2009/5/31 (日曜日)
戦利品：
ハヤテのごとく！キャラクターＣＤ（７，８，１０）
ぼく、オタリーマン 4
瞓到一點幾先起身， 本來諗住今日去 Y150， 不過勢色唔對都係第二日先算。 但係撞鬼， 起身見到鬼咁好天， 即刻洗衫， 洗完之後三點幾， 去食晏， 又去食泰國嘢， 最近幾鍾意去嗰間舖頭囉。
之後行街買嘢， 天色有啲唔對路， 都係返屋企。 唔， 暫時都係未有 Android 嘅消息...
2009/5/30 (土曜日)
尋晚鬼咁夜返屋企， 都未做份 GCOE 嘅 presentation， 撞鬼， 朝早起身係咁做， 本來有啲唔想去打羽毛球（好多人甩底）， 不過都係快快手手趕起份 presentation 走去。
結果得四個人打， 攰到飛起。 不過都好嘅。 尤其係當個對手可以令自己進入忘我境界嘛， 運動呢家嘢， 自己一個做嘅話冇乜耐力就唔想郁， 不過有對手嘅話就算攰都會郁到嘛。
照慣例去食嘢吹水之後， 去渋谷會合一個新朋友， 唔， 正確嚟講係 Pちゃん嘅朋友喇， 電腦壞鬼咗， 問有冇人幫到手， 結果唔知點解就俾人介紹咗（講明在先， 我唔識用 Vista）， 見到呢位新朋友之後， 竟然發現另一個朋友 Wちゃん都介紹咗自己去幫佢手， 問題係我諗 Pちゃん同 Wちゃん應該係唔識㗎囉。 點會同時介紹我俾呢個人識㗎呢？ 雖然又冇乜所謂， 不過真係估你唔到囉。
搵個地方坐底， check 吓部機， 唔， Windows 都開唔到， 不過有啲奇怪， reboot 之後嘅反應同平時唔同， 要完全斷電一段時間先再可以 boot 到部機。 奇怪， 唔似 OS 死嘅問題囉， 好大機會死 hardware， 但係之前冇諗到， 所以冇“架餐”喇， 冇計， 去ビッグカメラ買鑼絲批， 跟住開棺... 呀唔係， 開蓋， 好在有兩條 RAM， 拆一條出嚟， 唔得死機， 換另一條入去， 唔， 正常開到機喇。 不過好鬼慢， 果然係 Vista， 1G 真係用唔到。
之後睇吓附近買唔買到 RAM， 有就有， 不過成萬二円一條， 搵鬼買， kakaku.com check 都係三千樓下。 冇計， 好在呢位朋友都識少少電腦嘢， 某個程度之後可以自己搞掂啩？
唔理， 去食飯， 本來佢話可以食佢餐勁嘅， 不過唔係太好， 結果去咗大戶屋， 其實大戶屋真係幾唔錯， 平靚正， 最重要係禁煙， 喺日本要搵一間完全禁煙嘅舖頭唔係咁易哎嘛。
2009/5/29 (金曜日)
返學校又係唔知自己做乜， 搞掂咗啲廣東話班嘅 script 之後， 就不斷咁同新嘅 opensource radeonhd driver 死過， 冇理由 Ubuntu 得 Gentoo 唔得㗎嘛。 試就試唔好咁多嘢講， 唔， 結果呢， 唔係話 boot 唔到機， 不過好似好鬼易 hang 機囉 。咁落去都唔係辦法， 唔， 慢慢試吓先得。
夜晚嘅廣東話班， 溫咗少少發音嘅嘢之後播黃子華嘅棟篤笑， 不過好似難咗少少， 同埋啲學生唔太明啲笑位咁囉。 唔， 唔， 又真係唔明都唔出奇嘅， 我都唔太明日本嘅お笑い， 所以都冇辦法。
話時話因為種種誤會， 今日本來會參加嘅 M さん以為 cancel 咗所以冇嚟到喇。 哎呀... 冇計啦， 睇下次囉。 不過話時話， 原來呢個 blog 其中一個用途係用嚟學廣東話， 仲要係喺東京唔知邊個地方俾人朗讀.... 冇嘢好講。
2009/5/28 (木曜日)
戦利品：
ハヤテのごとく！キャラクターＣＤ９
