意喇， 男女之間嘅感情可以話完全係冇， 不過可能最近有少少同病相憐？ 不過又唔係， 總之就可以講好多嘢啦 （雖然係佢講佢嘅嘢比較多）。 結果搬一陣， 坐低悠閒一吓食吓嘢， 又搬一陣， 再悠閒吓咁。 下晝有位佢嘅同事嚟幫手， 一車車咗一堆 pack 好嘅嘢， 都真係算幾好彩喇， 雖然點講都係好人一個， 不過聲都唔聲就開始煲煙呢一點真係大打折扣囉。
夜晚去咗近鋼島嘅トレッサ食飯， 好大個商場， 不過真係人都唔多個囉。 可能係睇時間啩？ 真係唔知， anyway 去咗一間普通嘅和風料理， 過得去啦， 個咖喱烏冬都算係咁。 唔錯喇。
2009/2/18 (水曜日)
返到日本喇
繼續尋日嘅日記。 返到嚟， 落機機未停定時， 見到外面泊咗㗎機， 唔係乜嘢航空公司， 剩係見到寫住「United States of America」， 諗起最近希拉莉好似嚟咗訪問， 唔通就係佢架機？ 都冇乜所謂喇。 架機喺度個人都唔喺度啦。
入國之後， 坐巴士返屋企。 好快就返到屋企喇。 整一大堆嘢之後， 其實都幾眼瞓， 不過之後又去咗學校喇。 點都要返去整理少少嘢吖嘛。 整整整， 跟住突然真係有啲俾人熄總掣嘅感覺， 完全瞓覺 mode。 唔...
醒番之後再做少少嘢， 就準備去同 E さん食飯， 唔， 冇諗到問佢考試啲嘢就好似變咗第二個人咁。 唔， 有時真係要小心啲講嘢囉。 不過都應該冇問題啩？ 禮拜六就係佢嘅披露宴， 跟住仲要搬走， 所以以後都冇咁多機會見喇。 唔。 雖然之後要聯絡都應該唔係問題...
不過話時話， 日本真係凍過香港...
之前同広東語サークル啲人玩時影嘅相， 感觸良多....
2009/2/17 (火曜日)
實質留喺香港嘅最後一日。 其實要做嘅嘢都七七八八喇， 下晝再入一次科大， 今次搵 Gary 食飯喇， 去咗科大嘅茶餐廳， 其實嘢食都唔錯㗎， 不過隔嚟再咗一班大學生， 好鬼嘈囉（理所當然喇， 唔嘈就唔係香港）。 傾計， 有閒情， 亦都有正經嘢。 唔。 講開嚟真係差唔多年年都有嚟搵佢喎。 我都唔記得咁多。
之後買咗少少嘢後周圍行， 先去咗深水涉， 睇吓呢度有乜奇怪電腦嘢係日本唔係咁易買到嘛， 結果都係空手而回。 返屋企執嘢。
話就話執嘢， 都冇乜好執喇。 去買啲嘢做手信。 之後同一個幾新鮮嘅組合食飯： 姻世伯， 姻伯母， 阿媽， 阿哥，家姐， 姐夫， 真係難得嘅一個組合囉。 最衰大姐有事做嚟唔到囉。 本來去樓下食， 不過好似荼樓態度出咗問題， 激走咗親家一家人， 改去屯門碼頭嘅一間新星食， 都幾好食喎！ 唔錯唔錯。 吹吓水， 之後仲有專車送去機場， 再食甜品（おいおい）。
去到機場， 唔， 好早， 冇乜人。 打咗幾個電話吹吓水， 好在機場有 Wifi 可以用。 冇咁悶。
上到機， 最初有個男人坐隔離， 不過因為架機冇乜人， 結果個男人坐咗去第二度， 好好！ 自己一個坐哂。 其實都幾舒服， 打吓機， 食吓嘢， 瞓吓覺， 好快就到羽田機場喇。 天氣絶好， 可以由機上面望到 Landmark Tower 同埋富士山囉！ 香港望遠少少都難....
