2009/7/31（金曜日）
普普通通嘅一日。 繼續執埋 paper 啲手尾， 應該都 OK 啩？ 本來諗住直接交俾笹瀬先生， 不過佢好似成日都喺度開會， 完全唔見佢喺 office 囉。 冇辦法， 唯有放喺佢 office 裏面等佢慢慢睇 （咁先死....）
anyway 算係搞掂一件事， 突然間想買錄影機， 本來有個 tuner 其實都 OK， 不過而家啲錄影機跌價跌得好誇張， 買一部都唔算太貴， 三萬頭都買到一步， 唔錯唔錯， 結果今日即時走咗去ヨドバシ買（早っ）。 哈哈。 返屋企慢慢 set... 同本來個 tuner 嘅分別， 當然除咗錄影之外就係可以用 HDMI 入 monitor 喇， 冇理由唔用 HDMI 㗎嘛。 畫質同埋其它 data 嘢都好唔同， anyway 最大分別始終都係唔係捱夜睇アニメ喇。
2009/7/30（木曜日）
基本上都係返 ITC 做嘢， 由於已經係暑假， 返個 shift 都唔同咗， 十點至五點， 中間一個鐘頭休息咁囉。 anyway 學生都少咗， 大概都幾悠閒嘅。
下晝食飯時見到 O くん， 聽佢講吓美國領事館拎 visa 嘅奇事， 都幾得意， 可惜要返返去 ITC 所以都冇時間慢慢聽...
2009/7/29（水曜日）
成日都係做嘢， 都幾難埋尾， 份 paper 係咁寫係咁寫， 都唔係簡單喇。 anyway 31 號個 deadline 點都趕唔切喇， 到而家都仲未俾笹瀬先生 check 喎...
2009/7/28（火曜日）
B4 同埋 Master 嘅 presentation. B4 嘅，其實聽完都冇乜用， 唔理太多喇， 自己做嘢好過， 反正咁鬼多人入都入唔到。 自己又有嘢未做完嘛。
Master 嘅 presentation， 首先係自己研究室嘅 K さん， 但係 O 先生（一向都被認為最多嘢問嗰個）竟然遲到， 開始就照開始， 結果好似就冇乜問題喇， 見佢真係好運都鬼咁， anyway 其它人都應該冇乜問題啩？ 順順利利就好囉。
返返七樓， 啲 simulation result 終於都叫搞掂喇， 唔， 係時候 group 埋啲 data 喇， 都算係幾唔錯。
另外朋友介紹嘅 part time， 幫手帶遊學團， 其實遊學團呢樣嘢自己唔係咁肯定， 不過人工幾高， 所以都 OK 啩？ 都係份工啫， 偶然做吓都唔錯。
2009/7/27（月曜日）
返學校做正經嘢， 要嘅 data 終於都算係比較齊喇。 係咁 plot 返好啲 graph， 之後都係行行企企食飯兩味， 呀， 話時話， 本來上個禮拜 set 咗個 ssh reverse tunnel， 之後突然斷鬼咗， 最初仲以為係 timeout， 不過今日問兩問之下終於搵到個兇手喇！ 犯人はお前か！ 真係估唔到喇。
夜晚返屋企前， 經過一間就嚟結業嘅無印， 入去睇吓嘢啦， 之前其實先買咗個枕頭， 今次見大限將至， 全部 50％ off， 入去睇吓， 結果見到個空氣清新機， 唔， 老實講唔知有幾有用， 不過買返去擺吓都好嘛。 有時就係咁， 當減價嘅時候明明唔太需要嘅嘢都會唔經唔覺咁買鬼咗...