返工， 可能因為學期中啦？ ITC 嗰邊好似多咗少少 tricky 嘅問題。 有好多時都唔知可以點解決， 或者咁講， 問題跟本冇解決到， 但用某啲方法去避鬼咗佢囉。
舉個例， 以前都試過㗎喇。 MS Office 有時啲 file 會話 corrupted 咗定唔知點咁， 總之就係開唔到。 幾十頁紙嘅 report 喺哂裏面， 你突然話俾我聽開唔到真係唔知可以搵邉個死過， 呀， 死過都冇用， 唔得就係唔得... 不過呢個時候， 唔知點解同 MS Office 一路都係死對頭嘅 Openoffice， 乜都唔同你 complaint， 幫你開到個 file 喎。 都真係幾諷刺， 喺呢個時候俾幾萬円買嘅 software 都完全唔及免費 download 嘅 software， 真係好想知嗰班人點做嘢㗎囉。
Anyway 除咗有問題嘅時候之外， 基本上都係清閒， 坐吓坐吓， 唔覺意瞓着咗... 咦？ 好似返緊工㗎喎。 唔緊要冇人睇到... (啩？)
2009/5/27 (水曜日)
戦利品：
ハヤテのごとく！キャラクターＣＤ２，１１
朝頭早返到學校， upgrade 部機， 另外都係有啲唔甘心順利 upgrade 唔到 notebook 嘅 kernel version， 真係搵唔到辦法。
結論： 算數喇。 反正唔 upgrade 又唔係有乜 security issue， 講真， 好小事。
不過講開 upgrade， Madu 所以嘅 Ubuntu 前排出咗 9.04， 因為種種理由（主要因為 Matlab）佢又決定 upgrade， 不過新嘅 9.04 一去去到 xorg server 1.6， 鬼整佢個 Ati driver 又跟唔到， 結果用 open source driver， tune 咗一輪， 最初唔係咁順利， 不過兜咗一大個圈之後叫做解決咗個問題。 呼， 自己嘅直覺原來都幾勁....
夜晚， 煲電話粥， 仲要係長途電話粥（講開嚟日本本土嘅電話粥真係未煲過）， 但係長途又唔知點解唔駛錢。 呢個世界就係咁奇怪。 anyway 朋友有問題， 當然兩脇插刀， 結果一傾就傾到四點...
話時話新買嘅 CD， マリアかわいすぎる…「アラアラ おしりが見えている」...
2009/5/26 (火曜日)
朝早做咗陣嘢， 下晝要開研究室 meeting， 嗰陣時真係已經好攰喇。 坐喺笹瀬先生隔離都差啲瞓得着， 真係服咗自己。
完咗 meeting 都四點幾， 喺研究室吹吓水， 做埋啲雜務又差唔多夠時間閃人， 咦？ 乜啲雜務原來用咁鬼多時間㗎咩？
唔， 夜晚返到屋企食埋飯時都已經瞓得着喇。 一瞓就不醒人事...
2009/5/25 (月曜日)
朝早約咗個朋友幫手做一個 interview， 早早去到渋谷（其實都唔係真係好早， 十點左右）， 去到時個朋友已經到咗， 佢加埋另外兩個同學仔， anyway 去上面嘅一間 cafe 坐。 所謂 interview 其實都唔係真係好長， 問嘅問題都係比較 default 嘅問題， 平時都答慣答熟， 到自己嚟講冇乜難度可言， 反而比到佢哋一個自己答得好流利嘅印象！ 另外嘅時間就係不斷咁吹水， 意外哋好傾嘅幾個人。 幾有趣