2009/2/15 (日曜日)
鬼咁夜先瞓， 不過又晨咁早起身， 始終有啲反常喇。 不過都仲撑得住嘅。
朝早乜都冇理。 瞓多咗陣， 廢時諗太多嘢嘛。 差唔多時間， 去到元朗會合朋友， 燒嘢食也。 不過自己真係有啲反常喇。 天色唔係幾對路， 朋友問個 staff 如果落雨點， 個 staff 話
我睇今日應該唔會落雨
跟住無名火起， 即刻駁咗句
而家唔係問你會唔會落雨， 係問你落雨點
講完之後自己都嚇咗一跳， 咁鬼寸都得， 自己都忍受唔到囉。 但係都未夠， 呢啲場地總會有個人賣啤酒， 第一次算， 第二次呢個阿嬸唔記得自己嚟過， 我都唔知點解開口話
你問第二次㗎喇
駛唔駛咁寸呀？？？ 我都真係... 不過一個真係問非所答， 一個真係煩咗少少嘅， 算啦。
之後整體燒嘢食氣氛都算係唔錯喇， 雖然自己其實有唔少時間去咗遊魂， 唔知佢哋有冇發現喇... 都未至於好嚴重， OK 啩？
之後再去飲嘢。 咁又一日喇。 留喺香港嘅日子， 咁又剩低少少...
2009/2/14 (土曜日)
總括嚟講好多事發生嘅一日。 結論嚟講， 要做嘅嘢做咗， 不過唔係開心嘅一日囉。 點都好， 都要接受現實。
飲完茶， 下晝去到尖沙咀會合 H ちゃん同埋 A ちゃん， 去咗美麗華嗰邊試呢個蕃茄麵， 佢哋兩個都覺得幾好食喇。 不過呢個店員真係嘢都唔講多句， 完全冇反應， 唔。 唔理得咁多喇。
之後行去碼頭嗰邊， 中途見到買嘢中嘅 K ちゃん(1)， 真係幾邪門囉。 唔， 唔理咁多， 繼續去行咗陣， 坐低飲嘢之後會合咗家姐， 佢哋兩個係都話要多謝佢張八達通喎。 真係， 唔駛咁着緊嘛。
之後去咗旺角嗰邊， 陪家姐姐夫行咗陣食少少嘢， 去到旺角， 又見到 K ちゃん(2)， 仲買緊嘢... 真係邪到鬼咁。 後來無謂阻住佢哋二人世界啦。 之後本來諗住去尖沙咀再坐船過銅鑼灣， 不過中途撞到 K ちゃん(3)， 第三次喇， 真係奇蹟。 雖然今次明知佢會去信和嗰邊所以撞得到... 但係真係估唔到囉。
結果， 三個人去食情人節餐（？）， 奇奇怪怪， 某程度自己有少少做咗玩具咁。 唔緊要啦。 呢個時間唔係同佢哋一齊嘅話其實真係得個等字， 係咁唔知點咁。 呢個時間有朋友喺身邊真係一種福氣喇。
最後自己一個人去咗銅鑼灣， 等， 都係等唔到， 去到都第二日， 打咗個電話， 結果就經呢個電話講咗要講嘅嘢， 而結論嚟講， 唔係自己想聽嘅答案， 不過係自己預料之內囉。 其實有幾個人都同我提過呢個結果㗎喇， 自己心裏面都知。 不過有啲嘢真係唔講唔得...