2009/7/26（日曜日）
瞓到成隻死豬咁， 不過點都要起身， 約咗好耐冇見嘅 E さん， 四個月喇。 冇計啦， 而家住到去九州， 要去就唔係真係話要好多時間， 不過俾多少少錢香港都去到喇， 所以要去真係會有啲猶疑。 今次佢專程飛過嚟， 當然要聚吓啦。
其實差唔多成日都係吹水， 去到渋谷搵間 Cafe 坐低， 一路講吓近況， 唔， 除咗學校嘅問題（正確嚟講應該係 supervisor）之外， 其它好似都幾好喇， 應該冇乜嘢要擔心啩？ 不過到而家都係唔明點解兩個香港人係都要用日本語嚟傾計囉。 真係冇乜點經大腦就講日本語， 唔知點解。
之後出去行吓， 對佢嚟講好耐冇嚟過嘅渋谷， 本來諗住行去原宿， 結果行吓睇吓嘢結果都冇咗件事。 天氣其實真係好到飛起， 唔出街真係有啲嘥嘅天氣囉。 anyway 好得濟， 有啲想休息吓。 哈哈， 人老咗係咁上下㗎喇。
之後， 超 default 咁去咗アウトバック， 同佢真係成日都嚟呢度喇， 本身都好鐘意呢度嘅氣氛， 可以慢慢坐， 坐得又算舒服。 唔錯唔錯， 繼續吹水， 六點左右佢約咗另一個姊妹， 都係時候徹退喇。 下次見佢， 究竟會係喺九州定東京呢？ 呀， 香港都好大可能....
之後返到屋企， 基本上完全地昏迷... 之前累積嘅多寶獎金真係一次過派彩喇。
2009/7/25（土曜日）
前幾日打完仗嚟， 今日慢慢休息， 直到下晝都係抖。 跟住約咗兩個羽毛球友去荻窪打， 第一次去嘅體育館， 感想？ 好多人， 而且 level 都幾高！ 因為多人得濟， 每隔十五分鐘左右交替咁打， 唔...
夜晚去咗ファミレス食嘢， 理論上禁煙， 不過都係好勁囉陣味。 anyway 係咁吹水， 同埋玩吓 H 君部 DS 嘅 TOEIC， 撞鬼， 答錯唔少問題...
2009/7/24 （金曜日）
IFF 嘅最後一日， 都係冇乜特別嘢做， 生意都真係幾淡薄， 又係同隔離吹吓水咁。 咁樣白人工有時真係唔係幾慣， 冇所謂啦。 個老板都喺度用佢部 iPod touch check 股票..
完場之後清場， 都算清得幾快手， 夜晚約咗食飯， 有啲時間， 同咗隔離 booth 個老細（都係做皮革之類， 理論上係 competitor）去台場行咗陣， 原來嗰個老細以前都嚟過讀日本語， 不過一年左右就返咗去喇。 唔... 話時話台場有隻巨型高達， 離遠望都幾得意嘅， 不過都冇乜興趣慢慢睇。
之後食飯， 會場附近嘅一間居酒屋， 嘢食都算過得去嘅， 不過由於唔係禁煙， 真係幾大問題...
之後再去同幾個 TDC staff 去飲啲嘢， 結果原來其中一個係煙產， 真係估唔到， 最初都唔覺佢有味... 可能 IFF 真係太多煙產所以唔覺啩？ 唔通做 fashion／garment 呢行係多呢啲人？
Anyway 三日嘅 IFF 完哂， 可以大覺瞓喇...
2009/7/23 （木曜日）
戦利品：
ハヤテのごとく！！ キャラクターＣＤ 2nd series 03 マリア
ハヤテのごとく！！ キャラクターＣＤ 2nd series 04 綾崎ハヤテ
第二日趕去 fashion fair， 本來今日都預鬆咗少少時間去， 不過途中買咖啡時， 突然見到有個定期入れ， 點睇都係女子高跌嘅嘢， 左望望右望望， 剩係見到一大班 salary men， 冇計， 自己執去交番， 本來諗住放低就走， 不過偱例都要講番少少 details， 最後問我留唔留聯絡， 等個失主可以多謝我.... 要嚟都哂氣喇， 又唔係乜嘢大件事嘢...