食完飯返返學校，最有興趣知嘅係 au 嘅新機種有冇 Android， 好在， 冇期望所以都冇失望。 出嗰幾部機真係唔知想點， 係咁話自己防水囉。 老老實實用手提電話咁多年， 好似都未認真試過整濕部機囉。 極其量係落大兩時浸入條褲嗰種 case？ 真係唔知放水有幾大重要性。 最唔老黎嘅係其中兩部機完全係專為右手人而設， 完全冇理到我呢啲左邱嘅人嘅感受囉。
anyway 三點開 panel discussion 嘅 meeting， 真係， COE 永遠都多麻煩嘢， 雖然圍內 P3 吹水都唔錯嘅。 之後 lecture， 做 MC， 本來都冇乜所謂， 四個人 present， 其中三個都超哂時， 真係懷疑佢哋準備咗幾多囉。 就算照讀 slide 我都忍得， 不過對住自己張 slide 哦哦， 唔該你準備吓啦！ 你嘥緊成個課室加加埋埋差唔多四十人嘅時間囉。 真係越嚟越明白 presentation 嘅質素嘅重要性。 如果未 ready， 不如唔好 present 啦唔該！
イラついた！！
2009/5/23 (土曜日)
戦利品
ながされて藍蘭島 初回特装版 １５
返工， 同平時返學咁嘅間冇乜分別， 不啻始終都覺得唔慣喇， 平時禮拜六瞓多少少都冇問題㗎嘛。 Anyway 今日嘅 shift 同平時嘅 partner 唔同， 今日有三個人， 另外兩個見佢哋唔多傾計， 應該都係唔識㗎喇。 自己？ 更加唔識啦。 結果幾個鐘頭都冇乜嘢講， 有啲唔知點好， 冇計啦， 佢哋又鬼咁專心做自己嘢喎。 自己都有 program 要趕住寫嘛。
總之放工， 早早走人返屋企。 始終都幾攰喇。 瞓番夠本先得。
2009/5/22 (金曜日)
撞鬼， 正正常常起身， 食早餐， 飲埋杯咖啡， 仲要洗埋衫， 跟住竟然係呢個情形之下坐喺地下， 叭喺張櫈到瞓着... 乜自己真係咁攰咩？
都要返學， 今日主要都係做番啲 part time 嘅嘢喇。 不過食完飯， 坐喺到時， 唔知幾時又瞓着咗， 其實本來諗住休息一吓， 點知個 timer 冇 set 到， 好在唔係煮餸， 唔係火災都似。 不過剩得做嘢嘅時間真係冇乜幾多剩喇。
夜晚研究室嘅 wine party， 搞錯咗時間搞到遲咗少少去。 都冇乜所謂。 話就話 wine party， 不過自己不嬲都唔飲酒， 所以飲乜都唔覺得有乜分別。 係咁易試咗兩啖咁啦。 跟住其它時間主要都係吹吓水咁。 有好多平時唔會見嘅人嚟咗， 例如同研究室嘅 Sくん嘅太太， 比想像中後生， 同埋英文好過 S くん少少， 跟住仲有一啲以前畢咗業嘅先輩等等， 都唔錯， 同埋一啲平時唔會講嘅嘢都可以講吓。 算係咁啦。
返去 lab， 唔知點解開咗部 wii 玩， 自己冇玩到， 不過見到其它人玩， 都幾得意。
2009/5/21 (木曜日)
今日返工， 不過朝早都叫有少少時間做嘢嘅， 自己其實喺冇乜時間嘅時候就會唔知點解効率其高。 不過比較特別嘅係今次唔係 deadline effect （deadline 早就死鬼哂）， 係自己突然發憤圖強？ 哈哈。 都係嘅， 再唔發憤嘅話唔駛畢業。
返工之前有個 international student 嘅 welcome party， 自己喺度其實都係老鬼喇， 做 wel 乜鬼 come 吖。 不過都係去呃飲呃食， 同埋同啲人吹吓水咁。 不過有好多人真係好似未見過...
返工， 都係坐嘅時間多。 今次第一次同其中一個 TA 合作， 比想像中 active 嘅一個人， 唔。 不過坐到冇雷公咁遠， 所以都好難傾計喇。
2009/5/20 (水曜日)
朝早又試二度寝， 咁落去一年都唔知唔見幾多時間..