心情頗為複雜。 不過都接受到嘅。
2009/2/13 (金曜日)
朝早上網同某 Y さん傾最近嘅問題， 唔， 某程度嚟講觀點都幾得意。 「二人とも天然っぽいところがあるよ」「しっかりしてるでしょ、二人とも」「魂の色が似ている感じ」， 不過講緊另一個人囉。 唔， 天然って..... 選択唔通真係出咗問題？？ 不過有時唔係咁睇㗎嘛。
Anyway 下晝約咗 K ちゃん喺尖沙咀食飯， 其實過咗咁多年我都真係唔覺得佢變過囉。 同佢都仲保持到而家嘅關係真係幾奇， 共通嘅好朋友又唔係多， 差唔多每次見佢都係單獨見面囉。 我都唔明點解㗎。 可能啱 frequency 啦。
食完飯本來諗住去睇赤壁， 但又唔知邊度有上， 結果又去咗九龍公園坐， 打吓日記咁。 中途 A くん早放工， 結果佢又嚟咗， 好悠閒咁坐咗喺公園度。 不過佢就係咁講唔少佢新女朋友嘅嘢囉。 唔， 呢個時候真係幾難聽入耳。 不過冇辦法啦， 佢又唔知我情況嘛（講真真係好少人知）
之後一齊出發去徐 sir 家， 尖沙咀㗎地鐡真係迫到死囉。 好鬼攰， 又焗喎。 anyway 去徐 sir 家前先去咗椰林閣， 唔， 尋日其實啱啱同 P ちゃん去咗囉。 唔緊要啦， 都係食嘢啫。
每次其實都係傾人嘅問題， 唔， 幾得意啦， 教育界嘛。 之後仲講吓飲飲食食， 都真係幾得意㗎， 始終徐 sir 真係人生中入面一個幾特別嘅人， 好多我而家嘅價值觀都係俾佢影響... 同佢傾計， 有時真係可以話係再確定自己嘅諗法嘅一個好重要嘅步驟。
2009/2/12 (木曜日)
今日都冇乜特別嘢做， 朝早同阿姨飲茶， 其實都冇乜特別， 長氣少少囉。 冇乜嘢嘅。 另外返緊工嘅 M くん可以 lunch time 約我去樓下輕鐡車廠會所食 tea（冇錯， 嗰時已經係 tea time 喇）， 都幾悠閒。
跟住返屋企一陣之後， 又出咗去元朗同朋友 P ちゃん食飯， 老實講， 真係奇怪自己喺呢個時候呢個心情同佢食飯囉。 唔。 唔明？ 唔出奇呀， 要理解呢件事實在需要太多背景資料先得喇。
夜晚 A ちゃん幫我問嘅問題， 自己都覺得個答案幾出奇。 我冇諗過完全唔覺囉， 當然亦都有可能係有所隱瞞， 不過係點都唔重要喇。
2009/2/11 (水曜日)
出街寫 report， 真係喺屋企完全集中唔到精神， 但係出到去， 喺㗎巴士到打開部 notebook 都可以做到唔少嘢， 呢個真係連自己都嚇親。 而另外夜晚嘅飯局， 本來 cancel 咗， 但之後又突然有番， 唔， 都好。 Anyway 有段時間要齋等， 結果自己都估唔到， 去咗九龍公園坐低做。 自己都覺得幾得意（雖然有時都會去 MM21 咁做）
夜晚同 A ちゃん傾計， 發現一個幾經人嘅事， 真係幾唔舒服， 有啲唔知點好， 但咁啱呢個時間 P ちゃん突然講佢失戀嘅事， 唔， 呢個時候我都真係唔知可以點幫佢囉
2009/2/10 (火曜日)
繼尋日參觀完中大， 今日到咗嚟自己嘅本場科大參觀。 喺彩虹會合咗之後， 先周圍行一行， 再去中菜廳， 自己都覺得呢度好好食， 環境又好， 佢哋仲要話呢度係“最高の飲茶”喎。 好食我又唔否認， 但有冇咁誇張呢？ 我真係唔太知喇。 不過平靚正就一定走唔甩。
所謂嘅大學 tour， 一路行落去室內泳池隔離嗰個沙灘。 其中一個時間其實係一個 chance， 不過都係講唔出添... 唔。
但今日連續玩咗咁多日， 已經見到佢哋有啲倦意。 結果原本計劃咗嘅行程都係冇實現到。 唔。 冇辦法啦。， 攰嘛。 自己都早啲返去休息吓。
2009/2/9 (月曜日)
朝早去咗 Sくん屋企坐吓， 其實應該係香港嚟講幾普通嘅一個住宅， 不過香港嘅普通好多時就係日本嘅唔普通喇， anyway 有相睇吓我都覺得幾得意囉。
之後中文大學 tour， 自己都係上次 M 君畢業時先嚟過一次， 所以今次都係俾人帶囉。 而家就真係啱啱開學， 所以都幾多學生， anyway 呢間大學對於 H ちゃん同埋 A ちゃん嚟講都好有特別意義喇， 始終嚟過一年 exchange 嘛。 佢哋都幾得意， 比起自己讀咗三年多嘅 W 大， 佢哋話中大比較有感情喎。 Anyway 去吓佢哋一啲以前去過嘅地方， 自己都覺得幾得意囉。
參觀完之後， 夜晚去咗出名沙田雞粥嘅火炭食嘢。 幾個人叫咗唔少嘢食， 好得囉。 喺日本真係冇咗好多好嘢食喇...