結果都好彩準時去到會場， anyway 其實都冇乜嘢做， 行行企企， 同隔離個 booth 吹吓水， 跟住偶然有啲熟客嚟嘅話就要認真做吓嘢嘅。 不過整體都真係幾得閒。
話時話， 點解我做嘅 part time 大部份都咁得閒㗎呢？？
2009/7/22 （水曜日）
又去ビッグサイト， 前幾日先去完， 不過今日嘅目的就好唔同喇， 接咗個 interpretation 嘅 part time， 上個禮拜接嘅， 反正預咗今日都做唔到乜特別嘢， 搵吓外快好過， 最近用咗唔少錢嘛。
今次嘅傳譯， 真係完全外行。 個 show 係 International Fashion Fair， 自己一向對呢啲嘢冇乜認識， 今次個 booth 仲要係皮草之類嘅嘢， 更加唔知點玩。 anyway 去到報到之後， 見到個 booth 嘅兩個代表， 兩公婆喇， 同之前ギフトショー有少少似， 香港細細間公司加大陸廠， 而家好似好多呢種形式咁。
Setup 好之後寫貓紙， 好在部 google phone 夠好用， 可以即時 check 啲解釋， 唔唔， 原來係咁。 基本上啲英文就咁轉做カタカナ就 OK， 明白明白。
不過題外話， 對住啲應該貴到飛起嘅ミンク， 毫無感覺。 摸落去又真係幾舒服咁， 不過真係值咁多錢咩？ 我又唔覺囉。
anyway 今日嘅工作基本上都係吹水， 有客嚟， 都係熟客， 而且都講到英文， 自己唔駛話做好多嘢， 有時幫手補充幾句咁啦。 另外好多時間都係同其它人傾吓計咁。 咁樣收人工好似唔係幾好意思， 唔， 有時真係唔知啲錢駛喺乜嘢地方㗎囉。
成日就咁過咗， 總體嚟講一般啦。 不過對鞋好似唔係咁舒服， 腳眼好痛， 一除對鞋就冇事， 撞鬼...
返到屋企， 研究吓個 program 可以點... 唔， 加返個 parameter 先。
2009/7/21 （火曜日）
返學校， 同 R 君食飯， 佢就勁， 突然搞掂兩份 paper， 而家好似俾心機學緊日本語咁， 唔， 有趣有趣， 自己都要加多幾分壓力喇。
今個學期最後一個研究室例會， 聽啲 B4 同就快畢業嘅兩個 M2 present， 其實幾多問題， 唔， 盡量俾啲意見啦。 好多打錯字， 乜而家啲電腦唔係好多時都有 spell check 㗎咩？
之後做自己嘢， 唔， 唔， 個 program 依然都係死吓死吓咁， 唔肯定個問題出喺邊， 個 CPU 郁都話吖， idle 喺度乜鬼反應都冇， 點做呀！
唔， 好灰， 算喇， 聽日要做 part time， 轉換吓心情都好， 反正都落唔到筆寫嘢。
2009/7/20 （月曜日）
今日放假， 不過都要做 simulation， 個 simulation 真係 endless， 好大鑊， 幾乎可以肯定趕唔切月底個 deadline， 唉， 估唔到死喺個 simulation 手上。 好在出嚟個 result 都好似唔錯咁。
下晝出去行吓街食吓嘢， 好熱... 本來仲想踩單車去個遠少少嘅地方（部電話有 google map 應該唔會當失路）， 不過咁嘅天氣真係算數喇 。
休息...
2009/7/19 （日曜日）
戦利品：
ハヤテのごとく ２０
羽毛球友 H 君約去玩具展， 反正冇嘢做（正確嚟講係想做都做唔到）， 朝早去到 Big Sight， 死仔遲到（可能係佢朋友遲都唔定喇）， 都冇所謂， 等咗陣囉。 佢兩個朋友， 一個係佢同事， 一個係同事嘅朋友， anyway 等齊人， 出發。
今次玩具展， 一般人都可以入場， 而且唔駛＄＄， 走去逼吓都唔錯。 始終都係玩具展， 勁多細路。 多到有啲唔知點咁。 入到去， 最初有個 booth， 係一啲智力遊戲之類， 有個 puzzle， 有啲難度， 好在都 solve 到， 之後仲有好多變化， 本來都想玩落去， 不過要另外三個人等就唔好啦。 話時話嗰個人識講少少廣東話， 唔算係講得好好， 不過有啲意外囉。
成個玩具展好多個 booths， 最大係 Bandai 同埋 Takara 兩個喇， 入去睇咗唔少嘢， 有啲真係好仔嘅嘢， 而家就真係冇興趣喇， 不過諗返以前用唔少錢買呢啲玩具， 真係幾懷念以前嘅日子。 話時話， 其中 Tamiya 個 booth 度見到啲四驅車， 真係想買返以前唔見咗嗰架返屋企擺都好嘛。
之後再同 H 君坐咗陣， 吹吓水， 又講講近來波友嘅戀愛問題， 哈哈。 未敢樂觀～～
2009/7/18 （土曜日）
羽毛球日。 好鬼多人囉。 自己今日都算係早到， 不過一去到已經有班人衝咗去霸兩個場， 真係幾鬼擺命。 結果剩係拎到當風口個場， 鬼咁大風， 冇計之下唯有叫體育館熄冷氣...