冇計， 都要返學， 始終寫 program 好多時都要喺學校先得。 今日其實都靜， 冇乜搔擾。 難得連 GCOE 都冇嘢做嘛。
寫寫吓 program， 又夠鐘出去， 今次開 IEEE GOLD 會， 自己當初話得開始做就好頭好尾喇。 約咗喺渋谷開會。 去好耐冇去嘅 Outback， 話時話， 自從 E さん上次嘅食事会之後都冇嚟過， 都一段時間喇。 唔知佢而家點呢？ 上次收到佢張 postcard 之後諗住寫返封信俾佢， 到而家都未回信， 整鬼... 咁唔得㗎喎。 Anyway 開會， 傾幾件事， 自己嘅 input 其實係唔係咁多呢？ Anyway 有嘅係一個外國人嘅觀點去睇 GOLD 搞嘅活動， 都算係有 input 啩？
2009/5/19 (火曜日)
戦利品：
ハヤテのごとく！ キャラクターＣＤ ６，７
Elisa - Wonder Wind
繼續工作 mode， 尋日先完咗 GCOE 嘅 meeting， 有份 minute 要寫， 問題係有好多時問到啲 technical 嘅問題嘅時候都唔知佢哋講緊乜。 呢個時候就自然要佢哋 input 喇。 今次就試吓用 Google Doc 嚟幫自己， 寫咗個大約之後， 就自動波俾其它人 edit，都算係幾 effective， 好多嘢唔駛自己慢慢諗， 等啲人寫到咁上下時就去修修補補咁。
下晝研究室 meeting， 不過笹瀬先生出咗去， 每位人兄就好求其咁完咗自己嘅 hot topic。 不過都唔係完全冇收獲嘅， 起碼知道咗呢個世界原來有樣嘢叫做 .hta， 係唔係自己真係太耐冇用過 Windows 呢？
夜晚繼續寫 code， 寫到咁上下已經差唔多七點， 可以專心到嘅話自己都有啲驚咗自己。 不過好多時呢個世界冇咁理想喇。
夜晚， 啲時間究竟消失咗喺邊度呢？ 幾個鐘都可以唔知自己做過啲乜嘢嚟.... orz...
2009/5/18 (月曜日)
朝早起身， 都係攰攰地咁， 食咗嘢之後又瞓過。 瞓都還好， 又試發怪夢...
無端端返到去以前嘅屋企。 見到嘅唔係屋企人， 係窗外面一條蛇同埋兩隻貓仔（？！）， 完全處於交戰狀態。 好自然就係咁拍個窗， 希望兩隻貓仔醒水走人。 不過兩隻貓仔冇理。 條蛇就咁撲埋去...
一輪効果音...
最後唔知點解兩隻貓好似走甩咗， 正鬆一口氣時， 發現自己嘅左手俾條蛇咬住... 總算用手指撑住佢個口。 諗緊點算嘅時候， 發現自己右手唔知點解拎住把咬剪， 條蛇又咬住自己唔放喎， 唔... 南無阿彌佗佛...
正想剪落去嘅時候突然鬧鐘响... 乜事...
Anyway 回復正常嘅一日。 返學， 寫 simulation， GCOE lecture， GCOE meeting， 好鬼長， 又要做埋 minute， 最煩係新人嘅 introduction， 明明係 introduction 唔知點解整到好鬼長， 連山中先生都忍唔住要叫停...
2009/5/17 (日曜日)
戦利品：
ハヤテのごとく！ キャラクターＣＤ （１，３，４）
ハヤテのごとく！1 春休ミノ白皇学院ニ、幻ノ三千院ナギヲ見タ byハヤテ
ハヤテのごとく！2 ナギが使い魔!? やっとけ☆世界征服
ハヤテのごとく！3 めざせ情熱クリエーター！ 三千院ナギの流儀
魔法先生ネギま！ ２６
起身都仲係攰攰哋， 不過最大嘅問題係屋企冇糧草， 冇計， 都要出去買。
其實咳嘅時候， 有時食啲刺激嘅嘢都係一件好事。 今次特登去咗食東陰公！ 真係搵自己條命嚟搏... 一來咳， 二來蝦敏感。 唔理咁多， 反正都小病， 以毒攻毒（乜嘢理由...汗）！
食完， 又冇乜事喎真係。 anyway 真係好好食， 跟住去買嘢， 唔， 銀包好似穿咗窿咁。 唔， 唔， 唔理咁多喇。
2009/5/16 (土曜日)
完全死亡嘅一日。 真係諗唔到可以點。 傷風啫， 有冇咁嚴重呀？ anyway 手軟腳軟， 成日都留喺屋企， 機都冇心機打， 唔， 結果就瞓咗成日。
平時不嬲都瞓唔多， 今次一瞓， 瞓得好淺。 結果發咗個怪夢
突然間一班人去咗遠足， 不過莫明奇妙走散咗。 冇辦法之下自己行， 行行吓去咗一個更加奇怪嘅地方， 一個人都冇， 好大嘅森林， 周圍望望， 發現有唔同動物嘅屍體（！）， 好震憾囉。 真係有嘢好講。 當然自己識飛， 不過好攰唔想飛... orz...
諗深一層， 咁多屍體總有佢嘅原因㗎？ 唔對路附近一定有猛獸...