2009/2/8 (日曜日)
龍鼓灘燒嘢食， 一行六人。 坐巴士， 之前兩日仲擔心㗎巴士太慢， 不過見佢哋坐巴士咁開心就冇乜所謂啦。 坐吓坐吓去到目的地， 起爐， 個肥仔以為我係日本人。 搞笑。 呢幾個人裏面有人第一次燒嘢食， 同埋燒起上嚟時都有好多嘢可以 comment... 唔， 唔緊要啦， 打天才波嘛。
之後燒得七七八八時上暸望台， 幾靚吖個景， 可以望到去機場嗰邊， 不過呢啲時間都真係醉翁之意喇。 差唔多日落時間， 所以都好靚吓。
解散前， 其中一個朋友八達通增值時食錢， 要用車站個 interphone 求救， 不過住咗香港咁耐都真係第一次用呢個嘢。
後來解散之後去小學同學屋企坐咗陣， 佢隻鸚姆識得剥瓜子... 好驚囉。
2009/2/7 (土曜日)
出到去尖沙咀， 未會合朋友前因為見到啲得意嘢所以拎咗部相機出嚟影， 之後拎住行咗陣有個自稱新咖坡人嘅阿差同我講嘢， 話我今日好好運喎！ 嘩， 咁古典嘅招數都夠膽用， 我就即管同你玩吓， 佢問我邊度嚟， 冇諗到即刻答“日本”， 之後講咗一大輪， 最後叫我拎哂所有錢去祈禱， 嘩， 真係古典到唔古典。 “You kidding me?”， 之後就走鬼咗唔理佢。
Anyway 之後會合咗啲日本朋友團， Hちゃん， 真係好耐冇見喇... 差唔多成兩個月都有... 處理一啲雜務之後， 去旺角飲茶， join 咗一個之前都嚟過嘅朋友 S くん， 吹水吹水。
之後去旺角行咗陣， 食吓糖水就散喇， 開心嘅時間真係過得特別快囉。 不過以為佢哋打算夜晚都一齊， 所以突然吉咗個夜晚出嚟， 於是搵咗 C 君出嚟吹水， 咁啱喺屯門撞見幾個中學同學， 唔。 呢個世界原來真係幾細...
2009/2/6 (金曜日)
聽日就會有朋友過嚟玩， 自己負責帶路嘛， 所以先去探一探路， 順手自己當係周圍行吓。
首先去吓科大， 雖然已經係熟到唔熟， 不過如果濃縮做一日嚟行嘅話， 有時真係唔知點行好。 可以睇嘅嘢又唔算係好多， 不過要行一日都應該唔係問題啩？ 好鬼熱鬧， 呢排憾緊莊， 自己到呢個時候都仲俾人當係學生... 哈哈。 Anyway 一個咁耐冇嚟嘅地方， 始終都感慨良多。
之後去相反方向嘅龍鼓灘， 佢哋話未燒過嘢食嘛， 之前嚟燒過感覺上都好好， 不過今次再去， 首先㗎 K52 行咗唔知幾多個圈先叫出咗蝴蝶灣， 出到去再行一陣先到龍鼓灘。 去到， 感覺上， 唔。 好污糟吓。 大件事， 照唔照嚟好呢？
2009/2/5 (木曜日)
返到香港第一日。 唔記得 set 好個鬧鐘。 唔緊要啦。 早啲起身都好。 不過話係咁話， 尋日始終都太夜， 所以之後都係再瞓過....
下晝本來諗住去 site seeing， 不過咁啱朋友 K 放假， 難得有時間就去咗元朗食 tea， 不過話就話食 tea， 都係吹水多。 吹嘅話題其實都幾深， 關於香港人一啲奇怪嘅價值觀， 唔。 周圍嘅人聽到真係唔知會點諗， 不過都係唔重要喇， 今次覺得大家都發現同一個問題囉。 不過正確啲嚟講， 呢個問題都唔係第一次有人講㗎喇。
講咗好耐， 跟住約咗屋企人食飯， 難得齊人， 仲以為之前發生咗件事之後會冇咗呢餐飯， 但又出奇地有囉。 唔， 不過氣氛就怪怪地咁， 唔可以話好正常囉。 唔......