Anyway 開始打， 有兩個新嚟嘅女仔， 打咗聲招呼之後因為太多人佢哋去咗另一度練習， 自己都冇理太多， 不過其中一個人（無謂開名啦）好似跟得好貼囉， 哈哈， 咁出面又真係幾過癮， 之後去 Cafe 都俾我哋狂玩...
之後去咗同 C 君去一間羽毛球舖， 同個老細傾咗幾多嘢， 真係意外地學到唔少嘢囉。 本來塊羽毛球塊都係隨手買， 冇諗到原來都算唔錯嘅一塊拍。 之後都聽到唔有有趣嘢。
見有時間， 再同 C 君吹咗陣水， 認真研究吓羽毛球， 同埋吹其它水， 哈哈， 一致認為我哋個朋友追唔到嗰個女仔喇（種種原因啦）， 雖然都有少少希望我跌眼鏡嘅...
2009/7/17 （金曜日）
返學校畫圖同埋整吓啲濕碎嘢。 Data 始終都未出得哂， 唔知要 simulate 幾多日先得。 冇計， 咁搞法唯有 submit 去普通 journal?
不過話時話， 開始試用 gnuplot 去畫圖， 比起想像中易用咁。 幾好玩。 不過真係玩還玩， 喺部唔係咁 stable (video driver 仲係唔穩定）嘅 T60 玩， 玩得太盡， 死機... 正確嚟講係個 x window 死咗， 其它嘢可以肯定仲郁緊， 不過 x window 死都冇計， 唯有 reboot... simulate 咗幾日嘅 result 就咁冇哂... 好在唔只一部機 simulate 啫....
2009/7/16 （木曜日）
又去捐血， 再對上一次去捐時， 好似同部機唔係好夾搞到血壓跌得好勁， 對上一次正正常常， 但係今次唔知點解又出事囉。 捐捐吓有啲眼瞓， 跟住瞓醒就見到幾個 staff 圍住自己， 好似好大件事咁？ 唔？ 乜事呢？ 的確幾眼瞓但又冇乜嘢吖？ 佢地話血壓又跌咗喎？ 跌咗幾多？ 上壓 116 左右， 比起最初係低咗少少， 不過都唔係問題吖？ 唔 ...
都冇計， 之後照返學校 part time， 正正常常咁， 吹吓水講吓笑打吓機（？？）， 咁又一日。
2009/7/15 （水曜日）
基本上都係努力做嘢。 不過話就話， 好多 result 都未出， 咁都係得個等字， 修修補補咁囉。
話時話尋日有份東大嘅 survey， 本身自己填填填， 填完就算， 不過份嘢係日本語， 有幾個人唔識填， 冇計， 要我嚟譯。 因為唔想對住巴斯光年陣鬼咁臭嘅煙味， 所以決定手寫譯咗份嘢佢， 不過之後先至發現， 原來我好耐冇一次過寫咁多字...