可以去買六合彩， 咁都俾我估中... 有隻怪豹走咗出嚟... !! 唔知點解好大隻囉。
咁可以點？
- 同佢死過？ 真係未死過咩？
- 魔法？ 俾人落咗咒用唔到
- 道具？ 乜都冇帶
- 走佬！ 死人都走啦！
頭先都講過， 雖然識飛， 不過飛得好慢， 咁冇計之下， 唯有利用樹嘅彈力彈自己走， 彈吓彈吓， 叫做攞到個距離， 都差唔多係時候一次過彈遠啲... 就喺呢個時候...
隻嘢喺不知不覺間咬住咗自己唔放 (!!!)
咁可以點？
冇計， 必殺技... 重新 load game ...
Load 完之後又係咁彈， 彈吓彈吓唔知點解彈咗返香港， 本來明明喺日本㗎？
唔， 唔知咁多喇， 有冇人可以話俾我聽個夢講乜呢？
2009/5/15 (金曜日)
尋日其實開始有啲傷風， 今日好似嚴重咗咁， 不過點都要返學校喇， 有好多嘢都未做， 同埋今日有朋友嘅 PhD defense， 咁緊係唔去都唔得㗎啦。
返到學校， 係咁寫 program， 唔， 其實都係寫咗少少， 因為今日唔記得咗準備夜晚嘅廣東話班。 之前都有諗過吓放棄唔教， 不過諗吓諗吓， 都係教多一排睇吓情形點先啦。
朋友嘅 PhD defense， 其實同佢講嘅內容都係一知半解， 不過可以講嘅係， 其它教授都唔算 challenge 都好勁， 當然佢做出嚟嘅 result 好啦。 總之順順利利過咗一大個難關， 之後嘅事就之後先算咯。
夜晚嘅廣東話班， 有一位好耐都冇見過嘅同學， 正確嚟講佢都係嚟過一次咁大把。 講真連佢個樣係點都冇乜印象喇。 不過今日見番都總算認得嘅。
不過上堂同埋做 research 最大嘅分別， 就係上堂自己要不斷咁講嘢喇。 講足兩個鐘， 個喉朧都係頂唔住， 話時話以前都好似試過類似嘅事...
食完飯之後本來都想去飲吓嘢先返屋企， 不過都係頂唔順， 早啲返去抖好啲喇。 咦？ 不過夜晚有想睇嘅電視， 唔可以咁早瞓...
2009/5/14 (木曜日)
撞鬼， 有啲冷親， 應該好少事啩？
返學， 呀， 唔係， 係返工。 返咗學校一陣， 做少少 document work 之後食埋個飯都係時候開工， 都冇時間做 research 嘅嘢（鬼叫自己遲返到學校咩）。
返工時其實四點半之前都有啲雜務， 不過一過咗四點半之後就突然得閒， 過咗 reception 時間嘛。 本來諗住專心做另一份 part time（おいおい）， 不過有個問題阻住咗， 唔知點樣解決先好， 冇計嘅情況下唯有暫時放棄....
結果就無無聊聊咁完咗呢日。 都冇計啦， 唔想㗎嘛。 反正有人工收， 何樂而不為呢？
返到屋企， 食完飯本來諗住小睡一陣， 點知就咁變咗長眠...