2009/2/4 (水曜日)
都有諗過吓究竟唔係咁多時間， 去唔去返學校好呢？ 最後都係打消咗呢個念頭喇。 反正都唔會有太多心機做嘢。
呢排返香港都唔多買手信喇。 鬼咁多嘢拎， 廢鬼時啦。 不過反而今次老媽子落 order， 唔拎好似又唔係幾好咁。 唔。 有少少無奈。 結果出一出去買， 順手食飯， 但係最後乜手信都冇買到， 反而搵到個銀包（想搵好鬼耐喇， 不過睇極都睇唔啱， 一係就太貴）。
夜晚由 YCAT 出發去羽田機場， 個國際線真係好鬼近， 五點幾出門口都鬼咁多時間剩。 去到機場， 要再坐程 shuttle bus 去國際線， 去到， 真係懷疑自己係唔係去錯地方， 不過一落車就聽到大大聲嘅廣東話， 就知道自己冇去錯地方啦。
去到， 成班東瀛遊， 有老有少， 一車二車特產， 唔， 唔。 好多人， 唔知幾時先輪到自己 check in， 應該話 check in 其實都好快搞掂， 不過件行李唔知幾時先放得入去。 而且尤其係啲師奶阿伯， 講嘢鬼咁大聲... 唉
唔理咁多， 自己做自己嘢， 上到機， 隔離坐咗位爸爸， 唔， 冇乜特別亦都冇嘢好講。 自己睇咗套戲, Vicky Christina Barcelona ， 正常都唔會揀呢套戲， 不過咁啱之前朋友講開所以睇吓。 唔。 一般啦....
返到香港， 早咗少少， 趕得切架屯門車， 最初都唔知邊度落車好， 諗住近近哋去市中心坐的士， 點知突然話豐景園有得落， 於是行都行到返屋企。
十多日香港生活。 唔。 好好休息一吓先得。
2009/2/3 (火曜日)
聽日返香港， 今日返學校都冇乜特別嘢做， 所以都係抖吓好喇。 去咗同朋友 E さん食飯吹水， 唔， 佢呢排其實真係有排忙， 所以咁都抽時間出嚟真係幾多謝佢喇。 Anyway 今日講咗唔少嘢， 包括一啲秘密嘢咁啦。 不過之後都冇乜咁嘅機會講喇， 佢又唔會喺東京呢邊， 真係有啲可惜， 雖然話有 internet 啫， 不過佢好似又唔多用咁。 唔， 唔。
夜晚基本上就係不斷咁打機， 唔， 尋日買嘅新 game，同埋一路都仲玩緊嘅ディスガイア...
2009/2/2 (月曜日)
戦利品：
テイルズ オブ ザ ワールド レディアント マイソロジー ２
平平常常咁返學校， 不過話時話， 聽日約咗朋友食飯， 今日應該係返香港之前最後一日返學？ 不過都冇乜所謂啦， 反正修士論文同埋卒業論文都完咗， 返到去都唔係嗰隻戰鬥 mode， 所以唔理得咁多， 返去做埋啲手尾佢。
夜晚去 Sofmap 行咗陣， 本來想睇吓個無線 router， 不過都係冇買， 冇乜必要嘛。 帶個 router 返屋企， 再整多個火牛仲好。 唔。 不過行行吓， 發現呢個 TOW2 原來已經出咗， 唔， 真係唔太記得， 不過嘅然出咗， 感覺上佢又佢我買佢喎， 咁， 咁， 唔買都唔得啦... 又破財。 不過其實最近都好似用少咗好多錢買 game 喇， 隻プリニー都仲未買.....
2009/2/1 (日曜日)
下晝基本上都係留喺屋企打吓機咁， 尋日 Download 咗ディスガイア嘅ラスベリル篇， 一共四話， 今日就已經全部玩哂.... orz.. 不過個故事都唔錯啦， 搞笑嘅地方又依然喺度嘛。
之後夜晚出去飲み会， IEEE GOLD 嘅活動， 不過遲咗出門口， 遲到， 仲要搵唔到間舖頭， 最後問人先搞得掂。 不過真係多謝哂， 拎埋個地圖出嚟俾我睇。 Anyway 飲み会算係幾風平浪靜， 遲咗到， 冇辦法之下坐埋一邊。 傾計都好喇， 話時話估唔到好耐冇見嘅 I さん都有到。 有啲意外。
走人時同 I さん同埋另一個人一齊搭火車。 不過搭搭吓個肚突然有啲唔舒服， 中途落車， 好在都算係冇出事.... 唔。 食錯嘢？