2009/7/14 （火曜日）
冇乜特別， 都係返學校， meeting 同埋寫文， 好在個 simulation result 都算係過得去， 不過到而家都仲未俾笹瀬先生睇。 都唔知過唔過到骨， 雖然個 simulation result 算係咁， 不過 survey 始終都比較弱囉。
夜晚 P ちゃん突然約食飯， 都好， 都有段間冇見過佢， 吹吓水都好， 話時話原來佢冇當過我係男人囉。 姊妹喎... 真係唔知點應佢好。 哈哈
2009/7/13 （月曜日）
掛名 GCOE 嘅活動， 其實係Ｙ先生嘅 lecture 嘅研究所見学， 日立中央研究所... 都好， 起碼今次嘅 topic 終於都同自己有少少關係， 同埋因為朝早呢個 lab tour， 夜晚個 meeting 取消咗。 呼... 不過朝早要去冇雷公咁遠囉。 国分寺都真係未去過， 乜鬼山卡啦地方嚟㗎？ 自己仲要搞錯火車時間， 搭遲咗廿分鐘班車， 結果自己一個人衝入去講堂。 好在有 GPS 呢樣嘢自己先冇當失路....
今次嘅 lab tour 有三個 demo， 分三組輪流睇。 第一個係 PON 嘅 demonstration， 幾得意，自己都冇諗太多點樣實際 implement 呢埋嘢。 之後第二個係 low energy consumption 嘅 router， 知就知佢講乜， 不過呢個真係做唔到乜嘢 demonstration 喇。
第三個同 optical network 冇關， 係用指脈（冇打錯字）嚟做 authentication， 喺日本好多 ATM 都用緊呢個 system， 幾有趣， 用 IR 去 photo 血流， 每個人嘅血管都唔同所以可以做 identification， 而因為係血流嘅關係， 所以俾人斬咗隻手指都唔駛驚（いやいや…）
之後解散之前行咗陣研究所裏面嘅座園， 唔， 正確嚟講係森林？ 香港人好難想像嘅一個地方喇... 點解個森林可以同研究所扯上關係， 都真係諗爆頭都諗唔明...
Anyway 同咗 Madu 同埋 M さん去食 lunch 吹水， 幾好幾好。 返到 lab 都差唔多三點， 乜都做唔到咁濟， 又要上 GCOE lecture， 個 lecture 班友講乜真係唔知， 佢哋其實想 present 啲乜嘢我自己真係諗唔明囉。 哎， 嘥時間， anyway 今個學期今日最後一堂喇， 唔理咁多喇！
返屋企， 繼續 simulation...
2009/7/12 （日曜日）
下晝都係悠悠閒閒咁。 冇乜所謂喇。 data 都仲未 collect 完。
上網 check 自己部電話用咗幾多 packet， 發現已經差唔多去到定額嘅 maxium ， 呢兩日都慳住嚟用， 不過原來係冇意思㗎囉。 唔理咁多喇， 每個月都同你死過 :) 例如出街都走去 gtalk， 死未？
剪頭髮， 都好似好耐冇剪喇。 唔， 今次剪得比較短喇。
2009/7/11 （土曜日）
戦利品：
Get my way
Chasse
朝早起身， 九點半， 大鑊！ part time 遲到... 即係執個人出去。 本來都唔係遲好多， 不過架特急去到菊名時， 顧住玩部新電話， 唔記得落車.... 結果去到武蔵小杉先可以落車...
返到 ITC， 得一個 TA， 唔。 冇所謂喇。 反正都冇乜嘢做。 基本上亦都係和平嘅一日。 不過中途有條友好唔似交唔切功課， 走嚟問， HTML 嘅嘢， encoding 估唔到到而家都係問題喇。 不過功課嘅嘢就唔幫得佢咁多喇。 唔... 安息喇。
之後都係返屋企慢慢玩部新玩具....
2009/7/10 （金曜日）
戦利品：
七転八起至上主義
ハヤテのごとく
朝早第一件事， 當然就係去 Docomo shop 換電話喇！ 之前 reserve 咗， 所以去到之後基本上就係手續咁大把。 不過都差唔多整咗成個鐘先做完， 有兩個人 serve 自己， 不過其中一個基本上研修中， 所以有啲 common sense 真係唔係好得咁。 MNP （帶 number 轉台）嘅情況下竟然叫我揀 number... anyway 其實基本上都係好 high 嘅狀態喇。
買咗部機之後， anyway turn off 咗個 auto sync， 慢慢試。
之後同 Madu 同埋佢老婆食飯， 本來都好地地， 隔離枱突然嚟咗幾個煙產， 整鬼... 乜嘢食嘢 mood 都冇哂。
下晝本來都係做嘢， 不過有件咁好玩嘅新玩具， 都係集中唔到精神喇。 唔。 返屋企係咁 download application 試...