2009/5/13 (水曜日)
又試遲起身， 真係有少少撞鬼， 冇計啦， 唔堅持準時瞓覺時就有超過一半機會起唔到身。
Anyway 都要返學， 不斷咁寫 program， 唔， 之前真係寫得冇乜計劃喇， 所以點都要做好啲。 另外有啲時間去咗 lab 坐咗陣， 咁啱笹瀬先生入咗嚟， 結果就吹咗好耐水， 偶然咁樣其實都幾好， 始終係佢先會知道好多學生唔應該知嘅秘密， 亦都係佢先會毫無保留咁講哂出嚟（いいのか先生？！）， 例如最近發生喺自己大學最大件事應該係嚟緊會換塾長， 關於安西先生（註：同 Slamdunk 嗰個冇關係）， 始終自己知嘅都係有限公司喇。 意外地幾有趣。
食完飯之後提早死亡， 但係好快又唔知點解起返身， 唔， 咁嘅生活節奏遲早死咗都唔知乜嘢事。
2009/5/12 (火曜日)
好多時都係唔知點解啲時間會冇鬼咗， 唔， 或者係因為好多時都唔知自己明確要做啲乜嘢先得啦。 例如知道自己要寫論文， 要做 simulation， 不過硬係㭉庂虧大個目標但係唔知點樣入手先好。
用番老本行嘅諗法， 亦即係 software 開発嘅角度好睇嘅話， 都常都係會定 milestone 或者係 version， 有一個比較明確啲嘅 requirement 或者 objective 去做嘢， project 其實都係一樣喇， 而 software development 裏面又有好多 tools 幫手， 咁， 其實呢啲 tools 應該可以幫到自己㗎喎？
於是就突然心血來潮， 裝咗 trac 去試吓管理自己嘅一堆 tasks。
Settings 基本上都唔大問題， 好快就 set 好基本嘢（其它嘢 set 唔 set 都得）， 跟住裝自己嘅 task 寫落去
おおっ。できるじゃん
有趣有趣， 以後就有好多 ticket （task） 等住自己去 close， 有趣有趣， 一個個 ticket 去 close， 睇到自己真係做緊嘢囉。
剩低嘅問題係， 應該係點樣去 define ticket 喇， 暫時唔諗咁多喇， 適当にすればいいじゃん〜〜
2009/5/10 (日曜日)
朝早起身， 差唔多十一點， 十二點要去睇戲， 即刻快快手手準備... 雖然自己未試過因為瞓過龍而遲到， 不過好似成日都趕頭趕命咁...
睇嘅戲係名探偵コナン−漆黒の追跡者， 劇場版已經係第十三集， 同時十三某程度都係一個不吉嘅數字喇。 Anyway 點講都好， 今集劇場版亦都係圍繞黒ずくめ， 劇場版嚟講應該係第二次？ 之前應該係天国へのカウントダウン？ 唔， 唔太記得喇。 每次劇場版嘅 flow 其實都差唔多， 殺人事件 －＞ 解謎 －＞ last scene 嘅 action， 每次嘅 action 都過火咗少少喇（不過又要睇喎）， 今次竟然圍住東都タワー掃射， 最勁嘅係竟然コナン差唔多全弾回避， 仲要擊落架直昇機... 已經唔係一個偵探咁簡單喇（仲要係小學生嘅身體....）
睇完之後去咗中区行咗陣， 本來想搵吓運動用品嘅舖頭， 搵唔到都冇計。 下次先算喇。
返屋企， 話時話好耐冇認真打過掃， 唔， 都係時候做吓嘢喇。
2009/5/9 (土曜日)
羽毛球日， 話時話又開始熱喇。 天氣一熱起上嚟真係好易攰囉。 不過我諗冇食飯嘅問題會大啲囉。 打咗一陣之後就好似成身都冇力咁。 過咗一個鐘之後真係有啲唔想打。
Anyway 慣例去食完嘢之後， 約咗個朋友七點，但又未夠鐘， 唔， 冇計， 因為約咗喺日吉， 就返學校搵個地方坐吓， 打吓機消磨時間， 不過其實自己係會想瞓陣覺囉。 唔。
Anyway 朋友 C 出現， 其實係第一次見， 朋友嘅朋友， 而家喺 KBS （Keio Business School）讀囉。 話時話同 KBS 都幾有緣咁， keep 住有識嘅人喺嗰度... 呢個朋友某程度都同自己有幾多共通點， 話題都算係講唔哂喇。 有趣有趣， 不過 KBS 真係咁忙咩？
2009/5/8 (金曜日)
完咗尋日嘅 PhD forum， 總算可以做返一啲自己應該做嘅 research 嘢， 雖然結果走咗去 tune 電腦同埋 revise paper， 哈哈。 之前一直都冇理太多， 不過部 notebook 如果 boottime 可以快嘅話冇乜理由唔整快佢啫？