2009/7/9 （木曜日）
戦利品：
音のない夜空に／木の芽風
Proof
比較和平嘅一日。 朝早返學校繼續睇個 simulation， 冇乜大問題， 仲要啲時間 run 先知 OK 唔 OK， 唔諗咁多喇， 未有結果都要寫㗎喇。
之後食完飯， 又有特別講義， 內容真係唔知佢講乜， physical layer security 係唔係真係咁重要呢？ 不過研究嘅嘢， 有 idea 就得， 實唔實用就係另一回事。 最麻煩嘅係撞正自己返 part time 嘅時間。 真係
anyway 完咗 lecture 之後返 part time， 基本上都係和平嘅一日。 下晝同 T さん傾開 Android phone， 講到有啲 high 。 聽日就可以去買喇！
2009/7/8 (水曜日)
終於忍唔住停咗個 simulation， 有啲嘢越諗越唔對路， 個 simulation 係咁 run， 唔知 run 到幾時， 起碼都加返啲 code 等自己知道個 progress 都好嘛。 結果原來個 simulation 都真係要幾多時間去 run...
其它時間雖然都叫做寫吓論文， 不過都係心掛掛個 simulation result， 好難認真做囉。 唔， 結果好似有啲浪費時間。
夜晚本來都想寫吓文， 點知就係呢啲時間就特別多外來嘅打擾... 唔理得咁多。
2009/7/7 (火曜日)
一早返到學校做啲 document works， 跟住去 KLL 嘅研究助成金嘅說明會， 其實都冇乜特別嘢要聽， 結果都係同其它人吹水， 講吓用呢筆錢買啲乜嘢好。 講真上年買咗 notebook， 今年冇特別需要再買囉。 唔。
之後研究室 meeting， doctor 學生嘅 presentation， 話時話呢個學期嘅 presentation 今次都真係第一次， 成日話人啲 presentation 唔好， 今次終於輪到自己。 始終唔可以客觀睇到自己嘅表現， 好難話好定唔好， 不過 present 完之後自己都有啲滿足嘅感覺囉， 我諗某程度都算係做得唔錯啩？
不過自己又真係搞笑， 用日本語做咗少少 intro 之後， 聲稱用英文繼續之後嘅 present， 唔知點解講講吓講咗日本語， 仲要係過咗可能成分鐘之後先發覺。 死火... 唔怪得之前俾人話「天然」， anyway 諗住轉返用英文講時， 突然唔識講英文， 呆咗三秒鐘之後先轉得返 channel， anyway 最後嘅反應都算 OK 啩？
まあ、anyway 完咗就 OK， 睇見 Madu 嘅 present 都做得幾好， 另外 A さん嗰個都幾好， 但係 S さん同埋巴斯光年嗰個真係慘不忍睹... 算， 唔關自己事...
呢件雜務都算搞掂， 之後剩得嘅就係砌份 paper... 七月希望趕得切啦
2009/7/6 (月曜日)
個 simulation 依然未 run 完， 有啲後悔自己點解咁豪一次過 set 一千個 run， 仲要每個 run 有十幾 set... 唔， 開始咗都冇計， 唯有等囉。
返到學校時竟然見到好耐冇見嘅 R くん， 咁耐冇見真係以為佢死咗（講笑）， 結果就傾咗好耐計， 近況都仲 OK 啦， 應該唔駛擔心啩？
之後都係做吓 document work 同埋寫少少 paper 嘢， 下晝又有 GCOE lecture， 今堂 GCOE 寫問卷， 自己都真係豪不留情係咁插， 完全唔留力， 俾同研究室嘅 A さん睇佢都覺得寫得激... 哈哈。 識我嘅人都知呢啲情況一向我都唔會留力㗎喇， 咁啲 lecture 好多時真係好搵笨嘛。
夜晚約咗 M さん Madu 同埋 P くん去食嘢， 名目上係興祝 M さん順利發表完， 其實都係搵個理由出嚟食嘢喇， 不過話時話呢班人見就見得多， 晚飯就真係好少一齊食。 除咗研究室懇親会之類真係冇幾可。 Madu 就差唔多每日返學都同佢食晏所以都冇乜所謂， 其它人就真係比較少可囉。 好 enjoyable 嘅一日。 ありがとう
2009/7/5 (日曜日)
ダメ人間。 瞓到下晝先起身， 跟住都係 enjoy 清閒嘅時間（個 simulation 依然不斷咁 run 緊）， 出去食嘢， 買啲日用品， 諗起洗完啲衫唔記得掛出去， 唔....