結果 tune 咗一啲 boot parameters， 的確快咗喎！ 由本身嘅 45 秒左右去到 30 秒， 33％ 改進喎！ 再玩吓應該可以再短啲， 不過以實用 （i.e. 喺火車裏面 boot up）角度嚟講其實都夠喇。
夜晚廣東話班， 拎咗益力多嘅廣告嚟用， 又幾好用喎。 不過自己近來都冇點留意香港嘅廣告喇， 意外哋都仲有幾多經典嘢， 得閒慢慢睇吓ようつべ都好。 話時話見返幾個近來好少嚟嘅學生， 又突然有返啲鬥志。
話時話今日遇到一啲平時唔太多機會見到嘅嘢：
- 彩虹， 好耐冇見喇。 上廣東話班之前見到一大班人拎部電話出嚟向住青山學院影， 有乜好影呢？ 一望之下就見到好大條彩虹。 話時話真係唔知幾耐冇見過喇。
- 頭破血流。 對上一次已經係上年七月嘅事喇。 今次嗰個人應該係失足跌落電梯啩？ 旁邊有支拐仗， 車站嘅職員都清哂場等救護。 意外真係冇乜好講。
- 給付金嘅申請終於都嚟咗喇。
2009/5/7 (木曜日)
PhD Forum
好耐冇返過學校， 好耐冇見過 Madu， 條友去咗成個月旅行， 真係羡慕死。 Anyway 返到學校基本上就開始食 lunch (....)， 唔， 冇所謂啦， 之後成幾個鐘強制 GCOE... 今次嘅 PhD forum， 又係佢哋搞嘅新玩意， 喺學校借個地方做 poster session， 跟住搵咗一啲校外嘅人嚟， 唔， 目的其實都估到， 就係做啲嘢出嚟俾人睇， 不過感覺上真係好 bubble 囉， 完全係吹出嚟， 出得幾大都好， 入面嗰啲都係空氣...
算， 玩得呢個遊戲就要跟番呢個遊戲嘅規則， 怨又係要做唔怨都係要做， 睇化啲唔鬼好怨咁多喇。 好過之前嘅 poster session， 今次的確有啲比較專門嘅人嚟睇， 總算係有啲得着喇。 都好， 起碼啲時間都唔係白廢。
之後懇親会， 基本上都係自己友圍圈食嘢吹水， 唔， 呢啲場合理論上要同多啲唔同嘅人傾吓計， 不過始終自己都唔係呢種性格， 所以都廢時講咁多喇。
返到屋企， 勁攰...
2009/5/5 (火曜日)
本來諗住同 Madu 去 Y150， 之後順手去食ジンギスカン， 不過， 唔， 唔， 唔， 落雨... 計劃完全炮灰...
冇計。 鬼叫自己天生貴人， 貴人出門招風就緊㗎喇。 冇辦法。 唔。 唯有乖乖地留喺屋企睇書打機啦， 不過自己嘅 golden week 真係過得幾無聊， 差唔多全數都係瞓覺打機同埋睇書， 都好嘅， 有啲書都未睇完， 要清場㗎喇。
2009/5/4 (月曜日)
再唔出街真係會有條屍喺屋企都唔定。 點都好， 食完下晝之後去咗 MM21 視察吓 Y150 個會場， 唔， 認真睇吓， 個會場主要係喺赤レンガ一帶， 仲有山下等等， anyway...
好多人！！！
好多人本身都唔係問題， 喺好多人嘅時候踩住架 MTB 走嚟走去就係問題。 不過有時都覺得自己幾勁， 以行路嘅速度踩單車竟然都仲可以保持到平衡， 話唔定自己其實係一個天才？？ (點解踩單車踩得慢會好難平衡， 可以參考中學嘅物理 angular momentum)
冇計， 返屋企， 繼續廢人生活...
2009/5/3 (日曜日)
好攰， 起身時竟然已經兩點， 自己都覺得幾過份， 算係近來嘅一個新高喇。 Anyway 唔想出街， 成日都喺屋企傻間間咁...
本來其實想去 Y150 個會場睇吓， 不過後來都係懶... 唔。 是但啦。
2009/5/2 (土曜日)
羽毛球日。 Kちゃん帶咗個新朋友嚟， 偶然今日好多人嚟， 而且除咗自己嗰 group 之外仲有其它唔少人， 結果成個場好熱鬧囉。
K ちゃん新帶嚟嘅朋友都幾好傾， 幾多話題可以講喇。 遲啲多啲嚟就好喇。
夜晚突然有閒情走去屋企附近但從未去過嘅地方行。 意外地有幾多舖頭㗎喎。 不過其實目的都係去睇吓附近個體育館， 未嚟過嘛。 都幾大咁喎， 不過做 gym， 唔知點解硬係覺得唔太啱自己咁囉。 不過要多啲做運動就真， 越嚟越覺得自己冇體力喇。