話時話夜晚唔記得未做好個 presentation， 唔， 做埋佢先， 反正今日都冇乜特別 animation 要睇...
2009/7/4 (土曜日)
羽毛球日， 尋日到手嘅新羽毛球袋今日即刻可以用， 大大個雖然幾阻訂， 不過勝在方便嘛， 之前一個 back-bag 唔係話唔好， 不過始終太細同埋擠唔到塊拍嘛...
今日青一色麻甩佬， 都好， 好多時都唔駛留力， 不過自己喺呢班人裏面都不過係中間左右， 都冇話留唔留力喇。
之後都係冇乜特別， 吹吓水咁。 冇乜特別。 個 simulation 依然不斷咁 run... 冇計， 瞓吓覺先算。
2009/7/3 (金曜日)
朝早本來都冇乜嘢， 搭車時個人靜咗落嚟， 跟住就唔知點解開始諗換電話， 等多三個禮拜吖？ 定係俾一萬円提早解約。 車程十分鐘多啲， 諗諗諗， 出咗車站之後就去咗ドコモショップ， 問咗一大輪嘢之後就 reserve 咗部電話。 一個禮拜之後...
之後去研究室吹吓水， 平平靜靜嘅一日。 不過平靜過後， 夜晚發現個 algorithm 好似有少少問題... 唔... 點算...
話時話禮拜日買嗰個羽毛球袋到手喇， 比自己想像中大少少， 幾方便咁。 聽日即刻可以用喇＼(≧∀≦)／
2009/7/2 (木曜日)
和平嘅一日。 朝早去咗捐血， 講開嚟上個月去嗰時出咗啲問題搞到中途中止。 今次捐血中心啲人都俾多兩錢注意， 總而言之今次捐算就好順利冇問題發生啦。
之後返學校啲時間唔湯唔水咁， 冇辦法之下都係悠悠閒閒咁， 點解唔湯唔水， 就係因為個 GCOE 嘅 lecture， 真係唔知為乜要上個 lecture， 講啲嘢同上年一模一樣， 而且再用自己一向 criticizing 嘅眼光， 個 presentation 真係差得離譜， 唔單止自己係咁諗， lab mate Ａさん都話“視力測試？”， 可想而之啲 slide 幾離譜， 而且為咗呢個咁嘅 special lecture， 請咗三個鐘頭 part time 假， 真係貼錢買難受。
之後 ITC 嘅 duty 一如平時， 和和平平， 中途有個人改咗個 login script， 結果個 path variable 亂咗， 一問之下竟然係山中研嘅 O 先生教得唔清唔楚... 估佢唔到囉。
2009/7/1 (水曜日)
Firefox 3.5 released
上年差唔多時間 Firefox 出咗 3.0， 今日新嘅 Firefox 3.5 嘅正式版終於都出咗喇！ Gentoo 嘅 portage 好快就 available， 雖然 hard mask 不過照去！ 唔， 好似有啲問題， Flash 嘅 plugin 唔係好 work 咁， 唔理， 夜晚返嚟先算。
之後都係寫 code， 算係幾快手寫完， 都好， 可以等部電腦慢慢 run 個 simulation。 結果又係準備個 tutorial， 其實唔駛太認真準備都得， 不過難得自己有興趣嘅一個 topic， 當係溫吓書都好嘛。
基本上平靜嘅一日， 返到屋企再試裝一次 Firefox， 冇大問題， 正確嚟講應該話幾順， 最近自己用嘅 software 真係一個 version 比一個 version 優秀， 唔似得好似某 M 記咁越出越差...